معروف اداکارہ اور دلیپ کمار کی اہلیہ سائرہ بانو کی طبیعت ناساز، آئی سی یو میں داخل

 ستمبر 1, 2021

ممبئی:اپنے زمانے کی بہترین اداکارہ اور شہنشاہ جذبات مرحوم دلیپ کمار کی شریک حیات سائرہ بانو کی طبیعت ناساز ہو گئی ہے۔

تین روز قبل ہائی بلڈ پریشر کی شکایت کے بعد انہیں ممبئی کے ہندوجا اسپتال میں داخل کرایا گیا تھا، جہاں آج انہیں آئی سی میں منتقل کیا گیا ہے۔

بریکینگ نیوز: ریاستی وزیر اشوک چوہان کے گھر پر سنگ باری

 ستمبر 1, 2021

ناندیڑ:1۔ستمبر۔( اردو دنیا نیوز۷۲)ریاست مہاراشٹر کے وزیر تعمیرات عامہ و ناندیڑ ضلع کے رابطے وزیر اشوک راؤ چوہان۔ کے مکان واقع شیواجی نگر پر آج صبح کے وقت نامعلوم خاتون نے سنگباری کی ہے۔

پولس ذرائع کے بموجب اس خاتون نے اشوک چوہان کے بنگلہ "آنند نیلائم "پر سنگباری کی جس میں سیکورٹی گارڈ کے کمرے کے شیشے ٹوٹ گئے ہیں۔پولس سی سی ٹی وی فوٹیج کی جانچ پڑتال کر رہی ہے۔

بتایا جاتا ہیکہ یہ خاتون معذور افراد کیلئے استعمال ہونے والی سائکل پر آئی تھی اور ساتھ میں ایک لڑکی بھی تھی۔سنگباری کی وجوہات کا علم نہیں۔ ہوسکا ہے۔

این سی پی یوایل کے سابق ڈائرکٹرپروفیسرعلی جاویدکا انتقال

این سی پی یوایل کے سابق ڈائرکٹرپروفیسرعلی جاویدکا انتقال

اروند کمار، نئی دہلی

پروگریسو رائٹرز ایسوسی ایشن کے قائم مقام قومی صدر اور مشہور اردو ادیب اور سماجی کارکن علی جاوید کل رات دیر گئے جی بی پنت ہسپتال میں انتقال کر گئے ۔

ان کی عمر 68 برس تھی۔ آج تقریباََ دوپہر 2 بجے باب العلم اوکھلا میں نماز جنازہ کے بعد تدفین ہوگی۔ بیوی کے علاوہ ان کے خاندان میں دو بیٹے اور دو بیٹیاں ہیں۔ ہندی اردو ادیبوں اور مصنفین کی تنظیموں نے ان کی موت پر گہرے رنج و غم کا اظہار کیا ہے اور فاشزم کے خلاف جنگ میں ان کی شراکت کو یاد کیا ہے.

۔ انہوں نے کہا کہ پروگریسو رائٹرز ایسوسی ایشن کے جنرل سیکرٹری کی حیثیت سے انہوں نے فرقہ واریت اور فاشزم کے خلاف جدوجہد میں بڑا کردار ادا کیا۔ پیپلز رائٹرز ایسوسی ایشن پروگریسو رائٹرز ایسوسی ایشن رائٹرز جن کا تعلق سنسکرتی منچ سے ہے ، مشہور مصنف وشوناتھ ترپاٹھی اصغر وجاہت وبھوتی نارائن رائے شاہد پرویز وریندر یادو اجے تیواری کیول گوسوامی سنجیو کمار راجیو شکلا ، انیل چوہدری وغیرہ نے گہری تعزیت کا اظہار کیا ہے۔

مشہور مصنف اشوک باجپائی نے بھی ان کی موت کو ہندی اردو کے لیے گہرا دھچکا قرار دیا ہے۔ 2019 میں دہلی یونیورسٹی سے شعبہ اردو کے ریٹائرڈ پروفیسر مسٹر جاوید کو برین ہیمرج کی وجہ سے 12 اگست کو میکس ہسپتال میں داخل کیا گیا تھا۔

رات انھوں نے آخری سانس لی۔ 31 دسمبر 1954 کو الہ آباد ، اتر پردیش میں پیدا ہوئے ، علی جاوید نے الہ آباد یونیورسٹی سے اردو میں بی اے کیا ، ایم اے فل کیا اور جواہر لال نہرو یونیورسٹی سے اردو میں پی ایچ ڈی کی ، انہوں نے دہلی یونیورسٹی کے ذاکر حسین کالج میں پڑھانا شروع کیا۔ . جاوید قومی کونسل برائے فروغ اردو کے ڈائریکٹر بھی رہ چکے ہیں۔

پہلے مرحلے کے لیے نامزدگی کل سے شروع ، جانیں کس دن کیا ہوگا

پہلے مرحلے کے لیے نامزدگی کل سے شروع ، جانیں کس دن کیا ہوگا

(اردو دنیا نیوز۷۲)

بہار پنچایت انتخابات کے پہلے مرحلے کے حوالے سے آج نوٹیفکیشن جاری کیا جائے گا۔ پہلے مرحلے میں 10 اضلاع کے 12 بلاکس میں پنچایتی انتخابات ہوں گے۔ یہ معلومات متعلقہ اضلاع کی ڈسٹرکٹ مجسٹریٹ کم ڈسٹرکٹ الیکشن آفیسر ، پنچایت کے ذریعہ شائع کی جائیں گی۔

ایک دن بعد ، جمعرات سے ، ان حلقوں میں نامزدگی کا عمل شروع ہو جائے گا۔ کاغذات نامزدگی 08 ستمبر تک داخل کئے جائیں گے اور کاغذات نامزدگی پر نظرثانی کی آخری تاریخ 11 ستمبر ہوگی۔ ساتھ ہی 13 ستمبر تک کاغذات نامزدگی واپس لینے کی آخری تاریخ ہوگی۔ اس کے ساتھ ہی 13 ستمبر کو امیدواروں کو انتخابی نشان الاٹ کیا جائے گا۔ پہلے مرحلے کے تمام بلاکس میں پولنگ 24 ستمبر کو ہوگی اور ووٹوں کی گنتی 26 اور 27 ستمبر کو ہوگی۔ اس کے ساتھ انتخابی نتائج جاری کیے جائیں گے۔

پہلے مرحلے میں روہتاس کی داوت اور سنجولی ، کیمور کا کدرہ ، گیا کا بیلگنج ، خجسرائے ، نوادہ کا گووند پور ، اورنگ آباد کا اورنگ آباد ، جہان آباد کا کاکو ، سون بھدرہ-بنشی-سوریاپور اروال کا ، منگر کا تاراپور ، جموئی کا سکندر اور دھوریا بنکا پنچایت کے انتخابات بلاکس میں ہوں گے

..... يقينا يقيمحکم ، عمل پہیم ، محبت فاتح عالم .......

..... يقينا يقيمحکم ، عمل پہیم ، محبت فاتح عالم ....... مدثراحمد۔ شیموگہ

اتر پردیش انتخابات کو لیکرجس طرح سے ملک میں سیکولر حکومتوں کو بحال رکھنے کے خواہشمند شہری پُر اُمیدہیں،وہ آہستہ آہستہ اس بات سے پریشان ہوتے جارہے ہیں کہ نام نہاد سیاسی پارٹیاں،جماعتیں اور سیاستدان ابھی سےمنصوبہ بند طریقے سے کام کرنے کے بجائے اپنی اپنی دعویداری کو پیش کرنے کی کوشش میں لگے ہوئے ہیں اور ان کی دعویداری یوپی انتخابات میں کامیاب ہونے سے زیادہ ایک دوسرےکوتوؑڑنے،شکست دینے ،ختم کرنے اور اپنے وجود کو ظاہرکرنے کیلئے ہے۔مجلس،پیس،مسلم لیگ،کانگریس،ایس پی،بی ایس پی،آرجے ڈی،ایس ڈی پی آئی،جے ڈی یو،عام آدمی پارٹی یہ سب بی جے پی کا مقابلہ کرنے کیلئے اُترے ہیں،لیکن پوری بی جے پی ایک ہوکر ان کے سامنے پنجہ لڑانے کی تیاری میں ہے،بی جے پی کو پورایقین ہے کہ وہ کامیاب ہوجائیگی۔کیونکہ مذکورہ جتنی بھی سیاسی پارٹیاں ہیں وہ جھاڑو کی کاڑیوں کی طرح الگ الگ ہوچکی ہیں،جبکہ بی جے پی ہندوتوا کے نام پر متحد ہوکر میدان میں اُتررہی ہے

بھلا بتائیے کہ ایک ایک کاڑی کو توڑنا آسان ہےیاپھر پوری سالم جھاڑو کو توڑا جاسکتاہے۔کہنے کو تو ہر پارٹی میں سیکولر،دانشمند،حکمت والے،عقلمند،دوراندیش لوگ موجودہیں،مگر اس وقت سب کے سب اپنے مفادات کا چولہ پہن کر قوم،ملت ، مذہب اورجمہوریت کے ساتھ کھلواڑ کررہے ہیں۔بھارت میں اس وقت جو سیکولرزم کے نام پر پارٹیوں کاقیام ہورہاہے،وہ ہندوتواکے نام پر کہیں نہیں ہورہاہے۔پچھلے70 سالوں سے سنگھ پریوار ایک تھا،ایک ہے اور ایک ہی رہے گا۔کیونکہ سنگھ پریوار کسی جماعت یا گروہ کا نام نہیں بلکہ فکر کانام ہے اور اس فکرکو عملی جامہ پہنانے کیلئے سنگھ پریوارہمیشہ متحد رہے گا۔لیکن ان کے مدِ مقابل میں رہنےو الی سیکولر جماعتوں نے فکر کو بڑھاوادینے سے زیادہ مفادات کو بڑھاوادیاہے۔

آج سیکولرزم کے نام پر بے تحاشہ ووٹوں ،پارٹیوں اور لیڈروں کا بٹواراہورہاہے،مگرسنگھ پریواریا فرقہ پرستوں کا بٹوارانہیں ہورہاہے۔سیکولرزم کی کچھڑی میں جو گھی ڈالنے کا چمچہ استعمال کیاجارہاہے وہ چمچہ الگ الگ برتنوں میں بکھررہاہے۔کیونکہ اس میں بے انتہاء چھید ہیں،جبکہ سنگھ پریوارکی کچھڑی میں جو گھی ڈالاجارہاہے ،وہ سیدھے کچھڑی کے برتن میں جارہاہے۔اگر آج آپ کو کوئی یہ کہہ رہاہے کہ وہ سیکولر طاقت کو مضبوط کرنے کیلئے سیاسی جماعت کا قیام کررہاہے تویہ ایک دُکان ہے،اس میں سیکولرزم کا سامان مل رہاہے

۔اگر واقعی میں وہ شخص یا گروہ جمہوریت و سیکولرزم کی بقاء کیلئے کام کرنا چاہتا تھاتووہ اپنی طاقت انفرادی طو رپر نہیں آزماتا،بلکہ اجتماعی طاقت کے ساتھ ہوتا۔اُتر پردیش کے انتخابات سارے ملک کیلئے مثال ثابت ہوسکتے ہیں،کیونکہ یوپی کی سرزمین ایک طرح سے سارے بھارت کیلئے لائٹ ہائوز کی مانندہے اور یہیں سے سیاست کے چراغ جلتے ہیں۔بھارت کے لوگوں کے پاس یہ وقت ہے سنبھلنے اورمحتاط ہونے کا کہ وہ بھارت کی تقدیرکو ٹکڑوں میں بانٹنے کے بجائےچند حصوں میں بانٹ کربھی ایک ہندوستان بناسکتے ہیں۔یہاں وجود کو آزمانے کا موقع نہیں ہے بلکہ وجود کو بچانے کا وقت آیاہواہے،آزادی کے بعد جب کانگریس اکیلی طاقتور تھی تو اُس وقت بھارت کے لوگ جو آج الیکشن کو تجربہ گاہ بنانے کی کوشش کررہے ہیں وہ اُسی وقت اپنے وجود کیلئے تجربے کرسکتے تھے۔ہاں اب بھی اپنی طاقت اور وجود کو ظاہرکرنے کیلئے تجربے کئے جاسکتے ہیں،لیکن اس کیلئے پہلے چھوٹے اکھاڑوں میں نبرد آزما ہونے کی ضرورت ہے،نہ کہ بیچ بھنورمیں جاکر غوطے لگانے کی کوشش کرنی چاہیے۔یقیناً یقیںمحکم،عمل پہیم،محبت فاتحِ عالم، اور اسی یقین کے ساتھ ہمیں محنت وجدوجہد کے ساتھ آگے آنے کی ضرورت ہے۔

مضمون نگار کے یہ ا پنےخیالات ہیں

یوپی کے مدارس میں آج سے تعلیم کا سلسلہ شروع

مدرسے میں تعلیم کا آغاز

• 
  
  

عبدالحئ خان/دہلی

یوپی حکومت نے آج سے ریاست کے مدارس میں تعلیم کا سلسلہ شروع کرنے کی اجازت دےدی ہے۔

آج سے درجہ ایک سے پانچویں تک کے بچوں کے لۓبھی درس وتدریس کا سلسلہ شروع کرنے کا بھی فیصلہ کیا گیا ہے ۔

اب بچے مدارس میں جسمانی طور پر درجات میں جا سکیں گے۔

ریاستی اقلیتی بورڈ کے وزیر نند گوپال گپتا نندی نے مدرسہ ایجو کیشن کونسل کی طرف سے تسلیم شدہ اور امداد یافتہ مدرسوں میں کووڈ پروٹوکول اور پابند یوں کے تحت تعلیم جسمانی طور پر شروع کرنے کی اجا زت دے دی ہے۔

نند گوپال نندی نے بتایا کہ ابتدائ تعلیمی محکمہ کےاسکولوں میں جسمانی طور پر کلاس چھ سے آٹھ تک کے بچوں کے لۓتعلیمی کام 23/اگست سے شروع ہو چکا ہے۔۔ وہیں کلاس ایک سے پانچ تک کے بچوں کے لۓ تعلیمی کام یکم ستمبر سے شروع کۓ جانے کا بھی فیصلہ کیا گیا ہے۔

بہار : سیلاب نے ٹرینوں کی رفتار پر لگایا قدغن ، کئی ٹرینیں منسوخ ، کئی نے بدلا راستہ

بہار : سیلاب نے ٹرینوں کی رفتار پر لگایا قدغن ، کئی ٹرینیں منسوخ ، کئی نے بدلا راستہ

بہار میں اہم ندیوں کی آبی سطح میں ہوئے اضافہ کے بعد سیلاب نے ایک بار پھر قہر ڈھانا شروع کر دیا ہے۔ اس درمیان سمستی پور ریل ڈویژن کے سمستی پور-دربھنگہ روٹ پر حیا گھاٹ اور تھلوارا اسٹیشن کے درمیان سیلاب کا پانی ریل پل پر آ جانے کی وجہ سے اس راستے پر چلنے والی کئی ٹرینوں کو منسوخ کر دیا گیا ہے، جب کہ کئی ٹرینوں کا راستہ بدل دیا گیا ہے۔ایسٹ سنٹرل ریلوے کے چیف عوامی رابطہ افسر راجیش کمار نے بتایا کہ سمستی پور ریل ڈویژن کے سمستی پور-دربھنگہ ریلوے لائن کے وسط یعنی حیا گھاٹ اور تھلوارا اسٹیشن کے درمیان واقع ریل پل نمبر 16 (کلو میٹر 22/6-8) کے نزدیک سیلاب کا پانی آ جانے کے سبب مسافر سیکورٹی کے مدنظر تھلوارا-حیاگھاٹ ریلوے لائن سے گزرنے والی ٹرینوں کے راستے میں تبدیلی کی گئی ہے۔ انھوں نے مزید بتایا کہ یکم ستمبر کو جے نگر-پٹنہ اسپیشل ٹرین، جے نگر-بھاگلپور، سمستی پور-دربھنگہ، دربھنگہ-سمستی پور، سمستی پور-جے نگر، جے نگر-سمستی پور، منیہاری-جے نگر، جے نگر-منیہاری اسپیشل ٹرین بھی بدھ کو نہیں چلیں گی۔راجیش کمار نے ساتھ ہی یہ بھی بتایا کہ جے نگر-راجندر نگر ٹرمینل، راجندر نگر ٹرمینل-جے نگر اسپیشل ٹرین، سہرسہ-راجندر نگر ٹرمینل، راجندر نگر ٹرمینل-سہرسہ اسپیشل ٹرین اور دربھنگہ-احمد آباد اسپیشل ٹرین کا ٹرانسپورٹیشن بھی روک دیا گیا ہے۔ انھوں نے بتایا کہ اس کے علاوہ کئی ٹرینوں کو جزوی طور پر بھی روکا گیا ہے۔ کمار ے کہا کہ بدھ کو اس راستے سے چلنے والی تقریباً 10 ٹرینوں کے راستے میں تبدیلی کی گئی ہے۔