حکومت مہنگائی سے راحت کے لئے پٹرول اور ڈیزل پر ایکسائز ڈیوٹی ہٹائے : کانگریس

حکومت مہنگائی سے راحت کے لئے پٹرول اور ڈیزل پر ایکسائز ڈیوٹی ہٹائے : کانگریس

نئی دہلی(اردو اخبار دنیا): آسمان چھوتی مہنگائی کو لے کر آج ایک بار پھر کانگریس نے مرکز کی مودی حکومت کو تنقید کا نشانہ بنایا۔ ساتھ ہی مطالبہ کیا کہ جلد از جلد پٹرول اور ڈیزل کو گڈس اینڈ سروس ٹیکس (جی ایس ٹی) کے دائرے میں لاکر عوام کو مہنگائی سے راحت دی جائے، اور اس کے لیے پٹرول-ڈیزل پر لگائی جانے والی ایکسائز ڈیوٹی فوری طور پر واپس لی جانی چاہئے۔

کانگریس ترجمان اجے ماکن نے مودی حکومت میں لگاتار بڑھ رہی مہنگائی کے تعلق سے بہت تفصیلی جانکاری ایک پریس کانفرنس کے دوران دی۔ انھوں نے کہا کہ حکومت کو پٹرولیم مصنوعات کو جی ایس ٹی کے دائرے میں لانے کے لئے کام کرنا چاہئے اور گزشتہ سات برسوں کے دوران اس نے پٹرول و ڈیزل پر ایکسائز ڈیوٹی لگا کر جو فائدہ کمایا ہے اسے بند کر کے ملک کے عوام کو اب مہنگائی سے نجات دینی چاہئے۔

اجے ماکن نے کہا کہ بین الاقوامی مارکیٹ میں خام تیل کی قیمت جس طرح سے کم ہوئی، اس کا فائدہ لوگوں کو ملنا چاہئے۔ پٹرول، ڈیزل اور رسوئی گیس کی قیمت بین الاقوامی مارکیٹ میں خام تیل کی قیمت میں ہوئی کمی کے مطابق کم کی جانی چاہئے۔ انھوں نے مزید کہا کہ حکومت الزام لگا رہی ہے کہ کانگریس تیل بونڈ لے کر آئی تھی جبکہ حقیقت یہ ہے کہ پہلی بار بی جے پی حکومت اپریل 2002 میں 9000 کروڑ روپے کے تیل بونڈ لے کر آئی تھی۔

کانگریس ترجمان ماکن نے مرکز کی مودی حکومت میں سبسڈی اور ایکسائز ڈیوٹی کے تعلق سے تفصیل بیان کرتے ہوئے کہا کہ بی جے پی حکومت نے پٹرول و ڈیزل پر سبسڈی 12 گنا کم کی جبکہ ایکسائز ڈیوٹی میں 3 گنا اضافہ کر کے پٹرول مصنوعات سے خوب فائدہ کمایا ہے۔ انہوں نے مزید بتایا کہ صرف 21-2020 میں مودی حکومت نے پٹرول و ڈیزل پر ٹیکس لگا کر 453812 کروڑ روپے کی کمائی کی ہے۔ اس مدت میں کی گئی یہ کمائی 14-2013 کے مقابلے تین گنا سے زیادہ ہے۔ اس طرح سات برسوں کے دوران اس حکومت نے پٹرول اور ڈیزل پر سنٹرل ٹیکس 23.87 اور 28.37 روپے فی لیٹر کی شرح سے لگا کر موٹی کمائی کی ہے۔

کانگریس لیڈر نے اپنی بات کو آگے بڑھاتے ہوئے یہ بھی کہا کہ مودی حکومت بین الاقوامی مارکیٹ میں خام تیل کی قیمت کم ہونے کے باوجود ہر سال پٹرولیم مصنوعات سے 189711 کروڑ روپے حاصل کرتی رہی ہے۔ اس حکومت کی مدت کار میں لوگ بے تحاشہ مہنگائی سے پریشان ہیں لیکن حکومت کی طرف سے عوام کو راحت دینے کے لئے کوئی قدم نہیں اٹھایا جا رہا ہے۔

نیوزی لینڈ میں لاک ڈاون

ایک بار پھر لاک ڈاؤن

(اردو اخبار دنیا)

 

ویلنگٹن :نیوزی لینڈ میں 6 ماہ بعد کورونا وائرس کی مقامی منتقلی کا پہلا کیس آکلینڈ میں رپورٹ ہوا ہے جس کے بعد نیوزی لینڈ کی وزیرِ اعظم جیسنڈا آرڈن نے کل سے ملک بھر میں 3 روزہ لاک ڈاؤن کا اعلان کر دیا۔ غیر ملکی خبر ایجنسی کے مطابق آکلینڈ میں 7 روز تک لاک ڈاؤن نافذ رہے گا، سڈنی میں ڈیلٹا ویرنٹ کے باعث کورونا وائرس کیسز میں اضافے کا خطرہ ہے۔

ادھر آسٹریلیوی حکام نے انتباہ جاری کرتے ہوئے لوگوں کو کورونا وائرس کی ویکسین لگوانے پر زور دیا ہے۔ نیو ساؤتھ ویلز میں کورونا وائرس کے 452 نئے کیسز اور ایک شہری کی ہلاکت رپورٹ ہوئی ہے۔

غیر ملکی خبر ایجنسی کے مطابق جاپان میں ٹوکیو اور 5 ریجنز میں کورونا ایمرجنسی میں 12 ستمبر تک توسیع متوقع ہے۔

اس ملک میں لیول 4 لاک ڈاؤن آخری بار کورونا کی وبا کے آغاز میں لگایا گیا تھا اور موجودہ پابندیوں کی وجہ یہ خیال کرنا ہے کہ نیا کیس مقامی سطح پر کورونا کی قسم ڈیلٹا کا پہلا کیس ہے۔ وزیراعظم جیسنڈا آرڈرن نے لاک ڈاؤن کا اعلان کرتے ہوئے کہا کہ ' ڈیلٹا کو گیم چینجر قرار دیا جارہا ہے اور یہ درست بھی ہے۔ اس کا مطلب یہ ہے کہ ہمیں شروع میں ہی اس کے پھیلاؤ کو روکنے کے لیے سخت ہونا ہوگا۔

ہم نے دیکھا ہے کہ دیگر ممالک میں ناکامی پر کیا حال ہوا، ہمارے پاس صرف ایک ہی موقع ہے '۔ اس نئے لاک ڈاؤن میں نیوزی لینڈ کے شہریوں کو ہدایت کی گئی ہے کہ گھر میں صرف ان کے گھرانے کے افراد رہیں گے اور وہ اپنے گھر سے صرف خوراک یا ادویات خریدنے کے لیے ہی نکل سکیں گے۔

اس دوران بھی انہیں سماجی دوری کا خیال رکھنا ہوگا۔ جیسنڈا آرڈرن نے کہا کہ ابھی ہم نہیں جانتے کہ یہ نیا کیس ڈیلٹا کا نتیجہ ہے یا نہیں اور اس کے لیے جینوم سیکونسنگ کا انتظار کرنا ہوگا، مگر حکومت ڈیلٹا کو مدنظر رکھتے ہوئے اقدامات کررہی ہے۔ انہوں نے کہا کہ دنیا بھر میں ڈیلٹا بہت تیزی سے پھیل رہا ہے اور ہم دنیا کے ان چند ممالک میں سے ہیں جہاں ابھی برادری کی سطح پر کورونا کی یہ قسم پھیلنا شروع نہیں ہوئی تو ہمارے پاس دیگر سے سیکھنے کے لیے بہت کچھ ہے۔

ان کا کہنا تھا کہ ہم نے دیگر ممالک میں تاخیر سے کیے گئے اقدامات کے تباہ کن نتائج بھی دیکھیں ہمارے پڑوس میں بھی ایسا ہوا۔ یہ انہوں نے آسٹریلیا کا حوالہ دیا جہاں اس وقت کورونا کی لہر کو قابو میں کرنے میں مشکلات کا سامنا ہے۔ نیوزی لینڈ کے حکام اب تک نئے کیس کی وجہ بننے والے ذریعے کا تعین نہیں کرسکے ہیں۔

کشمیر میں جنگجو بی جے پی لیڈران کے دشمن بن گئے۔کارکن کو گولیاں مار کر ہلاک کر دیا

 اگست 17, 2021

• (اردو اخبار دنیا)

  

  
  

سری نگر، 17 اگست (یو این آئی) ایسا لگتا ہے کہ جموں کشمیر میں جنگجو بی جے پی لیڈران و کارکنان کے دشمن بن گئے ہیں۔چاہے پھرا س کارکن یا لیڈر کا تعلق کسی بھی سماج یا طبقہ سے ہو ۔ جنوبی ضلع کولگام کے برازلو کولگام میں منگل کو مشتبہ جنگجوئوں نے بھارتیہ جنتا پارٹی (بی جے پی) کے ایک کارکن کو گولیاں مار کر ہلاک کر دیا۔سرکاری ذرائع نے بتایا کہ مشتبہ جنگجوئوں نے برازلو جاگیر میں جاوید احمد ڈار ولد غلام عبداللہ ڈار نامی بی جے پی کارکن پر ان کے گھر کے باہر نزدیک سے گولیاں چلائیں۔

انہوں نے بتایا کہ زخمی جاوید احمد کو فوری طور پر قریبی ہسپتال منتقل کیا گیا جہاں ڈاکٹروں نے انہیں مردہ قرار دیا۔جموں و کشمیر میں تعینات بی جے پی کے ترجمان الطاف ٹھاکر نے کہا کہ جاوید احمد ڈار بی جے پی حلقہ صدر ہوم شالی بگ تھے۔

انہوں نے اپنے پارٹی کارکن کی ہلاکت کی مذمت کرتے ہوئے کہا ہے کہ جنگجو بے گناہ لوگوں کو نشانہ بنا رہے ہیں۔اس واقعے سے محض چند دن قبل مشتبہ جنگجوئوں نے جنوبی ضلع اننت ناگ میں بی جے پی سرپنچ اور ان کی بیوی، جو پنچ تھیں، کو گولیاں مار کر ہلاک کر دیا تھا۔دریں اثنا سابق وزرائے اعلیٰ عمر عبداللہ اور محبوبہ مفتی نے بی جے پی کارکن کی ہلاکت کی سخت الفاظ میں مذمت کی ہے۔

پربھنی داعش معاملہ:ممبئی ہائی کورٹ نے ضمانت آرڈر پر اسٹے دینے سے انکار کیا

 اگست 17, 2021

• (اردو اخبار دنیا)

  

این آئی اے کو منہ کی کھانی پڑی، جمعیۃ نے سپریم کورٹ میں کیویٹ داخل کردیا، گلزار اعظمی
ممبئی 17/ اگست:قومی تفتیشی ایجنسی NIAکو آج اس وقت ممبئی ہائی کورٹ میں منہ کی کھانی پڑی جب جسٹس ایس ایس شندے اور جسٹس جمعدار نے ملزم اقبال احمد کی ضمانت پر رہائی کے حکم پر اسٹے دینے سے انکار کردیا، این آئی اے کی وکیل ارونا پائی نے عدالت سے گذارش کی کہ13 اگست کو پاس کیئے گئے آرڈر پر اسٹے دیا جائے تاکہ این آئی اے سپریم کورٹ میں ممبئی ہائی کورٹ کے حکم کو چیلنج کرسکے۔
عدالت نے کھلے لفظوں میں کہا کہ وہ ملزم کی ضمانت پر رہائی کے فیصلہ پر اسٹے نہیں دیں گے، این آئی اے اگر فیصلہ کو چیلنج کرنا چاہتی ہے تو وہ کرے انہیں قانونی حق ہے لیکن اسٹے مانگنا مناسب نہیں ہے۔ ممبئی ہائی کورٹ کے فیصلہ سے ملزم اقبال احمد کے اہل خانہ نے راحت کی سانس لی جو ملزم کی رہائی کے لیئے کوشاں ہیں۔

اس ضمن میں ملزم اقبال احمد کو قانونی امداد فراہم کرنے والی تنظیم جمعیۃ علماء مہاراشٹر (ارشد مدنی) قانونی امداد کمیٹی کے سربراہ گلزار اعظمی نے کہا کہ جمعیۃعلماء نے ایڈوکیٹ آن ریکارڈ گورو اگروال کے ذریعہ سپریم کورٹ میں کیویٹ داخل کردیا ہے تاکہ اگر این آئی اے سپریم کورٹ میں ضمانت کی منسوخی کی عرضداشت داخل کرتی ہے تو ہمیں اس کی خبر مل جائے اور ہم بروقت اس کی مخالفت کرسکیں۔
گلزار اعظمی نے کہا کہ ملزم اقبال احمد کبیر احمد کی جیل سے رہائی کی کوشش شروع کی جاچکی ہے، آج سیشن عدالت میں ضمانت پر رہائی کا پروسیجر ایڈوکیٹ ارشد شیخ اور ایڈوکیٹ قربان حسین نے شروع کیا، سیشن عدالت کے رجسٹرار نے وقت کی تنگی اور کرونا گائڈلائنس کی وجہ سے اگلے دو دنوں میں پروسیس مکمل ہونے کی یقین دہانی کرائی ہے۔

واضح رہے کہ گذشتہ جمعہ کو پانچ سالوں سے جیل سلاخوں کے پیچھے مہاراشٹر کے پربھنی شہر سے تعلق رکھنے والے اقبال احمد کبیر احمد کو ممبئی ہائی کورٹ نے مشروط ضمانت پر رہا کیئے جانے کا حکم جاری کیا تھا، عدالت نے اپنے فیصلہ میں کہا تھاکہ پانچ سال کا طویل عرصہ گذر چکا ہے اور ابھی تک مقدمہ کی سماعت شروع نہیں ہوسکی اور مقدمہ کی سماعت کب شروع ہوگی اور کب اس کا اختتام ہوگا کسی کو نہیں معلوم لہذاملزم کو ضمانت پر رہا کیا جانا چاہئے کیونکہ ملزم ایک طویل عرصہ جیل میں گذارچکا ہے۔ عدالت نے اپنے فیصلہ میں مزید کہا کہ مقدمہ جلدا ز جلد سماعت ملزم کا حق لیکن مقدمہ کی سماعت تیزی سے نہ ہونے سے اس کی حق تلفی ہورہی ہے لہذا ملزم کو ضمانت پر رہا کیا جانا چاہئے۔

عیاں رہے کہ مہاراشٹر اے ٹی ایس نے ملزمین اقبال احمد، ناصر یافعی، رئیس الدین اور شاہد خان سمیت پر تعزیرات ہند کی دفعات 120(b),471,، یو اے پی اے کی دفعات 13,16,18,18(b), 20, 38, 39 اور دھماکہ خیز مادہ کی قانون کی دفعات 4,5,6 کے تحت مقدمہ قائم کیا ہے اور ان پر یہ الزام عائد کیا ہیکہ وہ آئی ایس آئی ایس کے رکن ہیں اور ہندوستان میں غیرقانونی سرگرمیوں میں ملوث ہیں نیز انہوں داعش کے لیڈر ابوبکر البغدادی کو اپنا خلیفہ تسلیم کیا ہے اور اس تعلق سے عربی میں تحریر ا یک حلف نامہ (بیعت) بھی ضبط کرنے کا پولس نے دعوی کیا ہے حالانکہ ملزمین کے اہل خانہ کا یہ کہنا ہیکہ مہاراشٹر اے ٹی ایس نے جھوٹے مقدمہ میں ان کے لڑکوں کو گرفتار کیا ہے کیو نکہ پولس نے ملزمین کے قبضہ سے ایسا کوئی بھی مواد ضبط نہیں کیا ہے جس سے یہ ثابت ہوتا ہو کہ وہ ممنوع تنظیم داعش کے رابطہ میں تھے اور وہ ہندوستان میں کچھ گڑ بڑ کرنا چاہتے تھے بلکہ شوشل میڈیا اور یوٹیوب کی مبینہ سرگرمیوں کو گرفتاری کی وجہ بتایا گیا ہے۔

چکن کھانے کے بعد دو بچوں کی موت ۔ تلنگانہ کے ضلع میدک میں واقعہ

(اردو اخبار دنیا)

توپران: ریاست تلنگانہ کے ضلع میدک میں سمیت غذا کے استعمال سے دو بچوں کی موت ہوگئی۔ یہ واقعہ منوہرآباد منڈل میں پیش آیا۔ 13 سالہ منیشا اور10 سالہ کمارکے ماں باپ ایک پولٹری فارم میں کام کیا کرتے ہیں۔ آج انھوں نے چکن کا سالن بنایا اورکھانے کے بعد بچوں کی طبعیت بگڑگئی انھیں علاج کیلئے توپران کے ہاسپٹل لے جایا گیا جہاں بچوں کی موت ہوگئی۔ سمجھا جاتا ہے کہ سمیت غذا کے استعمال سے ان کی موت ہوئی ہے جبکہ ان کی ماں زیرعلاج ہے۔

ٹرین کی زد میں ا ? کر بہار پولیس میں تعینات انسیکٹر کی موت

ٹرین کی زد میں ا ? کر بہار پولیس میں تعینات انسیکٹر کی موت

(اردو اخبار دنیا)

پٹنہ، 17 اگست۔بکسر۔ دانا پور ریلوے سیکشن کے ٹوڑی گنج اسٹیشن پر منگل کے روز تیز رفتار ٹرین کی زد میں ا?کر بہار پولیس میں تعینات ایک داروغہ کی موت ہوگئی۔ متوفی انسپکٹر پٹنہ ضلع پولیس فورس میں تعینات تھے۔ ان کی موت پر پولیس اہلکاروں نے غم کا اظہار کیا ہے۔ واقعہ کے بعد ریل پولیس نے متوفی داروغہ کی لاش کاضلع اسپتال میں پوسٹ مارٹم کرایا ہے۔ بتایا جا رہا ہے کہ کرشن برہم تھانہ کے رہیاں گاو?ں کے رہنے والے متوفی انسپکٹر اروند کمار سنگھ دس دنوں سے چھٹی پر اپنے گاو?ں گئے تھے۔ اسی دوران یہ واقعہ پیش ا?یا۔ انسپکٹر کی موت کے بعد ساتھی پولیس والے بہتغمگین ہیں۔ انہوں نے انسپکٹر کو خراج تحسین پیش کیا ہے۔ واقعہ کی اطلاع ملتے ہی متوفی کے گھر میں افراتفری پھیل گئی۔

منماڑ روڈ پر تبلیغی جماعت کے ساتھیوں کی کار حادثہ کا شکار،دو ساتھی جاں بحق

 اگست 17, 2021

• 
  

ناسک :17. آگست۔( اردو اخبار دنیا)منماڑ روڈ گرو کرپا ہوٹل کے پاس وارانہ میں شاہی مسجد سے تبلیغی جماعت میں جانے والے ساتھیوں کی گاڑی شدید حادثے کا شکار ہوگئی جس میں دوساتھی جاں بحق ہوگئے اور ایک کی حالت تشویشناک ہے۔

اس حادثے کی اطلاع ملتے ہی خالد سکندر؛ مسعود مولانا کمپاؤنڈ فیاض افسر؛ ضیاء الرحمن مسکان لڈو بلڈر شفیق انٹی کرپشن اور ستار بھائی ایمبولینس والے کی مدد کیلئے پہونچ گئے۔یہ حادثہ آج مورخہ 17 اگست 2021 بروز منگل صبح رونما ہوا۔

راج گڑھ : روڈ کنارے مردہ حالت میں ملا بزرگ ، پولیس جانچ میں مصروف

(اردو اخبار دنیا)

راج گڑھ، 17اگست ۔ شہر بیاورا تھانہ علاقے میں نگرپالیکا دفتر کے سامنے روڈ کنارے 80 سالہ بزگ مردہ حالت میںملا۔ پولیس نے بروز منگل پوسٹ مارٹم کے بعد لاش اہل خانہ کو تفویض کی اور معاملے میں جانچ شروع کر دی ہے۔
اے ایس ا?ئی یدھشٹھر شرما کے مطابق گزشتہ رات نگرپالیکا دفتر کے سامنے روڈ کنارے ہوشیار سنگھ (80) ولد لکشمی سنگھ سسودیا ساکن جونا بیاورا مردہ حالت میں ملا۔ مہلوک کے نزدیکی رشتہ دار دیویندر سسودیا کی اطلاع پر پولیس نے موقع سے لاش کو قبضے میں لیکر پوسٹ مارٹم کے لئے اسپتال پہنچایا۔ بتایا گیا ہے کہ بزرگ شخص پیروں سے معذور تھا اور وہ بازار میں مانگ کر اپنا پیٹ بھرتا تھا۔ بزرگ کی موت کن حالات میں ہوئی، اس کا خلاصہ نہیں ہوسکا ہے۔ فی الحال پولیس نے مرگ قائم کرکے معاملے کی جانچ شروع کر دی ہے۔

رسول اللہﷺ کے نقشِ قدم پر

 اگست 17, 2021

• (اردو اخبار دنیا)

  

ڈاکٹر محمد رضی الاسلام ندوی

تاریخ کا مشہور واقعہ ہے _ ہجرتِ مدینہ کے آٹھویں سال رسول اللہ صلی اللہ علیہ وسلم مکہ مکرمہ میں فاتحانہ داخل ہوئے _ آپ نے پوری کوشش کی کہ قتل و غارت گری بالکل نہ ہو _ ایک فوجی ٹکڑی کے کمانڈر نے جوش میں کہہ دیا : الیَومُ یَومُ المَلحَمَۃ (آج کشت و خون کا دن ہے) آپ کو خبر ملی تو آپ نے انھیں معزول کردیا اور فرمایا : الیَومُ یَومُ المَرحَمَۃ ( آج رحم و کرم کا دن ہے) _ اس موقع پر آپ نے عام معافی کا اعلان کردیا : جو اپنے گھر میں رہے اس کے لیے امن ہے _ جو مسجدِ حرام میں پناہ لے اس کے لیے امن ہے _ جو ہتھیار ڈال دیے اس کے لیے امن ہے _ جو ابو سفیان ( جو اُس وقت تک مسلمانوں کے دشمنوں کے سردار تھے) کے گھر میں پناہ لے اس کے لیے امن ہے _ مکہ میں داخلہ کے وقت کچھ لوگوں نے مزاحمت کی ، صرف ان سے مقابلہ کیا گیا ، باقی تمام لوگوں کو معافی دے دی گئی _ ان میں وہ لوگ بھی تھے جنھوں نے مکی عہد کے 13برس اور ہجرتِ مدینہ کے بعد 8 برس مسلمانوں کو تکلیف پہنچانے اور ستانے میں کوئی کسر نہیں اٹھا رکھی تھی _ لیکن عام معافی میں ان لوگوں کو بھی شامل کیا گیا _ فتح کے بعد آپ نے اعلانِ عام کردیا :
جَآءَ الۡحَـقُّ وَزَهَقَ الۡبَاطِلُ‌ؕ اِنَّ الۡبَاطِلَ كَانَ زَهُوۡقًا _ ( الإسراء : 81)
” حق آگیا اور باطل مٹ گیا ، باطل تو مٹنے ہی والا ہے ۔ “

یہ اتنا عظیم الشان واقعہ تھا کہ تاریخ میں کوئی نظیر نہیں ملتی _ تمام مؤرخین ، چاہے وہ غیر جانب دار ہوں یا مخالف ، سب نے اس واقعہ کو سراہا ہے اور اس پر آپ کو خراجِ تحسین پیش کیا ہے _

رسول اللہ ﷺ کے جانشینوں نے پھر اسی کردار کا مظاہرہ کیا ہے _ طالبان نے کابل میں فاتحانہ داخلہ سے پہلے عام معافی کا اعلان کیا ہے _ ان کے ترجمان نے کہا ہے کہ عوام ، افغان حکومت کے عملہ اور کارندوں ، اتحادی افواج کے لیے کام کرنے والوں ، سب کے لیے معافی ہے _ عوام کے مال و جان کی حفاظت ہماری بنیادی ذمے داری ہے _ ان کا یہ پیغام سماجی رابطوں کی ویب سائٹ ٹوئٹر پر نشر کیا گیا _ انھوں نے کہا کہ مجاہدین خزانہ ، عوامی سہولیات ، سرکاری دفاتر اور آلات ، پارکس ، سڑکوں اور پل وغیرہ پر خاص توجہ دیں گے ۔ یہ عوامی املاک ہیں ، ان کا تحفظ کیا جائے گا اور انہیں برباد کرنے کی کسی کو اجازت نہیں دی جائے گی ۔ ان کا کہنا تھا کہ اسلامک اسٹیٹ آف افغانستان ان تمام افراد کے لیے اپنے دروازے کھولتی ہے جنہوں نے ماضی میں حملہ آوروں کے لیے کام کیا اور ان کی مدد کی ، یا جو اب بھی کرپٹ افغان حکومت کے ساتھ کھڑے ہیں _ ہم ان کے لیے عام معافی کا اعلان کرتے ہیں اور انہیں دعوت دیتے ہیں کہ وہ قوم اور ملک کی خدمت کے لیے آگے آئیں ۔

طالبان کے زوال اور عروج میں ہمارے لیے متعدد اسباق موجود ہیں :

(1) ایمان و یقین کی طاقت سب سے بڑی طاقت ہے _ اس کے سامنے تمام طاقتیں ہیچ ہیں _ امریکہ کی سربراہی میں ناٹو کی افواج نے طالبان کی حکومت اکھاڑ پھینکی ، اس کے بعد 20 برس تک ان پر آگ اور بارود کی بارش کی ، زبردست بم باری کی ، طرح طرح کے بھیانک اسلحہ ان پر آزمائے ، لیکن وہ افغانوں کا بال بیکا نہ کرسکیں ، اس لیے کہ وہ اللہ کا سہارا تھامے ہوئے تھے اور اس سے بڑا اور کسی کا سہارا نہیں _

(2) کام یابی قربانیوں کے بعد حاصل ہوتی ہے _ طالبان نے بہت زیادہ قربانیاں دی ہیں _ وہ حکومت سے محروم کیے گئے _ ان کا بڑے پیمانے پر قتلِ عام کیا گیا _ انہیں قید کرکے دردناک سزائیں دی گئیں _ وہ گھر سے بے گھر اور اپنی املاک سے محروم کیے گئے _ لیکن انھوں نے صبر کیا ، ڈٹے رہے اور قربانیاں پیش کرتے رہے ، بالآخر منزل نے ان کے قدم چومے اور کام یابی نے ان کی دست بوسی کی _

(3) اپنا نصب العین درست رکھنا چاہیے اور منزل پر نگاہیں جمانی چاہییں _ راستے جتنے بھی پُر خطر ہوں ، منزل جتنی بھی دور ہو ، کوئی حرج نہیں _ طالبان کو دوبارہ اقتدار حاصل کرنے میں 20 برس لگ گئے ، لیکن نہ وہ تھکے ، نہ گھبرائے ، نہ انھوں نے سستی اور تن آسانی کا مظاہرہ کیا ، بلکہ دھیرے دھیرے منزل کی طرف بڑھتے رہے ، یہاں تک کہ اسے پالیا _

(4) مشن کی تکمیل کے لیے طاقت کا حصول ضروری ہے _ جرمِ ضعیفی کی سزا مرگِ مفاجات ہے _ قرآن مجید میں اللہ تعالیٰ نے فرمایا ہے :
وَاَعِدُّوۡا لَهُمۡ مَّا اسۡتَطَعۡتُمۡ مِّنۡ قُوَّةٍ وَّمِنۡ رِّبَاطِ الۡخَـيۡلِ تُرۡهِبُوۡنَ بِهٖ عَدُوَّ اللّٰهِ وَعَدُوَّكُمۡ وَاٰخَرِيۡنَ مِنۡ دُوۡنِهِمۡ‌ ۚ لَا تَعۡلَمُوۡنَهُمُ‌ ۚ اَللّٰهُ يَعۡلَمُهُمۡ‌ؕ (الانفال :60)
” اور تم لوگ ، جہاں تک تمہارا بس چلے ، زیادہ سے زیادہ طاقت اور تیار بندھے رہنے والے گھوڑے اُن کے مقابلہ کے لیے مہیّا رکھو ، تاکہ اس کے ذریعہ سے اللہ کے اور اپنے دشمنوں کو اور ان دوسرے اعداء کو خوف زدہ کر دو جنہیں تم نہیں جانتے ، مگر اللہ جانتا ہے ۔”
طالبان نے اس اصول کو اپنایا _ انھوں نے ایمانی طاقت کے ساتھ مادّی طاقت بھی حاصل کرنے کی کوشش کی _ اس طرح انھوں نے اپنے دشمنوں پر اپنی دھاک اور ہیبت طاری کردی _

(5) طالبان نے ثابت کردیا کہ امّتِ مسلمہ کو عروج اور غلبہ اسی طریقے سے اور اسی راہ پر چل کر حاصل ہوسکتا ہے جس پر چل کر ابتدائی صدیوں میں حاصل ہوا تھا _ امت کی بھلائی نہ دیگر تہذیبوں کو اختیار کرنے میں ہے نہ دیگر مذہبی گروہوں کے نقشِ قدم پر چلنے میں _ کام یابی ، غلبہ اور عروج آج بھی اللہ کی اطاعت اور خاتم النبیین حضرت محمد ﷺ کے نقشِ قدم کی پیروی کرنے میں ہے _

حکومت کی عوام و کسان مخالف پالیسیوں کے خلاف شدید ہوتے احتجاجی مظاہرے

حکومت کی عوام و کسان مخالف پالیسیوں کے خلاف شدید ہوتے احتجاجی مظاہرے(اردو اخبار دنیا)

لکھنئو۔ آسمان چھوتی مہنگائی، بے لگام ہوتے جرائم اور جرائم پیشہ لوگ ، بڑھتی بے روزگاری غریبی اور کسانوں کے ساتھ نا انصافی جیسے موضوعات پر ایک بار پھر سماج وادی پارٹی کے ممبران اسمبلی اور اراکین نے احتجاج کے لے تیز کی۔۔ یہ احتجاج بھی نئے طریقے سے اس وقت شروع ہوا جب اسمبلی سیشن شروع ہونے سے عین قبل سماج وادی پارٹی کے تین ممبران اسمبلی نے گنوں سے لدی بیل گاڑی میں سوار ہوکر اسمبلی میں داخل ہونے کی کوشش کی ۔ جب پولس نے اسمبلی کے گیٹ پر بیل گاڑی کو روکنے کی کوشش کی تو بیل گاڑی میں سوار سماج وادی پارٹی کے تینوں اسمبلی ممبران کی پولس اہلکاروں سے بحث ہوگئ۔ پولس اہلکاروں کے مطابق لکھنئو میں دفعہ ایک سو چوالیس نافذ ہے جس کے تحت چار لوگوں سے زیادہ ایک جگہ جمع نہیں ہوسکتے جبکہ سماج وادی رہنماؤں کے مطابق وہ تین لوگ ہیں لہٰذا وہ یہاں بھی قانون کی خلاف ورزی نہیں کررہے ہیں۔ بحث گرم ہوئی تو خاموش مظاہرے نے باقاعدہ احتجاج کی شکل اختیار کی اور دیکھتے دیکھتے سیکڑوں لوگ جمع ہوگئے اور حکومت کی ناکامیوں اور بد عنوانیوں کے خلاف نعرے بازی کرنے لگے۔

بیل گاڑی میں سوار ،سنگرام سنگھ، راجیش یادو اور نریندر ورما کے مطابق یوگی قیادت والی موجودہ حکومت۔ ہر محاذ پر ناکام ہو چکی ہے ۔ مرکزی اور ریاستی حکومتوں نے ملک کو کھوکھلا کر دیا ہے صرف عام آدمی سے ہی جینے کا حق نہیں چھینا گیا ہے بلکہ دیش کے انداتا کسان کو بھی تباہ و برباد کرنے کے لئے ان پر غیر ضروری قانون تھوپے گئے ہیں۔ راجیش یادو نے کہا کہ غریب آدمی دو وقت کی روٹی نہیں کما پارہاہے لاکھوں لوگ بے روزگار ہوگئے ہیں۔ لاکھوں مزدور اور دستکار در در کی ٹھوکریں کھانے اور رکشہ چلانے کے لئے مجبور ہیں اور سرکار صرف جھوٹے دعوے کئے جارہی ہے ۔۔ سنگرام سنگھ نے اعظم خاں پر تھوپے گئے۔ ناجائز مقدمات ان کے افراد خاندان کا استحصال اور جوہر یونیورسٹی کی تباہی کا حوالہ دیتے ہوئے کہا کہ یوگی حکومت سیاسی انتقام لینے اور سماج کے ایک خاص ورگ کو ستانے اور پریشان کرنے کے لئے آئین و دستور کے خلاف کام کررہی ئے۔

سرکار کو نجی فائدہ پہنچانے والے سارے کام اور ریلیاں کبھی بھی کہیں بھی ہو سکتی ہیں لیکن سماج وادیوں کو مزدوروں اور کسانوں کے حق میں آواز اٹھانے کی بھی اجازت نہیں اس حکومت نے لوگوں سے احتجاج کا حق بھی چھین لیا ہے اگر کوئی دبا کچلا پریشان انسان اپنے حق مانگنے کے لئے آواز اٹھاتا ہے تو اسے پہلے پولس کا اتیاچار ، ظلم جھیلنا پڑتا ہے پھر اسے جھوٹے مقدمے میں پھنسا کر جیل میں ڈال دیا جاتا ہے ۔یہاں یہ بات بھی اہم ہے کہ سماج وادی پارٹی کے اراکین کے ساتھ کانگریس پارٹی کے لیڈروں اور اراکین نے بھی حکومت کے خلاف محاذ آرائی کرتے ہوئے جم کر نعرے بازی کی۔ پیٹرول ڈیزل دال چاول آٹے اور گیس کی بڑھتی قیمتوں پر حکومت کی سخت تنقید کرتے ہوئے موجودہ مرکزی اور اتر پردیش کی حکومت کو ملک کی تاریخ کی بدترین حکومت قرار دیا ۔

ICC T20 ‏world cup ‎2021 ‏schedule ‎: ہندوستان کا پہلا مقابلہ پاکستان سے ہوگا ، جانئے مکمل پروگرام

ICC T20 world cup 2021 schedule :

ہندوستان کا پہلا مقابلہ پاکستان سے ہوگا ، جانئے مکمل پروگرام(اردو اخبار دنیا)

نئی دہلی: آئی سی سی نے اس سال ہونے والے ٹی-20 عالمی کپ کے شیڈول کا اعلان منگل کے روز کر دیا ہے۔ کورونا وائرس کے سبب ہندوستان میں ہونے والے اس ٹورنامنٹ کا انعقاد اب عمان اور دبئی میں کیا جارہا ہے۔ ٹی-20 عالمی کپ کا آغاز 17 اکتوبر کو ہوگا۔ خطابی مقابلہ 14 نومبر کو کھیلا جائے گا۔ ہندوستان 24 اکتوبر کو اپنی مہم کا آغاز کرے گا۔ اس کا پہلا مقابلہ پاکستان سے ہوگا۔ سپر 12 کے مقابلے 23 اکتوبر سے شروع ہوں گے۔ اس سے پہلے 17 اکتوبر سے پہلے راونڈ کے مقابلے کھیلے جائیں گے۔

پہلا سیمی فائنل ابو ظہبی میں 10 نومبر کو کھیلا جائے گا۔ جبکہ دوسرا سیمی فائنل 11 نومبر کو دبئی میں کھیلا جائے گا۔ دونوں سیمی فائنل پر ریزرو ڈے ہے، خطابی مقابلہ 14 نومبر اتوار کو دبئی میں کھیلا جائے گا۔ 15 نومبر پیر کو ریزرو ڈے کے طور پر رکھا گیا ہے۔ ہندوستان شارجہ میں ایک بھی مقابلہ نہیں کھیلے گا۔ ہندوستان کے سبھی مقابلے ہندوستانی وقت کے مطابق، شام 7:30 بجے کھیلا جائے گا۔

ٹی-20 عالمی کپ کے گروپ کا اعلان پہلے ہی کیا جا چکا ہے۔ پہلے راونڈ میں 8 ٹیمیں سپر 12 میں جگہ بنانے کے لئے کھیلے گی۔ آئر لینڈ، نیدر لینڈ، سری لنکا اور نامیبیا کو گروپ اے میں رکھا گیا ہے، جبکہ گروپ بی میں عمان، پی این جی، اسکاٹ لینڈ اور بنگلہ دیش کی ٹیم ہیں۔ ہر گروپ کی ٹاپ-2 ٹیم ہی دوسرے راونڈ میں داخلہ حاصل کرے گی۔



سپر 12 کا پہلا مقابلہ 23 اکتوبر کو دبئی میں آسٹریلیا اور جنوبی افریقہ کے درمیان کھیلا جائے گا۔ اسی دن دوسرا مقابلہ انگلینڈ اور ویسٹ انڈیز کے درمیان کھیلا جائے گا۔ جبکہ سپر 12 میں گروپ 2 میں پہلا مقابلہ دبئی کے میدان پر ہندوستان اور پاکستان کے درمیان کھیلا جائے گا، جس کا لمبے وقت سے ہر کرکٹ مداح کو انتظار تھا۔ اس دن صرف ایک ہی میچ کھیلا جائے گا۔ سپر 12 کے گروپ -1 میں ویسٹ انڈیز، انگلینڈ، آسٹریلیا، جنوبی افریقہ کے علاوہ پہلے راونڈ میں گروپ اے کی فاتح اور گروپ بی کی رنر اپ ٹیم ہوگی۔ وہیں گروپ -2 میں ہندوستان اور پاکستان، نیوزی لینڈ، افغانستان کے ساتھ پہلے راونڈ کی گروپ بی کی فاتح ٹیم اور گروپ اے کی رنر اپ ٹیم ہوگی۔

علی گڑھ کا نام تبدیل کر کے ہری گڑھ کرنے کی قرارداد منظور

 اگست 17, 2021

• (اردو اخبار دنیا)
• 

  
  

علی گڑھ: یوگی حکومت مختلف شہروں کے نام تبدیل کرنے کے لئے مشہور ہے اور الہ آباد سمیت متعدد شہروں کے نام تبدیل کئے جا چکے ہیں۔ اب علی گڑھ کا نام بھی تبدیل کرنے کی تیاری کی جا رہی ہے اور علی گڑھ کی ضلع پنچایت نے اس معاملہ پر ایک قرارداد بھی منظور کر لی ہے۔ وہیں مین پوری کا نام بھی تبدیل کرنے کی قرارداد ضلع پنچایت سے منظور کی گئی ہے۔

ضلع پنچایت کے اجلاس کے دوران علی گڑھ کا نام ہری گڑھ کرنے کی قرارداد پیش کی گئی۔ اس قراردفاد کو کیہری سنگھ اور امیش یادو نے پیش کیا گیا۔ جسے متفقہ طور پر تمام ارکان نے منظور کر لیا گیا۔

ادھر مین پوری کا نام بھی تبدیل کر کے ماین ریشی کے نام پر رکھنے کی قراردا پیش کی گئی۔ مین پوری کا نام تبدیل کرنے کی کئی ارکان نے مخالفت بھی کی۔ تاہم ضلع پنچایت ارکان کی اکثریت کی جانب سے قرارداد کو حمایت دینے کے بعد ضلع پنچایت صدر ارچنا بھدوریا نے مین پوری کا نام تبدیل کر کے ماین نگر کرنے کی قرارداد کو منظور کر لیا۔

ضلع پنچایتوں میں منظور کی گئی قراردادوں کو اب یوگی حکومت کے پاس بھیجا جائے گا، جہاں یہ فیصلہ لیا جائے گا کہ ان شہروں کے ناموں کو تبدیل کرنا ہے یا نہیں۔

علی گرھ میں اس وقت یوپی کے سابق وزیر اعلیٰ کلیان سنگھ کے بیٹے راجویر سنگھ راجو کی سمدھن وجے سنگھ ضلع پنچایت صدر ہیں۔ وہیں مین پوری کی ضلع پنچایت صدارت کی کرسی پہلی پرتبہ بی جے پی کے ہاتھ لگی ہے۔ ابھی تک یہاں سماجوادی پارٹی کی جیت حاصل کرتی آ رہی تھی۔

این آئی اے کی ٹیم کا کابل دورہ ملتوی

این آئی اے کی ٹیم کا کابل دورہ ملتوی

 

نئی دہلی.(اردو اخبار دنیا)

قومی تحقیقاتی ایجنسی (این آئی اے) نے کابل کے ایک گردوارے میں ہوئےدھماکے کی جانچ کے لئے کابل کا سفرملتوی کردیا ہے۔دھماکے کے سلسلے میں ایک مقدمہ درج کرنے کے تقریبا ایک سال بعدبھی اس کیس جس میں پیش رفت نہیں ہوئی ہے جس میں ایک بھارتی سکھ سمیت 27 افراد ہلاک ہوئے تھے۔

اس حملے کی ذمہ داری ابھی تک کسی بھی گروپ نے قبول نہیں ہے۔ اب طالبان کے اقتدار سنبھالنے کے بعد این آئی اے کی جانچ کوبھی غیر معینہ مدت' کے لیے ملتوی کر دیا گیا ہے۔ این آئی اے نے 25 مارچ 2020 کے دہشت گردانہ حملے کے سلسلے میں اپریل 2020 میں ایک کیس درج کیا تھا۔ این آئی اے نے ترمیم شدہ این آئی اے ایکٹ کے مطابق بھارت سے باہر کیے گئے دہشت گردانہ حملے کا مقدمہ درج کرنے کی یہ پہلی مثال تھی۔

آئینی ترمیم میں مرکزی ایجنسی کو اختیار دیا گیاہے کہ وہ ہندوستان سے باہر کیے گئے ان دہشت گردانہ حملوں کی تحقیقات کرسکتی ہے جن میں کوئی بھارتی شہری متاثر کیا ہوا ہو یا ہندوستان کے مفاد کو نقصان پہنچاہو۔ یہ مقدمہ تعزیرات ہند اور انسداد دہشت گردی قوانین کی مختلف دفعات کے تحت درج کیا گیا تھا۔

حملے کے وقت گوردوارے میں تقریبا 150 افراد موجود تھے اور بھارتی شہری تیان سنگھ بھی مارا گیا تھا۔ این آئی اے کے ایک عہدیدار نے کہا ، "این آئی اے کی ایک ٹیم تحقیقات کے لیے کابل کا دورہ کرنے والی تھی۔

افغانستان کی موجودہ صورت حال کو دیکھتے ہوئے ، جہاں طالبان نے اقتدار پر قبضہ کر لیا ہے ، این آئی اے کا دورہ غیر معینہ مدت تک تاخیر کا شکار ہو جائے گا۔ "این آئی اے کے مطابق ، کیرالہ کے ضلع کاسر گوڈ کے 29 سالہ محمد محسن حملہ آوروں میں سے ایک سمجھا جاتا ہے۔

ٹیکس دہندگان کیلئے اچھی خبر ! بہت جلد دورہوں گی نئے انکم ٹیکس پورٹل کی سبھی مشکلات

ٹیکس دہندگان کیلئے اچھی خبر ! بہت جلد دورہوں گی نئے انکم ٹیکس پورٹل کی سبھی مشکلات

نئی دہلی (اردو اخبار دنیا): وزیر خزانہ نرملا سیتارمن نے آج کہا کہ انکم ٹیکس ریٹرن آن لائن فائل کرنے کے نئے پورٹل میں درپیش مسائل ایک یا دو دنوں میں حل ہو جائیں گے ۔ نرملا سیتارمن نے نامہ نگاروں سے بات کرتے ہوئے کہا کہ جون میں جب اس پورٹل کو لانچ کیا گیا تھا ، اس وقت کچھ مسائل پیش آئے تھے اور اس کے بعد پورٹل چلانے والی کمپنی انفوسس سے رابطہ کیا گیا اور اسے درست کرنے کے لیے کہا گیا۔ ریونیو سکریٹری ہفتہ وار بنیادوں پر اس کی نگرانی کر رہے ہیں اور انفوسس کے نندن نیلکانی نے بھی اس سلسلے میں ایک پریزنٹیشن دی ہے۔

انہوں نے کہا کہ اس حوالے سے ٹیکس دہندگان کی طرف سے تجاویز آئیں تھیں اور انہوں نے پرانے پورٹل کو بحال کرنے کی اپیل بھی کی تھی ، لیکن ایسا نہیں ہو سکا کیونکہ نئے پورٹل پر کئے گئے انتظامات پرانے پر موجود نہیں ہیں ۔ وزیر خزانہ نے کہا کہ انڈین انسٹی ٹیوٹ آف چارٹرڈ اکاؤنٹنٹس سے بھی اس سلسلے میں رابطہ کیا گیا۔ اب ایک دو دن میں تمام مسائل حل ہو جائیں گے۔

کورونا کے بعد ٹریک پر آرہی ہے معیشت

وزیر خزانہ نرملا سیتارمن نے کہا کہ ہندوستان کی معیشت کورونا وائرس کی دوسری لہر کے بعد اب پٹری پر واپس آ رہی ہے۔ سیتارمن نے بتایا کہ معیشت میں بحالی کورونا وائرس کی دوسری لہر سے متاثر ہوئی تھی، لیکن اب یہ دوبارہ پٹری پر آرہی ہے ۔ تمام بڑے معاشی اشاریے سے ایسے ثبوت مل رہے ہیں ۔ خوردہ مہنگائی 6 فیصد سے نیچے آ گئی ہے اور بجلی کی کھپت میں اضافہ ہوا ہے۔ مینوفیکچرنگ کی سرگرمیاں شروع ہو چکی ہیں۔

کورونا وائرس کی وجہ سے متاثر ہونے والی طلب کو تیز کرنے کے لیے کیے جانے والے اقدامات کے بارے میں پوچھے جانے پر انہوں نے کہا کہ اس کے لیے پہلے ہی انتظامات کر لیے گئے ہیں۔ چھوٹے شہروں کے تاجروں کو ڈیڑھ لاکھ روپے تک آسان قرض دینے کے اقدامات کیے گئے ہیں ، جس سے طلب بڑھانے میں مدد مل رہی ہے۔ اس کے بعد تنخواہ دار لوگوں کی تنخواہ وغیرہ میں اضافہ کیا گیا ہے۔

جی ایس ٹی کی شرحوں کو معقول بنانے کے بارے میں پوچھے جانے پر وزیر خزانہ نے کہا کہ اس سلسلے میں جی ایس ٹی کونسل کی میٹنگوں میں پہلے بھی بات چیت کی گئی تھی لیکن ابھی تک کوئی فیصلہ نہیں کیا گیا۔ کورونا کی وجہ سے ، فی الحال ایسا ہوتا ہوا دکھائی نہیں دیتا، لیکن اب جلد ہی جی ایس ٹی کونسل کی میٹنگ ہوگی۔

دوسرا ٹیسٹ : ہندوستان نے لارڈز پر انگلینڈ کو 151 رنز سے شکست دی

دوسرا ٹیسٹ : ہندوستان نے لارڈز پر انگلینڈ کو 151 رنز سے شکست دی

لندن(اردو اخبار دنیا): محمد شامی (56 ناٹ آؤٹ) اور جسپریت بمراہ (ناٹ آؤٹ 34) کی عمدہ اننگز کے بعد ، محمد سراج (32 پر 4) اور بمراہ (33 میں 3) کی مہلک بولنگ سے ہندوستان نے انگلینڈ کو پانچویں اور آخری دن پیر کو دوسری اننگز میں 120 رنز بناکر آؤٹ کرکے دوسرا ٹیسٹ 151 رنز کے بڑے مارجن سے جیت کر پانچ میچوں کی سیریز میں 1-0 کی برتری حاصل کر لی۔

ہندوستان کے پاس ٹرینٹ برج پر بھی پہلا ٹیسٹ جیتنے کا اچھا موقع تھا ، لیکن آخری دن کا کھیل بارش کی وجہ سے دھل گیا ، لیکن ہندوستان نے لارڈز میں میچ جیت لیا۔ انڈیا نے انگلینڈ کو جیت کے لیے 272 رنز کا ہدف دیا تھا لیکن میزبان ٹیم آخری دن ہندوستانی بولرز کے خلاف کھڑی نہ ہو سکی اور 51.5 اوورز میں 120 رنز پر ڈھیر ہو گئی۔

بلے سے ہاتھ دکھانے کے بعد بمراہ نے بھی گیند سے ہاتھ دکھایا اور 15 اوورز میں 33 رنز دے کر تین وکٹیں حاصل کی۔ سراج نے 10.5 اوورز میں 32 رنز دے کر زیادہ سے زیادہ چار وکٹیں حاصل کیں۔ ایشانت شرما نے 10 اوورز میں 13 رنز دے کر دو جبکہ صبح ہندوستان کی دوسری اننگز میں ناقابل شکست 56 رنز بنانے والے شامی نے 10 اوورز میں 13 رنز دے کر ایک وکٹ حاصل کی۔ انگلینڈ کی اننگز میں اس کے کپتان جو روٹ نے سب سے زیادہ 33 رنز بنائے۔

قبل ازیں فاسٹ بولر محمد شامی(ناٹ آؤٹ 56) اور جسپریت بمراہ (ناٹ آؤٹ 34) کی شاندار اور بہترین اننگز کی بدولت ہندوستان نے پیر کے روز انگلینڈ کے خلاف دوسرے کرکٹ ٹیسٹ میچ کےپانچویں اور آخری دن لنچ کے کچ دیربعد اپنی دوسری اننگ آٹھ وکٹ پر 298 رن بناکر ڈیکلیئرکردی۔اورانگلینڈ کے سامنے جیت کے لئے 272 رن کاہدف رکھا۔

شامی اوربمراہ نے نویں وکٹ کی ناٹ آوٹ شراکت داری میں 89 رن جوڑے۔ ہندوستان نے لنچ کے کچھ دیر بعد اپنی دوسری اننگ 298 رن پر ڈیکلیئرکردی۔ شامی نے 70 گیندوں پر ناٹ آوٹ 56 رن میں پانچ چوکے اور ایک چھکالگایا جبکہ بمراہ نے 64 گیندوں پر ناٹ آوٹ 34 رن میں تین چوکے لگائے۔

شامی نے آف اسپنرمعین علی کی گیند پر لمبا چھکا لگا کر اپنی دوسری نصف سنچری مکمل کی۔ اس کے بعد انہوں نے 2014 میں ناٹنگھم میں اپنے سابقہ بہترین 51 رنز کے اسکور کو پیچھے چھوڑ دیا۔ شامی لنچ تک 67 گیندوں پر ناقابل شکست 52 رنزمیں دوچوکے اور ایک چھکا لگاچکے تھے۔ دوسرے سرے پر بمراہ نے بھی غضب کاحوصلہ دکھاتے ہوئے 58 گیندوں پرناٹ آوٹ 30 رن میں دوچوکے لگائے تھے۔ دونوں کے درمیان لنچ تک نویں وکٹ کے لئے 77 رن کی سب سے زیادہ شراکت داری ہوچکی تھی۔ ہندوستان نے صبح کے سیشن میں دووکٹ گنوائے اور 105 رن کااضافہ کیا۔

ہندوستان نے صبح چھ وکٹ پر 181 رنز سے آگے کھیلنا شروع کیا۔ بھارت ابھی انگلینڈ سے 154 رنزہی آگے تھا اور ہندوستان کے میچ میں ساری امیدیں کل 14 رن پرناٹ آوٹ وکٹ کیپر رشبھ پنت پر ٹکی ہوئی تھیں۔ پنت نے صبح دوسری نئی گیند کے ساتھ بولنگ کر رہے جیمزاینڈرسن پرکریز سے آگے نکل کر کورمیں بہترین چوکا مارا۔ لیکن اولی رابسن کے اگلے اوورمیں باہر نکلتی گیند پربلا لگاکر وکٹ کیپر جوس بٹلر کوکیچ تھمابیٹھے۔ پنت نے 46 گیندوں پر ایک چوکے کی مدد سے 22 رنز بنائے۔ نئے بلے باز ایشانت شرما نے 26 گیندوں میں دو چوکوں کی مدد سے 16 رنز بنائے۔ انہیں رابنسن نے ایل بی ڈبلیوکیا۔

ہندوستان کاآٹھواں وکٹ 209 کے اسکور پر گرا۔ اس وقت ایسا لگ رہا تھا کہ ہندوستان کی اننگ جلد سمٹ جائے گی لیکن شامی اور بمراہ نے جوابی حملہ کرتے ہوئے الٹا انگلینڈ کے گیندبازوں پردباوبنادیا۔ انگلینڈ کے کپتان جو روٹ نے اپنی فیلڈنگ کو پھیلادیا جس کا فائدہ اٹھاتے ہوئے دونوں بلے بازوں نے آسانی سے رنز بنائےاور بھارت کو لنچ تک 259 رنز کی برتری دلادی۔ ہندوستان نے لنچ کے بعد اپنی برتری کو 271 رن پہنچاکر اپنی دوسری اننگ ڈیکلیئر کردی۔

انگلینڈ کی جانب سے مارک ووڈ نے 51 رنز پرتین، رابنسن نے 45 پردو، معین نے 84 رن دے کردو اور سیم کیرن نے 42 رنز کے عوض ایک وکٹ حاصل کیا۔ پہلی اننگز میں پانچ وکٹیں لینے والے جیمز اینڈرسن کو 53 رنز پر کوئی وکٹ حاصل نہیں ہوا۔

جوہر یونیورسٹی کے گیٹ کی انہدامی کاروائی پر الہ آباد ہائی کورٹ نے لگایا روک

جوہر یونیورسٹی کے گیٹ کی انہدامی کاروائی پر الہ آباد ہائی کورٹ نے لگایا روک

لکھنؤ۔(اردو اخبار دنیا)17؍اگست: ایس پی لیڈر اور ممبرپارلیمنٹ اعظم خان کو الہ آباد ہائی کورٹ سے بڑی راحت ملی ہے۔ ہائی کورٹ نے جوہر یونیورسٹی گیٹ ے انہدامی کاروائی کے حکم پر روک لگا دی ہے۔ گیٹ کو مسمار کرنے کا حکم 2 اگست کو رام پور کی ایک عدالت نے دیا تھا۔ ہائی کورٹ نے اس سلسلے میں یوپی حکومت کو نوٹس جاری کیا ہے اور اس سلسلے میں چار ہفتوں میں رپورٹ طلب کی ہے۔رام پور ڈسٹرکٹ جج گورو کمار سری واستو نے جوہر یونیورسٹی کے گیٹ کو مسمارکئے جانے کے ایس ڈی ایم کورٹ کے حکم کو برقرار رکھتے ہوئے یونیورسٹی کی طرف سے دائر اپیلیں خارج کر دی تھیں۔ اس کیس میں اعظم خان کو ایک لاکھ روپے جرمانہ بھی لگایا گیا۔جسے ضلع عدالت نے کم کرکے 1.63 کروڑ روپے کردیا تھا، جرمانہ کی رقم کی وصولی کیلئے اعظم خان کے گھر پر نوٹس بھی چسپاں کیا گیا تھا

مدرسہ دارالعلوم راشدیہ میمن سادات پوسٹ بھنیڑہ ضلع بجنور میں یوم آزادی کی تقریب

(اردو اخبار دنیا)

مدرسہ دارالعلوم راشدیہ میمن سادات پوسٹ بھنیڑہ ضلع بجنور میں یوم آزادی کی تقریب ختنترا یوم آزادی یوم آزادی RIPHADARSA DAROLLOOHasicational RASHEEDITA MARTIANE (MORDABAD UJALA) KIRATPUR.  مدرسہ دارالعلوم راشدیہ میمن سادات میں یوم آزادی نوڈلجا بڑے جوش و خروش سے منایا گیا۔  صبح 8 بجے ، دارالعلوم راشدیہ ویلفیئر سوسائٹی کے صدر مولانا کلیم زماں قاسمی نے مدرسہ میں جھنڈا لہرایا۔  قومی ترانے کے بعد ملک کے لازوال شہداء کو خراج عقیدت پیش کیا گیا۔  مدرسہ کے طلباء نے حب الوطنی کے گیت پیش کیے۔  اس موقع پر تنظیم کے جنرل سیکرٹری قاری وسیم زماں راشدی ، قاری محمد دانش ، ماسٹر شین محمد اور تنظیم کے کلرک سلیم احمد حبیبی موجود تھے۔

جرمنی نے جدید ترین گاڑی تیار کر لی

 اگست 17, 2021

• (اردو اخبار دنیا)

  

جرمنی کی کار ساز کمپنی نے اب تک کی جدید ترین گاڑی تیار کر لی ہے، جس کی لمبائی کو بڑھایا اور کم کیا جاسکتا ہے۔اس گاڑی کو ’اسکائی سیفر‘ کا نام دیا گیا ہے، جس کی لمبائی کو بٹن دبا کر کم یا زیادہ کیا جاسکتا ہے۔

اس گاڑی میں ایک اور بٹن موجود ہے جس کو دبانے پر ڈیش بورڈ کے نیچے پیڈلز نکلتے ہیں اور یہ دو حصوں میں تبدیل ہوکر کاک پٹ کی صورت اختیار کرسکتی ہے۔کمپنی کی جانب سے جاری کردہ ویڈیو میں گاڑی کی تبدیلی کے عمل کو دکھایا گیا ہے، اس منظر کو سائنس فکشن فلموں میں عکس بند کیا گیا ہے۔

*آج کی اہم خبریں

*آج کی اہم خبریں* 

 *ABD News* 

 *7 محرم الحرام 1443ھ* 

 *17/ 08/ 2021*(اردو اخبار دنیا)

*جاسوسی کے الزامات کی تحقیقات کے لیے کمیٹی قائم کی جائے گی، مرکز نے سپریم کورٹ کو بتایا*

واضح ہوکہ نیوز رپورٹ سے ملی جانکاری کے مطابق مرکزی حکومت نے سپریم کورٹ کو مطلع کیا ہے کہ پیگاسس جاسوسی معاملے کے الزامات کی تحقیقات کے لیے ایک کمیٹی تشکیل دی جائے گی، حکومت نے اس بارے میں سپریم کورٹ میں دائر مفاد عامہ کی درخواستوں کی سماعت کے دوران یہ معلومات دی ہے۔  مفاد عامہ کے مقدمات میں سپریم کورٹ کی نگرانی میں ایس آئی ٹی تحقیقات کا مطالبہ بھی کیا گیا ہے۔  بہت سی مختلف تنظیموں نے اس بارے میں سپریم کورٹ سے رجوع کیا تھا۔

○○○○○○○○○○○○○○○○○○○○○○○○

*یوپی ودھان سبھا کا مانسون سیشن آج سے ہوگا شروع، اپوزیشن نے بی جے پی حکومت کو گھیرنے کی پوری تیاری کی*

واضح ہو کہ یو پی قانون ساز اسمبلی کا مانسون سیشن آج یعنی 17 اگست سے شروع ہو رہا ہے۔  اس سے قبل کل یعنی پیر کے دن ایک آل پارٹی میٹنگ بلائی گئی تھی جس میں یوپی اسمبلی کے اسپیکر ہردے نارائن دکشت اور وزیر اعلی یوگی آدتیہ ناتھ سمیت تمام اپوزیشن جماعتوں کے قائدین نے شرکت کی۔  اس اجلاس میں قائد ایوان کی جانب سے اپوزیشن کے قائدین سے اپیل کی گئی ہے کہ وہ ایوان کی کارروائی پرامن طریقے سے انجام دیں۔  تاہم اپوزیشن کے رہنماؤں نے جس انداز سے حکومت کو مختلف مسائل پر گھیرنے کی تیاری کی ہے اس سے ایوان کا پرامن طور پر چلنا مشکل ہے۔ ایوان 17 سے 24 اگست تک چلے گا۔ مرسمی کاروبار ، آرڈیننس  بل 18 اگست کو متعارف کرائے جائیں گے۔  ضمنی بجٹ اسی دن 12.30 بجے پیش کیا جائے گا۔  جبکہ جمعرات 19 اگست کو محرم کی چھٹی ہوگی۔  ساتھ ہی 21 اور 22 اگست ہفتہ اور اتوار ہونے کی وجہ سے چھٹی ہوگی۔  اس کے بعد ، قانون سازی کا کام پیر یعنی 23 اگست کو ہوگا۔  ساتھ ہی 24 اگست کو بجٹ پر بحث کے بعد بجٹ منظور کیا جائے گا۔

○○○○○○○○○○○○○○○○○○○○○○○○

*اترپردیش:یکم ستمبر سے پرائمری اسکول کھولنے پر غور کیا جائے*

واضح ہوکہ نیوز رپورٹ سے ملی جانکاری کے مطابق کورونا انفیکشن کے معاملات میں مسلسل کمی کے پیش نظر اترپردیش کی یوگی حکومت نے اسکول کالج دوبارہ کھولنے کا فیصلہ کیا ہے۔  اس کے بعد  پیر کو ٹیم 9 کے عہدیداروں کو ہدایات دیتے ہوئے وزیر اعلی یوگی آدتیہ ناتھ نے کہا کہ رکشا بندھن کے بعد   درجہ 6 سے 8 ویں تک 23 اگست سے اور 1 ستمبر سے درجہ 1 سے 5ویں تک کے اسکولوں میں تعلیم پر غور کیا جائے ،  اسٹیٹ لیول ہیلتھ ایکسپرٹ ایڈوائزری کمیٹی کی سفارشات کے مطابق سیکنڈری ، ہائر ، ٹیکنیکل  تعلیمی اداروں میں 50 فیصد صلاحیت کے ساتھ تعلیم کا آغاز پیر سے ہوگیا ہے۔

○○○○○○○○○○○○○○○○○○○○○○○○

*میگھالیہ میں تشدد کے درمیان ریاستی وزیر داخلہ نے دیااستعفیٰ،وزیراعلی سنگما کے گھر پر پھینکے گئے پٹرول بم*

واضح ہوکہ نیوز رپورٹ سے ملی جانکاری کے مطابق اتوار کو ایک سینئر دہشت گرد کے پولیس انکائونٹر میں توڑ پھوڑ اور آتش زنی کے درمیان میگھالیہ کے وزیر داخلہ لکمن ریمبئی نے اپنے عہدے سے استعفیٰ دے دیا۔ یہاں تک کہ ریاستی حکومت نے حالات پر قابو پانے کے لیے شیلانگ میں کرفیو کا اعلان کیا اور کم از کم چار اضلاع میں انٹرنیٹ خدمات معطل کر دی۔ایک سابق دہشت گرد کے پولیس انکائونٹر کے بعد شیلانگ میں تشدد کے درمیان نامعلوم افراد نے اتوار کی رات میگھالیہ کے وزیر اعلیٰ کونراڈ سنگما کی رہائش گاہ پر پٹرول بم پھینکا۔ پولیس کے مطابق، تقریبا 10.15 بجے دو مولوٹوف کاک ٹیل کی بوتلیں گاڑی میں سوار حملہ آوروں نے تھرڈ میل میں سنگما کی نجی رہائش گاہ کے احاطے میں پھینکی تھیں۔ پہلی بوتل وزیراعلیٰ کی رہائش گاہ کے سامنے اور دوسری گھر کے پیچھے پھینکی گئی،اس واقعہ میں کوئی زخمی نہیں ہوا۔

○○○○○○○○○○○○○○○○○○○○○○○○

*اترپردیش اسٹیٹ لاء کمیشن نے یوگی حکومت کو آبادی کنٹرول قانون سے متعلق پیش کی رپورٹ* 

واضح ہوکہ نیوز رپورٹ سے ملی جانکاری کے مطابق اسٹیٹ لاء کمیشن کے چیئرمین جسٹس آدتیہ متل نے پاپولیشن کنٹرول ایکٹ پر تیار کردہ رپورٹ اتر پردیش حکومت کو پیش کی ہے۔  بتادیں کہ اترپردیش اسٹیٹ لاء کمیشن نے مجوزہ آبادی کنٹرول قانون سے متعلق بل کا حتمی مسودہ تیار کیا تھا جس میں لوگوں سے مشاورت بھی کی گئی تھی۔  معلومات کے مطابق یوگی حکومت آج سے شروع ہونے والے قانون ساز اسمبلی کے مون سون سیشن میں آبادی کنٹرول بل پیش کر سکتی ہے۔  بل کے حتمی مسودے میں دو سے زائد بچوں کے والدین کو بلدیاتی انتخابات لڑنے سے روکنے سمیت دیگر سہولیات سے محروم کرنے کی بھی سفارش کی گئی ہے۔مسودے میں ون چائلڈ پالیسی کی حوصلہ افزائی پر زور دیا گیا ہے۔  لاء کمیشن کی تیار کردہ 260 صفحات پر مشتمل اس رپورٹ میں مختلف حصوں کی تجاویز شامل کی گئی ہیں۔  اس رپورٹ میں درست اور غلط تجاویز کو مدنظر رکھتے ہوئے ان کی قانونی پوزیشن واضح کی گئی ہے۔

○○○○○○○○○○○○○○○○○○○○○○○○

*کابل کا کنٹرول سنبھالنے کے بعد طالبان لیڈر ملا عبدالغنی برادر کا بڑا اعلان، جنگ ختم*

واضح ہوکہ نیوز رپورٹ سے ملی جانکاری کے مطابق افغان دارالحکومت کابل کا کنٹرول سنبھالنے کے بعد طالبان نے پیر کو کہا کہ جنگ ختم ہوچکی ہے اور ملک کے لوگوں کی زندگیوں کو بہتر بنانے کی کوشش کی جائے گی۔ طالبان کے نائب رہنما ملا عبدالغنی برادر نے اعلان کیا ہے کہ جنگ کے خاتمے کے بعد اب طالبان ملک کے لوگوں کی زندگی کو بہتر بنانے کی کوشش کریں گے۔ ملا برادر نے کہا کہ ہم اہل وطن کو بہتر زندگی فراہم کریں گے اور ملک کی سلامتی اور خوشحالی کے لیے کام کیا جائے گا۔

○○○○○○○○○○○○○○○○○○○○○○○○

*کابل،امریکی ہوائی اڈے پر فائرنگ، 5 افراد ہلاک*

واضح ہوکہ نیوز رپورٹ سے ملی جانکاری کے مطابق پیر کے روز ، امریکی فوج نے ایک بہت بڑے ہجوم اور ہنگامے کے دوران کابل ہوائی اڈے پر ہوائی فائرنگ کی۔ اس فائرنگ میں 5 افراد ہلاک ہوئے ہیں۔میڈیا رپورٹ میں ایک امریکی عہدیدار کے حوالے سے بتایا گیا ہے کہ کابل ایئرپورٹ پر بہت زیادہ ہجوم اور ہنگامہ آرائی کی وجہ سے صورتحال قابو سے باہر ہو گئی تھی ، جس نے ہمیں ہجوم پر قابو پانے کے لیے ہوا میں فائرنگ کرنے پر مجبور کیا۔ ہجوم کو روکنے کے لیے صرف ایک آپشن باقی تھا۔ طالبان نے افغانستان میں فضائی حدود بند کر دی ہیں جس کی وجہ سے کابل اور دہلی کے درمیان تمام پروازیں منسوخ کر دی گئی ہیں۔ ہوائی اڈے کے چاروں طرف بھگدڑ کی ویڈیوز اب سوشل میڈیا پر وائرل ہو رہی ہیں۔

○○○○○○○○○○○○○○○○○○○○○○○○

*کابل میں خونریزی سے بچنے کے لیے افغانستان چھوڑا: اشرف غنی*

واضح ہوکہ نیوز رپورٹ سے ملی جانکاری کے مطابق افغانستان کے سبکدوش صدر اشرف غنی نے کہا ہے کہ ’’طالبان تلوار اور بندوق کی جنگ میں فاتح ٹھہرے ہیں، میں نے دارالحکومت کابل میں خونریزی سے بچنے کے لیے افغانستان چھوڑا ہے۔‘‘انھوں نے کابل سے ایک پروازکے ذریعے پڑوسی ملک تاجکستان پہنچنے کے بعد اپنے فیس بْک صفحے پر ایک تفصیلی بیان جاری کیا ہے۔اس میں انھوں نے صدارتی محل چھوڑنے کا جواز پیش کیا ہے اورطالبان سے کہا ہے کہ اب وہ افغانستان کے تمام لوگوں، قوموں، مختلف شعبوں، بہنوں اور خواتین کو یقین دہانی کرائیں،انھیں عزت دیں اور عوام کے سامنے ایک لائحہ عمل پیش کریں۔آج مجھے ایک مشکل انتخاب کا سامنا تھا:مجھے ان مسلح طالبان کا سامنا کرنا چاہیے جو محل میں داخل ہونا چاہتے تھے یا اس وطن عزیز کو چھوڑدینا چاہیے جس کا مجھے تحفظ کرنا ہے اور ساتھ گذشتہ بیس سال کا بھی تحفظ کرنا چاہیے۔

○○○○○○○○○○○○○○○○○○○○○○○○

*کابل میں موجود امریکی عملے کا محفوظ انخلا اولین ترجیح ہے: بلنکن*

واضح ہوکہ نیوز رپورٹ سے ملی جانکاری کے مطابق امریکہ کے وزیرِ خارجہ اینٹنی بلنکن نے طالبان کی جانب سے افغانستان کے کنٹرول اور کابل پہنچنے کو ‘دل دہلا دینے’ والا واقعہ قرار دیا ہے اور کہا ہے کہ امریکی فورسز ملک سے تمام امریکیوں اور امریکہ کے لیے کام کرنے والے افغان شہریوں کو نکالنے کے لیے کام کر رہی ہیں۔وائس آف امریکہ کے لیے جیف سیلڈن کی رپورٹ کے مطابق اینٹنی بلنکن نے اتوار کو امریکی نشریاتی ادارے ‘سی این این’ کے پروگرام اسٹیٹ آف دی یونین میں بات کرتے ہوئے کہا کہ امریکہ کے لیے کابل میں موجود عملے اور امریکہ کی مدد کرنے والوں کی حفاظت اولین ترجیح ہے اور اس مقصد کے لیے ہر ممکن کوشش کی جائے گی۔ان کے بقول، “ہم نے طالبان سے کوئی مطالبہ نہیں کیا ، ہم نے انہیں کہا تھا کہ سفارتی عملے کے انخلا کے عمل کے دوران اگر انہوں نے ہمارے اہلکاروں یا ہمارے آپریشنز میں مداخلت کی کوشش کی تو اس کے جواب میں تیز اور فیصلہ کن ردِ عمل سامنے آئے گا۔”علاوہ ازیں اتوار کو ایک امریکی عہدیدار نے صورتِ حال کی حساسیت کے باعث نام ظاہر نہ کرنے کی شرط پر وائس آف امریکہ کو بتایا ہے کہ کابل میں امریکی سفارت خانے سے انخلا کا عمل جاری ہے۔

○○○○○○○○○○○○○○○○○○○○○○○○

*سی بی آئی نے نار د کیس میں سالیسیٹر جنرل کی مصروفیت کی وجہ سے اضافی وقت مانگا ، سماعت ملتوی*

واضح ہوکہ نیوز رپورٹ سے ملی جانکاری کے مطابق مغربی بنگال کے مشہور نارد اسٹنگ آپریشن کیس میں کارروائی اور فیصلے میں تاخیر پر سوالات اٹھائے گئے ہیں۔ اب کلکتہ ہائی کورٹ میں چیف ایگزیکٹو جسٹس راجیش بندل کی بنچ میں سماعت ہونی تھی ، لیکن سی بی آئی نے دلیل دی کہ سالیسیٹر جنرل تشار مہتا ، جو تحقیقاتی ایجنسی کی جانب سے عدالت میں پیش ہوئے ، مصروف ہیں ، لہذا کیس کی سماعت دس دنوں کے لئے ملتوی کر دینی چاہئے۔درحقیقت اس معاملے میں ابھی تک ملزمان کے صوتی نمونے نہیں لیے گئے ہیں۔ چند ماہ قبل سی بی آئی نے ترنمول کانگریس کے چار سرکردہ رہنماؤں کو گرفتار کیا تھا جس کے بعد ممتا بنرجی ایجنسی کے دفتر میں دھرنے پر بیٹھ گئیں۔ اس معاملے کو ہائی کورٹ میں مسلسل سنا جا رہا تھا لیکن سی بی آئی نے حقائق جمع کرنے اور دیگر دستاویزات پیش کرنے کے لیے وقت مانگا تھا۔ اس سے قبل سماعت میں عدالت نے ایک ماہ کا وقت دیا تھا۔

○○○○○○○○○○○○○○○○○○○○○○○○

*پٹرول اور ڈیزل فی الحال نہیں ہوں گے سستے، وزیرخزانہ نے بتائی قیمتوں میں تخفیف نہیں کرنے کی وجہ*

واضح ہوکہ نیوز رپورٹ سے ملی جانکاری کے مطابق ترقی پسند اتحاد (یو پی اے) کی سابقہ حکومت کی طرف سے 2013-14 میں تیل کی قیمتوں کو کم کرنے کے مقصد سے جاری کردہ تیل کے بانڈز کی ادائیگی مودی حکومت کر رہی ہے اور اب تک 60205.67 کروڑ روپے صرف سود میں ادا کیے گئے ہیں ۔ اس کے پیش نظر تیل کی قیمتوں میں فوری تخفیف کی توقع نہیں کی جا سکتی ۔ وزیر خزانہ نرملا سیتارمن نے نامہ نگاروں کو بتایا کہ مارچ 2021 تک تیل بانڈ کے 130923.17 کروڑ روپے کے بقایا اور 2025-26 تک اس کی سود کے ساتھ ادا کیے جانے ہیں ۔ ابھی تقریبا دس ہزار کروڑ روپے ہر سال صرف بطور سود ادا کیے جا رہے ہیں ۔ اب تک مودی حکومت نے 60205.67 کروڑ روپے بطور سود ادا کئے ہیں ۔انہوں نے کہا کہ اس وقت کی یو پی اے حکومت نے تیل کی قیمتوں کو کم کرنے کے لیے یہ آئل بانڈ جاری کیا تھا اور تیل کی مارکیٹنگ کمپنیوں پر اس کا بوجھ ڈال دیا ۔ انہوں نے کہا کہ سال 2024-25 تک ایک سال میں 25 ہزار کروڑ روپے سے زیادہ کی ادائیگی کرنی ہوگی۔

○○○○○○○○○○○○○○○○○○○○○○○○

*افغانستان بحران پر وزیر اعظم مودی سے کانگریس نے کیا سوال، کہا:خاموشی توڑ کر بتائیں کیا ہے حکمت عملی*

واضح ہوکہ نیوز رپورٹ سے ملی جانکاری کے مطابق نئی دہلی: کانگریس نے افغانستان  پر طالبان کے قبضے کے بعد پیدا ہوئے حالات پر تشویش کا اظہار کیا ہے۔ کانگریس نے پیر کو کہا کہ وزیر اعظم نریندر مودی اور وزیر خارجہ ایس جے شنکر  کو ’پراسرار خاموشی‘ توڑ کر ملک کو یہ بتانا چاہئے کہ اس پڑوسی ملک کو لے کر ان کی آگے کی پالیسی کیا ہے۔ انہوں نے پوچھا کہ افغانستان سے ہندوستانی سفارت کاروں اور شہریوں کی محفوظ واپسی کا کیا منصوبہ ہے۔ پارٹی کے چیف ترجمان رندیپ سرجے والا نے کہا کہ کانگریس نریندر مودی حکومت سے ایک مضبوط حکمت عملی اور سفارتی عمل کی امید کرتی ہے۔

○○○○○○○○○○○○○○○○○○○○○○○○

*لونی فیس بک لائیو کیس میں ایس پی لیڈر امید پہلوان کے خلاف این ایس اے کے تحت مقدمہ درج* 

واضح ہوکہ نیوز رپورٹ سے ملی جانکاری کے مطابق اترپردیش کے لونی کے فیس بک لائیو ، تقریر اور جھوٹی کہانی کی بنیاد پر فرقہ وارانہ کشیدگی بڑھانے کی کوشش کے معاملہ میں مقامی رہنما امید پہلوان پر قومی سلامتی ایکٹ (این ایس اے) کے تحت مقدمہ درج کیا گیا ہے، امید نے ڈسٹرکٹ مجسٹریٹ، گورننس اور ایڈوائزری بورڈ سے اپیل کی تھی کہ وہ اس کیس میں این ایس اے کو برخاست کردے ، لیکن یہ تمام اپیلیں خارج ہونے کے بعد یہ کارروائی کی گئی ہے۔  غور طلب ہے کہ اس سال جون میں پولیس نے ایس پی لیڈر امید پہلوان کے خلاف اترپردیش کے غازی آباد کے لونی میں مسلم بزرگ عبدالصمد کی پٹائی اور داڑھی کاٹنے سے متعلق کیس میں مقدمہ درج کیا تھا۔

○○○○○○○○○○○○○○○○○○○○○○○○

*مایاوتی نے بی جے پی کی جن آشیرواد یاترا پر طنز کیا ، کہا سیلاب زدگان کی مدد کے لیے یاترا نکالنا بہتر ہوتا*

واضح ہوکہ نیوز رپورٹ سے ملی جانکاری کے مطابق یوپی اسمبلی انتخابات سے پہلے بی جے پی نے عوام میں اپنی جگہ بنانے کے لیے جن آشیرواد یاترا شروع کی ہے بی ایس پی سپریمو مایاوتی نے اس دورے پر طنز کیا ہے انہوں نے کہا کہ بی جے پی نے آج سے اپنی جن آشیرواد یاترا شروع کی ہے اگر پارٹی اس سفر کو سیلاب زدگان کی امدادی سفر کے طور پر لیتی تو بہتر ہوتا یہ دیکھنا باقی ہے کہ حکومت کورونا کے دوران بی جے پی کی جان آشیرواد یاترا میں کورونا قوانین کو کتنا پورا کرسکے گی اس کے علاوہ بی ایس پی سپریمو مایاوتی نے کہا کہ جب سے بی ایس پی کے زیراہتمام اتر پردیش میں روشن خیال طبقے کے پروگرام منعقد ہو رہے ہیں تب سے بی جے پی بہت پریشان ہو رہی ہے بی جے پی سیلاب کی آڑ میں بھی مکروہ سیاست کر رہی ہے محض فضائی سفر سے سیلاب زدگان کا مسئلہ حل نہیں ہوگا۔

○○○○○○○○○○○○○○○○○○○○○○○○

*مہاراشٹر کے سابق وزیر داخلہ انیل دیشمکھ کو منی لانڈرنگ کیس میں سپریم کورٹ سے کوئی راحت نہیں ملی*

واضح ہوکہ نیوز رپورٹ سے ملی جانکاری کے مطابق مہاراشٹر کے سابق وزیر داخلہ انیل دیشمکھ کی مشکلات کم ہونے کا نام نہیں لے رہی ہیں دیش مکھ کو منی لانڈرنگ کیس میں سپریم کورٹ سے بھی راحت نہیں ملی ہے سپریم کورٹ نے دیشمکھ کی جانب سے دائر درخواست خارج کر دی ہے دیشمکھ نے سپریم کورٹ میں ایک عرضی داخل کی تھی کہ ان کے خلاف کوئی کارروائی نہ کی جائے اس معاملے کے بارے میں سپریم کورٹ نے کہا کہ قانونی علاج صرف قانونی دفعات کے تحت کیا جا سکتا ہے منی لانڈرنگ ایکٹ کی مختلف دفعات کے تحت انفورسمنٹ ڈائریکٹوریٹ کے ذریعہ درج کردہ فوجداری مقدمے میں کسی بھی قسم کی زبردستی کارروائی سے بچنے کے لیے انیل دیشمکھ نے سپریم کورٹ میں ایک درخواست دائر کی تھی مہاراشٹر کے سابق وزیر داخلہ انیل دیش مکھ اور ان کے بیٹے کے ساتھ انفورسمنٹ ڈائریکٹوریٹ نے کئی بار منی لانڈرنگ کیس میں طلب کیا۔

○○○○○○○○○○○○○○○○○○○○○○○○

*کانگریس سے استعفیٰ دینے والی سشمیتا دیو ٹی ایم سی میں شامل آسام میں پارٹی کا چہرہ ہوں گی*

واضح ہوکہ کانگریس پارٹی چھوڑنے والی سشمیتا دیو نے ترنمول ترنمول کانگریس میں شمولیت اختیار کرلی ہے پیر کو ہی انہوں نے کولکتہ میں ٹی ایم سی کی رکنیت لی ، اس موقع پر مغربی بنگال کی وزیراعلیٰ ممتا بنرجی کے بھتیجے اور ممبران پارلیمنٹ ابھیشک بنرجی اور ڈیریک او برائن موجود تھے ٹی ایم سی کے ایک زرائع نے کہا سشمیتا آسام میں ترنمول کانگریس پارٹی کا چہرہ ہوگی  قابل ذکر بات یہ ہے کہ سشمیتا آسام کے سلچر سے کانگریس کی رکن پارلیمنٹ رہ چکی ہیں جہاں ایک وقت میں ان کے والد سنتوش موہن دیو کی مضبوط گرفت تھی۔

○○○○○○○○○○○○○○○○○○○○○○○○

*راہل گاندھی کے پارلیمانی حلقہ وائیناڈ میں تمام بالغوں کو کورونا ویکسین کی پہلی خوراک ملی*

واضح ہوکہ نیوز رپورٹ سے ملی جانکاری کے مطابق راہل گاندھی کا پارلیمانی حلقہ وائیناڈ کیرالہ کا پہلا ضلع بن گیا ہے جہاں 18 سال سے زیادہ عمر کے تمام افراد کو کووڈ 19 ویکسین کی پہلی خوراک دی گئی ہے ریاستی وزیر صحت وینا جارج نے ان ہیلتھ ورکرز کی کاوشوں کو سراہا جو ضلع میں 18 سال سے زائد عمر کی آبادی کی ویکسینیشن کے عمل میں شامل تھے جارج نے پی ٹی آئی کو بتایا کیرالہ کے وائیناڈ ضلع نے 18 سال سے زیادہ عمر کی تمام اہل آبادی کو ویکسین کی پہلی خوراک دی ہے وایناڈ ضلع کی خاصیت یہ ہے کہ اس میں قبائلیوں کی ایک بڑی آبادی ہے اور میں ان تمام ہیلتھ ورکرز کی تعریف کرتا ہوں جو ویکسینیشن کے عمل میں شامل تھے اور اب بھی ہر ممکن طریقے سے اس عمل میں مصروف ہیں۔

○○○○○○○○○○○○○○○○○○○○○○○○

*بی جے پی یوپی انتخابات سے قبل چھوٹی ذاتوں کو 'جن آشیرواد یاترا' سے جوڑے گی۔*

واضح ہوکہ نیوز رپورٹ سے ملی جانکاری کے مطابق یوپی کے 6 دلت اور پسماندہ مرکزی وزراء بی جے پی کی 'جن آشیرواد یاترا' کی وجہ سے عوام کے سامنے جائیں گے ، جنہیں حال ہی میں وزیروں کی کونسل میں لیا گیا ہے۔ اس سے پہلے مودی کی وزراء کونسل میں شامل پسماندہ اور دلت وزراء کی تصاویر کے ہورڈنگ بھی ہر جگہ لگائے گئے ہیں۔ مانا جاتا ہے کہ یوپی انتخابات سے پہلے 3500 کلومیٹر کا یہ سفر ان ذاتوں کو جوڑنے کی کوشش بھی کرے گا۔ بی جے پی کی جان آشیرواد یاترا میں ، کوشل کشور ، وزیر مملکت برائے شہری ترقی ، حکومت ہند ، جو پاشی برادری سے آتے ہیں۔لکھنؤ کے موہن لال گنج سے رکن پارلیمنٹ کوشل کشور کو حال ہی میں کونسل آف منسٹرس میں جگہ ملی ہے۔ اس سفر کے دوران وہ لکھنؤ ، اناؤ ، رائے بریلی ، بارابنکی اور سیتا پور میں سینکڑوں کلومیٹر کا سفر کریں گے اور عوام تک پہنچیں گے۔

○○○○○○○○○○○○○○○○○○○○○○○○

*دہلی حکومت آکسیجن کی کمی کی وجہ سے موت کی تحقیقات چاہتی ہے: منیش سسودیا*

واضح ہوکہ نیوز رپورٹ سے ملی جانکاری کے مطابق دہلی کے نائب وزیر اعلیٰ منیش سسودیا نے کہا کہ دہلی میں آکسیجن کی کمی تھی ، اس سے انکار نہیں کیا جا سکتا۔ دہلی حکومت اس معاملے میں تحقیقات کرانا چاہتی ہے۔ دہلی حکومت نے لیفٹیننٹ گورنر کو آکسیجن ڈیتھ کمیٹی قائم کرنے کے لیے دوبارہ منظوری فائل بھیجی ہے۔ آکسیجن کی کمی کی وجہ سے ہونے والی موت کی تحقیقات بہت ضروری ہے۔ تحقیقات کے بغیر یہ کہنا مشکل ہے کہ کتنے مر گئے۔ فائل آج بھیجی گئی ہے ، امید ہے کہ اجازت جلد دی جائے گی۔ اس کے بعد آکسیجن کی ڈیتھ کمیٹی اپنا کام کرے گی۔

○○○○○○○○○○○○○○○○○○○○○○○○

*سپریم کورٹ کی عمارت کے باہر مرد-عورت نے خود کو لگائ آگ، ہسپتال میں بھرتی*

واضح ہوکہ نیوز رپورٹ سے ملی جانکاری کے مطابق پیر کو سپریم کورٹ کی عمارت کے باہر ایک حیران کن واقعہ سامنے آیا، جب ایک عورت اور ایک مرد نے خود کو آگ لگا لی۔  دونوں کو شعلوں میں لپٹا دیکھ ہلچل مچ گئی۔  وہاں موجود عملہ اور عام لوگوں نے آگ بجھانے میں مدد کی اور دونوں کو علاج کے لیے RML ہسپتال میں داخل کرایا۔  تاہم دونوں زخمیوں کو بروقت مدد پہنچی۔  وہ ہسپتال میں زیر علاج ہے۔

○○○○○○○○○○○○○○○○○○○○○○○○

*مرکزی وزیر صحت نے کیرالا میں وبا کو روکنے کے لیے اٹھائے گئے اقدامات کی تعریف کی ،کہا بہترین ہے صحت کا نظام*

واضح ہوکہ مرکزی وزیر صحت مانسخ مانڈویہ ، جو کیرالہ میں کووڈ -19 کی صورتحال کا جائزہ لینے کے لیے مرکزی ٹیم کے ساتھ یہاں پہنچے ، نے ریاست کی بائیں بازو کی حکومت کی جانب سے کورونا وائرس کے انفیکشن کی روک تھام کے لیے اقدامات کیے۔  ریاستی حکومت کے شعبہ تعلقات عامہ نے ایک بیان جاری کرتے ہوئے کہا کہ وزیر اعلی پنارائی وجین اور وزیر صحت وینا جارج سے ملاقات کے بعد ، مانڈویہ نے کہا کہ یہاں صحت کی دیکھ بھال کا نظام بہترین ہے اور کیرالہ کے لیے مزید ویکسین کی دستیابی کی یقین دہانی کرائی ہے۔  مرکزی وزیر صحت نے ریاست میں ویکسین کے بہت کم نقصان کو سراہا اور کہا کہ ریاست نے خوراک دینے میں ایک مثال قائم کی ہے۔ یہاں شرح اموات کم ہے۔  مانڈویہ اور مرکزی ٹیم نے ایسے وقت میں کیرالا کا دورہ کیا ہے جب ملک بھر میں نئے متاثرہ افراد کی تعداد میں سے نصف سے زیادہ کیرالہ سے آرہے ہیں۔

○○○○○○○○○○○○○○○○○○○○○○○○

*ہندوستان نے 151 رنوں سے جیتا لارڈس ٹیسٹ، سیریز میں حاصل کی سبقت*

واضح ہوکہ نیوز رپورٹ سے ملی جانکاری کے مطابق ہندوستان نے لارڈس میں کھیلے گئے سیریز کے دوسرے ٹیسٹ میچ میں انگلینڈ کو 151 رنوں سے ہرادیا ہے ۔ اس جیت کے ساتھ ہی ٹیم انڈیا نے پانچ میچوں کی سیریز میں ایک صفر سے سبقت حاصل کرلی ہے ۔ ہندوستان نے کے ایل راہل کی سنچری کی بدولت پہلی اننگز میں 364 رن بنائے ، جس کے جواب میں کپتان جو روٹ کی شاندار اننگز کے دم پر انگلینڈ نے 391 رن بنائے ۔ اس کے بعد ہندوستان نے دوسری اننگز آٹھ وکٹ پر 298 رن بناکر ڈکلیئر کردی اور انگلینڈ کو جیت کیلئے 272 رنوں کا ہدف دیا ۔ نائب کپتان رہانے (61) اور تیز گیند باز محمد سمیع (56) نے نصف سنچریاں بنائیں ۔ سمیع اور بمراہ نے نویں وکٹ کیلئے 89 رنوں کی شاندار شراکت داری کی۔