تلنگانہ کے کریم نگر شہر میں ایک پٹرول پمپ پر پٹرول دلوانے سے پٹرول سے زیادہ پانی آرہا ہے

(اردو اخبار دنیا)کریم نگر _ تلنگانہ کے کریم نگر شہر میں ایک پٹرول پمپ پر پٹرول دلوانے سے پٹرول سے زیادہ پانی آرہا ہے جس پر گاڑی رانوں نے پٹرول پمپ پر شدید احتجاج کیا۔بتایا گیا ہے کہ کریم نگر رورل منڈل کے بومکال راجیو روڈ سے ملحقہ ایچ پی پٹرول پمپ میں پیٹرول کی بجائے پانی ڈالا جارہا ہے۔ پیر کی صبح ، دوشیڈو گاؤں کے دو گاڑیوں کے مالکان نے اس پٹرول پمپ پر پٹرول ڈلوانے تھے کچھ دیر بعد ان کی گاڑی رک گئی ۔ جب مکینک کو دکھایا گیا اس نے بتایا کہ پیٹرول کے ساتھ پانی ملا ہے جس کی وجہ سے گاڑی رک گئی ہے تو موٹرسائیکل کے مالکان نے پٹرول پمپ پہنچ کر عملے سے بحث کی ۔ اس دوران دوسرے موٹرسائیکل جو وہاں پہنچے تھے عملے کے خلاف احتجاج کیا اطلاع ملنے کے بعد دیہی پولیس وہاں پہنچی اور مسئلہ حل کیا۔ پٹرول پمپ کے ذمداروں نے بتایا کہ یہ مسئلہ تیل کمپنیوں کی جانب سے پٹرول میں 10 فیصد سے زائد ایتھنول شامل کرنے کی وجہ سے ہورہا ہے ۔