تبدیلیٔ مذہب کی کوششوں کو روکنے کے لیے وی ایچ پی کا بڑا مطالبہ

 اکتوبر 6, 2021

نئی دہلی ، 6 اکتوبر (یو این آئی) وشو ہندو پریشد (وی ایچ پی) نے حکومت ہند سے مطالبا کیا ہے کہ وہ چرچ کے پادریوں اور مشنریوں کی تبدیلیٔ نذیب کی کوششوں کو روکنے کے لیے ایک انکوائری کمیشن تشکیل دے۔وی ایچ پی کے ترجمان ونود بنسل کی طرف سے بدھ کو یہاں جاری ایک پریس ریلیز کے مطابق ، وی ایچ پی کے جوائنٹ جنرل سکریٹری ڈاکٹر سریندر جین نے الزام لگایا کہ فرانس کی طرح ہندوستانی چرچ کے ذریعے لالچ، طاقت سے کیے جانے والے غیر قانونی تبدیلیٔ مذہب سےہندوستا ن کو آزاد کروانے کے لیے سخت قانون قانون ضروری ہے۔

انہوں نے الزام لگایا ، ’ہندوستان میں چرچ دھوکہ ، لالچ اور طاقت کے استعمال کے ذریعے تبدیلیٔ مذہب کر رہے ہیں۔ اسی طرح نن کے جنسی استحصال کے بے شمار واقعات منظر عام پر آتے رہتے ہیں۔ کئی نن نے خودکشی بھی کی ہے۔ چرچ کے زیر انتظام یتیم خانوں سے سینکڑوں یتیموں کو بیرون ملک فروخت کرنے کے کئی واقعات بھی سامنے آئے ہیں۔ شمال مشرق میں ماؤنوازوں اور دہشت گرد تنظیموں کے ساتھ ان کے روابط کا الزام بھی وہاں کی ریاستی حکومتوں نے لگایا ہے‘۔

ڈاکٹر جین نے مطالبہ کیا ، ’ہندوستان میں گرجا گھروں کی تحقیقات کے لیے ’نیوگی کمیشن‘ کی طرح ایک قومی سطحی انکوائری کمیشن بنایا جانا چاہیے اور مجرموں کو سخت ترین سزا ملنی چاہیے۔ اسی کے ساتھ ہی مرکزی حکومت کو فوری طور پر ایک سخت قانون بنانا چاہیے تاکہ تبدیلیٔ مذہب کو روکا جا سکے۔وی ایچ پی نے کہا ہے کہ اگر اس کے مطالبات نہیں سنے گئے تو وہ بڑے پیمانے پر احتجاج شروع کرے گا اور غیر قانونی تبدیلیٔ مذہب پر روک لگائے گی۔

بریکنگ نیوزوزیر اعلیٰ نے ' گنگا جل ادوہ منصوبہ ' کے کام کی پیش رفت کا جائزہ لیا

وزیر اعلیٰ نے ' گنگا جل ادوہ منصوبہ ' کے کام کی پیش رفت کا جائزہ لیا

پٹنہ06اکتوبر 2021:وزیر اعلیٰ جناب نتیش کمار نے 1انے مارگ واقع سنکلپ میں جل جیون ہریالی مہم کے تحت پینے کے پانی کے لیے'گنگا جل ادوہ یوجنا'کے کام کی پیش رفت کا جائز ہ لیا ۔
آبی وسائل محکمہ کے سیکریٹری مسٹر سنجیو ہنس نے جل، جیون، ہریالی مہم کے تحت پینے کے پانی کے لیے گنگا جل ادوہ منصوبہ کے کام کی پیش رفت کے بارے میں تفصیلی پرزنٹیشن دیا ۔ انہوں نے ہاتھیدہ ،مکامہ میں انٹیک ویل و پمپ ہائوس ، متنازع واقع ڈیٹنشن ٹینک و پمپ ہائوس ،متنازع میں واٹر ٹریٹمنٹ پلانٹ ،راجگیر میں اردن ڈیم ، تیتر ریزروائر اردن ڈیم اور آبگیلہ مانپور میں واٹر ٹریٹمنٹ پلانٹ کے کام کی حقیقی پیش رفت کی جانکاری دی ۔ انہوں نے بتا یا کہ پہلے مرحلہ میں راجگیر ، گیا اور بودھ گیا میں اور دوسرے مرحلہ میں نوادا ،شہرکے لیے اس پانی کی فراہمی منصوبہ پر کام کیا جارہا ہے ۔ ہاتھیدہ متنازع ،تیتر ،آبگیلہ تک کل 150 کیلو میٹر کی پائپ لائن میں سے تقریبا 118 کیلو میٹر پائپ بچھانے کا کام مکمل کر لیا گیا ہے ۔
آبی وسائل محکمہ کے سیکریٹری نے بتا یا کہ اصل منصوبہ کا کام مارچ 2022 تک مکمل ہو جائے گا اور پانی کی سپلائی کا کام جون 2022 تک شروع کر نے کا نشانہ رکھا گیا ہے ۔
جائزہ کے دوران وزیر اعلیٰ نے کہا کہ راجگیر ، گیا ، بودھ گیا ، اور نوادہ میں 'گنگا جل ادوہ یوجنا'کے تحت تمام لوگوں کو صاف پینے کا پانی مہیا کرایا جائے گا ۔ اس منصوبہ کو مکمل کر نے کے تعلق سے جو وقت مقرر کیا گیا ہے اس نشانہ پر تیزی سے کام کریں ۔ اسپارٹ پر جاکر ایک ایک چیز کا معائنہ کریں تاکہ تمام لوگوں کو پانی کی فراہمی یقینی ہوسکے ۔ آبی وسائل محکمہ ، پبلک ہیلتھ محکمہ اور شہری ترقیات و رہائش محکمہ آپس میں رابطہ کر کے اس پر کام کریں ۔نوادہ میں بھی پانی کی سپلائی کا کام تیزی سے شروع کریں ۔
وزیر اعلیٰ نے کہا کہ راجگیر میں ڈیولپمنٹ کے کئی کام کیے گیے ہیں ۔ وہاں آبادی تیزی سے بڑھ رہی ہے ۔ بڑھتی آبادی کو ذہن میں رکھتے ہوئے پانی کی فراہمی کے لیے منصوبہ بنا کر کام کریں ۔ پانی کی زمینی سطح کو مینٹن رکھنا ہے ، اس کے لیے لوگوں کو راغب کرتے رہیں ۔
میٹنگ میں وزیر اعلیٰ کے پرنسپل سیکریٹری مسٹر دیپک کمار ،چیف سیکریٹری مسٹر تریپوراری شرن ، ڈیولپمنٹ کمشنر مسٹر عامر سبحانی ، وزیر اعلیٰ کے پرنسپل سیکریٹری مسٹر چنچل کمار ، آبی وسائل محکمہ کے سیکریٹری مسٹر سنجیو ہنس ، وزیر اعلیٰ کے سیکریٹری مسٹر انوپم کمار ، وزیر اعلیٰ کے او ایس ڈی مسٹر گوپال سنگھ سمیت سینئر انجینئر موجودتھے ۔

بریکنگ نیوزممتا بنرجی نے وزیر اعظم کوخط لکھا ۔ انسان ساختہ سیلاب کا مستقل حل نکالا جائے

ممتا بنرجی نے وزیر اعظم کوخط لکھا ۔ انسان ساختہ سیلاب کا مستقل حل نکالا جائے

کلکتہ 6اکتوبر-وزیر اعلیٰ ممتا بنرجی نے جنوبی بنگال کے مختلف اضلاع میں سیلاب کی صورت حال پر وزیر اعظم مودی کو خط لکھ کہا ہے کہ مغربی بنگال کے کئی اضلاع میں دامودر ویلی کارپوریشن (ڈی وی سی) کے ذریعہ جھارکھنڈ کے ڈیموں اور بیراجوں سے پانی چھوڑے جانے کی وجہ سے سیلاب سے متاثر ہوگئے ہیں۔ مرکزی حکومت سے درخواست ہے کہ اس مسئلے کا مستقل حل نکالا جائے۔ممتا بنرجی نے منگل کو بھیجے گئے چار صفحات کے خط میں وزیراعلیٰ نے الزام لگایا کہ مغربی بنگال میں سیلاب قدرتی آفات کا نتیجہ نہیں ہے بلکہ انسانی غلطی کا نتیجہ ہے۔یہ صورت حال جھارکھنڈ کے پنچیٹ اور میتھن میں ڈی وی سی ڈیموں سے "بے قابو اور غیر منصوبہ بند"طریقے سے پانی کے چھوڑے جانے کی وجہ سے پیدا ہوا ہے۔4 اگست کو لکھے گئے اپنے پہلے خط کا حوالہ دیتے ہوئے ممتا بنرجی نے لکھا ہے کہ "میں نے اپنے پہلے خط میں بھی جنوبی بنگال میں آنے والے سیلاب کے عوامل کا ذکر کیا تھا۔سیلاب کی وجہ سے کس طریقے سے بنیادی ڈھانچے کونقصان پہنچا ہے۔انہوں نے لکھا ہے کہ مرکزی حکومت کی افسوس ناک لاپرواہی کی وجہ سے نچلی ریاستوں میں بار بار سیلاب کی صورت حال پیدا ہوجاتی ہے۔ممتا بنرجی نے لکھا ہے کہ انہیں گزشتہ خط کا کوئی جواب نہیں ملا ہے۔خط میں لکھا گیاہے کہ میں نے جو مسائل اٹھائے ہیں وہ لاکھوں زندگیوں کو متاثر کرتے ہیں، اور میری درخواست ہے کہ حکومت ہند مزید تاخیر کئے بغیر کچھ سنجیدہ اقدامات کرے۔ممتا بنرجی نے یہ بھی الزام لگایا کہ ڈی وی سی انتظامیہ نے بھاری بارش کی آئی ایم ڈی کی وارننگ پر توجہ نہیں دیا۔'ڈیموں سے پانی کا اخراج کم سطح پر رکھا اور جب بھاری بارش ہوئی تو 30 ستمبر سے2 اکتوبر کے درمیان 10لاکھ ایکڑ فٹ پانی چھوڑ د گیا۔اس کے نتیجے میں جنوبی بنگال ایک ایسے وقت میں سیلاب کی زدمیں ہے جب پوجا کا موسم شروع ہوگیا ہے۔ممتا بنرجی نے اپنے خط میں میتھن اور پنچیٹ ڈیموں سے پانی چھوڑنے کی تاریخ کے حساب سے فہرست بھی دی ہے۔ممتا بنرجی نے خط میں لکھا ہے کہ یہ مسئلہ فوری طور پر قلیل مدتی اور طویل مدتی اقدامات کا تقاضا کرتا ہے تاکہ لوگوں کے دکھوں کو کم کیا جائے اور جان و مال کے نقصان سے بچا جا سکے۔میں آپ کی فوری مداخلت چاہتی ہوں تاکہ حکومت ہند کی متعلقہ وزارت سے درخواست کی جائے کہ وہ مغربی بنگال اور جھارکھنڈ کی حکومتوں اور ڈی وی سی کے حکام سے رابطہ کرے، تاکہ ہماری ریاست کے اس مسئلے کے مستقل حل تک پہنچنے میں مدد ملے۔ اتفاقی طور پر، جنوبی بنگال کے کچھ حصے اگست کے اوائل میں سیلاب میں آگئے تھے، اور بنرجی نے الزام لگایا تھا کہ انسان ساختہ سیلاب ہے اور یہ آفت ڈی وی سی کے ذریعہ زیادہ پانی چھوڑنے کی وجہ سے سے آیا ہے۔اس کی وجہ سے16 افراد ہلاک ہوئے اور لاکھوں کسان متاثر ہوئے ہیں۔پچھلے ہفتے، بنرجی نے جھارکھنڈ حکومت اور ڈی وی سی کو مغربی بنگال کے جنوبی حصے میں موجودہ سیلاب کی صورتحال کا ذمہ دار ٹھہرایا تھا۔انہوں نے دعوی کیا کہ یہ جھارکھنڈ میں ڈیموں اور بیراجوں سے پانی کی غیر منصوبہ بند اور بڑھتی ہوئی اخراج کی وجہ سے آیا ہے۔بنرجی نے دعویٰ کیا کہ جھارکھنڈ کے آبی ذخائر کو پچھلے 50 سالوں سے صاف نہیں کیا گیا ے، اور بار بار آنے والے سیلاب کو روکنے کے لیے فوری بنیادوں پر ڈیموں اور بیراجوں کی کھدائی نہیں کی گئی توہم بڑے پیمانے پر احتجاج کریں گے۔

بریکنگ نیوزواٹس ایپ کی بندش کے بعد ٹیلی گرام کی مقبولیت میں اضافہ

واٹس ایپ کی بندش کے بعد ٹیلی گرام کی مقبولیت میں اضافہ

واٹس ایپ کی بندش کے بعد ٹیلی گرام کی مقبولیت میں اضافہ

 ،اردو دنیا نیوز۷۲ ایجنسی

دنیا کی سب سے بڑی مسیجنگ ایپلی کیشن واٹس کی 4 اور 5 اکتوبر2021 کی درمیانی شب کو 6 گھنٹے کی بندش کے بعد دوسری مسیجنگ ایپس کی مقبولیت میں اضافہ دیکھا گیا اور ٹیلی گرام کو 70 لاکھ نئے صارفین ملے۔

ذرائع کے مطابق ٹیلی گرام کے چیف ایگزیکٹو افسر ’سی ای او‘ نے دعویٰ کیا کہ فیس بک، انسٹاگرام اور واٹس ایپ کی 6 گھنٹے کی بندش سے انہیں فائدہ ہوا۔

ٹیلی گرام کے سی ای او کے مطابق تاریخ میں پہلی بار ان کی ایپ کو اتنے زیادہ صارفین نے جوائن کیا۔

چیف ایگزیکٹو افسر کے مطابق 4 اور 5 اکتوبر کی درمیانی شب کو واٹس ایپ کی بندش کے بعد ان کی ایپ کو 70 لاکھ نئے افراد نے جوان کیا جو کہ ایک منفرد ریکارڈ بھی ہے۔

انہوں نے یہ انکشاف بھی کیا کہ بیک وقت بہت سارے نئے صارفین کی جانب سے ایپ جوائن کرنے کی وجہ سے امریکا میں ٹیلی گرام کی سروس کچھ سست بھی ہوئی تھی۔واٹس ایپ کی بندش کے بعد ٹیلی گرام کو سب سے زیادہ امریکی عوام نے جوائن کیا، تاہم دنیا کے دیگر خطوں میں بھی مذکورہ ایپ پر نئے لوگ آئے۔

ادھر ٹیک کرنچ نے اپنی رپورٹ میں بتایا کہ مسیجنگ ایپ سگنل کی انتظامیہ نے بھی دعویٰ کیا کہ واٹس ایپ کی بندش کے بعد ان کے صارفین میں لاکھوں کی تعداد میں اضافہ ہوا، تاہم انہوں نے واضح تعداد نہیں بتائی۔

سگنل اور ٹیلی گرام دونوں ایپس واٹس ایپ کی ٹکر کی ہیں، تاہم وہ فیس بک کی ذیلی ایپ سے کہیں پیچھے ہیں۔

سگنل اور ٹیلی گرام کے حالیہ صارفین میں اضافے سے قبل دونوں ایپس کی مقبولیت رواں برس اس وقت بڑھ گئی تھی جب کہ واٹس ایپ نے سال کے آغاز میں پرائیویسی پالیسی میں تبدیلی کا اعلان کیا تھا۔

واٹس ایپ اس وقت دنیا کی سب سے بڑی اور مقبول مسیجنگ ایپ ہے، جسے ایک ارب سے زیادہ لوگ استعمال کرتے ہیں

بریکنگ نیوزشاہ رخ خان کو نشانہ بنانے کے لئے آرین کو پھنسایا گیا، نواب ملک

شاہ رخ خان کو نشانہ بنانے کے لئے آرین کو پھنسایا گیا، نواب ملک

 اکتوبر 6, 2021

ممبئی:نارکوٹکس کنٹرول بیورور(این سی بی) کے ذریعے بالی ووڈ اسٹار شاہ رخ خان کے بیٹے سمیت دیگر لوگوں کی گرفتاری پر سنگین سوال اٹھاتے ہوئے این سی پی کے قومی ترجمان واقلیتی امور کے وزیر نواب ملک نے اسے ایک فرضی ڈرامہ قرار دیا ہے اور کہا ہے یہ مہاراشٹروبالی ووڈکو بدنام کرنے کی ایک منصوبہ بند سازش ہے۔ پارٹی کے ریاستی دفتر میں ایک پرہجوم پریس کانفرنس میں نواب ملک نے یہ بھی کہا کہ بی جے پی اپنے سیاسی مقصد کے لیے این سی بی کا استعمال کررہی ہے اور اس کے ثبوت میں انہوں نے کئی ویڈیوکلپ وفوٹوز پرمبنی شواہد بھی پیش کئے۔

نواب ملک نے کہا کہ این سی بی نے ۳؍اکتوبر کو ممبئی گووا کروزپر چھاپہ مارکر کچھ لوگوں کو گرفتار کیا تھا جن میں بالی ووڈ اسٹار شاہ رخ خان کے بیٹے آرین خان وکئی دیگرلوگ شامل تھے۔ لیکن آرین خان کو گرفتارکرتے ہوئے جس شخص کی تصویر وائرل ہوئی ہے اس شخص کا نام کے پی گوسوامی ہے جس کے بارے میں خود این سی بی نے وضاحت کی ہے کہ این سی بی سے اس کا کوئی تعلق نہیں ہے۔ اسی کے ساتھ ارباز مرچنٹ کو گرفتار کرکے این سی بی کے دفتر میں لے جانے والے شخص کا نام منیش بھانوشالی ہے، اس کے بارے میں بھی یہ معلومات سامنے آئی ہے کہ اس کا بھی این سی بی سے کوئی تعلق نہیں ہے اور وہ بی جے پی کا نائب صدر ہے۔ سوال یہ پیدا ہوتا ہے کہ جب ان دونوں کا تعلق این سی بی سے نہیں ہے تو انہوں نے کس قانون واختیار کے تحت ان ہائی پروفائل لوگوں کو گرفتار کیا ہے؟ اس کا جواب این سی بی کو دینا چاہئے۔

نواب ملک نے کہا کہ ۳؍ اکتوبر کی کارروائی کے بعد این سی بی نے خود کرائم رپورٹرز کو کارروائی کی ویڈیو دی تھی۔ ویڈیو میں واضح طور پر مذکورہ بالا دوانوں افراد گرفتاری کی کارروائی کرتے ہوئے نظر آرہے ہیں۔کے پی گوسوامی نے گرفتاری کے بعد آرین خان کے ساتھ سیلفی بھی لی تھی جو خوب وائرل ہوئی۔ اس کے بعد این سی بی نے ٹوویٹ کیا کہ کے پی گوسوامی ان کا کوئی اہلکار نہیں ہے۔کے پی گوسوامی پر پونے میں دھوکہ دہی کا ایک مقدمہ درج ہے۔اپنے فیس بک پیج پر وہ خود کو پرائیویٹ جاسوس بتاتاہے۔ اس کے علاوہ وہ اپنے ہاتھوں میں ریوالور لے کر تصویریں پوسٹ کرتا ہے اور خود کوکوالالمپور ملیشیا کا رہنے والا بتاتا ہے۔نواب ملک نے مطالبہ کیا کہ کے پی گوسوامی کا این سی بی سے تعلق کی نوعیت سامنے آنی چاہئے کہ جب وہ این سی بی کا کوئی اہلکار نہیں ہے جس کی وضاحت خود این سی بی نے کیا ہے تو پھر وہ اس کارروائی میں کیسے شامل ہوا؟ اسی طرح ارباز مرچنٹ کو گرفتار کرنے والا منیش بھانوشالی اپنے فیس بک پر خود کو بی جے پی کا نائب صدر بتاتا ہے۔ اس نے اپنے فیس بک پر وزیراعظم مودی، بی جے پی کے صدرجے پی نڈا، مرکزی وزیرداخلہ امیت شاہ، سابق وزیراعلیٰ دیوندرفڈنویس، مرکزی وزیرریلوے راؤ صصاحب دانوے ومہاراشٹر بی جے پی ایم ایل اے آشیش شیلار وغیرہ کے ساتھ تصویر یں پوسٹ کررکھی ہیں۔ اس شخص کا این سی بی سے کیا تعلق ہے؟ این سی بی کو اس کی وضاحت کرنی چاہئے۔فی الوقت کے پی گوسوامی ومنیش بھانوشالی کا فیس بک پیج لاک ہے لیکن بھانوشالی کے پورے کوائف ہم نے تلاش کرلی ہیں۔

این سی پی کے قومی ترجمان نے مزید کہا کہ بھانوشالی نے 21و22؍ستمبر کے درمیان گجرات میں وہاں کے کچھ وزراء سے ملاقات کی تھی۔ جبکہ 21ستمبر کو اڈانی پورٹ پر افغانستان سے آیا ہوا ہزاروں کروڑ روپئے کا منشیات برآمد ہوا تھا۔ اس کے بعد 28تاریخ کو بھانوشالی ایک بار پھر گجرات جاکر وہاں کے منترالیہ میں گجرات کے کابینی وزیر کریٹ سنگھ رانا  نامی وزیر سے ملا۔اس کے بعد 3؍اکتوبر کو ممبئی میں این سی بی کی کارروائی میں بھانوشالی کیسے شامل ہوا؟اس کا گجرات میں اڈانی پورٹ پر برآمد ہوئے منشیات سے کیا تعلق ہے؟ نیز وہ بی جے پی کا نائب صدر کیسے ہے؟ ان سوالوں کے جواب این سی بی وبی جے پی کو دینا چاہئے۔ اس کے علاوہ سمندری جہاز پرمنشیات کی برآمدگی کا جو دعویٰ کیا جارہا ہے اس کی تصویر بھی این سی بی ممبئی کے ریجنل دفتر میں لی گئی ہے۔این ڈی پی ایس قانون کے مطابق منشیات کی برآمدگی کی جگہ پر ہی اس کا پنچ نامہ ہونا چاہئے۔ سوال یہ پیدا ہوتا ہے کہ اگر سمندری جہاز پر منشیات کی برآمدگی کے بعد ان کی تصویر یا ویڈیو کیوں نہیں بنائی گئیں؟

بریکنگ نیوزماحولیاتی تبدیلی کوروکنے کے لئے مسلم یونیورسٹی بھی دے گی اپنی تجویز

ماحولیاتی تبدیلی کوروکنے کے لئے مسلم یونیورسٹی بھی دے گی اپنی تجویز

ماحولیاتی تبدیلی کوروکنے کے لئے مسلم یونیورسٹی بھی دے گی اپنی تجویز

• 
  
  

 

علی گڑھ: ماحولیاتی تبدیلی کے سلسلے میں قومی اور بین الاقوامی کوششوں میں اب علی گڑھ مسلم یونیورسٹی کے سائنسدانوں کی رائے بھی شامل کی جائے گی۔ ان سائنسدانوں کی گراں قدر رائے کو زمین کی آب و ہوا کو بہتر بنانے کے لیے کیے جانے والے اقدامات میں بھی شامل کیا جائے گا۔

۔ 8 اکتوبر کو اقوام متحدہ کے زیر اہتمام ایک آن لائن پروگرام ہوگا جس میں اے ایم یوکے سینئر پروفیسر ، وائلڈ لائف سائنسداں ڈاکٹرعفیف اللہ بھی خطاب کریں گے۔ وہ اے ایم یو کی جانب ست بتائیں گے کہ زمین کے ماحول کو بچانے کے کیاکیا طریقے اپنائے جاسکتے ہیں جو ابھی تک نہیں اپنائے جا رہے۔

مرکزی حکومت بھی ان تجاویز پر غور کرے گی۔ ملک وبیرون ملک کے ماحولیاتی ماہرین اے ایم یو کے وائلڈ لائف سائنسدان کے اس خطاب کو سنیں گے۔ پروگرام کے بارے میں پروفیسر عفیف اللہ نے کہا کہ سال 2020 سے 2030 تک ، ماحولیاتی نظام کی بحالی کی دہائی منائی جا رہی ہے۔

اقوام متحدہ نے اپنا چارٹر دیا ہے۔ اسی مناسبت سے یہ پروگرام منعقد کیا جا رہا ہے۔ اس میں علی گڑھ مسلم یونیورسٹی کی جانب سے وائلڈ لائف سائنس کے شعبہ کا کردار یہ ہے کہ ہم بتائیں گے کہ وہ کون سے اقدامات ہیں جو ابھی تک اختیار نہیں کیے گئے۔

اگر انہیں زمین کے تحفظ کے لیے کی جانے والی کوششوں میں شامل کیا جائے تو اس کے اثرات کیا ہوں گے۔ اس سلسلے میں پروفیسر عفیف اللہ کا کہنا ہے کہ حیاتیاتی تنوع بری طرح متاثر ہوا ہے۔

کچھ جانور ایسے ہیں جو صدیوں سے انسانوں کے ساتھ رہ رہے ہیں، انہیں جنگل میں نہیں چھوڑ سکتے۔ اس کے علاوہ زمین کا درجہ حرارت مسلسل بڑھ رہا ہے اور گلیشیئر پگھل رہے ہیں۔

فضا میں خطرناک کیمیکلز اور گیسوں کی مقدار بڑھ رہی ہے۔ اسے کنٹرول کرنے کی ضرورت ہے۔ اگر ایسا نہیں کیا گیا تو مستقبل میں زمین پر انسانوں کے رہنے کے لیے بہت سے مسائل پیدا ہوں گے۔

بریکنگ نیوزاب جیو کا نیٹورک ہوا ڈاؤن، ٹوئٹر پر سامنے آ رہا لوگوں کا غصہ

اب جیو کا نیٹورک ہوا ڈاؤن، ٹوئٹر پر سامنے آ رہا لوگوں کا غصہ

 اکتوبر 6, 2021

فیس بک، انسٹاگرام اور وہاٹس ایپ ڈاؤن ہونے کے دو دن بعد اب ریلائنس جیو کی سروس بھی ڈاؤن ہو گئی ہے۔ ہندوستان کے کئی حصوں سے صارفین جیو نیٹورک کے ڈاؤن ہونے کی شکایت کر رہے ہیں۔ جیو نیٹورک کے ڈاؤن کی وجہ سے صارفین کو کالنگ اور انٹرنیٹ استعمال کرنے میں مسئلہ پیش آ رہا ہے۔ اپنی پریشانی کا بیان لوگوں نے سوشل میڈیا پر کرنا شروع کر دیا ہے۔ سروس متاثر ہونے کے بعد سوشل میڈیا پلیٹ فارم ٹوئٹر پر کچھ ہی منٹوں میں ہیش ٹیگ جیو ڈاؤن ٹرینڈ کرنے لگا۔

 

اس دوران ہزاروں صارفین نے جیو نیٹورک ڈاؤن ہونے کی شکایت کی۔ کچھ صارفین نے لکھا کہ جیو کا نیٹورک کئی گھنٹوں سے کام نہیں کر رہا ہے۔ کچھ صارفین نے لکھا کہ فیس بک، ٹوئٹر اور انسٹاگرام کے بعد اب جیو کا نیٹورک بھی ڈاؤن ہو گیا ہے۔ ریلائنس جیو کا آفیشیل کسٹمر کیئر ہینڈل @JioCare صارفین کی شکایت سے بھری پڑی ہے۔ اس تعلق سے جیو کسٹمر افسران صارفین کی شکایت کا جواب دیتے ہوئے افسوس ظاہر کیا ہے اور کچھ گھنٹے میں اسے درست کرنے کی یقین دہانی کرائی ہے۔

جیو نیٹورک کے ڈاؤن ہونے کی شکایت سب سے پہلے آج صبح 9.30 بجے کے آس پاس درج کی گئی۔ اس کے بعد جیو نیٹورک کے ڈاؤن ہونے کی شکایت کرنے والے صارفین کی تعداد میں تیزی سے اضافہ ہوا۔ جیو نیٹورک میں آئی اس گڑبڑی کے سبب ٹوئٹر پر بھی #JioDown ٹرینڈ کرنے لگا۔

خبروں کے مطابق یہ دقت جیو صارفین کے ساتھ دہلی، ممبئی، بنگلورو، اندور اور رائے پور میں آ رہی ہے۔ اس تعلق سے کمپنی نے فی الحال کوئی بیان جاری نہیں کیا ہے۔ کمپنی کا ٹوئٹر ہینڈل صارف کو بتا رہا ہے کہ کنکٹیویٹی میں دقت آ رہی ہے

بریکنگ نیوزغیر سبسیڈی گیس سلینڈر کی قیمت میں پھر 15 روپے کا اضافہ

بریکنگ نیوزغیر سبسیڈی گیس سلینڈر کی قیمت میں پھر 15 روپے کا اضافہ

نئی دہلی،پٹرول-ڈیزل کی بڑھتی ہوئی قیمتوں کی وجہ سے مہنگائی کے شکار عام لوگوں کو آج ایک اورجھٹکا تب لگا جب بغیر سبسڈی والے کھانا پکانے والی گیس (ایل پی جی) کی قیمت میں 15 روپے فی سلنڈر اضافہ ہوا ہے۔
ملک کی سب سے بڑی آئل مارکیٹنگ کمپنی انڈین آئل کارپوریشن لمیٹڈ (آئی او سی ایل ) کی جانب سے بدھ کو جاری ریلیز کے مطابق بغیر سبسیڈی والے 14.2 کلو ایل پی جی سلنڈر کی قیمت میں 15 روپے کا اضافہ کیا گیا ہے۔ اس کی وجہ سے دہلی میں ایل پی جی گیس سلینڈر کی قیمت 884.50 روپے سے بڑھ کر 899.50 روپے فی سلینڈر ہوگئی ہے۔
ساتھ ہی 19 کلو کمرشل گیس سلنڈر کی قیمت میں کوئی تبدیلی نہیں کی گئی ہے۔ تاہم اس سے قبل یکم اکتوبر کو صرف 19 کلو کمرشل سلنڈر کی قیمتوں میں اضافہ کیا گیا تھا۔
گزشتہ ایک سال میں ایل پی جی سلینڈر 305.50 روپے مہنگا ہو چکا ہے۔ اس سال یکم ستمبر کو 14.2 کلو غیر سبسڈی گیس سلنڈر کی قیمت میں 25 روپے کا اضافہ کیا گیاتھا۔ اس سے قبل 17 اگست کو گیس سلنڈر کی قیمت میں 25 روپے کا اضافہ کیا گیا تھا۔
اس اضافے کے بعد ملک کے چار میٹرو میں غیر سبسڈی والے ایل پی جی سلینڈرکی قیمتیں درج ذیل ہیں:
میٹروسٹیز ...پرانی قیمت .. .. نئی قیمت (روپے فی سلنڈر)

دہلی ...........884.50............ .. .. 899.50

کولکتہ ............ 911.00 ...... ...... 926.00

ممبئی ........... 884.50 ..... ....... .. 899.50

چنئی ............. 900.50 ..... ....... .. 915.50

بریکینگ نیوز: مہاراشٹر کے اس ضلع کے مزید آٹھ دیہاتوں میں دس دن کا لاک ڈاؤن نافذ

 اکتوبر 6, 2021

احمد نگر:6. اکتوبر(اردو دنیا نیوز۷۲) احمد نگر ضلع میں جہاں پر کورونا مریضوں کی تعداد دس سے زیادہ ہے وہاں کے مزید آٹھ دیہات میں دس دن کے لیے لاک ڈاؤن کا فیصلہ ضلع کلکٹر ڈاکٹر راجندر بھوسلے نے لیا ہے۔

ان کے بقول ، پارنر تعلقہ میں چار گاؤں ہیں ، ایک نواسا تعلقہ میں ، تین سنگمنیر تعلقہ میں اور شیگاؤں تعلقہ کے ایک دیہات لاک ڈاؤن کیا گیا ہے ۔اب ضلع میں بند دیہاتوں کی تعداد 68 ہوگئی ہے۔

کلکٹر کے حکم کے مطابق 5/ اکتوبر کی آدھی رات سے 14 اکتوبر کی آدھی رات تک یعنی دس دن تک لاک ڈاؤن رہے گا۔ اسکول ، مذہبی مقامات ، دکانیں ، دکانیں ، خدمات بند رہیں گی۔

شہریوں کو گاؤں میں داخل ہونے اور باہر جانے سے بھی روک دیا گیا ہے۔ تاہم ضروری خدمات جاری رہیں گی۔ ڈویژنل کمشنر آج یہاں آرہے ہیں اور ایک میٹنگ ہوگی۔

بریکنگ نیوزگوگل آپ کی ہر حرکت کو کر رہا ہے ٹریک ! آپ اسے کیسے روک سکتے ہیں ؟ جانیے مکمل تفصیلات

گوگل آپ کی ہر حرکت کو کر رہا ہے ٹریک ! آپ اسے کیسے روک سکتے ہیں ؟ جانیے مکمل تفصیلات

گوگل Google ہماری زندگی کے تقریبا ہر حصے میں اپنی اہمیت منوالیا ہے۔ وہ ایک دوسرے سے جڑے ہوئے ایپلی کیشنز اور سروسز کے نیٹ ورک کو جمع کرتے ہیں۔ اسی بنیاد پر وہ ہمارے بارے میں ذاتی معلومات کو حاصل کرتا رہتا ہے۔ مثال کے طور پر گوگل ہماری سرچنگ کی تاریخ کو ریکارڈ کرتا ہے۔ نیز ہمارے موبائل آلہ کی پوزیشن اور اشتہار کے ریکارڈ کو بھی محفوظ کرتا ہے۔ جو ویڈیوز ہم دیکھتے ہیں اور دیگر معلومات کو ریکارڈ کرتے ہیں، وہ سب اس کی سرچ ہسٹری میں محفوظ ہوجاتا ہے۔ اگر آپ سیٹنگ کرتے ہیں تو آپ گوگل کو اپنی نگرانی بند کرنے کے قابل بنا سکتے ہیں، لیکن اس کے نتیجے میں آپ گوگل کی تمام حسب ضرورت سائٹس تک رسائی سے محروم ہو جائیں گے۔ ویب پر آپ کے گوگل اکاؤنٹ میں سرگرمی کنٹرول کا صفحہ گوگل کے مانیٹرنگ کے طریقوں کو کنٹرول کرنے کے لیے مثالی مقام ہے۔ اگر آپ پہلے ہی اپنے براؤزر پر گوگل میں لاگ ان ہیں تو وہ لنک آپ کو وہیں لے جائے گا۔ آپ کے بارے میں گوگل کی معلومات کو چھ زمروں میں تقسیم کیا گیا ہے۔ آپ اسکرین پر ٹوگل بٹنوں کا استعمال کرکے ان میں سے کسی پر بھی ٹریکنگ کو غیر فعال کرسکتے ہیں۔ پہلی دو اقسام ویب اور ایپ سرگرمی اور مقام کی تاریخ سب سے اہم ہیں۔ ویب اور ایپ سرگرمی میں جیسا کہ نام سے پتہ چلتا ہے، کروم میں سائن ان ہونے پر آپ ویب پر جو کچھ بھی کرتے ہیں ، گوگل میں سائن ان ہونے کے دوران آپ جو کچھ بھی تلاش کرتے ہیں اور جو کچھ آپ گوگل کی ایپس میں کرتے ہیں وہ سب کچھ شامل ہے۔ یہ جاننے کے لیے کہ گوگل کے ریکارڈ کتنے تفصیلی ہیں۔ ویب اور ایپ سرگرمی کے تحت سرگرمی کا نظم کریں کے آپشن پر کلک کریں۔ اس مانیٹرنگ میں شامل تمام ایپلی کیشنز کو دیکھنے کے لیے اوپر جائیں اور تاریخ اور پروڈکٹ کے لحاظ سے فلٹر کا انتخاب کریں۔ آپ فلٹر لگانے کے بعد تمام مماثل اندراجات کو ختم کر سکتے ہیں۔ ریکارڈ میں انفرادی اندراجات کو اندراج کے پہلو میں تین نقطوں پر کلک کرکے اور حذف کو منتخب کرکے حذف کیا جاسکتا ہے۔ ہر چیز کو ہٹانے کے لیے بائیں طرف جائیں اور لنک کے ذریعے سرگرمی حذف کریں پر کلک کریں۔ اس کے بعد آپ اس ویب اور ایپ سرگرمی کے زمرے میں گوگل کے بارے میں ہر چیز کو تاریخ کی حد اور تمام مصنوعات کو بطور فلٹر منتخب کرکے مٹا سکتے ہیں۔ ایک اور حال ہی میں دستیاب آپشن یہ ہے کہ گوگل خود بخود تین ماہ یا 18 ماہ سے زیادہ پرانی کوئی بھی چیز حذف کر دے۔ اگر آپ سرگرمی کی فہرست کے اوپری حصے میں خودکار طور پر ہٹانے کے لیے بٹن منتخب کرتے ہیں تو آپ کو یہ انتخاب ظاہر ہوتے نظر آئیں گے۔ گوگل اسسٹنٹ کبھی کبھار بغیر کسی آرڈر یا درخواست کے متحرک ہو جاتا ہے۔ لہذا اگر آپ نہیں چاہتے کہ گوگل اسسٹنٹ ہمیشہ آپ کی بات سنے، آپ اسے اپنے اینڈرائڈ فون پر نیچے دیے گئے آسان مرحلہ وار طریقہ پر عمل کرکے اسے غیر فعال کر سکتے ہیں۔ اپنے فون یا ٹیبلٹ پر Hey Google, open Assistant settings کہیں۔ اگلا تمام اختیارات کے تحت جنرل کو منتخب کریں۔ آخر میں گوگل اسسٹنٹ کو آن یا آف ٹوگل کریں۔ اپنی گوگل ایپ کھولیں اور پھر مزید دبائیں، جو نیچے ٹول بار میں تین نقطوں کے طور پر ظاہر ہوتا ہے۔ "گوگل اسسٹنٹ" کو منتخب کریں اور اسسٹنٹ ایریا پر جائیں۔ "اسسٹنٹ ڈیوائسز" کی فہرست سے "فون" منتخب کریں۔ آخر میں گوگل اسسٹنٹ کو غیر فعال کرنے کے لیے ٹوگل آئیکن کو چھوئیں۔ جب آپ یہ کریں گے تو آپ کو ایک پاپ اپ ملے گا جو آپ کو ان خصوصیات کے بارے میں مطلع کرے گا جو اب کام نہیں کریں گی۔ پیغام کے آگے 'ٹرن آف' بٹن پر ٹیپ کریں۔

بریکنگ نیوزکیا کنہیا کے بعد پپو یادو بھی کانگریس کا ہاتھ تھامیں گے ؟

بریکنگ نیوزکیا کنہیا کے بعد پپو یادو بھی کانگریس کا ہاتھ تھامیں گے ؟

سیاسی رہنماؤں میں بے چینی بڑھ رہی ہے اور ان کو یہ احساس ہو رہا ہے کہ مرکز میں بر سر اقتدار بی جے پی سے کوئی پارٹی لوہا لے سکتی ہے تو وہ کانگریس پارٹی ہی ہے اور اسی وجہ سے کئی رہنما کانگریس کا رخ کر رہے ہیں ۔ حال ہی میں جواہر لال نہرو یونیورسٹی طلباء یونین کے سابق صدر کنہیا کمار نے کانگریس میں شمولیت اختیار کی اور اب پپو یادو کے کانگریس میں شامل ہونے کی خبریں گشت کر رہی ہیں۔

بہار میں کانگریس اپنی سیاسی طاقت کو بڑھانے کے لئے جواہر لال نہرو یونیورسٹی (جے این یو) طلبہ یونین کے سابق صدر اور کمیونسٹ پارٹی آف انڈیا (سی پی آئی) کے رہنما کنہیا کمار کے بعداب جن ادھیکار پارٹی (جاپ) کے سربراہ اور سابق رکن پارلیمنٹ راجیش رنجن عرف پپو یادو کو پارٹی میں شامل کرانے کی تیاری میں ہے۔

جاپ سربراہ مسٹر یادو نے منگل کو ایک پریس کانفرنس میں کانگریس میں شمولیت کا اشارہ دیا۔ انہوں نے کہا کہ پارٹی کی کور کمیٹی کا اجلاس بدھ کو ہوگا اور وہ اس معاملے پر اپنی اہلیہ اور کانگریس کے سابق رکن پارلیمنٹ رنجیت رنجن سے بھی بات کریں گے۔ انہوں نے کہا کہ اس کے بعد وہ کانگریس کے سابق صدر راہل گاندھی سے ملاقات کریں گے۔ پپو یادو کا اشارہ ہے کہ وہ اپنی پارٹی کانگریس میں ضم کر دیں گے۔

بریکنگ نیوزجمیعتہ علماء ضلع بنارس اور شہر بنارس کا انتخاب مکمل مولانا عبداللہ ناصر قاسمی ضلعی صدر اور مفتی عبد العزیز مظاہری شہری صدر منتخب

جمیعتہ علماء ضلع بنارس اور شہر بنارس کا انتخاب مکمل مولانا عبداللہ ناصر قاسمی ضلعی صدر اور مفتی عبد العزیز مظاہری شہری صدر منتخب

بنارس /اردو دنیا نیوز۷۲

جمیعۃعلماء ضلع بنارس اور شہر بنارس کا انتخابی اجلاس جمعیتہ کے مدنپورہ واقع دفتر میں منعقد ہواجس میں اتفاق رائے سے مسلسل چوتھی مرتبہ مولانا عبداللہ ناصر قاسمی کو ضلعی جمیعتہ کا صدر منتخب کیا گیا۔ جمیعتہ کے دیگر عہدیداران و اراکین کا بھی انتخاب عمل میں آیا جس کی تفصیلات درج ذیل ہیں:

مولانا عبداللہ ناصر قاسمی صدر حاجی عبدالعزیز نائب صدر

حاجی سلیم اختر نائب صدر حاجی جاوید اقبال جنرل سیکریٹری

مولاناعبدالظاہر قاسمی سیکریٹری

حاجی ظہیر انور خازن

حاجی شاہد عزیزی معاون خازن

عبدالباسط محاسب

عبداللہ فیصل سکریٹری نشرو اشاعت

حاجی منظور آفاق رکن

استقبال قریشی رکن

حاجی راشد جمال رکن

حاجی اقبال سہیل رکن

حاجی مہر الدین رکن

حاجی اسلم جمال رکن

حافظ محمد رضوان رکن

حاجی شاہد مسعود رکن

حاجی سلمان راغب رکن

حافظ محمد اسلم رکن

مولانا عبد الباسط مظاہری رکن

اسی طرح جمعیتہ علماء شہر بنارس کے عہدیداران و اراکین کے اسماء گرامی درج ذیل ہیں:

مفتی عبدالعزیز مظاہری صدر

حاجی اسرار احمد نائب صدر

مولانا محمد اسجد سکریٹری

مفتی ضیاء الاسلام قاسمی نائب سیکریٹری

عبدالمحسن خازن

حافظ شاداب انور رکن

ابوذر رکن

طلحہ مظہری رکن

حاجی بلال احمد رکن

محمد زہیررکن

احسان الحق رکن

شاہد انس رکن

حاجی شاہد فہمی رکن

مفتی شاہد جمال رکن

مولانا طارق فرازرکن

محبوب عالم رکن

مولانا نظام احمد رکن

مولانا محمد شاہد رکن

ناندیڑ ضلع میں آج سے چار دنوں تک بارش کااشارہ‘Yellow الرٹ جاری

 اکتوبر 6, 2021

ناندیڑ:5 اکتوبر۔ (اردو دنیا نیوز۷۲) علاقائی محکمہ موسمیات ممبئی نے آج ایک مکتوب ناندیڑضلع کلکٹر کو جاری کیاہے جس میں اشارہ دیاگیا ہے کہ ناندیڑضلع میں 6 اکتوبرتا9 اکتوبر 2021ءکے درمیان ایلو الرٹ جاری کیاگیا ہے جس کے مطابق ضلع میں کچھ مقامات پر بجلی کی گھن گرج اور کڑکڑاہٹ کے ساتھ بارش ہوگی ۔

اسلئے متعلقہ محکموں کو باخبر رہنے کی ہدایت دی گئی ہے۔ ویسے دو دنوں سے دوپہر کے بعد سے موسلادھاربارش کاسلسلہ جاری ہے۔اس کے علاوہ عوام کو بھی ان چار دنوں کے دوران چوکس رہنے کااشارہ دیاگیاہے۔ مہاراشٹرمیں واپسی کی بارش کاسلسلہ شروع ہوگیا ہے اسلئے ریاست بھر میں چار دنوں تک موسلادھاربارش کا اشارہ بھی محکمہ موسمیات نے جاری کیاہے۔

امسال ناندیڑضلع میں اوسطا سے زیادہ بارش ہوئی ہے اور ندی و نالے لبریز ہوکربہہ رہے ہیں ۔ستمبر کے مہینہ میںدو مرتبہ سیلاب کی صورتحال کاسامنا بھی عوام کوکرنا پڑا ہے جبکہ کسانوں کی ہاتھ آئی تمام فصلیں پوری طرح تباہ ہوگئی ہے

بریکنگ نیوزمسلمانوں کیلئے بھی عنقریب دلت بندھو طرز کی امدادی اسکیم : کے سی آر

بریکنگ نیوزمسلمانوں کیلئے بھی عنقریب دلت بندھو طرز کی امدادی اسکیم : کے سی آر

پسماندگی کا اعتراف، بجٹ میں اضافہ کا تیقن، ہر چہرے پر خوشی دیکھنا میرا مقصد، اسمبلی میں مباحث کا جواب
حیدرآباد۔/5اکٹوبر، ( اردو دنیا نیوز۷۲) چیف منسٹر کے چندر شیکھر راؤ نے اعلان کیا کہ مسلمانوں اور دیگر طبقات میں معاشی طور پر پسماندہ خاندانوں کیلئے دلت بندھو طرز کی اسکیم کا آغاز کیا جائے گا تاہم اس کے لئے حکومت کو کچھ وقت چاہیئے۔ تلنگانہ قانون ساز اسمبلی میں دلت بندھو اسکیم پر مباحث کے دوران مجلس کے فلور لیڈر اکبر اویسی نے مسلمانوں کیلئے دلت بندھو طرز کی اسکیم کا مطالبہ کیا اور کہا کہ سچر کمیٹی، سدھیر کمیٹی اور ملک کی دیگر کمیٹیوں نے مسلمانوں کی تعلیمی اور معاشی پسماندگی کی نشاندہی کرتے ہوئے واضح کیا کہ مسلمانوں کے حالات دلتوں سے ابتر ہیں۔ انہوں نے چیف منسٹر سے اس سلسلہ میں واضح تیقن کی خواہش کی۔ چیف منسٹر کے سی آر نے مداخلت کرتے ہوئے کہا کہ مسلمانوں کیلئے بھی دلت بندھو کی طرح اسکیم آئے گی تاہم تھوڑا صبر کی ضرورت ہے۔ انہوں نے کہا کہ مختلف کمیٹیوں نے مسلمانوں کی پسماندگی کے بارے میں جو رپورٹ پیش کی ہے اس سے انکار نہیں کیا جاسکتا۔ مسلمان تعلیمی اور معاشی طور پر پسماندہ ہیں اسی لئے حکومت نے اقلیتی بہبود کے بجٹ میں اضافہ کیا ہے۔ انہوں نے کہا کہ مسلمانوں کے علاوہ دیگر پسماندہ طبقات حتیٰ کہ اعلیٰ طبقات میں بھی معاشی طور پر پسماندہ خاندانوں کیلئے دلت بندھو طرز کی اسکیم پر عمل کیا جائے گا۔ انہوں نے کہا کہ دلت چونکہ سماج میں سب سے زیادہ پسماندہ ہیں لہذا حکومت نے معاشی ترقی کی اسکیم متعارف کی ہے۔ آنے والے دنوں میں یہ اسکیم دیگر طبقات کے معاشی پسماندہ خاندانوں کیلئے بھی توسیع دی جائے گی۔ چیف منسٹر نے کہا کہ مسلمانوں میں کافی غربت ہے اور اسے دور کرنا ہمارا فرض ہے۔ چیف منسٹر نے کہا کہ وہ چاہتے ہیں کہ تلنگانہ کے ہر شہری کے چہرے پر خوشی ہو اور چہرے سے سنہرا تلنگانہ ظاہر ہو۔ حکومت تلنگانہ کی تشکیل کے خواب کی تکمیل کے تحت ہر شہری کے چہرے پر خوشی دیکھنا چاہتی ہے۔ انہوں نے اقلیتوں کے مسائل اور پرانے شہر کی ترقی پر عنقریب جائزہ اجلاس طلب کرنے کا اعلان کیا اور کہا کہ شہر کے عوامی نمائندوں کے ساتھ اجلاس میں مسلمانوں اور پرانے شہر کی ترقی سے متعلق اہم فیصلے کئے جائیں گے۔ چیف منسٹر نے کہا کہ مسلمانوں کی ترقی کے حکومت کے اقدامات میں کسی کو شبہ کی گنجائش نہیں ہونی چاہیئے۔ حکومت نے نہ صرف بجٹ میں اضافہ کیا بلکہ اسکالر شپ، اوورسیز اسکالر شپ اسکیم اور سیول سرویسس کی ٹریننگ کا اہتمام کیا جارہا ہے تاکہ اقلیتوں کی ترقی ہو۔ انہوں نے کہا کہ کورونا وباء کے پیش نظر جو مالی مسائل پیدا ہوئے تھے اس کے نتیجہ میں نہ صرف اقلیتی بہبود بلکہ دیگر محکمہ جات کے بجٹ میں کٹوتی کی گئی۔ اب جبکہ ریاست کی معاشی صورتحال بہتر ہوچکی ہے حکومت اقلیتی بہبود کے بجٹ میں اضافہ کرے گی۔ کے سی آر نے کہا کہ ہم جو وعدہ کرتے ہیں اسے نبھاتے ہیں اور آپ تمام خدا سے دعا کریں کہ حکومت کے اقدامات جاری رہیں۔ چیف منسٹر نے کہا کہ نہ صرف مسلمان بلکہ بی سی، ایس ٹی اور اعلیٰ طبقات میں معاشی طور پر پسماندہ خاندانوں کی بھلائی حکومت کی اولین ترجیح ہے۔ ہر طبقہ کے ساتھ انصاف ہوگا اور کسی کو بھی شبہ کی ضرورت نہیں ہوگی۔ر

بریکنگ نیوزدھماکو مادہ استعمال کرتے ہوئے درگاہ کو شدید نقصان پہنچایا

بریکنگ نیوزدھماکو مادہ استعمال کرتے ہوئے درگاہ کو شدید نقصان پہنچایا

یہ تصویر مدھیہ پردیش کے ضلع نیمچ کی منہدمہ درگاہ کی ہے۔ درگاہ کا ملبہ اسلام سے خائف عناصر کی شرپسندی اور تشددکا نتیجہ ہے۔پیر کی رات ہندوتوا عناصر نے دھماکو مادہ استعمال کرتے ہوئے درگاہ کو شدید نقصان پہنچایا۔ہندوتوا عناصر نے پمفلٹ کے ذریعہ دھمکی دی ہے کہ اگر اس درگاہ کو دوبارہ تعمیر کرنے کی کوشش کی گئی تو مقامی مسلمانوں کو ہلاک کیا جائے گا۔