جمعہ کو گیا میں تین الگ الگ حادثات میں 5 لوگ دریا میں ڈوب کر ہلاک ہو گئے۔ مرنے والوں میں تین بچے ، ایک نوعمر اور ایک ادھیڑ عمر شخص شامل ہے۔ وزیر گنج میں ایک ساتھ تین معصوم کی ہلاکت کی وجہ سے سوگ اور صف ماتم بچھی ہوئی ہے۔ پہلا واقعہ مفصل تھانہ علاقہ میں واقع عالمی شہرت یافتہ سیتا کنڈ کے قریب سے گزرنے والے فالگو دریا میں پیش آیا۔ وہاں 12 سے 14 سال کی عمر کے تین دوست نہانے گئے۔ جب تینوں دریا میں تیزبہاؤ کی وجہ سے ڈوبنے لگے،تو انہوں نے شور مچا دیا۔چیخ و پکار سن کر قریب کھڑے ایک مقامی نوجوان نے دو لڑکوں کو بچایا ، لیکن ایک لڑکے کا سراغ نہیںمل سکا۔ بہت تلاش کے بعد نوجوان دریا میں ایک پتھر میں دبا ہوا ملا ، وہ فوت کر چکا تھا۔دو لڑکے جنہیں مقامی نوجوان نے بچایا تھا ،وہاں سے بھاگ کھڑے ہوئے۔ لوگوں نے پولیس کو اس واقعے سے آگاہ کیا ، اس کی خبر سوشل میڈیا پرنشر کی ، تب متوفی نوجوان کی شناخت ہوسکی ۔ متوفی نوعمر کا باپ اور بھائی سیتا کنڈ پہنچے ہیں۔ والد نے بتایا-بیٹا انشو برٹش انگلش سکول میں ساتویں جماعت کا طالب علم تھا، وہ صبح گھر سے نکلا تھا ، لیکن نہ تو اس نے اور نہ ہی اس کے دوستوں نے اس کے بارے میں آگاہ کیا تھا۔ انشو مفصل تھانہ علاقہ کے تحت نارائن نگر کا رہائشی تھا۔دوسرا واقعہ وزیر گنج کے سوڑھنی گاؤں میں پیش آیا۔ یہاں مورہر ندی میں نہاتے ہوئے تین بچے ڈوب کر جاں بحق ہوگئے۔ تمام بچوں کی عمر تقریباً چھ سال بتائی جاتی ہے۔ یہاں ایک بچے کی ماں بچوں کی تلاش میں دریا کے کنارے پہنچی ،تو وہ اپنے بچے کے کپڑے دریا کے کنارے دیکھ کر رونے لگی۔ اس کے رونے کی آواز سن کر گاؤں کے لوگوں نے موقع پر پہنچ کر بچے کو دریا میں تلاش کیا، تو تینوں بچے مردہ پائے گئے۔ مرنے والوں کی شناخت امرجیت کمار ، پشکر کمار اور رجنیش کمار کے طور پر ہوئی ہے۔اس کے ساتھ ہی دریا میں ڈوبنے سے پانچویں موت 50 سالہ سریش مانجھی کی ہوئی ہے۔
کوئی تبصرے نہیں:
ایک تبصرہ شائع کریں