#تعلیمی ترقی اور انصاف کی راہ کو آسان بنانا امارت شرعیہ کی اولین ترجیحات مولانا محمد شمشاد رحمانی

#تعلیمی ترقی اور انصاف کی راہ کو آسان بنانا امارت شرعیہ کی اولین ترجیحات  مولانا محمد شمشاد رحمانی 

امارت شرعیہ ملت کا ایک عظیم سرمایہ ہے، اس نے اپنے قیام سے لے کر اب تک ملت کی فلاح وبہبود اور اس کی تعمیر و ترقی کے لئے مختلف جہتوں سے جو کوششیں کی ہیں وہ روز روشن کی طرح عیاں ہے، اس وقت بھی امارت شرعیہ حالات اور ملت کی ضروریات کو سامنے رکھتے ہوئے مضبوطی کے ساتھ سرگرم سفر ہے، اس وقت کے موجودہ امیر شریعت حضرت مولانا سید احمد ولی فیصل رحمانی کی سربراہی میں امارت شرعیہ کے تمام شعبوں کو مضبوطی کے ساتھ آگے بڑھانے کا کام جاری ہے خاص طور پر حضرت امیر شریعت کی توجہ تعلیم وارا لقضاء کے نظام کو وسعت دینا ان کی اولین ترجیحات میں شامل ہے اس سلسلے میں بہار اڑیسہ وجھارکھنڈ تینوں صوبوں کے اندر تعلیمی اور دارالقضاء کے نظام کو پھیلانے کی عملی جدوجہد جاری ہے،   اس وقت رانی گنج میں میری حاضری اسی مناسبت سے ہوئ ہے امید ہے کہ علاقہ کے تعاون سے اور امارت شرعیہ کی فکر مندی سے یہاں جلد ہی اسکول کا قیام عمل میں آۓ گا، ان خیالات کا اظہار امارت شرعیہ  بہار اڑیسہ وجھارکھنڈ کے نائب امیر شریعت حضرت مولانا محمد شمشاد رحمانی قاسمی نے مورخہ 8 نومبر 2021 کو شہر رانی گنج ضلع ارریہ میں اسکول کے تعلق سے منعقد علاقہ کے خواص کے درمیان کیا، انہوں نے موجودہ امیر شریعت کے تعلیمی تجربات اور ہمہ جہت سوچ کا بھی تذکرہ کیا اور کہا کہ علاقہ کے مسلمان مستعد رہیں تو ان شاء اللہ کام بہت جلد آگے بڑھے گا، موصوف نے اس موقع پر مؤثر دعاء فرمائ اس میٹنگ میں امارت شرعیہ کے نائب ناظم مفتی محمد سہراب ندوی، قاضی شریعت دارالقضاء امارت شرعیہ ارریہ مفتی محمد عتیق اللہ رحمانی، قاری ارشاد رحمانی کے علاوہ شہر رانی گنج اور اطراف کی آبادی ڈومریا، رام پور، حسن پور، ڈاک بنگلہ، جگتہ وغیرہ کے معززین نے شرکت کی،مفتی نعیم، مکھیا توحید، اکبر علی، مولانا شفیع، قاری حسیب، مفتی دلشاداحمد، مفتی جمشید، مفتی مشرف، مولانا مجاہد، علی انور  اسکول،وغیرہ کے نام قابل ذکر ہیں

حکومت دہلی نے مزدوروں کی کم ازکم تنخواہ میں اضافہ کیا

حکومت دہلی نے مزدوروں کی کم ازکم تنخواہ میں اضافہ کیا

نئی دہلی،دہلی کے نائب وزیر اعلیٰ منیش سسودیا نے پیر کو دلی کے غیر ہنر مند، نیم ہنر مند اور دیگر مزدوروں کا مہنگائی بھتہ بڑھانے کا حکم جاری کیا ہے۔
نائب وزیر اعلیٰ نے سبھی مزدوروں اور ملازمین کو بڑھی ہوئی شرح کے ساتھ ادائیگی یقینی بنانے کی بھی ہدایت دی گئی ہے۔ مہنگائی بھتے کے تحت غیر ہنر مند مزدوروں کی ماہانہ تنخواہ کو 15908 سے بڑھاکر 16064روپے، نیم ہنر مند مزدوروں کی ماہانہ تنخواہ کو 17537 سے بڑھاکر 17693 روپے اور ہنر مند مزدوروں کی ماہانہ تنخواہ کو 19291 سے بڑھاکر 19473 روپے کیا گیا ہے۔ اس کے علاوہ سپر وائزر اور کلرک زمرے کے ملازموں کی کم ازکم مزدوری کی شرح میں بھی اِضافہ کیا گیا ہے۔اس میں غیر میٹرک ملازموں کی ماہانہ تنخواہ 17537 سے بڑھاکر 17693 روپے، میٹرک لیکن غیر گریجویٹ ملازموں کی ماہانہ تنخواہ 19291 سے بڑھاکر 19473 روپے اور گریجویٹ اور اسے زیادہ کے تعلیمی لیاقت والے مزدوروں کی ماہانہ تنخواہ 20976 سے بڑھاکر 21184 روپے کردیا گیا ہے۔
نائب وزیر اعلیٰ نے کہا کہ غریب اور مزدور طبقہ کے مفاد کو دھیان میں رکھتے ہوئے کورونا وبا کے دورن یہ بڑا قدم اٹھایا گیا ہے۔ اس کا فائدہ کلرک اور سپروائزر طبقہ کے ملازموں کو بھی ملے گا۔ انہوں نے کہا کہ غیر منظم شعبہ کے ایسے مزدوروں کو مہنگائی بھتہ پر روک نہیں لگائی جاسکتی ہے جنہیں صرف کم ازکم مزدوری ملتی ہے۔ اس لیے حکومت دہلی نے مہنگائی بھتے جوڑ کر نیا کم ازکم تنخواہ کا اعلان کیا ہے۔
انہوں نے کہا کہ حالانکہ ہم حکومت کے کئی اخراجات میں کٹوتی کررہے ہیں لیکن مزدور بھائیوں کے مفاد کو دیکھتے ہوئے ہم نے ان کا مہنگائی بھتہ بڑھانے کا فیصلہ لیا ہے۔ ملک میں مہنگائی اور اشیا کی آسمان چھوتی قیمتوں کے سبب آج سماج کا ہر طبقہ مالی طورپر متاثر ہوا ہے۔ اناج، دال اور تیل جیسی روز مرہ کی چیزیں بھی مہنگی ہوگئی ںہیں۔ میں امید کرتا ہوں کہ اس اضافہ سے مزدور بھائیوں کو مدد ملے گی۔
نائب وزیر اعلی نے کہا کہ دہلی میں مزدوروں کوملے والی کم ازکم تنخواہ ملک کے دیگر کسی بھی ریاست کے مقابلے میں سب سے زیادہ ہے۔ یہ ایک سال میں ددوسری بار ہے جب حکومت دہلی نے طبی بحران کے درمیان مزدوروں کے لیے مہنگائی بھتے میں اضافہ کیا ہے۔

بہار اسٹیٹ مدرسہ ایجوکیشن بورڈ ، پٹنہ کا اعلان

درجه وسطانیہ 2022 کے فارم بھرنے کی تاریخ میں 20 نومبر تک توسیع کی جاتی ہے۔

تمام ملحق مدارس کے پرنسپل صدر مدرس طلبا و طالبات اور گارجین حضرات کو اطلاع دی جاتی ہے کہ درجہ وسطانیہ 2022 کا آن لائن فارم بھرنے کی تاریخ میں 20 نومبر تک توسیع کر دی گئی ہے۔ تمام پرنسپل صدر مدرس کو ذمہ داری دی جاتی ہے کہ وہ اپنے مدرسہ کے طلباء و طالبات کا فارم مدرسہ بورڈ کے ویب سائٹ www.bsmeb.org پنتین وقت کے درمیان بذات خود جرانا یقینی بنائیں۔ امتحان فارم بھرنے کیلئے 600 روپے فی امیدوار میں کی ادائیگی آن لائن کی جائے گی۔ مدرسہ بورڈ کے ویب سائٹ پروستائی ایولیوشن کیلئے تک بنام – wastania Examination موجود ہے۔ طلبا و طالبات کاربین حشرات اس لنک کے ذریعہ درجہ وسطانیہ ایولیوشن کیلئے فارم بھر سکتے ہیں۔

نوٹ:- تمام طلبا طالبات اور گارجین حضرات کو مطلع کیا جاتا ہے کہ درجہ فوقانیہ و مولوی امتحمان کا فارم بھرنے میں امیدوار کے آدھار کارڈ اور بینک اکاؤنٹ کی تفصیل فراہم کرانے کی لازمیت کم کردیا گیا ہے اب طلباوطالبات با آسانی فارم بھر سکتے ہیں۔

نیچے دیے گئے لنکس فارم بھریں👇✍️

www.bsmeb.org

الہ آباد یونیورسٹی میں کانوو کیش کاانعقاد شعبہ عربی و فارسی کے سید انوار صفی پوری یونیورسٹی کے پی جی ٹاپرس میں دوسری پوزیشن پر رہے

الہ آباد یونیورسٹی میں کانوو کیش کاانعقاد شعبہ عربی و فارسی کے سید انوار صفی پوری یونیورسٹی کے پی جی ٹاپرس میں دوسری پوزیشن پر رہے

الہ آباد (پریس ریلیز):الہ آباد یونیورسٹی میں آج ۱۹۔۲۰۱۸ اور ۲۰۔۲۰۱۹ کے لئے کانووکیشن کا انعقاد کیا گیاجس کی صدارت یونیورسٹی کے چانسلر عزت مآب جناب آشیش کمار چوہان نے فرمائی جب کہ وزیر تعلیم ہند عزت مآب جناب دھرمیندر پردھان نے مہمان خصوصی کی حیثیت سے شرکت کی۔اس موقعہ پر پروفیسر ریتا بہو گنا جوشی اور سدھارتھ ناتھ سنگھ و دیگر ہستیاں بھی موجود رہیں ۔یونیورسٹی کی وائس چانسلر پروفیسر سنگیتا سریواستوا نے مہمانان کی گلپوشی کی ساتھ ہی انھیں شال اور مومنٹو پیش کر استقبال کیا۔آج تقریباً۲۵۰؍ طلباء کو ان کی عمدہ کارکردگی کے لئے مختلف میڈل سے نوازا گیاان میں ۱۶۵؍ لڑکیاں شامل ہیںاورپی ایچ ڈی کی ڈگری لینے والوں کی تعداد بھی خاصی رہی۔واضح ہو کہ اس کانووکیشن میں شعبہ عربی و فارسی کے طالب علم سید انوار صفی نے پوری یونیورسٹی کے پی جی طلباء میں دوسری پوزیشن لے کر شعبہ کا نام روشن کیا ہے۔انھیں الہ آباد جوبلی سلور میڈل تفویض کیا گیا۔ا س کے علاوہ فارسی پی جی ٹاپر کا میڈل بھی انھیں دیا گیا۔اسی شعبے کی ڈاکٹر تحسین بانو کو پی ایچ ڈی کی ڈگری تفویض کی گئی۔انھوں نے صدر شعبہ پروفیسر صالحہ رشید کی نگرانی میں اپنا تحقیقی مقالہ لکھا ہے۔ان کے علاوہ گوہر تسنیم اور زبیر حسن کو بھی فارسی اور عربی کے ٹاپر کا میڈل دیا گیا۔یونیورسٹی کے دوسرے شعبوں میں بھی بچوں نے مختلف میڈل لئے ہیں ۔اقصیٰ نفیس کو ایم ایس سی آرگینک کیمسٹری میں گولڈ میڈل،آفرین صدیقی پی جی کامرس میں گولڈ میڈل، مریم علی کو بی ایس سی باٹنی میں ٹاپ کرنے کے لئے گولڈ میڈل، سارا احمد کو بی ایس سی کیمسٹری میں ٹاپ کرنے کے لئے گولڈ میڈل ، ثنا انوار کو بی ٹیک ٹاپر کا گولڈ میڈل دیا گیا۔ان کے علاوہ بھی اردو فلاسفی وغیرہ میں بچوں نے اچھی کارکردگی کا مظاہرہ کر میڈل حاصل کئے ہیں۔اس موقع پر یونیورسٹی کی ایکزیکیٹو کائونسل اور اکیڈمک کائونسل کے ممبر اور دیگر مشاہیر تعلیم و دیگر شعبوں کے لوگ شریک ہوئے۔سابق ڈائیریکٹر ریزرو بینک محترمہ دیپالی پنت جو اسی یونیورسٹی کی فارغ التحصیل ہیں اور ایکزیکیٹو کائونسل کی ممبر بھی ،وہ خاص طور سے اس کانووکیشن میں شامل ہوئیں۔وزیر تعلیم نے اپنے خطاب میںیونیورسٹی کی ترقی میں ہر طرح سے مدد کرنے کا وعدہ کیا اور بچوں کو زندگی میں آگے بڑھتے رہنے کی تلقین کی۔طلباء نے اپنی ڈگری اور سند کو لہرا کر ان کے مشورے کا خیرمقدم کیا۔شعبہ عربی و فارسی الہ آباد یونیورسٹی ان تمام سند یافتگان کو مبارکباد پیش کرتا ہے اور ان کے سنہری مستقبل کی دعا کرتا ہے۔

بڑھتی مہنگائی سے عوام کا برا حال ، حکومت اس سمت میں کوئی قدم نہیں اٹھارہی ہے ۔ عمران پرتاپ گڑھی

بڑھتی مہنگائی سے عوام کا برا حال ، حکومت اس سمت میں کوئی قدم نہیں اٹھارہی ہے ۔ عمران پرتاپ گڑھی

چنڈی گڑھ:ملک میں بڑھتی ہوئی مہنگائی، بے روزگاری اورحکومت کی خاموشی پر سخت تنقید کرتے ہوئے آل انڈیا کانگریس کمیٹی شعبہ ا قلیت کے قومی صدر عمران پرتاپ گڑھی نے کہا کہ بڑھتی مہنگائی سے عوام کا برا حال اور پریشان حال ہے اور حکومت اس سمت میں کوئی قدم نہیں اٹھارہی ہے۔یہ بات چنڈی گڑھ کے'منی ماجرا' میں ایک پروگرام سے خطاب کرتے ہوئے کہی۔
انہوں نے چنڈی گڑھ کے لوگوں سے اپیل کی کہ کچھ دنوں بعد بلدیاتی انتخابات ہونے والے ہیں، آپ کو حکمرانی کے بارے میں سب کچھ معلوم ہے۔ کانگریس اور بی جے پی حکومت میں کیا کیابدلاؤ دیکھنے کو ملے ہیں۔ چنڈی گڑھ کی عوام کو سب علم ہے۔ بی جے پی حکومت کی تانا شاہی، بیان بازی اور عوام کے خلاف پالیسیوں کی وجہ سے ملک انتہائی برے دور سے گزر رہا ہے اور بے روزگاری بڑھ رہی ہے۔
انہوں نے کہاکہ بلدیاتی انتخابات میں بی جے پی کو شکست دے کر اپنے پیارے ملک کو ترقی کی راہ پر واپس بھیجنے کا کام شروع کریں، جس طرح آپ کی پڑوسی ریاست ہماچل پردیش کی عوام نے بی جے پی کو شکست دے کر کانگریس کو جتایا ہے، یہ ایک واضح پیغام ہے کہ ملک میں بی جے پی حکومت کی پالیسیوں سے عوام مکمل طور پرپریشان ہو چکی ہیں۔اور اب بی جے پی کو سبق سکھانے کا وقت آگیا ہے۔عمران پرتاپ گڑھی نے کہا کہ ملک کی عوام کو مذہب کی بنیاد پر لڑا نے کا کام کر رہی ہیں۔آج چنڈی گڑھ کے اس خوبصورت اسٹیج پر جس طرح پون کمار بنسل جی، دلبر خان جی اور منیش بنسل اور عمران پرتاپ گڑھی ایک ساتھ بیٹھے ہیں اسی پیار محبت اور بھائی چارے سے بی جے پی حکومت گھبرائی ہوئی ہے، بی جے پی حکومت نے عوام کے درمیان نفرت پھیلانے کا کام کیا ہے،سماجی محبت اوربھائی چارے کوختم کرنے کا کام کیا ہے۔ ملک کے تمام ہندو مسلمان بھائی چارے کے ساتھ میں رہنا شروع کر دیا تو اقتدار ہمارے ہاتھ سے جاتا رہے گا۔ عمران پرتاپ گڑھی نے کہا کہ آج ہمارے ملک کا کسان سڑکوں پر بیٹھا ہے اور حکومت سے تینوں زراعت مخالف کالے قوانین کو واپس لینے کا مطالبہ کر رہا ہے اور اس معاملے میں کم از کم 400 کسانوں نے اپنی شہادت دی ہے لیکن بی جے پی حکومت اور ملک کے پی ایم نریندر مودی جی کو کسانوں کی پرواہ نہیں ہے۔انہوں نے الزام لگایاکہ صرف اپنے صنعتکار دوست امبانی اڈانی کو فائدہ پہنچا رہے ہیں۔
عمران پرتاپ گڑھی نے کہا کہ آج میں جواہرلال نہرو کے خوابوں کے شہر چنڈی گڑھ میں آیا ہوں، آج میں یہاں کسی انتخابی پروگرام میں نہیں بلکہ چنڈی گڑھ کے لوگوں سے ملنے آیا ہوں۔ چنڈی گڑھ کی تہذیب، ثقافت، فرقہ وارانہ ہم آہنگی کے ہر کوئی قائل ہے، آج سے پہلے جب میں کسی بھی شہر میں جاتا تھا تو سوچتا تھا کہ اس شہر میں ہندو سے ملاقات ہوگی، اور جب میں کسی دوسرے شہر جاتا تھا تو سوچتا تھا اس شہر میں مسلمانوں سے ملاقات ہوگی۔ لیکن آج جب میں چنڈی گڑھ آیا تو ایسا لگا کہ لوگوں سے ملاقات ہوئی۔
سابق ریلوے وزیر اور کانگریس کے خزانہ کے صدر پون کمار بنسل نے کہا کہ بی جے پی صرف جھوٹ بولنے کا کام کرتی ہے اور بی جے پی کے تمام لیڈر مل کر جھوٹ کا پروپیگنڈہ پھیلا رہے ہیں اور پھر وشوگرو بننے کا خواب دیکھتے ہیں۔لیکن بی جے پی نہیں جانتی کہ جھوٹ بولنے اورسچ بولنے میں کیافرق ہوتا ہے۔ آج جب ہمارے وزیر اعظم کسی غیر ملکی دورے پر جاتے ہیں تو ان کے لیے ٹیکسیوں کا انتظام کیا جاتا ہے کہ وہ آئیں اور یہ سب دیکھیں۔

ممبئی اردو نیوز

مجلس اتحاد المسلمین شاجاپور کا بڑھتا کارواں

مجلس اتحاد المسلمین شاجاپور کا بڑھتا کارواں

شاجاپور (ایم پی) 7 نومبر (پریس ریلیز) مدھیہ پردیش کے ضلع شاجاپور کی پنچایت کھوکھرا کے گاؤں اسلام نگر میں اتوار کو عبدالواحد پٹیل کی زیر صدارت مجلس اتحاد المسلمین کے مقامی یونٹ کی میٹنگ منعقد ہوئی۔
میٹنگ میں بتایا گیا کہ کالا پیپل تحصیل کے اندر مجلس اتحاد المسلمین کے کارکنان دل و جان سے محنت کر رہے ہیں۔ گھر گھر، گاؤں گاؤں جا رہے ہیں اور عوام کو اپنے حق اور انصاف سے آگاہ کر کے پارٹی سے جوڑ رہے ہیں۔
کالا پیپل اسمبلی حلقے کے کارکنان نے بتایا کہ آئندہ الیکشن میں اگر مجلس اتحادالمسلمین الیکشن لڑتی ہے تو اس کے امیدوار کی جیت یقینی ہے۔ ان شاء اللہ
میٹنگ میں کھوکھرا کلاں سے شہزاد قریشی، حاجی جاوید، نفیس انصاری، اسلم خان، شریف علی، ماجد بیگ۔ گالبی سے انصار خان، عبدالواحد پٹیل، عبدالجبار بھائی اور آس پاس کے تمام ذمے داران نے شرکت کی۔