سابق ہندوستانی کپتان ایم ایس دھونی کے ٹویٹر سے ’بلیو ٹک ‘ہٹا ، سات ماہ تک ٹویٹ نہیں کیا

06/08/2021

نئی دہلی ،06؍اگست:(اردو اخبار دنیا) ہندوستانی کرکٹ ٹیم کے سابق کپتان مہندر سنگھ دھونی کا ٹویٹر سے ’بلیو ٹک‘ ہٹا دیا گیا ہے۔ قیاس آرائیاں کی جا رہی ہیں کہ دھونی ٹوئٹر پر کم سرگرم ہیں، اس لیے ٹوئٹر نے ان کے اکاؤنٹ سے بیلوٹک ہٹا دیا ہے۔ واضح رہے کہ دھونی کے ٹوئٹر پر تقریبا 8 8.2 ملین فالورز ہیں۔واضح رہے ایم ایس دھونی نے آخری ٹویٹ اس سال 8 جنوری کوکیا تھا۔

اس کے بعد انہوں نے کوئی ٹویٹ نہیں کیا۔ تاہم وہ انسٹاگرام پر سرگرم ہے۔ 8 جنوری سے پہلے انہوں نے ستمبر 2020 میں ٹویٹ کیا تھا۔ ایسی صورت میں یہ خیال کیا جاتا ہے کہ زیادہ سرگرم نہ ہونے کی وجہ سے ٹویٹر نے ایم ایس دھونی کا بیلو ٹک ہٹا دیا ہے۔ لیکن اس سے یقینی طور پر ان کے مداحوں کو ایک دھچکا پہنچایا ہے۔ایم ایس دھونی کا شمار دنیا کے کامیاب ترین #کپتانوں میں ہوتا ہے۔ #دھونی #دنیا کے واحد #کپتان ہیں جنہوں نے آئی سی سی کی تینوں #ٹرافیاں جیتیں۔

انہوں نے 2007 میں ٹی 20 #ورلڈ کپ، 2011 میں ون ڈے ورلڈ کپ اور 2013 میں چیمپئنز ٹرافی جیتی۔ دھونی کا یہ ریکارڈ توڑنا بہت مشکل ہے۔دسمبر 2004 میں بین الاقوامی کرکٹ میں قدم رکھنے والے دھونی نے 90 ٹیسٹ میں 38.09 کی اوسط سے 4876 رنز بنائے ہیں۔ #ٹیسٹ #کرکٹ میں ان کی ایک ڈبل سنچری، چھ سنچریاں اور 33 نصف #سنچریاں ہیں۔ اس کے علاوہ 350 ون ڈے میں 50.58 کی اوسط سے 10773 #رنز بنائے ہیں۔ دھونی کے نام ون ڈے میں 10 سنچریاں اور 73 نصف سنچریاں ہیں۔ 98 ٹی 20 بین الاقوامی #میچوں میں بھی ماہی نے 40.25 کی اوسط سے 4669 رنز بنائے ہیں۔