سی بی ایس ای 12 بارہویں کے نتائج سنٹرل بورڈ آف سیکنڈری ایجوکیشن

سی بی ایس ای 12 بارہویں کے نتائج سنٹرل بورڈ آف سیکنڈری ایجوکیشن (سی بی ایس ای) نے دوپہر 2 بجے جاری کردیئے ہیں ۔ یہ نتائج بورڈ کی آفیشل ویب سائٹ (cbseresults.nic.in یا cbse.gov.in) پر دیکھے جا سکتے ہیں۔ اس کے علاوہ ، digilocker.gov.in نے ڈیجیلاکر ایپ پر نتائج دیکھنے کی سہولت فراہم کی گئی ہے۔ نتائج حاصل کرنے کے لئے طلبا کو اپنے رول نمبر کے ساتھ اسکول نمبر درج کرنا ہوگا۔سی بی ایس ای بارہویں کے امتحانات میں 99.37 فیصد طلبہ کامیاب قرار دئے گئے ہیں

اس مرتبہ میرٹ لیسٹ کا اعلان نہیں کیا گیا کیونکہ اس سال کے امتحانات کورونا کی وجہ سے منسوخ ہوگئے تھے۔ عہدیداروں نے بتایا کہ اسکور کارڈ ڈیجی لاکر پر حاصل کیا جا سکتا ہے۔ اس سال 13،04،561 طلبہ کے نتائج جاری کیے گئے ہیں۔سی بی ایس ای نے 99.37 فیصد طلبہ کو کامیاب کرنے کا اعلان کیا ہے۔ اس کے علاوہ ، دہلی میں اس سال 99.84 فیصد طلبہ کامیاب قرار دئے گئے ۔ بورڈ نے بتایا کہ مجموعی طور پر 70،004 طلباء نے 95 فیصد نمبر حاصل کیے جبکہ 1،50،152 طلباء نے 90 فیصد سے زائد نمبر حاصل کیے۔ کیندریہ اسکولوں (کے وی) کا دعوی ہے کہ سی بی ایس اے اسکولوں میں ان کے طلبہ نے 100 فیصد پاس کی شرح حاصل کی ہے۔ سی بی ایس ای عہدیداروں نے بتایا کہ مزید 65،184 طلباء کے نتائج کی اجرائی باقی ہے ان کے نتائج 5 اگست کو جاری کیے جائیں گے۔