بریکنگ نیوزپٹنہ بم دھماکہ معاملہ _ فریقین کی بحث مکمل ، عدالت نے فیصلہ محفوظ کرلیا ، 27 اکتوبر کو فیصلہ متوقع

بریکنگ نیوزپٹنہ بم دھماکہ معاملہ _ فریقین کی بحث مکمل ، عدالت نے فیصلہ محفوظ کرلیا ، 27 اکتوبر کو فیصلہ متوقع

ممبئی _ بہارکی راجدھانی پٹنہ میں رونما ہونے والے بم دھماکہ معاملے میں آج فریقین کی بقیہ بحث بھی مکمل ہوگئی جس کے بعد عدالت نے فیصلہ محفوظ کرتے ہوئے 27/ اکتوبر فیصلہ سنانے کی تاریخ مقرر کی ہے، آج عدالت میں دفاعی وکلاء اور استغاثہ نے زبانی بحث کے ساتھ ساتھ عدالت میں تحریری بحث بھی داخل کی ہے جو سیکڑوں صفحات پر مشتمل ہے۔کرونا لاک ڈاؤن کی وجہ سے حتمی بحث بذریعہ ویڈیو کانفرنسنگ ہوئی، ملزمین کو بھی جیل سے بذریعہ ویڈیو کانفرنسنگ دوران بحث عدالت میں پیش کیا گیا جنہوں نے بحث کی سماعت کی۔ اس معاملے کا سامنا کررہے ملزمین کو جمعیۃ علماء مہاراشٹر (ارشدمد نی) قانونی امداد کمیٹی قانون امداد فراہم کررہی ہے۔ خیال رہے کہ 23/ اکتوبر2013ء کو پٹنہ کے مشہور تاریخی گاندھی میدان میں بم دھماکہ ہوا تھا جب وزیر اعظم نریندر مودی ایک عوامی ریلی سے خطاب کرنے والے تھے،اس بم دھماکہ میں 6/لوگ ہلاک اور 90/ افراد زخمی ہوئے تھے۔ بم دھماکوں کی تفتیش قومی تفتیشی ایجنسی NIA کے سپرد کی گئی جس نے بہار، جھاکھنڈ اور آس پاس کی دیگر ریاستوں سے10/ اعلی تعلیم یافتہ مسلم نوجوانوں کو گرفتار کیا تھا اور ان کے خلاف تعزیرات ہند کی دفعات 307,326,212,121(A), 120(B), 34، دھماکہ خیز مادہ کے قانون کی دفعات 3, 5 اور غیر قانونی سرگرمیوں کی روک تھام والے قانون کی دفعات 16,18,20 کے تحت مقدمہ قائم کیا تھا جس کے بعد ملزمین کی پیروی کے لئے جمعیۃ علماء کی جانب سے، ایڈوکیٹ سید عمران غنی،ایڈوکیٹ واصف الرحمن خان ودیگر کو مقرر کیا گیا جنہوں نے ملزمین کا دفاع کیا۔ لاک ڈاؤن سے قبل اس مقدمہ میں فریقین کی بحث شروع ہوچکی تھی لیکن اسی درمیان خصوصی جج کا تبادلہ بھی ہوگیا اور کرونا وبا ء کی وجہ سے لاک ڈاؤن کا نفاذ ہوا جس کے بعد خصوصی عدالت میں اس مقدمہ کی سماعت نہیں ہوسکی لیکن نئے جج گرویندر سنگھ ملہوتراکی تقرری ہونے کے بعد فریقین نے بحث مکمل کرلی جس کے بعد آج عدالت نے فیصلہ محفوظ کرلیا۔ اس معاملے میں ملزمین امتیاز انصاری کمال الدین، حیدر علی عالم انصاری،نعمان سلطان انصاری،مجیب اللہ جابر انصاری،عمیر شفیع صدیقی، اظہر الدین شکیل الدین قریشی، احمد حسین سید قریشی، فخرالدین غلام مرتضی، محمد فیروز اسلم اور محمد افتخار محمد مصطفی کو اس معاملے میں ملزم بنایا گیاہے۔ دوران بحث دفاعی وکلاء نے عدالت میں تفتیشی ایجنسی کی جانب سے تفتیش میں کی جانے والی غیر قانونی تفتیش پر تفصیل سے روشنی ڈالی ہے جس میں ملزمین سے جبراً لیا گیا اقبالیہ بیان، گواہوں کو دھمکا کر ان سے ملزمین کے خلاف بیان لینا، فارینسک سائنس رپورٹ میں موجود خامیاں، گواہوں کے بیانات میں تضاد، پولس افسران کے بیانات میں تضاد، غیر قانونی طریقے سے ملزمین کے قبضوں سے ضبط کی گئی اشیاء،شناختی پریڈ کا نہ ہونا وغیرہ شامل ہے۔

بریکنگ نیوز بہار پنچایت انتخابات کے دوران پولیس قافلے پر پتھراؤ : ‏Stone pelting on police

بہار پنچایت انتخابات کے دوران پولیس قافلے پر پتھراؤ : Stone pelting on police

بہار پولیس نے جمعہ کی سہ پہر بہار کے ضلع دربھنگہ میں سینئر سپرنٹنڈنٹ آف پولیس (ایس ایس پی) کے قافلے پر پتھراؤ کرنے کے الزام میں چھ افراد کو گرفتار کیا ہے۔
دربھنگہ ایس ایس پی بابو رام دیگر پولیس افسران کے ساتھ پنچایت انتخابات پرامن طریقے سے کرانے کے لیے ضلع میں گشت کر رہے تھے۔

جب بابو رام کی ٹیم ضلع کے صدر علاقے میں پہنچی تو کچھ شرپسندوں نے ، جو کہ چیف امیدوار کے حامی بتائے جاتے تھے ، پولیس قافلے پر پتھراؤ کیا۔

ایس ایس پی نے بتایا کہ اچانک پتھراؤ کی وجہ سے ایک گاڑی کی کھڑکی کے شیشے ٹوٹ گئے۔ پولیس اہلکاروں نے فوری جوابی کارروائی کی اور چھ افراد کو گرفتار کرنے میں کامیاب ہوگئے۔

ایک اور واقعہ میں ، بھور تھانے کے تحت واقع حسین پور پنچایت کے دیہاتیوں نے بلاک ڈیولپمنٹ آفیسر (بی ڈی او) پولیس افسران کو پولنگ سٹیشن پر ووٹرز کے خلاف مبینہ طور پر بدسلوکی استعمال کرنے پر پولنگ بوتھ چھوڑنے پر مجبور کیا۔

یہ واقعہ پولنگ سٹیشن نمبر 111 112 پر پیش آیا۔ دیہاتیوں نے دعویٰ کیا کہ پولنگ بوتھ پر پولنگ پرامن طریقے سے جاری تھی جب بیکنٹھ پور کے بی ڈی او پولیس افسران بوتھ پر پہنچے۔ اس نے قطار میں کھڑے ووٹروں کو گالیاں دیں۔ کئی خواتین ووٹرز بھی وہاں موجود تھیں۔

ایک دیہاتی رامیشور جھا نے میڈیا کو بتایا ، ووٹر پولیس افسران کے رویے سے ناراض تھے۔ ہم نے ان سے احتجاج کیا اور ان سے کہا کہ وہ تضحیک آمیز الفاظ استعمال نہ کریں۔ جب وہ نہیں رکے تو دیہاتیوں نے پولنگ بوتھ پر ووٹ ڈالنے کے لیے جمع کیا اور انہیں مجبور کیا کہ وہ احاطے سے باہر جائیں۔ ناراض گاؤں والوں نے لاٹھیوں سے ان کا پیچھا کیا

عنقریب بغیر انٹرنیٹ بھی ڈیجیٹل پیمنٹ ممکن ہوگا! ’فوری ٹرانسفر‘ کی حد بھی 5 لاکھ تک بڑھائی گئی

 اکتوبر 8, 2021

• 

  
  

نئی دہلی: ریزرو بینک آف انڈیا (آر بی آئی) نے جمعہ کے روز اپنی دو ماہانہ مالیاتی پالیسی کی جائزہ رپورٹ پیش کر دی۔ مرکزی بینک نے ریپور ریٹ اور ریورس ریپو ریٹ میں کوئی تبدیلی نہیں کی ہے، تاہم دیجیٹل پیمنٹ کی دنیا میں انقلاب لانے والا ایک اہم اعلان کر دیا ہے۔

ریزرو بینک کے گورنر شکتی کانت داس نے مانیٹری پالیسی کا اعلان کرتے ہوئے کہا کہ ملک میں اب بہت جلد بغیر انٹرنیٹ کے بھی ڈیجیٹل پیمنٹ ممکن ہو سکے گا۔ اس کا مقصد دور دراز یا انٹرنیٹ کے نیٹورک کی رسائی سے دور علاقوں میں لوگوں کو ڈیجیٹل پیمنٹ کرنے کی سہولت فراہم کرنا ہے۔ نیز اس سے معیشت کو نقدی سے پاک بنانے میں بھی مدد حاصل ہوگی۔

شکتی کانت داس نے کہا کہ اس کے لئے ایک پائلٹ پروجیکٹ چلایا گیا تھا۔ اب ریزرو بینک کا منصوبہ آف لائن موڈ میں ریٹیل ڈیجیٹل پیمنٹ کے لئے فریم ورک تیار کرنے کا ہے۔

اس کے علاوہ ریزرو بینک نے آئی ایم پی ایس سے ہونے والے آن لائن پیمنٹ کی لمٹ کو بھی بڑھا دیا ہے۔ پہلے آئی ایم پی ایس سے 2 لاکھ روپے تک کا ہی پیمنٹ کیا جا سکتا تھا لیکن اب اس سے 5 لاکھ روپے تک کا پیمنٹ کیا جا سکے گا۔ اس سے سب سے زیادہ فائدہ بینک سے ریٹیل پیمنٹ کیا جا سکے گا۔ اس سے سب سے زیادہ فائدہ بینک سے ریٹیل پیمنٹ کرنے والے گاہکوں کو ہوگا۔

آر بی آئی کے گورنر شکتی کانت داس نے مانیٹری جائزہ کمیٹی کے اجلاس کے ختم ہونے کے بعد جمعہ کے روز ریپور ریٹ میں کوئی تبدیلی نہیں کئے جانے کا اعلان کیا۔ انہوں نے کہا کہ ریزر بینک نے ریپو ریٹ کو 4 فیصد اور ریورس ریپو ریٹ کو 3.5 فیصد پر برقرار رکھا گیا ہے۔

یہ لگاتار 8ویں بار ہے جب ریزرو بین نے اپنی ان پالیسی ساز شرحوں میں تبدیلی نہیں کی ہے۔ اسی کے ساتھ ریزرو بینک کا کہنا ہے کہ وہ مانیٹری پالیسی کے حوالہ سے اپنا لچکدار رخ برقرار رکھے گا۔

رنجیت سنگھ قتل: رام رحیم سمیت 5 لوگ قصوروار قرار، 12 اکتوبر کو سنائی جائے گی سزا

 اکتوبر 8, 2021

• 

  
  

رنجیت سنگھ قتل معاملے میں سی بی آئی عدالت نے سناریا جیل میں بند ڈیرا چیف رام رحیم سمیت پانچ ملزمین کو قصوروار قرار دیا ہے۔ سی بی آئی کی خصوصی عدالت اب 12 اکتوبر کو سبھی قصورواروں کے لیے سزا کا اعلان کرے گی۔

رنجیت سنگھ قتل معاملے میں بابا رام رحیم سمیت کرشن لال، جسویت سبدیل اور اوتار کو بھی ملزم بنایا گیا تھا۔ ویسے گرمیت رام رحیم اس وقت روہتک واقع سناریا جیل میں 2 سادھویوں کی عصمت دری کے الزام میں 20 سال، اور صحافی رام چندر چھترپتی قتل معاملہ میں عمر قید کی سزا پہلے سے ہی کاٹ رہے ہیں۔

میڈیا ذرائع سے موصول اطلاع کے مطابق رنجیت سنگھ قتل معاملہ میں 18 اگست کو سماعت کے دوران فریق دفاع نے سی بی آئی عدالت میں حتمی جرح کے دوران سبھی دستاویزات جمع کیے تھے۔ سی بی آئی عدالت نے فریق دفاع اور سی بی آئی سے پوچھا تھا کہ کیا کوئی اور جرح اس میں کوئی فریق کرنا چاہتا ہے۔ اس پر دونوں فریقین نے منع کر دیا تھا۔

امارت شرعیہ: امیر شریعت کا انتخاب ووٹنگ کے ذریعہ

امارت شرعیہ: امیر شریعت کا انتخاب ووٹنگ کے ذریعہ

• 
  
 
•   

 

سراج انور/ پٹنہ

امیرشریعت کا انتخاب آئندہ 9 اکتوبر2021 کوہونے جا رہا ہے، ملک بھر کی نگاہیں اس پر لگی ہوئی ہیں۔ امارت شریعہ کی تاریخ میں پہلی دفعہ ایسا ہو رہا ہے کہ جب امیر شریعت کا انتخاب ووٹنگ کے ذریعہ ہو رہا ہے۔

تاہم متفقہ طور پر امیرکو منتخب کرنے کی کوششیں بھی جاری ہیں۔ اخبارات سے لے کر سوشل میڈیا تک ، امیر شریعت پر اتفاق رائے پیدا کرنے کی اپیلیں کی جا رہی ہیں۔

ریاست بہار کے دارالحکومت پٹنہ کے علاقہ پھلواری شریف میں واقع امارت شریعہ میں فی الوقت چہل پہل ہے۔ادارے کے تمام عملے کی چھٹیاں آئندہ 10 اکتوبر2021 تک منسوخ کر دی گئی ہیں۔

امیر شریعت کے انتخاب کے لیے 851 ممبران اپنا حق رائے دہی استعمال کریں گے۔ ملک بھر میں پھیلے ہوئے ووٹرز آنا شروع ہو گئے ہیں۔ مولانا خالد سیف اللہ رحمانی پٹنہ پہنچ چکے ہیں۔ وہ امیرشریعت کے مضبوط امیدوار بھی ہیں۔ جے پرکاش نارائن ایئرپورٹ پران کے حامیوں نے ان کا پرتپاک استقبال کیا۔

امارت شریعت کے سابق ناظم مولانا انیس الرحمن قاسمی بھی اس دوڑ میں شامل ہیں ، لیکن سب سے زیادہ زیر بحث خانقاہ رحمانی مونگیر کے موجودہ سجادہ نشین مولانا فیصل احمد رحمانی۔ فیصل رحمانی سابق امیرشریعت مولانا محمد ولی رحمانی کے بڑے صاحبزادے ہیں۔

امیر شریعت کا عہدہ گذشتہ 3 اپریل 2021 کومولانا محمد ولی رحمانی کی وفات کے بعد سے خالی ہے۔ کل آٹھویں امیرشریعہ کا انتخاب ہونا ہے۔ جس کی تیاریاں بڑے پیمانے پر جاری ہیں۔ ایک بار الیکشن ملتوی کیا جا چکا ہے۔ امارت شرعیہ تین ریاستوں بہار ، جھارکھنڈ اور اڈیشہ کے مسلمانوں کی نمائندہ تنظیم ہے۔

ووٹرملک میں کہاں کہاں ہیں؟

بہار کے 38 اضلاع ، جھارکھنڈ کے 21 ، اوڈیشہ کے 3 ، بنگال کے 5 ، اترپردیش کے 2 اضلاع میں ووٹر ہیں۔

اس کے علاوہ دہلی اور کویت میں ایک ایک ووٹر ہے۔ 29 اوڈیشہ میں 25 ، یوپی میں 2 بہار کے پٹنہ میں 65 ووٹر ہیں۔ جھارکھنڈ کے رانچی میں 22 ، کولکتہ میں 18 اور راوڑکیلا میں 16 ارکان ہیں۔

امیرشریعت کسے بنایا جا سکتا ہے؟ 

جو شخص بھی اپنی زندگی دین اسلام کے مطابق گزاررہا ہو، شریعت کا مکمل علم رکھتا ہو، ملک اور اسلامی دنیا کی سیاست کا مکمل علم رکھتا ہے۔ سماجی معاملات سے جڑا ہو۔

ذاتی قابلیت کی وجہ سے عام اور خاص طبقات کو متاثر کرتا ہو۔ ان شرائط کو پورا کرنے والا امیر شریعت ہو سکتا ہے۔

کیوں ہوا پہلا انتخاب ملتوی

بہار، جھارکھنڈ ، اڈیشہ اور بنگال کے 15 شہروں میں گذشتہ 8 اگست 2021 کو پولنگ ہونی تھی۔ انتخابی عمل کافی پیچیدہ تھا۔ سیاسی جماعتوں کی طرح بیلٹ پیپر کے انعقاد کے لیے ملک بھر میں 15 مراکز قائم کیے گئے تھے۔

نامزدگی کے لیے امیدوار کے لیے 151 ارکان کی حمایت کی شرط رکھی گئی تھی۔

اس کی نہ صرف سخت مخالفت کی گئی ، امارت شریعہ کے قاضی و مفتی سہیل احمد قاسمی نے خود امیر شریعت کے انتخاب کو بیلٹ پیپر کے ذریعے غیر شریعی قرار دیا۔ دارالافتا سے فتویٰ آنے کے بعد الیکشن ملتوی کرنا پڑا۔ اب حتمی الیکشن 9 اکتوبر2021 کو نئے انداز میں منعقد کیا جارہا ہے۔ امارتِ شریعہ کی تاریخ میں امیر شریعت کو ہمیشہ ایک جگہ پر بیٹھ کر متفقہ طور پر منتخب کیا گیا ہے۔ اس بار منظر کچھ مختلف ہے۔

وہیں ذرائع کا کہنا ہے کہ امیر شریعت کے لیے بہت زیادہ لابنگ جاری ہے ۔ملاقاتوں کا دور دورہ جاری ہے۔ ایک دوسرے پر کیچڑ اچھالا جا رہا ہے۔ بہت زیادہ گروہی ہنگامہ آرائی ہوئی ہے۔

اس سے پہلے پھلواری شریف پٹنہ میں 10 اکتوبر 2021 انتخابات کے لیے تاریخ مقرر کی گئی تھی۔ اس کے جواب میں دوسرے گروہ نے پٹنہ کے سمن پورہ مدرسہ میں امارت شریعہ کی مقررہ تاریخ سے ایک دن قبل 9 اکتوبر2021 کو امیر شریعت کے انتخاب کا اعلان کیا۔

نائب امیر شریعت مولانا شمشاد رحمانی نے دونوں گروہوں کے تنازعہ کو ختم کرنے کے لیے 30 ستمبر2021 کو ایک میٹنگ بلائی۔ اس کے بعد ایک تاریخ پر اتفاق رائے ہو گیا۔ایک گروپ کی 9 اکتوبر2021 کی تاریخ کو قبول کر لی گئی اور دوسرے گروپ کی جگہ منظور کر لی گئی۔

علما سے متحد رہنے کی اپیل
اب تک علماء امت سے اتحاد کی اپیل کرتے رہے ہیں ، لیکن پہلی بار مسلم کمیونٹی علماء سے متحد رہنے کی اپیل کی جا رہی ہے۔

ارباب حل واقد کے اراکین میں علماء کی ایک بڑی تعداد شامل ہے۔ بہار کی ایک معروف سیاسی و سماجی شخصیت اشفاق رحمان نے ایک اپیل جاری کرتے ہوئے کہا ہے کہ امیرشریعت منتخب کرنے کے لیے سر جوڑ کر بیٹھیں۔

  اس کے علاوہ بھی مختلف سماجی کارکنان کی جانب سے بھی علما کرام سے متحد رہنے کی اپیلیں کی جا رہی ہیں۔

بریکنگ نیوزطلبہ آن لائن گیمس کے غلام بن کر نفسیاتی امراض مبتلا میں

بریکنگ نیوزطلبہ آن لائن گیمس کے غلام بن کر نفسیاتی امراض مبتلا میں

روکنے پر والدین کی پولیس سے شکایت ، خود کشی کرنے کی دھمکی
ماہرین نفسیات اور پولیس کا والدین کو بچوں کی آن لائن سرگرمیوں پر نظر رکھنے کا مشورہ
حیدرآباد ۔ 7 ۔ اکٹوبر : ( اردو دنیا نیوز۷۲) : آن لائن گیمس کی وجہ سے طلبہ ذہنی طور پر متاثر ہورہے ہیں ۔ ماہرین ڈاکٹرس نے والدین کو طلبہ کی آن لائن سرگرمیوں پر نظر رکھنے کا مشورہ دیا ہے ۔ ایک 16 سالہ نا بالغ لڑکے نے چار دن قبل ' ہاک آئی ' ایپ کے ذریعہ پولیس کو شکایت کی ہے کہ میرے والد مجھے ہراساں کررہے ہیں اور میرے والد سے مجھے بچائیے ۔ صبح 6 بجے شکایت کرنے والے لڑکے نے 10 بجے تک انتظار کیا ۔ پولیس سے کوئی ردعمل حاصل نہ ہونے پر پولیس کے ایک اعلیٰ عہدیدار سے رابطہ کیا ۔ اعلیٰ عہدیدار کی ہدایت پر پرانے شہر کی پولیس لڑکے کے گھر پہونچکر وہاں کے حالت دیکھ کر چونک گئی ۔ اس لڑکے کا والد ناسازی صحت سے متاثر ہے ۔ پولیس نے جب لڑکے سے استفسار کیا کہ جن کی صحت ٹھیک نہیں ہے ان سے کیا خطرہ ہے ۔ تب لڑکے نے جواب دیا وہ جب بھی فون پوچھتا ہے ان کے والد نہیں دے رہے ہیں ۔ بچہ کے جواب پر پولیس ملازمین حیرت زدہ ہوگئے ۔ جب اس مسئلہ پر والد سے دریافت کیا گیا تو انہوں نے بتایا کہ ان کے پاس ایک ہی اسمارٹ فون ہے جس میں ان کا بیٹا پب جی اور دوسرے گیمس ڈاؤن لوڈ کرتے ہوئے رات بھر گیمس کھیل رہا ہے ۔ فون چھین لینے پر خود کشی کرلینے کی دھمکی دے رہا ہے ۔ اسکول میں منعقدہ ایک پروگرام میں اس لڑکے نے ہاک آئی ایپ کے بارے میں معلومات حاصل کی ۔ ہمیشہ پولیس عہدیداروں کے نام لے کر لوگوں کو ڈرانے دھمکانے کی پولیس نے نشاندہی کی ہے ۔ اپنے والد کے ایک دوست کے خلاف بھی اس لڑکے نے شکایت کی ہے ۔ ایک اور کیس کے معاملے میں پرانے شہر کے رہنے والے انجینئرنگ تھرڈ ایر میں زیر تعلیم ایک نوجوان نے پیشہ طب سے وابستہ اپنے والد کے خلاف پولیس میں شکایت کی ہے ۔ پولیس نے والد کے ساتھ اس نوجوان کو پولیس اسٹیشن طلب کیا ۔ اس نوجوان کی حالت بھی 16 سالہ لڑکے جیسی ہی تھی جو آن لائن گیمس کا غلام بن گیا تھا ۔ پولیس نے محسوس کیا کہ اس کا ذہنی توازن بگڑ رہا ہے ۔ پولیس کی جانب سے دونوں باپ بیٹے کو کونسلنگ کی گئی جس پر نوجوان پولیس پر ہی بھڑک اٹھا ۔ جس کے بعد پولیس نے ماہرین نفسیات سے رجوع کیا جس پر ماہرین نفسیات نے پولیس کو بتایا کہ مسلسل آن لائن گیمز کھیلنے کی وجہ سے اس نوجوان کے ذہنی نفسیات پر اثر پڑا ہے ۔ آن لائن تعلیم کے لیے بچوں کو اسمارٹ فون دیا جارہا ہے ۔ جس سے وہ آن لائن گیمس کے غلام بن رہے ہیں ۔ ماہرین نفسیات نے والدین کو مشورہ دیا کہ وہ بچوں پر نظر رکھیں ۔ گھنٹوں بچوں کو فون پر نہ رکھیں ۔ انہیں دوستوں سے کھیلنے کودنے کے لیے گھر سے باہر روانہ کریں ۔۔ ن

بریکنگ نیوزبلوچستان میں زلزلہ کے شدید جھٹکے ' 22 افراد جاں بحق

بریکنگ نیوزبلوچستان میں زلزلہ کے شدید جھٹکے ' 22 افراد جاں بحق

اسلام آباد :پاکستان کے صوبہ بلوچستان میں کل اعلی الصبح زلزلے کے شدید جھٹکے محسوس کئے گئے جس کے نتیجے میں22افراد کے جاں بحق ہونے کی اطلاع ہے ۔زلزلہ کے باعث متعدد گھر تباہ ہوگئے جب کہ 300 سے زائد افراد زخمی ہوئے ہیں ۔ پاکستانی فوج اور ریسکیو عہدیدار امدادی کارروائیوں میں مصروف دیکھے گئے۔ تفصیلات کے مطابق بلوچستان کے مختلف علاقوں کوئٹہ، سبی، ہرنائی، پشین، قلعہ سیف اللہ ، چمن، زیارت اور ڑوب سمیت کئی علاقوں میں رات 3 بج کر 2 منٹ پر زلزلے کے شدید جھٹکے محسوس کیے گئے جس کے نتیجے میں اب تک 22 افراد کے جاں بحق ہونے کی تصدیق ہوئی ہے۔زلزلہ پیما مرکز کے مطابق زلزلے کی شدت 5.9 ریکارڈ کی گئی جبکہ زلزلے کا مرکز ہرنائی سے 15 کلو میٹر دور کا علاقہ بتا یا گیا ہے ۔زلزلہ سے متاثرہ کئی خاندان کھلے آسمان تلے رات گذارنے پر مجبور ہوگئے۔