نماز جمعہ کے خلاف امیت شاہ کا زہر یلا بیاناز::سمیع اللہ خان

نماز جمعہ کے خلاف امیت شاہ کا زہر یلا بیان

از::سمیع اللہ خان

ابھی ایک ویڈیو دیکھا امیت شاہ کا، جس میں وہ نہایت بے شرمی سے مسلمانوں کے خلاف زہر اگل رہے ہیں امیت شاہ بھارت کے وزیرداخلہ کے منصب پر فائز ہوکر کھلے عام مسلمانوں کے طریقہء عبادت ” نماز ” کو زہرناک کرکے پیش کر رہے ہیں، انہوں نے یہ باور کرانے کی کوشش کی ہےکہ، مسلمان جمعہ کے دن نیشنل ہائی وے بند کرکے لوگوں کو تکلیف میں ڈال کر جمعہ کی نماز ادا کرتےہیں،

یہ آدمی زہریلی منافرت کی سیاست میں اسقدر نفرتی ذہنیت کا حامل ہوچکاہے کہ اسے اپنے منصب کی حساسیت کا بناوٹی خیال بھی نہیں رہاہے اور جھوٹ پھیلا رہاہے … مسلمانوں سے نفرت کی سیاست کرتے کرتے ان لوگوں کی ذہنی حالت قابلِ رحم صورتحال کا منظر پیش کررہی ہے۔
بھارت کا ہوم منسٹر جب کھلے عام مسلمانوں کی عبادت کو منافرت کا موضوع بنا رہا ہے تب کیا ہمیں مزید کسی ثبوت اور قرینے کی گنجائش رہ جاتی ہے کہ ہندوﺅں کو مسلمانوں کےخلاف فسادی اور دنگائی کون بنا رہا ہے؟
جو لوگ یہ سوچتے ہیں کہ، سرکار فسادات نہیں چاہتی یا ہندو کسی غلط فہمی کا شکار ہیں مسلمانوں کےمتعلق وہ بڑے بھولے پن میں مبتلاء ہوکر اپنا وقت ضائع کررہےہیں، ریاستی و سرکاری سطح پر جب ایک کمیونٹی کےخلاف زہر گھولا جارہا ہو تو اسے صرف بازآبادکاری کے خیراتی کاموں کےذریعے ہرگز روکا نہیں جاسکتا، اور ناہی ایسی سرکاروں سے آپکی امیدیں آپکو آنے والے سنگین حالات سے بچا سکتی ہیں ۔

یہ بہت ضروری ہوچکاہے کہ، ملک کی سیاسی و پارلیمانی اپوزیشن کھل کر اس بات کو کہنا شروع کرے کہ بھارت میں وزیراعظم اور وزیرداخلہ ہندوﺅں کو فسادی بنارہے ہیں اور مسلمانوں کےخلاف دنگے بھڑکا رہے ہیں

” نماز ” کےمتعلق امیت شاہ کا بیان جمہوری سرکار میں آئینی بالادستی کا مذاق ہے، اور اس بیان کو دےکر امیت شاہ کو خاموشی سے نکل جانے دینا اپنے آپ میں بڑی بےحسی اور غفلت ہے، میں اپیل کرتاہوں کہ امیت شاہ کے اس بیان کو ملک کی مذہبی، سیاسی و سماجی اعلیٰ سطحی سوِل سوسائٹی کےذریعے ہر زبان میں ریجیکٹ کیا جائے 

انگلینڈ کی فاتحانہ مہم کوروکنا سری لنکا کے سامنے سب سے بڑا چیلنج

انگلینڈ کی فاتحانہ مہم کوروکنا سری لنکا کے سامنے سب سے بڑا چیلنج

شارجہ31اکتوبر- انگلینڈ کی نظر آئی سی سی ٹی ٹوئنٹی ورلڈ کپ میں پیر کو یہاں اپنے گروپ ون کے میچ میں سری لنکا کے خلاف میدان میں اترنے پر سیمی فائنل میں جگہ بنانے کے لیے ہوگی۔
انگلینڈ کو پہلے ہی ٹورنامنٹ میں ٹائٹل کا مضبوط دعویدار سمجھا جاتا تھا اور ٹیم نے اپنے پہلے تین میچ اسی اندازمیںکھیلے ہیں۔ اس میں ہفتے کے روز روایتی حریف آسٹریلیا کے خلاف شاندار جیت بھی شامل تھی۔ایان مورگن کی قیادت میں ٹیم تمام کمزور کڑی کودور کرنے کے بعدیہاں پہنچی ہے۔ ان کے پاس ٹیم پلیئرز کا آپشن بھی ہے لیکن اب تک انہیں استعمال کرنے کی ضرورت نہیں ہے۔آسٹریلیا کے خلاف انگلینڈ کی آٹھ وکٹوں کی شاندار جیت نے دوسری ٹیموں کو پیغام دیاہے کہ انہیں ٹائٹل کا دعویدار کیوں سمجھا جا رہا ہے۔انگلینڈ کے ناک آؤٹ مرحلے تک پہنچنے کے مضبوط امکانات کی ایک اور وجہ اوپنر جوس بٹلرکی شاندارفارم ہے۔ آسٹریلیا کے ورلڈ کلاس بولرز ان کی ناقابل شکست اننگز کو روکنے میں مکمل طور پر ناکام رہے۔انگلینڈ کے لیے واحد تشویش مڈل آرڈرکی فارم ہے۔ تین میچوں میں بڑی جیت نے مڈل آرڈر کو بیٹنگ کا زیادہ موقع نہیں دیالیکن کپتان مورگن کو یقین ہے کہ یہ بلے باز ضرورت کے وقت اچھی کارکردگی کا مظاہرہ کریں گے۔مورگن کو بھلے ہی بلے بازی کا موقع نہ ملا ہو لیکن ان کی کپتانی شاندار رہی ہے۔
آسٹریلیا کے خلاف ایرون فنچ کی کمزوری کا فائدہ اٹھانے کے لیے انہوں نے لیگ اسپنر عادل رشید کے ساتھ بولنگ کا آغاز کیا۔ معین علی اس میچ سے پہلے یہ ذمہ داری لیتے تھے۔ لیکن آسٹریلیا کے خلاف ان کی باؤلنگ کی ضرورت نہیں ہوئی۔اس میچ میں تیز گیند باز کرس ووکس نئی گیند کے ساتھ شاندار رہے اور کرس جارڈن نے بھی تین وکٹیں لے کر فارم میں آنے کے آثار دکھائے۔
آسٹریلیا کے خلاف آخری اوورز کے ماہر ٹیمل ملز قدرے مہنگے تھے لیکن وہ پورے ٹورنامنٹ میں وکٹیں لینے میں کامیاب رہے۔ورک ٹائم اسپنر لیام لیونگسٹون نے بھی ٹیم کے لیے اچھی کارکردگی کا مظاہرہ کرتے ہوئے مورگن کو بولنگ میں ایک اور اچھا آپشن دیا۔سری لنکا کو شارجہ میں انگلینڈ کے غلبے کو روکنے کے لیے کچھ خاص کرنا ہو گا۔سری لنکن کھلاڑیوں کی ناتجربہ کاری کو مدنظر رکھتے ہوئے ٹورنامنٹ میں ان کی کارکردگی پر کوئی توجہ نہیں دی جائے گی۔ ٹیم جنوبی افریقہ کے خلاف میچ ہار گئی لیکن اس کے پاس آخری اوور کا میچ جیتنے کا موقع بھی تھا۔تین میں سے دو میچ ہارنے کے بعد سری لنکا کو آخری چار میں پہنچنے کے اپنے امکانات کو برقرار رکھنے کے لیے یہ میچ جیتنا ہوگا۔چارتھ اسلانکا شاندار فارم میں ہیں جبکہ اسی اوپنر پاتھم نسانکا نے جنوبی افریقہ کے خلاف اچھی بیٹنگ کی۔
سری لنکا کے گیند بازوں نے اس ورلڈ کپ میں اب تک اچھی کارکردگی کا مظاہرہ کیا ہے۔ جنوبی افریقہ کے خلاف بھی ڈیوڈ ملر کے آخری اوور میں چھکا لگانے سے پہلے میچ پر اس کی گرفت تھی۔

تریپورہ مسلم مخالف تشدد کے خلاف ایس ڈی پی آئی کا ملک گیر احتجاج

تریپورہ مسلم مخالف تشدد کے خلاف ایس ڈی پی آئی کا ملک گیر احتجاج

نئی دہلی ( پریس ریلیز): سوشیل ڈیموکریٹک پارٹی آف انڈیا (SDPI) کارکنان نے تریپورہ میں مسلم مخالف تشدد کی مذمت اورتشدد کو قابو پانے اور مجرموں کی گرفتاری کامطالبہ کرتے ہوئے نئی دہلی تریپورہ بھون سمیت ملک بھر میں احتجاجی مظاہرے کئے ۔ اس موقع پر ایس ڈی پی آئی لیڈران نے اپنی تقاریر میں کہا کہ تریپورہ میں مسلمانوں کے خلاف دائیں بازو کے فسطائی تشدد انتہائی تکلیف دہ اور افسوسناک ہے۔ غیر بی جے پی مرکزی دھارے کی سیاسی پارٹیاں جو اقلیتی برادریوں اور پسماندہ طبقات کیلئے کھڑے ہونے کا دعوی کرتے ہیں ان کی تریپورہ تشدد پر خاموشی تشویش ناک ہے۔ یہ ان پارٹیو ں کیلئے شرم کی بات ہے کہ وہ ان حملوں پر آنکھیں بند کئے بیٹھے ہوئے ہیں ، تریپورہ میں جو ہورہا ہے کہا جارہا ہے کہ وہ بنگلہ دیش میں ہندو برادری پر ہونے والے تشدد کا بدلہ ہے۔ ایسا لگتا ہے کہ تریپورہ تشدد پر خاموش ان پارٹیوں کا فاشزم کی مخالفت کرناصرف اقتدار پر قبضہ کرنے کی سیاست تک ہی محدود ہے اور فسطائیوں کی طرف سے مسلمانوں پر جو مظالم ڈھائے جارہے ہیں ان کو اس کی کوئی فکر نہیں ہے۔ فسطائی حکومت کے تحت مسلمانوں کی موجودہ خوفناک حالت میں بھی، نام نہاد فسطائی مخالف پارٹیاں مسلمانوں کو صرف ایک ووٹ بینک کے طور پر شمار کرتی ہیں اور مسلمانوں کیلئے وہ جو مبالغہ آمیز زبان بولتے ہیں ، وہ محض مسلمانوں کے ووٹ اکھٹے کرنے نفرت انگیز حربے ہیں۔ بنگلہ دیش میں گزشتہ ہفتے درگا پوجا تہوار کے دورا ن اقلیتی ہندو برادری پر مسلم فرقہ پرست کے حملوں کے بعد تریپورہ میں کٹر ہندوتوا دائیں بازو کے فاشسٹ قوتوں کی طرف سے شروع کیا گیا تشددابھی بھی جاری ہے۔ جبکہ پولیس کا دعوی ہے کہ حالات قابو میں ہیں۔بنگلہ دیش میں مجرموں کے خلا ف مقدمہ درج کیا گیا ہے اور مجرموں کے خلاف سخت کارروائیاں شروع کی گئیں ہیں۔ بنگلہ دیش میں ایک ہندو مندر میں ایک مجسمے کے پائوں میں قرآن پاک رکھنے کے گستاخانہ فعل کے ردعمل میں تشدد شروع ہوا تھا۔ بنگلہ دیش کی حکومت نے درگا پوجا کے تشدد کے بعد ہندو برادری تک پہنچنے میں جلدی کی ہے۔ متعدد گرفتاریاں کی گئی ہیں اور وزراء متاثرہ ہندو خاندانوں سے ملاقات کررہے ہیں۔ اس طرح کی کارروائی برادریوں کے درمیان کشیدہ تعلقات کو ٹھیک کرنے میں مدد کرسکتی ہیں ، ہندوستان کے لیڈروں کے لیے بھی اس میں ایک سبق ہے۔ حکومتوں کا فرض ہے کہ وہ ملک میں اقلیتوں کو بلا لحاظ مذہب، ذات پات یا نسل کے تحفظ فراہم کریں۔جبکہ بنگلہ دیش ، اقلیتوں کے تحفظ کو یقینی بناتے ہوئے اس فرض کو ادا کرنے کی کوشش کررہا ہے اور دوسری طرف ہماری حکومت مجرموں کو تحفظ فراہم کررہی ہے اور ان کے ساتھ کھڑی ہے ۔ایس ڈی پی آئی کارکنان نے مطالبہ کیا کہ تریپورہ میں مسلمانوں پر تشدد برپا کرنے والوں کے خلاف سخت اقدامات کئے جائیں ۔

مسلمانوں کے ووٹ کو بے اہمیت کیا گیا، میری زندگی کا مقصد مسلمانوں کی سیاسی طاقت کو بڑھاناہے۔ حقوق اور انصاف کے اپنی قیادت مضبوط بنائیں۔ سہارنپور پہنچے اسد الدین اویسی نے سماجوادی اور کانگریس کو بنایا نشانہ، کہاکہ نفرت کی سیاست کررہی ہے بی جے پی۔

مسلمانوں کے ووٹ کو بے اہمیت کیا گیا، میری زندگی کا مقصد مسلمانوں کی سیاسی طاقت کو بڑھاناہے۔ حقوق اور انصاف کے اپنی قیادت مضبوط بنائیں۔ سہارنپور پہنچے اسد الدین اویسی نے سماجوادی اور کانگریس کو بنایا نشانہ، کہاکہ نفرت کی سیاست کررہی ہے بی جے پی۔

سہارنپور: (سمیر چودھری) سہارنپور میں پہنچے آل انڈیا مجلس اتحاد المسلمین کے قومی صدر اور رکن پارلیمنٹ اسد الدین اویسی نے جلسہ عام سے خطا ب کرتے ہوئے اپنی قیادت کو مضبوط کرنے پر زوور دیا اور اترپردیش میں مجلس کو طاقت دینے کی اپیل کرتے ہوئے کہاکہ ہم اپنی قیادت کے لئے سڑکوں سے پارلیمنٹ تک مسلمانوں کی لڑائی لڑ رہے ہیں لیکن جن لوگوں کو آپ آج تک ووٹ دیتے آرہے وہ آپ کی بات تو کیا کرینگے آپ کو اپنے اسٹیج تک پر جگہ نہیں دیتے ہیں۔ 

سہارنپور کے جنتا روڈ پر خورد بس اسٹینڈ پر منعقد سوشت ونچت سماج اور مجلس کے مشترکہ پروگرام میں اسد الدین اویسی نے کانگریس، ایس پی ،بی ایس پی اور بی جے پی پر خوب حملہ بولا اور ملک میں چاروں طرف ہورہی مسلمانوں پر زیادتی کا ذکر کرتے ہوئے کہاکہ اگر اب بھی اپنی قیادت اور اپنے لیڈر منتخب نہ کئے گئے تو آنے والا وقت انتہائی سنگین ہوگا۔ انہوںنے کہاکہ نام نہاد سیکولر پارٹیاں 75 سال سے اس ملک کے مسلمانوں کا استحصال کرتی آرہی ہیں، جب تک اپنی قیادت کو مضبوط نہیں کرینگے اس وقت تک بھارت کے مسلمان مضبوط نہیں ہوسکتے ہیں ،تمام لوگوںنے اپنی پارٹیاں اور اپنے لیڈر بنائے ہیں لیکن مسلمان دوسروںکے لئے دریاں بچھارہاہے، انصاف اور حقوق کی حصولیابی کے لئے متحد ہونا ہوگا، کیونکہ آج ہمارے پاس نہ لیڈر شب ہے، نہ قیادت ہے، نہ تعلیم ہے، دہشت گرد ہمیں بنایا دیا گیا،ہمارے بے قصور نوجوانوںکو جیلوںمیں سڑایا جارہاہے، انکاونٹر میںمارا جارہاہے، لیکن ایس پی ،بی ایس پی اور کانگریس جنہیں آپ 70 سال سے سیکولر پارٹیاں سمجھ کر ووٹ دے رہیں وہ کبھی آپ کے مسائل کو لیکر سڑکوں پر نہیں آئیں ،سڑکوں پر تو دور کبھی پارلیمنٹ بھی انہوںنے زبان نہیں کھولی، 

انہوں نے کہاکہ سی اے اے،این آرسی، تین طلاق جیسے مدعوں پر ہم نے پارلیمنٹ میں آواز اٹھائی لیکن کانگریس اور ایس پی نے منہ نہیں کھولا ہے، انہوںنے کہاکہ ہم آگے بھی اس کے خلاف آواز اٹھائینگے۔ انہوں نے کہاکہ اترپردیش میں الیکشن کے بعد این پی آر آئے گا،جس سے این آرسی کو جوڑ ا جائیگا ،لیکن آپ کو یہ کوئی نہیں بتائے گا ،کہ کہیں آپ اپنے کاغذات درست نہ کرالیں،اسلئے بیدار ہونے کی ضرورت ہے۔اسدالدین اویسی نے سماجوادی پارٹی کے صدر اکھلیش یادو حملہ آور ہوتے کہاکہ حال میں ہی وہ سہارنپو رآئے تھے لیکن کسی مسلمان لیڈر کو ان کے منچ پر جگہ نہیں ملی اور وہ ایک کھیت میںدری بچھائے بیٹھے تھے اور آپ انہیں اپنالیڈر مانتے ہیں۔ انہوںنے کہاکہ آج بی جے پی کا خوف دکھاکر آپ کو سازش کے تحت اسدالدین اویسی اور مجلس سے دور کیاجارہاہے لیکن آپ مجھے بتائیں 2017ءاور 2014ءاور 2019ءکے انتخاب میں یہاں بی جے پی کیوں جیتی، جب کانگریس اور ایس پی اور بی ایس پی اور سماجودی پارٹی کا اتحاد بھی کسی بھی کام نہیں آیا،انہوں نے کہاکہ ملک کے مسلمانوں کے ووٹ کے بے اہمیت کردیاگیاہے، اسلئے میں اترپردیش آیاہوں تاکہ آپ لوگوںکو ایک پلیٹ فارم جمع کرکے آپ کے حقوق اور انصاف کی لڑائی لڑی جاسکے۔ 

انہوں نے کہاکہ اکھلیش یادو اور کانگریس کبھی آپ کی بات نہیںکرینگے کیونکہ وہ آپ کو مجبور سمجھتے ہیں۔ اسدالدین اویسی نے وزیر داخلہ امت شاہ کے گزشتہ روز کے بیان پر سخت طنز کرتے ہوئے کہاکہ جس طرح امت شاہ ایک فرقہ کو شہ دے رہیں وہ انتہائی خطرناک کیونکہ اگر اس بیان کے ری ایکشن پر نماز پڑھنے والوں کو کسی نے نشانہ بنایاتو اس کا ذمہ دار کون ہوگا؟۔ اویسی اترپردیش کی یوگی حکومت پر بھی جم کر برسے اور انہوںنے دیوبند علاقہ میں بننے والے جمعیة علماءہند کے اسکاو¿ٹ گائیڈ سینٹر کو لیکر کہاکہ بی جے پی رکن اسمبلی نے اس سینٹر کو اسلئے رکو ادیا کیونکہ یہ سینٹر بچوںکی تربیت کے لئے جمعیت علماءہند اور مولانا محمود مدنی بنارہے تھے۔ 

انہوں نے کہاکہ اترپردیش کی حکومت نفرت اور ووٹ بینک کی سیاست کررہی ہے، گورکھپور میں تاجر کی موت ہوتی ہے سرکار 51 لاکھ اور اکھلیش یادو21 روپیہ کامعاوضہ دیتے ہیں لیکن اناو¿ میں متوفی فیصل اور اس کے اہل خانہ کاکوئی پرسان حال نہیں ہے۔ انہوںنے کہاکہ آج ہر قسم کی کارروائیاں مسلمانوں کے خلاف ہورہی ہے ،جس کے آباو¿ و اجداد نے اس ملک کو آزادی سے ہمکنار کرایا ،انہوںنے کہاکہ ہمارے بزرگوں اور اجداد نے اس ملک کی آزادی کے خاطر سب کچھ قربان کردیالیکن آج ہمارے ساتھ دوسرے درجہ کے شہری جیسا سلوک کیا جارہاہے ،اسلئے مسلمانوںکو اچھی طرح سمجھ لینا چاہئے کہاکہ جب تک اپنی قیادت نہیںہوگی اس وقت تک نہ تو مسلمانوںمضبوط ہوسکتے ہیں اور نہ ہی ملک کی جمہوریت کو تقویت مل سکتی ہے۔ انہوںنے کہاکہ مسلمان ووٹ بینک کے نام سے دوسرے طبقہ کو متحد کیاجاتاہے لیکن حقیقت یہ ہے کہ مسلمان ووٹ بینک نہیں ووٹ بینک اصل ہندو ہیں، اگر مسلمان ووٹ بینک ہوتا تو آج اس کی پارلیمنٹ اور حکومت میں حصہ داری ہوتی ہے۔ اویسی نے کہاکہ میں کسی مذہب اور طبقہ کے خلاف نہیں ہو ں لیکن حکومت جس طرح ایک طبقہ کے خلاف ایک نکاتی ایجنڈے پر کام کررہی ہے وہ ملک کے لئے انتہائی مہلک ہے۔ انہوں نے کہا کہ جس معاشرے کا لیڈر نہیں ہوتا اس معاشرہ کو کبھی انصاف نہیں ملتا، جب تک مسلم سماج ملک میں سیاسی اقتدار حاصل نہیں کر ینگے، انہیں نہ ان کے حقوق ملیں گے اور نہ ہی انصاف ملے گا۔ انہوں نے کہا کہ اگر مستقبل میں آپ جمہوری طاقت کا مظاہرہ کرتے ہوئے اپنے ووٹ کی مدد سے یہاں سے مجلس کے ایم ایل اے منتخب کرتے ہیں تو ہم انہیں ہر ظلم پر آواز اٹھانے کی پوری آزادی دیں گے۔

 انہوں نے وعدہ کیا کہ وہ مسلم سماج کو جمہوری طریقہ سے انصاف دلائیں گے۔ انہوں نے کہا کہ مسلمانوں کو سیاسی قوت بننا ہے۔ کب تک ہم ایس پی، بی ایس پی، کانگریس اور آر ایل ڈی کے لیے دریاں بچھاتے رہیں گے۔ انہوں نے کہا کہ میری زندگی کا مقصد مسلمانوں کی سیاسی طاقت کو بڑھانا ہے۔ انہوں نے مزید کہا کہ وہ عوام کو انصاف دلانے اور مسلم سماج کی سیاسی طاقت بڑھانے آئے ہیں۔انھوں نے کہا کہ ہم مسلم سماج کے ساتھ ساتھ برادران وطن ، دلتوں اور پسماندہ سماج پر ہونے والے تمام مظالم کے خلاف بھی آواز اٹھائیں گے۔ مجلس کبھی کسی ناانصافی کو پسند نہیں کرتی۔ انہوں نے کہا کہ ہمیں جمہوری پابندیوں کے درمیان رہتے ہوئے اپنی طاقت حاصل کرنی ہوگی۔ آپ کو ایسے لیڈروں کا انتخاب کرنا ہوگا جو آپ کی آواز کو تقویت دینے کا کام کریں۔اسدالدین اویسی نے تقریباً ایک گھنٹہ خطاب کیا۔اس سے قبل سہارنپور پہنچنے پر اسد الدین اویسی کا مجلس اتحاد المسلمین کے کارکنان ان کا پرتپاک استقبال کیا۔

اویسی کو سننے کے لیے یہاں بڑی بھیڑ جمع تھی۔ اس کے ساتھ ہی سیکورٹی کے پیش نظر بھاری پولیس فورس تعینات کی گئی تھی۔ ریلی میں مجلس اتحاد المسلمین کے ریاستی صدر شوکت علی، ریاستی جنرل سکریٹری ڈاکٹر پون امبیڈکر ،ڈاکٹر عبدالمنان، ضلع صدر وسیم احمد اور مرغوب حسن وغیرہ نے بھی خطاب کیا

راجستھاں : اشوک گہلوت کانگریس کی رکنیت سازی مہم کا کریں گے افتتاح

راجستھاں : اشوک گہلوت کانگریس کی رکنیت سازی مہم کا کریں گے افتتاح

جے پور: راجستھان کے وزیر اعلی اشوک گہلوت پیر کو ریاست میں کانگریس کی رکنیت سازی مہم کا آغاز کریں گے۔ اس موقع پر ریاستی انچارج اجے ماکن اور ریاستی کانگریس صدر گووند سنگھ ڈوٹاسرا بھی موجود رہیں گے۔ ریاست میں ممبر شپ مہم 31 مارچ 2022 تک چلے گی۔ ریاستی کانگریس کا ان پانچ مہینوں میں 10 لاکھ ممبر بنانے کا ہدف ہے جس کے تحت ریاست کے ہر اسمبلی حلقہ میں کم از کم پانچ ہزار ممبر بنانے کا ہدف رکھا گیا ہے۔

لانچنگ پروگرام میں حکومت کے وزراء ایم ایل اے، سبکدوش ہونے والے ضلع صدور، ریاستی ایگزیکٹو اور اسمبلی انتخابات میں کانگریس کے امیدوار رہے لیڈران کو بلایا گیا ہے۔ کانگریس میں یہ پہلی بار ہو رہا ہے کہ رکنیت سازی مہم ڈیجیٹل فارمیٹ میں کی جائے گی۔ اس کے لیے کانگریس کا رکن بننے کے لیے ڈیجیٹل فارمیٹ کو بھی پُر کرکے جمع کرنا ہوگا۔ اس کے بعد وہ کانگریس کے رکن بن سکیں گے۔ اس سے پہلے کانگریس کی رکنیت آف لائن ہوا کرتی تھی۔

رکنیت سازی مہم کی تکمیل کے بعد 16 اپریل سے 31 مئی 2022 تک بلاک صدور اور ریاستی کانگریس ارکان کا انتخاب ہوگا۔ اس کے بعد یکم جون سے 20 جولائی 2022 تک ضلع سربراہان، نائب صدور، خزانچی اور ضلع ایگزیکٹوز کی تشکیل کی جائے گی۔

ضلع صدور اور ضلع ایگزیکٹو کے انتخاب کے بعد 21 جولائی سے 20 اگست 2022 کے درمیان ریاستی کانگریس صدر، نائب صدر، خزانچی، ریاستی ایگزیکٹو اور اے آئی سی سی ممبر کے انتخابات کرائے جائیں گے اور اس کے بعد 21 اگست سے 20 ستمبر کے درمیان، کانگریس کے قومی صدر کا انتخاب ہو گا۔

12 سالہ عافیہ کا حیرت انگیز کارنامہ: پندرہ ماہ حفظ قرآن مکمل!

12 سالہ عافیہ کا حیرت انگیز کارنامہ: پندرہ ماہ حفظ قرآن مکمل!

ارریہ ۔ 30 اکتوبر(مشتاق احمد صدیقی) ضلع کے فاربس گنج سب ڈیویژن میں واقع پوکھر بستی کی رہنے والی عافیہ بنت عبدالواحد نے محض پندرہ ماہ میں حفظ قرآن مکمل کرکے قرآنی معجزہ کے حقائق کو ثابت کرتی ہوئی فاربس گنج میں ایک نئی تاریخ رقم کی ہے۔ قابلِ ذکر پہلو یہ ہے کہ عصری تعلیمی مصروفیات کے باوجود حفظ قرآن میں انہماک اوروالدین کا اپنی اولاد کو دینی مزاج کے سانچے میں ڈھالنا یقیناً یہ قابل ستائش اور لائق تحسین عمل ہے۔ اس عمل کی جتنی بھی تعریفیں کی جائے کم ہیں۔

اس پر مسرت موقع پر طالبہ عافیہ کے استاذ گرامی مولانا منہاج الدین رحمان القاسمی سمیت علاقے کے علما اور دانشوران قوم و ملت نے عافیہ کی اس حصولیابی کوآخرت میں باعث نجات گردانتے ہوئے عافیہ کے لیے نیک تمنا و خواہشات کا اظہار کیا ۔

اس بچی کوجن سرکردہ شخصیات نے مبارک باد پیش کی ان میں مفتی اطہر القاسمی نائب صدر جمعیۃ علما ءارریہ، الحان ماسٹر عابد حسین، الحاج ارشد انور آصف، مولانا عمر فاروق قاسمی، مولانا خالد سیف اللہ ندوی، منصور احمد حقانی اور مولانا شاہد حسین عادل وغیرہم کے نام شامل ہیں

پیارے نبی کاتذکرہ جس وقت بھی کیاجائے انسان کے لئے عظیم سعادت ہے : مولانااظہار جمعیۃ علماء میرٹھ شہرحلقہ نمبراکے تحت چھوٹی مسجداسماعیل نگرمیں جلسہ سیرت النبی کا انعقاد

پیارے نبی کاتذکرہ جس وقت بھی کیاجائے انسان کے لئے عظیم سعادت ہے : مولانااظہار جمعیۃ علماء میرٹھ شہرحلقہ نمبراکے تحت چھوٹی مسجداسماعیل نگرمیں جلسہ سیرت النبی کا انعقاد

میرٹھ (عفیف اللہ قاسمی)ماہ ربیع الاول چل رہاہے اورملک کے گوشے گوشے میں سیرت پاک کے پروگرام کاانعقادجاری ہے آپ کی تعلیمات کاتذکرہ ہے اس سلسلہ میں گزشتہ شب جمعیۃ علماء میرٹھ شہرحلقہ نمبرایک کے تحت چھوٹی مسجداسماعیل نگرمیں جلسہ سیرت النبی اورووٹ بیداری مہم سے متعلق پروگرام کاانعقادکیاگیاجسکی صدارت نائب شہرقاضی زین الراشدین صدرجمعیۃعلماء میرٹھ شہراورسرپرستی مولانااظہارالحق سابق استاذ دارالعلوم میرٹھ نے فرمائی یہ پروگرام مولاناسلمان قاسمی ناظم اعلی جمعیۃعلماء میرٹھ شہرکی زیرنگرانی ہوانظامت کے فرائض قاری محمدجابرنے انجام دئے۔

اس موقع پر مولانااظہارالحق نے سیرت پاک پرمختصرروشنی ڈالتے ہوئے کہاکہ ہمارے دلوں سے اسلامی احکامات اورسنت نبوی کی اہمیت ختم ہوتی جارہی ہے اسی وجہ سے ہم مشکلات کاشکارہیں،انہوں نے کہاکہ ہمیں اپنی زندگی کے اندرسنت نبوی اوراسلامی تعلیمات داخل کرنے کی ضرورت ہے اسی میں ہماری کامیابی مضمرہے،انہوں نے نماز کی پابندی اوربرائیوں سے بچنے کی تلقین کی۔

مفتی عفیف اللہ قاسمی نائب صدرجمعیۃ علماء میرٹھ شہرنے نبی کی سیرت پرمختصربات چیت میں کہاکہ اصل کام وہ ہے جسکے لئے نبی تشریف لائے تھے انہوں نے کہاکہ اسلام کسی کایوم ولادت یایوم وفات منانے کی ہرگز تعلیم نہیں دیتاہے اورنہ اسکوپسندکرتاہے اگرہماری زندگی کے اندرنبی کی سنت ہیں توہم کامیاب ہیں اگرنبی کی سنت ہماری زندگی کے اندرنہیں ہیں توچاہے جتنی عیدمیلاد منالیں اس سے ہماری نجات ہونے والی نہیں ہے انہوں نے نبی کی حدیث بیان کرتے ہوئے کہاکہ نبی نے فرمایاکہ جب بھی بات کروسچ بولو،جھوٹ سے بچو،اورجب تمہارے پاس امانت رکھی جائے تواسکوبروقت اداکرو،اوراپنے پڑوسیوں کے ساتھ حسن سلوک کامعاملہ کرو،رواداری ہمدردی کامعاملہ کرو،یہ ہے اسلامی تعلیمات یہ ہے سنت نبوی ان تمام تعلیمات کوہمیں اپنی زندگی کے اندرداخل کرنے کی ضرورت ہے۔

پروگرام کے بعدحلقہ کی میٹنگ منعقدہوئی جسمیں آئندہ کے لئے پروگرام کوترتیب دیاگیاحلقہ کے کارکنان کوذمہ داری سونپی گئی،پروگرام کوکامیاب بنانے میں مولاناقاری نورمحمدامام چھوٹی مسجداسماعیل نگروصدرحلقہ نمبرایک کااہم کرداررہا۔اس موقع پر قاضی زین الراشدین،مولاناسلمان قاسمی،قاری محمدخالدقاسمی،مولانامعین اخترمظاہری،مولاناسیف اللہ ندوی،مفتی عفیف اللہ قاسمی،قاری محمدجابر،مفتی عبداللہ قاسمی،حاجی شیرازرحمن،حاجی ارشاد،حافظ عمران،حافظ عبدالقیوم،قاری زبیر،قاری شاہنواز،حافظ محمدعاصم،وغیرہ موجودتھے۔

احساس نایاب ( شیموگہ، کرناٹک )ایڈیٹر گوشہ خواتین واطفال اردو دنیا نیوز ٦٣تریپورا جل رہا ہے، بےگناہ مسلمان مارے جارہے ہیں اور بھارت سورہا ہے ۔۔۔۔

احساس نایاب ( شیموگہ، کرناٹک )

ایڈیٹر گوشہ خواتین واطفال اردو دنیا نیوز ٦٣

تریپورا جل رہا ہے، بےگناہ مسلمان مارے جارہے ہیں اور بھارت سورہا ہے ۔۔۔۔

حال ہی میں بنگلہ دیش میں قرآن کی بےحرمتی کرکے سوشیل میڈیا پہ پوسٹ شئر کی گئی جس کے بعد وہاں فساد بھڑکا ۔۔۔۔۔

بنگلہ دیش میں ہوئے فساد کے ردعمل میں بھارت کی شمالی ریاست تریپورہ میں 21 اکتوبر کو

آر ایس ایس ، بجرنگ دل ، وشوا ہندو پریشد و دیگر شدت پسند ہندو تنظیموں کی جانب سے احتجاجی ریلی نکالی گئی، جس میں تقریبا ساڑھے تین ہزار ہندو جمع ہوئے اور اسلام و مسلمانوں کے خلاف اشتعال انگیز نعرہ بازی کی گئی ۔۔۔۔۔

محمد تیرا باپ کون ہے؟ جیسے نعرے لگائے گئے اور بھیڑ نے اس کے جواب میں ہرے کرشنا ہرے رام کہا ۔۔۔۔۔۔۔

پھر دیکھتے ہی دیکھتے جئے شری رام کے نعروں کے ساتھ یہ ریلی خونی بھیڑ کی شکل اختیار کرگئی ۔۔۔۔۔۔

مقامی لوگوں کے مطابق اس ریلی کا مقصد ہی تھا مسلم گھروں اور مساجد پر حملہ کرنا، اسی مقصد کے ساتھ یہ بھیڑ مکمل تیاری کے ساتھ جمع ہوئی تھی ۔۔۔۔۔۔

اور وہی سب کچھ ہوا جس کا اندیشہ تھا ۔۔۔۔۔

دی وائر کی رپورٹ کے مطابق

ہندوتوادی سنگھی بھیڑ نے پہلے تو ایک مسجد اور چند مسلم گھروں اور دکانوں پہ حملہ کیا، پتھربازی ہوئی، مسلم گھروں اور دوکانوں میں گھُس کر لوٹ مار توڑ پھوڑ کی گئی، مسلم خواتین کو ذلیل کیا گیا ، بزرگون بچون کو مارا پیٹا گیا اور کئی مساجد کو نظرآتش کیا گیا ۔۔۔۔۔ اور اس دوران تریپورا کے مختلف علاقوں میں اسی بربرتا کے ساتھ گھروں اور دوکانوں کو لوٹا جارہا تھا، وہاں موجود قیمتی اشیاء کو توڑ پھوڑ کر جلایا گیا مسجدوں کے اندر داخل ہوکر قرآن و دیگر مذہبی کتابوں کو پھاڑ کر ان کی بےحرمتی کی گئی ، وہی مقدس کتابیں جن پہ مسلمان غلاف چڑھا کر رکھتے ہیں، آنکھوں سے لگاکر چوما کرتے ہیں، اُنہیں آنکھوں کے آگے ان پاک مقدس کتابوں کو جلاکر راکھ کیا گیا انہیں ناپاک پیروں تلے روندھا گیا ۔۔۔۔۔۔

اور اس پورے تشدد کے دوران 6 مساجد کو نذرآتش کیا گیا اور تقریبا 16 مساجد مسمار کردی گئ ہیں ۔۔۔۔۔

تریپورا کے مسلمان فی الحال خوف و دہشت کے سائے میں جی رہے ہیں، کئی مسلمانوں نے اپنے اپنے علاقوں سے ہجرت کرکے محفوظ جگہ کی تلاش میں دربدر کی ٹھوکریں کھارہے ہیں تو کئیوں نے دوردراز اپنے دوست و احباب کے گھروں میں پناہ لی ہوئی ہے اور کئی مسلمان ایسے بھی ہیں جن کا وہاں کوئی پرسان حال نہیں ہے اور وہ مجبورا گھرون میں قید باہر نکلنے سے گھبرا رہے ہیں،

کیونکہ راستوں، چوراہوں میں کبھی ہندوتوادی بھیڑ کا تانڈاؤ ہے ، تو کہیں خود سنگھی پولس کی دہشت ۔۔۔۔

ایسے میں مسلمانوں کے آگے ایک طرف کنواں تو دوسری طرف کھائی ہے ۔۔۔۔۔۔۔

اور حالات قابو میں ہونے کے بات کہنے والی پولس و انتظامیہ کے سبھی دعوے کھوکلے ہیں اور صاف بات تو یہ ہے کہ پولس دنگائیوں پہ قابو پانے میں نکمل ناکام رہی ہے، ۔۔۔۔۔۔

اور ان تمام خوفناک حالات کے باوجود تریپورہ بی جے پی سرکار کی جانب سے اس پورے معاملے پہ ایک بیان تک سامنے نہیں آیا نہ ہی مرکز کی مودی سرکار نے لب کشائی کی ہے۔۔۔۔۔

یہاں پہ اگر میڈیا کی بات کی جائے تو

بھارت کی مین اسٹریم گودی میڈیا بنگلہ دیش فساد پہ جس قدر چلاتی رہی وہ بھارت کا انگ بھارت کا حصہ تریپورہ کے جلنے، مسلمانوں کے لٹنے پہ خاموش تماشائی بن کر آرین خان کے غیرضروری مدعا کو طول دے رہی ہے ۔۔۔۔۔۔۔ تاکہ تریپورہ میں مسلمانوں پہ ظلم و بربریت کے پہاڑ توڑے جائیں اور عوام شاہ رخ خان، آرین خان کے معاملے میں الجھی رہے ۔۔۔۔۔۔

ویسے بھی بھارت میں 2014 بی جے پی اقتدار کے بعد سے یہی سب کچھ ہوتا آیا ہے، اصل مدعوں کو دبانے کے لئے بی جے پی سرکار اور گودی میڈیا کسی نہ کسی غیرضروری معاملے کو ہائی لائیٹ کرکے جنتا کا مائنڈ ڈائورٹ کرتی ہے۔۔۔۔

جس بنگلہ دیش فساد کو بہانہ بناکر تریپورا میں ہندو تنظیموں نے آتنک مچایا ہوا ہے اور گودی میڈیا بار بار ہندو خطرے میں ہے کہہ کر بھارت کی اکثریت کو مسلمانوں کے خلاف بھڑکارہی ہے اور بی جے پی نیتا منتری مسلمانوں کے خلاف اشتعال انگیز بیان بازی کررہے ہیں ۔۔۔۔

اُن کے لئے یہ بھی جاننا ضروری ہے کہ بنگلہ دیش کی وزیراعظم شیخ حسینہ نے بروقت کاروائی کرتے ہوئے چار سو سے زائد مسلمانوں کو گرفتار کیا ہے جس کے بعد اُن کی اس کاروائی پہ اُن کی مذمت بھی کی جارہی ہے باوجود وہ اپنے ملک کی اقلیت کو تحفظ دینے کا یقین دلاتی ہیں۔۔۔۔۔

لیکن افسوس سیکولر بھارت کے سیکولر وزیراعظم مودی بھارت کی اقلیت کو ہر دن اپنے سنگھی دہشتگردوں کے ہاتھوں مرتا ، کٹتا دیکھ کر بھی خاموش پُشت پناہی کررہے ہیں ۔۔۔۔۔۔۔۔

وہیں دوسری جانب سیکولرزم کا دعوی کرنے والی دیگر سیاسی جماعتیں بالخصوص بھارت کی سب سے بڑی اپوزیشن پارٹی کہے جانے والی کانگریس جو کبھی ہاتھرس پہنچ جاتی ہے تو کبھی لکھیم پور میں کسانوں سے ملاقات کے لئے پہنچ جاتی ہیں افسوس انہیں کبھی بھارت کا مرتا مسلمان نظر نہیں آتا ۔۔۔۔۔

ان کے علاوہ ہمارے ملی و سیاسی قائدین کی خاموشی قابل مذمت اور ناقابل قبول ہے ۔۔۔۔۔۔۔ اور ان کی اس کبھی نہ ٹوٹنے والی خاموشی پہ ہم بس اتنا کہیں گے ۔۔۔۔۔

میرے جلتے آشیانہ کو حملہ آوروں سے مجھے بچانے کو، کوئی آئے نہ آئے مجھے یقین ہے

میرے مرنے پہ میری بربادیوں کی زیارت ضرور ہوگی ۔۔۔۔۔۔۔۔

جی ہاں مسلمانوں سے امن و امان کی اپیل کرنے والے رہنما، اتحاد و ایکجہتی کے علمبرادر مسلمانوں کی جان و مال کی حفاظت بھلے کریں نہ کریں، مسلمانوں کی تباہی پہ چندہ جمع کرکے راشن کٹس کے ساتھ حاضری ضرور دیں گے اور اس دوران تصاویر کے ساتھ فساد زدہ علاقوں میں دکانوں ، مکانوں و مساجد کی تعمیر نو کا دعوی بھی کیا جائے گا ۔۔۔۔۔۔۔۔ لیکن یاد رہے اس سے متاثرہ مسلمانوں کے دل و دماغ پہ لگے زخم بھر پانا ناممکن ہے ۔۔۔۔۔۔۔

سوپول میں دردناک حادثہ ، 2 ٹرکوں کے تصادم دونوں ڈرائیوروں کی موت میں

سوپول میں دردناک حادثہ ، 2 ٹرکوں کے تصادم دونوں ڈرائیوروں کی موت میں

پٹنہ، 31 اکتوبر۔ سوپول ضلع کے رتن پور تھانہ علاقہ میں زبردست سڑک حادثہ میں دو ٹرک ڈرائیور کی موت ہوگئی ہے۔ معاملے کی اطلاع پر پہنچی این ڈی ا?ر ایف کی ٹیم نے سخت محنت کے بعد دونوں لاشوں کو اپنے قبضے میں لے کر پوسٹ مارٹم کے لیے بھیج دیا۔

واقعہ رتن پور تھانہ علاقہ کی ہند-نیپال سرحدی سڑک پر مشرقی کوسی پشتے کے پیلر نمبر 13.45 کلومیٹر پر پیش ا?یا۔ بتایا جا رہا ہے کہ سرحدی سڑک پر ایک ٹرک بھیم نگر سے فور لین کی طرف چاول لے کر ا? رہا تھا۔ دوسری طرف سے ایک خالی ٹرک تیز رفتاری سے ا?رہا تھا۔ ڈھڈا کے قریب دونوں ٹرک ا?پس میں ٹکرا گئے۔ تصادم اتنا زبردست تھا کہ دونوں ٹرک اڑ گئے۔ دونوں ٹرکوں کے ڈرائیوروں کی موقع پر ہی موت ہوگئی۔ حادثے کے بعد دونوں ٹرکوں پر سوار خلاسی یا دیگر افراد فرار ہوگئے۔ دونوں ٹرک ا?پس میں اس طرح پھنسے ہوئے تھے کہ کسی کو لاش نکالنے کا کوئی طریقہ سمجھ نہیں ا?رہا تھا۔ بعد میں این ڈی ا?ر ایف کی ٹیم پہنچی اور پھر دونوں لاشوں کو باہر نکالا گیا۔ اطلاع ملتے ہی رتن پور تھانہ صدر رنویر راوت ، ایس ڈی پی او پنکج کمار مشرا پولیس فورس کے ساتھ وہاں پہنچ گئے۔ ایس ڈی پی او نے بتایا کہ دوسرے متوفی کی شناخت کے لیے کوششیں جاری ہیں۔

دفتر ، بہاراسٹیٹ مدرسہ ایجوکیشن بورڈ ، پٹنہ پروگرام براۓ سالا ندایولیوشن درجد و سطانہ امتحان 2022 | پہلی نششت 10:00 بجے صبح سے 12:00 بجے دن تک ، دوسری نششت 02:00 بجے دو پہر سے 04:00 بجے شام تک

دفتر ، بہاراسٹیٹ مدرسہ ایجوکیشن بورڈ ، پٹنہ پروگرام براۓ سالا ندایولیوشن درجد و سطانہ امتحان 2022 | پہلی نششت 10:00 بجے صبح سے 12:00 بجے دن تک ، دوسری نششت 02:00 بجے دو پہر سے 04:00 بجے شام تک

دفتر ، بہاراسٹیٹ مدرسہ ایجوکیشن بورڈ ، پٹنہ پروگرام براۓ سالا ندایولیوشن درجد و سطانہ امتحان 2022 | پہلی نششت 10:00 بجے صبح سے 12:00 بجے دن تک ، دوسری نششت 02:00 بجے دو پہر سے 04:00 بجے شام تک ۔ تاریخ دوسری نشست ( 1 ( 2 09/01/2022 ( 3 10/01/2022 11/01/2022 12/01/2022 13/01/2022 فاری جمعرات حاب سانس جملہ نگراں سالا ندالولیوشن کو درج ذیل ہدایات دی جاتی ہیں ۔ صدر مدرس کو ہدایت دی جاتی ہے کہ کا ہوں کی جانچ 15 جنوری 2022 سے 18 جنوری 2022 تک کر لیں صدر دریل لان من مارس ال الگ سیل بندافاقہ حاضری چارٹ ودیگر ضروری کاغذات 19 جنوری 2022 سے 22 جنوری 2022 تیک مدرسہ بورڈ کے شعبہ امتحانات 105 یا پی مارگ پند علائی وقت نورتیہ کے تھانہ معاوان کولازمی طور پر دستیاب کرا کر دستیابی رسید حاصل کرلیں گے ، بصورت دگر تاخیر کی ساری ذمہ داری صدر مدرس پر عائد ہوگی۔اچاشناختی کارڈلا نا ضروری ہے ۔ دفتر مدرسہ بورڈ پٹنہ سے داخلہ کارڈ / جوابی کا پیاں ودیگر ضروری خفیہ کا غذات درج ذیل تاریخ پرالازمی طور پر حاصل کر لیں ۔ منگل ( الف ) در جنگ گمشتری 21/12/2021 ( ب ) تربت کمشتری 22/12/2021 ( ج ) د یگر مشنری عرات مدرسہ بورڈ کے علاقائی دفتر پریہ سے داخلہ کارڈ جوانی کا پیاں و دیگر ضروری فقیہ کا تذات درج ذیل تاریخ پرلا زی طور پر حاصل کر لیں ۔ منگل ( الف ) پردیکشنری 21/12/2021 ( ب ) بھا گلپورکمشنری 22/12/2021 ( ج ) کوی کمشتری 23/12/2021 23/12/2021 24 .. عر في اول اینات ... جمعرات نوٹ :۔ فارم پر کرنے میں اگر امیدوار کے والد ین کے نام تاریخ پیدان دیگر میں کسی طرح کی کوئی لطی ہوگئی ہوتو اس کی ی کے لئے help.bsmeb@gmail.com پراپنے اصل پروف کے ساتھ 15 دنوں کے اندراپلوڈ کر دیں تا کہ بروقت اس کی اصلاح کی جاسکے ۔ بصورت دیگر تمام تر ذمہ داری متعلقہ صدر مدرس و امید وار کی ہوگی ۔ کنٹر وار آف اکڑ منیشن بار امنیت مدرسهایکوکیشن بورڈ ، پند

یوپی دیوالی سے قبل خطرے کی گھنٹی،کورونامعاملوں میں اضافہ

یوپی:دیوالی سے قبل خطرے کی گھنٹی،کورونامعاملوں میں اضافہ

 میرٹھ: کیرالہ، مہاراشٹر اور تمل ناڈو کے ساتھ ساتھ اتر پردیش میں بھی کورونا کے کیسز بڑھنے لگے ہیں۔ یہاں 24 گھنٹوں کے اندر 18 نئے کیسز سامنے آئے ہیں۔ 19 اکتوبر کو 19 مثبت کیسز پائے گئے۔ 12 دن کے بعد، یہ کسی ایک دن میں سب سے زیادہ تعداد ہے۔ اس میں سے 11 مریض صرف میرٹھ کے ہیں۔

میرٹھ کو جمعہ کو کورونا فری قرار دیا گیا تھا۔ اس لیے دیوالی سے پہلے یہ خطرے کی گھنٹی ہے۔ لوگوں کی لاپرواہی پریشانی میں اضافہ کر سکتی ہے۔ جہاں سی ایم یوگی نے زیادہ متاثرہ ریاستوں سے آنے والوں کی نگرانی کرنے کی ہدایات دی ہیں۔ اس کے ساتھ ہی میرٹھ میں ڈی ایم نے محکمہ صحت کی ہنگامی میٹنگ بلائی ہے۔

یوپی میں اب تک کورونا کے 17.10 لاکھ کیسز پائے گئے ہیں۔ ان میں سے 16.86 لوگ ٹھیک ہو چکے ہیں۔ یہ اطمینان کی بات ہے کہ 29 اکتوبر کے بعد یعنی دو دن تک کسی مریض کی موت نہیں ہوئی۔ اب تک 22,900 افراد اس وبا کا شکار ہو چکے ہیں۔ 107 ایکٹو کیسز ہیں یعنی ان کا علاج چل رہا ہے۔

ڈویژنل سرویلنس آفیسر ڈاکٹر اشوک ٹالیان کے مطابق ہفتہ کو جن 11 مریضوں میں کورونا کی تصدیق ہوئی ہے ان میں سے 4 کا تعلق باہر کے اضلاع سے ہے۔ 2 مریض بلند شہر، 1 مریض باغپت اور 1 مسافر ہے۔ ان لوگوں کا میرٹھ کی ایک پرائیویٹ لیب میں ٹیسٹ کرایا گیا، جہاں ان میں کورونا کی تصدیق ہوئی ہے۔

باقی 7 مریض میرٹھ ہی کے ہیں۔ میرٹھ جمعہ کو ہی کورونا سے پاک تھا۔ طویل عرصے سے اسپتال میں داخل کورونا کے آخری مریض کو جمعہ کو ڈسچارج کردیا گیا۔ انتظامیہ اور محکمہ صحت بھی سکون میں آ گئے کہ اب ضلع کورونا فری ہو گیا ہے، ہفتہ کو اچانک نئے مریضوں کی آمد سے محکمہ صحت میں ہلچل مچ گئی ہے

اتباع رسولمفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ

اتباع رسول

مفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ

عبدالرحیم دربھنگہوی

ہر آدمی اللہ کی محبت کا طالب ہے ، ساری زندگی کی تگ و دو اگر وہ واقعتاً مسلمان ہے تو اللہ کو راضی کرنے اور اس کی محبت پالینے کے لیے  ہو تی ہے ۔اللہ رب العزت نے اپنے محبوب صلی اللہ علیہ وسلم کو قرآن کریم میں حکم دیا کہ آپ اس بات کا اعلان کر دیں کہ اگر تم اللہ سے محبت کرتے ہو تو میری یعنی اللہ کے رسول صلی اللہ علیہ وسلم کی اتباع کرو، اگر تم ان کی اتباع کروگے تو اللہ تمہیں محبوب بنا لے گا یعنی تم اللہ کے پسندیدہ بندے بن جاؤ گے اور وہ تمہارے گناہ بخش دے گا ،اس لیے کہ اللہ بخشنے والارحم کرنے والا ہے ۔اور سچی بات یہ ہے کہ جسے اللہ کی رحمت اور مغفرت مل گئی وہ دنیا اور آخرت دونوں میں کامیاب ہو جائے گا ۔اسے کسی اور سہارے کی ضرورت نہیں ہے ۔کہیں تھوڑی بہت کمی اور کجی رہ گئی ہو گی تو آقا صلی اللہ علیہ وسلم کی شفاعت کبریٰ سے بندوں کے کام بن جائیں گے ۔

قرآن کریم کی دوسری آیات میں بتایا گیا ہے کہ نبی صلی اللہ علیہ وسلم کے طریقۂ زندگی میں ہمارے لیے بہترین نمونہ ہے ،ظاہر ہے بہترین نمونے کی اتباع کر کے انسان اچھا اور بہترین بن سکتا ہے ،احادیث میں سنتو ں پر عمل کرنے کی تلقین کی گئی ہے ، اور اپنی زندگی کو نبی صلی اللہ علیہ وسلم کے طریقے پر گزارنے کا حکم دیا گیا ہے ۔

ہم سب اللہ اور اس کے رسول کی محبت کے دعوے دار ہیں ، لیکن ہماری زندگی اتباع رسول سے خالی ہے ،ہم نمازیں نہیں پڑھتے  حالاں کہ آقا صلی اللہ علیہ وسلم نے نماز کو اپنی آنکھوں کی ٹھنڈک کہا تھا،ہمارے چہرے سے داڑھی غائب ہے ، جبکہ وہ بھی سنت ہے ، بیوی بچوں کے ساتھ ہمارا رویہ آقا صلی اللہ علیہ وسلم کے بتائے ہوئے طریقہ کے بر عکس ہے ، اس معاملہ میں ہم نے آقا صلی اللہ علیہ وسلم کی خانگی زندگی سے کچھ بھی حصہ نہیں پایا ،اس لیے خاندان ٹوٹ پھوٹ کا شکار ہے ، طلاق کے واقعات کثرت سے ہو رہے ہیں، کھانے پینے بودو باش بلکہ زندگی کے تمام حرکات و سکنا ت میں اتباع رسول کا پہلو ہماری نظروں سے اوجھل رہتا ہے،بلکہ جو کچھ لوگ سنتوں پر عامل ہیں اور اتباع رسول کی کوشش کرتے ہیں وہ آج کے دور میں رجعت پسند اور دقیانوس سمجھے جاتے ہیں ۔حالانکہ اصل زندگی تو وہی ہے جس کے ہر فعل و عمل میں اتباع رسول کو برتا گیا ہو۔

صورت حال یہ ہے کہ احکام شریعت و سنت پر عمل مسلمان عام حالات میں نہیں کرتا، اضطراری حالت میں البتہ شریعت کی یاد آتی ہے ، کسی نے خود کشی کر لی تو پولیس کے خوف سے جلد تدفین کر دی جاتی ہے حالانکہ تدفین میں جلدی کا حکم تو ہر حال میں ہے ، معاملہ نارمل ہو تو کئی کئی روز جنازہ پڑا رہتا ہے ،کسی لڑکی کا معاملہ جنسی بے راہ روی کے نتیجے میں حمل تک پہونچ گیا تو نکاح کی جلد ی ہوتی ہے ، حالانکہ بالغ ہونے کے بعد نکاح کردینے کا حکم تو عام حالت میں ہے ، اسی طرح اپنی غربت و افلاس کے معاملہ میں دل کو الفقر فخری پڑھ کر تسلی دے لیتے ہیں ، کہ حضور صلی اللہ علیہ وسلم نے فقر کو اپنے لیے فخر قرار دیا ہے ، ہم اس کی اتباع کر رہے ہیں، حالاں کہ حضور صلی اللہ علیہ وسلم کے فقر سے بندے کی محتاجی کا کوئی مقابلہ ہی نہیں ہے ، وہاں فقر اختیاری تھا، ہمارا فقر اضطراری ہے ، ہمارا فقر تو ایسا اضطراری ہے کہ کبھی کبھی کفر تک پہونچا دیتا ہے ۔’’کاد الفقر ان یکون کفراً‘‘میں یہی بات کہی گئی ہے ، اس تفصیل کا حاصل یہ ہے کہ ہمارے یہاں اللہ اور رسول کی محبت کا نعرہ صرف نعرہ ہے ، جب کہ اللہ کی محبت کی اصل بنیاد جو اتباع رسول ہے وہ ہماری زندگی میں یا تو ہے ہی نہیں اور اگر ہے تو اختیاری نہیں اضطراری ہے ۔تمام مفسرین نے آیت ربانی’’قُلْ إنْ کُنْتُمْ تُحِبُّوْنَ اللّٰہَ فَاتَّبِعُوْنِي یُحْبِبْکُمُ اللّٰہُ ‘‘ کے ذیل میں لکھا ہے کہ جو شخص اتباع رسول کے بغیر اللہ کی محبت کا دعویٰ کرتا ہے وہ جھوٹاہے ۔ 

اتباع رسول صحابہ کرام رضوان اللہ علیہم اجمعین کے یہاں تھا، جیسا آپ صلی اللہ علیہ وسلم کو کرتے دیکھا یا آپ صلی اللہ علیہ وسلم نے جس کام کے کرنے کا حکم دیا ویسا کیا ،کسی عمل پر آقا صلی اللہ علیہ وسلم کی ناراضگی محسو س کی اس سے پوری زندگی احتراز کیا ، انہوں نے اللہ کے رسول صلی اللہ علیہ وسلم کی ایسی پیروی کی کہ اللہ نے انہیں ’’رضی اللّٰہُ عنہم و رضوا عنہ‘‘ کا مژدہ سنا دیا۔اور زبان رسالت سے یہ اعلان کرا دیا کہ ہمارے صحابہ ستاروں کی مانند ہیں ان میں سے جس کی اقتدا کروگے ہدایت پالوگے ؛ضرورت اسی قسم کے اتباع کی ہے ۔

کیا آپ اپنا فیس بک اکاؤنٹ ڈیلیٹ acebook ی کریں گے ؟ جانیے اپنے ڈیٹا کو کیسے کریں ڈیلیٹ ؟ ! بالکل آسان طریقہ

کیا آپ اپنا فیس بک اکاؤنٹ ڈیلیٹ acebook ی کریں گے ؟ جانیے اپنے ڈیٹا کو کیسے کریں ڈیلیٹ ؟ ! کیا آپ اپنا فیس بک اکاؤنٹ ڈیلیٹ acebook ی کریں گے ؟ جانیے اپنے ڈیٹا کو کیسے کریں ڈیلیٹ ؟ ! بالکل آسان طریقہ

کیا آپ بھی اپنا فیس بک Facebook اکاؤنٹ ڈیلیٹ کرنے پر غور کر رہے ہیں؟ بہت سے لوگ اس پر غور کر رہے ہیں کیونکہ مختلف سوشل میڈیا پلیٹ فارم کے سلسلے میں مختلف وجوہات کی بنا پر سوال اٹھائے جا رہے ہیں یا ہو سکتا ہے کہ آپ فیس بک کو اپنے خیالات پر قابو نہ پانے دینا چاہتے ہوں۔

تو اب جب کہ آپ قدم اٹھانے کے لیے تیار ہیں اور ایک بار جب آپ اپنا فیس بک اکاؤنٹ ڈیلیٹ کر دیتے ہیں، تو کیا فیس بک آپ کا ڈیٹا ڈیلیٹ کر دے گا؟ فیس بک وعدہ کرتا ہے کہ وہ آپ کے اکاؤنٹ کو ڈیلیٹ کرنے کے بعد 90 دن میں آپ کی پوسٹ کی گئی ہر چیز کو حذف کردے گا، تو کیا آپ اپنے اکاؤنٹ کو ڈیلیٹ کرنے کے بعد 90 دن تک انتظار کریں گے؟

اپنے فیس بک اکاؤنٹ کو حذف کرنا آسان ہے۔ آپ کو صرف https://www.facebook.com/deactivate_delete_account پر جانا ہے، وہاں اختیارات کا ایک گروپ منتخب کریں اور اپنا پاس ورڈ درج کریں اور ڈیلیٹ کو دبائیں۔ لیکن کیا یہ واقعی اتنا آسان ہے؟ اس کو سمجھنے کے لیے آئیے دیکھتے ہیں کہ جب آپ اپنا فیس بک اکاؤنٹ ڈیلیٹ کرتے ہیں تو فیس بک کیا ڈیلیٹ کرتا ہے اور کیا نہیں ڈیلیٹ کرتا ہے۔

• ہر وہ چیز جو آپ نے شامل کی ہے بشمول پروفائل، تصاویر اور دیگر پوسٹس اس میں شمار کی جائے گی (نوٹ کریں کہ اس میں وہ چیزیں شامل نہیں ہیں جو دوسروں نے آپ کے بارے میں پوسٹ کی ہیں۔)

• آپ کے دوسرے دوستوں کو بھیجے گئے پیغامات حذف نہیں کیے جائیں گے۔ (نوٹ کریں کہ آپ کے دوستوں کو بھیجے گئے پیغامات میں ذاتی معلومات ہوسکتی ہیں جن پر آپ کا کنٹرول نہیں ہے۔)

اگرچہ آپ کے پاس زیادہ تر ڈیٹا پر زیادہ کنٹرول نہیں ہے جسے آپ نے فعال طور پر پوسٹ نہیں کیا ہے اور آپ کو فیس بک پر اپنا وعدہ پورا کرنے کے لیے انحصار کرنا پڑ سکتا ہے، پھر بھی آپ زیادہ سے زیادہ حذف کرنا یقینی بنا سکتے ہیں۔ صرف چند آسان اقدامات کے تحت آپ اسے یقینی بنا سکتے ہیں۔

1. فیس بک کے پاس آپ کے بارے میں دیگر معلومات جاننے کے لیے اس لنک https://www.facebook.com/dyi/ پر جائیں، اور اپنا تمام فیس بک ڈیٹا ڈاؤن لوڈ کریں۔ اگر آپ بعد میں اپنی فیس بک کی معلومات تک رسائی حاصل کرنا چاہتے ہیں تو یہ کام آ سکتا ہے۔

2. اس لنک https://www.facebook.com/settings?tab=applications پر کلک کرکے اپنے فیس بک اکاؤنٹ سے وابستہ ایپلی کیشنز کی فہرست پر جائیں اور انہیں ایک ایک کرکے ہٹا دیں۔

فیس بک آپ کے اکاؤنٹ کو ڈیلیٹ کرنے کے بعد 90 دن میں آپ کی پوسٹ کی گئی ہر چیز کو حذف کردے گا۔

3. اس لنک https://www.facebook.com/settings?tab=security پر عمل کرتے ہوئے اپنے لاگ ان آلات کی فہرست پر جائیں اور ان سب کو ایک ایک کرکے ہٹا دیں۔ "Authorized Logins" سیکشن کے تحت ڈیوائس کو بھی ہٹا دیں۔

4. اگر آپ کے پاس 'خصوصی ایپ پاس ورڈز' سیٹ ہیں، تو انہیں "ایپ پاس ورڈز" سیکشن کے تحت ہٹانا نہ بھولیں https://www.facebook.com/settings?tab=security&section=per_app_passwords&view۔

5. اس لنک https://www.facebook.com/location_history/view/ کو فالو کرکے اپنی لوکیشن ہسٹری پر جائیں، اور اپنی تمام لوکیشن ہسٹری ڈیلیٹ کرنے کے لیے cogwheel آئیکن پر کلک کریں۔

6. اگر فیس بک نے آپ کے فون سے رابطے درآمد کیے ہیں، تو اس لنک پر جائیں https://www.facebook.com/mobile/facebook/contacts/?tab=contacts اور انہیں حذف کریں۔

علامتی تصویر

7. اس لنک پر عمل کرتے ہوئے چہرے کی شناخت کو بند کر دیں

8. اگر آپ نے فیس بک پر اپنی تمام ادائیگی کی معلومات کو محفوظ کر رکھا ہے تو اسے حذف کرنے کے لیے اس لنک https://www.facebook.com/settings?tab=payments&section=settings پر جائیں۔

9. اب ان معلومات کے لیے جسے آپ حذف نہیں کر سکتے، اسے تبدیل کریں۔ مثال کے طور پر اپنے ای میل ایڈریس کو کسی عارضی اور نئی ای میل میں تبدیل کریں جسے آپ باقاعدگی سے استعمال نہیں کرتے ہیں۔ اپنا پتہ اور فون نمبر ہٹا دیں۔ یہ فیس بک کو گمراہ کر سکتا ہے اگر وہ اب بھی آپ کے حذف شدہ پروفائل کی کاپی اپنے پاس رکھتا ہے۔

10۔ اپنی فیس بک پوسٹس کو حذف کرنے کے لیے اس ایکسٹینشن https://chrome.google.com/webstore/detail/social-book-post-manager/ljfidlkcmdmmibngdfikhffffdmphjae کا استعمال کریں۔

11. آخر میں https://www.facebook.com/deactivate_delete_account پر جا کر اپنا اکاؤنٹ حذف کریں اور 90 دنوں تک دوبارہ لاگ ان نہ کریں۔

مکہ مکرمہ : ایک سے زیادہ عمرہ کیلئے وقفہ کی شرط ختم

مکہ مکرمہ : ایک سے زیادہ عمرہ کیلئے وقفہ کی شرط ختم

مکہ مکرمہ ۔ سعودی عرب کی وزارت حج و عمرہ نے دوسری بار عمرہ کی ادائی کے لیے کم سے کم 15 دن کے وقفے کی شرط ختم کردی ہے۔ اب عمرہ کے خواہش مند افراد 'اعتمرنا' یا 'توکلنا' ایپ میں سے کسی ایک کے ذریعہ دوبارہ عمرہ کی ادائی کے لیے بکنگ کی درخواست دے سکتے ہیں۔ عمرہ کی ادائی کا پہلے اجازت نامے کی مدت ختم ہونے کے ساتھ دوبارہ عمرہ کے لیے درخواست دی جاسکتی ہے۔ اس طرح ایک سے زیادہ عمرہ کے درمیان وقفہ کی پابندی نہیں رہی ہے۔ یاد رہے کہ سعودی عرب کی حکومت نے 17اکتوبر کو مسجد حرام اور مسجد نبوی کو پوری گنجائش کے مطابق زائرین کے لیے کھول دیا تھا۔ اس موقع پر نمازیوں کے درمیان سماجی فاصلے کی شرط بھی ختم کر دی گئی تھی۔ دوسری جانب مکرمہ مکرمہ میں خانہ کعبہ اور حجر اسود کو معطر کرنے کی تقریب منعقد ہوئی۔ عرب ذرائع کے مطابق مکہ مکرمہ میں سعودی ٹی وی چینل نے تقریب کو پہلی بار براہ راست نشر کیا۔ حرم شریف کے فرش کی صفائی کے لیے مشینی متعارف کرائی گئی ہے،جسے روبوٹ کہا گیا ہے۔ یہ مشین ایک گھنٹے میں 2 ہزار 45 مربع میٹر کی صفائی کا کام کرسکتی ہے۔ ادھر سعودی عرب کے شہر طائف میں معشی، مسرہ، خالدیہ اور ہدا روڈ کے اطراف میں موسلا دھار بارش ہوئی۔