امریندر سنگھ نے امت شاہ سے ملاقات کی ، بی جے پی میں جانے کی قیاس آرائیاں

امریندر سنگھ نے امت شاہ سے ملاقات کی ، بی جے پی میں جانے کی قیاس آرائیاں

نئی دہلی:وزیراعلیٰ پنجاب کے عہدے سے استعفیٰ دینے کے بعد سب کیپٹن کے منتظر ہیں کہ امریندر سنگھ کا اگلا قدم کیا ہوگا۔ اس دوران کیپٹن امریندر نے سب کو حیران کر دیا ہے۔ امریندر سنگھ نے آج بدھ کی شام وزیر داخلہ امت شاہ سے ان کی رہائش گاہ پر ملاقات کی۔اب وہ کانگریس کے ناراض لیڈروں کے گروپ 23سے بھی ملاقات کریں گے۔ کیپٹن کے بی جے پی میں شامل ہونے کی قیاس آرائیاں تب سے عروج پر ہیں جب سے انہوں نے وزیراعلیٰ پنجاب کے عہدے سے استعفیٰ دیا تھا۔ امریندر سنگھ نے بی جے پی میں شامل ہونے سے متعلق سوالات کے جواب دینے سے انکار کر دیا تھا۔ لیکن اس مہینے کے شروع میں وزیر اعلیٰ کے عہدے سے استعفیٰ دیتے ہوئے ، انہوں نے یقینی طور پر متبادل تلاش کرنے کی بات کی تھی۔اس کے ساتھ ہی امریندر سنگھ کی ٹیم نے امیت شاہ کے ساتھ ملاقات کورسمی ملاقات قرار دیا ہے۔ اس کے ساتھ ہی جب کپتان سے مستقبل کے منصوبے کے بارے میں پوچھا گیا تو ان کی ٹیم نے کوئی جواب نہیں دیا۔ کل ان کے میڈیا ایڈوائزر روین ٹھکرال نے کہا ہے کہ کیپٹن امریندر کے دورہ دہلی کے بارے میں بہت کچھ کہا جا رہا ہے۔انہوں نے کہا ہے کہ وہ ایک نجی دورے پر ہیں ، اس دوران وہ کچھ دوستوں سے ملیں گے اور کپورتھلا ہاؤس (قومی دارالحکومت میں پنجاب کے وزیر اعلیٰ کی رہائش گاہ) خالی کریں گے۔ غیر ضروری قیاس آرائیوں کی ضرورت نہیں ہے۔اس مہینے کے شروع میں ، کیپٹن امریندر سنگھ نے نوجوت سدھو سمیت مخالفین کے ساتھ طویل لڑائی کے بعد پنجاب کے وزیر اعلیٰ کے عہدے سے استعفیٰ دے دیا تھا۔ ریاست میں کانگریس کے سب سے قدآور لیڈر کے طور پر دیکھے گئے ، امریندر سنگھ نے کہاہے کہ کانگریس قیادت نے انہیں سدھو کے ساتھ لڑائی میں تین بار ذلیل کیا۔

على اشرف فاطمی جدیو کے قومی جنرل سکریٹری بنائے گئے ، حبیب اللہ ہاشمی نے مبارکباد پیش کی

على اشرف فاطمی جدیو کے قومی جنرل سکریٹری بنائے گئے ، حبیب اللہ ہاشمی نے مبارکباد پیش کی

دربھنگہ (اردو دنیا نیوز۷۲):سابق ضلع پریشد و جنتا دل (یو) اقلیتی سیل کے ریاستی جنرل سکریٹری حبیب اللہ ہاشمی نے سابق مرکزی وزیر علی اشرف فاطمی کو جد یو میں بڑی ذمہ داری ملنے پر مبارکباد پیش کی ہےـ حبیب اللہ ہاشمی نے کہا کہ اس سے پارٹی کو پورے بہار میں مضبوطی ملے گی ـ انھوں نے کہا کہ فاطمی صاحب اقلیتوں ، دلتوں ، پچھڑوں میں یکساں مقبول ہیں،اسی لیے پارٹی کو بہت فائدہ ہوگاـ حبیب اللہ ہاشمی نے بہار کے وزیر اعلیٰ نتیش کمار جی مبارکباد کے مستحق ہیں کہ انہوں نے ایک ایماندار اور پارٹی کے لیے وفادار اور ہمہ وقت متحرک رہنے کے والے علی اشرف فاطمی کو پارٹی میں اعلیٰ ذمہ داری سونپی ہےـ ہاشمی نے کہا کہ علی اشرف فاطمی کی قیادت میں پارٹی نہ صرف متھلانچل بلکہ سیمانچل اور بہار کے دیگر خطوں میں پارٹی فعال اور متحرک ہوگی ـ ہاشمی نے کہا کہ انھیں جنرل سکریٹری بنائے جانے سے متھلانچل کے گاوں گاوں میں خوشی کا ماحول ہے اور عوام نتیش کمار جی کا شکریہ ادا کر رہے ہیں کہ انہوں نے ایک محنتی اور ایمان دار آدمی کوپاڑٹی میں بڑی ذمے داری دی ہےـ

کرناٹک : مذہب تبدیل کرانے کی کوشش کے الزام میں 4 افراد گرفتار ، تھانہ پر ہنگامہ

کرناٹک : مذہب تبدیل کرانے کی کوشش کے الزام میں 4 افراد گرفتار ، تھانہ پر ہنگامہ

یادگیر: کرناٹک کی یادگیر پولیس نے کچھ دلتوں کو عیسائی مذہب میں داخل کرانے کی کوششوں پر چار افراد کو گرفتار کیا ہے۔ یادگیر سپرنٹنڈنٹ آف پولیس (ایس پی) ویدا مورتی نے بتایا کہ پولیس نے انہیں پیر کی شام گرفتار کیا اور پھر چاروں کو عدالتی تحویل میں بھیج دیا۔ ملزمان کی شناخت جیمز، شانتراج، نیلما اور ملما کے طور پر ہوئی ہے۔

نیلاہلی گاؤں میں پیش آنے والے اس واقعہ کی ایک ویڈیو سوشل میڈیا پر وائرل ہوئی ہے جس میں جیمز کچھ نوجوانوں کے ساتھ بحث کرتے ہوئے نظر آرہے ہیں جو دلتوں کو عیسائیت میں تبدیل کرنے کی مخالفت کر رہے ہیں۔ ملزم کو ویڈیو میں یہ بحث کرتے ہوئے بھی دیکھا گیا کہ اس کے پاس بڑے پیمانے پر مذہب تبدیلی کا سرکاری حکم ہے۔

جیمز سے ناراض ان نوجوانوں نے سوال کیا کہ جب گاؤں میں چرچ نہیں ہے تو وہ دلتوں کا مذہب تبدیل کرنے کی کوشش کیوں کر رہا ہے۔ اس کے جواب میں جیمز نے کہا کہ وہ گاؤں کے لوگوں کا مذہب تبدیل کرانے کی کوشش کر رہے ہیں تاکہ خدا کا فضل ان پر قائم رہے۔ جب نوجوان نے جیمز سے سرکاری حکم دکھانے کا مطالبہ کیا جس میں بڑے پیمانے پر تبدیلی کی بات کی گئی ہے لیکن وہ سرکاری حکم نہیں دکھا سکا بلکہ دھمکی دیتے ہوئے دیکھا گیا کہ اسے سنگین نتائج کا سامنا کرنا پڑے گا۔

اس کے بعد نوجوان اتوار کو سید پور تھانے میں جاکر چاروں ملزمان کے خلاف شکایت درج کرائی، لیکن جب انہیں معلوم ہوا کہ گرفتار ملزمان جوابی شکایت درج کرنے کا ارادہ کر رہے ہیں تو انہوں نے پیر کو تھانے کے سامنے احتجاج کیا۔ عیسائی برادری کے لوگ بھی تھانے کے باہر جمع ہوئے اور احتجاج شروع کر دیا اور چاروں گرفتار افراد کی رہائی کا مطالبہ کیا۔ مسیحی برادری کے لوگوں کے پولیس کے ساتھ تصادم میں مظاہرین نے کہا کہ ان لوگوں نے گاؤں میں کسی کا مذہب تبدیل نہیں کرایا ہے۔

ممبئی میں جلوس عید میلاد النبی صلی اللہ علیہ وسلم کے لئے اجازت کے بعد تیاریاں شروع

ممبئی میں جلوس عید میلاد النبی صلی اللہ علیہ وسلم کے لئے اجازت کے بعد تیاریاں شروع

ممبئی 29ستمبر (یو این آئی ) جلوس عید میلادالنبی صلی اللہ علیہ وسلم نکالنے کی اجازت دینے کا مطالبہ اور داعی اسلام مولانا کلیم صدیقی کی گرفتاری کے خلاف احتجاجی میٹنگ کی اجازت ممبئی کے جوائنٹ پولس کمشنر وشواس ناگرے پاٹل اور ایڈیشنل کمشنر ایس بی ون راجیو جین سے مسلم عمائدین شہر اور مسلم تنظیموں کے ذمہ داران اور سربراہان نے ملاقات کے دوران کیا اور کہا کہ مولانا کلیم صدیقی کی بے جا گرفتاری پر مسلمانوں میں غصہ ہے اس لئے ممبئی میں ان کے لئے احتجاجی میٹنگ منعقدکرنے کی جازت دی جائے ساتھ عید میلادالنبی صلی اللہ علیہ وسلم کو بلا کسی شرط اور پابندی کے نکالنے کی اجازت دی جائے چونکہ اب تمام پابندیاں ختم ہو چکی ہیں اور اکتوبر سے عبادتگاہیں بھی کورونا اصول کے ساتھ شروع کر نےکی اجازت دی گئی ہے-

اسی طرز پر جلوس محمدی صلی اللہ علیہ وسلم کو بھی خلافت ہاؤس تا حج کمیٹی تک نکالنے کی اجازت د ی جائے خلافت ہاؤس میں جلوس سے قبل سیرت محمد کے جلسہ کا انعقاد ہو گا اس کے بعد جلوس محمدی شایان شان مسلم اکثریتی علاقوں سے گشت کرتا ہوا حج ہاؤس پر اختتا م پذپز ہو گا چاند کے مطابق عید میلاد النبی صلی اللہ علیہ وسلم 19-20 اکتوبر کو منعقد ہو گا اس لئے جلوس کی اجازت بروقت دی جائے جلوس کمیٹی نے اس کی تیاریاں شروع کر دی ہیں خلافت کمیٹی کے کارگزار صدر سرفراز آرزو نے بتایا کہ خلافت ہاؤس سے نکلنے والے تاریخی جلوس میں عاشقان رسول کی کثرت کے لئے کوشش کی جار ہی ہےکیونکہ کورونا کے بعداب تمام بازار اور عبادگاہیں تک کھل گئی ہیں ایسے میں جلوس محمدی صلی اللہ علیہ وسلم کو پوری کثرت سے اجازت دی جانی چاہئے-

پنچایتی انتخابات کا دوسرا مرحلہ آج ، 34 اضلاع کے 48 بلاکس میں ووٹنگ

پنچایتی انتخابات کا دوسرا مرحلہ آج ، 34 اضلاع کے 48 بلاکس میں ووٹنگ

پٹنہ،29ستمبر - بہار میں پنچایتی انتخابات کے پیش نظر آج دوسرے مرحلے کی ووٹنگ جاری ہے۔ ریاست کے 34 اضلاع کے کل 48 بلاکس میں انتخابات ہو رہے ہیں۔ دیگر اضلاع کے ساتھ ساتھ کٹیہار کے چار بلاکس کی 24 پنچایتوں میں بھی پولنگ ہو رہی ہے۔ یہاں کل 297 پولنگ اسٹیشن قائم کیے گئے ہیں ، جہاں تقریبا 2302 امیدواروں کی قسمت کا فیصلہ ہونا ہے۔انتظامیہ نے پولنگ کے لیے سیکورٹی کے وسیع انتظامات کیے ہیں۔ صبح سے ہی رائے دہندگان اپنے حق رائے دہی کے استعمال کے لیے بڑی تعداد میں پولنگ بوتھ پر جاتے دیکھے گئے۔ دریں اثناء کٹیہار کی دالان مغربی پنچایت میں واقع وارڈ نمبر 6 کے پولنگ اسٹیشن پر ووٹروں میں کافی جوش و خروش پایا گیا۔ ضلع مدھی پورہ کے صدر بلاک میں 17 پنچایتوں میں بھی ووٹنگ جاری ہے۔ یہاں 450 پنچایت کے نمائندوں کو منتخب کیا جانا ہے۔ بھوج پور ضلع میں پولیس نے ایک پریزائیڈنگ افسر کو حراست میں لیا ہے۔ ان پر الزام ہے کہ انہوں نے ایک بزرگ خاتون ووٹر کو ووٹنگ روم میں کسی خاص شخص کو ووٹ دینے کے لیے اکسایا۔واضح رہے کہ اس مرحلے میں ووٹنگ کا شور شام پانچ بجے ہی رک گیا تھا۔ آج ریاست میں کل 23161 عہدوں کے لیے 9886 پولنگ اسٹیشنوں پر ووٹنگ ہو رہی ہے۔ دوسرے مرحلے میں 3402 امیدوار پہلے ہی بلامقابلہ منتخب ہو چکے ہیں۔ بہار اسٹیٹ الیکشن کمیشن نے اس بار پنچایتی انتخابات میں بائیومیٹرک تصدیق کے لیے ووٹروں کا ڈیٹا بھی اپ لوڈ کیا ہے۔

‎مولانا کلیم صدیقی کی غیر قانونی گرفتاری اور آسام میں سرکاری آتنک کے خلاف جلگاؤں میں زوردار احتجاج ، تمام دینی ، ملی ، سیاسی اور سماجی تنظیمیں ایک پلیٹ فارم پر

 مولانا کلیم صدیقی کی غیر قانونی گرفتاری اور آسام میں سرکاری آتنک کے خلاف جلگاؤں میں زوردار احتجاج ، تمام دینی ، ملی ، سیاسی اور سماجی تنظیمیں ایک پلیٹ فارم پر

جلگاؤں(پریس ریلیز): جلگاوں شہر میں کلکٹر آفس پر بڑے پیمانے پر تمام دینی ملی ،سیاسی تحریکوں اور سماجی تنظیموں نے متحد ہوکر مولانا مفتی محمد ہارون ندوی صاحب کی قیادت میں "مولک ادھیکار منچ" کے پرچم تلے جمعیۃ علماء ہند ، جماعت اسلامی، وحدت اسلامی، ایس آئی او ،آئی وائی ایف ، کل جماعتی مشن، تبلیغی جماعت، سنی دعوت اسلامی ،اہل سنت اور سیاسی پارٹیوں میں کانگریس ، راشٹر وادی، سماجوادی ، ایم آئی ایم ، پاپولر فرنٹ آف انڈیا جیسی مختلف جماعتوں اور فعال و مستعد اہلیان جلگاوں نے اتحاد کے ساتھ داعی اسلام مولانا کلیم صدیقی کی غیر قانونی گرفتاری، یوگی تانا شاہی اور گھٹیا نیچ سیاسی ہتھکنڈوں کی جم کر مخالفت کی ۔اور مولانا کی رہائی کا بنا شرط مطالبہ رکھا گیا ،ساتھ ہی آسام میں 800 مکانات منہدم کردینے اور پولیس کی جانب سے حالیہ بربریت جس میں گولیوں سے دو سے تین لوگوں کی جان گئی سنگھی فوٹوگرافر کا لاش پر کودنا اس سرکاری آتنک واد کی بھی جم کر مذمت کی۔ ساتھ ہی ان پولیس والوں پر 302 مرڈر کا کیس درج کرنے کا مطالبہ کیا ۔ تمام تنظیموں ،تحریکوں اور پارٹیوں کے ذمہ داران نے تفصیلی بیان بھی کیا - اور ملک میں پھیلائی جارہی نفرت ، گودی میڈیا کا آتنک ، سرکاری دہشتگردی ، مندر اور مسجد کے نام پر گھٹیا سیاست اور ۔یوپی الیکشن کے گھٹیا منصوبوں کے تذکرے کے ساتھ ملت اور مسلمان نوجوانوں کو ہوش کے ساتھ ساتھ کام کرنے کی نصیحت کی ۔اور حکومت کو بھی خبردار کیا کہ نفرتوں کی سیاست بند کرو ، منافرت ، فرقہ وارانہ فسادات پھیلانے جیسا گھٹیا کام حکومت بند کرے۔حکومت اپنی کمیوں اور کوتاہیوں سےعوام کی نظریں ہٹانے کی خاطر انہیں غیر ضروری معاملات میں الجھا رہی ہے ۔یہ حکومت کا انتہائی گھٹیا عمل ہے ۔ایک حکومت اپنی اقلیت اور اس کے علماء کو اپنے نشانے پر رکھ کر انہیں یر قسم کی ایذاء و تکالیف پہنچارہی ہے ۔غم وغصہ کے باوجود عوام نے انتہائی سنجیدہ اور پر امن مظاہرہ کا پیغام دیا۔اور حکومت کے سامنے اپنی بات دو ٹوک انداز میں رکھی۔ احتجاج بارش اور طوفان کے باوجود صبح 11 سے لیکر دوپہر 3 بجے تک کامیابی کے پرجوش نعروں کے ساتھ چلتا رہا۔ تین بجے ایک وفد جس کے صدر مولانا مفتی محمد ہارون ندوی ، اور کوآرڈی نیٹر مفتی عتیق الرحمان ، مفتی خالد ، مزمل ندوی، محترم فاروق شیخ اور اقبال منیار نے ضلع ادھیکاری ، کلکٹر ابھیجیت راوت کو ہزاروں دستخط کے ساتھ مطالبات کا میمورنڈم دیا ۔کلکٹر صاحب نے یقین دلایا کہ آپ کے جذبات اور مطالبات کو سرکار تک پہنچایا جائے گا۔ اس احتجاجی شاندار ، کامیاب آندولن میں علمائے کرام نے اکیلے ایک تنہا پر ہونے والے ظلم کا متحد ہوکر مقابلہ کرنے کی نصیحت اور اہلیان جلگاوں نے بھی اعلان کیا کہ ہم اپنے علماء کے شانہ بشانہ ، قدم بقدم ساتھ رہیں گے، محترم فاروق شیخ صاحب، محترم عبدالکریم سالار صاحب ، محترم اعجاز ملک صاحب، ایاز علی، ڈاکٹر جاوید ، محترم سہیل سر ڈاکٹر راغیب ، فیروز ملتانی ، فہیم پٹیل ، زکی پٹیل ، سبیان ، اشفاق ، تابش ، ڈاکٹر شاکر، زیان جاگیردار، قاری عقیل، مولانا عبدالرحمان ملی، قاری مشتاق ، مولانا اختر ندوی ، مولانا اعجاز ندوی، ظفر بھائی پینچ، حافظ قاسم ، وسیم محبوب، حافظ اسامہ، حافظ صفی ، عمرفاروق، غرض کہ شہر کے تمام درد مند دل ، متحرک اور غیور نوجوان بڑی کثیر تعداد میں اس پروگرام میں موجود رہے۔ محترم مفتی عتیق الرحمان صاحب خطاب آخر صدر مولانا مفتی محمد ہارون ندوی صاحب کے پر مغز، بیباک خطاب کے ساتھ مفتی خالد صاحب کی دعا پر احتجاج دوپہر تین بجے ختم ہوا

آئی پی ایل کے آخری دو لیگ مقابلے 8 اکتوبر کو ایک ہی وقت پر کھیلے جائیں گے

آئی پی ایل کے آخری دو لیگ مقابلے 8 اکتوبر کو ایک ہی وقت پر کھیلے جائیں گے

دوبئی: انڈین پریمیئر لیگ (آئی پی ایل) کی تاریخ میں ایسا پہلی بار ہونے جارہا ہے کہ دو لیگ میچ ایک ہی تاریخ کو ایک ہی وقت پر کھیلیں جائیں گے اس سے قبل آئی پی یال 2021 کے لیگ میچ ڈبل ہیڈر کے ساتھ آٹھ اکتوبر کو ختم ہونے والے تھےجہاں متحدہ عرب امارات (یو اے ای) کے وقت کے مطابق صبح 11 بجے سے سن رائزرز حیدرآباد (ایس آر ایچ) اور سابقہ فاتح ممبئی انڈینس (ایم آئی) کا مقابلہ ابو ظہبی میں ہونا تھا جبکہ یو اے ای کے وقت کے مطابق شام 6 بجے رائلس چیلنجرس بینگلور (آر سی بی) کا مقابلہ دلی کیپیٹل (ڈی سی) کے خلاف ہونا تھا۔
لیکن اب یہ فیصلہ کیا گیا ہے کہ 8 اکتوبر کو ہی دونوں میچ یو اے ای وقت کے مطابق 6 بجے سے (ہندوستانی وقت کے مطابق ساڑھے سات بجے)کھیلے جائیں گے۔
ہندوستانی کرکٹ کنٹرول بورڈ نے منگل کو پریس ریلیز کے ذریعہ اس بات کی اطلاع دی، اگرچہ اس نے اس کے پیچھے کی وجہ کے بارے میں نہیں بتایا گیا لیکن ای ایس پی این کرک انفو کو اطلاع ملی ہے کہ اس کے انعقاد کے لئے آئی پی ایل کے براڈ کاسٹر اسٹار نے صلاح دی ہے تاکہ اگلے سال یعنی 2022 میں دس ٹیموں کی شرکت والے اس مقابلے کے لئے تیاری کرسکے۔

مسجدیں ایمان کی نشانی اور مرکز ایمان ہے : مولانا احمد ولی رحمانی

مسجدیں ایمان کی نشانی اور مرکز ایمان ہے : مولانا احمد ولی رحمانی

منت نگر مسجد کی توسیع کا حضرت سجادہ نشیں کے ہاتھوں سنگ بنیاد
مونگیر ۲۹؍ستمبر(اردو دنیا نیوز۷۲)
شہر مونگیر کے محلہ منت نگر کی توسیع مسجد ومنارہ کا سنگ بنیاد خانقاہ رحمانی مونگیر کے سجادہ نشیں حضرت مولانا احمد ولی فیصل رحمانی صاحب مدظلہ کے دست مبارک سے بعد نماز ظہر رکھا گیا، بڑھتی ہوئی آبادی کے پیش نظر منت نگر محلہ کے باحوصلہ مسلمانوںنے مسجد کی تعمیر وتوسیع کا فیصلہ کیاہے، اس موقعہ پر جامعہ رحمانی سے جناب الحاج حافظ محمد امتیاز صاحب رحمانی ، مولانا محمد اسلم صاحب رحمانی ،امام مسجد حافظ محمد اکرام الحق صاحب مسجد کے صدر، سکریٹری ،اور اراکین شہر کے معززین موجود تھے۔
حضرت سجادہ نشیںمحترم نے اس موقعہ پر خطاب فرماتے ہوئے فرمایا کہ مسجدیں خدا کاگھر ہیں، اس کی تعمیر وتوسیع میں حصہ لینا ہر صاحب ایمان کی ذمہ داری ہے، جس کے دل میں ذرہ برابر بھی ایمان ہوگا وہ مسجد کی تعمیرمیں حصہ لے گا، یاد رکھئے: مسجدیں ایمان کی نشان اور علامتیںہیں، وہ مرکز ایمان ہیں، ایک مؤمن ہر معاملہ میں اس کی طرف رجوع کرتا ہے، انہوں نے کہا کہ مسجد کی فکر ایمان کی علامت ہے، اس لیے ہر مومن کو اپنے دل میں مسجد کی فکر رکھنی چاہئے، مسجد گھر سے بہتر اور بلند ہونی چاہئے، اللہ کے رسول صلی اللہ علیہ وسلم کو پہلے مسجد کی فکر ہوئی، پھر اپنے گھر کی، اسی طرح ہمیں بھی مسجد کو مقدم رکھنا چاہئے۔حضرت مدظلہ نے اس موقعہ پر کہا کہ مسجد کی تعمیر وتوسیع بڑا نیک کام ہے، اس میں حصہ لینا ہر مسلمان کا دینی اور اخلاقی فریضہ ہے، حدیث میں مسجد کی تعمیر میں حصہ لینے والوں کے لیے اللہ نے جنت میں گھر تعمیر کرنے کی خوشخبری دی ہے، تعمیرمیں حصہ لینے کامطلب روپئے پیسے دینا نہیں ہے، بلکہ جس کے پاس جیسی صلاحیت ہے، اس کے مطابق حصہ لینا ہے، اگر کوئی ایک اینٹ جوڑنے میںہی تعاون کرتا ہے، تو وہ بھی اس وعدہ کا حقدار ہوگا، انہوںنے کہا کہ ہماری یہ سونچ بہت افسوسناک ہے کہ ہم اپنے گھروں کی تعمیر کی فکر تو کرتے ہیں، مگر خدا کے گھر کی تعمیر کی فکر نہیںکرتے، جب کہ یہ مرکز دین اور شعائراللہ ہے۔
سنگ بنیاد کے موقعہ پرعلماء ائمہ کرام کی بڑی جماعت کے علاوہ علاقعہ کے فرزندان توحیدکی بڑی تعداد موجود تھی ۔

آئی پی ایل کی دو نئی ٹیموں کا اعلان 25 اکتوبر کو

آئی پی ایل کی دو نئی ٹیموں کا اعلان 25 اکتوبر کو

ممبئی،آئی پیایل کی دو نئی ٹیموں کا اعلان آئندہ 25 اکتوبر کو کیا جائے گا۔ بی سی سی آئی نے منگل کو ایک بیان جاری کرکے یہ اعلان کیا۔
بی سی سی آئی کے سکریٹری جے شاہ نے بتایا کہ آئی پی ایل گورننگ کونسل نے بھی اس بات پر مہر لگادی ہے کہ 25 اکتوبر کو دو نئی فرنچائزز کا اعلان کیا جائے گا۔ بولی جمع کرانے کی آخری تاریخ 10 اکتوبر تک بڑھا دی گئی تھی۔ معلوم ہوا ہے کہ اب تک تقریبا ً 11 بولی دہندگان نے ٹینڈر دستاویزات خریدی تھیں۔ بی سی سی آئی نے ہر نئی فرنچائزیوں کے لیے 2000 کروڑ روپے (تقریبا 270 ملین امریکی ڈالر) کے شعبے میں کم از کم بولی کی قیمت مقرر کی ہے۔ احمد آباد، لکھنؤ، گوہاٹی اور کٹک سمیت چھ شہر مقابلے میں ہیں، جہاں کامیاب بولی لگانے والی کنہیں دو کامیاب ٹیموں کو آئی پی ایل 2022 میں کھیلنے کا موقع ملے گا۔
بی سی سی آئی نے 25 اکتوبر کو اگلی سائیکل (2023-27) کے لیے آئی پی ایل میڈیا حقوق کے لیے بھی ٹینڈر جاری کرنے کا بھی فیصلہ کیا ہے۔ آئی پی ایل میڈیا حقوق کےکرکٹ میں سب سے پرکشش اور اہم مقام رکھتا ہے۔ 2017 میں ، اسٹار انڈیا نے 2018-22 سیزن کے لیے دنیا بھر میں ٹیلی ویژن اور ڈیجیٹل دونوں کے لئے آئی پی ایل کے حقوق کو ریکارڈ 16347.5 کروڑ روپے (اس وقت 2.55 بلین امریکی ڈالر) خرچ کرکے اپنے نام کیا تھا

حمل ضائع کرنے کی گولی کھانے کے سبب چینائی کی ایک خاتون فوت

 ستمبر 29, 2021

• 

  
  

چنئی: تمل ناڈو کی راجدھانی چنئی میں ایک آٹھ ماہ کی حاملہ خاتون نے محض اس لئے حمل ضائع کرنے کی گولیاں کھا لیں کیونکہ وہ زچگی کے دوران ہونے والی پیچیدگیوں سے خوفزدہ تھی، اس واقعہ میں خاتون کی موت واقع ہو گئی۔ پولیس نے منگل کے روز یہ اطلاع دی۔ 23 سالہ کماری کنجاکم بنیادی طور پر اڈیشہ کی رہنے والی تھی لیکن وہ چنئی میں اپنے شوہر پرتاپ اولاکا اور بھتیجی گیتا کنجاکا کے ساتھ رہتی تھی۔

پولیس نے بتایا کہ متوفی کنجاکم اپنی بھانجی کے ہمراہ ایک ایسی خاتون کی آخری رسومات میں شرکت کے لیے اڈیشہ گئی تھی جو کہ بچے کی پیدائش کی پیچیدگیوں کے سبب فوت ہو گئی تھی۔ اس کے بعد وہ چنئی واپس آنے کے بعد ذہنی دباؤ میں تھی

کنہیا کمار اور کانگریس : کیا دونوں ایک دوسرے کے لیے ڈوبتے کو تنکے کا سہارا ثابت ہوں گے

کنہیا کمار اور کانگریس : کیا دونوں ایک دوسرے کے لیے ڈوبتے کو تنکے کا سہارا ثابت ہوں گے

کنہیا کمار کانگریس میں ہوئے شامل، جگنیش میوانی پارٹی ٹکٹ پر اگلا الیکشن لڑیں گے

کانگریس کے سابق صدر راہل گاندھی کی موجودگی میں کمیونسٹ پارٹی آف انڈیا کے رہنما کنہیا کمار نے منگل کے روزکانگریس میں شمولیت اختیار کی۔ جب کہ گجرات کے ایم ایل اے جگنیش میوانی نے ایک آزاد ایم ایل اے کے طور پر پارٹی میں باضابطہ طور پر شمولیت نہیں لی، لیکن کہا ہے کہ وہ نظریاتی طور پر پارٹی کے ساتھ ہیں اور کانگریس کے ٹکٹ پر اگلا الیکشن لڑیں گے۔

کنہیا کی شمولیت کے دوران دونوں رہنما نئی دہلی میں پارٹی ہیڈ کوارٹر میں موجود تھے۔ کنہیا کمار جے این یو طلبا یونین کے سابق صدر ہیں اور جگنیش میوانی کا تعلق دلت برادری سے ہے۔ جگنیش نے کہا ہے کہ وہ نظریاتی طور پر کانگریس میں شامل ہوئے ہیں لیکن تکنیکی وجوہات کی وجہ سے ابھی باضابطہ طور پر شامل نہیں ہوں گے۔

جگنیش میوانی گجرات کے وڈگام حلقہ سے ایک آزاد ایم ایل اے ہیں اور راشٹریہ دلت ادھیکار منچ (آر ڈی اے ایم) کے کنوینر ہیں۔ 2017 کے گجرات اسمبلی انتخابات میں کانگریس پارٹی نے وڈگام حلقہ میں میوانی کے خلاف اپنا امیدوار کھڑا نہیں کیاتھا۔

کانگریس میں شامل ہونے سے پہلے کمار اور میوانی نے راہل کے ساتھ آئی ٹی او، دہلی کے شہیدی پارک میں بھگت سنگھ کے مجسمیپر گلہائے عقیدت پیش کیا۔ اس دوران گجرات کانگریس کے ورکنگ صدر ہاردک پٹیل بھی موجود تھے۔

کانگریس لیڈر منیش تیواری نے کمار اور میوانی کی شمولیت پر سوالات اٹھائے ہیں۔ انہوں نے ٹویٹ کیا کہ'کچھ کمیونسٹ رہنماوں کے کانگریس میں شامل ہونے کے بارے میں قیاس آرائیاں ہیں۔ 1973 کی کتاب 'کمیونسٹ ان کانگریس' کمار منگلم تھیسس پر پھر سے غور کرناشاید سبق آموز ہوسکتا ہے۔ جتنی زیادہ چیزیں بدلتی ہیں، اتنی ہی وہ شاید ویسی ہی رہتی ہیں۔ انہوں نے آج اسے پھر سے پڑھا

بہار : ایک لاکھ روپے کی رشوت لیتے سرکل انسپکٹر گرفتار

بہار : ایک لاکھ روپے کی رشوت لیتے سرکل انسپکٹر گرفتار

بھاگلپور: بہار ریاستی ویجی لینس انوسٹی گیشن بیورو کی ایک ٹیم نے آج بھاگلپور ضلع کے شاہ کنڈ سرکل کے انچارج سرکل انسپکٹر ابھینندن پرساد سنگھ کو ایک لاکھ روپے کی رشوت لیتے رنگے ہاتھوں گرفتار کرلیا ہے۔ بیورو ذرائع نے منگل کو یہاں بتایا کہ پٹنہ سے آئی جانچ نگرانی ٹیم نے منگل کی صبح انچارج سرکل انسپکٹر ابھینندن پرساد سنگھ کو بھاگلپور شہر کے تلکا مانجھی علاقہ کے جواری پور واقع اس کے گھر پر چھاپے ماری کر شکایت کنندہ سے ایک لاکھ روپے رشوت لیتے رنگے ہاتھ گرفتار کرلیا۔ گرفتار سرکل انسپکٹر کو بیورو کی ٹیم اپنے ساتھ لیکر پٹنہ روانہ ہوگئی۔

ذرائع نے بتایاکہ اس سرکل کے کھیرا گاﺅں باشندہ محمد اقبال انچارج سرکل انسپکٹر کے پاس اپنی زمین کے داخل خارج کرانے کے لئے کئی دنوں سے جا رہا تھا۔ بار۔ بار دوڑ لگانے سے پریشان محمد اقبال نے اس کی تحریری شکایت پٹنہ واقع نگرانی انوسٹی گیشن بیورو سے کی ۔ ذرائع نے بتایا کہ معاملے کی تصدیق کرائے جانے کے بعد بیورو کے ڈپٹی پولیس سپرنٹنڈنٹ ارون کمار پاسوان کی قیادت میں ایک ٹیم کی تشکیل کی گئی۔ اس ٹیم نے منگل کی صبح کارروائی کرتے ہوئے قصوروار سرکل انسپکٹر کو شکایت کنندہ سے ایک لاکھ روپے رشوت لیتے رنگے ہاتھ گرفتار کرلیا ہے۔ ملزم کو تفتیش کے بعد بدھ یعنی آج پٹنہ سے یہاں لاکر بھاگلپور واقع نگرانی کورٹ میں جسمانی طور سے حاضر کرایا جائے گا۔

کم عمری کی شادی پرمکمل پابندی ہونی چاہیے، سماجی تنظیموں نے راجستھان کے نئے قانون کی مخالفت کی

 علامتی تصویر

جے پور28ستمبر(اردو دنیا نیوز۷۲) راجستھان میں بچپن کی شادی سے متعلق ایک نیا قانون منظور ہونے کے بعد سے اس پر تنازعہ بڑھتا جا رہا ہے۔ اپوزیشن کا کہنا ہے کہ اس کے ذریعے حکومت بچپن کی شادی کو تسلیم کرنے کی کوشش کر رہی ہے۔ اس بل کی منظوری کے دوران اسمبلی میں بھی زبردست ہنگامہ ہواہے۔ اس کے ساتھ بچپن کی شادی کے خلاف لڑنے والی تنظیموں اور سماجی تنظیموں نے بھی سوالات اٹھائے تھے۔

راجستھان میں گزشتہ ہفتے اسمبلی میں بچپن کی شادی سے متعلق ایک قانون منظور کیا گیا ہے۔ اس بارے میں سوالات اٹھائے گئے ہیں۔ اپوزیشن کے علاوہ کئی تنظیموں نے بھی اسے پسماندہ قدم قرار دیا ہے۔خواتین اور بچوں کے حقوق سے متعلق تنظیموں اور سماجی گروہوں نے راجستھان کے وزیر اعلیٰ اشوک گہلوت کو ایک خط لکھا ہے۔

ان کا کہنا ہے کہ راجستھان کا ریاستی شادی ترمیمی بل 2021 کہتا ہے کہ بچوں کی شادیوں سمیت ہر قسم کی شادیوں کا اندراج لازمی ہے۔ نابالغوں کے معاملے میں کہا گیا ہے کہ ان کے والدین یا سرپرست اپنی شادی کا اندراج کروائیں۔