پی ایم مودی 15 ستمبر کو پارلیمنٹ ٹی وی لانچ کریں گے ، لوک سبھا اور راجیہ سبھا ٹی وی اس میں ہو گئے ضم

پی ایم مودی 15 ستمبر کو پارلیمنٹ ٹی وی لانچ کریں گے ، لوک سبھا اور راجیہ سبھا ٹی وی اس میں ہو گئے ضم

پی ایم مودی 15 ستمبر کو پارلیمنٹ ٹی وی لانچ کریں گے ، لوک سبھا اور راجیہ سبھا ٹی وی اس میں ہو گئے ضم

وزیر اعظم نریندر مودی 15 ستمبر کو لوک سبھا ٹی وی اور راجیہ سبھا ٹی وی کا مجموعہ نیا پارلیمنٹ ٹی وی لانچ کریں گے۔ موصولہ معلومات کے مطابق کانگریس کے سینئر لیڈر کرن سنگھ ، ماہر معاشیات بیبیک ڈیبروئے ، نیتی آیوگ کے سی ای او امیتابھ کانت اور وکیل ہیمنت بترا اس نئے چینل پر الگ الگ شوز کی میزبانی کریں گے۔

ایک ذریعہ نے بتایا کہ پارلیمنٹ ٹی وی کو ایک معلوماتی چینل کے طور پر قائم کیا جا رہا ہے جو ملک کے جمہوری اقدار اور اداروں سے متعلقہ موضوعات پر قومی اور بین الاقوامی سامعین کے سامنے اعلی معیار کا مواد پیش کرے گا۔پھر لوک سبھا اور راجیہ سبھا کی کارروائی ہوگی۔ پارلیمنٹ ٹی وی کے دو چینلز پر براہ راست نشریات

ذرائع نے بتایا کہ چینل کو باضابطہ طور پر وزیر اعظم مودی ، نائب صدر ایم وینکیا نائیڈو اور لوک سبھا اسپیکر اوم برلا کی موجودگی میں لانچ کیا جائے گا۔ کرن سنگھ مختلف مذاہب پر پروگرام کریں گے جبکہ بیبیک ڈیبروے تاریخ پر پروگرام کریں گے اور امیتابھ کانت ہندوستان کی تبدیلی پر۔ ہیمنت بترا قانونی موضوعات پر پروگرام کا انعقاد کریں گے۔

وزارت خزانہ کے پرنسپل ایڈوائزر سنجیو سانیال معیشت پر پروگرام کریں گے اور امبریش میتھائی ، اینڈو کرینولوجی کے معروف ڈاکٹر ، صحت کے مسائل پر۔ انڈین ایڈمنسٹریٹو سروس کے ایک ریٹائرڈ افسر اور وزارت ٹیکسٹائل کے سابق سیکرٹری روی کپور پارلیمنٹ ٹی وی کے چیف ایگزیکٹو آفیسر ہیں جبکہ لوک سبھا سیکریٹریٹ میں جوائنٹ سیکرٹری منوج اروڑا اس کے خصوصی ڈائریکٹر ہیں

ناندیڑ کے بلولی میں بجرنگ دل کارکنان کی حالات کوخراب کرنے کی کوشش‘ملزمین کی گرفتاری کیلئے احتجاجی ریلی

 ستمبر 11, 2021

• 

  
  

بلولی ابرار بیگ ) بلولی شہر کے ایک مسلم بستی میں گزشتہ 6 ستمبرکو پولا تہوار کے دن گائے کے گوشت ہونے کی شک میں ایک مسلم گھر میں بجرنگ دل کے کارکنان گائے کی حفاظت کے نام پر داخل ہوئے تھے جس کے بعد یہاں پرحالات کشیدہ ہوگیے تھے۔اور دوگروپ میں معمولی جھگڑابھی ہواتھا جس میں کچھ نوجوان زخمی ہوئے تھے لیکن پولیس موقع واردات پر پہونچنے سے حالات مزید خراب نہیں ہوئے ۔

بعد ازاں پولس کی جانب سے دونوں ہی سماج کے 20 سے زائد نوجوانوں پر مقدمات درج کئے گئے۔ اور زائد مسلم نوجوانوں کو گرفتار کیا گیا اور بجرنگ دل کے چنندہ کارکنان گرفتار کیے گئے جبکہ شہر کے حالات خراب کرنے و الے اصل ملزمین کو پولس نے ابھی تک گرفتار نہیں کیا ہے۔

اسی سلسلہ میں آج 11 ستمبر کو صبح گیارہ بجے ڈاکٹر بابا صاحب امبیڈکر کے مجسمہ سے تحصیل آفس تک ایک احتجاجی ریلی نکالی گئی اسریالی سے مفتی ایوب صاحب، مولانا مبین صاحب،سماجی کارکن ولی اولدین فاروقی، کونسلر جاوید قریشی، شیخ سلیمان، ساجد قریشی،سابق سدر بلدیہ بھیم راوجٹے، سندیپ کٹارے، لاکھیے ، ودیگر افراد نے خطاب کیا اور ان سماج دشمن عناصر پر روک لگاتے ہوئے اصل ملزمین کو جلد سے جلد گرفتار کرنے کا مطالبہ تحصیلدار کو دیے گئے میمورنڈم میں کیاگیا۔ اس احتجاجی ریالی میں دو ہزار سے زائد مسلمانوں نے شرکت کی ۔یادرہے کہ بلولی شہر کی تاریخ میں آج تک کوئی فرقہ وارانہ فساد رونماء نہیں ہوا مگر بجرنگ دل ‘وی ایچ پی کے کارکنان کی جانب سے شہر کے پر امن ماحول کوخراب کرنے کی ہرممکن کوشش کی جارہی ہے۔چندچھ ماہ قبل بھی تعلقہ کے متنیال گاوں میں معمولی جھگڑے کو فساد میں تبدیل کرنے کی واردات پیش آئی تھی۔ سماج دشمن عناصر کی ان حرکتوں سے نہیں رکاگیاتو مستقبل میں بلولی میں حالات مزید خراب ہونے کا خدشہ ہے۔ اس واقع کے دو دن بعد ہندو تنظیم کی جانب سے بلولی میں ایک جلسہ لیا گیا تھا جس میں مسلمانوں کے خلاف نفرت انگیز بیان بازی کرتے ہوئے ماحول کو بگاڑنے کی کوشش کی گئی تھی۔

 

بتیس مہینوں بعد دلہن پاکستان سے ہندوستان پہنچی

 ستمبر 11, 2021

• 

  
  

جیسلمیر ، 11 ستمبر (اردو دنیا نیوز۷۲) شادی کے بتیس مہینوں بعد ایک دلہن پاکستان سے ہندوستان پہنچی اور اس نے جمعہ کی شام اٹاری سرحد پر ہندوستان کی چوکھٹ چومی ۔ اس کے ہندوستان پہنچنے پراتنے لمبےعرصے سے دلہن کا انتظار کر رہے جیسلمیر کے بائیا گاؤں کے رہنے والے وکرم سنگھ اور ان کے خاندان کے افراد میں خوشی کا ٹھکانا نہ رہا ۔ دلہن نرملا کنور کا اس کے رشتہ داروں نے روایتی راجستھانی انداز میں استقبال کیا۔ منہ میٹھا کر کے ان کا استقبال کیا۔

پاکستان میں پھنسی اس دلہن کو لانے کے لیے وزیر مملکت برائے زراعت کیلا چودھری نے انتھک کوششیں کی ہیں ۔ انہوں نے مرکزی وزارت داخلہ کے ذریعے ہندوستان سفارت خانے سے رابطہ کرکے جیسلمیر کی اس دلہن کو اس کےسسرال میں لانے کے لیے گزشتہ کئی مہینوں سےہرممکن کوشش کی۔ نرملا کنور کی ہندوستان آمد پران کے استقبال کے لئے رکن پارلیمان سیوا کیندر ، باڑمیر میں دوپہر میں ان کے استقبال کے لیے ایک استقبالیہ کا اہتمام کیا گیا جس میں ان کا استقبال کیا گیا۔

قابل ذکر ہے کہ جیسلمیر کے بائیا گاؤں کے رہنے والے وکرم سنگھ اور اس کے بھائی نیپال سنگھ نے پاکستان کے سندھ علاقے میں جنوری 2019 میں شادی کی تھی ۔ اس دوران جموں و کشمیر میں پلوامہ حملہ ہوا اوردونوں ممالک کے تعلقات خراب ہو گئے ۔ ٹرین ، بس اور ہوائی سفر بند ہوگیا ۔اس وجہ سے 4-5 مہینے تک وکرم سنگھ سسرال میں ہی رہا ، آخر کار بیوی کو ویزا نہیں ملا تو وہ اکیلا ہی ہندوستان واپس آیا۔ امید تھی کہ دونوں ممالک کے درمیان تعلقات ٹھیک ہونے کے بعد ان کی اہلیہ ہندوستان آئے گی ، لیکن وکرم سنگھ کی اہلیہ نرملا کنور کا پاسپورٹ بلیک لیسٹڈ ہونے کی وجہ سے وہ ہندوستان نہیں آ سکی۔

گزشتہ 8 مارچ کو خواتین کے عالمی دن کے موقع پر وکرم سنگھ کے بھائی نیپال سنگھ اور باڑ میر کے رہنے والے مہندرسنگھ کی بیویاں پاکستان سے ہندوستان آ گئی تھیں ، لیکن نرملا کنور پاسپورٹ کی وجہ سے پاکستان میں پھنس گئی ۔ پاکستان میں ہی پیدا ہوئے وکرام سنگھ کے بیٹے راج ویرسنگھ کوویزا ملنے پرگزشتہ مارچ میں اسے ہندوستان لے آئے تھے ۔ حال ہی میں نرملا کنورکا پاسپورٹ پاکستان کی طرف سے بحال کر دینے کے بعد وہ ہندوستان آ گئی۔

گجرات : سی ایم وجے روپانی نے اپنے عہدے سے استعفی دے دیا

گجرات : سی ایم وجے روپانی نے اپنے عہدے سے استعفی دے دیا

گجرات : سی ایم وجے روپانی نے اپنے عہدے سے استعفی دے دیا

احمد آباد گجرات میں انتخابی مہم سے قبل ریاست کے وزیر اعلیٰ وجے روپانی نے اپنے عہدے سے استعفیٰ دے دیا ہے۔ اگلے سال گجرات میں اسمبلی انتخابات ہونے والے ہیں ، ایسے میں وجے روپانی کے استعفیٰ کو بی جے پی کے لیے بڑا دھچکا سمجھا جا رہا ہے۔ وزیر اعلیٰ کے عہدے سے استعفیٰ دینے کے بعد وجے روپانی نے کہا ، میں بھارتیہ جنتا پارٹی کا شکریہ ادا کرتا ہوں کہ اس نے میرے جیسے پارٹی کارکن کو وزیر اعلیٰ کے عہدے کی ذمہ داری دی۔ میرے دور میں وزیر اعظم مودی جی کو خصوصی رہنمائی مل رہی ہے۔ وزیر اعظم نریندر مودی کی رہنمائی میں گجرات نے جامع ترقی کی راہ پر آگے بڑھ کر ایک نئی جہت کو چھوا ہے۔

دہلی ۔ این سی آر اور ملحقہ علاقوں میں شدید بارشوں کا سلسلہ

دہلی ۔ این سی آر اور ملحقہ علاقوں میں شدید بارشوں کا سلسلہ

دہلی ۔ این سی آر اور ملحقہ علاقوں میں شدید بارشوں کا سلسلہ

: دہلی اور اس سے ملحقہ علاقوں میں ہفتہ کی صبح بھاری بارش ہوئی اور کئی مقامات پر پانی جمع ہو گیا۔ محکمہ موسمیات نے صبح کے وقت ٹوئٹ کرتے ہوئے کہا کہ ''دہلی، این سی آر (بہادر گڑھ، گڑگاؤں، مانیسر، فرید آباد، بلبھ گڑھ) کے کئی مقامات اور ملحقہ علاقوں میں درمیانی سے بھاری بارش اور تیز ہوائیں چلتی رہیں گی۔''دہلی کے علاوہ محکمہ موسمیات نے ہریانہ کے کچھ علاقوں میں بھاری بارش کی پیشن گوئی کی ہے، جبکہ اتر پردیش کے کچھ علاقوں میں ہلکی شدت کی بارش ہونے کی امید ہے۔ آئی جی آئی (اندرا گاندھی انٹرنیشنل) ایئرپورٹ کے آس پاس جنوبی دہلی کے علاقہ میں واٹر لاگنگ کی وجہ سے سڑکوں پر گاڑیوں کی آمد و رفت متاثر ہو گئی ہے۔دہلی پولیس نے الرٹ جاری کرتے ہوئے کہا، ''جی جی آر / پی ڈی آر میں پانی بھر جانے کے سبب سڑکوں پر بھاری ٹریفک ہے۔ رنگ روڈ پر ڈبلیو ایچ او کے پاس پانی بھرا ہوا ہے۔ برائے کرم ٹریفک جام سے بچیں۔'' محکمہ موسمیات کے عہدیداروں کے مطابق، ویک اینڈ میں بھاری بارش کا امکان ہے اور راجدھانی میں اس مہینے ریکارڈ بارش درج کی جا سکتی ہے۔اس سال کے مقابلہ دہلی میں 2020 کے مانسون میں 576.5 ملی میٹر اور 2019 میں 404.3 ملی میٹر بارش ہوئی تھی۔ مرکزی آلودگی کنٹرول بورڈ کے تازہ اعداد و شمار کے مطابق دہلی میں فضائی آلودگی میں بہتری آئی ہے اور اب یہ 79 تک پہنچ گئی ہے جس کا مطلب ہے کہ شہر کی آلود گی 'اطمینان بخش' ہے۔

بڑی خبر : ممبئی میں آبروریزی متاثرہ نے توڑ دیا دم انربھیا ' جیسی ہوئی تھی درندگی

بڑی خبر : ممبئی میں آبروریزی متاثرہ نے توڑ دیا دم انربھیا ' جیسی ہوئی تھی درندگی

بڑی خبر : ممبئی میں آبروریزی متاثرہ نے توڑ دیا دم انربھیا ' جیسی ہوئی تھی درندگی

ممبئی(اردو دنیا نیوز۷۲): ممبئی کے نواحی علاقے ساکی ناکہ میں ایک آبروریزی متاثرہ خاتون کی موت ہوگئی ہے۔ ٹیمپو کے اندر 34 سالہ خاتون کے آبروریزی کی گئی تھی۔ حادثہ کے بعد خاتون کی حالت اتنی زیادہ خراب ہوگئی تھی کہ انہیں وینٹیلٹر پر رکھنا پڑا تھا۔ کہا جا رہا ہے کہ خاتون اتنی بری طرح سے زخمی ہوگئی تھی کہ ان کے جسم سے کافی زیادہ مقدار میں خون بہنے لگا۔ ہفتہ کو خاتون نے آخری سانس لی۔ یہ حادثہ 2012 کے 'نربھیا' سانحہ کی یاد دلاتی ہے۔ پولیس نے جمعہ کو یہ جانکاری دی۔ ایک افسر نے بتایا کہ حادثہ کے کچھ ہی گھنٹوں کے اندر ملزم موہن چوہان کو گرفتار کرلیا گیا تھا۔ جمعہ کی صبح پولیس کنٹرول روم کو فون آیا کہ خیرانی روڈ پر ایک شخص ایک خاتون کی پٹائی کر رہا ہے۔ افسر نے بتایا کہ خاتون کا پتہ لگانے کے لئے پولیس ٹیم موقع پر پہنچی۔ خون سے شرابور خاتون کو میونسپل کارپوریشن کے ماتحت راجا واڑی اسپتال لے جایا گیا۔ ابتدائی جانچ میں پتہ چلا کہ خاتون کے ساتھ آبروریزی کی گئی اور اس کے پرائیوٹ پارٹ (عضو خاص) میں لوہے کی چھڑ سے حملہ کیا گیا۔

ابتدائی جانچ میں پتہ چلا کہ خاتون کے ساتھ آبروریزی کی گئی اور اس کے پرائیوٹ پارٹ (عضو خاص) میں لوہے کی چھڑ سے حملہ کیا گیا۔

خاتون کی سنگین حالت جان کر ممبئی کی میئر کشوری پیڈنیکر بھی اس کی خیریت معلوم کرنے اسپتال پہنچی تھیں۔ انہوں نے اس بابت میڈیا سے بات چیت میں کہا، 'ساکی ناکہ پولیس اسٹیشن علاقے میں 9 ستمبر کی رات کو جو حادثہ پیش آیا، وہ بے حد مایوس کن ہے۔ دہلی میں اس طرح کا حادثہ ہوا تھا۔ انہوں نے کہا تھا کہ خاتون کے جسم سے کافی خون بہہ گیا۔ اس کی اتڑیاں نکل گئی ہیں۔ انہوں نے بتایا کہ ایسا حادثہ کسی کے ساتھ دوبارہ نہ ہو۔ اس کے ساتھ ہی انہوں نے کہا کہ ملزم موہن چوہان کے ساتھ خاتون 10 سے 12 سال تک پہلے ساتھ میں تھی۔

پولیس کے پاس سی سی ٹی وی فوٹیج کہا جا رہا ہے کہ حادثہ کی رات متاثرہ 8 بجے اپنے گھر سے اپنی بہن کے یہاں جانے کے لئے نکلی تھی۔ حادثہ کے سی سی ٹی وی فوٹیج کو ممبئی پولیس نے ضبط کرلیا ہے۔ سی سی ٹی وی میں واضح طور پر نظر آرہا ہے کہ ملزم نوجوان خاتون کو بڑی بے رحإی سے پیٹ رہا ہے۔ ایک دیگر سی سی ٹی وی فوٹیج میں ملزم ٹیمپو سے باہر نکلتے ہوئے دکھائی دے رہا ہے۔ اس کے بعد وہ وہاں سے بھاگنے کی کوشش کر رہا ہے۔

ویکسین پہنچانے کے لئے تلنگانہ میں ڈرون کا استعمال

ویکسین پہنچانے کے لئے تلنگانہ میں ڈرون کا استعمال

وقارآباد _ ملک میں پہلی مرتبہ تلنگانہ کے وقارآباد ضلع میں "میڈیسن فرم دی اسکائی" پروگرام کے تحت فضاء سے کورونا کے ٹیکے اور دوائیں پہنچانے کے لئے ڈرون ٹکنالوجی کا استعمال کیا گیا۔ اس تجرباتی پروگرام کا وقارآباد کے پولیس پریڈ گراونڈ میں مرکزی وزیر شہری ہوابازی جیوتیر آدتیہ سندھیا اور ریاستی وزیر آئی ٹی و انڈسٹریز کے ٹی راماراو نے افتتاح کیا۔ میڈیسین فرم دی اسکائی پروگرام کے ذریعہ ہنگامی حالات میں ادویات اور ٹیکے دور دراز علاقوں تک پہنچانے کیلئے یہ پروگرام شروع کیا جارہا ہے جس سے وقت کی کافی بچت ہوگی اور ٹریفک کا کوئی مسئلہ نہیں ہوگا۔ یہ ڈرون 500 تا 700 میٹر اونچائی سے فضا میں سفر کرتے ہوئے متعلقہ مرکز تک ادویات اور ٹیکوں کو پہنچائے گا