ملک کی آزادی کے 75 سال پورے ہونے کے موقع پر راشٹریہ سویم سیوک سنگھ اترپردیش میں آزادی کے 'نامعلوم' انقلابیوں کی تلاش کرے گا۔ 'نامعلوم' انقلابیوں سے مطلب ان لوگوں سے ہے ،جنہوںنے ملک کی آزادی کی لڑائی لڑی لیکن ان کا ذکر تاریخ میں نہیں ہو سکا اور اس وجہ سے لوگوں کو بھی ان کی جد وجہد کے بارے میں معلوم نہیں چلا ۔
انہوں نے کہا کہ سنگھ کی طرف سے اسی طرح کے پروگرام پورے ملک بھر میں کئے جائیں گے ۔ سنگھ اس دوران ترنگا یاترا بھی نکالے گا ۔ اس میں شامل ہونے والے لوگ ہاتھوں میں ترنگا لے کر چلیں گے اور وندے ماترم گائیں گے۔ سنجے نے کہا کہ سنگھ اودھ صوبے میں اپنی شاخوں کی توسیع پر بھی غور کررہا ہے ۔
اتر پردیش میں اسمبلی انتخابات قریب ہیں اور بی جے پی اور سنگھ پریوار نے اپنی سرگرمی بڑھا دی ہے۔ سنگھ پریوار کی بھی یہی کوشش ہے کہ بی جے پی کی اقتدار میں واپسی ہو، اسی لیے سنگھ کی جانب سے ترنگا یاترا نکال کر یا دیش بھکتی سے جڑے پروگرام کر کےبی جے پی حق میں ماحول بنانے کی کوشش کی جارہی ہے ، حالانکہ سنگھ نے اس پروگراموں کا الیکشن سے کسی طرح کا تعلق ہونے سے انکار کیا ہے ۔
کوئی تبصرے نہیں:
ایک تبصرہ شائع کریں