بریکنگ نیوزمحمد پرویز انصاری نے گلنی پنچایت سے مکھیا عہدے کے لئے اپنا پرچہ داخل کرایا

بریکنگ نیوزمحمد پرویز انصاری نے گلنی پنچایت سے مکھیا  عہدے کے لئے اپنا پرچہ  داخل کرایا

  نوادہ بہار۔

  محمد سلطان اختر۔

  محمد پرویز انصاری  جو کہ نوادہ ضلع کے تحت پکری براواں بلاک کے بڑی گلنی گاؤں  کے رہائشی ہیں،اُنہوں نے خود کو گلنی پنچایت سے مکھیا  عہدے کے لئے اپنا پرچہ نامزدگی  کرایا۔  مسلم امیدواروں میں پہلے امیدوار محمد پرویز انصاری ہیں ، جنہوں نے عوام کا بڑے پیمانے پر اعتماد حاصل کیا ہے۔  عوام کا بھرپور تعاون ہے۔  انہوں نے کہا کہ میں سیاست میں خدمت کرنے کے لئے آیا ہوں۔  میری پہلی ترجیح عام لوگوں کی خدمت اور ان کے حقوق کے لئے حکومت سے لڑنا ہوگا ، میں ضلع سے عوام کی آواز کو اسمبلی تک پہنچانے کے لیے کام کروں گا۔  میرا پہلا مقصد ترقیاتی کاموں کو ایوان میں منظور کرانا ہوگا۔  اس نامزدگی میں سینکڑوں افراد بشمول محمد ہارون ، محمد شکیل ، محمد مستقیم ، محمد جمال ، پرمود یادو ، فخر الدین ، ​​شری پرساد ، شری مانجھی سمیت سیکڑوں افراد نے حصہ لیا۔  تمام لوگ گلنی پٹرول پمپ پر آکر ملے اور وہاں سے ایک عام اجلاس کی شکل اختیار کر لیا اور پوری پنچایت زندہ باد کے نعروں سے گونج اٹھی۔  نعرہ بلند کرتے ہوئے ، پوری پنچایت کا دورہ کرتے ہوئے ، اپنے گاؤں گلنی پہنچنے پر  ہر شخص سے اظہار تشکر فرمایا۔

بریکنگ نیوزآربی آئی کی جائزہ میٹنگ شروع ، سنٹرل بینک پالیسی رخ کو نرم رکھ سکتا ہے

بریکنگ نیوزآربی آئی کی جائزہ میٹنگ شروع ، سنٹرل بینک پالیسی رخ کو نرم رکھ سکتا ہے

آربی آئی کی جائزہ میٹنگ شروع ، سنٹرل بینک پالیسی رخ کو نرم رکھ سکتا ہےنئی دہلی،ریزرو بینک آف انڈیا (آر بی آئی) پالیسی شرحوں کی دوماہی جائزہ میں معاشی نمو کو سہارادینے کے لئے پالیسی شرح سود ریپو کو موجودہ سطح پر برقرار رکھنے کے ساتھ ساتھ پالیسی رخ کو ابھی نرم رکھ سکتا ہے۔
خام تیل کی قیمتوں میں اضافے سے مہنگائی اور معاشی نمو کی راہ میں چیلنج پیداہونے کے خطرات کے درمیان آربی آئی گورنرشکتی کانت داس کی صدارت میں سنٹرل بینک کی مانیٹری پالیسی کمیٹی (ایم پی سی) کی تین روزہ جائزہ میٹنگ آج شروع ہوئی۔ اس وقت ریپو شرح طویل وقت سے چارفیصد ہے۔ سنٹرل بینک اسی شرح پر بینکوں کو ان کی فوری ضرورت کے لئے قرض دیتا ہے۔ ریپوریٹ کے بڑھنے سے بینکوں کے فنڈ کی لاگت متاثر ہوتی ہے اور وہ قرض مہنگا کرنے کے لئے مجبورہوتے ہیں۔
ممبئی میں کمیٹی کے فیصلوں کا اعلان سات اکتوبر کو کیا جائے گا جس میں سنٹرل کیش فلو کے ایڈجسمنٹ کے نئے اقدام کئے جاسکتے ہیں۔ تجزیہ کاروں کا کہنا ہے کہ مونیٹری پالیسی کمیٹی ریورس ریپوریٹ (جس شرح پر بینک آربی آئی کے پاس اپنی نقد رقم مختصروقت کے لئے رکھتے ہیں) بڑھانے کا فیصلہ کیا ہے تاکہ بینکنگ نظام میں کیش کے سرپلس کو متوازن کیاجاسکے۔
ماہرین کا خیال ہے کہ ایم پی سی کے سامنے اس وقت خام تیل کی قیمتوں میں تیزی سے عالمی نموکے سامنے چیلنج اور مہنگائی بڑھنے کا خطرہ، دواہم مسائل ہیں۔ عالمی بازار میں اس وقت خام تیل 80 ڈالر فی بیرل کی سطح پر پہنچ گیا ہے۔ ماہرین کا کہنا ہے کہ سردیوں میں یورپ اور شمالی امریکہ میں تیل اورگیس کی مانگ بڑھنے پر تیل 90 ڈالر تک بھی جاسکتا ہے۔

بریکنگ نیوزمظاہرعلوم سہارنپور کی مجلسِ شوریٰ میں تنخواہ میں اضافےاور وفات پانے والے ملازمین کی بیواؤں کو وظیفہ کی منظوری کے ساتھ لئے گئے کئی اہم فیصلے، مولانا محمد عارف ابراہیمی مجلس شوریٰ کے نائب صدر منتخب۔

بریکنگ نیوزمظاہرعلوم سہارنپور کی مجلسِ شوریٰ میں تنخواہ میں اضافےاور وفات پانے والے ملازمین کی بیواؤں کو وظیفہ کی منظوری کے ساتھ لئے گئے کئی اہم فیصلے، مولانا محمد عارف ابراہیمی مجلس شوریٰ کے نائب صدر منتخب۔

  

 

سہارنپور:  معمول کے مطابق مظاہرعلوم سہارنپور کی شوری کا اجلاس زیر صدارت حکیم کلیم اللہ علی گڈھی دارالمشورہ مظاہر علوم میں منعقد ہوا ،دوران اجلاس مدرسہ کی جملہ سرگرمیوں کا جائزہ لیا گیا اور مختلف شعبہ جات کی رپورٹ مجلس شوری میں پیش کی گئیں، اسی طرح سابقہ کارروائی کی سماعت اور اس کی توثیق کی گئی ۔

۱۹۹۹ء سے منتخب چلے آرہے مظاہرعلوم سہارنپور کے رکن شوری حاجی رحمت اللہ انصاری بنارسی کے انتقال پر تجویز تعزیت منظور ہوئی ۔ مکتبہ شیخ محمد یونس میں مطالعہ کے لئے شعبۂ تخصص فی الحدیث کے طلبہ کے علاوہ جملہ اساتذہ مدرسہ کو بھی مطالعہ کی اجازت دیدی گئی ہے۔

یہ طے ہوا کہ قاعدہ ضابطہ میں ملازمت کے تین سال گزرجانے کے بعد دوران ملازمت وفات پانے اصحاب کی بیوہ کو ایک سال تک ہرماہ مرحوم کی تنخواہ دی جائے ۔

 مدرسہ کی مرکزی لائبریری میں موجود مخطوطات کے تعارف کے سلسلہ میں طے ہوا کہ ایک ایک سو مخطوطات کے تعارف پر مشتمل ایک ایک جلد شائع کی جائے اور ہر مخطوطہ کے پہلے صفحہ کا عکس بھی شامل اشاعت کیا جائے ۔

مستدلاتِ حنفیہ پر مشتمل مولانا سخاوت علی جونپوریؒ کی قدیم اور مستند کتاب ’’القویم فی احادیث النبی الکریم ‘‘ہے مظاہرعلوم سہارنپور کے شعبۂ تخصص حدیث کے مجمع الشیخ محمد زکریا سے اس کی تحقیق و تعلیق کا کام ہورہا ہے ،جلد اول شائع ہوچکی ہے ،مجلس شوریٰ اس اہم علمی کام پر اپنے اطمینان کا اظہار کرتی ہے اور امید کرتی ہے کہ اس کی بقیہ جلدیں بھی جلد ہی اشاعت پذیر ہوں گی۔

مجلس شوری کی صدارت کے عہدہ پر حکیم کلیم اللہ صاحب علی گڈھی فائز ہیں جب کہ نائب صدر کا عہدہ خالی ہے ،اتفاق رائے سے مولانا محمد عارف ابراہیمی کو مجلس شوریٰ کا نائب صدر منتخب کیا گیا۔

مدرسہ کی مرکزی لائبریری میں کتابوں کی بڑھتی ہوئی تعداد کے پیش نظر جگہ کی تنگی محسوس کی جارہی ہے اس لئے مجلس شوریٰ نے اسی لائبریری سے متصل جانب مغرب تین منزلہ تعمیر کی منظوری دی ہے اور سکریٹری مدرسہ کو پابند کیا ہے کہ اگلی شوری میںاس کا نقشہ اور تخمینی خرچ کا گوشوارہ رکھیں۔

مظاہرعلوم کے مختلف علاقوں میں جاری مکاتب دینیہ کی رپورٹ پڑھی گئی مجلس شوری نے اسے استحسان کی نظر سے دیکھا اور ناظم مکاتب مفتی محمد صالح نے کچھ نئے مکاتب جاری کرنے کی سفارش پیش کی جس کو بھی منظوری دی گئی۔ اضافۂ تنخواہ کے مسئلہ پر غور کرتے ہوئے مجلس شوری نے فیصلہ کیا کہ شرحِ تنخواہ پر اب تک جو گرانی الاؤنس 35؍فیصد دیا جاتا رہا اسے بڑھا کر60؍ فیصد کردیا جائے۔ اس اجلاس میں علی گڑھ سے حکیم کلیم اللہ،حیدرآباد سے مولانا عبدالقوی،تامل ناڈو سے مولانا روح الحق،چنئی سے مفتی سبیل احمد،رائے چوٹی سے مفتی محمد معصوم ،سرساوہ سہارنپور سے مولانا محمد عارف،سکریٹری مدرسہ مولانا سید محمد شاہد اور ناظم مدرسہ مولانا سید محمد عاقل شریک ہوئے ۔

بریکنگ نیوزیوپی اے ٹی ایس کی دہلی کے شاہین باغ علاقے میں مولانا کلیم صدیقی کے مدرسے اور رہائش گاہ پر کی چھاپے ماری

بریکنگ نیوزیوپی اے ٹی ایس کی دہلی کے شاہین باغ علاقے میں مولانا کلیم صدیقی کے مدرسے اور رہائش گاہ پر کی چھاپے ماری

راجدھانی دہلی کے شاہین باغ علاقے کے ایف بلاک میں یو پی اے ٹی ایس (UP ATS) نے آج قریب 2 گھنٹے تک چھاپہ ماری (raid) کی۔ یہ چھاپے مولانا کلیم صدیقی (Maulana Kaleem Siddiqui ) کے مدرسہ اور رہائش گاہ پر مارے گئے۔ بتایا جا رہا ہے کہ مولانا کلیم صدیقی سے منسلک ایک فرد کو تبدیلی مذہب سے متعلق کیس میں یو پی اے ٹی ایس کے افسران اپنے ساتھ لیکر گئے ہیں۔ اس کے ساتھ ہی کچھ سامان بھی اے ٹی ایس اپنے ساتھ لیکر گئی ہے۔ فی الحال یو پی اے ٹی ایس کی ٹیم شاہین باغ ( raids Shaheen Bagh area of Delhi ) سے جا چکی ہے۔ دراصل یہ معاملہ تبدیلی مذہب کے سلسلے میں اتر پردیش انڈیا کے آپریشن سے جڑا ہوا ہے جس کے تحت مولانا کلیم صدیقی کو میرٹھ کے قرب وجوار سے گرفتار کیا گیا تھا اور بعد میں پریس کانفرنس کر کے بتایا گیا تھا کہ مولانا کلیم صدیقی تبدیلی مذہب سے جوڑے معاملے میں ملوث ہیں۔ مولانا کلیم صدیقی کے سلسلے میں منی لانڈرنگ کے معاملے کے تحت غیر ملکی فنڈنگ کا بھی انکشاف کرتے ہوئے بتایا گیا تھا کہ تقریبا تین کروڑ روپے کی فنڈنگ کی گئی ہے۔ واضح رہے کہ مولانا کلیم صدیقی کو جبراً تبدیلی مذہب کے مبینہ کیس میں گرفتار کیا گیا ہے اس کے بعد مولانا کلیم صدیقی کے تین ساتھیوں کو بھی گرفتار کیا گیا تھا۔

اس سے قبل مفتی جہانگیر اور عمر گوتم بھی جبراً تبدیلی مذہب کے معاملے میں گرفتار کیا گیا تھا پولیس کے مطابق عمر گوتم سے پوچھ گچھ کے دوران ہی مولانا کلیم صدیقی کا نام تفتیش میں سامنے آیا تھا۔

بریکنگ نیوزکھیری تشدد میں جان گنوانے والوں کی پوسٹ مارٹم رپورٹ میں کیا ہے؟

کھیری تشدد میں جان گنوانے والوں کی پوسٹ مارٹم رپورٹ میں کیا ہے؟

• 
  
  

 

لکھیم پور: لکھیم پور کھیری تشدد میں اپنی جان گنوانے والے 8 افراد کا پوسٹ مارٹم کیا گیا ہے۔ اس میں بہت سی چیزیں سامنے آئی ہیں۔ پوسٹ مارٹم کے لیے 4-4 ڈاکٹروں کی دو ٹیمیں تشکیل دی گئی تھیں۔

ان سینئر ڈاکٹروں میں سے ایک کے مطابق ، پوسٹ مارٹم کے لیے لائے گئے 8 افراد میں سے کسی کو گولی نہیں لگی۔ پوسٹ مارٹم کرنے والے ڈاکٹر نے بتایا کہ کچھ لوگوں کی ہڈیاں مکمل طور پر بکھر چکی ہیں ، لگتا ہے کہ کوئی بھاری چیز ان کے اوپر سے گزر گئی ہے۔

باقی لوگوں کے جسموں پر چوٹ کے نشانات ہیں۔ جن کی ہڈیاں بکھر گئی تھیں وہ شاید کسان تھے ، حالانکہ ابھی حتمی رپورٹ سامنے آنا باقی ہے۔ یہ معلومات اس ڈاکٹر سے ملی ہے جس نے پوسٹ مارٹ کیا تھا۔ لکھنؤ ، جون۔ کسانوں کے ہنگاموں کے بعد شروع ہونے والے تشدد میں اتوار کو لکھیم پور کھیری میں چار کسانوں سمیت آٹھ افراد کی موت کی پوسٹ مارٹم رپورٹ پہنچی ہے۔

دونوں اطراف سے مرنے والوں کی پوسٹ مارٹم رپورٹ میں کوئی بھی شخص گولی لگنے سے ہلاک نہیں ہوا۔ سبھی پہلے موت کی چوٹ سے مر گئے ہیں۔ پوسٹ مارٹم رپورٹ میں یہ بات سامنے آئی ہے کہ کچھ گھسیٹنے کی وجہ سے مر گئے ہیں اور کچھ کو لاٹھیوں سے پیٹا گیا ہے۔

رپورٹ میں یہ بات سامنے آئی ہے کہ کچھ کی موت صدمے کی وجہ سے ہوئی ہے اور کچھ کی موت چوٹ سے ہوئی ہے ، تاہم پوسٹ مارٹم رپورٹ میں گولی لگنے کے بارے میں کچھ نہیں کہا گیا۔ تین ڈاکٹروں کے ایک پینل نے اتوار کو ٹکونیا میں فسادات میں مرنے والے آٹھ افراد میں سے چار کی لاشوں کا پوسٹ مارٹم کیا۔

پوسٹ مارٹم رپورٹ میں یہ بات سامنے آئی کہ ان لوگوں کو نہ صرف لاٹھیوں سے بری طرح پیٹا گیا بلکہ جسم پر رگڑ کے کئی سنگین زخم بھی ملے۔ پوسٹ مارٹم رپورٹ میں ان تمام زخموں کا ذکر ان چاروں کی موت کی وجہ کے طور پر کیا گیا ہے۔

پی ایم رپورٹ میں فریکچر کے ساتھ چوٹ کا ذکر ہے۔ گولی لگنے سے کوئی بھی ہلاک نہیں ہوا۔ چار کسانوں سمیت تمام آٹھ افراد پٹائی ، مار پیٹ اور برین ہیمرج کی وجہ سے مرے ہیں

بریکنگ نیوزپاسوان کا ’’مکان‘‘ ضبط،چراغ کوہیلی کاپٹر،پارس کوسلائی مشین الاٹ

پاسوان کا ’’مکان‘‘ ضبط،چراغ کوہیلی کاپٹر،پارس کوسلائی مشین الاٹ

• 
  
  

 

نئی دہلی: الیکشن کمیشن نے منگل کو لوک جن شکتی پارٹی (ایل جے پی) کودو الگ الگ پارٹیوں میں تقسیم کی منظوری دےدی۔

پارٹی کا پرانا نام اور انتخابی نشان بھی ضبط کر لیا گیا ہے۔ چراغ پاسوان کی زیرقیادت پارٹی کا نام لوک جن شکتی پارٹی (رام ولاس) ہوگا اور ان کی پارٹی کا انتخابی نشان ہیلی کاپٹر ہو گا۔

جب کہ ان کے چچا اور مرکزی وزیر پشوپتی کمار پارس کی پارٹی کا نام راشٹریہ لوک جن شکتی پارٹی (آر ایل جے پی) ہوگا۔ آر ایل جے پی کا انتخابی نشان سلائی مشین ہوگی۔ الیکشن کمیشن نے اس حوالے سے ایک خط جاری کیا ہے۔ اس سے پارٹی کے بارے میں دو دھڑوں کے درمیان دعووں کی جنگ ختم ہوتی دکھائی دے رہی ہے۔

تاہم ، رام ولاس کو چراغ پاسوان کی پارٹی کے نام میں شامل کر دیا گیا ہے ، جو انہیں انتخابی موسم میں اپنے والد کی وراثت کی بنیاد پر ووٹ مانگنے میں مدد دے سکتی ہے۔ آپ کو بتادیں کہ رام ولاس پاسوان کی موت کے بعد ان کے بیٹے چراغ اور ان کے بھائی پشوپتی پارس کے درمیان تنازعات کھڑے ہو گئے تھے۔

ایل جے پی نے 2020 کے بہار اسمبلی انتخابات این ڈی اے سے الگ لڑے تھے اور اسے صرف ایک نشست ملی تھی۔ اس کے بعد پارٹی میں اختلافات مزید گہرے ہو گئے۔ پاراس دھڑے نے چراغ کو قومی صدر اور پارلیمانی پارٹی کے رہنما کے عہدے سے ہٹا دیا تھا۔ تب سے دونوں دھڑے پارٹی پر اپنے اپنے دعوے کر رہے تھے۔

یہ لڑائی الیکشن کمیشن تک بھی پہنچی تھی جس نے اب یہ فیصلہ دیا ہے۔ چراغ کی پارٹی کے ایک ترجمان اشرف انصاری نے کہا کہ 'چراغ پاسوان کی جانب سے نئے انتخابی نشان کا مطالبہ الیکشن کمیشن سے تاراپور اور کشیشورستھان سے امیدوار کھڑا کرنے کے لیے کیا گیا تھا۔

اپنی طرف سے انھوں نے گیس سلنڈر ، ہیلی کاپٹر اور تین آدمیوں کو ایک ساتھ کھڑے ہونے کی علامت دینے کا مطالبہ کیا تھا۔ چراغ دھڑے کے ریاستی صدر کے مطابق امیدواروں کے ناموں کا اعلان آج شام تک کردیا جائے گا۔

چراغ کی پارٹی کشیشورستھان اور تاراپور نشستوں پر ضمنی انتخابات اکیلے لڑے گی۔ ان کا مقصد کسی بھی قیمت پر جے ڈی یو اور وزیر اعلیٰ نتیش کمار کو نقصان پہنچانا ہے۔ چراغ دھڑے نے دونوں نشستوں کے لیے اپنے امیدواروں کے ناموں کو حتمی شکل دے دی ہے۔

بریکنگ نیوزسوشل میڈیا ویران ۔ دنیا میں کہرام،بازار میں 'زکربرگ' کو بھاری نقصان

دنیا میں کھلبلی ۔ ٹیوٹر پر اس بحران کا خوب مذاق بن رہا ہے

• 
  
  
 
•   
 

 

نئی دہلی : اردو دنیا نیوز۷۲

کل رات دنیا بھرمیں ایک بار پھر لوگ پریشان ہوگئے ، بے چین ہیں ،دلوں کی دھڑکن دھیمی پڑ رہی تھیں  ،سب اپنے ہاتھوں میں موبائل کو بے چینی کے ساتھ دیکھ رہے تھے کیونکہ آج کے دور میں انسانوں کی زندگی بنے فیس بک،انسٹا گرام اور واٹس ایپ پیر کی رات نو بج کر 46 منٹ  کے بعد ٹھپ پڑ گئے تھے ۔

 فیس بک کے تحت کام کرنے والی معروف ایپس واٹس ایپ اور انسٹا گرام کی ہندوستان سمیت دنیا بھر میں سروسز اچانک سے بند ہو گئی تھیں جس سے ہزاروں صارفین متاثر ہوئے ۔ دنیا بھرمیں سماجی رابطوں کی ویب سائٹس فیس بک، انسٹاگرام اور واٹس ایپ ڈاؤن ہونے کی وجہ تاحال سامنے نہیں آئی ۔ آؤٹریج ٹریکر کے مطابق پیر کی شب اس بندش سے متاثر ہونے والوں کی زیادہ تعداد واشنگٹن اور پیرس جیسے زیادہ آبادی والے شہروں سے تعلق رکھتی ہے۔واضح رہے کہ انہی ایپس کے ساتھ ایسا ہی مسئلہ رواں سال مارچ میں بھی ہوا تھا جب ان ایپس کی سروسز دنیا بھر میں تقریباً 40 منٹ تک متاثر رہی تھیں۔

آٹھ گھنٹے کے بعد سوشم میڈیا کے پلیٹ فارم دوبارہ متحرک ہوئے ہیں جس کے سبباب دنیا کو سکون ملا ہے ورنہ پیر کی رات دنیا میں کہرام رہا۔ سوشل میڈیا پر ویرانیت نے دنیا میں کہرام مچا دیا تھا۔ اب بھی دنیا بھر میں سروسیز مکمل طور پر بحال نہیں ہوئی ہیں ۔

فیس بک کے شریک بانی مارک زکربرگ نے اپنے تینوں پلیٹ فارمز فیس بک، انسٹاگرام اور واٹس ایپ کی خدمات میں ہوئی دشواری کے لئے معافی مانگی اور کہا کہ یہ خدمات پھر سے آن لائن ہوگئی ہیں۔ مسٹر زکربرگ نے فیس بک پر کہا کہ ’فیس بک، انسٹاگرام، واٹس ایپ اور میسنجر اب دوبارہ آن لائن ہوگئے ہیں۔ انہوں نے کہا آج ہوئی پریشانی کے لیے معذرت، میں جانتا ہوں کہ آپ جن لوگوں کے بارے میں سوچتے ہیں اور ان کا خیال کرتے ہیں ان سے وابستہ رہنے کے لئے آپ ان خدمات پر کتنے منحصر ہیں‘‘

رات بھراس وقت واٹس ایپ کی سروس متاثر ہونے کے حوالے سے ٹوئٹر پر ایک ٹرینڈ بھی چل رہا ہے جس میں صارفین ایپ بند ہونے کی شکایت کر رہے ہیں۔

وااٹس ایپ کی وضاحت 

 واٹس ایپ نے اس صورتحال پر ٹویٹ کے ذریعے بیان جاری کیا ہے جس میں کہا گیا ہے کہ انہیں معلوم ہے کہ ان کے چند صارفین کو واٹس ایپ کے استعمال میں مسائل کا سامنا ہے۔ واٹس کے مطابق وہ صورتحال کو معمول پر لانے کی کوشش کر رہا ہے اور اس بارے میں جلد مزید معلومات سے آگاہ کرے گا۔ جن ایپس کی سروسز متاثر ہوئی ہیں ان میں فیس بک، انسٹاگرام، فیس بک میسنجر اور واٹس ایپ شامل ہیں۔ چونکہ یہ تمام ایپس فیس بک کی تحت کام کرتی ہیں تو اس ایسا محسوس ہوتا ہے کہ فیس بک کی سروسز متاثر ہونے کی وجہ سے ان تمام ایپس نے بھی کام کرنا چھوڑ دیا ہے۔

ٹیوٹر پر طوفان

تینوں سوشل میڈیا پلیٹ فارم کے ہندوستان سمیت دنیا بھر میں کروڑوں صارفین ہیں۔ اس کے بعد لوگوں نے فوری طور پر ٹوئٹر پر اپنے رد عمل دینا شروع کردیئے۔ تاہم ان کے گرنے کی وجہ ابھی سامنے نہیں آئی ہے۔ یہ بندش کا مسئلہ اب بھی برقرار ہے۔ لوگ پیغامات بھیجنے یا وصول کرنے کے قابل نہیں ہیں۔ کمپنی کے سرور ڈاون ہونے کی وجہ سے یہ مسئلہ آ رہا ہے۔آؤٹج ٹریکنگ کمپنی کے مطابق 20 ہزار سے زائد صارفین نے فیس بک اور انسٹاگرام پر اس کے بارے میں شکایت کی ہے۔

دنیا بھر میں سروس ڈاؤن ہونے پر سماجی رابطے کی ویب سائٹس ٹوئٹر اور سگنل نے واٹس ایپ ، فیس بک اور انسٹاگرام پر طنز کیا ہے۔ ٹوئٹر انتظامیہ کی جانب سے اپنے آفیشنل ٹوئٹر اکاؤنٹ پر 'سب' کو ہیلو کہا گیا ہے۔  واٹس ایپ کے ہیلو کہنے پر ٹوئٹرکے شریک بانی اور چیف ایگزیکٹو آفیسر(سی ای او) جیک ڈورسی نے مزید طنز کرتے ہوئےکہا ہےکہ میں نے سوچا تھا کہ یہ انکرپٹڈ ہونا چاہیے۔

فیس بک کے شئیر گر گئے

دنیا بھر میں فیس بک، انسٹاگرام اور واٹس ایپ کی سروسز میں متاثر ہونے کے بعد امریکی اسٹاک مارکیٹ میں فیس بک کے حصص کی قیمت 5.5 فیصد گرگئی۔

دنیا بھر میں فیس بک، انسٹاگرام اور واٹس ایپ کی سروسز کئی گھنٹے سے تعطل کا شکار ہیں اور سوشل میڈیا صارفین کی جانب سے شدید تنقید کا سامنا ہے۔وہیں امریکی اسٹاک مارکیٹ میں فیس بک کے حصص کی قیمت گرگئی ہے۔

نیویارک میں امریکی اسٹاک ایکسچینج میں فیس بک کے حصص کی قیمت 5.5 فیصد تک گرگئی ہے۔

فیس بک شاذ و نادر ہی ٹھپ ہوتا ہے

 فیس بک کے بند ہونے کے بہت کم معاملات ہیں۔ بہر حال ، جب ایسا ہوتا ہے ، پوری دنیا کے سوشل میڈیا صارفین پر بہت زیادہ اثر پڑتا ہے ، کیونکہ تینوں بڑے سوشل میڈیا پلیٹ فارم فیس بک سے تعلق رکھتے ہیں۔ کمپنی اس طرح کے سست ہونے کے بارے میں کوئی معلومات نہیں دیتی ہے اور نہ ہی اس کی کوئی وجہ بتاتی ہے۔ مسئلہ حل ہونے کے بعد بھی کمپنی وضاحت نہیں کرتی کہ ایسا کیوں ہوا۔ 2019 میں ، فیس بک کی اب تک کی سب سے بڑی سست روی تھی۔ اس وقت بھی ، کمپنی نے صرف یہ کہا تھا کہ معمول کی دیکھ بھال کے آپریشن کے دوران کچھ خرابی واقع ہوئی ہے۔

موجودہ سست روی پر کمپنی کا کیا کہنا ہے؟

کمپنی کے ترجمان اینڈی اسٹون نے ٹویٹر پر کہا کہ ہم لوگوں کو ہونے والی تکلیف کے لیے معذرت خواہ ہیں۔ لوگوں کو ہماری ایپس اور مصنوعات تک رسائی میں دشواری ہو رہی ہے۔ ہم جلد سے جلد چیزوں کو معمول پر لانے کے لیے کام کر رہے ہیں۔ تاہم ، اسٹون نے یہ نہیں بتایا کہ یہ مسئلہ کیوں پیش آیا اور بہتر ہونے میں کتنا وقت لگے گا۔

دوسری جانب واٹس ایپ کی سروس ڈاؤن ہونے کے باعث آڈیو اور ویڈیو کالنگ کی ایپ 'سگنل ' کے نئے صارفین میں اضافہ ہونے لگا۔ ٹوئٹر پر ایک بیان میں سگنل نے نئے صارفین کو خوش آمدید کہتے ہوئے کہا ہے کہ ہمیں علم ہے کہ بندش کے دوران کیسے کام کیا جاتا ہے۔

سگنل کا کہنا ہے کہ وہ بند ہونے والی سوشل میڈیا ویب سائٹس کی بحالی کے لیے کام کرنے والے انجینیئرز کے لیے نیک خواہشات کا اظہار کرتے ہیں۔ 

واضح رہے کہ آڈیو اور ویڈیو کالنگ کی ایپ 'سگنل ' کو ایپ واٹس ایپ کا متبادل سمجھا جاتا ہے۔

۔ 6 ماہ قبل پلیٹ فارم 42 منٹ کے لیے رکے تھے

 یہاں تک کہ تقریبا 6 مہینے پہلے بھی ، واٹس ایپ ، انسٹاگرام اور فیس بک پوری دنیا میں 42 منٹ کے لیے رکے ہوئے تھے۔ پھر یہ مسئلہ 11.05 بجے شروع ہوا اور تقریبا 11 11:47 تک جاری رہا۔ واٹس ایپ کو دنیا میں 5 ارب سے زائد مرتبہ ڈاؤن لوڈ کیا گیا ہے۔

بریکنگ نیوزپیڑول 111 روپے اور ڈیزل 100 روپے سے متجاوز

تیل کی قیمتوں میں لگی آگ

• 
  
 
•   
 
•  

 

نئی دہلی: تیل پیدا کرنے والے ممالک کی سر فہرست تنظیم اوپیک کے مطالبے کے مطابق تیل پیداوارمیں اضافہ نہیں ہونے سے بین الاقوامی مارکیٹ میں خام تیل کی سات سال کی بلند ترین سطح 81 ڈالر فی بیرل عبور ہونے سے منگل کو ملک میں پٹرول 25 پیسے اور ڈیزل 30 پیسے فی لیٹر مہنگا ہوگیا۔ اس سے ملک کے کچھ شہروں میں پہلی بار پٹرول111 روپے فی لیٹر اور ڈیزل 100 روپے فی لیٹرسے تجاوز کر گیا ہے۔

مسلسل چار دن کے اضافے کے بعد گزشتہ روز ان دونوں مصنوعات کی قیمتوں میں کوئی تبدیلی نہیں کی گئی تھی لیکن آج پھر اس میں اضافہ کیا گیا جس کی وجہ سے دارالحکومت دہلی میں ان کی قیمتیں اب تک کی ریکارڈ سطح پر پہنچ گئیں۔ اس اضافے کے بعد دارالحکومت دہلی میں پٹرول 102.64 روپے فی لیٹر اور ڈیزل 91.07 روپے فی لیٹر کی تاریخی بلند ترین سطح پر پہنچ گیا۔ گزشتہ ایک ہفتے میں پٹرول 1.24 پیسے اور ڈیزل بھی گزشتہ 10 دنوں میں 2.45 روپے فی لیٹر مہنگا ہوچکا ہے۔

اوپیک ممالک کی کل ہوئی میٹنگ میں یومیہ چار لاکھ بیرل تیل پیداواربڑھانے کا فیصلہ کیا گیا ہے جبکہ کورونا کے بعد اب عالمی سطح پر اس کی مانگ میں زبردست اضافہ ہوا ہے۔ اس فیصلے کے بعد بین الاقوامی مارکیٹ میں خام تیل میں زبردست تیزی نظر آئی۔ گزشتہ روز امریکی مارکیٹ میں کاروبار بند ہونے پر برینٹ کروڈ 2.28 ڈالر فی بیرل اضافے کے ساتھ 81.26 ڈالر فی بیرل اور امریکی کروڈ 2.07 ڈالر کے اضافے کے ساتھ 77.62 ڈالر فی بیرل رہا

بریکنگ نیوزپرینکا گاندھی کو حراست میں لینے کی وجہ نہیں بتائی

بریکنگ نیوزپرینکا گاندھی کو حراست میں لینے کی وجہ نہیں بتائی

اترپردیش کے سیتا پور میں پی اے سی بٹالین کے گیسٹ ہاوس میں پولیس حراست میں کانگریس کی جنرل سکریٹری پرینکا گاندھی واڈرا کا الزام ہے کہ ان کے وکلا کو کئی گھنٹے بعد بھی ان سے ملاقات کرنے نہیں دیا گیا ہے۔ یہی نہیں انتظامیہ نے انہیں حراست میں لینے کی کوئی قانونی وجہ بھی اب تک نہیں بتائی ہے۔

سیتا پور کے پی اے سی سیکنڈ کور کمپلکس میں حراست میں رکھی گئیں محترمہ واڈرا کو ہر گاوں میں پیر کو صبح ساڑھے چار بجے حراست میں لیا گیا تھا۔ قانونی طورپر کسی کو 24گھنٹے سے زیادہ حراست میں نہیں رکھا جاسکتا لیکن انتظامیہ آگے کے منصوبہ پر منہ نہیں کھول رہی ہیں۔

انہوں نے کہاکہ وہ حراست سے رہا ہوتے ہی لکھیم پور کھیری جاکر شہید کسانوں کے کنبوں سے ملاقات کریں گی۔ انہوں نے یہ بھی کہا کہ اگر انتظامیہ کو کسی طرح کا اندیشہ ہے تو اپنی نگرانی میں انکے سمیت چار لوگوں کے کانگریسی وفد کو رشتہ داروں سے ملانے کے لئے لے جائے لیکن انتظامی افسر بار بار 'اوپر کا آدیش' یا 'اوپر سے پوچھ کربتاتے ہیں' جیسی بات کرکے ٹال رہے ہیں۔

پارٹی کا الزام ہے کہ ضلع انتظامیہ کانگریس کی جنرل سکریٹری کے ساتھ مسلسل بدسلوکی کررہی ہے۔ انتظامیہ نے محترمہ واڈرا کو ایک دھول بھرے کمرے میں رکھا تھا جسے انہوں نے خودجھاڑو لگاکر صاف کیا۔ ا س کا ویڈیو وائرل ہو ا تو انتظامیہ نے ایسا موقف اختیار کیا جیسے کہ ویڈیو بنانے سے کوئی جرم ہوا ہے۔ انتطامیہ کی طرف سے کہا گیا ہے کہ اب پرینکا کے کمرے میں دو پولیس والے بیٹھ کر نگرانی کریں گے۔ ایسی قابل اعتراض بات پر سخت ردعمل ہوا تو وہ بیک فٹ پر آیا۔

پارٹی کے ذرائع نے بتایا کہ محترمہ واڈرا کے ساتھ ریاستی صدر اجے کمار للو، قومی سکریٹری دھیرج گرجر، یوتھ کانگریس کے قومی صدر بی وی شری نواس، ایم ایل سی دیپک سنگھ بھی حراست میں ہیں۔باہرہزاروں کانگریسی کارکن اور پارٹی کے تمام سینئر لیڈر موجود ہیں۔ شام کو شہید کسانوں کو خراج عقیدت دینے کے لئے خاموشی بھی اختیار کی گئی۔

پرینکا کا ستیہ گرہ کسانوں کو انصاف دلانے کے لئے

پارٹی میں میڈیا محکمہ کے چیرمین اور سابق وزیر نسیم الدین صدیقی نے کہاکہ محترمہ واڈرا کو حراست میں رکھنا ظاہر کرتا ہے کہ یوگی حکومت میں سچ بولنا، سوال پوچھنے اور کسی کے دکھ میں کھڑا ہونا منع ہے۔ ایسا لگتا ہے کہ یوگی حکومت کی آنکھوں میں موتیابند ہوگیا ہے۔ بی جے پی حکومت کسانوں سے نفر ت کرتی ہے۔ محترمہ پرینکا گاندھی انصاف اور جمہوریت کی حفاظت کے لئے کسانوں کے ساتھ کھڑی ہوکر کسانوں کے لئے انصاف مانگ رہی ہیں۔ کانگریس یوگی حکومت کی بے رحمی اور ظلم سے خوفزدہ نہیں ہونے والی۔

سابق وزیر بھارتیہ جنتا پارٹی حکومت پر حملہ کرتے ہوئے کہا کہ ہماری لیڈر کے ساتھ جس طرح پولیس نے بدسلوکی کی اس کا جواب کانگریس پرامن طریقہ سے دے گی۔ کسانوں پر گاڑی چڑھانے والے نامزد قصورواروں کی فوری گرفتاری کے ساتھ محترمہ واڈرا کو شہید کسان کنبوں کے دکھ میں شامل ہونے اور زخمیوں سے ملاقات کرنے کی یوگی حکومت فوری طورپر اجازت دے نہیں تو پرینکا جی کی قیادت میں جھوٹ کے اصرار کے خلاف ستیہ گرہ جاری رہے گا۔

بریکنگ نیوزسعودی عرب:چھیڑ خانی پر 5 سال قید اور3 لاکھ ریال جرمانے کی سزا

نئی سزا

• 
  
 
•   
 
•   
  

 

جدہ: سعودی پبلک پراسیکیوشن نے کہا ہے کہ چھیڑ خانی پر 5 سال قید اور3 لاکھ ریال جرمانے کی سزا مقرر ہے۔سبق ویب سائٹ کے مطابق پبلک پراسیکیوشن نے کہا ہے کہ ’چھیڑ خانی کے شکار ہونے والے افراد کو چاہئے کہ وہ متعلقہ اداروں کو مطلع کریں۔

 چھیڑ خانی کے شکار ہونے والی خواتین کو یہ حق ہرگز نہیں پہنچتا کہ وہ اپنے قانونی حق سے دستبردار ہوجائیں۔

 ایسا کرنے پر وہ چھیڑ خانی کرنے والے کو خلاف ورزی کرنے کی پر شہ دے رہی ہیں۔

 ادارے نے کہا ہے کہ ’ایسا ہر وہ شخص بھی چھیڑ خانی کی سزا کا مستحق ہوگا جس نے اس کی ترغیب دی یا مدد کی یا اس چھیڑ نے والی کی کسی طرح سے بھی مدد کی ہے۔ ادارے نے کہا ہے کہ ’معاشرے سے اس منفی رویئے کو ختم کرنے کے لیے تمام افراد کو مل کر تعاون کرنا چاہئے۔

بریکنگ نیوزیوپی ایس سی امتحان کی تیاری ہمت و استقلال سے کریں: ایس وائی قریشی

یوپی ایس سی

• 
  
 
•   
 
•   
  

 

 ملک اصغر ہاشمی / نئی دہلی

ہندوستان کے سابق چیف الیکشن کمشنر ایس وائی قریشی یوپی ایس سی(UPSC 2020) میں گزشتہ سال کے مقابلے میں مسلمانوں کی کارکردگی میں کمی سے مایوس نہیں ہیں۔

انہوں نے کہا کہ یہ ہوتا رہتا ہے۔ مسلمانوں کی کارکردگی کسی سال اوپر جاتی ہے اور کسی سال نیچے جاتی ہے۔ ایسی صورتحال میں کسی کو ہار نہیں ماننی چاہیے۔ اور تندہی اور محنت سے تیاری کرنی چاہیے۔

ایس وائی قریشی نے یہ باتیں اس بار ملک کے سب سے معزز یو پی ایس سی امتحان میں مسلم نوجوانوں کی کارکردگی میں کمی پر اظہار خیال کرتے ہوئے کہی۔

پچھلے سال 45 مسلم امیدواروں نے یو پی ایس سی امتحان میں کامیابی کا جھنڈا بلند کیا تھا۔ اس بار یہ تعداد کم ہو کر 29 ہو گئی ہے۔ حالانکہ اس بار نشستوں کی تعداد پچھلے سال سے کم تھی۔

یو پی ایس سی میں مسلمانوں کی کارکردگی پر آواز دی آواز سے گفتگو کرتے ہوئے سینئر آئی اے ایس(IAS) اور سابق چیف الیکشن کمشنر ایس وائی قریشی نے کہا کہ امتحان میں کارکردگی کے بارے میں دل کو چھوٹا کرنے کی ضرورت نہیں ہے۔ کوئی ایک ہی وقت میں بہتر کر پاتا ہے۔ اگر کوئی ناکام ہوتا ہے تو وہ دوسری تیاریوں میں مصروف ہو جاتا ہے۔ اس طرح لوگ اچھا کرتے ہیں۔ شبھم کمار کی مثال بالکل تازہ ہے۔

انہوں نے کہا کہ یو پی ایس سی میں بیٹھنے کے 6 مواقع ہیں۔ اس لیے تیاریوں میں کبھی کوئی ہچکچاہٹ نہیں ہونی چاہیے۔ انہوں نے کہا کہ ایسی سینکڑوں مثالیں مل جائیں گی جو کئی کوششوں کے بعد کامیاب رہی ہیں۔ اگر کسی کو اچھا رینک نہیں ملتا ہے تو وہ مزید تیاری کے ساتھ دوبارہ امتحان میں بیٹھ جاتے ہیں۔ اسی لیے میں پھر کہہ رہا ہوں کہ امتحان کی تیاریوں میں کبھی کوتاہی نہیں ہونی چاہیے۔

یہ پوچھے جانے پر کہ یو پی ایس سی کی تیاری کرنے والے مسلم اداروں کی تعداد میں مسلسل اضافہ ہو رہا ہے۔ اس کے مطابق ، ہر سال امتحان کے نتائج میں بہتری ہونی چاہیے۔ لیکن ایسا نہیں ہوتا۔ کامیاب امیدواروں کی تعداد بعض اوقات بڑھتی اور کم ہوتی ہے۔ ایسا کیوں؟

اس پر قریشی نے کہا کہ نشستوں کی تعداد کے مطابق کامیاب امیدواروں کی تعداد بھی دیکھنی ہوگی۔ جہاں تک فیصد کا تعلق ہے ، کارکردگی بہتر ہو رہی ہے۔ اس بار بھی تقریباً چار فیصد مسلم بچے یو پی ایس سی میں کامیاب ہوئے ہیں۔

اس کے ساتھ ، انہوں نے یو پی ایس سی کی تیاری اور تیاری کرانے والے اداروں کو تجویز دی کہ انہیں اپنے نصاب میں کچھ اور تبدیلیاں لانی ہوں گی۔ اداروں کی حوصلہ افزائی کی بھی ضرورت ہے۔ یہ معاشرے کا کام ہے۔

اس کے ساتھ ہی ایس وائی قریشی نے یو پی ایس سی کی تیاری کرنے والے افراد اور تیاری کرانے والےاداروں کو کئی مشورے بھی دیے ہیں۔

انہوں نے کہا کہ انہیں اپنی کوششوں اور تیاریوں میں بھی اضافہ کرنا چاہیے کیونکہ اگر کوئی یو پی ایس سی میں کامیاب نہیں ہوتا ہے تو یہ تیاری دیگر مسابقتی امتحانات میں کارآمد ثابت ہوسکتی ہے۔ اس تیاری کی وجہ سے وہ کہیں اور بھی کلاس ون آفیسر بن سکتے ہیں۔ اس کے لیے اپنا جذبہ برقرار رکھیں۔

کامیاب مسلم امیدوار اور درجہ بندی۔

1. 23 صدف چوہدری۔

2. 58 فیضان احمد۔

3. 125 منظر حسین انجم۔

4. 129 شاہد احمد

142.5شہنشاہ کے ایس

6. 203 محمد عاقب

7. 217 شہناز اول۔

8. 225 وسیم احمد بھٹ

9. 234 بشریٰ بانو

10. 256 ریشما اے ایل

11. 270 محمد حارث سیمر۔

12. 282 التمش غازی۔

13. 283 احمد حسن الزمان چودھری۔

14. 316 سارہ اشرف۔

15. 389 محب اللہ انصاری۔

16. 423 زیبا خان۔

17. 447 فیصل راجہ۔

18. 450 ایس محمد یعقوب۔

19. 478 ریحان کھتری۔

20. 493 محمد جاوید اے۔

21. 545 الطاف محمد شیخ۔

22. 558 خان عاصم کفایت خان۔

23. 569 سید زاہد علی۔

24. شاکر احمد اے۔

25. 589 محمد رضوان آئی۔

26. 597 محمد شاہد۔

27. 611 اقبال رسول ڈار۔

28. 625 عامر بشیر۔

29. 739 ماجد اقبال خان

جامعہ کوچنگ کے 20 کامیاب طلباء

دہلی کے جامعہ ملیہ اسلامیہ کوچنگ سنٹر سے 20 امیدوار اس سال سول سروسز 2020 کے امتحان میں کامیاب ہوئے ہیں۔ ان میں مسلم طلبہ کے ساتھ ساتھ کچھ غیر مسلم طلباء بھی شامل ہیں۔

کامیاب امیدواروں کی تفصیل

 یوپی ایس سی 2020 کے امتحان میں کل 761 امیدوار کامیاب ہوئے جن میں سے 545 مرد اور 216 خواتین ہیں۔

یو پی ایس سی ہر سال تین مراحل میں سول سروسز کے امتحانات لیتا ہے جس میں ابتدائی امتحان ، اہم امتحان اور انٹرویوز شامل ہیں۔

ان امتحانات کے ذریعے امیدواروں کو مختلف دیگر خدمات کے لیے منتخب کیا جاتا ہے جن میں انڈین ایڈمنسٹریٹو سروس (IAS) ، انڈین فارن سروس (IFS) اور انڈین پولیس سروس (IPS) شامل ہیں۔

یوپی ایس سی میں مسلمانوں کا تناسب

ملک کے ممتاز یونین پبلک سروس کمیشن (UPSC) کے امتحان میں مسلم کمیونٹی کی شرکت کبھی ایک جیسی نہیں رہتی۔ کبھی اس کمیونٹی کے نوجوان بڑی تعداد میں کامیاب ہوتے ہیں اور کبھی ان کی کامیابی کا گراف نیچے چلا جاتا ہے۔

پچھلے سال یو پی ایس سی میں 45 مسلمان کامیاب ہوئے۔ اس بار یہ تعداد 35 کے قریب ہے۔ پچھلے سال ، جامعہ ملیہ اسلامیہ کی رہائشی کوچنگ اکیڈمی سے 30 اور ہمدرد رہائشی کوچنگ اکیڈمی سے سات نے یو پی ایس سی میں کوالیفائی کیا تھا۔ ان میں سے 27 کو زکوٰ فاؤنڈیشن نے مالی مدد فراہم کی۔سول سروسز امتحان 2019 میں 829 امیدواروں کو منتخب کیا گیا جن میں سے 45 مسلمان تھے۔ دس سال پہلے 2010 میں ، 791 کامیاب امیدواروں میں سے 31 مسلمان تھے۔ اس کے ساتھ ساتھ 2011 میں صرف 21 امیدوار کامیاب ہوئے جبکہ 2016 میں 50 اور 2017 میں 52 امیدوار کامیاب ہوئے۔ فیصد کے اعتبار سے اگر دیکھا جائے تو گذشتہ دس برسوں میں 2019 میں مسلم امیدواروں اس میں زیادہ سب سے زیادہ کامیابی ملی۔2019 میں کامیابی کا تناسب 5.4 تھا۔ بہترین ریکارڈ 2017 کا تھا، جب کہ 990 میں 52 مسلم امیدوار کامیاب ہوئے اور شرکت 5.3 فیصد رہی۔

بریکنگ نیوزمہاراشٹر : دیہات میں پانچویں اور شہروں میں آٹھویں جماعت سے کھلیںگے اسکول

 بریکنگ نیوزمہاراشٹر : دیہات میں پانچویں اور شہروں میں آٹھویں جماعت سے کھلیںگے اسکول

ممبئی ،04 ؍اکتوبر (اردو دنیا نیوز۷۲ )
ملک میں کورونا کے کیسز میں کمی کے بعد اسکول دوبارہ کھلنا شروع ہوگیا ہے۔ ممبئی سمیت مہاراشٹر میں اسکول آج سے شروع ہو رہے ہیں۔ شہروں میں 8 ویں سے 12 ویں جماعت اور دیہی علاقوں میں 5 ویں سے 12 ویں کلاسیں شروع کی جا رہی ہیں۔ اسکولوں کے لیے حکومت کی طرف سے جاری کورونا سے متعلق تمام پروٹوکول پر عمل کرنا لازمی ہوگا۔ جس میں بہت سی چیزیں شامل ہیں بشمول سماجی دوری ، سینیٹائزیشن اور ہر وقت ماسک پہننا۔بی ایم سی کی طرف سے خصوصی تیاریاں بھی کی گئی ہیں۔ بی ایم سی کے ٹیچنگ آفیسر راجو تڑوی نے کہا کہ بی ایم سی کے اسکول شروع ہونے سے پہلے مکمل طور پر سینیٹائز کیا گیا ہے، بچوں کو ماسک دئیے جا رہے ہیں ، سماجی فاصلے کا خیال رکھا جا رہا ہے۔ انہوں نے کہا بی ایم سی میں آٹھ سے دسویں جماعت میں 67ہزاروں بچے پڑھتے ہیں ، جن میں سے 38 ہزار بچوں کے والدین نے پہلے دن منظوری دے دی ہے۔ انہوں نے کہا کہ آن لائن تعلیم ان بچوں کے لیے جاری رہے گی جن کے والدین نے منظوری نہیں دی ہے۔ اساتذہ کو ٹیکہ لگایا گیا ہے ، جنہوں نے ابھی تک نہیں لگوایا ہے ان سے آرٹی پی سی آر ٹیسٹ کروانے کو کہا گیا ہے۔ انہوں کہا کہ اسکول 3 گھنٹے کا ہوگا اور ٹفن کھانے کی اجازت نہیں ہے۔ اس کے علاوہ ایک کلاس میں صرف 20 سے 25 طلباء ہوں گے اور ایک بینچ پر ایک ہی طالب علم بیٹھے گا۔

بریکنگ نیوزٹی 20 ورلڈ کپ: ’پاکستان بمقابلہ انڈیا میچ کے ٹکٹ ایک گھنٹے میں ختم‘ اکتوبر 5, 2021

ٹی 20 ورلڈ کپ: ’پاکستان بمقابلہ انڈیا میچ کے ٹکٹ ایک گھنٹے میں ختم‘

 اکتوبر 5, 2021

شائقین کرکٹ اپنے پسندیدہ کھیل کو لائیو دیکھنے کا کوئی موقع ضائع نہیں جانے دیتے ایسے میں معاملہ ٹی 20 کرکٹ کا ہو تو شائقین مذید کوشش کر کے ٹکٹ حاصل کرنے اور گراؤنڈ پہنچنے کو یقینی بناتے ہیں۔کچھ ایسا ہی معاملہ ٹی 20 کرکٹ ورلڈ کپ کے میچوں کے ٹکٹوں کی فروخت شروع کرنے کے بعد دیکھنے میں آیا جب پاکستان اور انڈیا کے درمیان ہونے والے میچ کے ٹکٹ ابتدائی چند منٹوں میں ہی فروخت ہو گئے۔

چند روز بعد شروع ہونے والے ٹی ٹوئنٹی ورلڈ کپ میں سخت حریف تسلیم کیے جانے والے پاکستان اور انڈیا کے درمیان میچ 24 اکتوبر کو کھیلا جائے گا۔ٹی 20 ورلڈ کپ کے میچوں کے ٹکٹ فروخت ہونے اور ٹکٹوں کے حصول میں کامیاب ہونے والوں نے اپنی خوشی کے اظہار کے لیے سوشل ٹائم لائنز کا رخ کیا تو بھرپور طریقے سے اپنے جذبات کا اظہار بھی کیا۔

پاکستان اور انڈیا میچ کے ٹکٹوں کی فوری فروخت کا ذکر ہوا تو کچھ صارفین نے یہ اطلاع بھی دی کہ ورلڈ کپ کے 69 ہزار اور ایک لاکھ 20 ہزار روپے مالیت کے سب سے مہنگے ٹکٹ بھی اوپننگ کے کچھ ہی دیر بعد فروخت ہو گئے۔پاکستان اور انڈیا کے میچ کے ٹکٹ ہی نہیں، دونوں ٹیموں کے درمیان ہونے والے مقابلے کے لیے بھی شائقین نے ابھی سے اندازے قائم کرنا شروع کر دیے ہیں۔

مختلف صارفین جہاں 2007 اور 2009 ورلڈ کپ کی فاتح پاکستان اور انڈین ٹیموں اور مختلف کھلاڑیوں سے متعلق یادیں تازہ کرتے رہے وہیں کچھ ایسے بھی تھے جو موجودہ ٹیموں میں شامل کھلاڑیوں سے متعلق اپنی توقعات کا تبصروں کا حصہ بناتے رہے۔
ٹی 20 ورلڈ کپ 17 اکتوبر سے 14 نومبر تک کھیلا جائے گا۔ ورلڈ کپ انتظامیہ کی جانب سے ٹکٹوں کی آن لائن فروخت کا اعلان گزشتہ روز کیا گیا تھا۔2007 میں انڈیا کے مقابلے میں صرف پانچ رنز سے فائنل ہارنے والی پاکستانی ٹیم 2009 میں یونس خان کی قیادت میں ٹی ٹوئنٹی ورلڈ کپ کا اعزاز اپنے نام کر چکی ہے۔

بریکنگ نیوزپاکستان،بھارت سمیت دنیا بھر میں واٹس ایپ، فیس بک اور انسٹاگرام کی سروس ڈاؤن

 اکتوبر 5, 2021

• 

  
  

پاکستان اور بھارت سمیت دنیا بھر میں واٹس ایپ، فیس بک اور انسٹاگرام کی سروس متاثر ہوگئی۔ دنیا بھر میں سوشل میڈیا ایپلیکیشن کی سروس متاثر ہوئی ہیں جس سے صارفین کو مشکلات کا سامنا ہے۔

پاکستان میں بھی سوشل میڈیا صارفین کو مشکلات کا سامنا کرنا پڑ رہا ہے۔ اس حوالے سے ٹوئٹر پر سوشل میڈیا صارفین ردعمل کا اظہار کررہے ہیں۔ سوشل میڈیا صارفین کی جانب سے طنز و مزاح کا سلسلہ شروع ہوگیا ہے اور ساتھ ہی تنقید بھی کی جارہی ہے۔