گوہاٹی23اگست(اردو اخبار دنیا ) پیرکوآسام میں ریکٹراسکیل پر چارکی شدت کا زلزلہ آیا۔ یہ اطلاع ایک سرکاری بلیٹن میں دی گئی ہے۔اس میں کہا گیا ہے کہ زلزلہ کے قومی مرکز کے مطابق ، زلزلہ دوپہر 1:13 بجے آیا ، اس کا مرکز مغربی آسام کے کوکراہار میں 10 کلومیٹرکی گہرائی میں واقع ہے۔ مقام میگھالیہ میں تورا سے 90 کلومیٹر شمال میں واقع تھا۔مغربی آسام اور شمالی مغربی بنگال کے اضلاع میں لوگ خوف کے مارے گھروں سے باہرنکل آئے۔ حکام نے بتایاہے کہ زلزلے کے باعث کسی جانی یا مالی نقصان کی فوری اطلاع نہیں ہے۔شمال مشرق ایک بلند زلزلہ زدہ علاقے میں ہے ، جس کی وجہ سے اس علاقے میں اکثر زلزلے آتے رہتے ہیں۔
حکومت کی ہدایت کے بعد شروع ہوا تعلیمی نظامگائیڈ لائن کے مطابق مرحلہ وار شروع کیا جارہاہے تعلیم کاآغاز
دیوبند،23؍(اردو اخبار دنیا) اگست(سمیر چودھری؍بی این ایس) اترپردیش میں حکومت کے احکامات کے مطابق پرائمری درجات کے اسکولوں میں یکم ستمبر سے آف لائن کاسیں شروع ہونگی،حکومت کی جانب سے اس سلسلہ میں گائڈ لائن جاری کردی گئی ہے۔واضح ہو کہ تعلیمی اداروں کو مرحلہ وار کھولے جانے کے تحت 16؍اگست سے سے درجہ 9؍سے درجہ 12؍تک کی کلاسز کا آغاز کیا گیا، بعد ازاں 23؍اگست سے جونیر کلاسز درجہ6؍ سے درجہ 8؍ تک کے تعلیمی اداروں کو کھولنے کی اجازت دی گئی اور اب آخری مرحلہ کے تحت یکم ستمبر سے درجہ ایک تا درجہ پنجم یعنی پرائمری درجات کے تعلیمی ادارے کھولے جائیں گے۔اس سلسلہ میں حکومت وانتظامیہ کی جانب سے گائڈ لائن بھی جاری کردی گئی ہے۔کورونا انفیکشن کے معاملات میں واضح کمی آنے کے بعد ریاستی حکومت نے فیصلہ کیا تھا کہ یوپی بورڈ کے سیکنڈری،جونیر اور پرائمری تعلیمی اداروں کو مرحلہ وار کھولا جائے گا تاکہ تدریسی امور بہتر طریقہ سے انجام دیئے جاسکیں۔ٹیم9کی میٹنگ میں شرکت کرنے کے بعد ریاستی وزیر اعلی نے رکشا بندھن کے تہوار کے بعد تعلیمی اداروں میں درس وتدریس کے نظام کو یقینی بنائے جانے کے احکامات اور اس سے متعلق ہدایات دی تھیں۔اس سلسلہ میں ریاستی سطح کے ہیلتھ اسپیشلسٹ مشورہ کار کمیٹی کی صلاح اور مشورہ کے مطابق سینئر سیکنڈری،جونیئر اور پرائمری درجات کے تعلیمی سلسلہ کے آغاز کے ساتھ تکنیکی اور پروفیشنل تعلیمی اداروں کو بھی 50؍فیصد طلبہ کی تعداد کے ساتھ تعلیم شروع کرنے کی اجازت دیدی گئی ہے۔دیوبند اور اس کے قرب وجوار میں سیکنڈری،سینئیر سیکنڈری اور جونیر سطح کے تعلیمی اداروں کے ذمہ داران کا کہنا ہے کہ انہوں نے حکومت کی جانب سے جاری کردہ گائڈ لائن پر عمل کرتے ہوئے اپنے اپنے اداروں میں تدریسی امور شروع کرادیئے ہیں۔ان کا کہنا ہے کہ اسکولوں کی عمارتوں،کلاسز اور فرنیچر کو سینیٹائز کیا جارہا ہے۔طلبہ وطالبات کو تھرمل اسکیننگ،فیس ماسک اور ہاتھوں پر سینیٹائزیشن کے بعد ہی کلاسز میں سوشل ڈسٹینسنگ پر عمل کراتے ہوئے بیٹھنے کی اجازت دی جارہی ہے۔
تحفظ شریعت کی جانب سے دس روزہ اصلاحی پروگرام اختتام پذیر
(اردو اخبار دنیا)
گزشتہ سالوں کی طرح اس سال بھی ماہ محرم الحرام میں اس ماہ کے فضائل و مسائل اور خرافات و بدعات کے عنوان سے مسلسل دس روز تک مختلف علاقوں کے مساجد میں تحفظ شریعت و ویلفیئر سوسائٹی جوکی ہاٹ و پلاسی کے زیر اہتمام پروگرام کئے گئے. جس کا لب لباب یہی تھا کہ خصوصاً ان نوجوانوں اور مسلمانوں کو مخاطب کیا جائے جو جہالت کا شکار ہو گئے ہیں. اور ناعلمی میں ان امور کو انجام دینے کی غلطی کرتے ہیں جس کا تعلق مذہب اسلام سے قطعاً نہیں ہے. پروگرام کی ترتیب ذوالحجۃ کے ماہ میں ہی ترتیب دے دی گئی تھی. تحفظ
شریعت کے سکریٹری جناب مولانا عبدالوارث مظاہری نے نامہ نگار سے بات کرتے ہوئے کہا کہ معاشرے میں غلط رسومات اپنی مضبوطی کے ساتھ قائم ہیں اور انہیں جڑ سے اکھاڑ پھینکنے کا ہم نے عزم مصمم کیا ہے. ہم تحفظ شریعت کے بینر سے ہمیشہ سماج میں بیداری مہم چلاتے رہتے ہیں تاکہ عوام الناس تک حق اور سچ پہنچا کر باطل کو کمزور اور نامراد کر سکیں، اس موقع سے تحفظ شریعت کے سرگرم رکن اور ترجمان مولانا عبدالسلام عادل ندوی نے بتایا کہ ہم نے تحفظ شریعت کا پلیٹ فارم آج علاقے کی ضرورت بن چکا ہے یہاں سے عوام کے تمام شرعی، دینی اور دنیاوی مسائل حل کئے جاتے ہیں. اور سب سے اہم بات یہ ہے کہ علاقے کے تقریباً تمام معزز علماء کرام اور رہبران قوم اس پلیٹ فارم سے منسلک ہیں . ہر لمحہ ان کی رہنمائی ہمارے ساتھ رہتی ہے. اس پورے مہم کو بہترین انجام تک پہنچانے میں پیش رہنے والے تمام کارکنان قابل تحسین و مبارکباد ہیں. معروف عالم دین ، خطیب ہند حضرت مولانا عبداللہ سالم قمر چترویدی، حضرت مولانا مفتی اطہر حسین صاحب قاسمی،
مفتی محمد ارشد صاحب مظاہری قاری امتیاز صاحب، قاری منظور صاحب مفتی محمد جنید صاحب قاسمی مولانا محمد توحید صاحب مظاہری مولانا محمد کونین صاحب مظاہری مولانا محمد صادق صاحب مفتی محمد نعمان صاحب اور دیگر علماء کرام نے دس روزہ پروگرام کو کامیاب بنانے میں اہم کردار ادا کیا.
دہلی خواتین کمیشن نے تین لڑکیوں کو جسم فروشی سے کرایا بازیاب
23/08/2021
نئی دہلی ، ۲۳؍اگست:(اردواخباردنیا)دہلی کمیشن برائے خواتین نے ’نریلا‘ کے علاقہ میں رہنے والی تین لڑکیوں کو #جسم #فروشی اور انسانی #اسمگلنگ کے ریکیٹ سے آزاد کرایا ہے۔ دہلی کمیشن برائے خواتین کی چیئرپرسن سواتی مالیوال نے پیر کو کہا کہ ہماری ٹیم نے اس معاملہ میں جلد بازی دکھائی اور #لڑکیوں کو باز یاب کرانے میں کامیابی حاصل کی،چھوٹی بچیوں کو پیسوں کے لالچ میں #جنسی پرستی پر مجبور کیا جا رہا تھا۔
پولیس نے اس معاملہ میں ایف آئی آر درج کرلیا ہے اور مجھے امید ہے کہ ملزم کو جلد گرفتار کرلیا جائے گا۔ دہلی کمیشن برائے خواتین اس تیزی کے ساتھ خواتین اور بچوں کی حفاظت جاری رکھے گی۔تین لڑکیوں میں سے ایک نے 181 پر فون کرکے بتایا کہ حلیمہ نامی خاتون جو گانجہ کے کاروبار میں تھی ، نے اسے دھوکہ دے کرکام دلانے کے بہانے اسے #سیکس #ریکیٹ کی دلدل میں پھینک دیا۔
متأثرہ #لڑکی نے بتایا کہ ایک دن حلیمہ اسے بہانے جنگل میں لے گئی اور وہاں زبردستی کچھ لڑکوں کے ساتھ جسمانی رشتہ قائم کرنے کو کہا،اسے دھمکی دی گئی کہ اگر اس نے انکار کیا تو اسے جان سے ماردیا جائے گا۔ دہلی کمیشن برائے خواتین کی ٹیم نے پولیس کے ساتھ مل کر اس معاملہ میں کارروائی شروع کی۔ لڑکیوں نے بتایا کہ ایک لڑکی کی عمر 15 سال ہے اور ان میں سے دو کی عمر 14 سال ہے۔
#کمیشن کی ٹیم نے اے سی پی کے ساتھ مل کر لڑکیوں کی بتائی گئی جگہ پر چھاپہ مارا ،لیکن جب تک ٹیم وہاں پہنچتی، تب تک ملزم حلیمہ وہاں سے فرار ہو چکی تھی۔ کمیشن کی ٹیم نے لڑکیوں کو #چائلڈ ویلفیئر کمیٹی کے سامنے پیش کیا جس کے بعد کمیٹی نے انہیں شیلٹر ہوم بھیج دیا۔ سواتی مالیوال نے پولیس کو نوٹس جاری کرتے ہوئے کہا ہے کہ ملزمان کو فوری گرفتار کیا جائے۔
مرکزنظام الدین : دہلی ہائی کورٹ نے پولیس کو رہائشی حصے کی چابیاں سونپنے کی ہدایت دی
23/08/2021
نئی دہلی23اگست:(اردو اخبار دنیا)دہلی ہائی کورٹ نے پیر کو سٹی #پولیس کو #نظام الدین مرکز کے رہائشی حصے کی چابیاں وہاں کے مکینوں کے حوالے کرنے کی ہدایت دی۔ پچھلے سال اسے حکام نے #تبلیغی #جماعت سے متعلق ایف آئی آر کے تناظر میں بند کر دیا تھا۔جسٹس یوگیش کھنہ نے جماعت کے رہنما مولانا سعد کی والدہ کی درخواست پر سماعت کرتے ہوئے ہدایت کی کہ چابیاں دو دن کے اندر ان کے حوالے کر دی جائیں اور واضح کیاہے کہ ابھی تک وہاں کے مکین کسی بھی غیر رہائشی حصے میں داخل نہیں ہوسکتے۔
عدالت نے یہ نوٹس ایک عرضی پر جاری کیا جس میں ٹرائل کورٹ کے حکم کو چیلنج کیا گیا تھا کہ درخواست گزار ، ایک بزرگ شہری کو اس کی رہائش تک رسائی سے انکار کر دیاگیاہے۔ نیز رہائشی احاطے کو بند کرنے کے کسی بھی حکم کی موجودگی پر پولیس سے اسٹیٹس رپورٹ طلب کی گئی۔ جج نے کہا ہے کہ دریں اثنا ، آج سے دو دن کے اندر رہائشی احاطے کی چابیاں فراہم کریں۔
درخواست گزار کو ہدایت دی گئی ہے کہ وہ اگلے احکامات تک مرکز #کمپلیکس کے کسی دوسرے حصے میں داخل نہ ہو۔عدالت نے کہاہے کہ اس میں کوئی شک نہیں کہ احاطے کو سیل کرنے کا کوئی حکم نہیں ہے اور رہائشی احاطے کو یکم اپریل 2020 سے لاک کردیا گیا ہے۔
کلکتہ23اگست (اردو اخبار دنیا) مغربی بنگال کالج سروس کمیشن نے ریاستی اہلیتی ٹسٹ کے امتحان میں عربی کے مضمون کو شامل کرنے کا اعلان کیا ہے۔اس کے ساتھ ہی ماحولیاتی سائنس اور ایم بی اے کو بھی شامل کیا گیا ہے۔ریاستی اہلیتی ٹسٹ میں عربی کوشامل کرنے کیلئے حالیہ دنوں میں بنگال کے مختلف کالجوں اور یونیورسٹیوں کے عربی شعبہ میں پڑھنے والے طلبا نے مہم چلا ئی تھی اور کالج سروس کمیشن کو میمورنڈم بھی دیا گیا تھا۔خیال رہے کہ مغربی بنگال کالج اور یونیورسٹیوں میں اساتذہ کی تقرری کے لئے نیٹ، جی آر ایف یا پھر ریاستی اہلتی ٹسٹ میں کامیابی حاصل کرنا ضروری ہے۔دوسری جانب سیٹ کے امتحانات کے سوالات بنگالی زبان میں لیا جائے گا۔مغربی بنگال سروس کمیشن گزشتہ 27سالوں ریاستی اہلیتی ٹسٹ کے امتحان کا انعقاد کررہا ہے۔کالج سروس کمیشن نے 1994 سے اب تک 22 امتحانات لیے ہیں۔ اتنے عرصے سے سیٹ کے سوالیہ پرچے انگریزی میں لئے جاتے تھے۔ لیکن طلباایک عرصے سے مطالبہ کررہے تھے بنگالی زبان میں سوالیہ پرچہ بنایا جائے۔
کالج سروس کمیشن نے ریاستی اہلیت ٹسٹ یا سیٹ لینے کا نوٹیفکیشن پہلے ہی جاری کر دیا ہے۔ کالج سروس کمیشن اگلے سال 9 جنوری کو سیٹ لے گا۔ کالج سروس کمیشن نے درخواستیں جمع کرنے کا عمل شروع کر دیا ہے۔ کمیشن ذرائع کے مطابق اس سال نیوز سیٹ کے تحت مزید تین مضامیان شامل کیے گئے ہیں۔ اس سال سیٹ کے تحت ماحولیاتی سائنس، ایم بی اے، عربی مضامین نئے شامل کیے گئے ہیں۔ ؎
کمیشن کے انتظامیہ کے مطابق سیٹ کے امتحان میں عربی کو شامل کرنے کیلئے ایک عرصے سے مطالبہ کیا جارہا ہے۔اس سال مجموعی طور پر تین مضامین کو شامل کیا گیا ہے۔کالج سروس کمیشن کے مطابق، تاریخ، فلسفہ، تعلیم جیسے مضامین کے سوالات بنگالی میں ہونگے۔دوسری جانب اسسٹنٹ پروفیسرز کی تقرری کے لیے تقریبا 32 ہزار درخواستیں کالج سروس کمیشن میں جمع ہوئی ہے۔ کمیشن ذرائع کے حالات نارمل ہونے کے بعد ہی انٹرویو کا عمل شروع کیا جائے گا۔کمیشن نے درخواستوں کی جانچ شروع کردی ہے۔ اس و قت لوکل ٹرینیں نہیں چل رہی ہے اسی وجہ سے کالج سروس کمیشن نے انٹرو یو نہیں لینے کا فیصلہ کیا ہے۔گزشتہ سال ریاستی اہلیت ٹسٹ یا سیٹ کے لیے تقریبا75,000درخواستیں جمع کی گئی تھی۔امید ہے کہ اس سال مزید درخواستیں جمع کی جائیں گی۔نوٹی فیکشن کے مطابق 15ستمبر تک جمع کرائی جائے گی۔
ناندیڑ:23اگست۔ (اردو اخبار دنیا) انتہائی افسوس کے ساتھ اطلاع دی جاتی ہے کہ ڈاکٹرامین الدین صدیقی ساکن وساوا نگرناندیڑ کے جواںسال فرزند کامران شہزاد کاشف احمد کاآج علی الصبح دل کادورہ پڑنے سے اچانک انتقال ہوگیا ۔
22 سالہ مرحوم انجینئرئنگ ڈگری کورس کے سال آخر کے طالب علم تھے ۔وہ معروف ماہر تعلیم جناب کمال الدین صدیقی کے حقیقی بھتیجے تھے۔ادارہ ورق تازہ پروردگارعالم رب العزت سے دعا گو ہےکہ وہ مرحوم کی مغفرت کرے انھیں جنت الفردوس میں جگہ دے ۔ لواحقین کوصبروتحمل عطا ءکرے
عدالت نے حکومت کو نوٹس جاری کرتے ہوئے چار ہفتوں میں جواب داخل کرنے کاحکم دیا، گلزار اعظمی ممبئی23/ اگست:ممنوع دہشت گرد تنظیم القاعدہ سے تعلق رکھنے کے مبینہ الزامات کے تحت گرفتار دارالعلوم دیوبند کے فارغ مولانا عبدالرحمن (کٹکی) کی ضمانت پر رہائی کی عرضداشت کو گذشتہ جمعرات کو سپریم کورٹ آف انڈیا نے سماعت کے لیئے قبول کرتے ہوئے حکومت کو نوٹس جاری کیا اور چار ہفتوں کے اندر جواب داخل کرنے کا حکم دیا۔ یہ اطلاع آج یہاں ممبئی میں ملزم کو قانونی امداد فراہم کرنے والی تنظیم جمعیۃ علماء مہاراشٹر (ارشد مدنی) قانونی امداد کمیٹی کے سربراہ گلزار اعظمینے دی۔ انہو نے مزید بتایا کہ ایڈوکیٹ صارم نوید نے جسٹس سنجے کشن کول اور جسٹس رائے کو بتایا کہ ملزم پانچ سال اور آٹھ مہینہ سے جیل میں قید ہے اور اس درمیان استغاثہ نے 82 میں سے صرف 14 گواہوں کو ہی عدالت میں پیش کیا جبکہ دفاعی وکیل نے عدالت میں یہ بیان بھی دیا تھا کہ وہ ملزم کی غیر موجودگی میں بھی ٹرائل چلانے کے لیئے تیار ہے لیکن اس کے باجود ٹرائل التواء کا شکار ہے۔
ایڈوکیٹ صارم نوید نے عدالت کو مزید بتایا کہ ملزم پر الزام ہیکہ اس نے غیر قانونی طریقے سے دوبئی سے پاکستان کا سفر کیا تھا اور اس نے پاکستان سے دہشت گردانہ ٹریننگ حاصل کی تھی لیکن استغاثہ یہ نہیں بتا سکا کہ ملزم دبئی سے پاکستان گیا کیسے کیونکہ پاسپورٹ پر کوئی اندراج نہیں ہے۔
ایڈوکیٹ صارم نوید نے عدالت کو مزید بتایا کہ ملزم کو 17/ دسمبر 2015 کو گرفتار کیا گیا تھا جب سے وہ جیل کی سلاخوں کے پیچھے مقید ہے اور اس درمیان خصوصی این آئی اے عدالت اور دہلی ہائی کورٹ نے اس کی ضمانت عرضداشت مسترد کردی ہے لیکن حال ہی میں سپریم کورٹ نے اپنے ایک حکم نامہ میں کہا کہ جن ملزمین کے مقدمات پانچ سال سے زائد عرصہ گذر جانے کے باجود ختم نہیں ہو ئے ہیں انہیں ضمانت پر رہا کیا جاسکتا ہے لہذا ملزم کو بھی ضمانت پر رہا کیا جانا چاہئے۔دفاعی وکیل کے دلائل سماعت کرنے کے بعد دو رکنی بینچ نے ضمانت عرضداشت کو سماعت کے لیئے قبول کرتے ہوئے استغاثہ کو نوٹس جاری کیا۔
واضح رہے کہ ملزم عبدالرحمن کو قومی تفتیشی ایجنسی نے اڑیسہ کے مشہور شہر کٹک کے قریب واقع ایک چھوٹے سے گاؤں سے گرفتار کیا تھا اور اسے بذریعہ طیارہ دہلی لایا گیا تھا۔ ملزم پر الزام عائد کیا گیا تھا کہ ہ وہ ہندوستان میں القاعدہ کے لیئے لڑکوں کو باہر دہشت گردانہ ٹریننگ حاصل کرنے کے لیئے بھیجنے کا کام کر رہا تھا۔
اسی معاملے میں دہلی پولس کے اسپیشل سیل نے بنگلور کے مشہور عالم دین مولانا انظر شاہ قاسمی کو بھی گرفتا ر کیا تھا لیکن بعد میں خصوصی عدالت نے نا کافی ثبوت و شواہد کی بنیاد پر مقدمہ سے ڈسچارج کردیا گیا، ایڈوکیٹ ایم ایس خان نے جمعیۃ علماء کی جانب سے ڈسچارج عرضداشت پر بحث کی تھی جس کے بعد دہلی کی خصوصی عدالت نے مولانا انظر شاہ کو مقدمہ سے ڈسچارج کرتے ہوئے دیگر ملزمین کے خلاف مقدمہ شروع کیئے جانے کا حکم دیا تھا۔
میں بریکنگ نیوز _ تلنگانہ یکم ستمبر سے تمام تعلیمی اداروں کو کھولنے کا فیصلہ
حیدرآباد(اردو اخبار دنیا) _ تلنگانہ حکومت نے یکم ستمبر سے تمام تعلیمی اداروں کو کھول دینے کا فیصلہ کیا ہے چیف منسٹر چندرشیکھرراو کی صدارت میں آج منعقدہ اجلاس میں یہ فیصلہ کیا گیا۔چیف منسٹر نے ریاست میں کورونا وائرس کے کیسوں میں بتدریج کمی کے پیش آنگن واڑی اسکول سے لے کر تمام خانگی اور سرکاری اسکولوں، کالجوں کو یکم ستمبر سے کھول دینے اور طلبہ کو کلاس روم میں تعلیم دینے کی عہدیداروں کو ہدایت دی۔اس سلسلہ میں 30 اگست تک تمام اسکولوں اور کالجوں کو سینیٹائز کرنے کی ہدایت دی
نرسنگ اسکیل ڈویلپمنٹ پروگرام کا کلاسیں 23 اگست 2021 سے عراقی اردو گرلز انٹر اسکول انصار نگر کے احاطے میں شروع ہوا،
نواده محمد سلطان اختر(اردو اخبار دنیا)
بہار عراقی ملت کمیٹی انصار نگر نوادہ کا کامیاب اقدام 23 اگست 2021 نرسنگ اسکیل ڈیولپمنٹ پروگرام سے شروع ہوا، پہلے بیچ میں تقریبا 45 طالبہ و طالبات نے رجسٹریشن کرایا اور کلاس میں شرکت کی۔
کلاس کا آغاز تلاوت قرآن پاک سے جناب انس الحق صاحب جنرل سیکرٹری بہار عراقی ملت کمیٹی نے کیا۔
ناگہانی اور طبی ایمرجنسی کی صورت میں نرسنگ کی مہارت حاصل شدہ طلبہ و طالبات کو تیار کرنے کی کوشش کی جا رہی ہے تاکہ معاشرے کو فائدہ پہنچے۔یہ کامیابی کے لئے پہلا قدم رکھا ہے،
اِس كار خیر میں قدم سے قدم ملانے والے سماجی خدمت خدمتِ گزار ڈاکٹر جاوید اشرفی بائیو سائنس ، محمد واحد حسین یونیسیف ، محمد صلاح الدین (بی ایس سی ، ایم/بی ایم ایل ٹی)
انصار الاسلام (بی ایس سی ، ایم/بی ایم ایل ٹی) اور دیگر ساتھی پورا کا پورا تعاون کر رہے ہیں، سبھوں نے پروگرام کو سراہا ہے اور اپنا بھرپور تعاون بھی دیا ہے۔ واضح ہو کہ ہر ایک نے اپنا وقت نرسنگ ٹرینینگ کی تربیت میں صرف کیا اور آگے بھی طلباء و طالبات کے کلاس میں اپنا قیمتی وقت دیتے رہیں گے۔
کلاس شروع ہونے سے پہلے بہار عراقی ملت کمیٹی کے صدر ڈاکٹر حمید حسین نے گیا سے ایک ویڈیو پیغام بھی بھیجا اور تمام طلباء و طالبات سے نیک خواہشات کا اظہار کیا اور کمیٹی کو مبارکباد دی۔ اجلاس میں بہار عراقی ملت کمیٹی کے جنرل سیکرٹری انس الحق صاحب ، محمد یونس جان صاحب ، توقیر شہنشاہ صاحب ، عراقی اردو انٹر اسکول کے صدر محمد ممتازصاحب ، سیکریٹری محمد ضیاء الدین صاحب ، محمد جمشید مہندی صاحب ، ماسٹر قمرالدین صاحب اور نرسنگ اسکیل ڈویلپمنٹ پروگرام کے صدر مشتاق صاحب اور سیکرٹری محمد وسیم اکرم موجود تھے اور ان سب نے اپنے چند کلمات سے طلباءو طالبات کے حوصلے بلند کیئےاور پروگرام کی خصوصیات بتاتے ہوئے پڑھائی اور جانفشانی سے سیکھنے پر زور دیا۔
کلاس کے پہلا دن کی شروعات ڈاکٹر جاوید اشرفی نے تھیوری اور پریٹکل کے ساتھ کی، اور ساتھ ہی اساتذہ وحید حسین اور محمد صلاح الدین نے بھی کلاسیں لیں۔
پریکٹیکل کلاس کے لئے سامان میں 2 بلڈ پریشر مشینیں 2 اسٹیتھواسکوپ 2 تھرمامیٹر ، آکسیمیٹر 2 گلوکومیٹر کچھ انجکشن اور روئی وغیرہ وغیرہ سامان کمیٹی کے ذریعے فراہم کئے گئے۔
پروگرام کے اختتام پر ضیاء الدین صاحب نے کہا کہ اس اقدام سے نوجوانوں کو طبی میدان میں ایک نئی سمت ملے گی اور طلباء و طالبات کے حوصلے بھی بڑھیں گے اور وہ اس میدان میں اپنے مستقبل کا انتخاب کرکے اپنااور اپنے گھر والوں کا نام روشن کر سکتے ہیں۔ بہار عراقی ملت کمیٹی نے اسے کامیاب بنانے کے لئے ہر ممکن کوشش کرتی رہے گی۔
ہندی و نیپالی پسماندہ مسلم طبقات کی مذھبی،مسلکی،تعلیمی، سماجی اور معاشی زبوں حالی کو دور کرنے اور غریب طبقات کی تعمیر و ترقی میں کلیدی کردار ادا کیا تھا مفتی اعظم ھند نے:مفتی سلیم بریلوی۔
مرکز اھلسنت خانقاہ رضویہ درگاہ اعلیحضرت بریلی شریف کی اھم شخصیت اور مجدددین و ملت اعلیحضرت امام احمد رضا خان فاضل بریلوی قدس سرہ کے شہزادے سیدی سرکار مفتی اعظم ھند علامہ مصطفٰی رضا خاں نوری بریلوی قدس سرہ کا ایک روزہ اکتالیسواں عرس قادری نوری مرکز اھلسنت خانقاہ قادریہ رضویہ دربار اعلیحضرت بریلی شریف میں کووڈ ۱۹/ گائڈ لائن کے ضابطوں کی پابندی کے ساتھ محدود افراد کی موجودگی میں مرکز اھلسنت کے سربراہ حضرت سبحانی میاں صاحب کی سرپرستی اور سجادہ نشین حضرت مفتی احسن میاں صاحب کی صدارت و نگرانی میں نہایت سادگی سے انعقاد پذیر ہوا۔شب میں ایک بج کر چالیس منٹ پر خانقاہی اور صوفیانہ رسم و رواج کے ساتھ قل شریف کی رسم ادا کی گئی۔بعد نماز فجر قرآن خوانی و حلقہ ذکر سے تقریبات عرس کا آغاز ہوا۔قاری رضوان نے تلاوت کی۔حاجی غلام سبحانی اور عاصم نوری نے میلاد پاک کی محفل سجائی۔تحریک تحفظ سنیت نے تقریبات کی ذمہ داریاں سنبھالیں۔فاروق مدنا پوری اور محشر پدارتھ پوری نے نعت و مناقب کے گلدستے پیش کئے۔
صحافتی ترجمان ناصر قریشی نے بتایا کہ منظر اسلام کے مفکر و دانشور اور نباض زمانہ استاذ مفتی محمد سلیم بریلوی صاحب نے اپنے خطاب میں مفتی اعظم کی حیات و خدمات کے ایک اھم، منفرداور اچھوتے گوشے پر روشنی ڈال کر محققین رضویات کو ایک اھم عنوان دیا۔مفتی سلیم صاحب نے بتایا کہ دنیا آج اور اب پسماندہ طبقات کے عروج و ترقی کی باتیں کررھی ہے۔۔حکومتیں اب پسماندہ کمیشن تشکیل دےرھی ہیں۔زمانہ اب پسماندہ اور پست و زوال پذیر طبقات کی ترقی کی تحریکیں چلا رھا ھے مگر سرکار مفتی اعظم ھند نے تو آج سے ایک صدی قبل ہی مسلم پسماندہ سماج کی مذھبی، مسلکی، تعلیمی، سماجی، اور معاشی زبوں حالی و پسماندگی کو دور کرنے کی نہایت خلوص و خاموشی کے ساتھ مھم چلائی تھی۔اس کے لئے آپ نے ھندوستان و نیپال کے بے شمار پسماندہ و زبوں حال خطوں کے دورے کرکے وھاں کی مذھبی ،تعلیمی و سماجی زبوں حالی دور کرنے میں کلیدی کردار ادا کیا تھا۔مفتی سلیم نوری نے مزید کہا ک کسی بھی قوم کی سب سے بڑی پسماندگی آس کی مذھبی و تعلیمی،معاشرتی و ذھنی زبوں حالی اور احساس کمتری ہے۔مفتی اعظم ھند نے ھند و نیپال کے ان دبے کچلے غریب و نادار لوگوں کو اپنے دامن کرم میں جگہ دی۔انھیں گلے لگایا، اپنے پاس امیروں کے برابر میں بیٹھایا۔مرید کیا۔اسلام و سنیت کی سچی اور حق تعلیم دی۔اجازت و خلافت سے سرفراز فرمایا۔ان پسماندہ طبقات کی تعلیم و تربیت کرکے اسلام کے اھم و مقدس منصب منصب امامت پر فائز کیا۔ان کے دلوں سے احساس کمتری ختم کرکے احساس برتری پیدا کیا۔اس طرح آپ نے اس دبے کچلے سماج کو امیر و کبیر سماج کی قطار میں صف اول پر لاکھڑا کیا۔آپ کے ھند و نیپال۔بنگلہ دیش و پاکستان اور افریقی ممالک وغیرہ میں لاکھوں مرید و خلفاء ہیں جن میں پسماندہ طبقات کی تعداد سب سے زیادہ ہے۔ہمیں مفتی اعظم ھند کے نقش قدم پر چل کر سماجی پسماندگی کو دور کرنے کی تحریک چلانا ہوگی۔رنگ و نسل اور ذات و برادری کے نام پر پنپنے والی نفرت کا خاتمہ کرنا ہوگا۔بحیثیت مسلمان اخوت دینی کے جذبات پیدا کرنے ہوں گے۔
مفتی ایوب خاں نوری نے مفتی اعظم کو حق و صداقت کی عظیم نشانی بتایا۔علامہ مختار بہیڑوی نے مفتی اعظم کو جرآت و بہادری اور اخلاق و کردار کا سچا علم بردار قرار دیا۔مفتی عاقل رضوی نے کہا کہ مفتی اعظم تقوی و پرہیزگاری میں بے مثال تھے۔ان کے علم و فن کا عرب عجم کے علماء نے بھی اعتراف کیا۔قاری عبد الرحمن خان قادری نے کہا کہ مفتی اعظم مادرزاد ولی تھے۔سرکار نوری میاں مارہروی علیہ الرحمہ نے ان کی ولادت کی بشارت سنائی۔چھ ماہ چند دن کی عمر میں روحانیت کے خزانے آپ کے سینے میں انڈیل کر اجازت و خلافت آور بیعت سے سرفراز فرمایا۔
ایک بجکر چالیس منٹ پر قل شریف مفتی افروز مفتی معین۔مفتی جمیل۔مولانا اختر سید شاکر نے پڑھا۔مولانا مختار بہیڑوی نے شجرہ پڑھا۔مفتی احسن میاں صاحب نے قوم و ملت۔مریدین و متوسلین اور ملک و بیرون ملک کے محبین مسلک اعلیحضرت کے لئے دعا کی۔لنگر تقسیم ہوا۔حاجی جاوید خاں۔پرویز خاں نوری۔اورنگ زیب خاں نوری۔شاھد خاں نوری۔اجمل نوری، طاہر علوی ۔کامران خاں۔ظہیر احمد۔،طارق سعید،منظور خاں ساجد۔شان۔مجاھد بیگ۔سید ماجد۔سید اعجاز۔کاشف۔عشرت۔ذھیب وغیرہ نے انتظامات سنبھالے۔
شاہ سلمان کی نیابت کرتے ہوئے گورنر مکہ نے کعبہ کو غسل دیا
خانہ کعبہ کا غسل
(اردو اخبار دنیا)
مکہ:خادم حرمین شریفین شاہ سلمان بن عبد العزیز کی نیابت کرتے ہوئے گورنر مکہ مکرمہ شہزادہ خالد الفیصل نے خانہ کعبہ کو آج غسل دیا ہے۔
سبق ویب سائٹ کے مطابق غسل کعبہ کی رسم حفاظتی تدابیر میں ادا کی گئی ہے۔ گورنر مکہ مکرمہ شہزادہ خالد الفیصل نے سالانہ معمول کے مطابق عرق گلاب سے معطر آب زمزم سے غسل کعبہ کی رسم انجام دی ہے۔
غسل کعبہ کی رسم میں گورنر مکہ کے ہمراہ حرمین انتظامیہ کے سربراہ شیخ ڈاکٹر عبدالرحمن السدیس، ممتاز علما اور کلید بردارانہ کعبہ بھی شریک ہوئے۔
اس موقع پر شیخ ڈاکٹر عبد الرحمن السدیس نے کہا ہے کہ ’خادم حرمین شریفین شاہ سلمان بن عبد العزیز اور ولی عہد شہزادہ محمد بن سلمان غسل کعبہ کی رسم کو انتہائی اہمیت دیتے ہیں۔
‘ انہوں نے کہا ہے کہ ’غسل کعبہ سنت کے مطابق سالانہ رسم ہے جسے اسلامی تاریخ کے ہر دور میں انجام دیا گیا ہے۔‘ واضح رہے کہ غسل کعبہ کی رسم سال میں دو مرتبہ یکم شعبان اور محرم کے مہینے میں ادا کی جاتی تھی۔
برلن ، ۲۳؍اگست:(اردو اخبار دنیا)جرمنی میں ریل #ملازمین کی #یونین نے پیر کے روز سے دو روزہ #ہڑتال شروع کی ہے، اس برس ان کی یہ دوسری ہڑتال ہے۔ تنازعے کی وجہ #تنخواہوں کی شرح، پنشن، اور کورونا وائرس کے بونس جیسے امور پر اختلافات ہیں۔جرمنی میں ٹرین #ڈرائیوروں کی یونین (جی ڈی ایل) نے اپنی دو روزہ ہڑتال کا آغاز 23 اگست پیر کی علی الصبح یعنی رات کے دو بجے ہی سے شروع کر دیا۔ریل کمپنی ڈوئیچے بان (ڈی بی) نے اعلان کیا ہے کہ اس ہڑتال کا دائرہ #مسافر ریل سروس تک وسیع کر دیا گیا ہے اس لیے بڑے پیمانے پر ریل خدمات کے متاثر ہونے کا خدشہ ہے۔
ریل یونین اور کمپنی کے درمیان تنخواہوں کی شرح، پینشن اور کام کرنے کے حالات جیسے کئی اہم امور پر اختلافات پائے جاتے ہیں۔ اس برس یہ دوسرا موقع ہے جب ریل کے بیشتر ملازمین اپنے مطالبات تسلیم کروانے کے لیے دوبارہ کام پر نہیں آئے ہیں۔سرکار ی ملکیت والی ریل کمپنی نے بات چیت کے دائرے کو وسیع کرنے کے مقصد سے یونین کو بعض پیشکش کی تھی تاہم ملازمین کی انجمن نے انہیں مسترد کر دیا جس کے بعد ہڑتال کا آغاز ہوا۔ڈرائیوروں کی ہڑتال کے ساتھ ہی محکمے کے دیگر ملازمین نے بھی ہڑتال میں شامل ہونے کا فیصلہ کیا ہے۔
یہ ہڑتال 48 گھنٹوں کے لیے ہے جو بدھ کی علی الصبح ختم ہو جائے گی۔جرمن ریل سروس نے اپنے ایک بیان میں کہا، ”مضافاتی علاقوں میں ڈی بی کو 40 فیصد تک ریل ٹریفک کی توقع ہے، تاہم، علاقوں کے لحاظ سے ٹرینوں کی تعداد کافی مختلف ہو گی۔ اس کے اثرات کا صحیح اندازہ صبح کے وقت آپریشن کے آغاز کے بعد ہی ممکن ہے۔اس حوالے سے جی ڈی بی ایل کی ہڑتال سنیچر کے روز شروع ہوئی تھی جو پیر کی صبح تک جاری رہی، تاہم اس سے صرف مال برادار ٹرینیں ہی متاثر ہوئیں۔
اس سے قبل رواں ماہ کے اوائل میں دو روزہ ہڑتال سے طویل فاصلے کے سفر کے ساتھ ساتھ کئی بڑے شہروں کی مسافر ریل لائنیں بھی متاثر ہوئی تھیں۔اتوار کے روز سرکاری ریل کمپنی ڈی بی نے #ہڑتال روکنے کے مقصد سے اپنی آخری کوشش کی۔ اس کے لیے اس نے ایک وقت کے لیے ”کورونا وائرس کا بونس اور وبائی امراض کے دوران کام کرنے کے لیے کا ایک پریمیم رقم دینے جیسے امور پر بات چیت کی پیشکش کی تھی۔
لیکن ریل #ملازمین کی انجمن جی ڈی ایل نے اسے #شرمناک پیشکش قرار دیتے ہوئے اپنی ہڑتال منصوبے کے مطابق جاری رکھنے کا فیصلہ کیا۔ یونین کے ایک رہنما کلاز ویسلسکائی نے کہاکہ ڈوئچے بان کی پیشکش جس #کاغذ پر لکھی ہے وہ اس سے بھی کمتر ہے۔ان کا کہنا تھا کہ جی ڈی ایل کو ایک پختہ تجویز پیش کرنے کی ضرورت ہے صرف بات چیت کے مقصد سے کسی چیز کو سامنے رکھنے کی کوئی ضرورت نہیں ہے۔
یونین تنخواہ میں 3.2 فیصد اضافہ کا مطالبہ کر رہی ہے۔ اس کا کہنا ہے کہ کورونا وائرس کے بونس کے طور پر بھی ملازمین کو اضافی 700 #ڈالر کی رقم ادا کی جائے اور کام کرنے کے لیے بہتر حالات مہیا کیے جائیں۔
وزارت داخلہ کی رپورٹ کے : Covid - 19 in India مطابق اکتوبر میں تیسری لہر خدشہ ، بچوں کو ہوگی إسخت مشکلات
وزارت داخلہ Home Ministry کی ہدایات پر قائم نیشنل انسٹی ٹیوٹ آف ڈیزاسٹر مینجمنٹ (National Institute of Disaster Management) کے تحت تشکیل دی گئی ماہرین کی ایک کمیٹی نے یہ نتیجہ اخذ کیا ہے کہ کووڈ 19 کی تیسری لہر اکتوبر کے آس پاس بڑھ سکتی ہے۔
ٹائمز آف انڈیا کی ایک خصوصی رپورٹ کے مطابق رپورٹ میں نوٹ کیا گیا ہے کہ بچوں کے لیے طبی سہولیات ڈاکٹر ، عملہ ، وینٹیلیٹر ، ایمبولینس وغیرہ جیسے سازوسامان خصوصی طور پر فراہم کیے جائیں گے۔ جہاں بچوں کی بڑی تعداد متاثر ہونے کا خدشہ ہے''۔
علامتی تصویر
دریں اثنا نیتی آیوگ کے رکن وی کے پال کی سربراہی والے گروپ نے گذشتہ ماہ حکومت کے ساتھ شیئر کی گئی اپنی سفارش میں مستقبل کے کووڈ 19 انفیکشن کے اضافے میں ہر 100 مثبت کیسز کے لیے 23 ہسپتالوں میں بھرتی کی تجویز دی ہے۔ انڈین ایکسپریس کی رپورٹ کے مطابق یہ تخمینہ اس پروجیکشن سے زیادہ ہے جو گروپ نے ستمبر 2020 میں دوسری لہر سے پہلے کیا تھا، جب اس نے حساب لگایا کہ "شدید/ درمیانے درجے کی شدید" علامات والے تقریبا 20 فیصد مریضوں کو ہسپتال میں داخل ہونا پڑے گا۔ کووڈ 19 کے دوسری تباہی کے بعد اسپتال کے بیڈوں کی ایک بڑی تعداد کو الگ کرنے کی سفارش اپریل-جون سے اس سال کے دوران دیکھے گئے پیٹرن پر مبنی ہے۔ مبینہ طور پر اپنے عروج کے دوران یکم جون کو جب ملک بھر میں فعال کیس ریکارڈ کیے گئے۔ اس دوران 10 ریاستوں میں 21.74 فیصد کیسز میں زیادہ سے زیادہ کیسز کے ساتھ ہسپتال میں داخل ہونا ضروری تھا ، ان میں سے 2.2 فیصد آئی سی یو میں تھے۔
اتر پردیش میں کووڈ۔ 19 کے کوپا اسڈرین (Kappa strain) کے دو واقعات کا انکشاف
مرکزی وزیر اطلاعات و نشریات انوراگ ٹھاکر نے جمعہ کو کہا کہ مرکز کووڈ 19 کی ممکنہ تیسری لہر سے نمٹنے کے لیے مکمل طور پر تیار ہے اور اس مقصد کے لیے 23123 کروڑ روپے کی فراہمی کی گئی ہے۔ انہوں نے کہا کہ بچوں کی دیکھ بھال کو مضبوط بنانے پر خصوصی زور دیا جا رہا ہے اس خدشے کے درمیان کہ تیسری لہر بچوں کو دوسری لہر سے زیادہ متاثر کر سکتی ہے۔ وزارت داخلہ کے ذرائع کے مطابق حکومت COVID-19 کی ممکنہ تیسری لہر سے نمٹنے کے لیے پوری طرح تیار ہے۔ اس سے نمٹنے کے لیے 23123 کروڑ روپے کی فراہمی کی گئی ہے۔
انہوں نے کہا کہ بچوں کی دیکھ بھال کو مضبوط بنانے پر خصوصی زور دیا جا رہا ہے کیونکہ ماہرین کو خدشہ ہے کہ تیسری لہر بچوں کو دوسری لہر سے زیادہ متاثر کر سکتی ہے۔ کچھ ماہرین نے خبردار کیا ہے کہ COVID-19 کی تیسری لہر بچوں کو زیادہ متاثر کر سکتی ہے جبکہ دوسروں نے کہا ہے کہ اس نظریہ پر یقین کرنے کی کوئی وجہ نہیں ہے۔ تاہم ماہرین اس بات پر متفق ہیں کہ ملک میں بچوں کی کوویڈ خدمات کو بہتر بنانے کی ضرورت ہے۔
اتراکھنڈ اسمبلی کا مانسون سیشن شروع ، انتقال کر گئے قائدین کو خراج عقیدت پیش کیا گیا
دہرادون(اردو اخبار دنیا) ، 23 اگست۔ اتراکھنڈ قانون ساز اسمبلی کا پانچ روزہ مانسون سیشن پیر سے شروع ہوا۔ اجلاس کے پہلے دن ایوان میں انتقال کر جانے والے ارکان کو خراج عقیدت پیش کیا گیا۔ وزیر اعلیٰ پشکر سنگھ دھامی نے قائد حزب اختلاف اندرا ہردیش ، گنگوتری ایم ایل اے گوپال راوت ، سابق ہریدوار ایم ایل اے امبریش کمار ، سابق وزیر تعلیم نریندر بھنڈاری ، سابق ایم ایل اے بچی سنگھ راوت کو خراج عقیدت پیش کیا۔ اس دوران اتر پردیش کے سابق وزیر اعلیٰ اور راجستھان کے سابق گورنر کلیان سنگھ کو بھی خراج عقیدت پیش کیا گیا۔ معلوم ہو کہ جب اترا کھنڈ اترپردیش کا ایک حصہ تھا جب کلیان سنگھ وزیر اعلیٰ تھے۔ ایوان کے اراکین نے کلیان سنگھ کو پھول پیش کرکے خراج عقیدت پیش کیا۔ اسمبلی اسپیکر پریم چند اگروال ، وزیر اعلیٰ پشکر سنگھ دھامی ، کابینہ کے وزرا دھن سنگھ راوت ، یتی سوارانند ، بنشی دھر بھگت ، اروند پانڈے ، بی جے پی کے ریاستی صدر مدن کوشک ، ایم ایل اے دیش راج کارنوال ، سنجے گپتا ، راجکمار ٹھکرال اور دیگر ارکان نے بھی انہیں خراج عقیدت پیش کیا۔ دھامی کا بطور وزیر اعلیٰ اسمبلی کا یہ پہلا اجلاس ہے۔ اپوزیشن کے موقف پر غور کرتے ہوئے توقع ہے کہ اجلاس میں ہنگامہ آرائی ہوگی۔
12 سالہ بچی بنی ماں ، کلاس کے ساتھی نے لاک ڈاؤن میں کی تھی عصمت دری
جودھ پور(اردو اخبار دنیا) ، 23 اگست ۔ضلع کے بالیسر تھانہ علاقے میں ایک 12 سالہ لڑکی نے بچے کو جنم دیا ہے۔ اسے اسپتال میں داخل کیا گیا ہے۔ معلومات میں یہ بات سامنے آئی کہ لاک ڈاؤن میں اس کے ساتھ پڑھنے والے ایک نوجوان نے اس کے ساتھ زیادتی کی۔ چائلڈ پروٹیکشن کمیشن کی چیئرپرسن اور چائلڈ ویلفیئر کمیٹی کے ارکان نے واقعے کے حوالے سے اسپتال میں لڑکی کے اہل خانہ سے ملاقات کی۔ واقعہ کی سنگینی کو مدنظر رکھتے ہوئے تحقیقات کی جا رہی ہے۔ معلومات کے مطابق ، لاک ڈاؤن کے دوران ایک 12 سالہ بچی کو بالیسر تھانہ علاقے میں اس کے ساتھ پڑھنے والے ایک نوجوان نے زیادتی کا نشانہ بنایا۔ اس کی وجہ سے بچی حاملہ ہوگئی۔ اب یہ بچی ماں بن گئی ہے۔ اسے اسپتال لایا گیا ہے۔ اطلاع ملنے پر چائلڈ پروٹیکشن کمیشن کی چیئرپرسن سنگیتا بینیوال ، چائلڈ ویلفیئر کمیٹی کے چیئرمین دھنپت گجر وغیرہ اسپتال پہنچے۔ سینئر پولیس افسران کو بھی واقعے سے آگاہ کیا گیا ہے۔
پٹنہ میں گھاٹوں پر تیزی سے کم ہورہا ہے پانی ، نشیبی علاقوں میں رہنے والے لوگوں کو راحت ملی
پٹنہ(اردو اخبار دنیا)، 23 اگست۔پٹنہ سے لیکر دیگر متاثرہ اضلاع میں بھی گنگا تیزی سے کم ہورہا ہے۔ اس کے بعد بھی بھاگلپور اور دیگر اضلاع میں گنگا کی سطح ا?ب اب بھی خطرے کے نشان سے اوپر ہے۔ حالانکہ اس میں کمی دیکھی جارہی ہے۔ پٹنہ میں گنگا کا پانی کم ہونے کی وجہ سے لوگ راحت محسوس کر رہے ہیں۔ سیلاب زدہ علاقوں میں اب پھر سے نئی صبح نظر ا?رہی ہے۔ پٹنہ کے دیگھاگھاٹ میں گنگا ندی کی ا?بی سطح خطرے کے نشان سے 78 سینٹی میٹر نیچے تھی ، پیر کو اس میں 16 سینٹی میٹر کمی کا امکان ہے۔ پٹنہ کے گاندھی گھاٹ میں بھی اتوار کو پانی کی سطح خطرے کے نشان سے 2 سینٹی میٹر نیچے تھی جو کہ پیر کو 15 سینٹی میٹر کم ہونے کی توقع ہے۔ وہیں ہاتھی ڈہ میں گنگا ندی کی ا?بی سطح اتوار کو خطرے کے نشان سے 66 سینٹی میٹر اوپر تھی ، جو پیر کو 13 سینٹی میٹر کم ہو سکتی ہے۔ اتوار کومونگیر میں گنگا کے پانی کی سطح خطرے کے نشان سے 51 سینٹی میٹر نیچے تھی جو پیر کو مزید 29 سینٹی میٹر نیچیتک جا سکتی ہے۔
مصر میں "پارٹ ٹائم” شادی کے بڑھتے ہوئے واقعات کے بعد ملک کی دارالافتاء کونسل نے خبردار کیا ہے کہ ایسی ’جز وقتی‘ شادیوں کا اسلامی تعلیمات میں کوئی تصور نہیں۔ اس نوعیت کا کوئی بھی اقدام اسلام کے تصور نکاح کے منافی، باطل اور حرام سمجھا جائے گا۔
خیال رہے کہ مصر میں سوشل میڈیا پر ’پارٹ ٹائم‘ شادی سے متعلق بحث چل رہی ہے، تو اس نئے رحجان کی حمایت اور مخالفت آرا سامنے آنے لگیں۔ جس کے بعد مصری دارالافتا نے خبردار کیا ہے کہ شادی کے معاہدے کو نیا نام دینا نمود ونمائش، سستی شہرت کا حصول اور دینی روایات کو کمزور کرنے کی کوشش ہے۔
’پارٹ ٹائم‘ شادی دکھاوا اور اقدار کمزور کرنے کی کوشش:دارالافتا نے مزید کہا کہ شادی کے معاہدے میں اصطلاحات کی جدت کی طرف متوجہ نہیں ہونا چاہیے۔ شادی سے متعلق نئی اصطلاحات نکاح متعہ کے معنوں میں استعمال کی جاتی ہے۔ اس نوعیت کی اصطلاحات دکھاوے، شہرت اور اقدار کو عدم استحکام سے دوچار کرنے اور معاشرے میں مزید الجھن پیدا کرنے کی کوشش ہے۔ اسلام ایسے مشاغل کی ہرگز اجازت نہیں دیتا۔
’پارٹ ٹائم‘ شادی حرام اور باطل اقدام
دارالافتاء نے اس بات کی تصدیق کی ہے کہ کچھ لوگ شادی کے معاہدے کو نئے نام دینے کی کوشش کرتے ہیں۔ وہ پارٹ ٹائم شادی کی اصطلاح استعمال کر کے شادی کو وقتی معاہدہ قرار دینے کی کوشش کرتے ہیں۔ اس طرح کا کوئی بھی تصور اسلام میں موجود نہیں۔ یہ سرا سر باطل اور حرام ہے۔
سعودی آرامکو ہندوستان میں نجی شعبے کی بڑی کمپنی ریلائنس انڈسٹریز (آر آئی ایل) کے آئل ریفائننگ اور کیمیکلز کے کاروبار میں تقریبا 20 فیصد شیر خریدنے کے لیے بات چیت کر رہی ہے۔
ذرائع کے مطابق دونوں کمپنیوں کے درمیان یہ معاہدہ 20 سے 25 ارب ڈالر میں کیا جا سکتا ہے۔
دونوں آئندہ چند ہفتوں میں اس کا فیصلہ ہو سکتا ہے۔ خیال رہے کہ اس سے قبل 2019 میں ریلائنس انڈسٹریز نے اعلان کیا تھا کہ وہ اپنے تیل کا 20 فیصد حصہ کیمیکلز کے کاروبار کو سعودی آرامکو کو 2019 میں 15 ارب ڈالر میں فروخت کرن کا اعلان کیا تھا۔
لیکن یہ معاہدہ رک گیا کیونکہ تیل کی قیمتیں کورونا وائرس کی وبا کی وجہ سے زمین پر آگئیں اور دنیا بھر میں تیل کی طلب کم ہوگئی۔
اس سال جون میں ریلائنس انڈسٹریز کے چیئرمین اور ارب پتی صنعت کار مکیش امبانی نے امید ظاہر کی تھی کہ اس سال کے آخر تک سعودی آرامکو کے ساتھ شراکت داری کو باقاعدہ شکل دی جا سکتی ہے۔
انہوں نے یہ بھی کہا تھا کہ آرامکو کے چیئرمین یاسر الرمیان آر آئی ایل کے بورڈ میں بطور آزاد ڈائریکٹر شامل ہو سکتے ہیں۔
تاہم اس معاہدے کی فی الحال آرامکو کی طرف سے تصدیق نہیں ہو سکی ہے۔
ریلائنس انڈسٹریز نے بھی تبصرہ کرنے سے انکار کردیا۔ تاہم ماہرین کا کہنا ہے کہ یہ معاہدہ ریلائنس کی ریفائنری کو خام تیل کی بلا روک ٹوک فراہمی کو یقینی بنائے گا۔
اس میدان سے وابستہ افراد کے بڑی تعداد میں روزگار ملے گا
ہر گھر کے کچن میں موجود سفید رنگ کا پاؤڈر، میٹھا سوڈا جسے ’ بیکنگ سوڈا‘ (Baking-soda) کے نام سے بھی جانا اور متعدد فوائد حاصل کرنے کے لیے استعمال کیا جاتا ہے، میٹھے سوڈے کے استعمال کے نتائج یقینی اور حیرت انگیز ہوتے ہیں، میٹھا سوڈا گھر کی صفائی سے لے کر خوبصوتی میں اضافے کے لیے بھی استعمال کیا جاتا ہے۔کھانے کا سوڈا، میٹھا #سوڈا، بیکنگ سوڈا ایک ہی جُز کا نام ہے جس کے فوائد بے شمار ہیں، میٹھے سوڈے کا استعمال پرانے برتنوں اور چولہے پر جمی میل کی صفائی سے لے کر #معدے سے جڑی شکایات اور چہرے سے ایکنی کے خاتمے تک مدد گار ثابت ہوتا ہے۔میٹھے #سوڈے کو مختلف فوائد حاصل کرنے کے لیے مختلف طریقوں سے استعمال کیا جا سکتا ہے جن میں سے چند مفید #گھریلو ٹوٹکے اور طریقے مندرجہ ذیل ہیں:
گھر کی اشیاء کی صفائی کے لیے میٹھے سوڈے اور لیموں کا استعمال
میٹھا سوڈا #لیموں کے ساتھ ملا کر استعمال کیا جائے تو اس کی #صفائی کرنے کی صلاحیت 100 گنا بڑھ جاتی ہے، لیموں اور میٹھے سوڈے کا #مرکب بنا کر برتنوں، دیواروں، چولہے، دروازے اور کھڑکیوں کے داغ صاف کیے جا سکتے ہیں۔
طبی ماہرین کے مطابق بیکنگ سوڈا #لیموں #پانی میں ملا کر پینے سے جسم میں موجود مضر #صحت مواد کا اخراج ممکن ہوتا ہے اور ورزش کرنے کی صلاحیت بڑھتی ہے، معدے کی تیزابیت میں کمی اور نظام ہاضمہ کی کارکردگی بہتر ہوتی ہے، قبض سے نجات حاصل ہوتی ہے جبکہ آنتوں کی سوزش، گردوں کی صفائی اور سینے کے جلنے کی شکایات میں واضح اور فوری کمی آتی ہے۔
طبی ماہرین کی جانب سے تجویز کیا جاتا ہے کہ ایک گلاس پانی میں آدھے لیمو ں کا رس ملائیں اور اس میں ایک چمچ میٹھا سوڈا شامل کر لیں، اس مشروب کو صبح نہار منہ پئیں، ایک ہفتے تک لگاتار پینے کے بعد دو ہفتوں کا وقفہ لیں اور پھر یہ مشروب صبح نہار پینا شروع کر دیں۔
اس عمل کے نتیجے میں جسم کا مدافعتی نظام مضبوط، جلد سے جھریوں کا خاتمہ، جوڑوں کے درد اور سوجن میں کمی واقع ہو گی، ماہرین کے مطابق یہ مشروب کینسر سے بچاؤ کا سبب بھی بنتا ہے اور موٹاپے کا خاتمہ کرتا ہے۔میٹھے سوڈے کے استعمال کے نتیجے میں خوبصورتی پر حاصل ہونے والے فوائد مندرجہ ذیل ہیں:
دانتوں کی خوبصورتی کے لیے میٹھے سوڈے کا استعمال
#دانت جگمگانے، پیلاہٹ دور کرنے اور #کیڑہ لگنے والے #بیکٹیریا سے چھٹکارہ حاصل کرنے، سانسوں کو تازہ بنانے کے لیے #ٹوتھ برش پر ایک چٹکی بیکنگ سوڈا چھڑکیں اور چند قطرے لیموں کا عرق ٹپکا دیں، اب اس سے دانتوں کو ہلکے ہاتھ سے آہستہ آہستہ گول دائروں میں برش کریں، پہلی بار ہی میں دانت صاف اور چمکدار نظر آئیں گے، اس عمل کو ایک ہفتے میں صرف ایک بار ہی دہرائیں۔
بلیک ہیڈ کے خاتمے کے لیے
چہرے، ناک، ماتھے اور تھوڈی پر بلیک ہیڈ سے پڑنے والے کالے نشان بے حد بد نما لگتے ہیں، ان سے چھٹکارہ حاصل کرنے کے لیے بیکنگ سوڈے کی تھوڑی سی مقدار اور لیموں کا تازہ عرق لے لیں، اب انہیں ملا کر چہرے کے متاثرہ حصوں پر لگائیں اور سوکھنے تک لگا رہنے دیں، بعد ازاں چہرہ دھو لیں اور موئسچرائزر لگا لیں۔
گھر میں میٹھے سوڈے کی مدد سے مینی اور پیڈی کیور
گھر میں ہی اپنی مینی اور پیڈی کیور کرنے والی خواتین کے لیے یہ ایک موزوں ٹوٹکا ہے، نیم گرم پانی میں کچھ مقدار بیکنگ سوڈا شامل کریں اور سفید رنگ کا #شیمپو ڈال لیں، اب اس میں اپنے ہاتھ اور پاؤں کو 15 منٹ کے لیے بگھو دیں، اس سے ہاتھ پاؤں کی رنگت نکھر جائے گی۔
ایکنی کے خاتمے کے لیے
ایکنی سے چھٹکارہ حاصل کرنے کے لیے ایک چٹکی میٹھے سوڈے میں شہد اور لیموں کا رس ملائیں اور اس سے چہرے پر صرف ایک منٹ مساج کریں اور چہرہ ٹھنڈے پانی سے دھو لیں، یہ عمل ہر تین دن بعد دہرائیں، چہرہ چمکدار، رنگت صاف اور ایکنی، کیل #مہاسوں کا صفایا بھی ہو جائے گا۔
