اردودنیانیوز۷۲
پھلواری شریف پٹنہ مورخہ 01/ اکتوبر 2023 (پریس ریلیز) مدرسہ ضیاء العلو (ضیائے حق فاؤنڈیشن) میں سوچھ بھارت ابھیان کے تحت صفائی مہم کا انعقاد کیا گیا، جس میں مدرسہ ضیاء العلوم کے چند طلبہ وطالبات نے صفائی مہم میں بڑھ چڑھ کر حصہ لیا، اور ایک دنیا کو ایک مثبت پیغام دیا کہ انسان کی زندگی، صحت وتندرستی کا دارومدار صاف ستھرے رہنے پر ہے، اس موقع پر مدرسہ ضیاء العلوم کے اساتذہ نے بچوں کی حوصلہ افزائی کرتے ہوئے انہیں صاف ستھرے رہنے اور معاشرے کو صاف ستھرے رکھنے کی تلقین کی، اس موقع پر ضیائے حق فاؤنڈیشن کی چئیر پرسن ڈاکٹر صالحہ صدیقی نے بھی طلبہ وطالبات کی حوصلہ افزائی کرتے ہوئے ان کی روشن مستقبل کے لئے دعا دیں،
مزید ڈاکٹر صالحہ نے یہ کہا کہ اسلام بھی ہمیں صاف ستھرے رہ کر زندگی گزارنے کا سلیقہ سکھاتا ہے، قرآن واحادیث میں کثرت سے اس بات کی تلقین کی گئی ہے کہ تم اپنا ظاہر وباطن صاف ستھرا رکھو،
واضح رہے کہ ضیائے حق فاؤنڈیشن ایک بین الاقوامی ٹرسٹ ہے، جو اپنی خدمات کی بنا پر محتاج تعارف نہیں ہے، قلیل مدت میں اس نے کارہائے نمایاں انجام دیا ہے ۔
