*آج کی اہم خبریں*
*ABD News*
*21 ذی الحجہ 1442ھ*
*(اردو اخبار دنیا)ایک بھارت،سریشٹھ بھارت کے علمبردار ہیں پولیس افسران:وزیر اعظم*
واضح ہوکہ وزیراعظم نریندر مودی نے کل کہا کہ پولیس افسر ایک بھارت، سریشٹھ بھارت کے علمبردار ہیں، اس لئے ان کے ہر کام میں قوم سب سے پہلے کے جذبے کی عکاسی ہونی چاہئے۔کل حیدرآباد پولیس اکیڈمی میں زیر تربیت انڈین پولیس سروس کے ٹرینیوں سے خطاب کرتے ہوئے مسٹر مودی نے کہا ’’آپ کو ہمیشہ یاد رکھنا ہوگا آپ کے ہر ایکشن، آپ کی ہر سرگرمی میں قوم سب سے پہلے، ہمیشہ پہلے کا جذبہ جھلکنا چاہیے‘‘۔انہوں نے ٹرینی افسران سے کہا کہ وہ ایسے وقت میں پولیس سروس میں شامل ہو رہے ہیں جب ملک میں ہر میدان اور ہر سطح پر تبدیلی کی لہر جاری ہے۔
○○○○○○○○○○○○○○○○○○○○○○○○
*کرونا وائرس:46 اضلاع میں 10 فیصد سے زیادہ مثبت شرح، مرکز نے جاری کی ہدایات*
واضح ہوکہ نیوز رپورٹ سے ملی جانکاری کے مطابق کورونا وبا کی تیسری لہر کے درمیان ملک کے کئی علاقوں میں کوویڈ کے روزانہ کیسز بڑھ رہے ہیں 10 فیصد سے زیادہ مثبت شرح ملک کے 46 اضلاع میں دیکھی جا رہی ہے ، ملک میں 10 فیصد سے زیادہ کورونا مثبت والے اضلاع میں مرکز نے بھیڑ کو روکنے اور لوگوں کے جمع ہونے پر سخت پابندیوں کی ہدایات دی ہیں مرکزی حکومت نے کل 10 ریاستوں میں کوووڈ 19 کی صورتحال کا جائزہ لیا اور پایا کہ کوووڈ کیسز میں اضافہ ہوا ہے کیرالہ ، مہاراشٹر ، کرناٹک ، تمل ناڈو ، اوڈیشہ ، آسام ، میزورم، میگھالیہ ، آندھرا پردیش اور منی پور جہاں کیسز میں اضافہ ہوا ہے اس کے علاوہ مرکز سے ریاستوں کو کورونا سے نمٹنے کے لیے کچھ خاص ہدایات دی گئی ہیں جس میں نامزد اضلاع میں کورونا کی گرفت میں آسانی سے آنے والے لوگوں کی مکمل ویکسینیشن ویکسین کی دوسری خوراک کی کوریج کو ترجیح دینے کی ہدایات دی گئی ہیں پرائیویٹ ہسپتالوں میں آکسیجن پی ایس اے پلانٹس لگانے پر زور دیا جا رہا ہے اور انفیکشن کے پھیلاؤ کو روکنے کے لیے گھر سے الگ تھلگ لوگوں کی موثر اور باقاعدہ مانیٹرنگ کی جا رہی ہے۔
○○○○○○○○○○○○○○○○○○○○○○○○
*اگلے چار دنوں میں شمالی اور وسطی ہندوستان میں موسلا دھار بارش کا امکان*
واضح ہوکہ نیوز رپورٹ سے ملی جانکاری کے مطابق ہندوستان کے محکمہ موسمیات (آئی ایم ڈی) نے ہفتے کے روز کہا کہ شمالی اور وسطی ہندوستان کے کچھ حصوں میں اگلے چار دنوں میں تیز بارش ہونے کی امید ہے ۔ کم دباؤ والے علاقے اور مون سون کی وجہ سے 31 جولائی سے یکم اگست تک مدھیہ پردیش کے مشرقی حصوں اور 31 جولائی کو چھتیس گڑھ اور اتر پردیش کے مشرقی حصوں میں تیز بارش متوقع ہے۔ آئی ایم ڈی نے بتایا کہ 31 جولائی سے 4 اگست کے دوران راجستھان کے مشرقی حصے اور مدھیہ پردیش کے مغربی حصے میں کچھ مقامات پر موسلادھار بارش متوقع ہے ،جبکہ 31 جولائی سے 3 اگست تک بارشوں تیز بارش ہوگی۔
○○○○○○○○○○○○○○○○○○○○○○○○
*للن سنگھ جے ڈی یو کے نئے صدر بنے، قومی ایگزیکٹو کی میٹنگ میں لیا گیا فیصلہ*
واضح ہوکہ نیوز رپورٹ سے ملی جانکاری کے مطابق جنتا دل (یونائٹیڈ) کے رکن اسمبلی راجیو رنجن عرف للن سنگھ کو ہفتہ کو یہاں پارٹی کی قومی ایگزیکٹو میٹنگ میں قومی صدر منتخب کیا گیا۔ للن سنگھ نے آر سی پی سنگھ کی جگہ لی ہے۔ آر سی پی سنگھ نے مرکز میں نریندر مودی کی قیادت والی حکومت میں وزیر بننے کے بعد جے ڈی (یو) کے صدر کا عہدہ چھوڑ دیا تھا۔ بہار کے منگر لوک سبھا حلقہ سے رکن پارلیمنٹ للن سنگھ کو بہار کے وزیر اعلیٰ نتیش کمار کا معتمد سمجھا جاتا ہے۔
○○○○○○○○○○○○○○○○○○○○○○○○
*یکم اگست 2021 کو 'مسلم خواتین کے حقوق کا دن' کے طور پر منایا جائے گا: مختار عباس نقوی*
واضح ہوکہ نیوز رپورٹ سے ملی جانکاری کے مطابق طلاق ثلاثہ کو جرم قرار دئے جانے والے دن یکم اگست کو 'مسلم خواتین کے حقوق کا دن' کے طور پر منایا جائے گا ۔ مرکزی وزیر برائے اقلیتی امور مختار عباس نقوی نے آج یہاں کہا کہ وزیر اعظم نریندر مودی کی حکومت نے یکم اگست 2019 کو ' طلاق ثلاثہ یا طلاق بدعت' کو قانونی جرم قرار دیا تھا ۔ 'تین طلاق' کو قانونی جرم بنانے کے بعد تین طلاق کے واقعات بڑے پیمانے پر کم ہوئے ہیں ۔ ملک بھر کی مسلم خواتین نے اس کا خیر مقدم کیا ہے ۔مختار عباس نقوی نے کہا کہ 'طلاق ثلاثہ' کو قانونی جرم بنا کر مودی حکومت نے مسلم خواتین کی 'خود انحصاری ، خود اعتمادی اور عزت نفس کو مضبوط بناتے ہوئے ان کے آئینی ، بنیادی جمہوری اور مساوی حقوق کو یقینی بنایا ہے۔
○○○○○○○○○○○○○○○○○○○○○○○○
*ملک میں مہنگائی اور معاشی بدحالی کا آغاز نہرو کی 1947 کی تقریر سے شروع ہوئ: رکن پارلیمنٹ*
واضح ہوکہ نیوز ادارہ این ڈی ٹی وی کی رپورٹ کے مطابق مدھیہ پردیش کی بی جے پی حکومت کے ایک وزیر نے ہفتہ کو کہا کہ مہنگائی کا مسئلہ ایک یا دو دن میں پیدا نہیں ہوتا۔ انہوں نے مزید کہا کہ 15 اگست 1947 کو لال قلعہ سے جواہر لال نہرو کی تقریر کی غلطیوں کی وجہ سے ملکی معیشت پٹری سے اتر گئی۔ ریاست میں میڈیکل ایجوکیشن کے وزیر وشواس سارنگ ملک میں بڑھتی ہوئی مہنگائی اور قیمتوں پر کانگریس کے احتجاج پر ردعمل ظاہر کر رہے تھے۔بھوپال میں نامہ نگاروں سے بات کرتے ہوئے سارنگ نے کہا کہ ’’ اگر کوئی ملک کی آزادی کے بعد معیشت کو مفلوج کرکے مہنگائی بڑھانے کا سہرا اگر کسی کو جاتا ہے تو وہ نہرو خاندان ہے۔ مہنگائی ایک دو دن میں نہیں بڑھتی۔ معیشت کی بنیاد ایک یا دو دن میں نہیں رکھی جاتی۔ ملک کی معیشت 15 اگست 1947 کو لال قلعہ کی فصیل سے (پہلے وزیر اعظم) جواہر لال نہرو کی تقریر کی غلطیوں کی وجہ سے بگڑ گئی۔
○○○○○○○○○○○○○○○○○○○○○○○○
*اگلے چار دنوں میں شمالی اور وسطی ہندوستان میں موسلا دھار بارش کا امکان*
واضح ہوکہ نیوز رپورٹ سے ملی جانکاری کے مطابق ہندوستان کے محکمہ موسمیات (آئی ایم ڈی) نے ہفتے کے روز کہا کہ شمالی اور وسطی ہندوستان کے کچھ حصوں میں اگلے چار دنوں میں تیز بارش ہونے کی امید ہے ۔ کم دباؤ والے علاقے اور مون سون کی وجہ سے 31 جولائی سے یکم اگست تک مدھیہ پردیش کے مشرقی حصوں اور 31 جولائی کو چھتیس گڑھ اور اتر پردیش کے مشرقی حصوں میں تیز بارش متوقع ہے۔ آئی ایم ڈی نے بتایا کہ 31 جولائی سے 4 اگست کے دوران راجستھان کے مشرقی حصے اور مدھیہ پردیش کے مغربی حصے میں کچھ مقامات پر موسلادھار بارش متوقع ہے ،جبکہ 31 جولائی سے 3 اگست تک بارشوں تیز بارش ہوگی۔
○○○○○○○○○○○○○○○○○○○○○○○○
*مہاراشٹر:پونے میں زیکا وائرس کا پہلا کیس درج،محکمہ صحت نے تیز کی تحقیقات*
واضح ہوکہ نیوز رپورٹ سے ملی جانکاری کے مطابق زیکا وائرس کے انفیکشن کا پہلا کیس مہاراشٹر میں سامنے آیا ہے۔مہاراشٹرا کے ضلع پونے کے پورندر علاقے کی ایک 50 سالہ خاتون زیکا وائرس سے متاثر پائی گئی ہے۔ خاتون کا چکن گونیا ٹیسٹ بھی مثبت آیا ہے۔ ریاستی محکمہ صحت کے مطابق ، خاتون اب صحت یاب ہوچکی ہے اور اس کے خاندان کے افراد فی الحال وائرس کی کوئی علامات نہیں دکھا رہے ہیں۔محکمہ صحت کے مطابق ، جولائی کے آغاز سے ہی تحصیل پورندر کے بیلسر گاؤں سے بخار کے کئی کیس رپورٹ ہوئے۔ پانچوں نمونے پونے کے نیشنل انسٹی ٹیوٹ آف وائرولوجی (این آئی وی) کو جانچ کے لیے بھیجے گئے تھے۔ ان میں سے تین نمونوں کی چکن گونیا ٹیسٹ کی رپورٹ مثبت آئی۔
○○○○○○○○○○○○○○○○○○○○○○○○
*جھارکھنڈ:جج اتم آنند قتل کیس کی تحقیقات کرے گی سی بی آئی،وزیر اعلیٰ ہیمنت سورین نے دیا حکم*
واضح ہوکہ نیوز رپورٹ سے ملی جانکاری کے مطابق جسٹس اتم آنند کی موت کی تحقیقات سی بی آئی کے حوالے کر دی گئی ہے۔ وزیر اعلیٰ ہیمنت سورین نے اس سلسلے ميں سفارش کی ہےیاد دلادیں کہ 28 جولائی کی صبح ، دھن آباد میں مارننگ واک کے دوران ، آٹو کی ٹکر سے انکی موت کا معاملہ سامنے آیا۔ جھارکھنڈ پولیس نے اس معاملے میں فوری کارروائی کرتے ہوئے اس واقعہ میں استعمال ہونے والی آٹو اور اس کے ڈرائیور کو پکڑ لیا۔ چیف منسٹر کی پہل پر ایس آئی ٹی تشکیل دی گئی تاکہ کیس کی تیزی تفتیش کی جاسکے اور مجرموں کو پکڑا جا سکے۔
○○○○○○○○○○○○○○○○○○○○○○○○
*پارلیمنٹ کے مانسون اجلاس میں حکومت اور اپوزیشن کے درمیان ہنگامہ آرائی کی وجہ سے عوام کے 133 کروڑ روپے ضائع: ذرائع*
واضح ہوکہ نیوز ادارہ این ڈی ٹی وی کی رپورٹ کے مطابق پیگاسس جاسوسی اسکینڈل پر اپوزیشن کے موقف کی وجہ سے مانسون سیشن میں پارلیمنٹ کی رکاوٹ کے باعث عوام کے 133 کروڑ روپے سے زیادہ ضائع ہوئے ہیں۔ سرکاری ذرائع نے ہفتہ کو یہ معلومات دیں۔ 19 جولائی کو شروع ہونے والے پارلیمنٹ کے اجلاس کے پہلے دن سے اپوزیشن جماعتیں اس معاملے پر بحث اور سپریم کورٹ کے جج کی سربراہی میں آزادانہ تحقیقات کا مطالبہ کر رہی ہیں۔ اپوزیشن جماعتیں حکومت کو نشانہ بنا رہی ہیں ، ان رپورٹوں کا حوالہ دیتے ہوئے کہ حکومت اپوزیشن رہنماؤں ، ججوں ، وزراء اور دیگر کے فون ہیک کر رہی ہے جو اسرائیلی سپائی ویئر استعمال کر رہی ہے۔ حکومت نے ان مطالبات کو مسترد کر دیا۔ بی جے پی فون جاسوسی کو ’’ غیر مسئلہ ‘‘ قرار دے رہی ہے۔
○○○○○○○○○○○○○○○○○○○○○○○○
*حکومت کی پالیسیوں سے سرحدیں غیر محفوظ:راہل گاندھی*
واضح ہوکہ نیوز رپورٹ سے ملی جانکاری کے مطابق کانگریس کے سابق صدر راہل گاندھی نے مرکزی حکومت کی نکتہ چینی کرتے ہوئے کہا ہے کہ یہ متکبر لوگوں کی حکومت ہے اور اس کی پالیسیوں کی وجہ سے ملک اور ریاستوں کی سرحدیں غیر محفوظ ہو گئی ہیں۔ انہوں نے چین کے ساتھ لائن آف ایکچول کنٹرول (ایل اے سی) پر بڑھ رہے تنازعہ اور میزورم اور آسام سرحد پر ہوئی جھڑپ کا ذکر کرتے ہوئے کہا کہ تنازعات کا جو بیج بویا جارہا ہے اس کے نتائج بہت خطرناک ہوں گے۔انہوں نے ٹویٹ کیا ’’ قومی سرحد محفوظ ہے اورنہ ہی ریاستی سرحد ۔ تنازعات اور فسادات کو ہمارے ملک کی مقدس زمین میں بیج کی طرح بویا جا رہا ہے – اس کے نتائج خطرناک ہوں گے۔
○○○○○○○○○○○○○○○○○○○○○○○○
*نو گھنٹوں تک چلی ہند۔چین گفتگو، گوگرا اور ہاٹ اسپرنگس سے فوج ہٹانے پر زور*
واضح ہوکہ نیوز رپورٹ سے ملی جانکاری کے مطابق ہندوستان اور چین کے درمیان بارہویں دور کی کور کمانڈر سطح کی بات چیت حقیقی کنٹرول لائن ( اے ایل سی) کے چین کی طرف سے اولڈی بارڈر پوائنٹ پر شامل ساڑھے سات بجے ختم ہوئی ۔ نو گھنٹوں تک چلی اس میٹنگ میں دونوں فریقوں نے مشرقی لداخ سیکٹر میں جاری تعطل کو حل کرنے کے معاملہ پر گفتگو کی ۔ نیوز ایجنسی اے این آئی نے فوجی ذرائع کے حوالے سے ہفتہ کو یہ جانکاری دی ۔ دونوں فوج کے درمیان بات چیت مقررہ وقت پر صبح ساڑھے دس بجے شروع ہوئی تھی ،ذرائع نے کہا کہ اس میٹنگ کے دوران ہندوستان نے ہاٹ اسپرنگ اور گوگرا میں فوجیوں کی واپسی کے عمل پر زور دیا ۔ حالانکہ فریقین کی جانب سے اس بارے میں آفیشیل بیان جاری ہونا ابھی باقی ہے ۔ ذرائع نے بتایا کہ ہندوستان اور چین کے درمیان بارہویں دور کی کور کمانڈر سطح کی گفتگو کا مقصد 14 مہینے سے زیادہ وقت سے اس علاقہ میں جاری تعطل کو ختم کرنا ہے۔
○○○○○○○○○○○○○○○○○○○○○○○○
*دہلی کے لیے راحت کی خبر، جمنا کے پانی کی سطح خطرے کے نشان سے نیچے*
واضح ہوکہ نیوز رپورٹ سے ملی جانکاری کے مطابق قومی راجدھانی دہلی کے لیے راحت کی خبر ہے۔ جمنا کے پانی کی سطح خطرے کے نشان سے نیچے آگئی ہے۔ ہفتہ کی صبح 10 بجے جمنا کے پانی کی سطح 204.97 میٹر تک نیچے آگئی ہے جبکہ خطرے کا نشان 205.33 میٹر ہے۔ جمنا کے پانی کی سطح کل رات 10:00 بجے 205.60 میٹر تک پہنچ گئی تھی۔تاہم تشویشناک صورتحال اب بھی قائم ہے کیونکہ جمنا کے پانی کی سطح اب بھی انتباہی سطح 204.50 میٹر سے اوپر ہے۔ حکام نے بتایا کہ انتظامیہ نے نچلے علاقوں میں الرٹ جاری کیا ہے اور چوبیس گھنٹے صورتحال پر نظر رکھی جا رہی ہے۔
○○○○○○○○○○○○○○○○○○○○○○○○
*مدھیہ پردیش:شدید بارش کی وجہ سے ڈسٹرکٹ جیل کی دیوار منہدم*
واضح ہوکہ نیوز رپورٹ سے ملی جانکاری کے مطابق مدھیہ پردیش کے ضلع بھنڈ میں ہفتہ کی صبح ایک بڑا حادثہ پیش آیا۔ موسلا دھار بارش کی وجہ سے ڈسٹرکٹ جیل کی خستہ حال دیوار گر گئی۔ اس کی وجہ سے بیرک نمبر 6 میں مقیم 22 قیدی زخمی ہوگئے ہیں جبکہ ان میں سے دو کی حالت تشویشناک بتائی جاتی ہے۔ تمام زخمیوں کو ڈسٹرکٹ اسپتال میں داخل کرایا گیا ہے۔ دونوں سنگین قیدیوں کو بہتر علاج کے لیے گوالیار ریفر کیا گیا ہے۔جس وقت یہ حادثہ ہوا، اس وقت بیرک نمبر 6 میں کل 64 قیدی تھے لیکن 22 قیدی ملبے میں پھنس گئے۔ یہ واقعہ تھانہ کوتوالی کا ہے۔ حادثے کی خبر جان کر پولیس انتظامیہ جیل کے احاطے میں پہنچ گئی۔
○○○○○○○○○○○○○○○○○○○○○○○○
*ریاستوں اور نجی اسپتالوں کے پاس کورونا ویکسین کی 3.14 کروڑ سے زائد خوراکیں دستیاب: مرکزی حکومت*
واضح ہوکہ نیوز رپورٹ سے ملی جانکاری کے مطابق مرکزی وزارت صحت نے ہفتے کے روز کہا کہ کورونا ویکسین کی 3.14 کروڑ سے زائد خوراکیں ریاستوں، مرکز کے زیر انتظام علاقوں اور نجی اسپتالوں کے پاس دستیاب ہیں۔وزارت نے کہا کہ اب تک تمام ذرائع سے ریاستوں اور مرکز کے زیر انتظام علاقوں کو 48.78 کروڑ سے زائد خوراکیں فراہم کی جا چکی ہیں اور مزید 6857590 خوراکیں فراہم کی جا رہی ہیں۔ وزارت نے کہا کہ اس میںخراب خوراک سمیت کل 458260052 خوراک شامل ہیں۔ ریاستوں، مرکز کے زیر انتظام علاقوں اور نجی اسپتالوں کے پاس 3.14 کروڑ سے زیادہ خوراکیں موجودہیں۔کوویڈ 19 ویکسی نیشن کا نیا مرحلہ 21 جون سے شروع ہوا تھا۔
○○○○○○○○○○○○○○○○○○○○○○○○
*"وہ آپ آم کیسے کھاتے ہیں" جیسے سوالوں کے عادی ہیں، مہنگائی پر بحث کیسے کریں گے؟" ،پرینکا گاندھی کا وزیر اعظم پر طنز*
واضح ہوکہ کانگریس کی جنرل سکریٹری اور یوپی کی انچارج پرینکا گاندھی واڈرا نے ایک بار پھر وزیر اعظم نریندر مودی پر سخت حملہ کیا ہے۔ انہوں نے الزام لگایا ہے کہ وزیراعظم پارلیمنٹ میں مہنگائی جیسے عام آدمی کے مسئلے پر بھی بات کرنے سے ڈرتے ہیں۔ مہنگائی سے متعلق تراشے شیئر کرتے ہوئے انہوں نے ٹویٹ کیا، "وہ" آپ آم کیسے کھاتے ہیں" جیسے سوالات کے عادی ہیں، اس لیے بڑھتی ہوئی مہنگائی جیسے عام لوگوں کو پریشان کرنے والے پارلیمنٹ کے سوالات پر بحث کرنے سے ڈرتے ہیں۔آپکو بتا دیں کہ خوردہ بازاروں میں خوردنی تیل کی قیمتیں جولائی میں ایک سال پہلے کے اسی مدت کے مقابلے میں 52 فیصد تک اضافہ ہوا ہے۔
○○○○○○○○○○○○○○○○○○○○○○○○
*آئی آئی ٹی فلائی اوور کے نیچے کھائی میں بدلی سڑک، بال بال بچے لوگ*
واضح ہوکہ دارالحکومت دہلی کے آئی آئی ٹی فلائی اوور کے نیچے ہفتے کی صبح اچانک سڑک دھنس گئی اور ایک بڑی کھائی بن گئی۔ یہ گڑھا اتنا بڑا تھا کہ اس میں کئی بڑی گاڑیاں سماں سکتی تھیں۔ آئی آئی ٹی فلائی اوور کے مین روڈ کے نیچے کی تصویروں کو دیکھ کر اندازہ لگایا جا سکتا ہے کہ یہ گڑھا کتنا مہلک ثابت ہو سکتا تھا ، اس کا اندازہ اس بات سے لگایا جا سکتا ہے کہ تقریبا 10 سے 15 فٹ کے اس گڑھے کے نیچے سے نالے کا پانی بہتا ہے۔ اس میں گاڑی کے گرنے سے جان و مال کا نقصان ہونا تھا۔ دہلی پولیس اور ٹریفک پولیس نے ٹریفک کا رخ موڑ کر ٹریفک کو سنبھالا۔
○○○○○○○○○○○○○○○○○○○○○○○○
*ڈبلیو ایچ او کی اپیل-مہلک ڈیلٹا قسم کی لہر آنے سے پہلے کوویڈ 19 کو دبا دیں*
واضح ہوکہ نیوز رپورٹ سے ملی جانکاری کے مطابق ورلڈ ہیلتھ آرگنائزیشن (ڈبلیو ایچ او) نے جمعہ کو کہا کہ کوویڈ 19 کا ڈیلٹا ورژن دنیا کے لیے ایک انتباہ ہے۔ ڈبلیو ایچ او نے کہا کہ اس سے پہلے کہ یہ ویرینٹ بدترین حالت میں پہنچے۔ کوویڈ 19 وائرس' کو فوری طور پر دبا دیں۔ ورلڈ ہیلتھ آرگنائزیشن نے کہا کہ یہ انتہائی متعدی ویرینٹ جو پہلے ہندوستان میں پایا گیا تھا ، اب 132 ممالک اور علاقوں میں سامنے آیا ہے۔ڈبلیو ایچ او کے ایمرجنسی ڈائریکٹر مائیکل ریان نے ایک نیوز کانفرنس کو بتایا، "ڈیلٹا ویرینٹ ایک انتباہ ہے۔ اسے دبانے کے لیے چوکس رہنے اور آگے بڑھنے کی ضرورت ہے۔"
○○○○○○○○○○○○○○○○○○○○○○○○
*بابل سپریو نے سیاست کو الوداع کہا حال ہی میں مرکزی کابینہ سے ہٹائے گئے تھے*
واضح ہوکہ بنگال کے آسنسول سے بی جے پی ایم ایل اے بابل سپریو نے ہفتے کے روز اعلان کیا کہ وہ سیاست کو الوداع کہہ رہے ہیں انہیں حال ہی میں مودی حکومت کی مرکزی کابینہ سے نکال دیا گیا ، انہوں نے واضح کرتے ہوئے کہا کہ وہ ایک ہی ٹیم میں کھیلنے والے کھلاڑی ہیں میں نے صرف ایک ٹیم کی حمایت کی ہےانہوں نے فیس بک پر ایک پوسٹ لکھ کر سیاست چھوڑنے کا اعلان کیا جس کے آغاز میں انہوں نے لکھا میں جا رہا ہوں الوداع اس نے لکھا سب کی سنی سب کچھ سننے کے بعد میں کہتا ہوں کہ میں کسی دوسری پارٹی میں نہیں جا رہا ہوں ٹی ایم سی کانگریس سی پی آئی ایم کہیں نہیں میں ایک ٹیم کا کھلاڑی ہوں ہمیشہ ایک ہی ٹیم کی حمایت کی مغربی بنگال میں صرف بی جے پی کی حمایت کی بس میں جا رہا ہوں اگر آپ سماجی کام کرنا چاہتے ہیں تو آپ سیاست میں آنے کے بغیر یہ کر سکتے ہیں۔
○○○○○○○○○○○○○○○○○○○○○○○○
*دہلی میں کورونا ویکسینیشن 1 کروڑ کے پار، آدھی آبادی کو لگی ویکسین*
واضح ہوکہ دہلی کے وزیر اعلی اروند کیجریوال نے کل کہا کہ دہلی میں لوگوں کو اب تک ایک کروڑ سے زائد ویکسین کی خوراکیں دی جا چکی ہیں قومی دارالحکومت کی تقریبا50 فیصد بالغ آبادی کو ویکسین کی کم از کم ایک خوراک دی گئی ہے سی ایم نے کہا آج تک دہلی میں تقریبا74 لاکھ لوگوں کو 1 کروڑ ویکسین کی خوراکیں دی جا چکی ہیں ان میں سے کم از کم 26 لاکھ لوگوں کو دونوں خوراکیں دی گئی ہیں باقی لوگوں کو ویکسین کی ایک خوراک ملی ہےکیجریوال نے کہا کہ شہر کی آبادی تقریبا 2 کروڑ ہے تقریبا 1.5 کروڑ لوگ 18 سال سے زیادہ عمر کے ہیں اور ویکسینیشن کے اہل ہیں انہوں نے کہا کہ تقریبا 50 فیصد بالغ آبادی کو ویکسین کی پہلی خوراک مل چکی ہے۔
○○○○○○○○○○○○○○○○○○○○○○○○
*"مطالبات پورے ہونے تک جی ایس ٹی کی ادائیگی بند کر دیں، احتجاج میں بولے پی ایم مودی کے بھائی*
واضح ہوکہ نیوز رپورٹ سے ملی جانکاری کے مطابق وزیر اعظم نریندر مودی کے بھائی نے ان تاجروں کے حق میں آواز بلند کی ہے جو گجرات میں اپنے مطالبات کے لیے احتجاج کر رہے ہیں۔ مودی نے کہا کہ جب تک مطالبات پورے نہیں ہوتے ، انہیں جی ایس ٹی کی ادائیگی بند کر دینی چاہیے۔ احتجاج کرنے والے کے حق میں بات کرتے ہوئے پرہلاد مودی نے کہا کہ نریندر مودی یا کوئی اور ہو، انہیں آپ کی سُننی پڑے گی۔ پرہلاد مودی کا کہنا ہے کہ وہ ملک بھر میں 6.50 لاکھ راشن دکانداروں کی نمائندگی کرتے ہیں۔
○○○○○○○○○○○○○○○○○○○○○○○○
*بد انتظامی کی وجہ سے گائیں مری تو سخت کارروائی کی جائے گی: یوگی آدتیہ ناتھ*
واضح ہوکہ نیوز رپورٹ سے ملی جانکاری کے مطابق اتر پردیش کے وزیر اعلیٰ یوگی آدتیہ ناتھ نے ہفتہ کو کووڈ -19 مینجمنٹ ٹیم کی میٹنگ میں کہا کہ ریاست کے تمام گائے پناہ گاہوں میں انتظامات کو درست کیا جائے۔ سبز چارہ کا مناسب انتظام ہونا چاہیے۔اگر بدانتظامی کی وجہ سے کسی گائے کی موت ہوتی ہے تو متعلقہ افسر اور ملازم کے خلاف سخت ترین کارروائی کی جائے گی۔ نیا سیشن شروع کرنے کے لیے ایکشن پلان تیار کیا جائے میٹنگ کے دوران وزیر اعلیٰ نے کہا کہ اس سلسلے میں ضروری کارروائی کی جانی چاہیے ان طلباءکے لیے جنہیں بنیادی ، ثانوی ، اعلیٰ ، تکنیکی اور پیشہ وارانہ تعلیمی اداروں میں اگلی کلاس میں پروموٹ کیا جانا ہے۔ کورونا کی صورتحال کے پیش نظر نئے سیشن کے آغاز کے حوالے سے ایکشن پلان تیار کیا جائے۔ ایمبولینس کی عدم دستیابی کی صورت میں سروس فراہم کرنے والے کے خلاف کارروائی کی جائے گی۔
○○○○○○○○○○○○○○○○○○○○○○○○
*ہندستان اور امریکہ میں خدمات کے کاروبار کا اہم کردار*
واضح ہوکہ نیوز رپورٹ سے ملی جانکاری کے مطابق مرکزی وزیر تجارت و صنعت پیوش گوئل نے ہندوستان اور امریکہ کے درمیان خدمات کے شعبے کو بہت اہم قرار دیتے ہوئے کہا کہ کورونا بحران کے مابعد عرصے کے دوران معاشی بحالی میں مدد کے لیے خدمات کے شعبے میں بہت زیادہ امکانات ہیں۔ انڈو امریکن چیمبر آف کامرس کے زیر اہتمام ہفتہ کے روز منعقدہ دوسری انڈو یو ایس سروسز سمٹ سے خطاب کرتے ہوئے مسٹر گوئل نے کہا کہ ہندوستان اور امریکہ دنیا بھر میں امن واستحکام کے لیے کام کر رہے ہیں۔انہوں نے کہا کہ دونوں ممالک کے درمیان تعلقات کو مسلسل فروغ دینے میں خدمات کا کاروبار بہت اہم کردار ادا کرے گا۔
○○○○○○○○○○○○○○○○○○○○○○○○
*میزورم پولیس نے ہیمنت بسوا اورچھ دیگر کے خلاف درج کیا معاملہ*
واضح ہوکہ نیوز رپورٹ سے ملی جانکاری کے مطابق میزورم سرحدی تنازعہ کے درمیان میزورم پولیس نے آسام کے وزیر اعلیٰ ہیمنت بسوا سرما اور چھ دیگر کے خلاف ’ قتل کے لئے اکسانے‘سے لے کر آرمز ایکٹ کی خلاف ورزی سمیت مختلف دفعات کے تحت ایف آئی آر درج کی ہے جس سے دونوں ریاستوں کے درمیان کشیدگی عروج پر پہنچ گئی ہے۔ یہ ایف آئی آر ضلع کولاسب کے ویرنگٹے تھانے میں درج کی گئی ہے ، جس میں مسٹر سرما ، آسام پولیس کے انسپکٹر جنرل انوراگ اگروال ، پولیس کے ڈپٹی انسپکٹر جنرل دیوجیوتی مکھرجی ، کچھار کی ڈپٹی کمشنر کیرتی جلی ، کچھار کے ڈسٹرکٹ فاریسٹ آفیسر سنی دیو چودھری ، کچھار پولیس کے سپرنٹنڈنٹ چندرکانت نیمبلکر ، دھولائی تھانے کے او سی ساہ کے نام شامل ہیں۔میزورم پولیس نے ان لوگوں کے خلاف تعزیرات ہند کی دفعہ 307/ 120 بی 270/325/326 اور 353/336/334/448/34 اور بنگال ایسٹرن فرنٹیئر ریگولیشن ( بی ای ایف آر) کے دفعہ 3 کے ساتھ ساتھ میزورم کنٹینمنٹ اینڈ کووڈ 19 ایکٹ کی دفعہ 3 اور 6 اور آرمز ایکٹ کی دفعہ 27 (1) (a) کے تحت ایف آئی آر درج کی گئی ہے۔ میزورم کے ضلع کولاسب کے ویرنگٹے تھانے میں مقامی انسپکٹرلالچاوماویہ نے یہ معاملہ درج کیا ہے۔
○○○○○○○○○○○○○○○○○○○○○○○○
*راشد حسین امریکہ کے پہلے مسلم مذہبی آزادی کا سفیر نامزد*
واضح ہوکہ نیوز رپورٹ سے ملی جانکاری کے مطابق امریکی صدر جو بائیڈن نے ہندوستانی نژاد امریکی شہری راشد حسین کو پہلا مسلمان مذہبی آزادی کا سفیر نامزد کیا ہے۔راشد اس وقت قومی سلامتی کونسل میں شراکت داری اور عالمی مصروفیات کے ڈائریکٹر ہیں۔وائٹ ہاؤس کی جانب سے جاری بیان میں کہا گیا ہے کہ وہ اس سے قبل محکمہ انصاف کے قومی سلامتی ڈویڑن میں سینئر وکیل کے طور پر بھی خدمات انجام دے چکے ہیں۔اوباما انتظامیہ کے دوران راشد نے اسلامی تعاون تنظیم میں وائٹ ہاؤس کے نائب معاون کے طور پر دہشت گردی کے خلاف انسداد دہشت گردی کے لیے امریکہ کے خصوصی ایلچی کے طور پر خدمات انجام دیں۔اوباما انتظامیہ میں شامل ہونے سے پہلے ، ڈیمن کیتھ میں جوڈیشل لاء کلرک کی حیثیت سے بھی خدمات انجام دیں۔ حسین نے ییل لاء ا سکول سے قانون کی ڈگری اور ہارورڈ یونیورسٹی سے عربی اور اسلامک اسٹڈیز میں ماسٹر کی ڈگری حاصل کی ہے۔
○○○○○○○○○○○○○○○○○○○○○○○○
*افغانستان:لڑائی میں شدت، طالبان کی مغربی اور جنوبی علاقوں میں پیش قدمی*
واضح ہوکہ بی بی سی میں شائع رپورٹ کے مطابق افغانستان کے مغربی شہر ہرات پر کنٹرول کے لیے طالبان اور حکومتی فورسز کے درمیان سخت لڑائی جاری ہے۔ طالبان کے خلاف لڑنے والوں میں صرف افغان فوجی نہیں بلکہ دیگر طالبان مخالف جنگجو بھی ہیں۔ان کی قیادت اسماعیل خان نامی ایک بااثر مقامی کمانڈر کر رہے ہیں جنھیں مقامی طور پر امیر اسماعیل خان بھی کہا جاتا ہے۔ہرات شہر افغانستان کے اہم صوبے ہرات کا دارالحکومت ہے جس کی ایک طویل سرحد ایران کے ساتھ لگتی ہے۔ یہ تاریخی اور ثقافتی ورثے کے حوالے سے بھی نمایاں صوبہ ہے ملک کے مغربی حصے میں واقع یہ صوبہ افغانستان کا ایک اہم تجارتی مرکز بھی ہے چنانچہ اس پر قبضہ ہونا طاقت کی ایک اہم علامت سمجھا جاتا ہے۔
