وہ’آپ آم کیسے کھاتے ہیں‘ جیسے سوالات کے عادی آپ مہنگائی پر کیسے بحث کریں گے؟پرینکاگاندھی کامودی پرطنز

31/07/2021

نئی دہلی31جولائی:(اردواخباردنیا.اِن/ایجنسیاں)کانگریس کی جنرل سکریٹری اور یوپی کی انچارج پرینکا #گاندھی واڈرا نے ایک بار پھر وزیراعظم پر سخت حملہ کیا ہے۔ انہوں نے الزام لگایا ہے کہ وزیراعظم #پارلیمنٹ میں مہنگائی جیسے عام #آدمی کے مسئلے پر بھی بات کرنے سے ڈرتے ہیں۔ مہنگائی سے متعلق تراشے شیئرکرتے ہوئے انہوں نے ٹویٹ کیاہے کہ وہ’ آپ آم کیسے کھاتے ہیں‘جیسے سوالات کے عادی ہیں ، اس لیے بڑھتی ہوئی مہنگائی جیسے عام لوگوں کو پریشان کرنے والے پارلیمنٹ کے سوالات پر بحث کرنے سے ڈرتے ہیں۔

#وزیر کے شیئر کردہ اعداد و شمار کے مطابق جولائی کے دوران مونگ پھلی کے تیل کی اوسط ماہانہ خوردہ #قیمت میں گزشتہ سال کی اسی مدت کے مقابلے میں 19.24 فیصد اضافہ ہوا ہے۔سرسوں کے تیل میں 39.03 فیصد ، سبزیوں میں 46.01 فیصد ، سویا آئل 48.07 فیصد ، #سورج مکھی کا #تیل 51.62 فیصد اور پام آئل میں 44.42 فیصد اضافہ ہوا ہے۔ تازہ ترین اعداد و شمار 27 جولائی 2021 کے ہیں۔

ٹورنٹو، کورونا کی جعلی دستاویزات دکھانے پر دو مسافروں پر بھاری جرمانہ

31/07/2021

ٹورنٹو:(اردواخباردنیا.اِن/ایجنسیاں)امریکا سے #ٹورنٹو سفر کرنے والے دو مسافروں کو جعلی کورونا ویکسین سرٹیفکیٹ اور کورونا #ٹیسٹ کی رپورٹ استعمال کرنا مہنگا پڑ گیا۔کینیڈا کی پبلک ہیلتھ ایجنسی کا کہنا ہے کہ #مسافروں نے سرکاری اجازت یافتہ #ہوٹل میں رہنے یا پہنچنے پر ٹیسٹ کروانے کے تقاضوں پر عمل نہیں کیا۔قانون اور ایس او پیز کی ان خلاف ورزیوں کے باعث دونوں مسافروں پر 20 ، 20ہزار ڈالر جرمانہ کیا گیا ہے۔

رپورٹ کے مطابق دونوں #ملزمان پر چار مقدمے دائر کیے گئے جس کے مطابق دونوں ہی مسافروں پر 20، 20 ہزار ڈالر کا جرمانہ بنا۔واضح رہے کہ #کینیڈا نے رواں ماہ ہی لاک ڈاؤن میں نرمی کی تھی اور ہوائی سفر سے بھی پابندی اٹھائی تھی۔

مدھیہ پردیش میں چھٹی جماعت کے طالب علم نے آن لائن گیمز میں 40 ہزار ہارنے کے بعد خودکشی کرلی

31/07/2021

نئی دہلی،31؍جولائی:(اردواخباردنیا.اِن/ایجنسیاں)مدھیہ پردیش میں آن لائن گیمز کے برے اثرات کا ایک افسوسناک معاملہ سامنے آیا ہے۔ ایک چھٹی جماعت کے طالب علم نے آن لائن گیم میں 40 ہزار روپئے ہارنے کے بعد خودکشی کرلی۔ کوئی سوچ بھی نہیں سکتا کہ وہ صرف 13 سال کی عمر میں ایسا مہلک قدم اٹھائے گا۔ یہ واقعہ مدھیہ پردیش کے چھتر پور ضلع کا ہے۔ چھتر پور کے ایس پی سچن شرما نے بتایا کہ نوجوان آن لائن گیم میں مسلسل پیسے لگا رہا تھا، جس کی وجہ سے وہ #ڈپریشن میں چلا گیا۔

جمعہ کے روز وہ ایک آن لائن گیم کھیل رہا تھا جس میں اس دن اس نے اپنی ماں کے اکاؤنٹ سے 40 ہزار روپئے ہار گیا۔ پولیس نے ایک سوسائڈ نوٹ بھی برآمد کیا جس میں اس نے اپنے والدین سے پیسے ہارنے پر معافی مانگی ہے۔شرما نے بتایا کہ نابالغ لڑکے کے والد ایک پیتھالوجی لیب چلاتے ہیں جبکہ اس کی ماں ضلع اسپتال کی پیتھالوجی لیب میں کام کرتی ہے۔

جمعہ کو جب اس کی ماں اسپتال میں تھی، اسے موبائل پر پیغام ملا کہ اس کے اکاؤنٹ سے 1500 روپئے کاٹ لیے گئے ہیں۔ ماں کو پتہ چلتا ہے کہ بیٹا آن لائن گیم میں پیسے ہار چکا ہے۔ اس نے فون پر #بیٹے کو ڈانٹا۔ اس کے بعد لڑکا اپنے کمرے میں گیا اور پھانسی لگالی۔ لڑکے کی بڑی بہن نے پہلے اسے دیکھا، جس کے بعد اس نے والدین کو اطلاع دی۔

نوجوان کو اسپتال لے جایا گیا جہاں #ڈاکٹروں نے اسے #مردہ قرار دے دیا۔ پولیس اس بات کی تفتیش کر رہی ہے کہ آیا نوجوان نے آن لائن #گیم میں ہارنے کے بعد واقعی یہ قدم اٹھایا تھا یا کسی نے پیسے کے لیے اسے دھمکی دی تھی۔

عمرہ زائرین کیلئے خوشخبری، پروازوں کا آغاز

31/07/2021

دبئی،31؍جولائی:(اردواخباردنیا.اِن/ایجنسیاں) عمان #ایئرلائن نے گیارہ اگست 2021 سے جدہ کے لیے عمرہ پروازیں بحال کرنے کا اعلان کیا ہے۔ یواے ای میڈیا کے مطابق عمانی ایئرلائن نے ٹوئٹر کے اپنے اکاؤنٹ پر بتایا کہ عمرے کے لیے گیارہ اگست سے جدہ کے لیے پروازیں بحال کردی جائیں گی۔ویکسین سرٹیفکیٹ پیش کرنے پر عمرہ زائر ہوٹل قرنطینہ کی پابندی سے مستثنی ہوں گے، سرٹیفکیٹ میں یہ ثابت کرنا ہوگا کہ کووڈ ویکسین کی دوسری خوراک سفر سے 14 روز قبل لی جاچکی ہے۔

یاد رہے کہ داخلی #عازمین کے لیے عمرہ موسم کا آغاز گزشتہ اتوار سے ہوچکا ہے۔ اس سال حج موسم کی کامیابی کے بعد #عمرہ کا نیا موسم شروع کیا گیا ہے۔ تمام حجاج کورونا وائرس سے محفوظ رہے ہیں۔سعودی وزارت #سیاحت نے یہ بھی اعلان کیا ہے کہ یکم اگست سے #ویکسین لگوانے والے سیاحوں کے لیے سعودی عرب کے دروازے کھول دیے جائیں گے۔

موبائل نہ ملنے سے ناراض 11 سالہ لڑکی کی ایسی حرکت کہ گھر والے اور پولیس بھی حیران

 جولائی 31, 2021

(اردو اخبار دنیا)غازی آباد: این سی آر میں شامل غازی آباد میں ایک 11 سالہ لڑکی نے اپنے ہی والد کے لیپ ٹاپ کا استعمال کیا اور ان کے پاس دھمکی آمیز پیغام بھیج کر ایک کروڑ روپے کی رنگداری طلب کر لی۔ لڑکی کے والد نے جب اس کی اطلاع پولیس کو دی تو پولیس نے حیران کن انکشاف کیا۔

لڑکی ساتویں جماعت میں پڑھتی ہے اور اس کے والد انجینئر ہیں۔ معاملہ غازی آباد کے شالیمار گارڈن علاقہ کا ہے۔ آج تک کی رپورٹ کے مطابق لڑکی نے لیپ ٹاپ پر انٹرنیٹ میسجنگ ایپ واٹس ایپ کا استعمال کیا اور اپنے والد کے نمبر پر میسج بھیج کر ایک کروڑ روپے کی رنگداری مانگی۔ میسیج کے ذریعے یہ دھمکی بھی دی گئی کہ اگر انگداری نہیں دی گئی تو ان کے کے بیٹے اور بیٹی کو قتل کر دیا جائے گا۔ یہ دھمکی ملنے پر والد نے پولیس میں شکایت درج کرائی۔ جب پولیس نے تفتیش شروع کی تو معلوم چلا کہ دھمکی دینے میں متاثرہ کا ہی لیپ ٹاپ استعمال کیا گیا ہے۔

جب لڑکی سے پوچھ گچھ کی گئی تو اس نے بتایا کہ والدین کی ڈانٹ سے پریشان ہو کر اس نے یہ حرکت کی ہے۔ لڑکی کو گھر میں موبائل فون استعمال کرنے سے بھی منع کیا گیا تھا، جس کے بعد اس نے غصے میں یہ قدم اٹھایا۔ پولیس نے لڑکی کے خلاف کوئی کارروائی نہیں کی اور اس کے والدین سے کہا کہ وہ بچی کا پوری طرح خیال رکھیں اور اس کی کاؤنسلنگ کریں۔

لندن:انگلینڈ کرکٹ ٹیم کے آل راؤنڈر بین سٹوکس نے غیر معینہ مدت کیلئے

(اردو اخبار دنیا) ہر قسم کی کرکٹ سے دستبردار ہونے کا اعلان کر دیاہے ۔تفصیلات کے مطابق بین سٹوکس نے اپنے فیصلے سے متعلق کہا ہے کہ میری توجہ ذہنی تندرستی اور انگلی کی انجری سے صحت یابی پر ہے ، انگلش کرکٹ بورڈ نے بین سٹوکس کی بھارت کے خلاف ٹیسٹ سیریز کیلئے عدم دستیابی کی تصدیق کرتے ہوئے کہاہے کہ بین سٹوکس کے فیصلے کا احترام کرتے ہیں ، ان کو مکمل مدد فراہم کرتے رہیں گے ۔

واضح رہے کہ 14 جولائی 2019 کو لارڈز کے میدان میں ون ڈے کرکٹ ورلڈ کپ کے فائنل میچ میں بین سٹوکس کو پلیئر آف دی میچ کا ایوارڈ دیا گیا تھا ،انہوں نے انگلینڈ کو عالمی چیمپئن بنانے میں اہم کردار ادا کیا تھا ۔

یاد رہے کہ قومی ٹیم جس وقت انگلینڈ کے دورے پر تھی تو انگلش کھلاڑیوں میں کورونا کی تصدیق ہوئی جس پر ٹیم کو تبدیل کر دیا گیا اور کھلاڑیوں کو قرنطینہ کروایا گیا ، چونکہ سیریز ضروری تھی جس پر انگلش نے اپنی نئی ٹیم کا اعلان کیا جس کی قیادت بین سٹوکس نے کی اور پاکستان کو وائٹ واش کر دیا ۔

حضرت مولانا مفتی لئیق احمدصاحب قاسمی صدرِجمعیۃ علماء بھیونڈی

ممبئی _ جمعہ کی علی الصباح حضرت مولانا مفتی لئیق احمدصاحب قاسمی صدرِجمعیۃ علماء بھیونڈی کی قیادت میں قاری انصاراحمدصاحب استاذجامعہ سراج العلوم بھیونڈی،ابراراحمدبھائی حاجی حسیب الرحمان (حسوبھائی) آفتاب عالم،انس خان پرمشتمل ایک مؤقر وفدخطہءکوکن کےمشہورشہرچپلون روانہ ہوا جہاں حالیہ سیلاب کی تباہ کاریوں سے نظام زندگی درہم برہم ہوکررہ گیاہے۔
امیرالہندجانشین شیخ الاسلام حضرت مولاناسید ارشدمدنی دامت برکاتہم العالیہ(صدرِجمعیۃ علماء ہند)کےحکم پرجمعیۃ علماء مہاراشٹرکےذمہ داران نےپورےصوبہ میں کوکن سیلاب متاثرین کی امداد اورریلیف کاری کےلئےکھیڑ،مہاڈ،رتناگیری اورچپلون وغیرہ میں اپنے خصوصی نمائندوں کو بھیج کر حالات کامکمل جائزہ لےکرفوری ضروریات زندگی مہیاکرانےکےلئےکمرکس لی ہےچنانچہ سوشل،الیکٹرانک اورپرنٹ میڈیا کے ذریعے جمعیۃ علماء مہاراشٹر کی ریلیف کاری اورراحت رسانی کی خبریں مسلسل گردش میں ہیں

چونکہ اب چپلون کاراستہ بھی کھل گیا تھاتوحضرت مولانا حلیم اللہ صاحب قاسمی،حاجی گلزار احمد اعظمی اوردیگرذمہ دارانِ جمعیۃ علماء مہاراشٹر نےحضرت مفتی لئیق احمدصاحب قاسمی صدرِجمعیۃ علماء بھیونڈی سےچپلون کےحالات کاجائزہ لینے کے کےلئےسفرکرنےکی گزارش کی مفتی صاحب نےنہ صرف یہ کہ بشاشت کے ساتھ اسےکیا بلکہ آپ نےاس موقعہ کوباعث سعادت گردانااورپانچ مزیدسعادت منداحباب کے ہمراہ جمعہ کی نماز سےقبل چپلون پہونچ گئےجمعہ کی نماز کےبعدپورےشہرکاطوفانی دورہ کیامقامی احباب سےمیٹنگ کی شہرکےکونےکونےمیں پہونچ کرپریشان حال لوگوں کی ڈھارس بندھائی اورپل پل کی رپورٹ حضرت مولانا حلیم اللہ صاحب قاسمی جنرل سیکریٹری جمعیۃ علماء مہاراشٹر کے پاس بھیجتےرہےآپ نےحالات کی سنگینی کا احساس دلایااور ضروریات کےسلسلہ میں مولاناکوباخبرکیامیں آپ کو بتاتا چلوں کہ حضرت مولانا سید ارشد مدنی مدظلہ العالی صدرِجمعیۃ علماء ہند نے جمعیۃ علماء مہاراشٹر کے ذمہ داران سےیہ کہہ رکھاہےکہ ہمیں اپنی تنظیم کےپلییٹ فارم سے جہاں متاثرین کی فوری امداد اورراحت رسانی کاکام‌ جنگی پیمانے پر کرناہےوہیں وقت آنےپرغریبوں کےگھرکی تعمیرومرمت کرکےان کی بازآبادکاری کاکارنامہ بھی بڑےپیمانےپرانجام دیناہے،جیساکہ ہم نے ملک کےمختلف صوبوں میں پہلےبھی یہ کام بڑےپیمانےپرکررکھاہے

جمعیۃ علماء ہند زمینی یاآسمانی مصیبت کی گھڑی میں انسانیت کی خدمت کےنام پر جوایک بہت بڑی عبادت ہےبلاتفریق مذہب وملت ہمیشہ سےکام کرتی آئی ہے اورالحمدللہ ملت کواس تنظیم پرخوب اعتماد ہےتنظیم نےاہل کوکن کی خدمت کاجذبہ لےکروہاں بڑےپیمانےپربلاتفریق مذہب وملت کام شروع کردیا ہےاوربازآبادکاری کاعزم مصمم کررکھا

لہٰذا تمام اہلِ خیرحضرات سےدردمندانہ اپیل ہےکہ مصیبت کی اس گھڑی میں انسانیت کی خدمت کےمیدان میں بھرپورحصہ لیں اور دل کھول کرتعاون فرمائیں ان اللہ لایضیع اجرالمحسنین۔ہے

ملکہ جذبات میناکماری کوپیدائش کے وقت ان کے والد یتیم خانے چھوڑ آئے تھے

 جولائی 31, 2021

(اردو اخبار دنیا)ممبئی 31 جولائی (یو این آئی) اپنی سنجیدہ اداکاری سے ناظرین کے دلوں کو چھو لینے والی عظیم اداکارہ مینا کماری حقیقی زندگی میں ’’ ملکہ جذبات ‘‘ کے نام سے مشہور ہوئیں ۔لیکن وہ چھ ناموں سے جانی جاتی تھیں۔

ممبئی میں یکم اگست 1932 کو ایک درمیانے طبقے کے مسلم خاندان میں مینا کماری جب پیدا ہوئیں تو باپ علی بخش انہیں یتیم خانے چھوڑ آئے کیونکہ دو بیٹیوں کی پیدائش کے بعد اس بات کی دعا کررہے تھے کہ اللہ اس مرتبہ بیٹے کا منہ دکھادے تبھی انہیں بیٹی ہونے کی خبرآئی اور وہ بچی کو گھر نہ لے جاکر یتیم خانے چھوڑ آئے۔لیکن بعد میں ان کی بیوی کے آنسوؤں نے بچی کو یتیم خانے سے گھر لانے پر مجبور کر دیا۔مینا کماری کی ماں اقبال بانو نے ان کا نام ’’ماہ جبیں‘‘ رکھا۔

بچپن کے دنوں میں مینا کماری کی آنکھیں بہت چھوٹی تھیں اس لئے خاندان والے انہیں ’’چینی‘‘ کہہ کر پکارا کرتے تھے۔تقریبا ًچار سال کی عمر میں 1939 میں بطور چائلڈ آرٹسٹ انہوں نے فلموں میں اداکاری کرنی شروع کر دی تھی۔پرکاش پکچرس کے بینر تحت بنی فلم ’’لیدر فیس‘‘میں ان کا نام بے بی مینا رکھا گیا۔اس کے بعد مینا نے ’’بچوں کا کھیل‘‘ میں بطور اداکارہ کام کیا۔اس فلم میں انہیں’’ مینا کماری‘‘ کا نام دیا گیا۔1952میں میناکماری کو وجے بھٹ کی ہدایت میں بیجو باورا میں کام کرنے کا موقع ملا۔فلم کی کامیابی کے بعد وہ بطور اداکارہ اپنی شناخت بنانے میں کامیاب رہیں۔

اعجاز کمپیوٹر سینٹر دیوبند کے آن لائن کمپیوٹر کورس کے پانچویں بیج میں آج سے ایڈمیشن کا آغاز

(اردو اخبار دنیا)اعجاز کمپیوٹر سینٹر دیوبند کے آن لائن کمپیوٹر کورس کے پانچویں بیج میں آج سے ایڈمیشن کا آغاز

اگر آپ کے پاس وقت ہےاور بہترین مستقبل کے لئے گرافک ڈیزائننگ سیکھنا چاہتے ہیں تواس موقع کو غنیمت جانیں اور پروفیشنل لیول گرافک ڈیزائننگ سیکھ لیں. 

اپنی نوعیت کا منفرد اور شاندار کورس جس میں بیسک ٹو ایڈوانس گرافک ڈیزائننگ سکھائی جاتی ہے.

گرافک ڈیزائننگ لائف ٹائم آمدنی کا بہترین اور معقول ذریعہ ہے۔

گرافک ڈیزائننگ اس وقت ہرطبقے، ہر ادارے اور ہر کاروبار کی اہم ضرورت ہے۔

آن لائن، آف لائن مارکیٹ میں گرافک ڈیزائنرز کی مانگ میں دن بدن اضافہ ہو رہا ہے۔

کسی بھی کاروبار کی تشہیر، پرموشن، اشتہار سازی، ویب سائٹس اور سوشل میڈیا پرگرافک ڈیزائنز کی ضرورت رہتی ہے۔

تو آئیے!! اس ہنر کو ماہر اور تجربہ کار ٹیچر "سر اعجاز قاسمی" سے پروفیشنل اور برینڈنگ لیول پر سیکھ کر گارنٹی کے ساتھ اپنی آمدنی میں اضافہ کیجئے۔

اگر آپ گرافک ڈیزائننگ میں اپنا کریئر بنانا چاہتے ہیں، آن لائن یا آف لائن گرافک ڈیزائننگ سے انکم حاصل کرنا چاہتے ہیں تو یہ کورس آپ کے لئے بیحد فائدہ مند ثابت ہوگا ان شاء اللہ۔

نوٹ:۔  پروفیشنل گرافک ڈیزائننگ کورس کی فیس انتہائی مناسب اور معمولی رکھی گئی ہے تاکہ ہر کوئی اس کورس سے مستفیض ہوسکے۔

مزید تفصیلات و معلومات کے لئے رابطہ کریں.

What'sapp Number +91-7417976676

Calling Number +91-7017816253

عوام کی جیب پر ایک اور مار: کل سے ’اے ٹی ایم‘ کے ذریعے پیسہ نکالنا مہنگا پڑے گا جولائی 31, 2021

عوام کی جیب پر ایک اور مار: کل سے ’اے ٹی ایم‘ کے ذریعے پیسہ نکالنا مہنگا پڑے گا

 جولائی 31, 2021

(اردو اخبار دنیا)نئی دہلی: اگست کے مہینے سے ہفتہ وار تعطیلات یا سرکاری چھٹیوں پر تنخواہ یا پنشن کی عدم ادائیگی کی کوئی پریشانی نہیں رہے گی یعنی اگر 30، 31 کو ہفتہ، اتوار یا کوئی اعلان شدہ چھٹی ہو تو بھی تنخواہ یا پنشن کھاتے میں آ جائے گی لیکن اے ٹی ایم سے کیش نکالنے پر صارفین کی جیب پر مار پڑے گی۔

یکم اگست سے بنکنگ خدمات سے متعلق کئی اصولوں کو تبدیل کر دیا گیا ہے اور ان کا اثر بینک کے تمام صارفین پر پڑے گا۔ آئی سی آئی سی آئی بینک نے اپنے بینک چارجز میں اضافہ کر دیا ہے۔ آئیے جانیں کہ بینک کے کن کن اصولوں میں تبدیلی واقع ہوئی ہے؟

ریزرو بینک نے گزشتہ ماہ اعلان کیا تھا کہ نیشنل آٹومیٹڈ کلیئرنگ ہاؤس (این اے سی ایچ) کی خدمات ہفتے کے ہر دن دستیاب ہوں گی۔ این اے سی ایچ ایک ادائیگی کا نظام ہے جو قومی ادائیگی کارپوریشن آف انڈیا کے ذریعے آپریٹ ہوتا ہے۔ یہ منافع، سود، تنخواہ اور پنشن کی منتقلی کے کام کاج میں مدد کرتا ہے۔ نیز اس کی مدد سے گیس، بجلی، ٹیلی فون، پانی جیسے بلوں کی ادائیگی بھی کی جاتی ہے۔ اس کے علاوہ لون کی ای ایم آئی، میوچول فنڈ اور انشورنس پریمیم کی قسطیں بھی اس کے ذریعے حاصل کی جاتی ہیں۔

اے ٹی ایم سے نقد رقم نکالنا یکم اگست سے مہنگا ہونے جا رہا ہے، کیونکہ آر بی آئی نے اے ٹی ایم کے ذریعے ایک بینک سے دوسرے بینک میں مالی لین دین پر انٹرچینج فیس 15 روپے سے بڑھا کر 17 روپے کر دی ہے۔ آر بی آئی نے یہ فیصلہ جون میں لیا تھا، تاہم یہ یکم اگست سے نافذ العمل ہوگا۔ غیر مالی لین دین کی فیس بھی 5 روپے سے بڑھا کر 6 روپے کر دی گئی ہے۔ انٹرچینج فیس بینک سے جاری کردہ بینک اے ٹی ایم کارڈ کو کسی دوسرے بینک سے پیسہ نکالنے میں استعمال کرنے پر عائد ہوتی ہے۔

انڈیا پوسٹ پیمنٹ بینک (آئی پی پی بی) نے اپنی ڈور اسٹیپ ڈلیوری خدمات استعمال کرنے والوں کے چارجز میں بھی اضافہ کر دیا ہے۔ پوسٹ پیمنٹ بینک اب ہر بار ان خدمات کے لیے 20 روپے فیس (جی ایس ٹی اضافی) وصول کرے گا۔ تاہم، جب پوسٹ پیمنٹ بینک کا ملازم جب گھر پر آئے گا تو صارف کئی بار لین دین کر سکتا ہے۔

ادھر، آئی سی آئی سی آئی بینک نے یکم اگست سے گھریلو بچت کھاتہ برداروں کے لیے اے ٹی ایم ٹرانزیکشن چارجز اور چیک بک چارجز میں اضافہ کا اعلان کیا ہے۔ بینک ڈپازٹ اور نکاسی دونوں کے لیے فیس میں تبدیلی کی گئی ہے۔ اب اے ٹی ایم سے صرف 4 مفت لین دین کئے جا سکتے ہیں۔ بینک کی ویب سائٹ کے مطابق 4 سے زائد نقد رقم نکالنے پر 150 روپے کی بھاری فیس لی جائے گی۔

اسٹیٹ بینک آف انڈیا (ایس بی آئی) نے بھی یکم جولائی سے اے ٹی ایم سے مفت کیش نکالنے کی تعداد کو محدود کر دیا ہے۔ ایس بی آئی نے اے ٹی ایم یا بینک برانچ سے ہر مہینے میں چار سے زائد مرتبہ نقدی نکالنے پر چارجز عائد کیے ہیں۔ بنیادی بچت بینک ڈپازٹ کے اکاؤنٹ ہولڈرز کو یکم جولائی سے چار سے زائد اے ٹی ایم یا برانچوں سے کیش نکلوانے کے لیے اضافی چارجز ادا کرنے ہوں گے۔ ملک میں تقریباً ایک تہائی بینکنگ سیونگ اکاؤنٹ ہولڈرز ایس بی آئی سے ہیں۔ ان ایس بی آئی اکاؤنٹ ہولڈرز کو ایک سال میں چیک بک کے 10 سے زائد چیک استعمال کرنے پر اضافی چارجز بھی ادا کرنے ہوں گے۔

جمشید پور: جمعہ کو جاری ہونے والے جے اے سی 12 ویں کے نتائج نے جمشید پور کے کوآپریٹو کالج کے تقریبا ‏about ‎180 بچوں کا مستقبل داؤ پر لگا دیا ہے۔ ان بچوں نے ‏

(اردو اخبار دنیا)

یہاں تک کہ کالج انتظامیہ بھی سمجھنے سے قاصر ہے کہ اس طرح کے امتحانی نتائج کیوں آئے۔ امتحان میں فیل ہو گیا جس میں وہ حاضر نہیں ہوا۔

JAMSHEDPUR
جمشید پور: جمعہ کو جاری ہونے والے جے اے سی 12 ویں کے نتائج نے جمشید پور کے کوآپریٹو کالج کے تقریبا about 180 بچوں کا مستقبل داؤ پر لگا دیا ہے۔ ان بچوں نے گیارہویں کے امتحان میں اچھے نمبر حاصل کرنے کے باوجود 12 ویں میں فیل ہو گئے۔ اس نتیجہ میں ، جو پری امتحان کے نتائج اور بغیر نتیجہ کے اندرونی تشخیص کے ذریعے آیا ، ان بچوں نے پہلے کالج کے احاطے میں ہنگامہ برپا کیا اور پھر اپنے مطالبات کے ساتھ جمشید پور ڈی سی آفس پہنچے۔

کوویڈ 19 کی وجہ سے امتحان نہ کر پانے کی وجہ سے ، ریاستی حکومت کی ہدایات کے مطابق دسویں اور بارہویں جماعت کے طلباء کو ان کے پچھلے نمبروں کی بنیاد پر نمبر دیئے جانے تھے ، لیکن یہ طلباء -آپریٹو کالج کا کہنا ہے کہ 11 ویں کلاس میں۔ اچھے نمبر حاصل کرنے کے باوجود وہ کس بنیاد پر فیل ہوا ہے ، یہ اس کی سمجھ سے بالاتر ہے۔ اس کے ساتھ ساتھ کچھ طلباء نے یہ بھی الزام لگایا کہ عملی امتحان میں شرکت کے باوجود انہیں غیر حاضر قرار دیا گیا ہے۔

پورے معاملے کے بارے میں ہسٹری ڈیپارٹمنٹ کے پروفیسر راجو دوبے کہتے ہیں کہ ہم نے جیک کی طرف سے طلبہ کو ان کے رویے اور غیر عملی مضمون میں دیگر سرگرمیوں کی بنیاد پر 20 نمبر دینے کے لیے کہا تھا ، جو ہم نے دیا۔ لیکن یہ میری سمجھ سے بالاتر ہے کہ طلبہ اس امتحان میں کیسے ناکام ہوئے ہیں جس میں وہ کبھی حاضر نہیں ہوئے تھے۔ تمام طلباء جو فیل ہوئے ہیں ، سب نے گیارہویں میں اچھے نمبر حاصل کیے۔ ان نمبروں کی بنیاد پر 12 ویں میں فیل ہونے والے طلباء اپنے مستقبل کے ساتھ کھیل رہے ہیں۔ ہم اس سلسلے میں جیک سے مسلسل بات کر رہے ہیں کیونکہ یہ طلبہ کے مستقبل کا سوال ہے۔

ملکی پورم: خاندان کی عزت نکالنے پربرہم شخص نے اپنی بہو کا قتل کردیا۔ یہ واقعہ ریاست آندھراپردیش

( اردو اخبار دنیا)ملکی پورم: خاندان کی عزت نکالنے پربرہم شخص نے اپنی بہو کا قتل کردیا۔ یہ واقعہ ریاست آندھراپردیش ملکی پورم منڈل کے موضع موڑی چرلہ پالم میں پیش آیا۔ پولیس کے مطابق 25 سالہ پریہ منی کی شادی چند سال قبل وجئے کمار سے ہوئی تھی۔ اس جوڑے کو ایک بچہ ہے۔ وجئے کمار ملازمت کے سلسلے میں قطرمیں مقیم ہے۔ اس دوران اس خاتون کی دوستی ایک نوجوان سے ہوگئی اوراس مہینہ کی 22 تاریخ کو وہ اس کے ساتھ بھاگ گئی تھی، جس کے بعد اس کے سسر ستیہ نارائنا نے پولیس سے شکایت کی بعد ازاں انھیں ڈھونڈ نکالا گیا اورپولیس نے ان کی کونسلنگ کی۔ گھرواپسی کے بعد سسر ستیہ نارائن اوربہو کے درمیان جھگڑا ہوا اوربرہم سسر نے چاقو سے اپنی بہو کا قتل کردیا بیچ بچاو کی کوشش میں خاتون کی ماں بھی زخمی

ایئر انڈیا کی علاقائی ذیلی کمپنی الائنس ایئر 11 اگست

ایئر انڈیا کی علاقائی ذیلی کمپنی الائنس ایئر 11 اگست سے رانچی کے راستے کولکتہ-بھونیشور پروازیں چلائے گی یہ پروازیں ہر پیر ، بدھ ، جمعہ اور اتوار کو چلیں گی۔

یہ نئی پرواز رانچی بھونیشور کے مسافروں کو آگے کے رابطے کے بہت سے آپشن فراہم کرے گی۔ الائنس ایئر کی مسلسل کوشش رہی ہے کہ اس کے نیٹ ورک کو مضبوط کیا جائے تاکہ بھارت اس سے آگے جڑنے کے لیے بلند ہو

سری نگر: جنوبی ضلع پلوامہ کے داچھی گام

(اردو اخبار دنیا)

سری نگر: جنوبی ضلع پلوامہ کے داچھی گام جنگلی علاقے میں ایک مسلح تصادم کے دوران سکیورٹی فورسز نے دو جنگجوئوں کو ہلاک کیا ہے۔جموں و کشمیر پولیس کے ایک ترجمان نے بتایا کہ ضلع پلوامہ کے داچھی گام جنگلی علاقے میں ہفتے کی صبح ہونے والے ایک مسلح تصادم کے دوران دو جنگجوئوں کو ہلاک کیا گیا ہے۔ان کا مزید کہنا تھا: 'مہلوک جنگجو کی شناخت معلوم کی جا رہی ہے نیز علاقے میں آپریشن جاری ہے'۔
سرکاری ذرائع نے بتایا کہ ضلع پلوامہ کے داچھی گام جنگلی علاقے میں جنگجوئوں کی موجودگی سے متعلق خفیہ اطلاع ملنے پر جموں و کشمیر پولیس، فوج کی راشٹریہ رائفلز اور سی آر پی ایف نے ہفتہ کی علی الصبح مذکورہ علاقے کو محاصرے میں لے کر تلاشی آپریشن شروع کیا۔انہوں نے بتایا کہ ایک مشتبہ جگہ کی جانب پیش قدمی کے دوران وہاں موجود جنگجوئوں نے سکیورٹی فورسز پر فائرنگ کی جس کے بعد طرفین کے درمیان باضابطہ طور تصادم شروع ہوا۔
سرکاری ذرائع نے بتایا کہ محاصرے میں پھنسنے والے جنگجوئوں کو خودسپردگی اختیار کرنے کی پیشکش کی گئی جو انہوں نے مسترد کی۔انہوں نے مزید بتایا کہ آخری اطلاعات ملنے تک مسلح تصادم میں دو جنگجوئوں کو مارا جا چکا تھا جن کی لاشیں برآمد کی گئی ہیں۔

ڈوبھال کی کوششوں کا اثر:آج ہند۔چین کمانڈرز کی بات چیت

ایک اہم اور بڑی میٹنگ ہوگی آج

• 
  
  

 

(اردو اخبار دنیا)

قومی سلامتی کے مشیر اجیت ڈوبھال کی کوششوں کے اثرات آج پھر نظر آئیں گے۔ ان کی معلومات کی بنیاد پر ہندوستان اور چین کے درمیان کور کمانڈر سطح کے مذاکرات کا 12 واں دور آج منعقد ہونے جا رہا ہے۔ اس بار مشرقی لداخ کے علاقے میں باقی متنازعہ مقامات سے فوج کو ہٹانے پر بحث ہوگی۔ یہ مذاکرات مالڈو ، چین میں ہوں گے۔

 انڈیا اور چین پہلے ہی وسیع مذاکرات کے بعد پینگونگ جھیل کے کنارے سے الگ ہو چکے ہیں۔ اب گوگرا ہائٹس اور ہاٹ اسپرنگس کے علاقوں کا تنازع ابھی حل ہونا باقی ہے کیونکہ یہ کشیدگی اس علاقے میں گزشتہ سال چینی حملے کے بعد بن گئی تھی۔

ذرائع کے مطابق ، "ہندوستان اور چین کے درمیان کور کمانڈر سطح کے مذاکرات کا 12 واں دور صبح 10:30 بجے لائن آف ایکچول کنٹرول کے چینی علاقے میں ہوگا۔ توقع ہے کہ بھارت اور چین ہاٹ اسپرنگس اور گوگرا ہائٹس کے علاقوں میں رکاوٹوں پر تبادلہ خیال کریں گے۔

 دونوں ممالک تقریبا ایک سال سے فوجی تعطل میں مبتلا ہیں ، لیکن فوجی اور سیاسی دونوں سطحوں پر وسیع مذاکرات کے بعد گزشتہ ماہ انتہائی متنازعہ پینگونگ جھیل کے علاقے سے الگ ہوگئے۔

اس سے پہلے ، انڈیا اور چین نے کور کمانڈر سطح پر مذاکرات کے 11 دور کیے تھے تاکہ پینگونگ جھیل کے علاقے سے علیحدہ ہونے کے انتظامات تک پہنچ سکی

لیما: شمال مغربی پیرو میں زلزلے کے تیز جھٹکے محسوس کئے گئے اور اس واقعہ مین 41 لوگ زخمی ہوئے ہیں۔

لیما: شمال مغربی پیرو میں زلزلے کے تیز جھٹکے محسوس کئے گئے اور اس واقعہ مین 41 لوگ زخمی ہوئے ہیں۔یہ اطلاع پیرو کے محکمہ صحت نے دی ہے۔ زلزلے کے جھٹکے مقامی وقت کے مطابق جمعہ کو 12 بجکر 10 منٹ پر محسوس کئے گئے۔

اس کا مرکز زمین کی سطح سے 36 کلومیٹر کی گہرائی میں سلطانہ شہر کے نزدیک واقع تھا۔مقامی افسران نے کہا سلطانہ میں کم از ک م 35 لوگ زخمی ہوئے ہیں، جن میں سے دو کی حالت نازک ہے۔آر پی پی ریڈیو کے مطابق چھ لوگ پیورا میں زخمی ہوئے ہیں۔ زخمیوں میں سے تقریبا 20 لوگوں کو ہسپتال سے چھٹی دے دی گئی ہے۔

میزورم اور آسام کے درمیان سرحدی تنازعہ کو لے کر ہوئے تشدد کے واقعہ میں شدت آ تی

(اردو اخبار دنیا)میزورم اور آسام کے درمیان سرحدی تنازعہ کو لے کر ہوئے تشدد کے واقعہ میں شدت آ تی جا رہی ہے۔ اب دونوں ریاستوں نے ایک دوسرے کے افسران کے خلاف کیس درج کر دئے ہیں۔میزورم نے آسام سے ایک قدم آگے بڑھتے ہوئے آسام کے وزیر اعلی ہیمنت بسوا سرما اور آسام پولیس کے چار اعلی افسران کے خلاف کیس درج کیا ہے۔یہ کیس میزورم پولیس نے کولاسب ضلع کے ویرنگتے نگر کے باہری حصہ میں ہوئے تشدد کے معاملہ میں درج کئے ہیں ۔

نیوز پورٹل اے بی پی پر شائع خبر کے مطابق میزورم کے پولیس ڈایریکٹر جنرل (ہیڈ کواٹر) جان این نے بتایا کی ان تمام لوگوں کے خلاف قتل کی کوشش اور مجرمانہ سازش سمیت کئی دیگر الزامات کے تحت کیس درج کئے ہیں ۔ انہوں نے بتایا کہ آسام پولیس اور میزورم پولیس کے بیچ ہوئی پر تشدد جھڑپوں کے بعد یہ ایف آئی آر درج ہوئی ہے۔ واضح رہے اس سے قبل اسی معاملہ میں آسام پولیس نے دو سو انجان افراد کے خلاف معاملہ درج کیا ہے۔

واضح رہے اس سے قبل آسام پولیس نے کولاسب ضلع کے پولیس سپرنٹنڈنٹ اور ڈپٹی کمشنر سمیت میزورم حکومت کے چھہ افسران کو دھولائی تھانے میں پیر تک پیش ہونے کے لئے سمن جاری کئے ہیں۔ شائع خبر کےمطابق آسام پولیس نے ان افسران کو 28 جولائی کو ہی سمن جاری کر دئے تھے ۔ واضح رہے سمن جاری ہونے سے دو دن پہلے کچھار ضلع کے لیلا پور میں آسام اور میزورم پولیس کے بیچ خونی جھڑپ ہوئی تھی جس میں آسام پولیس کے چھہ اہلکار اور ایک مقامی شہری ہلاک ہو گیا تھا۔ اس واقعہ میں پچاس سے زیادہ افراد زخمی ہو گئے تھے۔

(اردو اخبار دنیا)جاپانی حکومت نے جمعہ کے روز ملک ‏

(اردو اخبار دنیا)جاپانی حکومت نے جمعہ کے روز ملک میں کورونا وائرس کے وبائی مرض کا 10 ہزار سے زائد کیسز رپورٹ ہونے کے بعد چیبا، کاناگاوا، سیتاما اور مغربی صوبہ اوساکا میں ہنگامی حالت میں توسیع کا اعلان کیا۔

انہوں نے کہا کہ ہوکائیڈو، اشیکاوا، ہیوگو، کیوٹو اور فوکوکا صوبوں میں ہلکے محدود اقدامات کے ساتھ نیم ایمرجنسی کی حالت بھی نافذ کی جائے گی۔ انہوں نے کہا کہ یہ صورتحال 2 سے 31 اگست تک موثر رہے گی۔

ایک جانب جہاں جاپان کے دارالحکومت ٹوکیوں میں دنیا کا سب سے بڑا کھیل میلا یعنی اولمپکس جاری ہے دوسری طرف کورونا کے بڑھتے معاملوں نے ملک میں تشویش بھی پیدا کر دی ہے۔ ادھر اولمپک میں شرکت کرنے گئے کھلاڑیوں میں بھی تشویش ہے ۔

واضح رہے کئی ممالک میں کورونا کے معاملات میں اضافہ دیکھنے کو مل رہا ہے ۔ انڈونیشیا، برطانیہ وغیرہ میں کورونا کے نئے کیسز زیادہ سامنے آ رہے ہیں ۔ اس نئے رجحان کو دیکھتے ہوئے ہی جاپانی حکومت نے یہ اقدام لئے ہیں

*آج کی اہم خبریں

*آج کی اہم خبریں*

*ABD NEWS*

*٢٠ذی الحجة ١٤٤٢ھ*

*31/07/2021*

*یوپی بورڈ 10 ویں 12 ویں کے نتائج آج جاری کیے جائیں گے*

واضح ہوکہ نیوز رپورٹ سے ملی جانکاری کے مطابق یوپی بورڈ دسویں اور بارہویں امتحان کا نتیجہ آج 31 جولائی کو جاری کیا جائے گا۔ امتحان کے نتائج سے متعلق سرکاری نوٹیفکیشن جاری کر دیا گیا ہے۔ محکمہ کی طرف سے جاری پریس نوٹ میں کہا گیا ہے کہ یوپی بورڈ 10 ویں اور 12 ویں کا نتیجہ کل 31 جولائی کو جاری کیا جائے گا۔ یو پی بورڈ نے نتیجہ چیک کرنے کے لیے 10 ویں کا رول نمبر حاصل کرنے کے لیے لنک کو فعال کر دیا ہے۔ یو پی بورڈ 10 ویں اور 12 ویں کے امتحانات میں حاصل کردہ نمبرز کو نتائج. upmsp.edu.in ، upresults.nic.in ، upmsp.edu.in پر دیکھ سکتے ہیں۔

•••••••••••••••••••••••••••••••••

*لوک سبھا کی کارروائی پیر تک ملتوی ، دو بل پیش کیے گئے*

واضح ہوکہ نیوز رپورٹ سے ملی جانکاری کے مطابق اپوزیشن کی جانب سے پیگاسس معاملے  اور زرعی قوانین کی مخالفت پر ہنگامہ آرائی کی وجہ سے لوک سبھا کی کارروائی جمعہ کو پارلیمنٹ میں پیر تک ملتوی کر دی گئی۔ اس دوران دو بل لوک سبھا میں پیش کیے گئے ، جن میں جنرل انشورنس بزنس(نیشنلائزیشن) ترمیمی بل ، 2021 شامل ہیں۔انشورنس بل پیش کرنے کے دوران اٹھائے جانے والے اعتراضات کے جواب میں وزیر خزانہ نرملا سیتارمن نے کہا کہ اس بل سے نیشنل جنرل انشورنس کی نجکاری نہیں ہو رہی ہے۔ حکومت اس کے ساتھ دستیاب وسائل کو بڑھانا چاہتی ہے ، جس کے لیے لوگوں کی شرکت کو یقینی بنایا جا رہا ہے۔بازار سے ملے سرامئے کا استعمال کر کے جنرل انشورنس نئے پریمیم پیکیج دے پائے گا ۔ اس سے ٹیکنالوجی اور وسائل کی مدد سے اس کے کاروبار میں تیزی آئے گی۔اپوزیشن کی جانب سے ایوان میں ہنگامہ آرائی کے معاملے پر وزیر خزانہ نے کہا کہ وہ یہ بھی چاہتی ہیں کہ اہم بل پر زیادہ سے زیادہ شرکت ہو ، اس پر بات کی جائے۔ ایسی صورتحال میں اس بل کی اہمیت کو سمجھنا ہوگا۔ جب کل صبح 11 بجے لوک سبھا کا آغاز ہوا تو کانگریس کے رہنما ادھیر رنجن چودھری نے پیگاسس انٹیلی جنس معاملے پر بحث کا مطالبہ اٹھایا

•••••••••••••••••••••••••••••••••

*ہنگامہ آرائی کی وجہ سے کارروائی ملتوی ، حکومت پیگاسس کے معاملے پر دو ٹوک بات چیت کے لیے تیار ہو گی ، تبھی بنے گی بات*

واضح ہوکہ نیوز رپورٹ سے ملی جانکاری کے مطابق پیگاسس کے معاملے پر پارلیمنٹ کے مانسون سیشن میں ہنگامے رکنے کا نام نہیں لے رہے ہیں۔ ہنگامہ آرائی کی وجہ سے دونوں ایوانوں میں مسلسل کارروائی ملتوی ہونے کی صورتحال ہے۔ پارلیمنٹ کا اجلاس شروع ہوئے آٹھ دن ہوچکے ہیں لیکن اپوزیشن ارکان پارلیمنٹ کے ہنگامہ آرائی اور احتجاج کی وجہ سے زیادہ وقت اسی طرح گزر گیا ہے۔ جمعہ کو مسلسل ہنگامہ آرائی کی وجہ سے لوک سبھا اور راجیہ سبھا کی کارروائی کو پیر کی صبح 11 بجے تک ملتوی کرنا پڑا۔ دونوں ایوانوں کی کارروائی شروع ہوتے ہی ہنگامہ شروع ہو گیا اور بعد میں کاروائی ملتوی کردی گئی

•••••••••••••••••••••••••••••••••

*مدھیہ پردیش اسمبلی میں 1500 غیر پارلیمانی الفاظ کے استعمال پر پابندی ، فہرست تیار*

واضح ہوکہ نیوز رپورٹ سے ملی جانکاری کے مطابق اب ممبر مدھیہ پردیش قانون ساز اسمبلی میں بہت سے الفاظ استعمال نہیں کر سکیں گے۔ بہت سے غیر پارلیمانی الفاظ کی فہرست اسمبلی سیکرٹریٹ تیار کر رہی ہے۔ یہ فہرست 9 اگست سے شروع ہونے والے قانون ساز اسمبلی کے مانسون سیشن سے پہلے ممبران کو دستیاب کرائی جائے گی۔ ان سے توقع کی جائے گی کہ وہ کارروائی کے دوران ان کا استعمال نہیں کریں گے۔ مدھیہ پردیش ودھان سبھا نے تقریبا 1500 غیر پارلیمانی الفاظ کی فہرست تیار کی ہے۔زیادہ تر وہ الفاظ جو پہلے ایوان کی کارروائی سے خارج ہوچکے ہیں۔ مدھیہ پردیش ودھان سبھا کے پرنسپل سکریٹری اودھیش پرتاپ سنگھ نے این ڈی ٹی وی کو بتایا کہ کئی بار معزز اراکین جوش و خروش میں ایسے الفاظ استعمال کرتے ہیں جو عام شہری اور ایوان کے وقار کے مطابق نہیں ہوتے ، ایسے الفاظ عام زبان میں بھی نہیں بولے جاتے باہر ، ایسے الفاظ کئی بار ہمیں کارروائی سے ہٹا دۓ جاتے ہے ، ہم نے ان کو مرتب کیا ہے۔

•••••••••••••••••••••••••••••••••

*سی بی ایس ای کے 12ویں کے نتائج کا اعلان، 99.37 فیصد طلبہ کامیاب*

واضح ہوکہ نیوز رپورٹ سے ملی جانکاری کے مطابق سی بی ایس ای کے 12 ویں امتحان کے نتائج جاری کر دیئےگئےہیں۔ نتائج کے لیے طلبہ کا انتظار ختم ہوگیا۔ 12 ویں کے نتائج سرکاری ویب سائٹ cbseresults.nic.in پر جاری کیا گیا ہے۔ سپریم کورٹ نے 31 جولائی تک نتائج  کا اعلان کرنے کی ہدایت دی تھی۔اس سال 14،30،188 طلباء نے 12 ویں کے امتحان کے لئے اندراج کیا تھا۔ ان میں سے باقاعدہ طلبہ کی تعداد 13،04،561 ہے جن کے نتائج جاری کردیئے گئے ہیں۔ پاس طلباء کی تعداد 12،96،318 ہے۔ 99.37 فیصد طلبہ کامیاب قراردیئےگئےہیں۔

•••••••••••••••••••••••••••••••••

*ممتا بنرجی کا اعلان ، ہر دوسرے مہینے آئیں گی دہلی*

واضح ہوکہ نیوز رپورٹ سے ملی جانکاری کے مطابق مغربی بنگال کی وزیر اعلی ممتا بنرجی نے مشن 2024 کی تیاری تیز کردی ہے ۔ گزشتہ پانچ دنوں کے دہلی دورہ کے دوران انہوں نے کانگریس کی عبوری صدر سونیا گاندھی ، راہل گاندھی کے ساتھ ساتھ ملک کے کئی اپوزیشن لیڈروں سے ملاقات کی ہے ۔ اب انہوں نے اعلان کیا ہے کہ وہ ہر دو مہینے میں دہلی آئیں گی ۔ مانا جارہا ہے کہ ممتا کے اس اعلان کے پیچھے ان کا مشن 2024 ہے ۔ممتا بنرجی نے آج کہا کہ میں نے آج شرد پوار سے بات چیت کی ۔ میرا دورہ کامیاب رہا ۔ ہم سیاسی مقاصد کیلئے ملے ، جمہوریت زندہ رہنی چاہئے ، میرا نعر ہے : جمہوریت بچاو ملک بچاو ۔ ہم کسانوں کے معاملہ کے حمایت کرتے ہیں ، میں ہر دوسرے مہینے دہلی آوں گی ۔

•••••••••••••••••••••••••••••••••

*آنے والے تین چار دنوں میں کئی ریاستوں میں شدید بارش کا انتباہ ،الرٹ جاری*

واضح ہوکہ نیوز رپورٹ سے ملی جانکاری کے مطابق امسال مانسون کا سلسلہ جاری ہے اور کہیں کہیں شباب پر ہے  ۔ دارالحکومت دہلی میں بھی مسلسل دو دنوں سے بارش کا ماحول بنا ہوا ہے۔ ہندوستانی محکمہ موسمیات نے اگلے تین چار دنوں میں ملک کے کئی حصوں میں شدید بارش کی پیش گوئی کی ہے۔ آئی ایم ڈی کے مطابق 30 جولائی سے 4 اگست 2021 تک وسطی اور شمالی ہند کی کئی ریاستوں میں بارش کا امکان ہے۔آئی ایم ڈی نے کہا ہے کہ 30 جولائی اور 4 اگست کے درمیان وسطی اور شمالی مغربی ہندوستان کے کچھ علاقوں(مغربی مدھیہ پردیش اور مشرقی راجستھان) میں موسلا دھار بارش ہوسکتی ہے۔ 31 جولائی سے ہندوستان کے مشرقی علاقوں میں بارش میں کمی ہو سکتی ہے۔ محکمہ کے مطابق 30 جولائی سے 2 اگست تک اترپردیش کے بیشتر علاقوں میں موسلا دھار بارش کا امکان ہے۔ اس کے ساتھ ساتھ اگلے تین چار دنوں میں جموں و کشمیر اور پنجاب کے بیشتر علاقوں میں ہلکی بارش ہوسکتی ہے

•••••••••••••••••••••••••••••••••

*پیگاسس معاملے پر وزیر داخلہ امیت شاہ جواب دیں، وزیر اعظم بھی موجود رہیں*

واضح ہوکہ نیوز رپورٹ سے ملی جانکاری کے مطابق پارلیمنٹ کے مانسون سیشن میں پیگاسس جاسوسی معاملے پر ہنگامہ جاری ہے۔ ایوان کی کارروائی بھی آسانی سے نہیں چل رہی ہے۔ اس پورے معاملے پر راجیہ سبھا میں قائد حزب اختلاف ملکارجن کھرگے نے کہا کہ حکومت کو پارلیمنٹ میں تعطل کو ختم کرنے کے لیے آگے آنا چاہیے، لیکن حکومت اس کے لیے تیار نہیں ہے۔ ہمارا مطالبہ یہ ہے کہ سب سے پہلے پیگاسس سپائی ویئر فون ہیک کے معاملے پر پارلیمنٹ میں بحث کی جائے اور وزیر داخلہ جواب دیں اور وزیر اعظم کو بھی موجود ہونا چاہیے

•••••••••••••••••••••••••••••••••

*آسام کے وزیر اعلی کا بیان ،میزورم جانے سے پہلے سوچنے کا مشورہ دیا*

واضح ہوکہ نیوز رپورٹ سے ملی جانکاری کے مطابق میزورم کے ساتھ چل رہے سرحدی تنازع کے پیش نظر آسام حکومت کے ذریعہ جاری سفری ہدایت نامہ پر ریاست کے وزیر اعلی ہمنت بسوا شرما نے جمعہ کو کہا کہ سفر پر کوئی پابندی نہیں لگائی گئی ہے ۔ انہوں نے کہا کہ سفر پر کوئی روک نہیں ہے ۔ ہم نے لوگوں کو میزورم جانے سے پہلے سوچنے کا مشورہ دیا ہے کیونکہ شہریوں کے ہاتھوں میں ہتھیار ہیں اور یہ بات تب تک جاری رہے گی جب تک میزورم سرکار ان سے ہتھیار ضبط نہیں کرلیتی ہے ۔

•••••••••••••••••••••••••••••••••

*ہم آکسیجن کی پیداوار جاری رکھنا چاہتے ہیں ویدانتا سپریم کورٹ پہنچا ، ریاستی حکومت نے انکار کر دیا*

واضح ہو کہ ویدانتا نے سپریم کورٹ میں ایک درخواست دائر کی ہے تاکہ توتیکورین پلانٹ میں میڈیکل آکسیجن کی پیداوار جاری رہے اس معاملے میں وکندر ہریش سالوے نے ویدانتا کی طرف سے پیش ہوئے کہا کہ پلانٹ میں میڈیکل آکسیجن کی تیاری جاری رکھنے کی اجازت دی جانی چاہئے تمل ناڈو حکومت نے اس کی مخالفت کرتے ہوئے کہا کہ ریاست میں کافی آکسیجن ہے  اب پلانٹ چلانے کی ضرورت نہیں ہے سپریم کورٹ اس معاملے پر 6 اگست (جمعہ) کو سماعت کرے گی درحقیقت 27 اپریل کو سپریم کورٹ نے ویدانتا کو تمل ناڈو کے توتی کورین میں 31 جولائی تک اپنا آکسیجن پلانٹ چلانے کی اجازت دی تھی اور کہا تھا کہ یہ حکم آکسیجن کی قومی ضرورت کے پیش نظر منظور کیا گیا ہے عدالت نے کہا تھا کہ ویدنتا کو 31 جولائی 2021ء تک آکسیجن پلانٹ چلانے کی اجازت دے دی گئی ہے جس کے بعد کووڈ 19 وبا سے پیدا ہونے والی زمینی صورتحال کا جائزہ لیا جائے گا۔

•••••••••••••••••••••••••••••••••

*دہلی خطرے کے نشان کے اوپر یمنا ، راجدھانی کے کئ علاقوں میں باڑھ کا خطرہ ، الرٹ جاری*

واضح ہو کہ نیوز رپورٹ سے ملی جانکاری کے مطابق نچلے علاقوں اور جمنا کیچمنٹ ایریاز میں شدید بارش کے بعد قومی دارالحکومت دہلی میں یمنا کے پانی کی سطح تیزی سے بڑھ رہی ہے اس نے خطرے کا نشان عبور کر لیا ہے جمعہ کی صبح گیارہ بجے کے لگ بھگ یمنا کی سطح کی سطح 205.34 ہوگئی جب کہ خطرے کا نشان صرف 205.33 میٹر ہے صبح 9 بجے یمنا کی سطح 205.26 میٹر تک بڑھ گئی تھی یمنا کے پانی کی سطح جس رفتار سے بڑھ رہی ہے اس کو دیکھتے ہوئے یہ خیال کیا جارہا ہے کہ یمنا کے آس پاس کے نشیبی علاقوں میں سیلاب آسکتا ہے عہدیداروں کا کہنا تھا کہ انتظامیہ نے دریا کے زیر آب آنے کے نچلے علاقوں میں الرٹ جاری کیا ہے اور چوبیس گھنٹے صورتحال پر نظر رکھی جارہی ہے۔

•••••••••••••••••••••••••••••••••

*جب تک حکومت کی طرف سے کوئی جواب نہیں آتا زرعی قوانین اور پیگاسس معاملے پر کانگریس کی بات چیت رہے گی جاری*

واضح ہو کہ نیوز رپورٹ سے ملی جانکاری کے مطابق اپوزیشن زرعی قوانین اور پیگاسس اسپائی ویئر کیس سمیت دیگر امور کے حوالے سے پارلیمنٹ میں مستقل طور پر ہنگامہ کر رہی ہے جمعہ کے روز بھی پارلیمنٹ کا اجلاس ہنگامہ کی نظر رہا اپوزیشن بالخصوص کانگریس زرعی قوانین کو واپس لینے اور پیگاسس کیس کی تحقیقات پر قائم ہے کانگریس ممبران پارلیمنٹ نے گاندھی کے مجسمے کے سامنے مظاہرہ کیا اور نعرے بلند کیے کانگریس رکن پارلیمنٹ کا کہنا ہے کہ وہ زرعی قوانین اور پیگاسس کا مسئلہ آج بھی پارلیمنٹ میں اٹھائیں گے۔

•••••••••••••••••••••••••••••••••

*سپریم کورٹ نے وزیر اعظم مودی پر پوسٹر لگانے والوں کے خلاف ایف آئی آر منسوخ کرنے کی درخواست کی سماعت سے انکار کردیا*

واضح ہو کہ نیوز رپورٹ سے ملی جانکاری کے مطابق سپریم کورٹ نے پوسٹر لگانے والوں کے خلاف درج ایف آئی آر کو منسوخ کرنے کے مطالبے کو سننے سے انکار کر دیا ہے عدالت کا موقف دیکھ کر درخواست گزار کے وکیل پردیپ یادو نے درخواست واپس لے لی ہے عدالت نے کہا جن کے خلاف ایف آئی آر درج کی گئی ہے وہ عدالت سے رجوع کرسکتے ہیں لیکن کسی تیسری پارٹی کی درخواست پر ایف آئی آر کو نہیں روکا جاسکتا اہم بات یہ ہے کہ وزیر اعظم نریندر مودی کے خلاف پوسٹر لگانے کا معاملہ سپریم کورٹ میں پہنچا تھا  دہلی پولیس کے خلاف سپریم کورٹ میں ایک عرضی داخل کی گئی درخواست میں مطالبہ کیا گیا کہ کورونا کے حوالے سے پی ایم مودی پر پوسٹر لگانے والوں کے خلاف ایف آئی آر منسوخ کی جائے یہ بھی کہا گیا ہے کہ پولیس سے کہا جائے کہ وہ ویکسین پر پوچھ گچھ کرنے والے پوسٹروں یا اشتہاروں پر ایف آئی آر نہ لیں یا کارروائی نہ کریں درخواست میں مطالبہ کیا گیا ہے کہ پولیس سے ان ایف آئی آر کے تمام ریکارڈ بھی طلب کیے جائیں۔

•••••••••••••••••••••••••••••••••

*ڈی جی سی اے نے بین الاقوامی پروازوں پر پابندی 31 اگست تک بڑھا دی*

واضح ہوکہ نیوز رپورٹ سے ملی جانکاری کے مطابق کورونا وائرس کے وبا کی وجہ سے  مسافروں کے بین الاقوامی پروازوں  پر پابندی 31 اگست تک بڑھا دی گئی ہے۔ یہ معلومات جمعہ کے روز ہوا بازی کے ریگولیٹر ڈی جی سی اے (ڈائریکٹوریٹ جنرل سول ایوی ایشن) نے دی۔ ڈائریکٹوریٹ جنرل جنرل سول ایوی ایشن نے کہا ، "تاہم ، بین الاقوامی پروازوں کو قابل اختیار اتھارٹی کے ذریعہ منتخب کردہ راستوں پر کسی بنیادی صورت پر اجازت دی جائے گی۔" قابل ذکر ہے کہ کورونا وائرس کی وبا کی وجہ سے بھارت میں 23 مارچ 2020 سے بین الاقوامی مسافر پروازیں معطل ہیں۔لیکن مئی 2020 سے ، وندے بھارت مشن کے تحت خصوصی بین الاقوامی پروازیں چلائی جارہی ہیں اور جولائی 2020 سے ، کچھ ممالک کے ساتھ 'ایئر ببل' (باہمی خصوصی خصوصی بین الاقوامی پرواز) معاہدے کے تحت بھی پروازیں چلائی جارہی ہیں۔

•••••••••••••••••••••••••••••••••

*دہلی اسمبلی میں زرعی قانون کو منسوخ کرنے کی تجویز پیش*

واضح ہوکہ نیوز رپورٹ سے ملی جانکاری کے مطابق دہلی کی اروند کیجریوال حکومت نے مرکز کے تینوں زرعی قوانین کے خلاف شروع سے ہی کسانوں کی جاری تحریک کی حمایت کی ہے۔ دہلی حکومت کئی بار مرکز کے تین زرعی قوانین کو منسوخ کرنے کا مطالبہ کر چکی ہے۔ اس سلسلے میں کل دہلی اسمبلی میں مانسون اجلاس کے دوران زرعی قوانین کو منسوخ کرنے کی قرارداد منظور کی گئی۔ عام آدمی پارٹی (آپ) کے علاقائی ایم ایل اے جرنیل سنگھ نے ایوان کی میز پر زراعت ایکٹ کو منسوخ کرنے کی تجویز پیش کی۔

•••••••••••••••••••••••••••••••••

*راکیش استھانہ کی دہلی پولیس کمشنر کے طور پر تقرری سپریم کورٹ میں چیلنج*

واضح ہوکہ نیوز رپورٹ سے ملی جانکاری کے مطابق راکیش استھانہ کی دہلی پولیس کمشنر کے طور پر تقرری کو سپریم کورٹ میں چیلنج کیا گیا ہے۔ ایڈوکیٹ ایم ایل شرما نے اس سلسلے میں ایک عرضی دائر کرتے ہوئے استھانہ کی تقرری کو منسوخ کرنے کا مطالبہ کیا۔ شرما نے اس معاملے میں پی ایم مودی اور وزیر داخلہ امیت شاہ کے خلاف توہین کی کارروائی کا مطالبہ کیا ہے۔ درخواست میں کہا گیا ہے کہ استھانہ کو ریٹائرمنٹ سے چار دن قبل دہلی پولیس کمشنر کے طور پر مقرر کرنا سپریم کورٹ کے فیصلے کے خلاف ہے۔واضح رہے کہ راکیش استھانہ کو ریٹائرمنٹ سے کچھ دن پہلے دہلی کے پولیس کمشنر کے طور پر تعینات کیے جانے کے معاملے میں بھی سیاست گرم ہوگئی ہے۔ دہلی اسمبلی نے جمعرات کو استھانہ کی دہلی پولیس کمشنر کے طور پر تقرری کے خلاف ایک قرارداد منظور کی اور وزارت داخلہ سے تقرری واپس لینے کو کہا

•••••••••••••••••••••••••••••••••

*سپریم کورٹ نے دھنباد میں جج کی مشتبہ موت کا ازخود نوٹس لیا، ڈی جی پی سے رپورٹ طلب*

واضح ہوکہ نیوز رپورٹ سے ملی جانکاری کے مطابق سپریم کورٹ نے جھارکھنڈ کے دھنباد میں ایک جج کی مشتبہ موت کا ازخود نوٹس لیا ہے۔ سی جے آئی این وی رامنا اور جسٹس سوریہ کانت کی بنچ نے ایک ہفتے میں چیف سیکریٹری اور جھارکھنڈ کے ڈی جی پی سے رپورٹ طلب کی ہے۔ عدالت نے کہا ہے کہ ملک بھر میں عدالتی افسران پر حملوں کے کئی واقعات ہوئے ہیں۔ ہم ان کی حفاظت کے وسیع موضوع پرسماعت کریںگے۔ جھارکھنڈ ہائی کورٹ دھنباد جج کے مبینہ قتل کی تحقیقات کی نگرانی کرتا رہے گا۔دھنباد ڈسٹرکٹ ایڈیشنل ڈسٹرکٹ جج (اے ڈی جے) آنند اتم بدھ کے روز ایک گاڑی کی زد میں آکر ہلاک ہوگئے جب وہ دھنباد میں مجسٹریٹ کالونی کے قریب صبح کی سیر کر رہے تھے

•••••••••••••••••••••••••••••••••

*جموں کشمیر : سی آر پی ایف جوانوں پر گرینیڈ سے حملہ، دو جوان سمیت ایک عام شہری زخمی*

واضح ہوکہ نیوز رپورٹ سے ملی جانکاری کے مطابق شمالی کشمیر کے سوپور علاقے میں دہشت گردوں نے سی آرپی ایف کے جوانوں پر گرینیڈ سے حملہ کردیا۔ اس حملے میں سی آر پی ایف کے تین اور ایک عام شہری زخمی ہوگیا۔ اس حملے میں زخمیوں کو فوراً اسپتال میں داخل کرایا گیا۔ اس کے ساتھ ہی علاقے کو گھیر لیا گیا ہے اور سرچ آپریشن شروع کردیا گیا ہے۔

•••••••••••••••••••••••••••••••••

*بہار میں چراغ پاسوان کے قریبی میئر شیوراج پاسوان کا گولی مار کر قتل*

واضح ہوکہ نیوز رپورٹ سے ملی جانکاری کے مطابق بہار کے کٹیہار علاقے سے میئر اور چراغ پاسوان کے بے حد قریبی شیوراج پاسوان کو بدمعاشوں نے گولی مار دی، جس کے بعد اسپتال میں علاج کے دوران ان کی موت ہوگئی۔ کٹیہار کے ڈی ایس پی امرکانت جھا نے کہا کہ پولیس اب تک قتل کے کسی ٹھوس وجہ تک نہیں پہنچ پائی ہے۔ وہیں کلکٹر نے اسے کٹیہار کے لئے افسوسناک حادثہ قرار دیا۔

•••••••••••••••••••••••••••••••••

*دہلی کے نرسنگ ہوم میں نرس نے 2 ماہ کے بچے کو بے دردی سے پیٹا ، سی سی ٹی وی میں خلاصہ*

واضح ہوکہ نیوز رپورٹ سے ملی جانکاری کے مطابق دہلی کے ایک نرسنگ ہوم میں 2 ماہ کے بچے کو بے رحمی سے پیٹا گیا کہ اس کے بائیں ہاتھ کی ہڈی ٹوٹ گئی اور منہ پر سوجن بھی آگئی۔ دراصل یوپی کے ہاتھرس میں رہنے والے ایک خاندان نے اپنے 2 ماہ کے معصوم بچے کو علاج کے لیے دہلی کے وویک وہار کے نرسنگ ہوم میں داخل کرایاتھا۔ نرسنگ ہوم میں والد دن میں ایک بار بچے کو دیکھ لیتے تھے ، کیونکہ اسے وہاں رہنے کی اجازت نہیں تھی۔ اس کے بعد 24 جولائی کو نرسنگ ہوم کی جانب سے بتایا گیا کہ آپ کے بیٹے کو چوٹ لگی ہے، بائیں ہاتھ میں فریکچر ہے اور بچے کا منہ بھی سوج گیا ہے۔والد کے کہنے پر نرسنگ ہوم کے سی سی ٹی وی کیمرے کی فوٹیج چیک کی گئی، جس میں ایک نرس معصوم کو مارتے ہوئے نظر آرہی ہے۔ اس کے بعد والد نے وویک وہار پولیس اسٹیشن میں شکایت درج کرائی ہے۔ پولیس نے مقدمہ درج کرلیا ہے

•••••••••••••••••••••••••••••••••

*سنا ہے کہ بی جے پی گاؤں۔ گاؤں جا کر آشیرواد حاصل کرے گی: اکھلیش یادو*

واضح ہوکہ نیوز رپورٹ سے ملی جانکاری کے مطابق سماج وادی پارٹی کے قومی صدر اکھلیش یادو نے جمعہ کو ایک ٹویٹ کے ذریعے بی جے پی پر طنز کیا۔ انہوں نے کہا کہ جنہوں نے آکسیجن نہیں دی اور عوام کی سانس چھین لیں ، وہ آج عوام سے آشیرواد لیں گے۔سماج وادی پارٹی کے صدر اور سابق وزیر اعلیٰ نے ٹویٹ میں لکھا ہے کہ ‘میں نے سنا ہے کہ بی جے پی آشیرواد حاصل کر نے کے لئے گاؤں۔گاؤں جائے گی ، جس نے عوام کی سانسوں کو چھین لیا لیکن آکسیجن نہیں دی۔ سلنڈروں کی قیمتوں میں اضافہ کر کے عوام کا چولہا بجھایا ، مہنگی بجلی سے مکانات کو تاریک کیا۔ کسان مزدور ، خواتین ، اساتذہ ، نوجوان ، دلت ، پسماندہ سب کو ہراساں کیا۔ ملازمت نہیں دی ، مزید روزی چھین لی۔اور اب وہ لوگوں سے آشیر واد لینے جا رہے ہیں

•••••••••••••••••••••••••••••••••

*پیگاسس جاسوسی معاملہ: سپریم کورٹ جانچ کے مطالبے پر سماعت کے لیے تیار*

واضح ہوکہ نیوز رپورٹ سے ملی جانکاری کے مطابق سپریم کورٹ نے سینئر صحافیوں این رام اور ششی کمار کے ذریعہ پیگاسس جاسوسی کیس کی جانچ کے لیے سپریم کورٹ کے جج کے ذریعہ جانچ کے مطالبے پر اتفاق کیا ہے۔ کل سینئر ایڈوکیٹ کپل سبل نے چیف جسٹس این وی رمنا کی سربراہی میں بنچ کے سامنے جلد سماعت کے لیے اس کا ذکر کیا ، جس کے بعد عدالت نے اگست کے پہلے ہفتے میں سماعت کا حکم دیا۔درخواست میں کہا گیا ہے کہ صحافیوں ، وکلاء، حکومتی وزراء ، اپوزیشن جماعتوں کے رہنماؤں اور سول سوسائٹی کے کارکنوں کی پیگاسس کے ذریعے جاسوسی کی گئی ہے۔درخواست میں کہا گیا ہے کہ دنیا کے کئی مشہور اخبارات اور رسائل نے انکشاف کیا ہے کہ ہندوستان کے 142 سے زائد لوگوں کی پیگاسس کے ذریعے جاسوسی کی گئی۔

•••••••••••••••••••••••••••••••••

*جی ایس ٹی ترمیمی بل دہلی اسمبلی میں منظور*

واضح ہوکہ نیوز رپورٹ سے ملی جانکاری کے مطابق دہلی کے وزیر خزانہ منیش سسودیا نے جمعہ کو دہلی اسمبلی میں دہلی جی ایس ٹی ترمیمی بل 2021 تجویز کیا، جسے اسمبلی نے منظور کیا۔ اس کے تحت جی ایس ٹی کی دفعہ 15 میں ترمیم کی گئی اور شیڈول 2 کے پیراگراف 7 کو ختم کردیا گیا۔

جی ایس ٹی کونسل کی 39 ویں میٹنگ میں ان ترامیم کی منظوری دی گئی۔مسٹر سسودیا نے کہا کہ مجوزہ دہلی جی ایس ٹی (ترمیمی) بل 2021 لایا گیا ہے تاکہ تاجروں کی مشکلات کو دور کیا جاسکے، جی ایس ٹی کے عمل کو آسان بنایا جا سکیاور جی ایس ٹی کو غلط قرار دینے والے اور لوگوں سے پیسہ لینے والے تمام لوگوں کو جوابدہ بنایا جائے لیکن حکومت نے انکار نہیں کیا یہ مجوزہ ترمیمی بل ان تمام افراد پر ایک چیک لگائے گا۔جو ٹیکسوں سے بچتے ہیں۔سیکشن 15 بشرطیکہ تاجروں کو لازمی آڈٹ اور بیانات کی صلح کرانا ضروری ہو۔ اس کی وجہ سے تحریری تعلیم کا بوجھ تاجر طبقے پر زیادہ تھا۔ اس سے چارٹرڈ اور لاگت کے اکاؤنٹنٹ پر چھوٹے تاجروں کا انحصار بڑھ رہا تھا۔ اس کے ساتھ اس کے اخراجات بھی بڑھ رہے تھے۔ یہ تالیف اب ہٹا دی گئی ہے

•••••••••••••••••••••••••••••••••

*عمرہ زائرین کے بعد اب سعودی عرب نے سیاحوں کے آنے کی دی اجازت*

واضح ہوکہ نیوز رپورٹ سے ملی جانکاری کے  عمرہ زائرین کے لئے اپنے دروازے کھولنے کے بعد عالمی وبا کورونا پر سختی برتے ہوئے سعودی عرب نے ویکسینیشن مکمل کرنے والے سیاحوں کو ملک میں داخلے کی اجازت دے دی۔ عرب میڈیا کے مطابق سعودی عرب نے 17 ماہ کی بندش کے بعد ملک میں سیاحوں کے لیے دروازے کھول دیے ہیں ، جس کے تحت کورونا ویکسین کی دونوں خوراکیں لینے والے مکمل ویکسین شدہ سیاحوں کو یکم اگست سے ملک میں داخلے کی اجازت دی گئی ہے۔سعودی وزارت سیاحت نے کہا ہے کہ کہ یکم اگست سے نافذ پالیسی پر پورا اترنے والوں کو ملک میں داخلے کی اجازت دی جارہی ہے ، جس کے لیے کورنا ویکسین کی مکمل خوراکیں لینے والے افراد کو صرف ویکسینیشن سرٹیفکیٹ پیش کرنا ہوگا جس کے بعد انہیں کسی کوارنٹائن کی ضرورت نہیں ہوگی۔

•••••••••••••••••••••••••••••••••

*کیرالہ کے وزیر صحت نے کہا- "کوویڈ بالکل کنٹرول میں ہے لیکن ویکسین ختم ہو رہی ہیں*

واضح ہوکہ نیوز رپورٹ سے ملی جانکاری کے مطابق کیرالا کی وزیر صحت وینا جارج نے کل کہا کہ 50 فیصد سے زیادہ آبادی اب بھی متاثر نہیں ہے۔ ریاست میں کورونا کی موجودہ صورتحال کا پہلے ہی جائزہ لیا گیا تھا ، یہ توقع کی جا رہی تھی۔ انہوں نے کہا کہ ریاست میں ایک منصوبہ بند حکمت عملی کا نتیجہ یہ ہے کہ کورونا انفیکشن کنٹرول میں ہے۔ ریاست میں کووڈ کی صورتحال بالکل ٹھیک ہے ، لیکن کورونا ویکسین کی کمی ہے۔ انہوں نے کہا کہ ہماری پوری توجہ ویکسین پر مرکوز ہے جو کہ ریاست میں تیزی سے ختم ہو رہی ہے،جارج نے این ڈی ٹی وی کو ایک خصوصی انٹرویو میں کہا ، "کیرالہ میں صورتحال بالکل کنٹرول میں ہے۔

•••••••••••••••••••••••••••••••••

*کیرالا میں لگاتار چوتھے دن کوویڈ 19 کے 20 ہزار سے زائد کیسز ، 116 مریضوں کی موت*

واضح ہوکہ نیوز رپورٹ سے ملی جانکاری کے مطابق کیرالہ میں جمعہ کے روز مسلسل چوتھے دن کورونا وائرس کے انفیکشن کے 20 ہزار سے زیادہ کیس رپورٹ ہوئے اور 116 مریضوں کی موت ہوئی۔ ریاست میں انفیکشن کی شرح 13.61 فیصد ہے۔ ریاستی حکومت کی جانب سے ایک بیان میں کہا گیا ہے کہ انفیکشن کے 20،772 نئے کیسز کے رپورٹ ہونے کے بعد متاثرہ افراد کی کل تعداد 33،70،137 ہو گئی ہے۔ 116 مریضوں کی موت کے ساتھ ، اموات کی تعداد 16،701 تک پہنچ گئی ہے۔ 14،651 افراد کے انفیکشن سے صحت یاب ہونے کے بعد ، ٹھیک ہونے والے افراد کی تعداد بڑھ کر 31،92،104 ہوگئی۔

•••••••••••••••••••••••••••••••••

*ملک میں ایک دن میں 41 ہزار  سے زائد کرونا کے نئے کیسز*

واضح ہوکہ نیوز رپورٹ سے ملی جانکاری کے مطابق ملک میں کرونا وائرس کے نۓ کیسز میں کمی دیکھنے کو مل رہی ہے ، کویڈ ١٩ انڈیا ویب سائٹ کے مطابق 30 جولائی  11:56 PM بجے  اپڈٹ  رپورٹ کے مطابق ملک میں ایک دن میں 41,495 نۓ کیسز رپورٹ ہوئے ہیں جس کے بعد کرونا متاثرین کی مجموعی تعداد  3,16,12,794 پہونچ گئ ہے جبکہ ایک دن میں 598 لوگوں کی موت کے بعد اموات کی مجموعی تعداد 4,23,842 پہونچ گئ ہے ، اب تک کل 3,07,73,555  افراد شفایاب ہوچکے ہیں اس وقت 4,02,884 ایکٹیو کیسز ہیں

•••••••••••••••••••••••••••••••••

*دارالعلوم دیوبند کے نائب مہتمم مولانا عبدالخالق سنبھلی کا طویل علالت کے بعد انتقال*

واضح ہوکہ نیوز رپورٹ سے ملی جانکاری کے مطابق دارالعلوم دیوبند کے نائب مہتمم مولانا عبدالخالق سنبھلی کا آج ساڑھے تین بجے انتقال ہوگیا۔ انا للہ وانا الیہ راجعون۔ مولانا مرحوم کافی دنوں سے علیل تھے ۔ بیچ میں طبیعت میں کچھ افاقہ بھی ہوا تھا لیکن ادھر دو تین دنوں سے حالت سنگین تھی۔ اللہ انہیں جوار رحمت میں جگہ عطا فرمائے۔

•••••••••••••••••••••••••••••••••

*ترکی کے مختلف صوبوں میں آگ، مقامی افراد اپنے گھر اور سیاح ہوٹل چھوڑنے پر مجبور*

واضح ہوکہ بی بی سی میں شائع رپورٹ کے مطابق ترکی میں بحیرہ روم اور بحیرہ ایجئن کے ساحلوں پر قائم ریزورٹس اور آس پاس کے دیہات میں لگنے والی آگ کی وجہ سے انھیں خالی کرا لیا گیا ہے جبکہ چھٹیوں پر آئے سیاح بھی اپنے ہوٹلوں کو چھوڑنے پر مجبور ہوئے ہیں ،28 اور 29 جولائی کے درمیان ترکی کے 21 صوبوں میں 63 مقامات پر آگ بھڑک اٹھی تھی،حکام کا کہنا ہے کہ 63 مقامات پر بھڑکنے والی آگ میں سے 43 پر قابو پا لیا گیا ہے جبکہ 20 مقامات پر آگ پر قابو پانے کے لیے کوششیں جاری ہیں ،اب تک چار افراد کی ہلاکت کی اطلاعات ہیں جبکہ درجنوں کو ہسپتال میں داخل کرایا گیا ہے ،کہا جا رہا ہے کہ جنگلوں میں آگ کے واقعات میں سینکڑوں جانور بھی ہلاک ہوئے ہیں ،ترکی کے وزیر زراعت کا کہنا ہے کہ آگ پر مکمل طور پر قابو پانے میں وقت لگ سکتا ہے