حیدرآباد ۔ 24 ۔ اگست : ( سیاست نیوز ) : کورونا وبا کی تیسری لہر کے انتباہ کے بعد مرکزی حکومت نے ملک میں ٹیکہ اندازی مہم میں شدت پیدا کرنے کا فیصلہ کرتے ہوئے واٹس اپ میں بھی کورونا ٹیکہ کے سلاٹ بکنگ کرانے کی سہولت فراہم کی ہے ۔ ملک کے بیشتر شہریوں کے پاس اسمارٹ فونس موجود ہے جس میں واٹس اپ کا استعمال عام بات ہے ۔ مرکزی حکومت نے اب عوام کو واٹس اپ کے ذریعہ ٹیکہ کے لیے سلاٹ بک کرانے کی سہولت فراہم کی ہے ۔ مرکزی وزیر صحت نے ایک ٹوئیٹ کرتے ہوئے یہ بات بتائی ہے ہے ۔ اس سہولت کا بھر پور فائدہ اٹھاتے ہوئے عوام اب سکنڈس میں اپنے لیے کورونا ٹیکہ کا سلاٹ بک کراسکتے ہیں ۔ سلاٹ بک کرانے کے لیے عوام پہلے My Gov India Corona Help Desk کے نمبر 91-9013151515 کو اپنے کنٹاکٹ نمبر میں سیو کرلیں ۔ اس کے بعد واٹس اپ میں اس نمبر پر سلاٹ بک کرنے کے لیے میسیج روانہ کریں ۔ فوری آپ کے فون نمبر کو 6 عدد پر مشتمل او ٹی پی آئے گا وہ او ٹی پی انٹر کرتے ہوئے نمبر کو ویری فائی کرلیا جائے ۔ اس کے بعد تاریخ ، لوکیشن ، پن کوڈ ، ویکسین ٹائیپ کے علاوہ دوسری تفصیلات درج کریں ۔ خانہ پری کی تکمیل کے بعد Confirm کرنے کی صورت میں آپ کا سلاٹ بک ہوجائے گا ۔ اس کے علاوہ مرکزی حکومت نے اپ کو ویکسین سرٹیفیکٹ حاصل کرنے کی بھی واٹس اپ میں سہولت فراہم کی ہے ۔ اس کے لیے آپ کو واٹس اپ پر 9013151515 پر ڈاؤن لوڈ سرٹیفیکٹ میسیج کرنا ہوگا اس کے بعد اگر او ٹی پی اور نام کی تصدیق ہوگئی تو آپ کا ویکسینیشن سرٹیفیکٹ ڈاؤن لوڈ ہوجائے گا ۔۔N
کوئی تبصرے نہیں:
ایک تبصرہ شائع کریں