بنیا دی دینی تعلیم کے سا تھ معیا ری عصری تعلیم ہما را امتیاز___:مفتی محمد ثنا ء الہدی قاسمی اما رت پبلک اسکول کٹک اڈیشہ کی میٹنگ اہم فیصلوں کے سا تھ اختتام پذیر

بنیا دی دینی تعلیم  کے سا تھ معیا ری عصری تعلیم ہما را امتیاز___:مفتی محمد ثنا ء الہدی قاسمی

      اما رت پبلک اسکول کٹک اڈیشہ کی میٹنگ اہم فیصلوں کے سا تھ اختتام پذیر

کٹک 10 فروری (پریس ریلیز) : اسلا می ماحول میں بنیا دی دینی تعلیم کے سا تھ عصری معیا ری تعلیم اما رت پبلک اسکول کا امتیازہے،امارت شرعیہ چا ہتی ہے کہ اسدین بیزا ر ما حول میں بچے بچیوں کی عصری تعلیم کا ایسا نظم کیا جا ئے کہ نئی نسل اس مقا بلہ جاتی دور میں آگے بڑھ سکے اور وہ جہا ں کہیں رہیں عصری علوم کے ما ہر اور اسلا م کے نما ئندہ کے طور پر اپنے کا م کو انجام دیں اور سما ج میں اپنی شنا خت بنا ئیں۔ ان خیالا ت کا اظہا ر اما رت شرعیہ بہا ر ،اڈیشہ وجھا رکھنڈ کے نائب نا ظم ، وفاق المدا رس کے نا ظم، اردوکا رواں کے صدر اور ذیلی دفاتر کے ذمہ دا ر مفتی محمدثنا ءالہدی قاسمی نے کیا ، وہ دفتر دا را لقضا امارت شرعیہ کٹک میں اما رت پبلک اسکول کے آغا ز کے لئے بلا ئی گئی ایک میٹنگ سے صدارتی خطا ب فرما رہے تھے۔ وہ گزشتہ رات حضرت امیر شریعت مولا نا احمد ولی فیصل رحما نی کے حکم اور مولا نا محمد شبلی قاسمی قا ئم مقا م نا ظم کی ہدا یت پر قاضی نور الحسن میموریل اسکول پھلواری شریف پٹنہ کے پرنسپل جنا ب را شد نجمی  صاحب کے سا تھ اس اہم میٹنگ میں شرکت اور کٹک دفتر کے جا ئزہ کے لئے کٹک پہونچے تھے ، قا ضی شریعت کٹک مولانا عبدا لحفیظ صاحب نے  اپنی تقریر میں اما رت پبلک اسکول کے قیا م کو وقت کی ضرورت قرا ر دیا اور فرما یا کہ اس اسکول کے قیا م وآغا ز سے ان بچوں کی ضرورتیں بھی پوری ہوسکیں گی جو موٹی فیس نہ دینے کی وجہ سے دوسرے اسکولوں میں دا خلہ سے محروم رہ جا تے ہیں ۔ دارالقضا کٹک کی مقا می کمیٹی کے نگرا ں جنا ب یوسف اقبا ل صا حب کی را ئے تھی کہ شروع میں درجا ت زیا دہ نہ بڑھائے جا ئیں ؛نرسری ، ایل کےجی اور یو کے جی سے کا م شروع کیا جا ئے داخلہ اور ما ہا نہ فیس میں اس با ت کی رعا یت رکھی جا ئے کہ غریب بچوں پر زیا دہ بوجھ نہ آئے۔انہوں نے اس با ت کا بھی اعلا ن کیا کہ فیس کی آمدنی سے جو رقم آئیگی اس کے علا وہ ماہا نہ جو ضرورت ہوگی مقا می کمیٹی اس کا اناظ  م کرے گی ۔

مون لا ئٹ اسکول کے سکریٹری جنا ب اشفا ق صا حب نے فرمایا کہ ابتد ائی درجا ت کےانفراسٹریکچر  میں بچوں کے کلا س روم کو پرکشش بنا نے کی ضرورت ہے۔

میٹنگ میں مقا می کمیٹی کے ذمہ دا روں اور تعلیمی امور سے دلچسپی رکھنے وا لوں نے مفید مشورے دیے،طے پا یا کہ پہلےمرحلہ میں ہینڈبل، بینر اور مسا جد کے ذریعہ اسکول کے قیام کے با رے میں تشہیر کی جا ئے ،اسا تذہ کی تقرری جلد از جلد کر لی جا ئے، اسکول کے آغا ز سے پہلے کم از کم دو استا نیوں اور ایک خا دمہ کی بحا لی کر لی جا ئے تا کہ دا خلہ کے کاموں میں ان سے مدد لی جا ئے ، جنا ب یوسف اقبا ل صا حب نے کہا کہ مقا می کمیٹی اس سلسلے میں اقدا م کرے گی۔ پروگرا م کی نظامت مولا نا صبغتہ اللہ قاسمی معا ون قا ضی شریعت دار القضاء کٹک نےکی ، جنا ب را شد نجمی صا حب نے مقا می حا لا ت کو سا منے رکھ کر آغا ز سے قبل ضروری تیا ری کر لینے پر زور دیا ، میٹنگ کا آغا ز جنا ب مولا نا مطیع الرحمن صاحب کی تلا وت کلا م پاک سے ہوا  اورآخر میں مفتی محمد ثناء  الہدی قا سمی صا حب کی دعا پرمیٹنگ کا اختتام ہوا ، اس اہم میٹنگ میں جنا ب انجم شہا ب صا حب ، جنا ب حا جی عبدالقدوس صا حب ، جنا ب سید عبد البا طن صا حب ، مولا نا قاسم صا حب اور حا فظ را شد صا حب  کے علا وہ دیگر عمائدین شہر نے نے شرکت فرما ئی ، کٹک دفترا ما رت شرعیہ سے یہ اطلا ع حا فظ ابو نسیم صا حب نے دی۔

عام بجٹ : حاشیہ پر عوام مفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ

عام بجٹ : حاشیہ پر عوام 

 مفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ

یکم فروری ۲۰۲۲ء کو ہندوستان کی وزیر خزانہ نرملا سیتا رمن نے سال ۲۳-۲۰۲۲ء کا عام بجٹ پارلیامنٹ میں ڈیجیٹل پیش کیا ، یہ ایک پیپر لیس بجٹ تھا، جسے انہوں نے اپنے نوے (۹۰)منٹ کی تقریر میں ممبران پالیامنٹ اور رواں نشریہ کے ذریعہ عوام کے سامنے رکھا،ایک دن قبل جو اقتصادی سروے انہوں نے پیش کیا تھا، اس سے لوگوں کی امید بڑھی تھی کہ شاید ٹیکس کی ادائیگی کے لیے مقررہ سیلیب میں تبدیلی لائی جائے گی ، جس سے اوسط درجہ کے تاجر، کسان اور عوام کو راحت ملے گی، لیکن ایسا نہیں ہو سکا، حکومت نے نئے ٹیکس لگانے سے احتراز اور احتیاط کو ہی عوام کے لیے راحت کا سامان سمجھ لیا، چوں کہ اگلا بجٹ ۲۴-۲۰۲۳ء کا انتخابی بجٹ ہو گا اس لیے ہم کسی خوش فہمی میں مبتلا نہیں تھے، مرکزی حکومت نے اس بجٹ کے ذریعہ ملک کے مالدار ترین گھرانوں کو خوش کیا ہے ،جس کے نتیجے میں کار پوریٹ ٹیکس میں کمی کر دی گئی ہے، بجٹ کی خاص باتوں پر توجہ دیں تو معلوم ہوگا کہ در آمد کی جانے والی اشیاء میں تیس (۳۰) فیصد ڈیوٹی بڑھا دی گئی ہے، دفاعی بجٹ میں دس(۱۰) فیصد کا اضافہ کیا گیا ہے، اچھی بات یہ ہے کہ وزارت اقلیتی امور کے لیے بجٹ میں چھ سو چوہتر کروڑ کی رقم بڑھادی گئی ہے، پاسپورٹ میں ای چیپ لگا یا جائے گا، حیرت ناک بات یہ ہے کہ مرکزی حکومت نے کرپٹو کرنسی کی مالیت کو نہ صرف تسلیم کر لیا ہے، بلکہ اسے کاروبار میں رواج دینے کے لیے رزرو بینک کو ذمہ داری دی ہے، البتہ کرپٹو کرنسی پر تیس(۳۰) فی صد ٹیکس بھی دینا ہوگا، توقع کی جاتی ہے کہ اس بجٹ کے اثرات کپڑے، چمڑے کے سامان، موبائل، فون چارجر، جوتے، ہیرے اور جواہرات پر پڑیں گے اور یہ سستے ہوں گے، جبکہ غیر ملکی چھاتا، نقلی زیورات، ہندوستان میں تیار شدہ دوائیں مہنگی ہوں گی ، بجٹ میں نو جوانوں کو خود انحصار (آتم نربھر) بھارت کے تحت سولہ لاکھ اور میک انڈیا کے تحت ساٹھ(۶۰) لاکھ ملازمتیں دی جائیں گی، اسی(۸۰) لاکھ نئے گھر بنائے جائیں گے، چار سو(۴۰۰) نئی وندے بھارت ٹرینیں چلائی جائیں گی۔

حسب سابق اس بجٹ میں ہندوستان کے عام شہری ، مزدور، کسان ، غیر منظم سکٹر میں کام کرنے والے لوگوں کو پوری طرح نظر انداز کیا گیا ہے، مہنگائی کم کرنے کے لیے بھی اس بجٹ میں کوئی منصوبہ نہیں ہے، چھوٹے روزگار اور گھریلو صنعت چلانے اور قائم کرنے والوں کے لئے بھی کسی رعایت کا اعلان نہیں کیا گیا ہے، حالاں کہ کورونا اور لاک ڈاؤن کی مار سب سے زیادہ اسی طبقہ پر پڑی ہے، ان کے کاروبار تباہ ہو گیے اور ان کے پاس نئے کاروبار کھڑے کرنے کے لیے پیسے نہیں ہیں،ملازمتوں کی فراہمی کے لیے چھوٹے کاروباری مرکز کی اہمیت ہر دور میں رہی ہے، منریگا کے فنڈ میں اضافہ نہ کرنے کی وجہ سے چند ایام کے لیے جو کام کمزور طبقات کو مل جایا کرتے تھے اب اس میں بھی اضافہ نہیں کیا جا سکے گا، کیوں کہ فنڈ کے حساب سے ہی لوگوں کو کام پر لگایا جا سکتا ہے اس طرح دیکھا جائے تو عام بجٹ نے عوام کو حسب سابق حاشیہ پر رکھا ہے، اور اس میں کوئی تبدیلی ہوتی نظر نہیں آتی۔

 نوے (۹۰)منٹ کا بجٹ بھاشن انتہائی خشک تھا، سابق میں اس خشکی کو دور کرنے کے لیے بجٹ بھاشن میں اردو اشعار کا سہارا لیا جاتاتھا، اس بار اس کی بھی کمی محسوس ہوئی، اس کے علاوہ بجٹ میں معاشیات سے متعلق جو الفاظ استعمال ہوتے ہیں، ان میں سے زیادہ تر کا تعلق انگریزی زبان سے ہوتا ہے، انگریزی اصطلاحات کا سمجھنا اس شخص کے لیے جس کا تعلق معاشیات سے فنی طور پر نہیں ہے دشوار ترین عمل ہے، ادھر چند سالوں میں ان انگریزی اصطلاحات کو سنسکرت زدہ ہندی میں بدلنے کا مزاج بنا ہے وہ اسے مزید دشوار تر کر دیتا ہے، اس لیے عوام کی دلچسپی بجٹ تقریر کے سننے سے بالکل نہیں ہوتی ، وہ دیکھنا چاہتی ہے کہ مہنگائی اس بجٹ سے گھٹے گی یا بڑھے گی، بے روزگاری میں کس قدر کمی آئے گی، روزگار کے مواقع کیا ہوں گے ، ان کی دلچسپی بجٹ کے بعد سینسکس اور نفٹی کے اعداد وشمار کے شیر بازار میں گھٹنے، بڑھنے سے بھی رہتی ہے، اگر حصص کی قیمتوں میں اچھال آیا، جیسا اس بار کے بجٹ کے بعد ہوا ہے تو وہ سمجھ لیتے ہیں کہ یہ بجٹ متوسط لوگوں کے لیے نہیں بڑے کارپوریٹ اور تاجر گھرانوں کے لیے مفید ہے، اگر شیر بازار میں گراوٹ آئی تو معلوم ہوتا ہے کہ اس بجٹ میں غریبوں کے لیے بھی کچھ ہے، یہ ان کی سوچ ہے، ضروری نہیں کہ آپ اس کی تائید بھی کریں۔

 بجٹ تقریر کے نہیں سمجھنے کا اثر ہمارے سیاسی رہنماؤں پر بھی خوب پڑتا ہے، ان کے یہاں نہ سمجھنے کی وجہ سے موافقت ومخالفت کا پیمانہ حکومت کی موافقت یا مخالفت پر مبنی ہوتا ہے، حزب اقتدار کے لوگ بجٹ کو مثبت ، ہندوستان کو آگے لے جانے والا کہتے نہیں تھکتے، جب کہ حزب اختلاف کے نزدیک بجٹ جیسا بھی ہو مایوس کن ہی ہوتا ہے، ان کے یہاں گفتگو بجٹ کے جزئیات پر نہیں ہوتی، بلکہ مجموعی طور پر ہی اسے رد کر دیا جاتا ہے، اس طریقۂ کار کو بدلنے کی ضرورت ہے، سیاسی رہنماؤں کو بیان بازی سے پہلے اپنی پارٹی کے معاشی شعور رکھنے والوں سے تجزیہ کرا کر ہی رائے زنی کرنی چاہیے، بغیر سمجھے رائے زنی کرنا نہ ان کے لیے مفید ہے نہ ملک کے لیے۔

اسد الدین اویسی نے کہا : داڑھی میری ، ٹوپی میری ، برقع میرا ، کسی کو کیا کرنا

اسد الدین اویسی نے کہا : داڑھی میری ، ٹوپی میری ، برقع میرا ، کسی کو کیا کرنا

اترپردیش میں اسمبلی انتخابات کی سرگرمیاں عروج پر ہیں ۔ سیاسی جماعتیں ووٹروں لو لبھانے کیلئے پوری طاقت جھونک رہی ہیں ۔ آل انڈیا مجلس اتحاد المسلمین بھی اس مرتبہ یوپی کے انتخابی میدان میں اتری ہوئی ہے ۔ اسی سلسلہ میں اسد الدین اویسی نے بدھ کو بلاری اسمبلی حلقہ میں ایک انتخابی ریلی کو خطاب کیا اور لوگوں سے اے آئی ایم آئی کو کامیاب بنانے کی اپیل کی ۔اے آئی ایم آئی ایم کے صدر اور ممبر پارلیمنٹ اسد الدین اویسی نے خطاب کرتے ہوئے کرناٹک میں جاری حجاب تنازع کا معاملہ بھی اٹھایا ۔ ساتھ ہی ساتھ انہوں نے یوپی کی خواتین سے کہا کہ وہ حجاب اور برقع پہن کر ووٹ ڈالنے جائیں ۔ انہوں نے کہا کہ حجاب اور برقع پہننا تو ہمارا حق ہے ، آئین میں ہمارا بنیادی حق ہے ، میں کیا پہنتا ہوں ، کیا کھاتا ہوں ، کسی کو جھانکنے کی ضرورت نہیں ہے ۔ انہوں نے کہا کہ ‘میری بیٹی کیا پہنے گی ، میری ماں کیا پہنے گی ، میری بہن کیا پہنے گی ، میری خالہ کیا پہنے گی ، ارے تو اپنے گھر کی فکر کر ، میرے پیچھے کیوں پڑا ہے، کیا ہم پوچھ کر پہنیں کے کیا پہننا ہے’ ۔