مختصرکہانی)
اردودنیانیوز۷۲
گمشدہ چہرے کی تلاش
* انس مسرورانصاری
9453347784
ایک دن جب صبح کوآئینہ کے سامنے میں اپنےبال سنوارنے کےلیےکھڑی ہوئی تو اپنا چہرہ بدلاہواپاکر چونک پڑی۔ یہ کسی اورکاچہرہ تھا۔ میرا چہرہ اتنا خراب اورخوفناک تو نھیں ہے۔ پھرمیراچہرہ کون لے گیا۔؟ مجھے یاد نھیں آتا کہ میں اسے کہاں چھوڑ آئی ہوں۔۔۔۔۔۔۔ میں حواس باختہ اسی وقت اپنےاصلی چہرےکی تلاش میں گھرسےنکل پڑی۔ قرہوں قریوں شہروں شہروں گاؤں گاؤں گلیوں گلیوں کوچوں کوچوں میں تلاش کرتی رہی۔ مجھے اپنا خواب صورت چہرہ کہیں نظر نہ آیا۔اپنے چہرےسےبچھڑجانےکابڑادکھ ہوا۔ اپنے رخِ زیبا کی تلاش میں نہ جانےکتنےچہروں کو انگلیوں سےٹٹولا۔کوئی حسین اورمسکراتاہواچہرہ دیکھتی تو بہت تیزی سے اس کی طرف لپکتی کہ یہی میراکھویاہوا چہرہ ہےمگر جب اسے قریب سے دیکھتی تو حیران رہ جاتی۔ وہاں ویرانیاں ہی ویرانیاں، کرب ہی کرب نظرآتاتب میں مایوس،افسردہ خاطرکَسی دوسرے مسکراتے چہرے کی طرف بڑھ جاتی۔ ہر شگفتہ چہرے کےاندر میں نے جھانک کردیکھالیکن بےچینی، کرب اور اضطراب کےسِواکچھ بھی نھیں ملا۔ باہرسےمسکرانے والا کوئی بھی چہرہ اندر سے خوش نھیں تھا۔ہر چہرہ پر مسکراہٹوں کا فریب کن خول چڑھاتھا۔ پھرآخرمیرا چہرہ کیا ہوا۔ کون چرالےگیا۔؟مجھےندافاضلی کا شعر یاد آگیا۔
اک آدمی میں بستےہیں دس بیس آدمی
جس کو بھی دیکھنا ہوکئی بار دیکھنا
میں نے یہ بھی کرکےدیکھا۔ایک ایک چہرے کو ہزار ہزار باردیکھامگرمیرااپناچہرہ کہیں نظر نہ آیا۔
جب بنگلوں اورچھپروں۔۔۔۔ اجالوں اورا ندھیروں میں ہر جگہ تلاش کرتے کرتے تھک ہارگئ تب عاجزآکراداس، گم صم، پریشان، ہراساں اور کرب ذدہ چہرے کوزندگی کی طرح قبول کرلیا۔ **
* انس مسرورانصاری
