بجنور: نیشنل کھو کھو کھلاڑی قتل کیس کاسنسنی خیز انکشاف،ملزم نے زیادتی میں ناکام ہونے پر مقتولہ کا گلا گھونٹ دیا

 گلہ دباکر قتل

بجنور؍میرٹھ، 14ستمبر (اردو دنیا نیوز۷۲) قومی کھو کھو کھلاڑی کے قتل کا انکشاف کرتے ہوئے پولیس نے موبائل ٹریسنگ کے ذریعہ قاتل کو گرفتار کر لیا۔ قتل کا انکشاف کرتے ہوئے پولیس نے بتایا کہ ملزم نے خاتون کھلاڑی کو جنسی زیادتی کے ارادے سے پکڑا تھا ، لیکن احتجاج کرنے اور شور مچانے کے بعد ملزم نے دوپٹے سے اس کا گلا دبا کر قتل کردیا۔ خیال رہے کہ 10 ستمبر کو ایک خاتون کھلاڑی کے دن دہاڑے قتل کے بعد پولیس کو کافی فضیحت ہوئی اور یہ معاملہ ضلع بھر کیلئے ہائی پروفائل کیس بن گیا۔ جس کے بعد ڈی آئی جی شلبھ ماتھر نے خود اس کیس کا چارج لیا،اور تحقیقاتی ٹیمیں مقرر کیں۔اس معاملہ میں انکشاف کرتے ہوئے پولیس نے بتایا کہ عصمت دری میں ناکام ہونے کے بعد ریلوے مزدور شہزاد نے نیشنل خاتون کھوکھو پلیئر کا قتل کیا ہے ۔ پولیس نے بتایا کہ ملزم منشیات کا عادی ہے اور بجنور کے آدم پور کا رہائشی ہے۔

قابل ذکر ہے کہ خاتون جمعہ کی صبح تقریباً. 11.30 بجے گھر سے نکلی تھی کیونکہ اسے ایک سکول میں فزیکل ٹریننگ ٹیچر کے طور پر نئی نوکری کے لیے انٹرویو دینا تھا۔ جب وہ واپس نہیں آئی تو گھر والوں نے اسے ڈھونڈنا شروع کر دیا۔ ایک پڑوسی نے اس کی لاش اس کے گھر سے 100 میٹر کے فاصلے پر ریلوے ٹریک کے سیمنٹ بلاک کے درمیان پایا،وہ مردہ پڑی تھی اور اس کا ایک دانت بھی ٹوٹا ہوا تھا، نیزگردن پر گلا گھونٹنے کے نشانات تھے۔ مقامی پولیس نے جی آر پی کا معاملہ بتا کر معاملہ کو ٹال دیا۔ جس کے بعد بجنور ریلوے اسٹیشن کے جی آر پی پولیس اسٹیشن میں نامعلوم کیخلاف 376،201،302 کے تحت مقدمہ درج کیا گیا۔ جب معاملہ ہائی پروفائل بن گیا تو اسے مقامی تھانے کے حوالے کر دیا گیا۔

ڈی آئی جی نے کہا کہ معاملہ کو سنجیدگی سے لیا گیا ہے اور تحقیقات کی گئی۔ ملزم کو موبائل کال ریکارڈ کی مدد سے نگرانی کے ذریعے گرفتار کیا گیا۔ انہوں نے کہا کہ قاتل کے خلاف سخت کارروائی کی جائے گی۔ واضح ہو کہ جب ملزم نے لڑکی کا قتل کیا تو لڑکی اس سے کچھ دیر قبل فون پر ایک سہیلی سے بات کر رہی تھی۔ جب ملزم نے لڑکی پر حملہ کیا ، لڑکی کی چیخ سن کر دوسری طرف سہیلی نے ریکارڈنگ شروع کردی۔ قیاس کیا جا رہا ہے کہ اس کے بعد فون گر گیاتھا، لیکن ریکارڈنگ جاری رہی ، جس میںمقتولہ اور ملزم کے درمیان ہاتھی پائی کے دوران کہی گئی باتیں ریکارڈ ہوگئی تھیں 

ارریہ، فاربس گنج : شادی شدہ خاتون کو عاشق کے ساتھ قابل اعتراض حالت میں پکڑے جانے پر بنائی تھی ویڈیو، 6 ملزمین گرفتار

 علامتی تصویر

ارریہ ، 14ستمبر (اردو دنیا نیوز۷۲) گاؤں والوں نے شادی شدہ خاتون کو اس کے عاشق کے ساتھ جنسی تعلقات کے دوران رنگے ہاتھوں پکڑ لیا۔ اس کے بعد دونوں نے برہنہ کرکے اس کی ویڈیو بنائی۔ پھر گاؤں والوں نے دو نوں کو زنجیر سے باندھ دیا۔ پھر لوگوں نے پنچایت کر کے ان دونوں پر 21-21 ہزار روپے جرمانہ عائد کیا۔

 

پنچایت کے دوران پولیس بھی موجود تھی ، لیکن پنچایت کے سامنے سرنگوں ہو گئی۔ یہ واقعہ ضلع ارریہ کے فاربس گنج تھانہ علاقہ کے وارڈ نمبر 7 کا ہے۔ کہا جاتا ہے کہ کچھ لوگوں نے پورے واقعے کی ویڈیو بناکر اسے سوشل میڈیا پر بھی ڈال دیا ہے۔ اس کے بعد پولیس کے کام کرنے کے انداز پر سوالات اٹھ رہے ہیں۔ پولیس کی جگ ہنسائی اور طریقۂ کار پر سوال اٹھنے کے بعد پولیس منگل کو متحرک ہوئی اور اس معاملہ میں 6 لوگوں کو گرفتار کرلیا۔ یہ کاروائی فاربس گنج کے ایس ڈی پی او رامپوکر سنگھ نے ارریہ ایس پی ہردیہ کانت کی ہدایات کے بعد کی ہے۔

 

فاربس گنج پولیس نے وائرل ویڈیو کیس کی تفتیش کرتے ہوئے پردھان مرانڈی ، راجو مرانڈی ، شیام لال بیسرا ، جیتھو بیسرا ، کاری مرمو اور رویندر ہیمبرم کو گرفتار کیا، یہ وہ لوگ ہیں، جنہوں نے پنچایت میں حصہ لیا۔ ہے ایس ڈی پی او نے بتایا کہ چھ افراد کو گرفتار کرلیا گیا ہے۔ وائرل ویڈیو کے شواہد کی بنیاد پر گرفتار کیا گیا۔ گاؤں والوں نے ان دونوں کو ناجائز تعلقات رکھنے پر رنگے ہاتھوں پکڑ لیاتھا، پھر اس کے بعد جنسی تعلقات کی ویڈیو بنائی ، بعد ا زاں پنچایت کرکے دونوں پر جرمانہ بھی عائد کردیا گیا ۔پولیس کا دعویٰ ہے کہ دیگر ملزمان کو بھی جلد گرفتار کر لیا جائے گا۔

پی این بی کو راج بھاشا کیرتی پہلا انعام ملا

پی این بی کو راج بھاشا کیرتی پہلا انعام ملا

پی این بی کو راج بھاشا کیرتی پہلا انعام ملا

نئی دہلی، 14 ستمبر (یو این آئی) پبلک سیکٹرکے پنجاب نیشنل بینک کو مالی سال 2020-21 کے لیے "راج بھاشا کیرتی" کا پہلا انعام ملا ہے۔

یہ ایوارڈ بینکوں میں ہندی میں شاندار کام کے لئے ہرسال وزارت داخلہ حکومت ہند کی طرف سے دیاجاتا ہے۔

پنجاب نیشنل بینک گزشتہ چار سالوں سے راج بھاشا کا اعلیٰ "راج بھاشا کیرتی" پہلا انعام حاصل ہو رہا ہے۔

نئی دہلی، 14 ستمبر (یو این آئی) پبلک سیکٹرکے پنجاب نیشنل بینک کو مالی سال 2020-21 کے لیے "راج بھاشا کیرتی" کا پہلا انعام ملا ہے۔

آئی پی ایل 2021 ٹیم کی نیلامی : نئی ٹیموں کی نیلامی 17 اکتوبر کو ہوگی

آئی پی ایل 2021 ٹیم کی نیلامی : نئی ٹیموں کی نیلامی 17 اکتوبر کو ہوگی

آئی پی ایل 2021 ٹیم کی نیلامی : نئی ٹیموں کی نیلامی 17 اکتوبر کو ہوگی

نئی دہلی،14؍ ستمبر-آئی پی ایل کے اگلے سیزن میں دو نئی ٹیمیں کھیلتی نظر آئیں گی۔ اس کے لیے نیلامی کا عمل 17 اکتوبر کو منعقد ہونے کا امکان ہے۔ فی الحال ہندوستانی کرکٹ کنٹرول بورڈ (بی سی سی آئی) نے نیلامی کی تاریخ اور جگہ کا باضابطہ اعلان نہیں کیا ہے، تاہم اس کا اعلان جلد کیا جا سکتا ہے۔ آئی پی ایل کا دوسرا مرحلہ 19 ستمبر سے متحدہ عرب امارات میں شروع ہونے والا ہے۔ اس کی تکمیل کے دو دن بعد ہی نیلامی کا اہتمام کیا جا سکتا ہے۔ذرائع کے مطابق نیلامی کی تاریخ تقریبا 17 اکتوبر مقرر ہے اور نیلامی کے حوالے سے کوئی بھی وضاحت 21 ستمبر تک لی جا سکتی ہے۔ آئی پی ایل گورننگ کونسل نے نئی ٹیموں کی بولی کے لیے 31 اگست کو ٹینڈر جاری کیا تھا۔ یہ نیلامی متحدہ عرب امارات میں آئی پی ایل کے دوسرے مرحلے کے اختتام کے دو دن بعد ہو سکتی ہے، اس لیے یہ پروگرام دبئی یا مسقط میں منعقد کیا جا سکتا ہے۔ ملک میں کورونا وبا کے پیش نظر نیلامی کی نوعیت کے بارے میں شکوک و شبہات تھے۔ اب یہ تقریبا واضح ہوچکا ہے کہ کوئی ای ۔نیلامی نہیں ہوگی۔بی سی سی آئی نے ابھی تک کھلاڑیوں کو برقرار رکھنے کے قواعد کی تصدیق نہیں کی ہے۔ مزید یہ کہ میگا نیلامی کی تفصیلات نومبر 2021 میں فراہم کیے جانے کا امکان ہے اور نیلامی کی تاریخ جنوری 2022 مقرر کی جا سکتی ہے۔ دو ٹیموں کے اضافے کے بعد ہر ٹیم کے میچوں کی تعداد میں اضافہ کیا جا سکتا ہے۔ تاہم ابھی تک اس کی کوئی سرکاری تصدیق نہیں ہے۔ آئی پی ایل میں اب تک ہر ٹیم گروپ مرحلے میں مجموعی طور پر 14 ہوم میچ کھیلتی ہے اور سات میچ دوسرے مقامات پر۔

سفری پابندیاں ختم کرنے کا اصول مقامی اور غیر ملکی شہریوں پر نافذ ہوگا۔ سعودی عرب

 ستمبر 14, 2021

• 

  
  

ریاض، 14 ستمبر (یو این آئی) سعودی وزارت داخلہ نے کہا ہے کہ سفری پابندیاں ختم کرنے کا اصول سعودی شہریوں سمیت غیرملکیوں پر بھی لاگو ہوگا۔مملکت کی وزارت داخلہ نے اہم وضاحت جاری کرتے ہوئے کہا ہے کہ سعودی عرب نے جن ممالک پر عائد سفری پابندی اٹھائی اس سے مقامیوں سمیت یہاں مقیم غیرملکیوں کو بھی فائدہ ہوگا، یہ اصول مذکورہ افراد کے لیے بھی ہے۔سعودی وزارت داخلہ کے مطابق سفری پابندیاں ختم کرنے کا اصول سعودی شہریوں پر ہی نہیں بلکہ مقیم غیرملکیوں پر بھی لاگو ہوگا، تارکین وطن بھی مستفید ہوسکتے ہیں۔

وزارت کے ترجمان طلال الشلھوب نے کہا ہے کہ حالیہ دنوں میں جن ملکوں پر سے سفری پابندیاں ختم کرنے کا فیصلہ کیا گیا ہے اس کا فائدہ سعودی شہریوں اور مقیم غیرملکیوں دونوں کو ہوگا۔انہوں نے یہ بھی وضاحت کردی کہ جن ممالک سے سفری پابندی اٹھائی گئی ہے ان کے شہری سعودی عرب آ سکیں گے بشرطیکہ وہ اب تک ممنوعہ فہرست میں شامل ممالک سے نہ گزرے ہوں۔

جبکہ جو شخص بھی پابندی والے ممالک گیا ہوگا اسے مملکت آنے سے قبل 14 روز اجازت یافتہ ممالک میں سے کسی ایک ملک میں گزارنا ہوں گے۔سعودی حکام نے کہا ہے کہ سفر کے دوران‘کورونا بچاؤ اصولوں ’پر بھی عمل کرنا لازمی ہوگا۔

مہاراشٹر: وردھا ندی میں کشتی پلٹنے سے دردناک حادثہ، 11 افراد ہلاک، کئی لاپتہ

 ستمبر 14, 2021

• 

  
  

مہاراشٹر کے وردھا ضلع میں وردھا ندی میں ایک کشتی پلٹنے سے بڑا حادثہ سرزد ہوا ہے۔ اس حادثے میں اب تک 11 لوگوں کی موت کی خبریں سامنے آ رہی ہیں۔ کئی لوگوں کے لاپتہ ہونے کی اطلاع بھی موصول ہوئی ہے۔ بتایا جا رہا ہے کہ ندی کنارے سے دوسری طرف جاتے وقت کشتی اچانک الٹ گئی۔ حالانکہ کشتی کیسے ڈوبی، اس سلسلے میں فی الحال کچھ مصدقہ طور پر نہیں کہا جا سکتا۔ حادثہ بینودا تھانہ حلقہ کے ورود تعلقہ واقع جھنج گاؤں کے پاس پیش آیا۔

 

یہ بھی پڑھیں : مہنگائی پیچھا نہیں چھوڑ رہی،’ڈبلیو پی آئی‘ 11.16 فیصد سے بڑھ کر 11.39 فیصد ہوئی
میڈیا رپورٹ کی مانیں تو کشتی پر زیادہ لوگ سوار تھے۔ کشتی میں 30 افراد سوار تھے جو کہ اس کشتی کی صلاحیت سے زیادہ تھے۔ ندی میں طغیانی بھی تھے اور امکان ظاہر کیا جا رہا ہے کہ زیادہ لوگوں کے سوار ہونے کی وجہ سے کشتی پلٹ گئی۔ کشتی کو ڈوبتے دیکھ کر مقامی لوگ وہاں پہنچے اور بچاؤ کام شروع کیا۔

 

واضح رہے کہ گزشتہ ہفتے آسام میں بھی کشتی حادثہ ہوا تھا۔ وہاں جورہاٹ میں دو کشتیاں آپس میں ٹکرا گئی تھیں جس کے سبب ایک کشتی پلٹ گئی اور اس پر موجود 80 سے زائد لوگ ڈوب گئے تھے۔ بیشتر لوگوں کو فوری کارروائی کرتے ہوئے بچایا لیا گیا تھا، اور کچھ افراد خود کسی طرح تیر کر کنارے تک آ گئے تھے۔ حادثہ میں ایک خاتون کی موت ہوئی تھی اور کچھ لوگ لاپتہ ہو گئے تھے۔

بلااجازت عمرہ اداکرنے کی کوشش پر 10 ہزار ریال جرمانہ ہوگا

بلااجازت عمرہ اداکرنے کی کوشش پر 10 ہزار ریال جرمانہ ہوگا

ریاض،۱۴؍ستمبر-سعودی عرب نے بلااجازت عمرہ ادا کرنے کی کوشش کرنے والے افراد پر2666 ڈالر (10 ہزار ریال) جرمانہ عاید کرنے کا اعلان کیا ہے۔سعودی عرب کی قومی سلامتی ٹیم نے ٹویٹر پرایک پوسٹ میں کہا ہے کہ مقدس شہر مکہ مکرمہ کی حدود میں بغیر اجازت کے داخل ہونے کی کوشش کرنے والوں پربھی 266 ڈالر (1000 ریال) جرمانہ عاید کیا جائے گا۔قومی سلامتی کے ادارے نے بتایا کہ نئے جرمانے کرونا وائرس کو پھیلنے سے روکنے کے لیے مملکت کے احتیاطی اورحفاظتی اقدامات کا حصہ ہیں۔ان کا مقصداس بات کو یقینی بنانا ہے کہ عمرے کے دوران میں تمام تدابیر اوراحتیاطی قوانین پرعمل کیا جائے۔ المسجد الحرام میں داخلے کا اجازت نامہ اسلام کے مقدس ترین شہر میں عمرہ کے لیے جانے کے خواہش مندافراد کو مسجد حرام میں داخل ہونے کا اجازت نامہ بھی حاصل کرنا ہوگا۔ یہ اجازت نامہ سعودی عرب کی کووِڈ-19 کی ٹریکنگ ایپس توکلنااوراعتمرناکے ذریعے حاصل کیا جا سکتا ہے۔سعودی عرب کی وزارتِ حج وعمرہ نے جمعرات 9 ستمبر سے روزانہ 70 ہزارافراد کو عمرے کی اجازت دینے کا اعلان کیا تھا۔وزارت نے بدھ کے روز ایک ٹویٹ میں احتیاطی تدابیرپر عمل درآمد پر زور دیتے ہوئے کہا تھاکہ مجازحکام کے ساتھ مل کر روزانہ عمرہ کرنے والے عازمین کی گنجائش 70 ہزارتک بڑھائی جارہی ہے۔سعودی پریس ایجنسی کے مطابق وزارت حج وعمرہ نے 9 اگست سے مختلف ممالک سے بتدریج عمرہ کی درخواستوں کی وصولی شروع کردی تھی۔نیزوزارتِ حج وعمرہ بتدریج ماہانہ 20 لاکھ تک عازمین کو عمرہ ادا کرنے کی اجازت دینے کے لییاقدامات کررہی ہے۔ وزارت نے اس بات کی بھی تصدیق کی ہے کہ 12سے 18 سال کی عمر کے زائرین کو گھریلوعمرہ پرمٹ جاری کیا جائے گا لیکن اس کی شرط یہ ہے کہ انھوں نے کووِڈ-19 کی ویکسین کی دونوں خوراکیں لگوا رکھی ہوں ۔

ہماچل کے وزیراعلیٰ دہلی طلب

ہماچل کے وزیراعلیٰ جے رام ٹھاکور

• 
  
  

 (اردو دنیا نیوز۷۲) نئی دہلی

ریاست ہماچل پردیش کے وزیر اعلی جے رام ٹھاکر کو بی جے پی ہائی کمان نے دہلی بلایا ہے۔

ریاستی بی جے پی کے عہدیداروں کو بھی ان کے ساتھ بلایا گیا ہے۔ جس کی وجہ سے ہماچل کی سیاست میں بحث شروع ہو گئی ہے ، کیونکہ وزیر اعلیٰ اتوار کو ہی دہلی سے واپس آئے تھے۔

اس کے ساتھ ہی چند روز قبل گجرات کے وزیر اعلیٰ کے استعفیٰ کے بعد ہماچل میں بھی بحث کا بازار گرم ہے۔

وزیراعلیٰ جے رام ٹھاکر اور بی جے پی کے عہدیدار آج شام دہلی میں بی جے پی ہائی کمان کے ساتھ میٹنگ کریں گے۔

ریاستی انچارج اویناش رائے کھنہ ، سنجے ٹنڈن ، ریاستی وزیر پون رانا اور ہماچل بی جے پی کے صدر سریش کشیپ اس میں موجود ہوں گے۔

قیاس کیا جا رہا ہے کہ اس اجلاس میں ریاست کی سیاسی صورتحال اور آئندہ ضمنی انتخابات پر تبادلہ خیال کیا جائے گا۔ 

اب کانگریس کو بی جے پی کو گھیرنے کا موقع ملا۔ ملک بھر میں بی جے پی میں جاری سیاسی ہلچل کے درمیان کانگریس قائدین کو وزیر اعلیٰ جئے رام ٹھاکر کو گھیرنے کا موقع بھی ملا ہے۔

وہ یہاں تک کہہ رہے ہیں کہ چیف منسٹر کو دہلی بلائے جانے کی وجہ انہیں ہٹانا ہے۔

 کانگریس ایم ایل اے وکرما دتیہ نے کولو کے ڈھلپور میدان میں جن آکروش ریلی سے خطاب کرتے ہوئے کہا کہ کرناٹک، گجرات، اتراکھنڈ اور ہماچل کی طرح بی جے پی بھی راتوں رات وزیراعلیٰ تبدیل کر سکتی ہے۔

آشیرواد ریلی وزیراعلیٰ کو کمزور دکھانے کا منصوبہ تھا۔ سابق وزیر اعلیٰ ویربھدر سنگھ کے بیٹے وکرمادتیہ سنگھ کا کہنا ہے کہ ماضی میں جس طرح سے آشیرواد ریلی نکالی گئی تھی اس سے ظاہر ہوتا ہے کہ وزیراعلیٰ کو تبدیل کیا جا سکتا ہے

کورونا کی تیسری لہر کم خطرناک ہوگی، لیکن وقت وقت پر کورونا اپنا اثر دکھاتا رہے گا

 ستمبر 14, 2021

• 

  
  

بنارس ہندو یونیورسٹی (بی ایچ یو) میں انیمل سائنس محکمہ کے سینئر ماہر جینیات پروفیسر گیانیشور چوبے کا کہنا ہے کہ کورونا وائرس کی تیسری لہر کم سنگین اور کم خطرناک ہوگی۔ خصوصاً ان لوگوں کے لیے جنھیں ٹیکہ لگایا گیا ہے اور جو اس وائرس سے ٹھیک ہو چکے ہیں۔ انھوں نے کہا کہ جن لوگوں کو کووڈ-19 کا ٹیکہ لگایا گیا ہے اور وہ ٹھیک ہو گئے ہیں، وہ تیسری لہر کے دوران محفوظ گروپ کے تحت آئیں گے۔

پروفیسر گیانیشور کا کہنا ہے کہ تیسری لہر کا امکان کم از کم تین مہینے بعد دیکھنے کو ملے گا، لیکن کورونا وائرس پر قابو پانے کے لیے جاری ٹیکہ کاری مہم سے لوگوں کی مدافعتی صلاحیت بڑھے گی اور انھیں لہر کا مقابلہ کرنے میں مدد ملے گی۔

انھوں نے کہا کہ ’’جیسا کہ ہر تین مہینے میں اینٹی باڈی کی سطح گرتی ہے، تیسری لہر کا امکان ہوتا ہے۔ اس معنی میں اگر اگلے تین مہینوں میں اینٹی باڈی کی سطح گرتی ہے تو تیسری لہر آ سکتی ہے۔

لیکن موجودہ ٹیکہ کاری مہم سے وائرس کے خلاف لڑائی میں مدد ملے گی۔ اگر مرض سے لڑنے کی ہماری صلاحیت 70 فیصد سے زیادہ ہے تو اس گروپ میں کووڈ کا اثر کم ہوگا اور دھیرے دھیرے اس کی رفتار کم ہونے لگے گی۔

کالا کوٹ پہن لینے سے آپ کی زندگی قیمتی نہیں ہوجاتی: سپریم کورٹ

 ستمبر 14, 2021

• 

  
  

نئی دہلی ، 14 ستمبر (یو این آئی) ’’اگر آپ نے کالا کوٹ پہنا ہے تو اس کا مطلب یہ نہیں ہے کہ آپ کی زندگی زیادہ قیمتی ہے‘‘۔ یہ اہم تبصرہ سپریم کورٹ نے منگل کے روز 60 سال کی عمر سے پہلے کورونا یا دیگر وجوہات کی وجہ سے فوت ہونے والے وکلاء کے لواحقین کے لیے 5 لاکھ روپے کی ایکس گریشیا سے متعلق مفاد عامہ کی عرضی کو مسترد کرتے ہوئے کیا۔

جسٹس ڈی وائی چندرچوڑ ، جسٹس وکرم ناتھ اور جسٹس ہیما کوہلی کی ایک ڈویژن بنچ نے ایڈوکیٹ پردیپ کمار یادو کی درخواست خارج کرتے ہوئے ان پر 10 ہزار روپے جرمانہ بھی عائد کیا اور کہا کہ یہ پٹیشن ’مفاد عامہ کی عرضی‘ نہیں بلکہ ’پبلی سٹی انسٹریسٹ لٹیگیشن‘ ہے۔

جسٹس چندرچوڑ نے کہا کہ ایسا نہیں ہے کہ وکلاء اپنی برادری کو ایکس گریشیا ادائیگی کے لیے پٹیشن دائر کرتے ہیں اور جج اسے کرلیں گے۔انہوں نے کہا ’’بے شمار لوگ مر جاتے ہیں اور آپ اس سے مستثنیٰ نہیں ہو سکتے۔ اگر آپ کالا کوٹ پہنے ہوئے ہیں تو اس کا یہ مطلب نہیں کہ آپ کی زندگی بہت قیمتی ہے‘‘۔

عدالت کے موقف کو سمجھتے ہوئے ، درخواست گزار نے درخواست واپس لینے کی اجازت مانگی ، لیکن جسٹس چندرچوڑ نے اس کی اجازت نہیں دی اور درخواست کو خارج کر دیا ، یہ بھی کہا کہ درخواست میں ایک بھی بنیاد متعلقہ نہیں ہے۔ عدالت نے درخواست گزار پر 10 ہزار روپے جرمانہ بھی عائد کیا۔بنچ نے واضح کیا کہ سپریم کورٹ پہلے ہی کورونا کی وجہ سے مرنے والوں کے لواحقین کو امداد ی رقم سے متعلق اپنا فیصلہ سنا چکا ہے۔

ماسک کا استعمال ابھی کتنے دن تک کرنا ہے : مرکزی حکومت کا بیان

ماسک کا استعمال ابھی کتنے دن تک کرنا ہے : مرکزی حکومت کا بیان

نئی دہلی _ کورونا وائرس کی وبا پہلے ہی دو مرتبہ ملک کو اپنی لپیٹ میں لے چکی ہے۔ اور اب لوگ الجھن میں ہیں کہ تیسری لہر کب آئے گی۔ تاہم ، جیسے جیسے معاملات بڑھتے جائیں گے ، بہت سی احتیاطی تدابیر اختیار کرنا پڑے گا ۔ جس میں ماسک کا استعمال انتہائی اہمیت کا حامل ہے ماسک کتنے دن تک استعمال کرنا ہے اب تک اس کے بارے میں کسی نے بھی واضح نہیں کیا ہے ۔ کئی ممالک نے کورونا کے دوران ٹیکہ لینے والوں کو ماسک کے استعمال کو ختم کرنے کا مشورہ دیا ہے وہاں کی حکومتوں کا کہنا ان لوگوں کے لیے ماسک کی ضرورت نہیں ہے جن کو دو ٹیکہ لگایا گیا ہے۔۔ اس تناظر میں حکومت ہند نے ماسک کے استعمال کے بارے میں آج وضاحت کردی ہے کہ مزید کتنے دن تک اس کا استعمال کرنا ہے اس خصوص میں نیتی آیوگ کے رکن ، وی کے پال نے اس سوال کا جواب دیا ۔

وی کے پال نے واضح کیا کہ 2022 تک ماسک پہننا ضروری ہے۔ انہوں نے کہا کہ ملک میں تہواروں کا سیزن شروع ہوتے ہی تیسری لہر کا خطرہ لاحق ہو سکتا ہے۔ انہوں نے کہا کہ کورونا کو ویکسین ، ایمرجنسی ادویات اور سخت پابندیوں سے چیک کیا جا سکتا ہے۔انہوں نے لوگوں کو خبردار کیا کہ وہ ماسک کے استعمال میں غفلت نہ برتیں ، اس سے خطرہ بڑھ جائے گا۔ مرکزی حکومت نے پہلے ہی ریاستوں اور مرکز کے زیر انتظام علاقوں کو ہدایت کی ہے کہ وہ اس بات کا خیال رکھیں کہ تہواروں کے دوران کوئی بڑا ہجوم جمع نہ ہو۔

خبر غم: ناندیڑ کے عبدالحسیب انجینئر کا انتقال

 ستمبر 14, 2021

• 

  
  

ناندیڑ:14. ستمبر۔ (اردو دنیا نیوز۷۲) ناندیڑ شہر کے معروف انجینیرعبدالحسیب صاحب عمر تقریباً 52 سال کا آج صبح چار بجے علالت کے باعث احمد نگر میں دوران علاج انتقال ہوگیا۔انا للہ وانا اليه راجعون۔

وہ گردے کے عارضہ میں مبتلا تھے۔اور علاج کی غرض سے احمد نگر گئے تھے۔تبلیغی جماعت ناندیڑ کےذمہ دار جناب عبدالسالار انجینئر کے وہ چھوٹے بھائی تھے۔یاد رہے کہ اگست کے مہینہ میں عبدالحسیب کے بڑے فرزند عبدالطحہ کا سڑک حادثہ میں انتقال ہوگیا تھا۔جس کاانھیں گہرا صدمہ پہنچا تھا۔

آج رات انجینیرعبدالحسیب کی تدفین ناندیڑ میں عمل میں آئے گی۔انکے پسماندگان میں بیوہ، دو لڑکے اور ایک بیٹی ہے۔اللہ تعالیٰ سے دعا ہے کہ وہ مرحوم کی مغفرت فرمائے اور لواحقین کو صبر جمیل عطاء کرے

تبدیلی مذہب قانون پریوپی حکومت کو ہائی کورٹ کا نوٹس

تبدیلی مذہب قانون پریوپی حکومت کو ہائی کورٹ کا نوٹس

• 
  
  

پریاگراج: الہ آباد ہائی کورٹ نے ایک درخواست پر نوٹس جاری کیا ہے جس میں اتر پردیش کے تبدیلی مذہب قانون کو چیلنج کیا گیا ہے۔

قائم مقام چیف جسٹس منیشور ناتھ بھنڈاری کی سربراہی میں بنچ نے درخواست کو دیگر زیر التواء درخواستوں کے ساتھ ٹیگ کیا اور تین ہفتوں کے بعد اسے فہرست میں شامل کیا۔ تبدیلی مذہب قانون کے خلاف پہلے ہی دوپی آئی ایل دائر کی جا چکی ہیں۔

نئی درخواست سمیت تمام درخواستوں پر اب آئندہ تاریخ پر سماعت متوقع ہے۔ یہ درخواست آنند مالویہ (درخواست گزار) نے ایڈوکیٹ شادان فراست اور طلحہ عبدالرحمان کے ذریعے دائر کی تھی۔

مالویہ ، ایک ریٹائرڈ سرکاری ملازم ہیں جنھوں نے حکومت ہند کے قومی نمونہ سروے آفس میں سینئر شماریاتی افسر کی حیثیت سے خدمات انجام دی ہیں۔ انہوں نے دلیل دی کہ یہ قانون، آئین کے سیکولر کردار کے خلاف ہے اور انتخاب کی آزادی اور مذہب کی آزادی کی خلاف ورزی کرتا ہے۔

انہوں نے کہا کہ قانون بنیادی طور پر موجودہ آئینی پوزیشن کی نفی کرتا ہے اور مختلف مذاہب سے تعلق رکھنے والے افراد کو شادی سے پہلے ریاست سے 'اجازت' لینے پر مجبور کرتا ہے۔

درخواست میں کہا گیا ہے کہ یہ عمل فرقہ واریت کی آگ بھڑکانے کی ایک خفیہ کوشش ہے ، اور سماج کو ذات اور مذہبی بنیادوں پر تقسیم کرنے کی کوشش ہے۔

۔ درخواست گزار نے اس بات پر بھی روشنی ڈالی کہ بین مذہبی شادی کے معاملات سامنے آنے کے بعد کانپور میں ایک خصوصی تحقیقاتی ٹیم (ایس آئی ٹی) تشکیل دی گئی تھی ، لیکن کوئی بڑے پیمانے پر سازش نہیں ملی۔ اس معاملے سے متعلق دیگر درخواستوں کے ساتھ 5 اکتوبر کو دوبارہ سماعت ہوگی۔

اوڈیشہ میں بھاری بارش سے 3 افراد کی موت ، 19 زیادہ افراد متاثر لاکھ سے

اوڈیشہ میں بھاری بارش سے 3 افراد کی موت ، 19 زیادہ افراد متاثر لاکھ سے

بھونیشور: اوڈیشہ کے 11 اضلاع کے 19.53 لاکھ سے زیادہ لوگ اتوار کے روز صبح سے ریاست میں ہو رہی بھاری بارش سے شدید متاثر ہوئے ہیں۔ عہدیداران نے پیر کے روز یہ اطلاع فراہم کی۔ خصوصی راحت کمشنر (ایس آر سی) کے دفتر کی جانب سے تیار کردہ رپورٹ کے مطابق 11 اضلاع کے 2789 گاؤوں میں 19.53 لاکھ سے زیادہ افراد بارش سے متاثر ہوئے ہیں۔گیارہ اضلاع جو بارش سے متاثر ہیں وہ کالاہانڈی، کندھمال، کوراپٹ، کٹک، جاجپور، پوری، جگت سنگھ پور، کیندر پاڑا، ڈھینکنال، کھوردھا اور انگل ہیں۔ حکومت نے کہا کہ اس نے پانچ متاثرہ اضلاع کے ذیلی علاقوں سے 3819 لوگوں کو نکالا ہے، جبکہ 9 متاثرہ اضلاع میں 265 مکانوں کو نقصان پہنچا ہے۔

رپورٹ کے مطابق پیر کے روز ریاست میں تین، کیندر پاڑا سے دو دیواروں کے گرنے اور ایک کی ڈوبنے سے موت ہونے کی خبر کھوردھا ضلع سے موصول ہوئی ہے۔ لگاتار بارش کے بعد اوڈیشہ کی اہم ندیاں اپھان پر ہیں۔ سرکاری ذرائع نے بتایا کہ مہاندی کی آبی سطح مختلف مقامات پر بڑھ رہی ہے۔

جلاکا ندی مہتانی میں 05.60 میٹر پر بہہ رہی ہے جبکہ خطرے کا نشان 5.50 میٹر پر ہے۔ بھاری بارش کے سبب محکمہ آبی وسائل کے تمام ملازمین کی چھٹیاں منسوخ کر دی گئی ہیں۔ پوری، کھوردھا، کٹک، جگت سنگھ پور، کیندر پاڑا، دھینکنال، نیاگڑھ، سنبل پور، دیوگڑھ، انگول، سونپور اور برگڑھ کے سبھی اسکول دو دن، 13 اور 14 ستمبر کے لیے بند ہیں۔

علی گڑھ : پرتاپ سنگھ یونیورسٹی کا سنگ بنیاد مودی آج رکھیں گے

آج ہوگی تقریب

اردو دنیا نیوز۷۲ :وزیر اعظم نریندر مودی آج یعنی 14ستمبر 2021 کو تقریباً 12 بجے علی گڑھ ، اتر پردیش میں راجہ مہندر پرتاپ سنگھ اسٹیٹ یونیورسٹی کا سنگ بنیاد رکھیں گے ، جس کے بعد اس موقع پر ان کا خطاب بھی ہوگا۔

وزیر اعظم اترپردیش ڈیفنس انڈسٹریل کوریڈور(دفاعی صنعتی راہدری) اور راجہ مہندر پرتاپ سنگھ اسٹیٹ یونیورسٹی کے علی گڑھ نوڈ کے نمائشی ماڈلز کا بھی دورہ کریں گے۔

راجہ مہندر پرتاپ سنگھ اسٹیٹ یونیورسٹی کے بارے میں یہ یونیورسٹی ریاستی حکومت کی طرف سے عظیم مجاہد آزادی ، ماہر تعلیم اور سماجی مصلح راجہ مہندر پرتاپ سنگھ جی کی یاد اور اعزاز میں قائم کی جا رہی ہے۔

یہ یونیورسٹی علی گڑھ کی کول تحصیل کے گاؤں لودھا اور موسی پور کریم جارولی گاؤں میں 92 ایکڑ سے زائد رقبے میں قائم کی جا رہی ہے۔ یہ یونیورسٹی علی گڑھ ڈویژن کے 395 کالجوں کو الحاق فراہم کرے گی۔

اترپردیش کی ڈیفنس انڈسٹریل کوریڈور(دفاعی صنعتی راہداری) کے بارے میں اتر پردیش میں دفاعی صنعتی راہداری کے قیام کا اعلان وزیر اعظم نے 21 فروری 2018 کو لکھنؤ میں یو پی سرمایہ کاروں کے اجلاس کا افتتاح کرتے ہوئے کیا تھا۔

علی گڑھ نوڈ میں علی گڑھ ، آگرہ ، کانپور ، چترکوٹ ، جھانسی اور لکھنؤ - کے کل 6 نوڈس میں دفاعی صنعتی راہداری کامنصوبہ بنایا گیا ہے۔علی گڑھ نوڈ میں،زمین کی تقسیم کا عمل مکمل ہو چکا ہے اور 19 فرموں کو زمین الاٹ بھی کر دی گئی ہے ، یہ فرم ان نوڈس میں 1245 کروڑ روپے کی سرمایہ کاری کریں گے۔

اترپردیش کی ڈیفنس انڈسٹریل کوریڈور ملک کو دفاعی پیداوار کے شعبے میں خود کفیل بنانے اور 'میک ان انڈیا' کو فروغ دینے میں مدد فراہم کرے گی۔ اترپردیش کی گورنرمحترمہ آنندی بین پٹیل اور وزیر اعلی یوگی آدتیہ ناتھ اس موقع پرموجود رہیں گے۔

خشخاش کے طبی فوائد اور نقصانات

 ستمبر 14, 2021

• 

  
  

قدیم زمانے سے متعدد بیماریوں میں بطور دوا استعمال کیے جانے والے بیج خشخاش کے استعمال سے بے شمار فوائد حاصل ہوتے ہیں، خشخاش کی افادیت سائنس سے بھی ثابت شدہ ہے۔زمانہ قدیم سے بزرگ افراد کی جانب سے خشخاش کے استعمال کا مشورہ دیا جاتا ہے، یہ بیچ خصوصاً خواتین کے لیے بہترین ہے۔

غذائی اور ماہرینِ جڑی بوٹیوں سمیت میڈیکل سائنس سے بھی ثابت شدہ خشخاش کی خصوصیات اور اس کے استعمال سے صحت پر حاصل ہونے والے بے شمار فوائد مندرجہ ذیل ہیں۔

خشخاش بہترین اینٹی آکسیڈنٹ جُز ہے

ماہرین جڑی بوٹیوں و غذائی ماہرین کے مطابق خشخاش فائبر سے بھرپور بیج ہے، صرف 9 گرام خشخاش یا ایک چائے کے چمچ مقدار خشخاش میں 46 کیلوریز، 1.6 گرام پروٹین، 3.7 گرام چکنائی، 1.7 گرام فائبر، میگنیز، کاپر، کیلشیم، میگنیشیم، فاسفورس، زنک، تھیامین اور آئرن جیسے اہم منرلز بڑی مقدار میں پائے جاتے ہیں۔

ماہرین کا کہنا ہے کہ خشخاش میں ایک جُز کیمیا پولی فینل ( chemia polyphenol) بھی پایا جاتا ہے جو بے شمار اینٹی آکسیڈنٹ کا مجموعہ ہوتا ہے اور صحت پر کئی اچھے اثرات کے ساتھ بہت سی بیماریوں سے بچاتا ہے، بیماریوں کے خلاف لڑنے میں قوت مدافعت میں اضافہ کرتا ہے۔

خشخاش کی تاثیر گرم ہے، خشخاش میں پایا جانے والا منرل میگنیز ہڈیوں کے لیے انتہائی مُفید غذا ثابت ہوتا ہے جبکہ خشخاش کا استعمال خُون جمنے سے روکتا ہے اور جسم میں خون کی کارکردگی بہتر بناتا ہے جس کہ سبب تمام اعضاء کا نظام بہتر ہوتا ہے۔

خشخاش کا تیل اومیگا 6 اور 9 سے بھرپُور ہوتا ہے جبکہ اس میں اومیگا 3 کی بھی کُچھ مقدار پائی جاتی ہے۔

خشخاش کے بیج نیند کی کمی کو دور کرتے ہیں

خشخاش بہتر نیند کے لیے کارآمد ہے، پرسکون نیند کے لیے خشخاش کی چائے بنا کر بھی پی جا سکتی ہے یا اس کا پیسٹ بنا کر گرم دودھ میں ملا کر بھی استعمال کیا جا سکتا ہے۔

ذیابیطس کے لیے مفید

ذیابیطس کے علاج کے لیے خشخاش کے بیج مثبت اثرات مرتب کرتے ہیں ۔

صحت مند بالوں کے لیے

بھیگے ہوئی خشخاش کے بیج، سفید یا کالی مرچ کا دہی کے ساتھ پیسٹ بنا لیں، اب اسے اپنے بالوں پر لگائیں، آدھے گھنٹے بعد بال دھو لیں، خشکی کی موجودگی اور اسے دوبارہ سے ہونے سے روکنے کے لیے باقاعدگی سے استعمال کریں۔

خشخاش اور دماغی صحت

خشخاش دماغی صحت کے لیے بھی بے حد مفید ہے، اگر اسے بادام کے ساتھ پیس کر استعمال کیا جائے تو اس کی افادیت مزید بڑھ جاتی ہے، ذہانت میں اضافہ ہوتا ہے۔

وزن میں کمی کا سبب

اومیگاتھری فیٹی ایسڈ سے بھرپور خشخاش وزن گھٹانے میں اہم کردار ادا کرتی ہے، اسی لیے روزمرہ اس کے استعمال سے وزن میں نمایاں کمی آتی ہے۔

جوڑوں کے درد کے لیے

خشخاش جوڑوں کا درد دور کرنے میں مفید ثابت ہوتی ہے، اس کا تیل جوڑوں پر لگانے اور مساج کرنے سے جوڑوں کے درد میں افاقہ ہوتا ہے۔

خشخاش قدرتی ’پین کلر‘ کا کردار ادا کرتی ہے

خشخاش میں قُدرتی طور پر ایسے کیمیائی اجزا پائے جاتے ہیں جو درد کو ختم کرنے والی ادویات میں بھی شامل ہوتے ہیں، خشخاش کے استعمال سے جسم میں ہونے والے درد میں سکون ملتا ہے اور یہ قُدرتی طور پر پُر سکون نیند کا سبب بنتی ہے۔

خواتین کے صحت کے لیے موزوں

خشخاش میں ایسے کیمیائی اجزاء بھی پائے جاتے ہیں جو بچوں کی پیدائش میں آنے والی رکاوٹوں کو دور کرتے ہیں، اس کا تیل استعمال کر نے سے حمل ٹھہرنے کے مواقع بڑھ جاتے ہیں۔
خشخاش کے استعمال کے نقصانات

اگر کسی فرد کا ایلوپیتھی ادویات سے علاج جاری ہے تو خشخاش کے استعمال سے قبل اپنے معالج سے مشورہ ضرور کر لیں۔

خشخاش کو اگر تھوڑی سی مقدار میں استعمال کیا جائے تو ماہرین کے نزدیک یہ نقصان دہ نہیں ہے۔

اسے خریدتے وقت اس بات کا دھیان رکھنا چاہیے کہ دُھلی ہُوئی خشخاش خریدیں، بغیر دُھلی ہُوئی خشخاش میں نشے کے عنصر پائے جاتے ہیں۔

زیادہ استعمال کے نتیجے میں اسے کھانے کی لت بھی لگ سکتی ہے لہٰذا اعتدال کے ساتھ استعمال کریں

شاملی ماب لنچنگ گراؤنڈ رپورٹ: صرف کہنی لگنے پر پیٹ پیٹ کر کیا گیا سمیر کا قتل

 ستمبر 14, 2021

• 

  
  

مغربی اتر پردیش کے شاملی ضلع کے بنت میں 24 سالہ سمیر احمد کا کنبہ اس کی ملازمت مستقل ہونے کی خوشی ایک دن بھی نہیں منا پائی۔ مقامی ڈاٹا سروس سنٹر میں لگی ملازمت میں ضروری آدھار کارڈ بنوانے پہنچے سمیر کا محض اس لیے پیٹ پیٹ کر قتل کر دیا گیا کیونکہ اس کی کہنی آدھار اَپ ڈیٹ کرانے والی بھیڑ میں اسی کے پڑوس کے ایک لڑکے سے چھو گئی تھی۔ سمیر کی ماں کہتی ہے کہ یہی اس کا سب سے بڑا جرم تھا، جس کے بعد سمیر احمد کا پیٹ پیٹ کر قتل کر دی گیا۔ سمیر کے تاؤ خالد کی مانیں تو اس کے ساتھ مار پیٹ کرنے والے 8 سے 10 لڑکوں نے اسے سر کی جانب سے پٹکا جس سے اس کی موت ہو گئی۔ خالد بتاتے ہیں کہ ان میں سے کچھ کٹر ہندو تنظیموں کے لیڈروں سے قربت رکھتے ہیں۔

یہ واقعہ شاملی کے بنت میں 9 ستمبر کی شام تقریباً 6 بجے پیش آیا، جس کے تعلق سے قومی آواز کے نمائندہ نے سمیر کے گھر جا کر حالات کو سمجھنے کی کوشش کی۔ بنت شاملی ضلع کا ایک قصبہ ہے اور یہ ضلع ہیڈکوارٹر سے بمشکل 5 کلو میٹر کی دوری پر ہے۔ بنت ایک مسلم اکثریتی قصبہ ہے اور جلال آباد اور کیرانہ کی طرح شاملی ضلع کا سب سے اثردار مسلم آبادی والا قصبہ ہے۔ ویسے تو بنت ہمیشہ سے ہی ایک فرقہ وارانہ خیر سگالی اور بھائی چارے والا قصبہ رہا ہے، لیکن 2018 میں مقامی نگر پنچایت الیکشن میں یہاں کے ایک امیدوار وجاہت علی خان کو مبینہ طور پر غلط طریقے سے شکست دیے جانے کے بعد دونوں طبقہ میں کچھ تلخی آ گئی تھی اور ایسی ہی تلخی یہاں 2013 کے فساد کے دوران بھی دکائی دی تھی۔

والدہ سمیر

سبھی ملزمین کا گھر 10 ہزار کی آبادی والے اسی قصبے میں ہے۔ بدقسمتی یہ ہے کہ چھوٹا قصبہ ہونے کے سبب یہاں سبھی آپس میں ایک دوسرے کو جانتے بھی تھے۔ مقامی پولیس اسی بنیاد پر کہہ رہی ہے کہ اس واقعہ کے پیچھے پرانی رنجش ہو سکتی ہے، لیکن مہلوک سمیر کی ماں فاطمہ کہتی ہیں کہ والد کی موت کے بعد گھر کی ذمہ داریوں کو سمجھتے ہوئے انھیں اٹھانے کی کوشش میں لگے سمیر کی کسی سے کوئی رنجش نہیں تھی۔

فاطمہ کہتی ہیں کہ 2 سال پہلے ان کے شوہر راحیل کے انتقال کے بعد کنبہ کے سب سے بڑے بیٹے ہونے کے ناطے سمیر نے موٹر میکینک کے طور پر کام کرنا شروع کیا تھا اور اس کا واحد ہدف بہن اور بھائی کو پڑھانا تھا۔ اس کی تو یہاں کی ایک موٹر کمپنی (ٹاٹا) میں میکینک کی ملازمت لگی تھی، جس کے لیے وہ کاغذات درست کروانے میں لگا تھا۔ آدھار کارڈ میں کوئی کمی تھی جسے ٹھیک کرانے کے لیے وہ پاس کے ایک پبلک سروس سنٹر میں گیا تھا، جہاں اس کا قتل کر دیا گیا۔ ایسا کیوں کیا گیا، میں کیسے کہہ سکتی ہوں! 2 سال پہلے میں نے اپنے شوہر کو گنوا دیا تھا، اب سہارا بھی ختم ہو گیا۔

بنت کے محلے پریم نگر میں رہنے والی فاطمہ کے جیٹھ خالد ہم سے کہتے ہیں کہ ’’سر، آپ تو بس ان حملہ آوروں کو گرفتار کروا دیجیے۔‘‘ خالد بتاتے ہیں کہ 8 نوجوانوں کے خلاف مقدمہ درج کرایا گیا ہے اور یہ سبھی بنت کے ہی رہنے والے ہیں۔ وہ یہ نہیں کہہ سکتے ہیں کہ سمیر کو اس کے مذہب کی وجہ سے مار ڈالا گیا، لیکن وہ یہ ضرور کہہ رہے ہیں کہ سبھی ملزم ایک خاص نظریہ رکھنے والے ہیں اور ان کی شبیہ غنڈوں والی ہے۔آدرش منڈی تھانہ کے کوتوال سنیل نیگی کے مطابق معاملے میں محلہ آزاد نگر باشندہ وطن راج اور وردان چودھری کو گرفتار کر لیا گیا ہے اور باقی کی گرفتاری کی کوششیں جاری ہیں۔ آدرش منڈی تھانہ میں درج ایف آئی آر کے مطابق وتن راج ولد سوپال، وردان ولد منٹو، اکشے ولد کلو، راج ولد راجیش، آشیش ولد ہریش چندر، لکی ولد گبر، آیوش رانا ولد نردیش رانا اور بھوندا ولد بھارت نے رنجش کی وجہ سے سمیر احمد کا قتل کیا ہے۔ ایسا بس اسٹینڈ سے اترتے وقت ہوا۔ حالانکہ کچھ لوگ یہ بھی کہہ رہے ہیں کہ جھگڑا آدھار کارڈ بنوانے کے دوران کہنی لگنے سے ہوا۔
سمیر کے تاؤ خالد زور دے کر کہتے ہیں کہ سبھی کی جلد از جلد گرفتاری ہونی چاہیے۔ سمیر کی گیارہویں میں پڑھنے والی بہن ارم بتاتی ہے کہ پاپا کی موت کے بعد اس کی پڑھائی چھوٹ گئی تھی، لیکن سمیر نے اسے کہا کہ جب تک اس کا بھائی زندہ ہے تب تک پڑھ، اب میرا بھائی بھی نہیں رہا۔ اسے مارنے والے گاؤں کے غنڈے ہیں۔ انھیں سب جانتے ہیں، سب ان سے ڈرتے ہیں۔ سمیر کے چھوٹے بھائی آصف نے بھی ابھی 10ویں کا امتحان پاس کیا ہے، جب کہ مزید ایک بھائی ریحان درجہ 6 میں پڑھتا ہے۔ ارم بتاتی ہے کہ یہ سب بڑے بھائی کے دم پر پڑھ رہے تھے، اب کوئی نہیں پڑھے گا۔

سمیر کے دوت رضوان نے بتایا کہ سمیر ویسے تو عام لڑکوں کی طرح تھا، لیکن تین سال پہلے اس کے ابو کے انتقال کے بعد اس میں کافی بدلاؤ آ گیا تھا، اور وہ ہمارے ساتھ کم ہی رہتا تھا۔ وہ جھنجھانا (پاس کا ہی ایک قصبہ) میں گاڑیوں کو ٹھیک کرنے کا کام کر رہا تھا۔ اب اس کی کسی کمپنی میں ملازمت لگی تھی۔ اس کی موت کے بعد تو گھر پر قہر کا عالم ہے۔ ان کا سب کچھ ختم ہو گیا۔