شادی کا دن دلہا کیلئے ڈراؤنا خواب بن گیا

 ستمبر 28, 2021

• 

  
  

دوستوں کی شرارت کے باعث دلہا اپنی ہی شادی میں زخمی ہوگیا اور ریڑھ کی ہڈی کے فریکچر کا سامنا کرنا پڑ گیا۔رومانیہ سے تعلق رکھنے والے اس نوجوان کا جو دن زندگی کا بہترین دن ہونے والا تھا وہی ایک ڈراؤنا خواب بن گیا۔

دوستوں نے شرارت کرتے ہوئے دلہے کو ہوا میں اچھالا، لیکن واپس زمین پر آتے دلہے کو دوست سنبھال نہ سکے اور وہ زمین پر جاگرا اور دوبارہ نہیں اٹھ پایا۔زخمی دلہے کو اسپتال پہنچایا گیا جہاں تشخیص کے بعد معلوم ہوا کہ اس کی کمر کی ہڈی مختلف مقامات سے ٹوٹ گئی۔

ناندیڑ:آج بھی موسلادھاربارش کی پیش قیاسی

 ستمبر 28, 2021

• 

  
  

ناندیڑ:27 ستمبر (اردو دنیا نیوز۷۲)ناندیڑشہر وضلع میں کل سے موسلادھاربارش ہورہی ہے۔ آج 27 ستمبر کوصبح سے بارش کاسلسلہ جاری تھا اور دوپہر میں کچھ وقفہ کیلئے بارش تھم گئی مگر چاربجے کے بعد دوبارہ شدید بارش ہوئی ۔محکمہ موسمیات نے ناندیڑ ضلع میں دو دن تک شدید بارش کا انتباہ دیا ہے ۔کل بھی ضلع میں شدید بارش ہونے کے پیش گوئی کی گئی ہے ۔ناندیڑ کی گوداوری ندی میں پانی کی آمد کاسلسلہ جاری ہے ۔اورسطح آب مسلسل بڑ ھ رہی ہے۔

کل رات ناوگھا ٹ پل کوبندکردیاگیاتھا کیونکہ پُل پرپانی آگیاتھا لیکن آج دوپہر کے بعد پانی کچھ حد تک اترگیا اسلئے لوگوں نے دوبارہ یہاں سے آمدورفت شروع کردی ہے مگر کسی بھی وقت یہ پل دوبارہ زیر آب آسکتا ہے۔آج شام کے وقت پُل پر لوگوں کاہجوم دیکھاگیااور لوگ سیلفی اور تصویر کشی کرتے نظر آئے ۔حالانکہ یہ خطرناک بھی ثابت ہوسکتا ہے۔میونسپل کارپوریشن کاانتظامیہ شہر میں سیلاب کی صورتحال پر مسلسل نظر رکھے ہوئے ہے ۔کل وشنوپوری ڈیم کے آٹھ دروازے کھولے گئے ہیں جس سے ہزاروں کیوزکس پانی گوداوری ندی میں پہنچ رہا ہے۔

آٹھویں جماعت کے طالبعلم نے لاک ڈاون کا فائدہ اٹھاتے ہوئے ڈیڑھ سال میں کرلیا قرآن کریم حفظ کیا

آٹھویں جماعت کے طالبعلم نے لاک ڈاون کا فائدہ اٹھاتے ہوئے ڈیڑھ سال میں کرلیا قرآن کریم حفظ کیا

دیوبند:(اردو دنیا نیوز۷۲) اسپرنگ ڈیل پبلک اسکول میں آٹھویں جماعت کے طالب علم محمد انس صدیقی نے لاک ڈاون کے باعث تعلیمی ادارے بند رہنے کا فائدہ اٹھاتے ہوئے محض ڈیڑھ سال کی مدت میں تکمیل حفظ قرآن کریم کرنے کا شاندار کارنامہ انجام دیا۔اس مناسبت سے محلہ ابو المعالی میں انوار صدیقی کی رہائش گاہ پر ایک دعائیہ مجلس کا انعقاد کیا گیا۔

اس موقع پر دارالعلوم وقف دیوبند کے استاذ حدیث مفتی محمد عارف قاسمی نے کہا کہ حافظ محمد انس صدیقی اور ان کے والدین کے لئے یہ نہایت خوشی اور مسرت کی بات ہے کہ عصری تعلیم میں مصروف ایک بچہ نے اپنے خالی اوقات کا اس قدر بہترین انداز میں استعمال کرکے دنیا وآخرت کا وہ خزانہ حاصل کیا جس کے لئے والدین اور ان کے بچے سالہا سال محنت کرکے مشکل سے اس منزل تک پہنچ پاتے ہیں۔انہوں نے کہا کہ یہ بچہ دوسرے بچوں کے لئے قابل تقلید ہے کہ کس طرح اس نے اپنے خالی وقت کا بہترین مصرف تلاش کیا۔

اس موقع پر حافظ محمد انس صدیقی کی دستار بندی کی گئی اور اس عظیم کارنامہ کے لئے انہیں دعاوں سے نوازا گیا۔اسپرنگ ڈیل پبلک اسکول کے چیئرمین سعد صدیقی اور نائب چیئرمین احمد فیضان صدیقی نے حافظ محمد انس صدیقی اور ان کے والدین کو مبارکباد دیتے ہوئے کہا کہ اس بچہ کا یہ عظیم کارنامہ ان کے ادارہ کے لئے بھی باعث فخر ہے۔بچہ کے والد انوار صدیقی نے بتایا کہ بچہ کی دلچسپی کے ساتھ ان کے استاذقاری نصر الدین کی محنت اور ذاتی دلچسپی کا بڑا دخل ہے۔خصوصی شرکاءمیںقاری توقیر،قاری سعید،معاویہ علی ،جمال انصاری ،ڈاکٹر نواز دیوبندی ،راحت خلیل ،جمشید انور،نواب صدیقی،نسیم چاند،تنظیم صدیقی،شہزاد عثمانی،خرم عثمانی،ارشاد قریشی،عابد انصاری اور راجو وغیرہ موجود رہے

پریاگ راج: اسدالدین اویسی کی ریلی میں زیادہ بھیڑ،مقدمہ درج

اسدالدین اویسی

• 
  
 
•   
 
•  

 

پریاگ راج : ریاست اترپردیش کے یریاگ راج میں آل انڈیا مسلم مجلس اتحاد المسلمین کے صدر اسدالدین اویسی کی ریلی میں انتظامیہ کی اجازت سے زیادہ بھیڑ جمع ہونے پران کے خلاف مقدمہ درج ہوا ہے۔

 پولیس کے مطابق اٹالا واقع مجیدیا اسلامیہ انٹر کالج میدان میں ہفتہ کو اے آئی ایم آئی ایم صدر اویسی کی ریلی کے لئے 100 لوگوں کی اجازت دی گئی تھی، لیکن میدان پر اس سے کئی گنا زیادہ بھیڑ اکٹھا ہو گئی۔

 خیال رہے کہ27 ستمبر 2021 آل انڈیا مجلس اتحاد المسلمین (اے آئی ایم آئی ایم) صدر اسد الدین اویسی کی گزشتہ دنوں یہاں ہوئی ریلی میں اجازت سے زیادہ بھیڑ جمع ہونے پر کنوینر کے خلاف کریلی تھانے میں مقدمہ درج کیا گیا ہے۔

پولیس ذرائع نے بتایا کہ اٹالا واقع مجیدیا اسلامیہ انٹر کالج میدان میں ہفتہ کو اے آئی ایم آئی ایم کے صدر اسد الدین اویسی کی ریلی منعقد کی گئی تھی۔

انتظامیہ نے ریلی کے لئے 100 لوگوں کی اجازت دی تھی لیکن میدان پر اس سے کئی گنا زیادہ بھیڑ اکٹھا ہوئی تھی۔

انہوں نے بتایا کہ پولیس افسران نے ویڈیو ریکارڈ کو دیکھنے کے بعد پروگرام کے کنوینر شاہ عالم اور دیگر افراد کے خلاف کریلی تھانے میں مقدمہ درج کرایا ہے۔

اردویونیورسٹی میں تندرستی بذریعہ یوگا پروگرام کا انعقاد

اردو یونیورسٹی میں تندرستی بذریعہ یوگا پروگرام کا انعقاد

• 
  
 
•  
 
•   
  

 

 حیدرآباد:مولانا آزاد نیشنل اردو یونیورسٹی، شعبہ کمپیوٹر سائنس و آئی ٹی میں ”تندرستی بذریعہ یوگا“ کا اہتمام کیا گیا۔

یونیورسٹی کے اساتذہ و اسٹاف اراکین نے 24 ستمبر کو منعقدہ اس پروگرام میں حصہ لیا۔ اس کا مقصد بہتر طرزِ زندگی سے جسمانی تندرستی کا حصول تھا۔

ڈاکٹر سید امتیاز حسن، صدر شعبہ نے بتایا کہ اس طرح کے پروگراموں کا مقصد ”فٹ انڈیا موومنٹ“ کو فروغ دینا ہے۔

پروفیسر عبدالواحد، ڈین اسکول برائے سی ایس و آئی ٹی اور ڈاکٹر پردیپ کمار، اسوسیئٹ پروفیسر اور دیگر 30 اساتذہ و اسٹاف اراکین نے اس پروگرام میں حصہ لیا۔

ڈاکٹر فردوس تبسم، فزیکل فٹنس انسٹرکٹر نے نگرانی کی۔ محترمہ فاطمہ اور محترمہ گیتا پٹوں، اسسٹنٹ پروفیسر نے انتظامات کیے۔

جمعیۃعلماء ہند کے مرکزی وفد کی وزیر اعلیٰ آسام سے ملاقات

جمعیۃ علماء ہند کے وفد کی وزیر اعلیٰ آسام سے ملاقات

• 
  
 
•   
 
•   

 

اردو دنیا نیوز۷۲:   جمعیۃ علماء ہند کے مرکزی وفد نے وزیر اعلیٰ آسام سے ملاقات کی۔ وفد کی قیادت جمعیت کے جنرل سیکرٹری مولانا حکیم الدین قاسمی صاحب نے کی۔

پانچ نکاتی مطالبہ ، بشمول جمعیۃ علماء کے وفد کی آسام کے متاثرین سے ملاقات ، متاثرین کو معاوضہ ، ملزمان کے خلاف کارروائی ، وزیر اعلیٰ کے سامنے رکھا گیا۔

 اگرچہ ضلع درنگ میں دفعہ 144 نافذ کی گئی ہے ، تاکہ وفد کو وہاں جانے میں کسی قسم کی پریشانی کا سامنا نہ کرنا پڑے ،  جمعیۃ علماء ہند کے وفد نے متاثرین سے ملنے کا مطالبہ وزیر اعلیٰ کے سامنے رکھا۔

 اب جمعیۃ علماء ہند کا وفد پولیس تحفظ میں ضلع درنگ کے متاثرین سے ملاقات کرے گا اور ان کے مسائل جان کر مسئلہ حل کیا جائے گا۔

بھارت بند کا ملا جلا اثر ، جانئے کہاں کہاں بھارت بند اور احتجاج کا اثر دیکھا ؟

بھارت بند کا ملا جلا اثر ، جانئے کہاں کہاں بھارت بند اور احتجاج کا اثر دیکھا ؟

کسانوں کے احتجاج کی وجہ سے دہلی، امبالہ اور فیروز پورڈویڑن میں ریل آپریشن متاثر

نئی دہلی، 27 ستمبر (انڈیا نیرٹیو)

کسانوں کی جانب سے تین زرعی قوانین کے خلاف احتجاج کرنے کی وجہ سے پیر کو دہلی، امبالہ اور فیروز پور ڈویڑن میں ریل آپریشن متاثر ہوا ہے۔ ریلوے نے نئی دہلی تا امرتسر شتابدی سمیت کئی ٹرینیں منسوخ کر دی ہیں۔

دہلی سے منسلک کئی ٹرینیں بھی متاثر ہوئی ہیں کیونکہ پنجاب میں کئی جگہوں پر پٹریوں پر بیٹھاحتجاجی افرادے بیٹھے ہوئے ہیں۔ ریلوے نے اس وجہ سے دہلی سے نکلنے والی کئی ٹرینوں کو منسوخ کردیا ہے۔ اس میں نئی دہلی-امرتسر شتابدی، نئی دہلی-کالکا شتابدی، نئی دہلی امرتسر-شان پنجاب، نئی دہلی-موگا، پرانی دہلی-پٹھانکوٹ کو منسوخ کردیا گیا ہے۔ اس کے علاوہ، وندے بھارت ایکسپریس کٹرا - نئی دہلی سے صبح 6 بجے روانہ ہوئی لیکن پانی پت اسٹیشن پر کھڑی ہے۔

شمالی ریلوے کے ترجمان دیپک کمار نے کہا کہ دہلی، امبالہ اور فیروز پور ڈویڑن میں ریل آپریشن متاثر ہوا کیونکہ مظاہرین ریلوے ٹریک پر بیٹھے ہوئے تھے۔ انہوں نے کہا کہ دہلی ڈویڑن میں 20 سے زائد مقامات پر جام لگایا جا رہا ہے۔ امبالا اور فیروز پور ڈویڑن میں تقریبا 25 ٹرینیں متاثر ہوئی ہیں۔

بھارت بند: دہلی میں سخت چوکسی ، لال قلعے کے گرد نقل و حرکت بند

کسانوں کے بھارت بند کے پیش نظر دارالحکومت دہلی میں پیر کو سخت حفاظتی نگرانی کی جارہی ہے لال قلعہ اور پارلیمنٹ کی طرف جانے والے کئی راستوں پر عام گاڑیوں کی آمدورفت پر احتیاطی اقدام کے طور پر آج صبح عارضی طور پر پابندی عائد کردی گئی ہے جس کی وجہ سے لال قلعہ اور انڈیا گیٹ کے اطراف سے گزرنے والے راہگیروں کو مشکلات کا سامنا ہے۔ دہلی کے لال قلعے کے نزدیک سے اکثر گزر نے والے ماڈل ٹاؤن کے رہائشی اشوک کمار اور دلیپ سنگھ سمیت کئی لوگوں نے بتایا کہ سڑک کی ناکہ بندی کے بارے میں پہلے کوئی اطلاع نہیں دی گئی تھی۔ ٹریفک پولیس کو اس بارے میں پہلے ہی آگاہ کر دینا چاہیے تھا۔

وہیں نئی دہلی کے علاوہ بیرونی دہلی ، مشرقی اور شمال مشرقی اضلاع میں بھی اضافی پولیس فورس کی تعیناتی کے ساتھ ٹریفک کی خصوصی نگرانی کی جا رہی ہے۔ کسانوں کے احتجاجی مقامات ٹکری اور غازی پور بارڈر سمیت ہریانہ اور اترپردیش سے دہلی میں داخلے کے تمام راستوں پر اضافی پولیس فورس تعینات کی گئی ہے ۔ دہلی پولیس کے علاوہ سیکورٹی کے لیے مرکزی نیم فوجی دستوں کے اہلکار تعینات کیے گئے ہیں۔