ریاست تلنگانہ کے معروف و مشہور عالم دین حضرت مولانا مفتی عبد المغنی مظاہری صاحب کا سانحہ ارتحال  

 اگست 18, 2021

• (اردو اخبار دنیا)

  

   جمعیۃ علما ء مہا راشٹر کے صدر مولانا حافظ محمد ندیم صدیقی صاحب کا تعزیتی بیان
ممبئئ: یہ خبر انتہائی رنج و غم کے ساتھ دی جاتی ہے کہ ریاست تلنگانہ کے معروف و مشہور عالم دین حضرت مولانا مفتی عبد المغنی مظاہری صاحب ناظم مدرسہ سبیل الفلاح و صدر سٹی جمعیۃ علماء گریٹر حیدرآباد آج بتاریخ18  اگست 2021.طویل علالت کے بعد ہمیشہ ہمیش کے لئے اس دار فانی کو چھوڑ کر اپنے مالک حقیقی سے جاملے۔انا للہ و انا الیہ راجعون۔

اس سانحہ ارتحال پر جمعیۃ علماء مہاراشٹر کے صدر مولانا حافظ محمد ندیم صدیقی صاحب نے گہرے رنج و غم کا اظہار کرتے ہوئے کہا کہ حضرت مفتی صاحب کی رحلت  مسلمانا ن تلنگانہ کے لئے عظیم سانحہ ہے۔ قحط الرجال کے اس دور میں مفتی صاحب کا ہم سے جدا ہوکر اپنے مالک حقیقی سے جا ملنا،یہ کسی ایک طبقے کا نقصان نہیں بلکہ پوری ملت کانقصان ہے،اللہ تعالی ملت کو آپ کا نعم البدل عطا ء فرمائے ۔

مولانا ندیم صدیقی صاحب نے مفتی عبد المغنی صاحب کے فر زند مولانا محمد میاں صاحب اور ان کے برادر حضرت مولانا عبد القوی صاحب مہتمم ادارہ اشرف العلوم حیدرآباد ٹرسٹ سے فون پر رابطہ کرکے تعزیت مسنونہ اور دعاء مغفرت پیش کی اور کہا کہ ہم آپ کے غم میں برابر کے شریک ہیں اور دعا ء کرتے ہیں کہ اللہ رب العزت حضرت مفتی صاحب کی بال بال مغفرت فرمائے،ان کی خدمات کو قبول فرمائے،جنت الفردوس میں اعلی مقام عطا فرمائے، لواحقین اور پسماندگان کو صبر جمیل عطا ء فرمائے۔ انہوں نے صوبے بھر میں واقع جمعیۃ علماء مہاراشٹر کی تمام یونیٹوں کے عہدیداران و اراکین، ذمہ داران مدار س اسلامیہ، ائمہ مساجد اور عامۃ المسلمین سے اپیل کی ہے کہ حضرت مفتی عبد المغنی صاحب کے لئے دعاء مغفرت اورایصال ثواب کا اہتمام کریں۔

ممبئی ہائی کورٹ نے جلوس عاشورہ کی مشروط اجازت دی

 اگست 18, 2021

• (اردو اخبار دنیا)

  

ممبئی: یوم عاشورہ پر ممبئی ہائی کورٹ نے کورونا کی دونوں خوراکیں لگانے والے جانثاران حسین کو جلوس عاشورہ تعزیہ داری اور ماتمی جلوس کی مشروط اجازت دے دی ہے۔ جسٹس تاتڑے اور جسٹس چوہان پر مشتمل ہائیکورٹ کی دو رکنی بینچ نے اپنے اہم فیصلہ میں سات ٹرک پرتعزیہ کے ساتھ جلوس نکالنے کو اجازت دیدی ہے یہ جلوس ممبی کے امامباڑہ علاقے سے نکل کر مجگاوں میں واقع شعیہ قبرستان رحمت آباد پر اختتام پذیر ہو گا

اس میں کورونا اصول و ضوابط کا خیال رکھنا لازمی ہو گا ہائیکورٹ میں آل انڈیا ادارہ تحفظ حسینت نے عرضی داخل کرکے جلوس کی اجازت طلب کی تھی جس پر سماعت کرتے ہوئے عدالت نے 100 جانثاران حسین رضی اللہ تعالی عنہ کو مشروط اجازت دی ہے شرکا جلوس کوجلوس میں شرکت کے لئے دونوں خوراکیں لگانا لازمی ہے بلاخوراک لگانے والوں کو اجازت نہیں ہو گی اس کے ساتھ قبرستان میں صرف 25 سوگوران حسین رضی اللہ تعالی عنہ کو اجازت ہو گی کیونکہ تنگ گلی کی وجہ سے یہ فیصلہ لیا گیاہے جبکہ سات ٹرک پر تعزیہ اور ماتمی جلوس اور اعزاداری کو اجازت دی گئی ہے یہ ٹرک گشت کرتے ہوئے شام 4 بجے سے 7 بجے تک قبرستان پہنچ سکتی ہے

مسلم طلباءو طالبات کو اعلی تعلیم حاصل کرنے کے لئےاسکالرشپ 2021 کا اعلان

 اگست 18, 2021

• 

  
  

ممبئی 18 اگست)(اردو اخبار دنیا) ایسوسی ایشن آف مسلم پروفیشنلس کی جانب سے سال 2013 میں اسکالرشپ فنڈ کی شروعات عمل میں آئی. جس کا مقصد غریب و مستحق مسلم طلباء کو اعلی اور پیشہ ورانہ تعلیم حاصل کرنے کیلئے اسکالرشپ کی شکل میں مالی مدد کرنا ہے تاکہ ایسے طلبہ تعلیم مکمل کر سکیں.

تنظیم کی جانب سے جاری ایک اخباری بیان کے مطابق زیادہ تر مسلم ذہین طلبہ معاشی تنگی کی وجہ سے تعلیم سے محروم ہو جاتے ہیں. اسی لئے اے ایم پی انڈیا کی جانب سے ایسے طلبہ کیلئے اسکالرشپ دی جاتی ہے جو پروفیشنلس کورسیس (انجینئرنگ, میڈیکل, آرکیٹیکٹ, سی اے اور دیگر) میں زیر تعلیم ہیں. ایسے طلبہ کو آئی ٹی آئی کورسیس اور نیشنل کونسل فار ووکیشنل ٹریننگ میں تعلیم حاصل کر رہے ہیں.

اے ایم پی ہائر ایجوکیشن اسکالرشپ فنڈ:تین سو ذہین و مستحق طلبہ کو کم ازکم دس ہزار روپیہ ایجوکیشنل اسکالرشپ دی جائے گی. اسکالرشپ کی درخواست کے بعد اے ایم پی کی ٹیم کے ذریعے ذہین, مستحق اور غریب طلبہ کا انتخاب کیا جائے گا.اے ایم پی کے زیر اہتمام انڈیا زکات ڈاٹ کام IndiaZakat.com پلیٹ فارم کے زریعے ہائر ایجوکیشن اسکالرشپ کی ملے گی. اسکالرشپ کیلئے درخواست IndiaZakat.com پورٹل پر آن لائن فارم بھر جائے گا. اے ایم پی اسکالرشپ کے علاوہ بھی دیگر اسکالرشپ و فنڈ بھی مستحق طلبہ کو اسی پورٹل سے فراہم کیا جائے گا. ابتک اس پورٹل پر Rs 5,40,20,512 فنڈ جمع ہوا. جس سے تعلیمی شعبے میں ضرورتمند طلبہ کی مدد کی جا رہی ہے.

اہلیت:اسکالرشپ معاشی طور پر غریب فیملی سے تعلق رکھنے والے طلبہ کو ہی دی جائے گی. ایسے طلبہ جو اسلامی شریعت کے مطابق زکات لینے کے اہل ہوں. طلباء و طالبات کا بارہویں کامیاب ہونا لازمی ہے. پروفیشنلس کورسیس (انجینئرنگ, میڈیکل, فارمیسی, جرنلزم, لاء اور دیگر), سینٹرل یونیورسٹیوں, ٹاپ کالجوں, آئی آئی ٹی, آئی آئی ایم اور یوجی سی سے منطورشدہ اداروں میں زیر تعلیم طلبہ کو اولیت دی جائے گی. ٹیکنیکل کورسیس, آئی ٹی آئی اور ووکیشنل کورسیس کیلئے بھی اسکالرشپ دی جائے گی.اسکالرشپ چیک یا آن لائن پیمنٹ طریقہ کار سے تعلیم اداروں کو تقسیم کی جائے گی. اسکالرشپ کی منظوری سے پہلے طلبہ کے زریعے دی گئی معلومات کا مکمل جائزہ لیا جائے گا.
درکار دستاویزات:دسویں اور بارہویں کی مارکس شیٹ, پروفیشنلس کورس میں زیر تعلیم طلبہ کی گزشتہ سال کی مارکس شیٹ, آدھار کارڈ یا پین کارڈ کی فوٹو کاپی-
نوٹ: رجسٹریشن کی آخری تاریخ 10 ستمبر 2021 اور اسکالرشپ کیلئے آن لائن درخواست ہی قبول کی جائے گی
رجسٹریشن کیلئے:

اتر پردیش میں پرائمری اور مڈل اسکولوں کو کھولنے کی تاریخ کا اعلان

اتر پردیش میں پرائمری اور مڈل اسکولوں کو کھولنے کی تاریخ کا اعلان

لکھنؤ(اردو اخبار دنیا): عالمی وبا کورونا وائرس کے انفیکشن کی کم ہوتی شرح کے پیش نظر لمبے عرصے سے بند چل رہے اتر پردیش کے اسکول جلد ہی بچوں سے گلزار ہونے والے ہیں۔ کورونا انفیکشن کے کم ہوتے معاملوں کے درمیان ریاست کی یوگی آدتیہ ناتھ حکومت نے جماعت ایک تا پانچ تک کے پرائمری اسکولوں کو یکم ستمبر اور جماعت چھ تا آٹھ تک کے اسکولوں میں درس و تدریس کا کام 23 اگست سے شروع کرنے کی ہدایت دی ہے۔ ریاست کے محکمہ تعلیمات نے اس ضمن میں بدھ کو ضروری ہدایات سرکاری اسکولوں، منظور شدہ اسکولوں اور دیگر بورڈوں کے چلانے والے کالجوں کو جاری کئے ہیں۔

ریاست کے محکمہ تعلیمات میں اسپیشل سکریٹری آروی سنگھ نے ڈائرکٹر اسکول ایجوکیشن کو لکھے خط میں کہا ہے کہ کووڈ پروٹوکول پر عمل کرتے ہوئے جماعت ایک تا آٹھ تک کے اسکولوں کو کھولے جانے کی کاروائی کو یقینی بنایا جائے۔

قابل ذکر ہے کہ دو روز پہلے وزیر اعلی یوگی آدتیہ ناتھ نے جماعت ایک تا آٹھ تک کے اسکولوں کو دو مراحل میں کھولے جانے پر غور کرنے کو کہا تھا۔ انہوں نے کہا تھا کہ کورونا وبا اب کنٹرول میں ہے اور اسکولوں کو اب کھولنے کی سمت میں قدم اٹھا یا جاسکتا ہے۔ 16 اگست سے جماعت 9 تا 12 تک کے اسکولوں کو کھولا جاچکا ہے۔ یہاں دو مراحل میں اسکول کھولے جارہے ہیں

وزیراعلی نے سیلاب متاثرہ کٹیہار ضلع کا دورہ کیا

وزیراعلی نے سیلاب متاثرہ کٹیہار ضلع کا دورہ کیا

کٹیہار،(اردو اخبار دنیا) 18 اگست ۔ وزیراعلیٰ نتیش کمار نے بدھ کے روز کٹیہارضلع کے براری اسمبلی حلقہ میں واقع بھیس دیارہ میں سیلاب متاثرہ علاقوں کا جائزہ لیا۔ اس ضمن میں نائب وزیراعلیٰ تارکشور پرساد بھی وزیر اعلیٰ کے ساتھ تھے۔ وزیراعلیٰ نے بی ایم کالج ، براری میں سیلاب متاثرہ لوگوں کے لیے چلائے جانے والے کمیونٹی کچن کا بھی جائزہ لیا اور کھانا کھانے والے لوگوں کی خیریت دریافت کی۔ سیلاب امدادی کیمپ کا جائزہ لینے کے بعد وزیراعلیٰ نتیش کمار نے میڈیا سے بات کرتے ہوئے کہا کہ ہر چیز اور پریشانی دیکھی گئی ہے۔ عوام کی راحت کے لیے تمام انتظامات کیے گئے ہیں۔ 2016 میں بھی گنگا ندی کی ا?بی سطح میں اضافہ ہوا تھا اور اس بار بھی گنگا ندی کی ا?بی سطح میں کافی اضافہ ہوا ہے۔ وزیراعلیٰ نے کہا کہ ا?فات متاثرین کا سرکاری خزانے پر پہلا حق ہے اور امدادی کاموں میں کوئی کمی نہیں ہوگی۔ سیلاب متاثرین کی ہر ممکن مدد کی جا رہی ہے۔ وزیراعلیٰ نے میڈیا سے گفتگو کرتے ہوئے کہا کہ گنگا ندی کی پانی سطح بڑھ رہی ہے اور معلومات کے مطابق اس میں مزید اضافے کا امکان ہے۔ اس کے پیش نظر تمام ضلع مجسٹریٹ سے کہا گیا ہے کہ وہ مکمل الرٹ موڈ میں رہیں۔ عہدیداروں کو ہدایت کی گئی ہے کہ وہ سیلاب متاثرہ لوگوں سے رابطہ قائم رکھیں اور انتہائی حساسیت کے ساتھ ہر ایک کی مدد کریں۔ نتیش کمار نے کہا کہ مقامی لوگوں کی مدد اور جانوروں کے لیے چارے کے انتظام کے لیے خصوصی نگرانی کی جا رہی ہے۔ سیلاب سے بے گھر ہونے والے لوگوں کو امدادی کیمپوں میں تمام سہولیات فراہم کی جا رہی ہیں۔

جے این یو میں کھلے گا، میڈیکل کالج اور 500 بستروں کا اسپتال

جواہر لال نہرو

• 
  (اردو اخبار دنیا)

  جواہر لال نہرو یونیورسٹی (جے این یو) میں ایک میڈیکل کالج اور 500 بستروں کا ہسپتال قائم کرنے کی تجویز ہے۔

یہ تجویز یونیورسٹی کی اکیڈمک کونسل میں رکھی گئی ہے۔

اس کے تحت میڈیکل کالج کے آغاز کے بعد یہاں کے طلباء کو ایم بی بی ایس اور ایم ڈی وغیرہ جیسے اہم کورسز پیش کیے جائیں گے۔

میڈیکل کالج اور ہسپتال سے متعلق تمام منظوری وقت پر ملنے کی صورت میں، جے این یو یونیورسٹی کیمپس میں یہ ہسپتال سال 2024 تک شروع کیا جا سکتا ہے۔

یہ ہسپتال سکول آف میڈیکل سائنسز، جے این یو کے تحت کام کرے گا۔ جے این یو اکیڈمک کونسل (اے سی) نے اس کی منظوری دی ہے۔

یونیورسٹی کے وائس چانسلر پروفیسر ایم جگدیش کمار نے کہا کہ جے این یو میں اس قسم کے میڈیکل سکول کی بڑی ضرورت محسوس کی گئی۔

اس لیے یہاں جدید ٹیکنالوجی اور صحت کی خدمات پر مبنی میڈیکل سکول کھولنے کا فیصلہ کیا گیا ہے۔

اس کے تحت میڈیکل اور ہیلتھ سائنسز میں مختلف کورسز متعارف کرانے پر غور کیا جا رہا ہے۔

منگل کو یونیورسٹی کی اعلیٰ تعلیمی کونسل یعنی اکیڈمک کونسل کا اجلاس منعقد ہوا۔

اس میٹنگ میں ایک سرکاری دستاویز کے ذریعے یونیورسٹی کیمپس میں ایک میڈیکل کالج اور 500 بستروں پر مشتمل اسپتال تجویز کیا گیا۔

اکیڈمک کونسل کے اجلاس میں پیش کی گئی تجویز کے مطابق ، جے این یو میں قائم کیا جانے والا میڈیکل کالج اور ہسپتال کارڈیالوجی ، اعضاء کی پیوند کاری ، نیورولوجی اور پلمونولوجی سمیت انتہائی خصوصی علاج کی پیشکش کرتا ہے۔

یونیورسٹی انتظامیہ کے مطابق اس نئے اقدام کے ساتھ غیر روایتی شعبہ یعنی غیر روایتی شعبہ بھی شروع کیا جائے گا جس میں 50 فیصد فیکلٹی پوسٹس سائنسدانوں کے لیے مختص ہیں۔

اس پروجیکٹ کی لاگت تقریبا  900 کروڑ روپے ہوگی۔

یونیورسٹی کے لیے یہ تجویز نئی قومی تعلیمی پالیسی اور جے این یو ایکٹ 1966 کے تحت تیار کی گئی ہے۔

جے این یو کے علاوہ اس تجویز کو بنانے والی کمیٹی میں ایمس اور نیشنل انسٹی ٹیوٹ آف مینٹل ہیلتھ اینڈ نیورو سائنسز جیسے ہسپتالوں کے ماہرین شامل ہیں۔

جے این یو انتظامیہ کے مطابق یونیورسٹی کیمپس کے جنوب مغربی حصے میں دستیاب 25 ایکڑ اراضی پر میڈیکل کالج اور ہسپتال قائم کرنے کی تجویز ہے۔ انڈر گریجویٹ اور پوسٹ گریجویٹ کورسز یہاں دستیاب ہوں گے۔

تجویز میں کہا گیا ہے کہ ایم بی بی ایس اور ایم ڈی کورسز میں داخلہ نیشنل ٹیسٹنگ ایجنسی کے ذریعہ این ای ای ٹی کے ذریعے لیا جائے گا۔

پی ایم کی صدارت میں افغانستان پر اعلی سطح کی میٹنگ ، افغانستان میں پھنسے ہندستانیوں کو ہرممکن مدد کا دلایا یقین

پی ایم کی صدارت میں افغانستان پر اعلی سطح کی میٹنگ ، افغانستان میں پھنسے ہندستانیوں کو ہرممکن مدد کا دلایا یقین

(اردواخباردنیا)وزیراعظم نریند ر مودی نے افغانستان کے دارالحکومت کابل پر طالبان کے کنٹرول کے بعد صورتحال کا جائزہ لیا۔ جس کے تحت ایک اعلیٰ سطحی کی میٹنگ ہوئی ۔ خبروں کےمطابق میٹنگ میں یہ بتایا گیا کہ حکومت افغانستان کے حالات پر نظر رکھے ہوئے ہے۔ واضح رہے کہ میٹنگ میں جہاں افغانستان کےحالات کا جائزہ لیا گیا۔ وہیں افغانستان میں پھنسے ہندوستانیوں کی ہر ممکن مدد کی یقین دہانی کرائی گئی۔ خبروں کے مطابق وزیر اعظم نے وہاں سے آنے والے ہندوستانیوں کی ہر ممکن مدد کے لئے کہا ہے۔

واضح ہو کہ وزیراعظم کی رہائش گاہ پر بلائی گئی سکیورٹی امور کی کابینی کمیٹی کی میٹنگ میں وزیر دفاع راجناتھ سنگھ، وزیر داخلہ امت شاہ، وزیر خارجہ ایس جے شنکر اوروزیر خزانہ نرملا سیتا رمن شریک ہوئے ۔قومی سلامتی کے مشیر اجیت ڈوبھال، خارجہ سکریٹری ہرش وردھن شرنگلا اور افغانستان میں ہندوستان کے سفیر رودریندر ٹنڈن بھی میٹنگ میں موجود تھے۔

طالبان کے قبضے کی وجہ سے افغانستان میں پھنسے لوگوں کو نکالنے کی کوششیں جاری ہیں۔ وزیر دفاع راج ناتھ سنگھ افغانستان کی صورتحال کے حوالے سے وزیر اعظم نریندر مودی سے ملاقات کر رہے ہیں۔ امیت شاہ بھی اس میٹنگ میں موجود ہیں۔ ملاقات میں افغانستان کی صورتحال پر تبادلہ خیال کیا جا رہا ہے۔ افغانستان میں پھنسے ہندوستانیوں کو کیسے نکالا جائے اس پر بھی بات چیت جاری ہے۔

ذرائع سے اطلاع ملی ہے کہ وزیر اعظم نریندر مودی اس ساری صورتحال پر سخت نظر رکھے ہوئے ہیں۔ پی ایم مودی افغانستان میں ہندوستانیوں کی صورت حال کے حوالے سے حکام سے رابطے میں ہیں۔ وزیر اعظم نریندر مودی نے کل رات پوری صورتحال کا جائزہ لیا۔ انہیں افغانستان سے اڑنے والی پرواز کے بارے میں بھی اطلاع فراہم کی گئی۔ پی ایم مودی نے ہدایات دی ہیں کہ جام نگر واپس آنے والے تمام افراد کو کھانا فراہم کرنے کے مناسب انتظامات کئے جائیں۔

اس کے ساتھ ہی ذرائع کے حوالے سے یہ معلومات بھی موصول ہوئی ہیں کہ کابل سے ہندوستانیوں کو واپس لانے کے لیے بھارت نے تاجکستان Tajikistan کے ایانی ایئر بیس پر اپنے C-17 کو کھڑا کیا کیونکہ افغانستان کے کابل ایئرپورٹ پر بہت بڑا ہجوم تھا۔ چنانچہ ہندوستانی طیارے ایانی ایئر بیس پر اسٹینڈ بائے پر تھے اور کابل ایئرپورٹ کو کنٹرول کرنے والئ امریکہ کی طرف سے منظوری ملنے پر انہوں نے کابل کے لیے اڑان بھری۔ ذرائع نے بتایا کہ بھارت افغانستان سے مزید ہندوستانیوں کو نکالنے کے لیے چارٹر طیاروں کی خدمات حاصل کرنے کا آپشن بھی تلاش کر رہا ہے۔ ذرائع نے کہا کہ ہندوستان انتظار کرے گا اور دیکھے گا کہ حکومت سازی کس طرح شامل ہوگی اور طالبان اپنے آپ کو کیسے منظم کریں گے۔ بھارت یہ بھی دیکھے گا کہ دوسری جمہوریتیں طالبان حکومت پر کیا رد عمل ظاہر کرتی ہیں۔

وزیر اعظم نریندر مودی اس ساری صورتحال پر سخت نظر رکھے ہوئے ہیں۔

وہیں طالبان نے افغانستان میں شریعہ قانون نافذ کرکے اسے اسلامک ملک بنانا چاہتا ہے۔ افغانستان میں بڑھتی ہوئی کشیدگی کے درمیان ہندوستان کی مرکزی وزارت داخلہ نے ویزا کی ایک نئی قسم کا اعلان کیا ہے تاکہ وہ افغانوں کی درخواستوں کو تیزی سے ٹریک کرسکیں جو افغانستان کی موجودہ صورتحال کے پیش نظر ہندوستان آنا چاہتے ہیں۔ وزارت داخلہ نے افغانستان کی موجودہ صورتحال کے پیش نظر ویزا کی فراہمی کا جائزہ لیا ہے۔

Dailyhunt

عجب کپڑاایجاد،دھونے کی ضرورت نہیں،بیکٹریاسے پاک

عجب کپڑاایجاد،دھونے کی ضرورت نہیں،بیکٹریاسے پاک

لندن(اردو اخبار دنیا)

برطانوی کارڈف یونیورسٹی میں کیمسٹری کے شعبے کی تحقیقی ٹیم ایک نئے قسم کے کپڑے کی ایجاد میں کامیاب ہوئی ہے، جس سے سورج کی روشنی کے سامنے ہونے پر 99 فیصد بیکٹیریا ختم ہو جاتے ہیں۔ الرجل میگزین کی ایک رپورٹ کے مطابق سورج کی روشنی کپڑے سے داغ اور بدبو کو دور کر دیتی ہے، جس کے بعد آپ انہیں چند منٹ میں دوبارہ استعمال کر سکتے ہیں۔

یونیورسٹی کی ویب سائٹ کے مطابق محققین نے حفظان صحت کے مقاصد کے لیے کپڑا تیار کیا ہے جو غیر زہریلی دھاتوں کے ساتھ مل کر جو فوٹوکاٹیلسٹ کے طور پر کام کرتے ہیں، سورج کی توانائی بیکٹیریازکو مارنے، داغوں اور بدبو دور کرنے کے لیے استعمال کرتا ہے۔

محقق جینیفر ایڈورڈز نے وضاحت کی کہ جدید کپڑے کو پہلے پانی سے دھویا جاتا ہے اور پھر بیکٹیریاز کو مارنے کا عمل شروع کرنے کے لیے دھوپ میں خشک کرنے کے لیے چھوڑ دیا جاتا ہے۔ انہوں نے بتایا کہ اس منفرد کپڑے کو دوبارہ استعمال کے قابل سینیٹری تولیے یا حیض والی خواتین کے کپڑوں میں بھی استعمال کیا جا سکتا ہے۔

تحقیقاتی ٹیم نے انکشاف کیا کہ سب سے اہم چیز اینٹی بیکٹیریل سرگرمی ہے اور یہ صرف روشنی کے تحت ہوتی ہے اور اندھیرے میں غیرمؤثر ہوتی ہے۔ محققین نے بل اور میلنڈا گیٹس فاؤنڈیشن سے مالی اعانت حاصل کی ہے (جو کہ حفظانِ صحت کو فروغ دینے کے لیے ایک فلاحی ادارہ ہے) تاکہ اس نئے تیار شدہ کپڑے کو سینیٹری تولیے کے اندر استعمال کرنے کا طریقہ دریافت کیا جا سکے۔

محققین اپنی اس ایجاد کی کارکردگی کو بہتر بنانے کی کوششوں کو تیز کر رہے ہیں اور اگلے 12 ماہ کے اندر ایک ایسی پروڈکٹ تیار کر رہے ہیں جو مہلک انفیکشن کے امکان کو کم کرنے میں کارآمد ہو۔ (ایجنسی ان پٹ)

کورٹلہ کے آنند شاپنگ مال میں بھیانک آگ سارا سامان جل کر راکھ

کورٹلہ کے آنند شاپنگ مال میں بھیانک آگ سارا سامان جل کر راکھ

کورٹلہ (اردو اخبار دنیا)_ جگتیال ضلع کے کورٹلہ ٹاون میں واقع مشہور آنند شاپنگ مال میں بھیانک آگ لگ گئی۔اس واقعہ میں شاپنگ مال میں موجود کپڑے جل کر راکھ ہوگئے۔مقامی افراد کے مطابق آگ لگنے کا یہ واقعہ منگل کی رات تین بجے شروع ہوا ۔ چہارشنبہ کی صبح تک شاپنگ مال میں آگ وقفہ وقفہ سے بھڑک رہی تھی کورٹلہ اور اطراف کے فائر انجنوں کی مدد سے آگ پر قابو پایا گیا۔اس واقعہ میں بھاری نقصان کا اندازہ لگایا جا رہا ہے آگ لگنے کی وجہ فوری معلوم نہیں ہوسکی۔پولیس اس واقعہ کی تحقیقات کررہی ہے

16 سال کی نابالغ کو 4 منچلوں نے کیا اغوا ، نشے کا انجکشن دے کر پوری رات کرتے رہے اجتماعی آبروریزی

16 سال کی نابالغ کو 4 منچلوں نے کیا اغوا ، نشے کا انجکشن دے کر پوری رات کرتے رہے اجتماعی آبروریزی

مدھوبنی(اردو اخبار دنیا): بہار کے مدھوبنی میں 16 سالہ نابالغ لڑکی کو اغوا کرکے اس کے ساتھ اجتماعی آبروریزی (Madhubani Gang Rape) کرنے کا سنسنی خیز معاملہ آیا ہے۔ متاثرہ کی درخواست پر گاوں کے ہی 4 لڑکوں کے خلاف نامزد معاملہ (FIR) درج کرکے پولیس پورے معاملے کی تفتیش میں مصروف ہے۔ متاثرہ پوری رات گھر سے لاپتہ تھی اور صبح گھر کے پاس بے ہوشی کی حالت میں ملی۔ ہوش میں آنے پر اہل خانہ کو جب اس نے اپنے ساتھ ہوئی حیوانیت کی کہانی سنائی تو پوری فیملی کے پیر تلے زمین کھسک گئی۔ متاثرہ کی شکایت پر معاملہ درج کیا گیا ہے۔

اجتماعی آبروریزی کے چاروں ملزمین کی تلاش میں چھاپہ ماری کی جا رہی ہے۔ اجتماعی آبروریزی کا یہ معاملہ مدھوبنی ضلع کے جھنجھار پور تھانہ علاقے کا ہے۔ متاثرہ فیملی کے مطابق، 13 اگست کی رات ان کی 16 سالہ بیٹی اپنے گھر کے پاس ہی چاپاکل پر تھالی دھونے گئی تھی۔ اسی دوران گھات لگا کر بیٹھے چار نوجوانوں نے اسے جبراً اغوا کرلیا اور نشیلی دوا کا انجکشن لگاکر اسے بے ہوش کردیا۔ اہل خانہ کا کہنا ہے کہ پوری رات ان کی بیٹی غائب رہی اور اگلے دن صبح گھر کے پاس ہی حالت میں ملی۔ اس کے بعد اسے جھنجھار پور انو منڈل اسپتال لایا گیا۔

بتایا جا رہا ہے کہ ہوش میں آنے کے بعد متاثرہ نے پوری آپ بیتی اہل خانہ کو سنائی۔ فی الحال متاثرہ فیملی کی شکایت پر جھنجھار پور تھانے میں 4 نوجوانوں پر نابالغ کو اغوا کرنے اور اس کے ساتھ اجتماعی آبروریزی کے الزام میں نامزد معاملہ درج کیا گیا ہے۔ اس معاملے میں ابھی پولیس میڈیکل رپورٹ آنے کا انتظار کر رہی ہے۔ جھنجھارپور کے ایس ڈی پی او آشیش آنند کا کہنا ہے کہ متاثرہ کو انصاف ضرور ملے گا۔ پولیس ہر پہلو کی باریکی سے جانچ کر رہی ہے۔ فی الحال متاثرہ کی شکایت پر نامزد ملزمین کے خلاف 376 ڈی، 366 اور پوکسو ایکٹ سمیت کئی دیگر دفعات کے تحت ایف آئی آر درج کی گئی ہے۔

جھنجھار پور تھانہ انچارج معاون ٹرینی ڈی ایس پی نیہا کماری نے بتایا کہ متاثرہ کے والد نے 16 اگست کو تھانے میں درخواست دی تھی، جس کی بنیاد پر 25 سالہ سنل بھنڈاری، 25 سالہ سشیل بھنڈاری، 26 سالہ پردیپ کمار کامت اور 21 سالہ سریندر کمار بھنڈاری کے خلاف نامزد معاملہ درج کرکے پولیس پورے معاملے کی تفتیش میں مصروف ہے۔ ملزمین کی گرفتاری کے لئے مسلسل چھاپہ ماری بھی جاری ہے۔ پولیس کے مطابق، ملزم سشیل بھنڈاری متاثرہ کے بھائی کا دوست بتایا جا رہا ہے۔ یہ بھی اطلاع ملی ہے کہ گزشتہ اپریل مہینے میں بھی سشیل بھنڈاری متاثرہ لڑکی کو اپنے ساتھ کہیں لے گیا تھا اور کسی ہوٹؒ میں چھوڑ کر فرار ہوگیا تھا۔ اس کے بعد گاوں میں پنچایت بھی بلائی گئی تھی۔

تلنگانہ ای سیٹ امتحان کے نتائج جاری سال میں حیدرآباد انجینئرنگ اور بی فارمیسی کورس کے دوسرے داخلہ لینے کے لیے

تلنگانہ ای سیٹ امتحان کے نتائج جاری سال میں حیدرآباد انجینئرنگ اور بی فارمیسی کورس کے دوسرے داخلہ لینے کے لیے

(اردو اخبار دنیا)تلنگانہ ای سیٹ امتحان کے نتائج جاری سال میں حیدرآباد انجینئرنگ اور بی فارمیسی کورس کے دوسرے داخلہ لینے کے لیے منعقدہ تلنگانہ ای سیٹ کے نتائج جاری کردیئے گئے ہیں ۔ ریاستی ہائر ایجوکیشن کونسل کے چیئرمین پاپی ریڈی نے نتائج جاری کیے ۔ انہوں نے کہا کہ 95.16 فیصد طلباء نتائج میں کامیاب ہوئے ۔ اس مہینے کی 3 تاریخ کو تقریبا 24،000 طلباء نے امتحان میں شرکت کی ۔ ای سیٹ کی کونسلنگ کا عمل رواں ماہ کی 24 تاریخ سے شروع ہوگا ۔ سلاٹ بکنگ 24 28 اور امیدواروں کے سرٹیفکیٹ کی جانچ پڑتال 26 ( 29 تک ہوگی ۔

مراٹھواڑہ میں کورونا کے 185 نئے کیسز ، سات کی موت

مراٹھواڑہ میں کورونا کے 185 نئے کیسز ، سات کی موت

اورنگ آباد(اردو اخبار دنیا) :مہاراشٹر کے مراٹھواڑہ خطے میں گذشتہ 24 گھنٹوں کے دوران کورونا انفیکشن کے 185 نئے کیس درج ہوئے اور سات افراد کی موت ہوگئی۔ یہ اطلاع طبی عہدیداروں نے بدھ کے روز دی۔
تمام ضلعی ہیڈ کوارٹرز سے یونیوارتا کی جانب سے موصولہ تفصیلات کے مطابق خطے کے آٹھ اضلاع میں عثمان آباد سب سے زیادہ متاثر رہا جہاں 43 نئے کیس ریکارڈ کئے گئے اور تین افراد کی موت ہوگئی۔ اس کے بعد لاتور میں نومعاملات اور دو اموات، بیڈ میں 107 کیسز اور ایک شخص کی موت، جالنا میں چھ نئے کیس اور ایک موت کی اطلاع ملی ہے جبکہ اورنگ آباد میں 15 نئے کیسز، ناندیڈ میں تین، پربھنی میں دوکیسز درج ہوئے وہیں ہنگولی میں ایک بھی شخص اس مہلک وائرس سے متاثر نہیں پایا گیا ہے۔

چار مہینے بعد ڈیزل ہوا سستا ، پٹرول کے دام میں کوئی تبدیلی نہیں

چار مہینے بعد ڈیزل ہوا سستا ، پٹرول کے دام میں کوئی تبدیلی نہیں

نئی دہلی(اردو اخبار دنیا): بین الاقوامی بازار میں تیل کی قیمتوں میں مسلسل کمی کی وجہ سے آج چار مہینوں کے بعد ملک میں ڈیزل 20 پیسے فی لیٹر سستا ہو گیا، جبکہ پٹرول کی قیمت 31 ویں دن مستحکم رہی۔
اس سے قبل 15 اپریل کو ڈیزل کی قیمت میں 14 پیسے فی لیٹر کی کمی کی گئی تھی۔ بدھ کو دہلی میں انڈین آئل کے پمپ پر پٹرول 101.84 روپے فی لیٹر رہا جبکہ ڈیزل 20 پیسے سستا ہوکر 89.67 روپے فی لیٹر ہوگیا۔
آئل مارکیٹنگ کمپنی انڈین آئل کارپوریشن کے مطابق بدھ کو دہلی میں پٹرول 101.84 روپے فی لیٹر پر مستحکم رہا جبکہ ڈیزل 20 پیسے سستا ہوکر 89.67 روپے فی لیٹر ہوگیا۔
دنیا کے کئی ممالک میں کووڈ 19 کے ڈیلٹا ویریئنٹ کی وجہ سے تیل کی مانگ میں بہتری نہیں ہو رہی ہے۔ لہذا ، کل کاروبار بند ہوتے وقت برینٹ کروڈ 0.48 ڈالر فی بیرل کی کمی سے 69.03 ڈالر فی بیرل اور امریکی کروڈ 0.70 ڈالر فی بیرل کم ہوکر 66.59 ڈالر پر بند ہوا۔ پٹرول اور ڈیزل کی قیمتوں کا روزانہ جائزہ لیا جاتا ہے اور اس کی بنیاد پر نئی قیمتوں کا اطلاق ہر روز صبح 6 بجے سے ہوتا ہے۔
آج ملک کے چار بڑے میٹرو میں پٹرول اور ڈیزل کی قیمتیں درج ذیل تھیں۔
شہر کا نام ---------— پیٹرول ——------- ڈیزل
دہلی ——----------- 101.84 —— -----89.67
ممبئی—----------— 107.83 —-----— 97.24
چنئی —-----------—102.49 -——---- 94.20
کولکتہ—---------—102.08 —-------—92.82

سعودی عرب : بیرون ملک پھنسے تارکین وطن کے اقاموں اور ویزوں میں 30 ستمبر تک مفت توسیع

سعودی عرب : بیرون ملک پھنسے تارکین وطن کے اقاموں اور ویزوں میں 30 ستمبر تک مفت توسیع

الریاض:(اردو اخبار دنیا) سعودی عرب نے ایک شاہی فرمان کے تحت بیرون ملک پھنسے ہوئے تارکینِ وطن کے اقاموں کی تجدید ،خروج اور دوبارہ داخلہ کے لیے ویزوں کی میعاد میں خودکار طریقے سے 30 ستمبر2021ء تک بلا فیس توسیع کرنے کا اعلان کیا ہے۔ سعودی پریس ایجنسی کے مطابق جنرل ڈائریکٹوریٹ آف پاسپورٹس (جوازات) نے خودکار طریقے سے پہلے ہی ویزوں کی تجدید کا عمل شروع کردیا ہے اور اس کام کی ویزا حاملین سے کوئی اضافی فیس وصول نہیں کی جائے گی۔

جوازات نے اس امر کی تصدیق کی ہے کہ قومی اطلاعاتی مرکز کے ساتھ رابط کے ذریعے ویزوں کی میعاد میں توسیع خودکار طریقے سے کی جارہی ہے اور متعلقہ فرد کو پاسپورٹس کے کسی دفتر میں جانے کی ضرورت نہیں ہے۔

سعودی وزیرخزانہ نے اس ضمن میں خادم الحرمین الشریفین شاہ سلمان بن عبدالعزیز کی ہدایات کی روشنی میںالگ سے بھی حکم نامہ جاری کردیا ہے۔بیرون ملک پھنسے تارکین وطن کے ویزوں کی میعاد میں توسیع کا فیصلہ سعودی شہریوں اورمکینوں کے تحفظ کو یقینی بنانے کے لیے اقدامات کے حصے کے طور پر کیا گیا ہے اور اس کا ایک بڑا مقصد کووِڈ-19 کی وبا کے تارکین وطن پر مرتب ہونے والے منفی مالی اورمعاشی اثرات کو کم کرنا ہے۔

خادم الحرمین الشریفین کی ہدایات کی روشنی میں ان ممالک سے تعلق رکھنے والے تارکین وطن اورغیرملکیوں کے ویزوں میں توسیع کی جارہی ہے جہاں سے مسافروں کے کروناوائرس کی وبا پھیلنے کے بعدسعودی عرب میں داخلے پر پابندی عاید ہے۔

گورنر تلنگانہ کی والدہ چل بسیں

گورنر تلنگانہ کی والدہ چل بسیں

(اردو اخبار دنیا)

حیدرآباد: تلنگانہ گورنر کی والدہ کا انتقال ہو گیا۔ گورنر تمیلی سائی سونداراجن کی والدہ کرشناکماری جن کی عمر 80 سال تھی کل انہیں خرابی صحت کی بناء پر حیدرآباد کے کارپوریٹ ہاسپٹل میں شریک کیا گیا،انکا وینٹی لیٹر پر رکھ کر علاج کیا جارہا تھا آج صبح انھوں نے آخری سانس لی۔ گورنر کے والدہ کے انتقال پر چیف منسٹر چندر شیکھر راؤ نے تعزیت کا اظہار کیا ہے۔

یوپی بورڈ : ترقی پانے والے طلبا کو تحریری امتحان میں بیٹھنے کی اجازت ، ٹائم ٹیبل جاری

یوپی بورڈ : ترقی پانے والے طلبا کو تحریری امتحان میں بیٹھنے کی اجازت ، ٹائم ٹیبل جاری

(اردو اخبار دنیا)

لکھنؤ: یوپی بورڈ کے ہائی اسکور اور انٹرمیڈیٹ کے امتحانات کورونا کے پیش نظر منسوخ کر دئے گئے تھے اور طلبا کو اگلی جماعتوں میں ترقی دے دی گئی تھی۔ اس عمل میں متعدد طلبا ایسے بھی تھے جنہیں زیادہ نمبرات حاصل کرنے کی توقع تھی لیکن نمبرات کم آنے کی وجہ سے انہیں مایوسی ہوئی۔ اب یوپی بورڈ کی جانب سے ایسے طلبا کے لئے امتحانات میں بیٹھنے کا انتظام کیا گیا ہے تاکہ وہ اپنی کارکردگی کے دم پر زیادہ نمبرات حاصل کر سکیں۔

یوپی بورڈ کی جانب سے 10ویں اور 12ویں جماعت کے طلبا سے تحریری امتحان میں بیٹھنے کے لئے درخواستیں طلب کی گئی ہیں۔ خواہشمند طلبا ایک یا پھر تمام موضوعات کے امتحان میں بیٹھ سکتے ہیں۔ سال 2020-21 کےسیشن میں ہی نتائج کا اعلان کیا جائے گا۔

تحریری امتحانات کے لئے یوپی بورڈ کی جانب سے ٹائم ٹیبل بھی جاری کر دیا گیا ہے۔ جس کے مطابق 18 ستمبر سے 2 اکتوبر کے درمیان امتحانات کرائے جائیں گے۔ ہائی اسکول کے امتحانات 12 دن میں اور انٹرمیڈیٹ کے امتحانت 15 دن میں مکمل ہو جائیں گے۔

یوپی کے ایڈیشنل چیف سیکریٹری (ثانوی تعلیم) کے جاری کردہ حکم میں کہا گیا ہے کہ تحریری امتحانات کے لئے کوئی فیس وصول نہیں کی جائے گی اور امتحان کی مدت 3 گھنٹے کی بجائے 2 گھنٹے کی رہے گی۔ نیز امتحان کے پرچے میں سوالات کی تعداد کم کی جائے گی

اردو اخبار دنیا

Urduduniyanews72

سونیا گاندھی کی طلب کردہ اپوزیشن کی میٹنگ ممتا شریک ہوں گی میں

سونیا گاندھی کی طلب کردہ اپوزیشن کی میٹنگ ممتا شریک ہوں گی میں

(اردو اخبار دنیا)مغربی بنگال کی وزیرا علیٰ ممتا بنرجی نے کانگریس کی کارگزار صدر سونیاگاندھی کی طلب کردہ اپوزیشن جماعتوں کی ورچوئل میٹنگ میں شرکت کرنے کا فیصلہ کیا ہے۔

ترنمول کانگریس کے ذرائع نے اس کی تصدیق کرتے ہوئےکہا ہے کہ 30 اگست کو سونیا گاندھی نے اپوزیشن کی جو ورچوئل میٹنگ بلائی ہے اس میں ممتا بنرجی کو شرکت کی دعوت دی گئی تھی۔ ممتا بنرجی نے یہ دعوت قبول کرلی ہے۔

ممتا بنرجی سمیت کئی اپوزیشن جماعتوں کے قائدین کو اجلاس میں شرکت کی دعوت دی گئی ہے۔ اسمبلی انتخابات کے بعد پہلی مرتبہ دہلی کا دورہ کرنے والی ممتا بنرجی نے کانگریس صدر سونیا گاندھی سے ملاقات کی تھی۔ انہوں نے کانگریس کے سینئر لیڈر کمل ناتھ سمیت دیگر رہنماؤں سے بھی ملاقات کی تھی۔ دونوں رہنماؤں نے مل کر کام کرنے پر اتفاق کیا تھا۔ جھارکھنڈ کے وزیراعلیٰ ہیمنت سورین نے بھی میٹنگ میں شرکت پر رضامندی ظاہر کی ہے۔ اس سلسلے میں کانگریس کے سینئر لیڈر کپل سبل نے اپوزیشن جماعتوں کے قائدین کے ساتھ ان کی رہائش گاہ پر ملاقات کی ہے۔

واضح رہے کہ 2024 کے لوک سبھا انتخابات سے قبل ملک بھر میں ہم خیال جماعتوں کو متحد کرنے کی کوششیں جاری ہیں ، جس میں ممتا بنرجی ایک اہم چہرے کے طور پر سامنے آئی ہیں ۔

الیکشن لڑنے والوں کے لیے گائے پالنا لازمی کیا جائے‘،بی جے پی وزیر کا متنازعہ بیان

 اگست 18, 2021

• (اردو اخبار دنیا)

  

بی جے پی حکمراں ریاستوں کے وزراء متنازعہ بیانات دینے کے لیے کافی مشہور ہیں اور ایک بار پھر بی جے پی وزیر نے ایسا بیان دیا ہے جس پر لوگ طنز بھی کر رہے ہیں اور تنقید کا نشانہ بھی بنا رہے ہیں۔ معاملہ مدھیہ پردیش کی شیوراج حکومت میں وزیر ہردیپ سنگھ ڈَنگ سے متعلق ہے جنھوں نے یہ بیان دے کر تنازعہ کھڑا کر دیا ہے کہ جو عوامی نمائندہ الیکشن لڑنا چاہتے ہیں، ان کے لیے گائے پالنا لازمی ہونا چاہیے۔ اتنا ہی نہیں، انھوں نے میڈیا سے یہ بھی کہا کہ ریاست میں گائے پالنے کو لے کر قانون بھی بنایا جانا چاہیے۔

ہردیپ سنگھ ڈَنگ کے اس بیان پر کانگریس رکن اسمبلی عارف مسعود نے طنز کے تیر چلائے ہیں۔ انھوں نے اپنے بیان میں کہا ہے کہ ’’ہمیں ڈَنگ کی تجویز منظور ہے، لیکن حکومت یہ وعدہ کرے کہ ہمارے گائے پالنے پر موب لنچنگ نہیں ہوگی۔‘‘ کچھ دوسرے لیڈروں نے بھی ڈَنگ کے بیان کو تنقید کا نشانہ بنایا ہے اور کہا ہے کہ ان کا مطالبہ حیرت انگیز ہے، اور اس طرح کا قانون نہیں بنایا جا سکتا۔

دلچسپ بات یہ ہے کہ متنازعہ بیان دینے کے لیے مشہور ریاستی وزیر ڈَنگ نے اپنے ایک بیان میں یہ بھی کہا کہ جن ملازمین کی تنخواہ 25 ہزار سے زادہ ہے ان سے 500 روپے لیے جائیں۔ اس بیان پر بھی ہنگامہ برپا ہے اور لوگوں کا کہنا ہے کہ اگر اس طرح کا کوئی حکم جاری کیا گیا تو یہ ظلم و جبر پر محمول ہوگا۔بہر حال، ڈَنگ نے ریاست میں گئو پروری کو لے کر کئی طرح کے بیان دیے ہیں۔ ایک بیان میں انھوں نے یہ بھی کہا ہے کہ ہر کسان کے لیے یہ لازمی کر دیا جانا چاہیے کہ جس کے پاس گائے ہو اسی کی کھیت رجسٹرڈ ہو۔ انھوں نے کہا کہ چاہے پنچ، سرپنچ، ضلع پنچایت رکن ہو، رکن اسمبلی ہو یا رکن پارلیمنٹ، صرف انھیں ہی ٹکٹ دیے جائیں جن کے پاس گائے ہے، ورنہ فارم نامنظور کر دیے جائیں۔

غیرت کے نام پر لڑکے اور لڑکی کا قتل

 اگست 18, 2021

• (اردو اخبار دنیا)

  

پاکستان کے ٹھٹھہ کے گاؤں امام بخش بروہی میں غیرت کے نام پر لڑکے اور لڑکی کو قتل کردیا گیا۔ایس ایس پی عمران احمد نے کہا کہ قتل کا واقعہ 10 اور 11 اگست کی رات پیش آیا۔انھوں نے بتایا کہ مقتولین کی خاموشی سے تدفین کردی گئی تھی۔

 

ایس ایس پی کے مطابق قتل کے الزام میں لڑکی کے والد اور 2 بھائیوں کو گرفتار کرلیا گیا ہے جبکہ ان کے خلاف مقدمہ بھی درج کرلیا گیا ہے۔ان کا کہنا تھا کہ ڈی ایس پی اور ایس ایچ او پر مشتمل تفتیشی ٹیم تشکیل دے دی گئی ہے۔ایس ایس پی نے کہا کہ قبرکشائی اور میڈیکل بورڈ بنانے کے لیے درخواست کی ہے۔

خاتون نے حادثے میں ہلاک شوہر کی مورتی بنواکر پوجا شروع کردی

 اگست 18, 2021

• (اردو اخبار دنیا)

  

بھارت میں ایک خاتون نے کار ایکسیڈنٹ میں ہلاک ہونے والے اپنے شوہر کی مورتی بناکر پوجا شروع کردی۔خاتون کا شوہر چند سال قبل کار ایکسیڈنٹ میں ہلاک ہوگیا تھا، اس کی یاد میں خاتون نے ایک چھوٹا سا مندر تعمیر کروا کر وہاں اپنے شوہر کی سفید سنگ مر مر سے تیار کردہ مورتی کی پوجا شروع کردی ہے۔

 

جنوبی بھارت کی ریاست آندھرا پردیش کے ضلع پرکاسم کی رہائشی پدماوتی کے اس اقدام کی وجہ سے بھارت بھر کے لوگوں کی توجہ اس کی جانب مبذول ہوئی ہے۔اس عورت نے دعویٰ کیا کہ اس کا شوہر گورو کولا آنکی ریڈی 2007 میں اپنی حادثاتی موت کے فوری بعد اسے خواب میں نظر آیا اور اسے مندر بنانے کو کہا، جس پر میں نے اپنے شوہر کی خواہش کو پورا کرتے ہوئے مندر بنوایا ہے۔