پروفیسر قاضی زین الساجدین صدیقی میر ٹھی
ایک مخلص عالم دین،ملی رہنما ،عظیم دانشور اور ماہر تعلیم تھے Urduduniyanews72
مولانا مفتی عطاءالر حمن قاسمی
مارچ نئی دہلی ، پروفیسر زین الساجدین صدیقی سابق صدر وڈین شعبہء سنی دینیات مسلم یونیورسٹی علیگڑھ و سابق چیئر مین یو پی مدرسہ بورڈ کے اچانک انتقال پر اظہار رنج و ملال کرتے ہوئے مولانا مفتی عطاءالر حمن قاسمی چیئر مین شاہ ولی اللہ انسٹی ٹیوٹ نئی دہلی و نائب صدر آل انڈیا مسلم مجلس مشاورت نے کہا کہ شہر قاضی میرٹھ پروفیسر زین الساجدین صدیقی ایک مخلص عالم دین،ملی رہنما، عظیم دانشور اور ماہر تعلیم تھے، وہ ایک علمی خانوادہ کے چشم وچراغ تھے، آپ کے والد قاضی زین العابدین سجاد میر ٹھی جامعہ ملیہ اسلامیہ کے پروفیسر اور دارالعلوم دیوبند کی مجلس شوری کے رکن تھے ، خود پروفیسر قاضی زین الساجدین صدیقی تنظیم ابنائے قدیم دارالعلوم دیوبند کے جنرل سکریڑی ،آل انڈیا مسلم مجلس مشاورت کی مجلس عاملہ کے رکن اورشاہ ولی اللہ انسٹی ٹیوٹ کے بھی رکن تھے، آپ ایک اچھے قلم کار اور مصنف بھی تھے، آپ اپنی حیات مستعار کے آخری دنوں میں اپنے خاندان کے حالات وکوائف ا ورعلمی، دینی اور سماجی خدمات پر ایک اہم کتاب لکھنے میں مصروف تھےاور برابر اس کاذکر فرماتے تھے، آپ کے خانوادہ کا، خاندان ولی اللٰہی سے بڑا گھرا تعلق رہاہے،وہ تحریک شہیدینؒ سے بھی وابستہ رہےہیں۔
پروفیسر قاضی زین الساجدین میر ٹھی بڑے جری و بیباک انسان تھے، وہ ہرقسم کی اپنی قومی وملی رائے بڑی قوت ومضبوطی کے ساتھ رکھنے کے عادی تھے، پروفیسر زین الساجدین صدیقی کے انتقال سے جہاں قوم وملت کا عظیم خسارہ ہوا ہے، وہاں میرا ناقابل تلافی نقصان بھی ہواہے، اللہ تعالی ان کی مغفرت فرمائے اور ان کےدرجات ومراتب بلند کرے اور ان کے پسماند گان ولواحقین کو صبر جمیل عطاء فرمائے ۔آمین!
