آج کی اہم خبریں**ABD NEWS*

*آج کی اہم خبریں*

*ABD NEWS*

*٣محرم الحرام ١٤٤٣ھ*

*13/08/2021*(اردو اخبار دنیا)

*مانسون اجلاس میں جمہوریت کا قتل ہوا ، اپوزیشن کا مرکز پر حملہ ،متعدد‌ امور پر پارلیمان کے باہر مارچ*

واضح ہوکہ نیوز رپورٹ سے ملی جانکاری کے مطابق اپوزیشن جماعتوں کے ارکان پارلیمنٹ نے کسان مخالف تینوں زرعی قوانین منسوخ کرنے اور کئ دیگر مسائل کے خلاف احتجاج کیا ،تقریبا 15 اپوزیشن جماعتوں کے رہنماؤں نے پارلیمنٹ ہاؤس سے وجۓ چوک تک مارچ کیا ،مارچ کی قیادت راہل گاندھی نے کی ،مارچ کے بعد مسٹر گاندھی نے صحافیوں کو بتایا کہ پارلیمنٹ کے اجلاس کے دوران جمہوریت کا قتل کیا گیا ،اپوزیشن جماعت پیگاسس جاسوسی اسیکنڈل ،کسانوں کے مسائل اور دیکر مسائل پر بات کرنا چاہتی تھی لیکن حکومت نے اس کی اجازت نہیں دی

•••••••••••••••••••••••••••••••••

*اپوزیشن نے سرکارکوکام کرنے نہیں دیا،حکومت کے دفاع میں سات مرکزی وزراء اترے*

واضح ہوکہ نیوز رپورٹ سے ملی جانکاری کے مطابق اپوزیشن کودھمکی آمیزرویے کے لیے معافی مانگنی چاہیے ، جس کے لیے پارلیمنٹ کا مانسون سیشن مقررہ تاریخ سے دو دن پہلے ختم کرنے پرمجبور ہوئے ہیں۔ حکومت نے جمعرات کویہ بات کہی ہے۔ مرکزی حکومت کے سات وزراء، اس مسئلے کے لیے پیش ہوئے ،انھوں نے اپوزیشن جماعتوں کے ان الزامات کی سختی سے تردیدکی ہے کہ باہر کے لوگ جو پارلیمنٹ کی سیکورٹی کا حصہ نہیں تھے ،اپوزیشن لیڈروں بشمول خواتین ارکان پارلیمنٹ کے ساتھ بدسلوکی کرنے کے لیے لائے گئے۔ انہوں نے انارکی کواپوزیشن کا ایجنڈا قرار دیا۔ حکومت کی جانب سے کہاگیاہے کہ ہنگامہ آرائی کے ساتھ ساتھ وزراء کے بیانات بھی پھاڑے گئے۔ مرکزی وزیر انوراگ ٹھاکر نے کہاہے کہ مانسون سیشن میں اپوزیشن کا واحد ایجنڈا سڑکوں سے پارلیمنٹ تک انتشار پیدا کرنا تھا۔ جو بھی ہوا ، یہ شرمناک تھا۔ انہوں نے کہاہے کہ ملک کے عوام نے حکومت کو ایک ڈیوٹی دی ہے ، یعنی ان کے مسائل حل کرنا ہے ، لیکن ہم سب نے دیکھا کہ اپوزیشن نے کیسے پارلیمنٹ کو کام نہیں کرنے دیا۔ مگرمچھ کے آنسوبہانے کے بجائے اپوزیشن کو شرم آنی چاہیے اور ملک کے لوگوں سے معافی مانگنی چاہیے

•••••••••••••••••••••••••••••••••

*مار کھانے والے باپ کو بچانے کے لیے لپٹی رہی بچی ،لیکن مشتعل ہجوم کو نہیں آیا رحم، لگوائے 'جئے شری رام' کے نعرے*

واضح ہو کہ نیوز ادارہ این ڈی ٹی وی کی رپورٹ کے مطابق اترپردیش کے کانپور میں جھگڑا شروع ہو گیا تھا ، جس میں مشتعل ہجوم نے ایک رکشہ ڈرائیور کو مارتے ہوئے جے شری رام کے نعرے لگوائے کانپور کی ایک بستی میں دو پڑوسی قریشا اور رانی کے میں گاڑی کو لیکر تنازعہ شروع ہوا پھر بجرنگ دل اس معاملے میں آیا اور کل وہاں جا کر مظاہرہ کیا۔  اس معاملے میں اس کی بیٹی اپنے باپ کو مار پیٹ سے بچانے کے لیے روتی رہی ، لیکن جن لوگوں نے مذہب کے نام پر یہ کیا ان کو اس پر رحم نہیں آیا۔  خاص بات یہ ہے کہ مار کھانے والے افسار کے خلاف کوئی الزام نہیں ہے اور نہ ہی اس کے خلاف کوئی ایف آئی آر ہے۔

•••••••••••••••••••••••••••••••••

*راجستھان:یکم ستمبر سے کھلیں گے اسکول اور کالج،شرط کے ساتھ حکومت نے دی اجازت*

واضح ہو کہ نیوز رپورٹ سے ملی جانکاری کے مطابق  راجستھان حکومت نے ریاست میں نوویں سے بارہویں جماعت تک 50 فیصد صلاحیت کے ساتھ نجی اور سرکاری اسکول ، یونیورسٹیاں ، کوچنگ انسٹی ٹیوٹ یکم ستمبر سے کھولنے کا فیصلہ کیا ہے۔  وزیر اعلیٰ اشوک گہلوت نے ریاست کے تعلیمی اداروں میں تدریسی سرگرمیاں شروع کرنے کے لیے وزراء کے گروپ کی سفارشات کو منظوری دے دی ہے۔ اسکولوں میں کلاس 1 سے 8 تک کی باقاعدہ تدریسی سرگرمیاں صرف آن لائن موڈ کے ذریعے جاری رہیں گی  محکمہ داخلہ کی طرف سے جاری ہدایات کے مطابق ، ریاست کے تمام کوچنگ انسٹی ٹیوٹ یکم ستمبر سے 50 فیصد صلاحیت کے ساتھ چل  سکیں گے ، اس شرط کے ساتھ کہ ان کے تعلیمی اور غیر تعلیمی عملے نے ویکسین کی دونوں خوراکیں لیں ہوں

•••••••••••••••••••••••••••••••••

*جمہوریت کا گلا گھونٹنے میں حکومت کا ساتھ دے رہا ہے ٹویٹر:پرینکا گاندھی*

واضح ہو کہ نیوز رپورٹ سے ملی جانکاری کے مطابق کانگریس کی جنرل سکریٹری پرینکا گاندھی واڈرا نے جمعرات کو امریکی مائیکروبلاگنگ پلیٹ فارم پر پارٹی اور اس کے کئی اہم رہنماؤں کے ٹوئٹر اکاونٹس کی بندش پر یہ الزام لگایا کہ ٹوئٹر بھارت کی جمہوریت کو گھٹانے میں بی جے پی حکومت کی حمایت کر رہا ہے  انہوں نے ٹویٹ کیا ، 'کیا ٹویٹر کانگریس رہنماؤں کے اکاؤنٹس معطل کرنے کی اپنی پالیسی پر عمل پیرا ہے یا مودی حکومت کی پالیسی پر؟  انھوں نے شیڈولڈ کاسٹ کمیشن کا ٹوئٹر اکاؤنٹ کیوں بند نہیں کیا جب اس نے وہی تصاویر ٹویٹ کی تھیں جو ہمارے ایک لیڈر نے کی تھیں۔ٹویٹر کانگریس رہنماؤن کا اکاونٹ بند کرکے جمہوریت کا گلا گھونٹنے میں حکومت کی کی مدد کر رہا ہے

•••••••••••••••••••••••••••••••••

*کانگریس لیڈروں کے ٹوئٹر اکاؤنٹس کو لاک کرنے کے بارے میں سچن پائلٹ نے کہا۔۔۔۔۔۔۔۔ا*

واضح ہو کہ نیوز رپورٹ سے ملی جانکاری کے مطابق راجستھان کے سابق ڈپٹی چیف منسٹر سچن پائلٹ نے کانگریس پارٹی اور اس کے رہنماؤں کے ٹوئٹر اکاؤنٹس کو لاک کرنے کو آزادی اظہار پر حملہ قرار دیا ہے پائلٹ نے کہا کہ ان چالوں کے بعد بھی پارٹی انصاف کے لیے آواز بلند کرتی رہے گی ٹویٹ کرتے ہوئے سچن پائلٹ نے راہل گاندھی اور اب کانگریس پارٹی تنظیم کے جنرل سکریٹری کے سی وینوگوپال چیف ترجمان رندیپ سرجے والا جنرل سکریٹری اجے ماکن مہیلا کانگریس کی صدر سشمیتا دیو کے ٹوئٹر اکاؤنٹس کو لاک کرنے کا ذکر کیا انہوں نے کہا کہ ان کے ٹوئٹر اکاؤنٹس کو بند کرنا جمہوریت اور اظہار رائے کی آزادی پر حملہ ہے ان کارناموں کے بعد بھی ہم انصاف اور عوامی مفاد کے لیے آواز اٹھانا نہیں چھوڑیں گے۔

•••••••••••••••••••••••••••••••••

*انتخابی مہم میں پلاسٹک پر پابندی کے قوانین کب لائے جائیں گے؟  سپریم کورٹ نے مرکز سے پوچھا*

واضح ہوکہ نیوز رپورٹ سے ملی جانکاری کے مطابق انتخابی مہم میں پلاسٹک کے استعمال کے خلاف دائر درخواست کی سماعت کرتے ہوئے سپریم کورٹ نے کہا کہ توقع ہے کہ مرکزی حکومت انتخابی مہم میں پلاسٹک پر پابندی کے لیے جلد ہی قوانین لائے گی۔ وہیں دوسری جانب مرکز کی جانب سے پیش ایڈیشنل سالیسیٹر جنرل (اے ایس جی) ایشوریا بھاٹی نے عدالت کو بتایا کہ وزارت جنگلات اور ماحولیات (ایم او ای ایف) نے مارچ 2021 میں ایک مسودہ نوٹیفکیشن تیار کیا ہے ، جس کے مطابق 100 مائیکرون سے کم پیویسی سمیت پلاسٹک پر پابندی ہوگی۔ اے ایس جی نے عدالت کو بتایا کہ یہ مسودہ پبلک کیا گیا ہے اور اس حوالے سے ایڈوائزری بھی جاری کی گئی ہے ، لیکن درخواست گزار نے کہا کہ ایڈوائزری کافی نہیں ہے،درخواست گزار نے کہا کہ پلاسٹک کی پابندی کو انتخابی ضابطہ اخلاق میں شامل کیا جائے۔  سپریم کورٹ 8 ہفتوں کے بعد اس معاملے کی دوبارہ سماعت کرے گی۔

•••••••••••••••••••••••••••••••••

*پیگاسس معاملہ: بنگال حکومت کے قائم کردہ کمیشن آف انکوائری کے خلاف سپریم کورٹ میں پٹیشن دائر*

واضح ہوکہ نیوز رپورٹ سے ملی جانکاری کے مطابق پیگاسس جاسوسی کیس کے حوالے سے مغربی بنگال حکومت کی طرف سے تشکیل کردہ کمیشن آف انکوائری کا معاملہ سپریم کورٹ تک پہنچ گیا ہے۔  ایک غیر سرکاری تنظیم (این جی او) گلوبل ولیج فاؤنڈیشن نے اس مسئلے پر سپریم کورٹ میں ایک درخواست دائر کی ہے اور مغربی بنگال حکومت کے 27 جولائی کے نوٹیفکیشن کو منسوخ کرنے کا مطالبہ کیا ہے۔  درخواست میں کہا گیا کہ جب سپریم کورٹ خود اس معاملے کی سماعت کر رہی ہے تو کمیشن کیوں تشکیل دیا گیا؟  اس میں کمیشن کی تحقیقات کو روکنے کا مطالبہ بھی کیا گیا ہے۔

•••••••••••••••••••••••••••••••••

*اترپردیش کے 24 اضلاع کے 600 سے زائد گاؤں سیلاب سے متاثر، حمیر پور-باندہ-جالون میں سیلاب کا سب سے زیادہ اثر*

 واضح ہوکہ نیوز رپورٹ سے ملی جانکاری کے مطابق اترپردیش کے 24 اضلاع کے 605 گاؤں سیلاب سے متاثر ہیں۔  ہمیر پور ، بانداہ اور جالون جنوبی اتر پردیش کے سب سے زیادہ متاثرہ اضلاع ہیں ، جہاں سیلاب تباہی مچا رہا ہے۔  وسطی اتر پردیش کے ضلع ایٹاوا میں 67 دیہات سیلاب سے لڑ رہے ہیں۔  اتر پردیش کے 110 گاؤں باہر سے مکمل طور پر منقطع ہوچکے ہیں۔  پریاگ راج ، غازی پور اور بلیاں میں گنگا خطرے کے نشان سے اوپر بہہ رہی ہے۔  جمنا بھی پانچ مقامات پر خطرے کے نشان سے اوپر بہہ رہی ہے۔

•••••••••••••••••••••••••••••••••

*سونیا گاندھی نے اپوزیشن لیڈروں کی میٹنگ بلائی ،اتحادکومضبوط کرنے پرتوجہ*

واضح ہوکہ نیوز رپورٹ سے ملی جانکاری کے مطابق کانگریس صدر سونیا گاندھی نے مغربی بنگال کی وزیراعلیٰ ممتا بنرجی ، مہاراشٹرکے وزیراعلیٰ ادھو ٹھاکرے اور دیگر وزرائے اعلیٰ اور اپوزیشن جماعتوں کے رہنماؤں کو ورچوئل میٹنگ کے لیے مدعوکیاہے۔ اس میٹنگ میں پارلیمنٹ میں مرکزی حکومت کے خلاف اپوزیشن جماعتوں کی مظاہرہ کردہ یکجہتی کومزیدمضبوط بنانے پربحث ہوگی۔بنگال اور مہاراشٹر کے وزرائے اعلیٰ کے علاوہ کانگریس صدر نے این سی پی کے سربراہ شرد پوار ، تمل ناڈو کے وزیر اعلیٰ ایم کے اسٹالن اور جھارکھنڈ کے وزیر اعلیٰ ہیمنت سورین کو بھی 20 اگست کو ہونے والی ورچوئل میٹنگ میں مدعوکیاہے۔ آن لائن بات چیت ممکنہ طور پر دہلی میں ظہرانے یا عشائیہ کی منزل طے کرے گی جس کی کانگریس منصوبہ بندی کر رہی ہے

•••••••••••••••••••••••••••••••••

*راہل گاندھی سمیت کانگریس لیڈروں کے اکاؤنٹ معطل کرنے پر ٹویٹر کا بیان*

واضح ہوکہ نیوز رپورٹ سے ملی جانکاری کے مطابق راہل گاندھی اورکانگریس لیڈروں کے اکاؤنٹ معطل کرنے پرٹویٹرکابیان سامنے آیا ہے۔ ٹویٹر نے تحریری بیان دیتے ہوئے اُس پرلگائے جارہے جانبداری کے الزام کو مسترد کیا ہے۔ٹویٹر نے لکھا ہےٹویٹر کے قواعد ہماری سروس پر موجود ہر ایک کے لیے عدل اور غیر جانبداری سے نافذ کیے جاتے ہیں۔ ہم نے کئی سو ٹویٹس پر فعال کاروائی کی ہے۔ دہلی کینٹ میں مبینہ عصمت ریزی وقتل کے متاثرین سے راہل کی ملاقات کا ذکر کرتے ہوئے ٹویٹر نے لکھا کہ جنہوں نے ایک ایسی تصویر شائع کی ہے جس نے ہمارے قواعد کی خلاف ورزی کی ہے اورہم نے ہمارے نفاذ کے اختیارات کی حد کے مطابق اس کے خلاف کاروائی کی ہے۔

•••••••••••••••••••••••••••••••••

*دہلی ہائی کورٹ نے مرکزی حکومت کو دی ڈیڈلائن، 30 ستمبر تک قومی اقلیتی کمیشن کے خالی عہدوں کو بھرنے کی ہدایت*

واضح ہوکہ نیوز رپورٹ سے ملی جانکاری کے مطابق دہلی ہائی کورٹ نے مرکزی حکومت سے کہا ہے کہ قومی اقلیتی کمیشن کے سبھی خالی عہدوں کو 30 ستمبر تک بھرا جائے ۔ دہلی ہائی کورٹ نے قومی اقلیتی کمیشن میں خالی سبھی عہدوں کو بھرنے کیلئے مرکزی حکومت کو دی گئی میعاد کو دو مہینے کیلئے مزید بڑھادیا ہے ۔ ہائی کورٹ نے حکم دیا کہ کارروائی 30 ستمبر تک پوری کرلی جائے گا ۔اس سے پہلے 31 جولائی تک کارروائی پوری کرنے کی ہدایت دی گئی تھی ۔ مرکز نے ایک درخواست دائر کرکے عدالت سے اپیل کی تھی کہ یہ میعاد تین ماہ کیلئے بڑھادی جائے ۔ اس کے بعد عدالت نے میعاد کو مزید دو ماہ بڑھانے کا حکم دیا ۔ عدالت نے کہا کہ میعاد بڑھانے کی درخواست کو منظوری دی جاتی ہے اور اس کو 30 ستمبر تک کیلئے بڑھایا جاتا ہے ۔

•••••••••••••••••••••••••••••••••

*پٹرول اور ڈیزل کی قیمتیں مسلسل 26 ویں دن بھی مستحکم*

واضح ہوکہ نیوز رپورٹ سے ملی جانکاری کے مطابق  الاقوامی مارکیٹ میں خام تیل کی قیمتوں میں اضافے کے باوجود مقامی مارکیٹ میں پٹرول اور ڈیزل کی قیمتیں مستحکم رہیں۔ یہ بات قابل غور ہے کہ پٹرول اور ڈیزل کی قیمتیں 18 جولائی سے مستحکم ہیں۔پبلک سیکٹر آئل مارکیٹنگ کمپنیوں نے مسلسل 26 ویں دن دونوں ایندھن کی قیمتوں میں کوئی تبدیلی نہیں کی۔ جمعرات کو ملک کے دارالحکومت دہلی میں پٹرول 101.84 روپے اور ڈیزل 89.87 روپے فی لیٹر رہا

•••••••••••••••••••••••••••••••••

*بہار کے کٹیہار میں گنگا۔ کوشی خطرے کے نشان سے اوپر*

واضح ہوکہ نیوز رپورٹ سے ملی جانکاری کے مطابق بہار میں کٹیہار ضلع کے کرسلا ، منیہاری اور احمدآباد بلاک سے ہوکر گزرنے والی گنگا ندی خطرے کے نشان سے اوپر بہہ رہی ہے۔ گنگا ندی کی سطح آب میں مسلسل اضافے کی وجہ سے کرسیلا اور منہیاری سب ڈویزنل علاقہ کے کئی گاوں گنگا ندی میں مل گیا ہے۔ خاص کر ندی کنارے بسے لوگوں کی نیند اڑ گئی ہے۔ نہ جانے کب گھر اور کھیت گنگا کی کٹاو سے بہ جائے۔

کدوا ، اعظم نگر ، پران پور اور احمد آباد سے ہوکر گزرنے والی مہا نندا ندی کے سطح آب میں تھوڑی کمی آنے سے اس علاقہ کے لوگوں کی پریشانی کچھ کم ہوئی ہے۔ لیکن ندی کنارے رہنے والے لوگوں میں سیلاب کا خطرہ منڈلا رہا ہے

•••••••••••••••••••••••••••••••••

*بستی: سڑک حادثہ میں پانچ افراد ہلاک ، وزیراعلیٰ یوگی نے رنج و غم کا اظہارکیا*

واضح ہوکہ نیوز رپورٹ سے ملی جانکاری کے مطابق اترپردیش بستی ضلع کے نگر پولیس اسٹیشن کے قومی شاہراہ -28 کے پورینا چوراہے پر ایک کار کنٹینر میں پیچھے سے ٹکرا گئی۔ اس حادثے میں پانچ افراد ہلاک ہوگئے، جبکہ ایک بچی کو بچا لیا گیا۔ ایک شخص کی حالت تشویشناک ہے ، اس کو علاج کے لیے اسپتال میں داخل کروادیا گیا ہے ،پولیس نے بتایا کہ حادثہ نیشنل ہائی وے۔28 کے پورینا چوراہے پر پیش آیا ، جہاں لکھنؤ سے بستی جارہی کار کھڑے کنٹینر سے پیچھے کی جانب سے ٹکرا گئی۔ گاڑی میں سات افراد سوار تھے۔ اس حادثے میں پانچ افراد موقع پر ہی ہلاک ہو گئے۔ جبکہ ایک بچی کو بچا لیا گیا ، زخمیوں کو علاج کے لیے اسپتال میں داخل کروادیا گیا ہے۔ پولیس نے کار کو گیس کٹر سے کاٹک کر ، گاڑی کے اندر پھنسی لاشوں کو نکال کر پوسٹ مارٹم کے لیے بھیجا گیا۔ ہلاک ہونے والوں کی شناخت کی جا رہی ہے،وزیر اعلیٰ یوگی آدتیہ ناتھ نے حادثہ میں جانی نقصان پر گہرے رنج و غم کا اظہار کیا ہے۔ انہوں نے ہلاک ہونے والے افراد کے لواحقین سے اظہار تعزیت کیا۔ ویزر اعلیٰ نے حکام کو ہدایات دی دی کہ حادثے میں زخمیوں کو مناسب علاج فراہم کیا جائے اور متاثرہ افراد کو ہر ممکن مدد اور راحت فراہم کی جائے

•••••••••••••••••••••••••••••••••

*دہلی میں مسلسل دوسرے دن کورونا کی وجہ سے ایک بھی موت نہیں ہوئی ، 49 نئے کیس درج ہوئے۔*

واضح ہو کہ دہلی میں کورونا وبا کی رفتار مسلسل کم ہوتی دکھائی دے رہی ہے۔ محکمہ صحت کے جاری کردہ اعداد و شمار کے مطابق دہلی میں گزشتہ 24 گھنٹوں کے دوران 49 نئے کیس رپورٹ ہوئے ہیں۔ یہ راحت کی بات ہے کہ دہلی میں کورونا سے اموات کی تعداد مسلسل دوسرے دن صفر رہی۔ فی الحال ، قومی دارالحکومت میں کورونا انفیکشن کی شرح 0.07 فیصد ہے۔ دہلی کے فعال کورونا متاثرہ مریضوں کی تعداد 502 ہے۔ ایک ہی وقت میں ، 179 مریضوں کا گھر میں تنہائی میں علاج کیا جاتا ہے۔

•••••••••••••••••••••••••••••••••

*ملک میں ایک دن میں 40 ہزار  سے زائد کرونا کے نئے کیسز*

واضح ہوکہ نیوز رپورٹ سے ملی جانکاری کے مطابق ملک میں کرونا وائرس کے نۓ کیسز میں کمی دیکھنے کو مل رہی ہے ، کویڈ ١٩ انڈیا ویب سائٹ کے مطابق 13 اگست  2:39 AM بجے  اپڈٹ  رپورٹ کے مطابق ملک میں ایک دن میں 40,066 نۓ کیسز رپورٹ ہوئے ہیں جس کے بعد کرونا متاثرین کی مجموعی تعداد 3,21,17,052 پہونچ گئ ہے جبکہ ایک دن میں 583 لوگوں کی موت کے بعد اموات کی مجموعی تعداد 4,30,285 پہونچ گئ ہے ، اب تک کل 3,12,94,318  افراد شفایاب ہوچکے ہیں اس وقت 3,79,792 ایکٹیو کیسز ہیں

پاکستان میں غیر تعلیم یافتہ نوجوانوں کی بھیڑ

(اردو اخبار دنیا)کسی بھی ملک اور سماج کی ترقی اور مستقبل کا دارمدار اس ملک کے نوجوانوں کو قرار دیا جاتا ہے تاہم پاکستان کا شمار ان ممالک میں ہوتا ہے، جہاں نوجوانوں کی بڑی تعداد کو نہ صرف بیروزگاری بلکہ تعلیم کے مساوی مواقع اور مناسب طبی وسائل کی عدم فراہمی سمیت کئی مشکلات کا سامنا ہے۔

نوجوانوں کی تعداد زیادہ نوکریاں کم

پاکستان دنیا کا چھٹا سب سے زیادہ آبادی والا ملک ہے جس کی مجموعی آبادی 21 کروڑ سے زائد ہے اور نوجوان آبادی کا ایک بڑا حصہ ہیں۔ اقوام متحدہ کے ذیلی ادارے برائے تعمیر و ترقی، یو این ڈی پی کے مطابق ملک میں مجموعی آبادی کا کل 64 فیصد حصہ 30 برس سے کم عمر نوجوانوں پر مشتمل ہے جبکہ ان میں 29 فیصد آبادی 15 سے 29 برس کے نوجوانوں پر مشتمل ہے۔ نوجوانوں پر مشتمل اتنی بڑی آبادی رکھنے والے ملک میں 29 فیصد نوجوان غیر تعلیم یافتہ ہیں جبکہ صرف چھ فیصد نوجوان 12 تعلیمی سال سے آگے تعلیم حاصل کرتے ہیں۔

نوجوانوں کا بڑا مسئلہ، تعلیم اور بیروزگاری

پاکستان میں نوجوانوں کے سب سے بڑے مسائل تعلیم اور بے روزگاری ہیں۔ ماہرین کے مطابق کورونا کی وبا نے نوجوانوں کے ان مسائل میں مزید اضافہ کیا ہے۔ ماہر معاشیات مہروز مظہر نے ڈی ڈبلیو سے گفتگو میں بتایا کہ اس بات کی تصدیق ملک کے شماریاتی ادارے کی جاری کردہ رپورٹ سے بھی ہوتی ہے جس میں بتایا گیا ہے کہ ملک میں بیروزگاری کی شرح میں 22 فیصد اضافہ ہوا ہے: ''کورونا وباء سے قبل ملک میں روزگار سے وابستہ افراد کی تعداد تقریباً پانچ کروڑ 57 لاکھ تھی، تاہم وباء کے باعث لگنے والے لاک ڈاؤن کے باعث برسر روزگار افراد کی تعداد تقریباً تین کروڑ 50 لاکھ رہ گئی ہے۔ ناصرف یہ بلکہ لاک ڈاؤن کے دوران 37 فیصد یعنی تقریباً دو کروڑ چھ لاکھ افراد بے روز گار بھی ہوئے ہیں جن میں بڑی تعداد نوجوانوں کی ہے۔''

کامیاب نوجوان پروگرام اور اسکالر شپس

پاکستان تحریک انصاف نے اپنے دورِ اقتدار کے دوران ایک کروڑ نوکریاں پیدا کرنے جبکہ چار لاکھ افراد کو ہنرمند تربیت دینے کا بھی اعلان کیا تھا جس کے تحت ان کی حکومت نے اکتوبر 2019 کو ''کامیاب جوان پروگرام'' کا افتتاح کیا۔ اس پروگرام کے تحت 10 ہزار روپے سے ڈھائی لاکھ روپے تک کے قرض آسان قسطوں پر دیے جا رہے ہیں۔ ان قرضوں پر سود کی شرح بھی تین اور چار فیصد رکھی گئی ہے۔ وزیراعظم کے معاون خصوصی عثمان ڈار کے مطابق مئی 2021 تک 10 ہزار افراد کو کامیاب جوان پروگرام کے تحت ساڑھے آٹھ ارب روپے جاری کیے جا چکے ہیں جبکہ وفاقی حکومت نے سندھ کے نوجوانوں کے لیے کامیاب جوان پروگرام کے تحت 10 ارب روپے جاری کرنے کا فیصلہ کیا ہے۔ ان کے مطابق مئی 2021 تک حکومت کامیاب جوان پروگرام کے تحت 1.3 ارب روپے قرض اور 1.4 ارب روپے کی رقم سکل سکالرشپ پروگرام کے تحت سندھ کے نواجوانوں میں تقسیم کر چکی ہے۔

کیا روزگار کی فراہمی کی حکومتی کوششیں کافی ہیں؟

ماہر معاشیات مہروز مظہر کہتے ہیں کہ نوجوانوں کی ایک بڑی تعداد اس وقت خصوصی تکنیکی اور پیشہ ورانہ تعلیم و تربیت سے محروم ہے جس کے باعث ان میں مایوسی بڑھتی جا رہی ہے، ''ہم اس وقت ایسے دور سے گزر رہے ہیں جس میں شدید سماجی بے چینی کے علاوہ انتہائی تیزی سے معاشی اور سماجی تبدیلیاں رونما ہو رہی ہیں۔ مالی وسائل میں کمی کے باعث نوجوانوں میں شدید مایوسی اور احساس محرومی جنم لے رہا ہے۔ اکثر نوجوانوں کے پاس اعلیٰ تعلیم حاصل کرنے کے مواقع نہیں اور جن کے پاس ہیں وہ مناسب نوکریوں اور کاروباری مواقعوں کی کمی سے پریشان ہیں۔''

ارتداد کے طوفان کو روکنے کیلئے امت مسلمہ کے ہر ایک فرد کو آگے آنا ہوگا !

بنگلور (اردو اخبار دنیا): مرکز تحفظ اسلام ہند کے زیر اہتمام منعقد آن لائن سہ روزہ اصلاح معاشرہ کانفرنس بعنوان 'مسلم لڑکیاں ارتداد کے دہانوں پر: اسباب اور حل' کی دوسری نشست سے صدارتی خطاب کرتے ہوئے آل انڈیا مسلم پرسنل لا بورڈ کے سکریٹری اور مرکز کے تحفظ اسلام ہند کے سرپرست حضرت مولانا محمد عمرین محفوظ رحمانی صاحب نے فرمایا کہ کائنات کی سب سے بڑی سچائی دین و اسلام ہے اور کائنات کے سارے انسانوں کی کامیابی صرف اور صرف اسلام میں ہے۔ دین و اسلام ایک عظیم نعمت ہے اور جو یہ نعمت چھوڑ کر دوسرے مذہب کو اپنائے گا اسے دونوں جہاں میں سزا بھگتنی پڑے گی۔ کیونکہ یہی وہ نعمت ہے جو دنیا میں عزت اور آخرت میں نجات کا ذریعہ ہے۔ مولانا رحمانی نے فرمایا کہ افسوس کا مقام ہیکہ آج ہمیں اس نعمت کی قدر اور عظمت کا احساس نہیں ہے اور کتنے ہماری بہنیں اور بھائی ہیں جو ارتداد کا شکار ہورہے ہیں۔ مولانا نے فرمایا کہ اس میں کوئی شک نہیں کہ فکری، عملی اور ذہنی ارتداد کی لہروں نے امت کو اپنے لپیٹ میں لے لیا ہے لیکن ہمیں مایوس ہونے کی قطعاً ضرورت نہیں۔ مولانا نے فرمایا کہ اس وقت مسلم لڑکیوں کی غیر مسلم لڑکوں سے شادی کے معاملات اپنے عروج پر ہیں۔ اور یہ ارتداد کے واقعات کوئی اتفاقی واقعات نہیں ہے بلکہ ایک منظم منصوبہ بندی اور پوری تیاری و سازش کے ساتھ مسلمان لڑکیوں کو ارتداد کا شکار بنایا جارہا ہے۔ جسکے پیچھے کئی فرقہ پرست تنظیمیں کام کررہی ہیں، غیر مسلم لڑکوں کو مسلمان لڑکیوں کو رجھانے، قریب کرنے اور پھر ان کا جنسی استحصال کرنے کے لیے گراں قیمت تحفے دئے جاتے ہیں، مثلاً مہنگے موبائیل، لیپ ٹاپ، گاڑیاں وغیرہ دی جارہی ہے۔ اور باضابطہ ان کی فنڈنگ کی جا رہی ہے۔ مولانا نے فرمایا کہ لو جہاد نام کی کوئی چیز اس ملک میں نہیں ہے، البتہ یہ شوشہ صرف اس لیے چھوڑا گیا تھا کہ ہندو نوجوانوں میں انتقامی جذبہ ابھارا جائے اور خود مسلمانوں کو لوجہادمیں الجھا کر اندرون خانہ مسلمان لڑکیوں کو تباہ و برباد کرنے کا کھیل کھیلا جائے۔ مولانا نے فرمایا کہ ارتداد کی دوسری وجہ یہ ہیکہ لڑکے لڑکیوں کا اختلاط ہورہا ہے، مخلوط تعلیم کی وجہ بے حیائی اور بے پردگی عام ہورہی، بے جا رسومات کی وجہ سے شادی بیاہ مہنگے ہورہے ہیں۔ مولانا نے فرمایا کہ ارتداد کے اس طوفان کو روکنے کیلئے امت مسلمہ کے ہر ایک فرد بالخصوص علماء و دانشوران اور مذہبی و ملی تنظیموں کو میدان میں آنا ہوگا اور مسلسل محنت کرنی ہوگی۔ مولانا نے فرمایا کہ ارتداد کو روکنے کیلئے ہمیں اپنے اندر دینی غیرت و حمیت پیدا کرنی چاہیے، مسجد کے منبر و محراب سے اس موضوع پر صاف صاف گفتگو کرنی چاہیے، مستورات کے اجتماعات منعقد کرنی چاہیے، اسکول اور کالجز میں پڑھنے والے بچوں سے بات کرنی چاہیے انہیں بتانا چاہئے کہ دونوں جہاں کی کامیابی صرف دین و اسلام میں ہے، اسی کے ساتھ مکاتب کے نظام کو مضبوط اور مستحکم کرنا چاہئے، اپنے نونہالوں کے دلوں پر عقیدہ توحید و رسالت کو نقش کرنا چاہیے، ساتھ ہی ہمیں سماجی بیداری پیدا کرنی چاہیے اور سوشل میڈیا کے ذریعے بھی بیداری پیدا کرنی چاہیے- مولانا نے فرمایا کہ والدین کو خاص طور پر اپنے بچوں پر نگرانی کرنی چاہیے اور انکی ہر طرح سے ترتیب کرنی چاہیے۔

کانفرنس سے خطاب کرتے ہوئے آل انڈیا مسلم پرسنل لا بورڈ کے رکن حضرت مولانا محمود احمد خان دریابادی صاحب نے فرمایا کہ ارتداد کا مسئلہ بڑا سنگین مسئلہ ہے۔یہ مسئلہ فقط ملکی نہیں بلکہ عالمی مسئلہ ہے، جس سے دیگر مذاہب والے بھی شکار ہیں۔ اور یہ صرف لڑکیوں کا مسئلہ نہیں بلکہ لڑکوں کا بھی مسئلہ ہے۔ ہمارے ملک میں اس مسئلے میں اب ایک سازش اور سیاست داخل ہوچکی ہے۔ اور باقاعدہ منصوبہ بندی کے ساتھ مسلم لڑکے اور لڑکیوں کو ارتداد کا شکار بنایا جارہا ہے۔ مولانا نے فرمایا کہ آج مسلمان نوجوان لڑکے لڑکیوں کی ایک تعداد اعلانیہ طور پر ارتداد کا شکار ہورہی ہے لیکن اس سے بڑا المیہ یہ ہے کہ آج مسلمانوں کے عصری اسکولوں وکالجز میں زیر تعلیم نوجوان طبقہ حتیٰ کہ دیندار گھرانوں کے لڑکے لڑکیوں کی اکثریت فکری ارتداد میں مبتلا ہیں وہ بظاہر تو مسلمان ہیں مگر غیر شعوری طور پر انکے دلوں سے ایمان نکل رہا ہے۔ اور اپنے دین و مذہب کے سلسلے میں وہ مشکوک ہورہے ہیں۔ لہٰذا ہمیں سب سے پہلے اس فکری ارتداد کو ختم کرنے کی کوشش کرنی چاہیے۔ مولانا دریابادی نے فرمایا کہ مسلم لڑکیوں میں بڑھتا ارتداد کی وجہ بے دینی، مخلوط تعلیم، بے پردگی اور شادی بیاہ میں بے جا رسوم و رواج ہے۔ لہٰذا ہمیں چاہیے کہ ہم اپنے بچوں کو عصری تعلیم کے ساتھ ساتھ دینی تعلیم بھی دینی چاہیے اور شادی بیاہ کو آسان بنانے کی کوشش کرنی چاہئے۔

کانفرنس سے خطاب کرتے ہوئے آل انڈیا مسلم پرسنل لا بورڈ کے رکن حضرت مولانا یحییٰ نعمانی صاحب نے فرمایا کہ ارتداد کی لہر اپنے عروج پر ہے لیکن جس قدر ہم لوگ کو اس مسئلے کے سلسلے میں غفلت کا شکار ہیں وہ قابل افسوس ہے۔ ماضی میں جب کبھی ارتداد کا کوئی ایک واقعہ بھی پیش آجاتا تو پوری امت بے چین ہوجاتی تھی لیکن آج ہزاروں مسلم لڑکے اور لڑکیاں مرتد ہورہے ہیں اور ہمارے سر پر جوں تک نہیں رینگتی۔ مولانا نے فرمایا کہ جس دین و مذہب کو ہمیں دوسروں تک پہنچانے تھا آج اسی دین و مذہب کے ماننے والے دوسرے مذاہب کو اپنا رہے ہیں۔ مولانا نعمانی نے فرمایا کہ ارتداد کی بنیادی وجہ بے دینی، جہالت، مخلوط تعلیم نظام اور مختلف شعبوں اور اداروں میں اجنبی مرد و عورت کا اختلاط ہے۔ انہوں نے فرمایا کہ ایسی جگہوں پر شرم و حیا اور پردہ کا کوئی نام و نشان نہیں ہوتا۔ اور ایسے لوگوں میں دین کا شعور نہیں ہوتا۔مولانا نعمانی نے فرمایا کہ امت مسلمہ کے ہر ایک فرد کو چاہیے کہ وہ اپنی مصروفیت کے علاوہ کچھ وقت اور سرمایہ ایسے لوگوں میں دین کا شعور پیدا کرنے کیلئے خرچ کریں اور امت کے نوجوانوں میں دینی اور ملی حمیت اور فکر پیدا کریں اور انہیں شرک اور کفر کی سنگینی سے واقف کروائیں جو وقت کی بہت اہم ترین ضروری ہے۔ مولانا یحییٰ نعمانی نے فرمایا کہ ضرورت ہے کہ ہم بیدار ہوں اور اس امت کے بھٹکتے لوگوں کی کچھ رہنمائی کرسکیں اور انھیں کفرو شرک سے بچاکر ایمان ودین کی محبت سے سرشار کردیں۔

قابل ذکر ہیکہ یہ اصلاح معاشرہ کانفرنس مرکز تحفظ اسلام ہند کے بانی و ڈائریکٹر محمدفرقان کی نگرانی اور مرکز کے رکن شوریٰ قاری عبد الرحمن الخبیر قاسمی بستوی کی نظامت میں منعقد ہوئی۔ کانفرنس کا آغاز مرکز کے آرگنائزر حافظ محمد حیات خان کی تلاوت اور قاری پرویز مشرف قاسمی کی نعتیہ کلام سے ہوا، جبکہ مرکز کے رکن شوریٰ مولانا محمد طاہر قاسمی بطور خاص شریک تھے۔ کانفرنس سے خطاب کرنے والے تمام اکابر علماء کرام نے مرکز تحفظ اسلام ہند کی خدمات کو سراہتے ہوئے خوب دعاؤں سے نوازا اور اس کانفرنس کو وقت کی اہم ترین ضرورت قرار دیا۔ اختتام سے قبل مرکز کے ڈائریکٹر محمد فرقان نے تمام مقررین و سامعین اور مہمانان خصوصی کا شکریہ ادا کیا اور صدر اجلاس حضرت مولانا محمد عمرین محفوظ رحمانی صاحب کی دعا سے یہ کانفرنس اختتام پذیر ہوا۔

تنہائی، امراضِ قلب کا سبب بننے کی بڑی وجہ اگست 13, 2021

تنہائی، امراضِ قلب کا سبب بننے کی بڑی وجہ

 اگست 13, 2021

• 

  (اردو اخبار دنیا)

تنہائی لوگوں کے لیے تباہ کن ثابت ہوسکتی ہے، ماہرین صحت کے مطابق تنہائی کا شکار افراد کے امراض قلب میں مبتلا ہونے کے خطرات زیادہ ہوتے ہیں۔تنہائی کی وجہ سے جسم بعض ایسے ہارمون خارج کرتا ہے جو ڈپریشن اور تناؤ کو ظاہر کرتے ہیں، ان میں کارٹیسول بہت نمایاں ہے، اس سے دل کے امراض، بلڈ پریشر اور ذیابیطس کا جنم بھی ہوسکتا ہے۔

 

تحقیق بتاتی ہے کہ اگر آپ کی تنہائی بہت طویل ہو تو اس سے بہت گہرے منفی اثرات مرتب ہوتے ہیں۔ماہرین کا کہنا ہےکہ اگر انسان تنہا اور الگ تھلگ رہتا ہے تو اس سے امراضِ قلب کے خطرات 29 فیصد اور فالج کے خطرات 32 فیصد تک بڑھ جاتے ہیں۔ماہرین کے مطابق تنہائی بلڈ پریشر میں اضافے اور جسم کے قدرتی دفاعی نظام کو شدید متاثر کرنے کی وجہ بنتی ہے

ناندیڑضلع میں بینرلگانے کی معمولی بات پرنوجوان کاقتل

 اگست 13, 2021

• 

  
  

عمری:12اگست (اردو اخبار دنیا)عمری تعلقہ کے موضع لمٹیک میںبینر لگانے کی معمولی بات پر چھ افراد نے گاوں کے نوجوان کومارپیٹ کی جس کی دوران علا ج موت ہوگئی۔عمری پولس اسٹیشن میں چھ افراد کے خلاف مقدمہ درج کیاگیاہے۔

لمٹیک کے مہیش سریش راو پاٹل 29سال 9اگست کو کھیت سے گاں کی سمت جارہے تھے اس وقت خشال موہن راو پاٹل ‘آدتیہ پاٹل‘سنیتا خشال پاٹل‘ترمبک مادھوراو پاٹل]شیلش ترمبک پاٹل‘ ماروتی عرف منوج اشوک پاٹل نے مہیش پاٹل کوگھر طلب کیااور جان سے مارنے کے مقصد سے اسکی زبردست پٹائی کردی ۔اس دوران ایک ملزم نے مہیش کے سر میں بیاٹ سے زبردست وار کیا جس کی وجہہ سے وہ شدید زخمی ہوگیا۔نوجوان کو شدیدزخمی حالت میں عمری کے دیہی اسپتال میں داخل کیاگیا ۔

ڈاکٹرنے کہاکہ مریض کوما میں چلاگیااسلئے ناندیڑ منتقل کیاجائے ۔رشتہ داروں کے کہنے پر تیلنگانہ کے نظام آباد کے خانگی اسپتال میں نوجوان کو داخل کیاگیا۔مگر علاج کے دوران 12اگست کو نوجوان نے آخری سانس لی ۔اس معاملے میں مقتول کی والدہ کلاوتی پاٹل کی شکایت پر مذکورہ ملزمین کے خلاف مقدمہ دجر کیاگیا ہے۔ڈی وا ے ایس پی وکرانت گائیکواڑنے عمری کادورہ کیا۔مزید تفتیش پی آئی موہن بھوسلے کی رہنمائی میں اسسٹنٹ پی آئی رگھوناتھ شیوالے کررہے ہیں۔

مہاراشٹرمیں مکمل ٹیکہ کاری کے بعد ہی کالجوں کو کھولاجاسکتا ہے:اودئے سامنت

 اگست 13, 2021

• 

  
  

ناندیڑ:12اگست (اردو اخبار دنیا) طلباءاور والدین کی طرف سے کالج شروع کرنے کا مطالبہ ہے۔ مگر جب تک مکمل کورونا ویکسینیشن نہ ہو ، کالج کھولنے کا فیصلہ خطرناک ہو سکتا ہے۔ ریاست کے وزیر اعلی اور ٹیکنیکل ایجوکیشن کے وزیر اودے سامنت نے کہا کہ وزیر اعلی ادھو ٹھاکرے پوری ریاست میں کورونا کی صورتحال کا جائزہ لینے کے بعد فیصلہ کریں گے۔

آج وہ سوامی رامانند تیرتھ مراٹھواڑہ یونیورسٹی (ایس آر ٹی یونیورسٹی) کے سینیٹ ہال میں منعقدہ پریس کانفرنس سے خطاب کررہے تھے۔وزیر ادے سامنت جو دو روزہ دورے پر ہیں نے آج نیشنل سروس اسکیم کے ان طلباءکو مبارکباد دی جو کوویڈ جنگجو ہیں۔ اس موقع پر ایم ایل اے موہن راو¿ ہمبرڈے ، ایم ایل اے بالاجی راو¿ کلیانکر ، وائس چانسلر ڈاکٹر ادھو بھوسلے ، کارگزار وائس چانسلر ڈاکٹر بیسن موجود تھے۔

تقریب کے بعد وزیر ادے سامنت نے صحافیوں سے گفتگو کی۔ پچھلے سات یا آٹھ سالوں سے ایس آر ٹی میں میں انا بھاو¿ ساٹھے اسٹڈی سنٹر کے قیام کا مطالبہ مختلف سماجی تنظیموں کے ساتھ ساتھ طلبہ تنظیموں نے بھی اٹھایا ہے۔ یونیورسٹی کی سطح پر انتظامی منظوری ملنے کے بعد یہ معاملہ ریاستی حکومت کے پاس زیر التوا تھا۔ تاہم وزیر ادے سمت نے کہا کہ یہ مسئلہ اگلے ماہ حل ہو جائے گا۔ایس آرٹی نیورسٹی کے دائرہ کار کے کالجوں کے آغاز کے حوالے سے انھوں نے کہاکہ وائس چانسلر ڈاکٹر ادھو بھوسلے اور متعلقہ کلکٹر منصوبہ بندی کریں۔ اس کے بعد ریاستی حکومت اس معاملے پر غور کرے گی۔

سعودی عرب: حکام نے الریاض کی ایک کالونی میں آنے والا شیر پکڑ لیا

 اگست 13, 2021

• 

  (اردو اخبار دنیا)

سعودی عرب کی اسپیشل فورسز فار انوائرمنٹل سیکورٹی کے سرکاری ترجمان میجر رائد المالکی نے بتایا کہ فورسز نے نیشنل سینٹر فار سیکورٹی آپریشنز (911) کی جانب سے ایک شکاری جانور (شیر) کی دارالحکومت الریاض کی ایک کالونی میں موجودگی کیا اطلاع پر کارروائی کرتے ہوئے شیر کر پکڑ لیا ہے۔ شیر کو پکڑنے کے آپریشن میں نیشنل وائلڈ لائف ڈویلپمنٹ حکام اور پٹرولنگ پولیس نے تعاون کیا۔ شیر کو قابو کرنے کے بعد اسے ایک پناہ گاہ میں منتقل کیا جا رہا ہے۔

 

میجر المالکی نے وضاحت کی کہ حکام نے اس واقعے کے پیچھے موجود محرکات اور ذمہ داروں کا پتا چلانے کے لیے انکوائری شروع کردی ہے۔ ان کا کہنا تھا کہ معدومیت کے خطرےسے دوچار جانوروں کی اسمگلنگ جیسے جرائم کے لیے مملکت میں کڑی سزا مقرر ہے اور اس میں ملوث عناصر کو 10 سال قید یا 30 ملین ریال جرمانہ یا ایک ساتھ دونوں سزائیں دی جائیں گی۔

انہوں نےشہریوں پر زور دیا کہ وہ کسی بھی خریدو فروخت کے لیے ممنوعہ جانداروں کی درآمد ، برآمد ، منتقلی ، فروخت ، نمائش یا حصول کی کوشش کرنے والوں کے بارے میں مکہ مکرمہ اور ریاض کے علاقوں میں نمبر 911 اور ملک کے دوسرے علاقوں میں ہیلپ لائن 999 پر مجاز حکام کو فوری اطلاع دیں