تلنگانہ ایمسیٹ انجینرینگ و میڈیکل کے نتائج جاری محمد متین کو تیسرا رینک

تلنگانہ ایمسیٹ انجینرینگ و میڈیکل کے نتائج جاری محمد متین کو تیسرا رینک

حیدرآباد _ تلنگانہ ایمسیٹ انجینرینگ امتحان کے نتائج جاری کردیئے گئے ہیں وزیر تعلیم سبیتا اندرا ریڈی نے کہا کہ آج انجینئرنگ اسٹریم کے نتائج جاری کیے گئے ہیں جس میں 82 اعشاریہ صفر آٹھ فیصد امیدوار کوالیفائی قرار دئے گئے ہیں ایگریکلچر میڈیکل 98 اعشاریہ 48 فیصد امیدوار کوالیفائی قرار دئے گئے۔انجینئرنگ اسٹریم کے پہلے دو رینک آندھراپردیش کے طلباء کو حاصل ہوئے ۔پہلا رینک کارتیکیا ویسٹ گوداوری ضلع اور دوسرا رینک کڑپہ ضلع کے راجم پیٹ کے وینکٹ پرنیت کو حاصل ہوا جبکہ ٹولی چوکی حیدرآباد کے محمد معین کو تیسرا رینک حاصل ہوا ہے میڈیکل اینڈ ایگریکلچر میں پہلا رینک بالا نگر حیدرآباد کے کارتیکیا کو پہلا رینک اور رنگاریڈی ضلع کی ہیمانی شری نیجا کو دوسرا رینک حاصل ہوا۔

شادی کے بعد بنا ڈائٹنگ وزن کنٹرول کرنے کے ٹوٹکے

25/08/2021

لڑکیاں شادی سے پہلے اپنی صحت اور حسن میں اضافہ کے لئے کیا کچھ نہیں کرتیں لیکن شادی کے بعد ملنے والی خوشیوں اور ذمہ داریوں میں گم ہو جاتی ہے اوراپنی صحت سے زیادہ دوسروں کی خوشی کا خیال رکھنا شروع کر دیتی ہیں جس سے بعض لڑکیاں تھوڑے ہی عرصے میں چڑچڑاہٹ ،سستی ،اعصابی کمزوری ،بلڈ پریشر اور جوڑوں کے درد میں مبتلا ہو جاتی ہیں لیکن اگر بچیوں کو چند غذائی عادات کا علم ہو تو وہ اپنی شادی شدہ زندگی #صحت اور #خوشگوار احسا س کے ساتھ گزار سکتی ہیں ۔

شادی کے فوری بعد وزن بڑھنے سے روکنے اور ڈائٹ کنٹرول کرنے کے ٹوٹکے آزمائیں

 شادی سے پہلے ہر لڑکی کو اپنے معالج کے مشورے سے ہیموگلوبین چیک کرا لینا چاہئے تاکہ شادی کے بعد اس ہی لحاظ سے اپنی صحت کا خیال رکھ سکے ۔کچھ بچیاں خون اور فولاد کی کمی کا شکار ہوتی ہیں انھیں شادی کے بعدچقندر کی سبزی ، گوشت اور ہرے پتوں کی سبزیاں بکثرت استعمال کرنی چاہئیں ۔

شادی کے بعد وزن کو کنٹرول میں رکھنے کے لئے دعوتوں میں کولڈڈرنکس کا استعمال نہ کریں ، تاکہ وزن اور امراض پیدا نہ ہوں ۔ (کولڈڈرنکس میں شامل اجزاء بے اولادی جیسے مسائل جنم دیتے ہیں )۔

اکثر لڑکیاں شادی کے بعد ماحول اور حالات میں تبدیلی کے باعث بے چینی ،گھبراہٹ اور چڑچڑاہٹ کا شکار ہو جاتی ہیں جس کے لئے اومیگا ۳ بہترین علاج ہے جو دل کو تقویت دیتا ہے ۔اومیگا ۳ حاصل کرنے کے لئے ہفتہ میں ایک بار مچھلی ،یا دوچار اخروٹ یا روز السی کے بیج کھانے چاہئیں جس میں موجود فیٹی ایسڈ #ایسٹروجن لیول بڑھاتے ہیں۔

 شوہر کے پیسوں کو کپڑے یا زیور بنانے اور بازار کا کھانا کھانے پر خرچ کرنے سے بہتر ہے کہ لڑکیاں اپنی صحت پر پیسہ خرچ کریں تاکہ بھرپورصحت کے ساتھ اچھی بیوی اور اچھی ماں بن سکیں ۔

شادی کے بعد ڈاکٹر کے مشورے کے بناء کسی اینٹی بایوٹک دوا کا استعمال نہیں کرنا چاہئے ۔

 گرین ٹی کا استعمال اگر بجٹ سے باہر ہو تو رات میں دارچینی اور لیموں کا قہوہ پینا چاہئے ۔

شادی شدہ جوڑوں کو سوتے وقت پانی پینے گریز کرنا چاہئے ۔پانی کی جگہ نیم گرم دودھ کا استعمال کرنا چاہئے ۔

 شادی کے بعد لڑکیوں کو خشک #میووں میں (اخروٹ ،انجیر یا ناریل ہی کھا لینا چاہئے جو سستا بھی ہوتا ہے اور بچہ دانی کو مضبوط بناتا ہے ۔

 شادی کے بعد خواتین میں کینسر جیسے #مرض پیدا ہونے کی شرح میں اضافہ ہو جاتا ہے جس سے بچاؤ کے لئے ٹماٹر اور ہلدی کا استعمال بہترین حل ہے ۔شادی کے بعد لڑکیوں کو ایک کپ نیم گرم دودھ میں چوتھائی چمچ ہلدی ڈال کر پینا چاہئے

نئی شادی شدہ لڑکیوں کے لئے آئس کریم کی بجائے ڈارک چاکلیٹ زیادہ بہتر ہوتی ہے ۔ ماہرین کہتے ہیں #چاکلیٹ میں (پی ۔ای ۔اے )کیمیکل ہوتا ہے جو غصہ اور ذہنی تناؤ کو کم کرتا ہے اور محبت کے جذبات ابھارتا ہے ۔

بروکلی ایک مہنگی سبزی ہے لیکن شادی کے بعد جنم لینے والے مسائل ( جلدی امراض ،رحم کی کزوری ) کو دور کرتی ہے اسے سوپ میں استعمال کرنا چاہئے ۔

ہر سبزی اپنے اندر بے شمار رکھتی ہے لیکن شادی کے بعد جو لڑکیاں کمزوری ،تکان اور سستی کا شکا رہوں انھیں شملہ مرچ ،ہرا دھنیا ،چقندر ،مشروم کا استعمال زیادہ کرناچاہئے

 شکر قندی ایک مزیدار اور صحت بخش سبزی ہے ،اسے آپ اسنیکس کے طور پر استعمال کریں ۔کہا جاتا ہے جو خواتین شکر قندی کھاتی ہیں ان کے ہاں جڑواں بچوں کی پیدائش کے امکان میں اضافہ ہو جاتا ہے ۔

شادی کے بعد لڑ کیوں کو پاپ کارن کھانا چاہئے ۔

 شادی شدہ #لڑکیوں کو سونے سے پہلے چائے نہیں پینا چاہئے ۔اس کی جگہ تھوڑی سی کافی لی جا سکتی ہے ۔

شادی شدہ لڑکیوں کے لئے تازی جلیبی اور دودھ دوا کے طور پر کام کرتی ہے ۔ ہفتہ میں تین دفعہ گرم #دودھ جلیبی کھانے سے جنسی مسائل پیدا نہیں ہوتے ۔

 شادی کے بعد لڑکیوں کو نہار منہ لہسن کھانا چاہئے جس سے دوران خون کنٹرول ہوتا ہے اور رات میں ادرک استعمال کرنی چاہئے جس سے ہارمون بیلنس ہوتے ہیں۔

کچھ لڑکیاں شادی کے چند سالوں میں ہی لاغر ہو جاتی ہیں یا وہ خواتین جو ماں بننے کی خواہش مند ہوں انھیں ( پائن ایپل ،اسٹرابیری ،تربوز ،کیلا اور کینو )کا استعمال کرنا چاہئے۔

ماں بننے کی خواہش مند لڑکیوں کو شادی کے فوری بعد سے ہی کدو کے بیج استعمال کرنے چاہئیں ۔

 ناشپاتی کو خواتین کا دوست کہا جاتا ہے ۔اس کے استعمال سے خواتین کا جسم مضبوط ہوتا ہے اور جنسی قوت بحال ہوتی ہے ۔

شادی کے ارمان25/08/2021

شادی کے ارمان

25/08/2021

ڈاکٹر شاہین فاطمہ زیبا

بیٹے کے سر سہرا دیکھنا ہر ماں باپ کاارمان ہوتا ہے۔ اِدھر بیٹا شادی کے قابل ہوااُدھر اماں اور بہنوں کو اس کی شادی کی فکر شروع ہوجاتی ہے۔ہر طرف خیالات کے گھوڑے دوڑائے جاتے ہیں ۔بیٹا چاہے کیسا ہی مگر بہو پری پیکر، پری جمال،صاحبِ مال اور خانہ داری میں بے مثال ہونی چاہئے۔غرض ہر اعتبار سے بہتر سے بہتر رشتے کی تلاش شروع ہوجاتی ہے۔کئی لڑکیوں کو ریجیکٹ کرنے کے بعد من چاہا رشتہ مل جاتا ہے۔

لڑکی کی تلاش کرنے سے لے کر لڑکی ملنے تک بھلے ہی پیروں میں چھالے پڑگئے ہوں یا چپل گھِس گئی ہو۔مگر اماں اور بہنیں اُف نہیں کرینگی بلکہ ایٹری چوٹی کا زور لگا کر اپنے مقصد میں بلآخر کامیاب ہوکر ہی دم لینگی۔رشتے طے ہوتے وقت ہی یہ بات طے ہوجاتی ہے کہ شادی میں میرے بیٹے کے ارمان پورے کرنا ہے اور ساتھ یہ بھی کہہ دیا جاتا ہے کہ ہمیں کچھ نہیں چاہئے مگر دنیا والے کیا کہنگے اور والدین جو بھی دیتے ہیں وہ اپنی #بیٹی کو ہی دیتے ہیں۔

رہا بیٹے کا سوال تو بیٹے سے اس بارے میں کسی بھی طرح کی کوئی بات چیت یا مشورہ نہیں کیاجاتا ۔البتہ لڑکی کی خوبصورتی کا ذکر کرکے اُسے اُسی خوشی میں خوش رہنے کے لئے چھوڑدیا جاتا ہے اگر وہ کچھ کہنا بھی چاہتا ہے تواُسے یہ کہہ کر خاموش کردیا جاتا ہے کہ #شادی #رسم ورواج اور ارمانوں کے بغیر ہوہی نہیں سکتی اور ہم یہ سب تمہارے لیے ہی تو کررہے ہیں۔

والدین کے ارمان بیٹے کی حیثیت کے مطابق یااُس سے بڑھ کرہوتے ہیں اگر بیٹا ڈاکٹر یا انجینئر ہوں تو اُس کے مطابق مانگ ہوتی ہے جیسے گھوڑے جوڑے کی رقم،کار،سونے کی انگوٹھی لاکٹ،گھڑی وہ بھی بہترین کمپنی کی،عقد کے کھانے کا بہترین انتظام،فرنیچر وغیرہ اس سے کم یعنی #ٹیچر،کلرک وغیرہ توجوڑے کی رقم ،سونے کی انگوٹھی کم ازکم پانچ گرام کی،گھڑی وغیرہ یہ ہوگئے لین دین کی باتیں۔

اس کے علاوہ شادی میں جوفضول رُسومات ہوتی ہے اُس کے لئے الگ سے فرمائش ہوتی ہے۔ہلدی، #مہندی رت جگہ توجیسے ارمان نکالنے کے محکمے ہیں ان کے بغیر توجیسے شادی مکمل ہوہی نہیں سکتی ان فضولیات میں لڑکی والوں کو بے پناہ تکلیفوں اور اذیتوں کاسامنا کرنا پڑتا ہے رسم کی ایک ایک چیز کودیکھاا ور پرکھا جاتا ہے۔ چیزیں اچھی ہوئی تو ٹھیک ورنہ اُس پر فقرے کسے جاتے ہیں۔بہانے بہانے سے اُنھیں جتایاجاتا ہے شرمندہ کیاجاتا ہے ایسے چہرے مہرے بنائے جاتے ہیں کہ سامنے والے کا دیکھ کر آدھا دم نکل جاتا ہے۔ اورآدھے شادی کے اخراجات سے۔

ہلدی ،مہندی اور رت جگہ
ارمانوں کی ہے یہ آمجگاہ
اس کے بغیر شادی ادھوری
جتانا ہے شان وشوکت اور دکھاوا (زیباؔ)

آپ یہ سمجھتے ہونگے کہ صرف گاوں کے یا ان پڑھ لوگ ہی ان رسومات کو پورا کرتے ہونگے یا اس طرح کے رسومات کی مانگ کرتے ہونگے ایسا بالکل نہیں ہے۔بلکہ آپ اپنے اطراف واکناف میں نظر ڈالیں تومعاملات اس سے بھی زیادہ سنگین نظرآئینگے پڑھے لکھے،نامور ،اونچے گھرانے والے،دین دار نمازی گھرانے والے افراد ایسی ایسی اوچھی حرکتیں کرتے ہیں جیسے بیٹے کے نہیں اپنے ارمان پورے کررہے ہو۔

محترم والدین شادی کے پانچ دن کے بے ہنگم #رُسومات،فضول خرچی ہونے کے بعد کیا آپ نے سوچا اس میں آپ کوکیا ملا؟ آپ نے لڑکی کا گھر باردیکھ کر شادی کی تھی وہ تمام تر جہیز،سونا چاندی،کپڑے،فرنیچر وغیرہ سب لڑکی کوملے ،لڑکے کے لئے آپ نے جو گھوڑے جوڑے کی رقم، سونا چاندی ،گھڑی وغیرہ کی مانگ کی تھی وہ تمام تر لڑکے کو ملا،اچھی خاطر داری وہ مہمانوں کے حصے میں چلی گئی۔بتا یئے آپ کے حصے میں کیا آیا؟

اچھا ہوا تو ٹھیک ورنہ سارے لوگ جوآپ کے سامنے تعریف کرتے نہیں تھکتے تھے وہ آپ کو ہی موردِ الزام ٹھہرانگے اور سب سے اہم بات اللہ اور رسول کی خوشنودی کیا آپ کوحاصل ہوئی؟کیااس طرح کی شادی کامیاب ہوگی؟کیا آپ بہو اور اس کے مائیکے والوں کے دل میں جگہ بناسکیں گے؟اس طرح کے معاملات کے بعد اگر گھر میں ناچاقی ہوگی اور اگر یہ چیزیں حد سے بڑھ جانے پر چاروناچار لڑکے کوا لگ ہونا پڑے تو؟بتایئے اس وقت آپ کاحال کیا ہوگا روپیہ روپیہ کچھ کام آئیگا؟

جن لوگوں کے سامنے آپ نے جھوٹی شان وشوکت کامظاہرہ کیا تھا۔کیا وہ اس وقت آپ بیٹے اور بہو کوواپس لانے میں آپ کی مدد کرینگے؟ کیاآپ کے اکیلے پن کو آکر دورکرینگے؟ خدارا اس جھوٹی شان وشوکت اور دکھاوے سے باہرا ٓجائیں دنیا داری کے لئے نہیں صرف اللہ اور اس کے رسول کے بتائے ہوئے راستے پر عمل کرکے شادی کی سچی خوشیوں کو حاصل کرکے اپنے رشتوں کو مضبوط بنایئے یہ شان وشوکت یہ جہیز فرنیچر اور زیورات سب یہیں رہ جائے گے ہمارے ساتھ صرف اعمال ہی جائیں گے۔

ابھی بھی وقت ہے اپنی کارکردگی کوبہتر بنایئے بیٹے کی شادی سادگی سے کیجئے اس سے رشتے مضبوط اور پائیدار ہونگے اورآخرتک آپ کے ساتھ رہینگے کیونکہ آپ کی شخصیت گھر میں اس تناآور درخت کی سی ہیں جس کی شاخ پھل اور پھول اور چھائوں سے سب کو راحت ملتی ہے اور اس کی جڑیں جتنی مضبوط اور گہری ہونگی اتنے ہی رشتے محفوظ ہونگے’’کیونکہ رشتوں کی مضبوطی ساتھ میں رہنے سے نہیں دلی وذہنی ہم آہنگی سے ہوتی ہے‘‘۔لڑکوں کے والدین بڑے خوش نصیب ہوتے ہیں وہ اس لحاظ سے کہ وہ چاہیں توسادگی سے نکاح کرکے دنیا اورآخرت میں اللہ کی رضاحاصل کرسکتے ہیں۔اللہ تعالیٰ سے دعا گو ہوں کہ وہ ہمیں دنیا وکھاوے سے زیادہ دینی معاملات پر عمل کرنے کی توفیق دے اور ہمارا ہر عمل صرف اُسی کے لئے ہو۔
آمین ثمہ آمین۔

علی گڑھ : کلیان سنگھ کی موت پر تعزیت کا اظہار کیے جانے پر وائس چانسلر کی مذمت ، احتجاجی طور پر یونیورسٹی کیمپس میں پمفلٹ

علی گڑھ : کلیان سنگھ کی موت پر تعزیت کا اظہار کیے جانے پر وائس چانسلر کی مذمت ، احتجاجی طور پر یونیورسٹی کیمپس میں پمفلٹ

(اردو اخبار دنیا)اترپردیش کے سابق وزیر اعلیٰ اور سابق گورنر کلیان سنگھ کا 21 اگست کو انتقال ہوگیا۔ 22 اگست کو علی گڑھ مسلم یونیورسٹی کے وائس چانسلر نے سابق وزیر اعلیٰ کلیان سنگھ کی موت پر تعزیت کا اظہار کیا۔ اے ایم یو کے طلباء نے اظہار تعزیت کی مذمت کی ہے۔ اس سلسلے میں یونیورسٹی کیمپس میں مختلف مقامات پر پمفلٹ چسپاں کیے گئے ہیں۔ پرچے میں وائس چانسلر طارق منصور کے خلاف چیزیں لکھی گئی ہیں۔ تاہم منگل کو یونیورسٹی انتظامیہ نے ایسے پرچے ہٹا دیے ہیں۔

کیمپس میں چسپاں کیے گئے پمفلٹ میں کہا گیا ہے کہ یونیورسٹی انتظامیہ کی جانب سے اظہار تعزیت اس طرح کے جذبات کو ٹھیس پہنچاتی ہے۔ کیونکہ ماضی میں جو کچھ ہوا وہ کسی سے پوشیدہ نہیں۔

یہ علی برادری کے جذبات کو ٹھیس پہنچانے کے مترادف ہے۔ یہ پمفلٹ ہندی ، اردو اور انگریزی زبانوں میں ہیں۔ کچھ لوگوں نے ان پرچے کی تصاویر بھی لی ہیں اور انہیں سوشل میڈیا پر ڈال دیا ہے۔

اس حوالے سے یونیورسٹی کے پراکٹر پروفیسر وسیم علی کا کہنا ہے کہ اس وقت یونیورسٹی کیمپس میں کوئی طالب علم نہیں ہے۔ کیمپس خالی ہے۔ اس طرح کے پمفلٹ کچھ شرارتی عناصر نے دو یا تین جگہوں پر چسپاں کیے تھے ، جن کے بارے میں انہیں فوری طور پر ہٹا دیا گیا تھا۔ جہاں تک سوشل میڈیا کا تعلق ہے کوئی بھی تبصرہ کر سکتا ہے۔ اگر وہ قانون کی خلاف ورزی کے دائرے میں آتا ہے تو تحقیقات کی جائے گی۔
اس معاملے میں اقلیتی بہبود کے وزیر مملکت محسن رضا کا بیان بھی آیا ہے۔ انہوں نے کہا کہ معاملے کی تحقیقات کی جا رہی ہے۔ جو بھی قصور وار ہے اس کے خلاف کارروائی کی جائے گی۔

ساتھ ہی ، کلیان سنگھ کی موت پر ، ایس پی اور کانگریس کے قائدین کی جانب سے انہیں خراج تحسین پیش نہ کرنے کے بعد بھی سیاست شروع ہوگئی ہے۔ بی جے پی نے دونوں پارٹیوں کو کانگریس اور ایس پی رہنماؤں کو سابق وزیراعلی کلیان سنگھ کو الوداع کہنے کے لیے نہ آنے پر نشانہ بنایا ہے۔ کلیان کو پسماندہ طبقات کے ایک لیڈر کو خراج تحسین پیش نہ کرنے کے مسئلے کے ذریعے ، بی جے پی نے پسماندہ ووٹ بینک کو کاشت کرنے میں بھی مصروف ہے۔

پسماندہ ذاتوں کے بڑے لیڈروں جیسے بی جے پی کے ریاستی صدر سوتنتر دیو سنگھ ، وزیر محنت سوامی پرساد موریہ اور اناؤ کے رکن پارلیمنٹ ساکشی مہاراج نے کانگریس اور ایس پی پر الزام لگایا کہ وہ مسلم ووٹ بینک کے لالچ میں کلیان سنگھ کو خراج تحسین پیش نہیں کر رہے ہیں۔ انہوں نے کہا کہ ایس پی اور کانگریس نے پسماندہ طبقے کی توہین کی ہے ، 2022 میں ریاست کے عوام اس کا جواب دیں گے۔

اناؤ کے رکن پارلیمنٹ ساکشی مہاراج نے کہا کہ ملائم سنگھ یادو ، اکھلیش یادو ، سونیا گاندھی ، راہل گاندھی اور پرینکا گاندھی نے کلیان سنگھ کو خراج تحسین پیش نہیں کیا کیونکہ ایک مخصوص طبقے کے ووٹ بینک اور تسکین کی سیاست ہے۔ کلیان سنگھ حکومت کے دور میں ایودھیا میں متنازعہ ڈھانچہ ٹوٹ گیا تھا ، اس لیے کانگریس اور ایس پی لیڈروں نے انہیں خراج تحسین پیش نہیں کیا۔ یہ او بی سی اور دلت طبقے کی توہین ہے

دہلی میں نئی سڑکوں کی تعمیر،ڈی این ڈی پر سفر کرنے والوں کوہوگی سہولت

دہلی میں نئی سڑکوں کی تعمیر،ڈی این ڈی پر سفر کرنے والوں کوہوگی سہولت

• 
  
  

 

نئی دہلی(اردو اخبار دنیا)

سرائے کالے خان سے رنگ روڈ پر  آنے والے ڈرائیوروں کو جلد ہی جام سے راحت ملے گی۔ یہاں ڈی این ڈی سرائے کالے خان سے بارہ پولہ تک ایک اضافی دو لین سڑک بنائی جا رہی ہے۔

اس کی تعمیر کے ساتھ ، سن واچ سے بارہ پولہ تک چڑھنے والی ٹریفک کو ایک علیحدہ راستہ مل جائے گا۔ اس وقت سرائے کالے خان سے ڈی این ڈی ، آشرم اور ایمس یا ڈیفنس کالونی جانے والے لوگوں کو ایک ہی راستہ استعمال کرنا پڑتا ہے۔

جس کی وجہ سے ٹریفک جام ہے۔ اس اضافی لین کے بننے سے ، یہاں سے ڈیفنس کالونی ، ایمس اور سی جی او کمپلیکس جانے والے ڈرائیوروں کو ایک علیحدہ لین مل جائے گی اور وہ جام میں پھنسے بغیر سورج گھڑی سے براہ راست باراپولا چڑھ سکیں گے۔

یہ سڑک PWD کی طرف سے تعمیر کی جا رہی ہے۔ اس کا آدھا حصہ مکمل ہو چکا ہے ، جس پر ٹریفک بھی رواں دواں ہے۔ آدھے حصے پر کام جاری ہے۔ توقع ہے کہ یہ کام اگلے ماہ تک مکمل ہو جائے گا۔

یہ بات قابل ذکر ہے کہ مہارانی باغ میں سب وے بننے کی وجہ سے ، یہ سڑک سرائے کالے خان تک جام ہو جاتی ہے جب رکاوٹ بنتی ہے۔ اس کی وجہ سے ان لوگوں کو باراپولا سے ایمس اور ڈیفنس کالونی وغیرہ جانا پڑتا ہے۔

اہم خبریں : سارن میں نوجوان کا گلا ریت کر قتل

اہم خبریں : سارن میں نوجوان کا گلا ریت کر قتل

سارن میں نوجوان کا گلا ریت کرقتل

چھپرہ(اردو اخبار دنیا): بہار میں سارن ضلع کے دریا پور تھانہ علاقہ میں ایک نوجوان کا گلا ریت کر قتل کرنے کا معاملہ سامنے آیا ہے۔ پولیس ذرائع سے ملی اطلاع کے مطابق، ضلع کے دریا پور تھانہ علاقہ کے دری ہارا بھوال گاﺅں باشندہ سہدیو سنگھ کا 30 سالہ بیٹا راہل عرف بدھن سنگھ منگل کو کسی کام سے دریہارا رام ساگر بازار جارہا تھا۔ اسی دوران دریہارا بھوال گاﺅں کے ٹھاکر باڑی کے نزدیک قبل سے گھات لگائے دو بدمعاشوں نے اسے روک کر مار پیٹ کرنے کے بعد تیز اسلحہ سے گلا ریت کر اس کا قتل کر دیا۔ ذرائع نے بتایا کہ قتل کی جانکاری ملنے پر اہل خانہ نے معاملے کی اطلاع دریا پور تھانہ پولیس کو دی۔ جس کے بعد پولیس نے لاش پوسٹ مارٹم کرا کر اہل خانہ کو سونپ دی ہے۔ متوفی کے اہل خانہ نے اس معاملے میں اپنے ہی گاﺅں کے رمیشور سہنی اور کرشنا سہنی کے خلاف نامزد ایف آئی آر درج کرائی ہے۔ پولیس ملزمین کی گرفتاری کے لئے چھاپے ماری کر رہی ہے۔

مزید 10 ہزار آکسیجن پر مشتمل بیڈس کی تیاری

مزید 10 ہزار آکسیجن پر مشتمل بیڈس کی تیاری

تمام سرکاری ہاسپٹلس میں 20 فیصد بیڈس بچوں کے لیے مختص
2 ہزار طبی عملہ کا عارضی طور پر تقرر ، محکمہ صحت کے تیزی سے اقدامات
حیدرآباد ۔ 24 ۔ اگست : (اردو اخبار دنیا) : محکمہ صحت کی جانب سے کورونا کی تیسری لہر کا سامنا کرنے کے لیے بڑے پیمانے پر اقدامات کئے جارہے ہیں ۔ بالخصوص متاثرین کو ضرورت کے مطابق آکسیجن کی فراہمی کو یقینی بنانے تمام احتیاطی اقدامات کئے جارہے ہیں ۔ کورونا کی پہلی اور دوسری لہر کے موقع پر سرکاری ہاسپٹلس میں 17 ہزار بیڈس کو آکسیجن کی سہولت فراہم کی گئی ہے ۔ مزید 10 ہزار آکسیجن پر مشتمل بیڈس کی تیاری کے لیے بڑے پیمانے پر اقدامات کئے جارہے ہیں ۔ اس طرح تمام اضلاع ہیڈ کوارٹرس میں آکسیجن بیڈس کی فراہمی کے لیے اقدامات کئے جارہے ہیں ۔ عہدیداروں نے فیصلہ کیا ہے کہ ہر ایریا ہاسپٹل میں 20 بیڈس آئی سی یو میں تبدیل کیے جائیں گے ۔ تمام سرکاری ہاسپٹلس میں 20 فیصد بیڈس بچوں کے لیے مختص کئے جارہے ہیں ۔ آئی سی یو بیڈس کو بھی اس حساب سے مختص کیا جارہا ہے ۔ 100 سے زائد بیڈس رہنے والے خانگی ہاسپٹلس کے لیے آکسیجن پلانٹس کو لازمی قرار دیا گیا ہے ۔ 100 تا 200 بیڈس رکھنے والے ہاسپٹلس ایک منٹ میں 500 لیٹرس آکسیجن پیداوار کی گنجائش والے پلانٹس قائم کریں ۔ ساتھ ہی 200 تا 500 بیڈس رکھنے والے ہاسپٹلس کو ایک منٹ میں 1000 لیٹر پیدا کرنے والے پلانٹس قائم کرنے کی ہدایت دی گئی ۔ 500 سے زائد بیڈس رکھنے والے ہاسپٹلس ایک منٹ میں 2 ہزار لیٹر آکسیجن پیدا کرنے والے پلانٹس قائم کریں ۔ نیشنل ڈیزاسسٹر مینجمنٹ نے کورونا کی تیسری لہر کا انتباہ دیتے ہوئے کہا کہ آفیس کھل گئے ، مارکٹس میں عوام کا ہجوم بڑھ گیا ہے ۔ بازاروں میں چہل پہل بڑھ گئی ہے ۔ مگر عوام احتیاط نہیں کررہے ہیں ۔ سماجی فاصلے کے اصولوں کو نظر انداز کررہے ہیں ۔ ماسکس لگانے کے معاملے میں غفلت سے کام لینے کا حوالہ دیا ہے اور یہ بھی کہا ہے کہ موثر طبی سہولتوں کی عدم دستیابی اور ٹیکہ اندازی مہم توقع کے برعکس ہونے سے خطرات بڑھ جانے کا دعویٰ کیا ہے ۔ ملک کے 40 ماہرین نے اکٹوبر میں کورونا کی تیسری لہر آنے کی پیش قیاسی کی ہے جس کے بعد محکمہ صحت کی جانب سے ہاسپٹلس میں بنیادی سہولتیں فراہم کرنے کے معاملے میں خصوصی توجہ دی جارہی ہے ۔ نیلوفر ہاسپٹلس میں مزید 1000 بیڈس کو دستیاب رکھا جارہا ہے ۔ دیڑھ کروڑ آر ٹی پی سی آر اور اینٹجن کٹس خریدنے کا فیصلہ کیا گیا ہے ۔ تقریبا 2 ہزار ڈاکٹرس ، نرسیس اور دوسرے طبی عملہ کا عارضی طور پر تقرر کیا جارہا ہے ۔ ایم بی بی ایس فائنل ایر طلبہ کی خدمات سے استفادہ کرنے اور انہیں خصوصی تربیت دینے کا بھی فیصلہ کیا گیا ہے ۔ گورنمنٹ طبی کالجس میں ضرورت کے مطابق آئی سی یو بیڈس دستیاب رکھنے اقدامات کئے جارہے ہیں ۔۔N