نام:محمد انسقلمی نام:انس مسرور انصاریتاریخ ولادت:02 مئی 1954ء

نام:محمد انس

قلمی نام:انس مسرور انصاری

تاریخ ولادت:02 مئی 1954ء

Urduduniyanews72

وطن:قصبہ ٹانڈہ، ضلع امبیڈکر نگر-224190

والد کا نام:چودھری احمد اللہ المتوفی 1975ء

والدہ کا نام:علیم النساء المتوفی 21 نومبر 2004ء

اہلیہ:اختر جہاں

علمی و ادبی سرپرست:مولانا عبید الرحمٰن شاہ منظری

تربیت و تلمذ:شاد فیض آبادی، والی آسی لکھنوی

             شمیم فیض آبادی، ڈاکٹر احمد مبارکی ردولوی

             مولانا کبیر الدین واصف نگپوری

             ڈاکٹر احمد علی فضا بنارسی

حفظِ قرآن:استاذ الحفاظ حافظ غلام رسول شاہ 

ارادت:شیخ المشائخ حضرت مولانا ابو شحمہ شاہ

تعلیم:ایم اے (اردو)، اودھ یونیورسٹی

       منشی، کامل، مولوی، عالم، عربی فارسی بورڈ (یوپی)

        ادیب کامل، جامعہ اردو، علی گڑھ

مکمل انجیل کورس:مرکزی چرچ (مدراس)

معاش:مزدوری

صحافت:سابق ایڈیٹر پندرہ روزہ ”مبصر“ ٹانڈہ

مشاغل:مطالعۂ کتب، تصنیف و تالیف

تصانیف

۔۔۔۔۔۔

۔   (1)نور و نکہت (نعت)-1974ء

۔   (2)سنہری جالیاں (نعت)-1987ء

۔   (3)سبز گنبد (نعت)-1988ء

۔   (4)دیارِ مدینہ (نعت)-1975ء

۔   (5)تسبیح کے دانے (نعت)-2006ء

۔   (6)مخدوم سمنانی (منقبت)-1982ء

۔   (7)کرب و طرب (نظم و غزل)-1981ء

۔   (8)قطرہ قطرہ خونِ دل-2001ء

۔       (رباعیات)

۔   (9)فجر کا الاؤ (نظم و غزل)-2006ء

۔   (10)اسلام کا سماجی نظریہ-1979ء

۔   (11)ملفوظاتِ جہانگیری (تاریخ)-1980ء

۔   (12)عبدالرحیم خان خاناں-1981ء

۔         (تاریخ)

۔   (13)عرب سے یورپ تک-1987ء

۔         (تاریخ)

۔   (14)اورنگ زیب عالمگیر-1991ء

۔         (تاریخ)

۔   (15)فنِ خطوط نگاری-1992ء

۔         (تاریخ)

۔   (16)سیف اللہ خالد بن ولید

۔         (تاریخ)(تاریخ)-1995ء

۔   (17)رسول اللہ کی تلوار-1995ء

۔         (تاریخ)

۔   (18)کمسن مجاہد (تاریخ)-1995ء

۔   (19)صلاح الدین ایوبی-1996ء

۔         (تاریخ)

۔   (20)اسلام کی تاریخی کہانیاں-1991ء

۔         (تاریخ)

۔   (21)صلوٰۃ التسبیح(فاطمہ کی نماز)

۔         1996ء

۔   (22)خواجہ حسن بصری (سوانح)-1992ء

۔   (23)ہاتھیوں کی لڑائی-1991ء

۔         (ادبِ اطفال)

۔   (24)سونے کا باغ-1988ء

۔         (ادبِ اطفال)

۔   (25)ایک تھی رانی-1990ء

۔         (ادبِ اطفال)

۔   (26)مولا بخش ہاتھی-1990ء

۔         (ادبِ اطفال)

۔   (27)انسانی دماغ ، کمپیوٹر اور تعلیم

۔         (ادبِ اطفال)-2022ء

۔   (28)آدرش بال پوتھی (ہندی)-1995ء

۔   (29)ننھے بچے کے من کے سچے

۔         (نظمیں)-2015ء

۔   (30)دوپہر کی دھوپ (نظمیں)-2015ء

۔   (32)دھوپ اور سائبان (مضامین)-2021ء

۔   (33)عکس اور امکان (مضامین)-2022ء

۔   (34)ادراک اور وجدان-(مضامین)-غیرمطبوعہ

۔   (35)عطر کے داغ-رباعیات و قطعات

۔   (36)دیوان نسیم میسوری-(تحقیق و تدوین)

۔         (غیرمطبوعہ)

۔   (37)اردو تنقید کا معیار-(جائزہ و تجزیہ)

۔         (غیرمطبوعہ)

۔   (38)کربلا کے مسافر (مثنوی)-غیرمطبوعہ

۔   (39)مجروح سلطان پوری-2001ء

۔         (انتخابِ کلام)

۔   (40)شکیب جلالی-2001ء

۔         (انتخابِ کلام)

۔   (41)بشیر بدر-2001ء

۔         (انتخابِ کلام)

۔   (42)پروین شاکر-2001ء

۔         (انتخابِ کلام)

۔   (43)نازش پرتاب گڈھی-2001ء

۔         (انتخابِ کلام)

۔   (44)شہر یار-2001ء

۔         (انتخابِ کلام)

۔   (45)مجاز لکھنوی-2001ء

۔         (انتخابِ کلام)

۔   (46)شاداب احسانی (کراچی)-2001ء

۔         (انتخابِ کلام)

۔   (47)انس مسرور انصاری-2001ء

۔         (انتخابِ کلام)

۔   (48)علامہ حماقت بیگ-2001ء

۔         (انتخابِ کلام)

۔   (49)تکیہ و رومال کے اشعار-1990ء

۔         (اردو، ہندی)

۔   (50)خط کے اشعار-1990ء

۔         (اردو، ہندی)

۔   (51)ہنسی کا فوراہ-1995ء

۔   (52)ہنستے رہیے-1996ء

۔   (53)قہقے در قہقے-1997ء

۔   (54)مسکراتے رہیے-1999ء

۔   (55)قہقہوں کا طوفان-2000ء

انجینیر محمد فخرالہدی پوری سادگی کے ساتھ رشتہء ازدواج میں منسلک

انجینیر محمد فخرالہدی پوری سادگی کے ساتھ رشتہء ازدواج میں منسلک

Urduduniyanews72

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

امیر شریعت ، نایب امیر شریعت ،امتیاز احمد کریمی ، قاری صہیب ،نواز دیوبندی وغیرہ نے مبارکباد دی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

(مظفر پور ٢٦ اپریل۔ نمائندہ) امارت شرعیہ بہار اڈیشہ و جھار کھنڈ کے نایب ناظم ، اردو میڈیا فورم اور کاروان ادب کے صدر مفتی محمد ثناءالہدی قاسمی کے تیسرے صاحب زادہ انجینیر محمد فخرالہدی پوری سادگی کے ساتھ رشتہء ازدواج میں منسلک ہو گئے ۔نکاح کا انعقاد بھوانی پور مسجد موتی ہاری مشرقی چمپارن میں بعد نماز ظہر قاری جلال الدین صاحب امام جامع مسجد موتی ہاری کی صاحبزادی ذکری کوثر سے ہوا۔جس میں مفتی صاحب کے ساتھ گھر کے چند لوگ شریک ہوئے ۔اس موقع سے امیر شریعت مولانا احمد ولی فیصل رحمانی ، نایب امیر شریعت مولانا محمد شمشاد رحمانی ،مسلم مجلس مشاورت کے انوار الھدیٰ ، قاری صہیب ایم ایل سی، ڈاکٹر نواز دیوبندی ،ڈاکٹر امام اعظم مانو ریجنل ڈایریکٹر کولکاتہ ،مولانا محمد مظاہر عالم ،حاجی عارف انصاری خیرآباد ،سابق وزیر برشن پٹیل،ڈاکٹر مظاہر حسین  یوکے ،محمد زبیر دربھنگہ، مولانا ابوالکلام قاسمی شمشی، اعظم ایڈووکیٹ وغیرہ نے مفتی صاحب اور صاحب زادہ کو مبا رک باد پیش کی۔ دوسرے دن ولیمہ کی تقریب میں مفتی صاحب کے اعز و اقارب  ، معتقدین متوسلین کے ساتھ علم و ادب کی نامور شخصیات نے شرکت کی ۔ جن میں امتیاز احمد کریمی،  پروفیسر فاروق احمد صدیقی سابق صدر شعبہ اردو بہار یونی ورسٹی مظفر پور  ،  مولانا محمد انوار اللہ فلک بانی و مہتمم ادارہ سبیل الشریعہ آوا پور، قاری ایاز احمد جامعہ مدنیہ سبل پور ، مولانا حسین احمد ناصر ی، مفتی سلیم احمد ناصری ، اردو ایکشن کمیٹی کے انوار الحسن وسطوی ، ماسٹر عظیم الدین انصاری ، اردو ٹیچرس ایسوسی ایشن کے ڈاکٹر ذاکر حسین ، مولانا صدر عالم  ندوی ،  دارالعلوم سبیل السلام حیدر آباد کے مولانا سراج الہدی ند وی ازہری، اردو کونسل کے اسلم جاوداں ،امارت شرعیہ کے مولانا عادل فریدی ، تاثیر کے نمایندہ اسلم رحمانی ، ایس آر میڈیا کے بانی و ایڈمن قمر اعظم صدیقی ، العزیز  میڈیا کے بانی و ایڈمن عبد الرحیم بڑھولیاوی ، ڈاکٹر کامران غنی صبا نتیشور کالج مظفر پور ،  ڈاکٹر اشتیاق احمد پروفیسر صوفیہ کالج چکیا  مد رسہ حسینیہ کے مہتمم مولانا قمر عالم ندوی ،امارت شرعیہ ضلعی کمیٹی سیتامرھی کے صدر ڈاکٹر ساجد علی ،حاجی محمد نعیم ، ماسٹر انظار الحسن  عارف اقبال ای ٹی وی پٹنہ حاجی محمود عالم کلکتہ ،وغیرہ نے شرکت کی اور نو عروس جوڑے کے لیے نیک خواہشات پیش کیں۔تقریب ولیمہ عصر کے قریب بحسن و خوبی اختتام پذیر ہوا۔مہمانوں کے استقبال اور انتظا م وانصرام میں خانوادہ ھدی کے افراد اور متعلقین پیش پیش رہے۔

محترم جناب بہت ہی مسرت کے ساتھ یہ خبر شائع کی جا رہی ہے

محترم جناب بہت ہی مسرت کے ساتھ یہ خبر شائع کی  جا رہی ہے

Urduduniyanews72

حضرت مولانا محمد اقرار بیگ موضع  مبارک پور خوشہ  ضلع بجنور کی صاحبزادی مدیحہ پروین   نے دس 10, وی کلاس میں تقریباً 70 سے  کامیابی حاصل کی ہے    خوشی کے اس موقع پر   ہم اردو دنیا کے احباب مولانا کو  مبارکباد پیش کرتے ہیں وسلام

یادوں کے چراغمولانا حسین احمد قاسمی ؒ ___مفتی محمد ثناء الہدیٰ قاسمی

یادوں کے چراغ

Urduduniyanews72

مولانا حسین احمد قاسمی ؒ ___

مفتی محمد ثناء الہدیٰ قاسمی

 نائب ناظم امارت شرعیہ پھلواری شریف پٹنہ

 مدرسہ اسلامیہ قاسمیہ پریم جیور دربھنگہ کے بانی وناظم مدرسہ عارفیہ سنگرام مدھوبنی کے سابق صدر مدرس بھیرو پٹی سمستی پور اور کٹکی مسجد دربھنگہ کے سابق امام ، مولانا حافظ حسین احمد قاسمی کا 3؍ مئی 2021ء مطابق 19؍ رمضان 1442ھ بروز اتوار بوقت پانچ بجے شام دربھنگہ میڈیکل کالج اینڈ ہوسپیٹل (DMCH)میں انتقال ہو گیا ، وہ برسوں سے شوگر کے مریض تھے دو سال قبل کڈنی نے کام کرنا بند کر دیا تھا، ڈائیلاسس پر زندگی چلتی رہی ، چھ ماہ تک یہ عمل جا ری رہا ، پھر انتقال سے چار روز قبل کورونا میں مبتلا ہو گیے، اور بظاہر یہی مرض الموت ثابت ہوا، جنازہ کی نماز اسی دن بعد نماز عشا ان کے قائم کردہ مدرسہ میں مولانا امداد احمد قاسمی نے پڑھائی اور مقامی آبائی قبرستان میں تدفین عمل میں آئی، پس ماندگان میں دو صاحب زادے حافظ ومولوی معتصم باللہ، حافظ محمد انس اور چار لڑکیاں ہیں، جن میں سے دو مولانا رحمت اللہ ندوی عارفی اور مولانا عادل فریدی قاسمی کے نکاح میں ہیں، مولانا رحمت اللہ ندوی سمستی پور میں بورڈ کے مدرسہ شمس العلوم کاشی پور میں استاذ ہیں اور مولانا عادل فریدی کی خدمات امارت شرعیہ کو حاصل ہیں، والدہ کا انتقال مولانا کے گذرنے کے صرف انتیس دن  (13؍ 5؍ 2021) بعد ہوا،اہلیہ ایک سال نو ماہ پہلے ان کی زندگی میں رخت سفر باندھ چکی تھیں، مولانا امداد احمد قاسمی کو وہ روحانی بھائی تسلیم کرتے تھے، وہ  بقید حیات ہیں اور مولانا کے گھر کے ایک فرد ہی کی طرح ان کا تعامل ہے، وہ مولانا مرحوم کے ابتدائی استاذ جناب مولوی مشتاق صاحب کے صاحب زادہ ہیں، مولوی  مشتاق صاحب رشید پور کے رہنے والے تھے، پوری زندگی مولانا مرحوم کے دروازہ پر ہی بنیادی دینی تعلیم دیتے رہے، استاذ ، زادے کی حیثیت سے مولانا کے نزدیک ان کی بڑی قدر تھی، اور مولانا امداد احمد صاحب ان کے انتقال کے بعد بھی اس ربط وتعلق کو نبھا رہے ہیں۔

 مولانا حسین احمد قاسمی بن ماسٹر ظہور الحسن (ولادت 18؍ جنوری 1933- وفات 5؍ اکتوبر 1999) بن محمدنذیر (م 1934) بن محمد مہدی حسین بن اخیار علی بن امام علی کی ولادت 1964ء میں لہیریا سرائے دربھنگہ سے پورب پریم جیور گاؤں میں ہوئی، مولانا کی نانی ہال حیا گھاٹ ضلع دربھنگہ تھی، ان کے نانا چودھری صغیر احمد بن چودھری سراج الدین تھے۔

 مولانا نے ابتدائی تعلیم اپنے گاؤں کے مکتب میں جوان کے دروازہ پر ہی چلا کرتا تھا مولوی مشتاق احمد صاحب رشید پوری سے حاصل کی ، حفظ قرآن بھی انہیں سے کیا، پہلا دور مدرسہ امدادیہ میں مکمل کرنے کے بعد مدرسہ رحمانیہ سوپول دربھنگہ چلے گیے اور قاری یار محمد کی درسگاہ سے حفظ قرآن کا دور مکمل کیا ، ان کی یاد داشت بہت مضبوط تھی اور علاقہ کے ا چھے حفاظ میں آپ کا شمار ہوتا تھا، عربی دوم تک مدرسہ رحمانیہ میں پڑھنے کے بعد عربی چہارم تک مدرسہ اتحاد المسلمین باگھا کسما ر موجودہ ضلع مدھوبنی میں تعلیم پائی، یہ مدرسہ بورڈ سے منسلک ہے، اس لیے فوقانیہ کا امتحان دیا اور اچھے نمبرات سے کامیاب ہوئے، عربی پنجم وششم کی تعلیم مدرسہ اصلاحیہ نام نگر نبٹولیہ سے حاصل کیا، نیز عربی ہفتم میں دار العلوم دیو بند میں داخل ہو کر یہیں سے 1987ء میں سند فراغ حاصل کیا، ماہرین علم وفن کی صحبت نے آپ کے اندر صلاحیت اور صالحیت اور تمام تعلیمی اداروں میں نامور اساتذہ سے کسب فیض نے ان کے اندر خدمت کا جذبہ کوٹ کوٹ کر بھر دیا تھا، ان کا شمار اپنے علاقہ کے زمینی علماء میں ہوتا تھا، جن کے اثرات عام اور فیوض تام تھے، اصلاح معاشرہ اور تعلیم کی ترویج واشاعت کو انہوں نے اپنا مشن بنایا اور پوری زندگی اس میں لگادی ، فراغت کے قبل ہی 1985میں سلیمان پور، اجیار پور موجودہ ضلع سمستی پور کے ذی حیثیت اور زمیندار خاندان میں رشتہ ازدواج سے منسلک ہو گئے، آپ کے سسر میر شفیع کریم (ولادت 1926-وفات 13نومبر2013) بن عنایت کریم تھے، جن کی تیسری لڑکی رضیہ شاہین (م2اگست 2019مطابق یکم ذی الحجہ 1441ھ) آپ کے نکاح میں آئیں وہ مولانا مرحوم کے تعلیمی کاموں میں بڑی معاون تھیں، خود بھی اور اد واذکار ، تلاوت قرآن کا اہتمام تھا، اور مدرسہ اسلامیہ قاسمیہ میں قیام پذیر مہمانان رسول کی خدمت کو اپنے لیے سعادت سمجھتی تھیں، مولانا کی گرتی صحت پر ان کی وفات کا غیر معمولی اثر پڑا، اور کہنا چاہیے کہ گھریلو اعتبار سے مولانا کے دست وبازو ٹوٹ گیے۔

 دار العلوم سے فراغت کے بعد امامت سے منسلک ہوئے، دو سال تک بھیرو پٹی (سمستی پور) اور تین سال دربھنگہ شہر کی کٹکی بازار واقع جامع مسجد میں دینی خدمات پیش کیں، تعلیمی معیار کو بڑھانے کے لیے عصری علوم کا رخ کیا اور متھلا یونیورسیٹی سے بی اے کی سند حاصل کی۔

 تدریسی زندگی کا آغاز مدرسہ عارفیہ سنگرام مدھوبنی سے کیا، صدر مدرس کی حیثیت سے اپنے پانچ سالہ قیام میں مدرسہ کے تعلیمی معیار کو بلند کیا، اور انتظامی اعتبار سے مدرسہ کو استحکام بخشا، ان کا درس طلبہ میں مقبول تھا اور مہمان رسول پر ان کی شفقت مثالی تھی، اپنی سادگی ، تقویٰ شعاری، خلوص وللہیت اور کام کی لگن کی وجہ سے وہ عوام وخواص کے منظور نظر رہے، مدرسہ کی مالیات کو مضبوط کیا اور مدرسہ عارفیہ کی مغربی عمارت کو دو منزلہ کرایا، 1999میں انہوں نے اکابر کے مشورے سے پریم جیور میں مدرسہ اسلامیہ قاسمیہ کے نام سے ایک مدرسہ کی بنیاد ڈالی، اپنی زمین مدرسہ کو دیا، اور جلد ہی اپنی محنت سے انگریزی سے مرعوب لوگوں کے درمیان دینی تعلیم کا مزاج بنانے میں کامیاب ہوئے، شہری حلقوں سے طلبہ کا رجوع مولانا کے مدرسہ کی طرف ہونے لگا، یہ اپنے میں بڑی بات تھی، مولانا خود تو لگے ہی رہتے ، مولانا کی اہلیہ بھی اس کام میں ان کی بڑی ممد ومعاون رہیں، جس کی وجہ سے مدرسہ کا کام تیزی سے آگے بڑھتا رہا ، مولانا نے مدرسہ کی تعمیر وترقی کی طرف توجہ دی، الحمد للہ آج مدرسہ کی عمارت اور مسجد کی تکمیل ہو چکی ہے اور مدرسہ کا نظام حسب سابق جاری ہے۔

مولانا سے میری ملاقات قدیم تھی کئی جلسوں میں ایک ساتھ شرکت ہو چکی تھی، وہ مجھ سے محبت کرتے تھے، لیکن گفت وشنید میں میرا خیال رکھتے، اس لیے میں ان سے کبھی بے تکلف نہیں ہو سکا، میری مشغولیت ان کے گاؤں اور مدرسہ میں جانے سے مانع ہوئی، مولانا رحمت اللہ ندوی عارفی کی تقریب نکاح مین شریک ہوا تھا، ان کی زندگی میں پھر دو بارہ ان کے گاؤں جانا نہیں ہوا، ان کے رفیق خاص، ہم دم وہمراز مفتی انوار احمد قاسمی ناظم مدرسہ عارفیہ سنگرام ہیں، ان کے مدرسہ کے جلسوں میں مہمان خصوصی وہی ہوا کرتے ، وہ روایتی جلسوں کے مخالف تھے، جس میں کئی کئی مقرر اور نعت خواں بلائے جاتے ہیں، وہ ایک دو مقرر کو بلا تے او رتاریخ بدلنے کے پہلے جلسہ ختم کر دیتے، ہر سال اس موقع سے دس بارہ حفاظ کی دستار بندی بھی ہوا کرتی۔ امسال گیارہ مارچ کو پہلا موقع تھا کہ ان کے مدرسہ کے جلسہ میں حاضری کی سعادت پائی، مدرسہ دیکھ کر اندازہ ہوا کہ ایک شخص کتنا بڑا کام کر گیا، اللہ رب العزت مولانا کی مغفرت فرمائے اور پس ماندگان کو صبر جمیل دے ۔ آمین

جامع مسجد خواجہ پورہ پٹنہ میں نماز عید الفطر صبح 07:15 میں

جامع مسجد خواجہ پورہ پٹنہ میں نماز عید الفطر صبح 07:15 میں

Urduduniyanews72

خواجہ پورہ پٹنہ مورخہ 20/اپریل( پریس ریلیز :محمد ضیاء العظیم)

جامع مسجد خواجہ پورہ پٹنہ میں مورخہ 20/اپریل بروز جمعرات 2023 بعد نماز عشاء مولانا محمد عظیم الدین رحمانی امام وخطیب جامع مسجد خواجہ پورہ پٹنہ کی سرپرستی میں ایک میٹنگ کا انعقاد کیا گیا، جس میں نماز عید الفطر کے وقت کے سلسلے میں گفتگو ہوئی ۔ مصلین نے نماز کے وقت کے تئیں اپنے موقف کا اظہار کیا، سبھوں کی باتوں کو مد نظر رکھتے ہوئے صبح 07:15 کا وقت مقرر کردیا گیا ۔

اس میٹنگ جو لوگ شریک تھے ان کی فہرست کچھ یوں ہے، انجینئر حاجی عبد الرحمن ، انجینئر ذاکر، محمد کلیم الدین، شہاب اللہ کریمی، علی محمد ، محمد عارف، سراج الحق ، شمشاد حیدر، ظفر اللہ فیروز، انجینئر اقبال، قاری ذوالفقار وغیرہ،

واضح رہے کہ خواجہ پورہ کولڈاسٹوریج جامع مسجد شہر پٹنہ کی ایک قدیم مسجد ہے، مرحوم شیخ عبد الستار وعبد الغفار دانا پوری نے اس مسجد کی بنیاد 1988/میں ڈالی تھی، اس وقت مسجد کے متولی حافظ الیاس سونوبابو سابق چیئرمین حج بھون ہیں ۔مولانا محمد عظیم الدین رحمانی تقریباً پینتیس سالوں سے امامت کے فریضے انجام دے رہے ہیں، اہلیان خواجہ پورہ بھرپور اس مسجد کی خدمات انجام دیتے ہیں، رمضان المبارک اور عید الفطر کے موقع پر اس مسجد کی رونق میں مزید اضافہ ہوجاتا ہے ۔

عید الفطر کی مناسبت سے ایک مضمون آپ موقر روزنامہ کے لیے پیش خدمت ہے۔ شائع فرماکر شکریہ کا موقع مرحمت فرمائیں۔ساجد حسین ندوی

عید الفطر کی مناسبت سے ایک مضمون آپ موقر روزنامہ کے لیے پیش خدمت ہے۔ شائع فرماکر شکریہ کا موقع مرحمت فرمائیں۔

ساجد حسین ندوی 

Urduduniyanews72

-----------------------------------------------

عید الفطرکا پیغام مسلمانان عالم کے نام
ساجد حسین ندوی
رمضان المبارک کا مہینہ گزرگیالیکن جاتے جاتے اس نے تقویٰ وطہارت ، عبادت وریاضت ، عفت وپاکدامنی، ذوق عبادت ، شوق تلاوت ، تزکیہ نفس، توبہ و استغفار، انابت الی اللہ، فکر آخرت ، معاصی ومنکرات سے اجتناب اور رضاء الہی کی جستجوکا درس دے گیا ۔ ہم نے اس ماہ سے جو درس لیا ہے وہ درس زندگی ہے ، جو کچھ عبادتوں اور نیکیوں کا اہتمام ہم نے اس مہینہ میں کیا ہے رب کی منشاء یہ ہیکہ یہی ہماری پوری زندگی بن جائے ، ہروقت تقویٰ وطہارت، عبادت وریاضت اور معاصی ومنکرات سے اجتناب ہمارا شیوہ ہوجائے، ہمارا کوئی بھی قدم حکم خداوندی اور فرمان نبی کے خلاف نہ اٹھے، ہم صحیح معنوں میں’’وماخلقت الجن والانس الا لیعبدون ‘‘ کا مصداق بن جائیں ۔ اگر ہم نے پوری زندگی رمضان کے تقاضے کی مطابق گزار لی تو یقین جانئے آخرت کی زندگی عیدکی طرح ہوگی ۔
رمضان کی تمام عنایات وبرکات کے علاوہ اللہ رب العزت نے عید کی رات کو انعام واکرام یعنی لیلۃ الجائزہ قراردیاہے ، چنانچہ ہمیں اس رات کے فضائل وبرکات سے مستفید ہونے کے لیے ویساہی اہتمام کرنا چاہیے جیساکہ ہم نے رمضان کی راتوں میں کیاتھا۔
عید الفطر اسلام کی طرف سے عطاکردہ خوشی ومسرت کے ان لمحات کانام ہے جسمیں بندہ بارگاہ ایزدی میںسجدہ ریز ہوکر اپنی خوشی کا اظہار کرتاہے۔ ساتھ ہی زبان حال سے یہ پیغام بھی دیتاجاتاہے کہ خوشی کے لمحات میں بھی حق بندی اداکرنا ہمارا طرہ امتیاز ہے جبکہ دوسرے اقوام ایسے مواقع پر نازیبا حرکات ، ناچ گانااور شراب وشباب میں مست ہوکر ہروہ اعمال کرگزرتے ہیں جو سراسر منشاء خداوندی کے خلاف ہوتاہے۔
لفظ عید عاد یعود عودا سے ماخوذ ہے جس کے معنی لوٹنے او رباربار آنے کے ہیں ۔ عید کو عید اس لیے کہاجاتاہے کہ یہ پر مسرت دن باربار لوٹ کرآتاہے اور خوشیوں اور محبتوں کا پیام لاتاہے ۔
اسلام دین فطرت ہے یہی وجہ ہے کہ اسلام ہراس عمل کو مباح قرار دیتاہے جو فطرت انسانی کے مطابق ہو ۔ اسی طرح خوشی اور مسرت انسانی فطر ت کاخاصہ ہے ، اور اسلام جائز حدود میں رہتے ہوئے انسان کو ہرطرح کی خوشیاںمنانے کی مکمل اجازت دیتاہے۔
انسان ابتدء آفرینش سے ہی خوشیوں کا متلاشی رہاہے ،لیکن خوشیاں بھی دوطرح کی ہوتی ہیں ایک تو انفرادی ، جس میں فرد سے تعلق رکھنے والے کچھ اشخاص شریک ہوکر خوشیاں منالیتے ہیں اوردوسری اجتماعی ،جس میں کسی مذہب یا علاقہ سے وابستہ افراد بحیثیت قوم شریک ہوتے ہیں اور خوشیاں مناتے ہیں ۔ اس طرح کی تقریبات جس میں کسی قوم کے افراد اجتماعی طور پر شریک ہوں اور وہ مذہبی اور ثقافتی اعتبار سے قابل تقلیدہو تو اسی کانام تہوار ہے ۔تہوار مختلف قوموں کی تہذیب ومعاشرت کا آئینہ دار ہوتے ہیں ۔ اسی طرح اسلام کے دوتہوار عید الفطر اور عیدالاضحی اسلامی تہذیب وثقافت، مزاج وحدانیت ، اصول حیات ، تاریخ وروایات اور اسلامی عقائد وتصورات کا آئینہ دار ہیں۔ اگر ہم ان تہواروں کو صحیح طورنبی کریم ﷺ کی تعلیمات کے مطابق منائیں تو اسلام کی روح اور اس کے پیغام کوسمجھنے کے لیے کافی ہے ۔
عید امت محمدیہ کو رمضان المبارک کی برکتوں اور عظمتوں کے طفیل عطاکیا گیا جس میں بندہ رمضان کے تقاضوں کو فرمان خداوندی کے مطابق گزارتاہے ،راتوں کو جاگتاہے ،رب کے سامنے عاجزی اور انکساری کا مظاہرہ کرتاہے، پل بھر کے لیے بھی رب کی نافرمانی گوارا نہیں کرتاہے، ایسے ہی بندو ں کے لیے اللہ بطور انعام عید کاتحفہ عطافرمایا ہے ،عید کی اصل خوشی انہی لوگوں کے لیے ہے۔
نعمتیں مخصوص ہیں سب متقی کے واسطے
زندگی اک اور بھی ہے آدمی کے واسطے
ہوگیا گر حق شناسا کوئی جو رمضان میں
عید لکھی ہے خدانے بس اسی کے واسطے
 عید الفطر کا اصل پیغام کو سناتے ہوئے علامہ سید ابوالحسن علی ندوی ؒ  رقمطراز ہیں۔
’’اب ضرور ت ہے کہ ہم مسلمان اپنے دین پر از سرنو قائم وپختہ ہوں ، اس دین کا ایسا مظاہرہ کریں اور دین کا ایسانمونہ دنیا والوں کے سامنے لائیں کہ دنیا کی بھی عید ہوجائے ، بہت دن سے دنیا کی عید نہیں ہوئی ہے ، دنیا حقیقی عید سے محروم ہے ، صدیوں سے دنیا کی عید نہیں ہوئی ، دنیا حقیقی عید کو ترس رہی ہے ،نہ امن ہے نہ اخلاق، نہ انسانیت ہے نہ شرافت، نہ قدر شناسی ہے نہ خدمت کا جذبہ ، نہ خداکی یادہے نہ خداکی شناخت اورنہ پہچان ہے ، کہاںکا تہوار، سارے تہوار بچوں کے سے کھیل ہیں جیسے بچوں کی کوئی ذمہ داری نہیں ، کھیلیں کودیں ، کھائیں پئیں اور خوش وخرم رہیں، کچھ فکر نہیں ، ایسی ہی دنیا کی قومیں بچوں کی طرح خوشیاں منارہی ہیں ، لیکن حقیقی خوشی نصیب نہیں ، آج دنیا کو عالمی سطح پر ایک عید کی ضرورت ہے ، وہ عید مسلمانوں کی کوشش سے ہی آسکتی ہے ۔ لیکن افسوس ہے کہ مسلمان خود اپنی عید کاشکر صحیح طریقہ پر ادانہیں کرپاتے ، اور اس کے معنی صحیح طور پر نہیں سمجھتے آپ جہاں رہیں ثابت کریں کہ آپ کوئی اور قوم ہیں ، افسوس سب ایک جیسے ہوگئے ہیں ۔ رشوت ، سود ،مال ودولت اور آرام طلبی میں سب یکساں ہیں ، حالانکہ مسلمان ایسانہیں ہوسکتا۔ تم حقیقی مسلمان بنوگے اللہ سے ڈروگے تو اللہ تمہیں شان امتیازی عطافرمائے گا، دور سے پہچانے جاؤگے۔ دیکھو مسلمان آرہاہے ۔ یہ حالت قرون اولیٰ کے مسلمانوں کی تھی جنہیں دیکھکر ملک ملک مسلمان ہوجاتاتھا‘‘
ہمیں عید کے اصل پیغام کو سمجھنا چاہیے اور اس کے مطابق اپنی زندگی کو گزارناچاہیے۔یہی عید الفطر کااصل پیغام ہے ۔
sajidhussainandwi@gmail.com

انعام کے رات و دن __مفتی محمد ثناء الہدیٰ قاسمی

انعام کے رات و دن __

Urduduniyanews72

مفتی محمد ثناء الہدیٰ قاسمی

نائب ناظم امارت شرعیہ پھلواری شریف پٹنہ 

 رحمت ومغفرت اور جہنم سے نجات کے جو چند ایام اللہ رب العزت نے ہمیں دیے تھے وہ ہم سے اب رخصت ہوا چاہتے ہیں،ابھی چند دن تو ہوئے تھے کہ ہم نے اس ماہ مبارک کا استقبال کیا تھا اور اب اس کو الوداع کہنے کو تیار بیٹھے ہیں ، خوش قسمت ہیں وہ لوگ جنہوں نے اس ماہ مبارک میں روزہ ، تراویح ، تلاوت قرآن ، ذکر واذکار ، سنن ونوافل ، تہجد واوابین کے ذریعہ اللہ کو راضی کر لیا ، اور اپنے اندر تقویٰ کی وہ صلاحیت پیدا کرنے میں کامیاب ہو گئے جو ماسٹر کی اور شاہ کلید ہے، اور جس کے پیدا ہونے سے دل کی دنیا بدلتی ہے، سوچنے کا انداز بدلتا ہے ، جینے کے طریقے بدلتے ہیں، معاشرت بدلتی ہے ، اور معیشت کا انداز بھی بدل جاتا ہے، جن لوگوں کے اندر یہ کیفیت پیدا ہو گئی ، انہوں نے روزے کے مقصد کو پالیا اور اب زندگی کے دوسرے مہینوں میں وہ اس سے فائدہ اٹھائیں گے ،ان کی زندگی میں تبدیلیاں ہوں گی ان کا ہر قدم اور ہر عمل شاہ راہ حیات پر مرضیات الٰہی اور طریقۂ نبوی کے مطابق ہوگا، خوش خبری ہے ان لوگوں کے لیے اور اصل مبارک بادی کے وہی مستحق ہیں۔

 بد قسمتی سے بہت سے لوگ اس ماہ میں بھی اللہ کے فضل ومغفرت سے محروم رہ جاتے ہیں اور شب قدر جیسی مقدس اور بابرکت رات میں بھی اس ماہ سے فائدہ نہیں اٹھا پاتے، ان میں سے بعض نے اپنی حد تک کوشش بھی کرتے ہیں، لیکن وہ بعض منکرات سے اپنے کو دور نہیں رکھ پاتے ، اس لیے محرومی ان کا مقدر بن گئی ،ان میں بعض شراب کی لت نہیں چھوڑتے ، بعض اپنے والدین کو ناراض کیے ہوتے ہیں ، بعض قطع تعلق کے مجرم اور صلہ رحمی سے گریزاں ، بعض کے دل کینہ وکدورت سے پاک نہیں رہ پائے، ان چاروں گناہ کی نحوست نے انہیں جنت کی دہلیز سے اس ماہ مبارک میں بھی دور رکھا۔

 ایسے لوگوں کے لیے بھی چند ایام بچ گئے ہیں ، راتیں طاق بھی بچی ہوئی ہیں، جس میں شب قدر کے پا لینے کا امکان ہے ، اور رب کو راضی کرنے کے لیے تو تھوڑا وقت بھی بہت ہے، نہ جانے کون سی ادا اور کون سا جملہ اسے پسند آجائے اور مالک اس کے ساتھ عفو ودر گذر کا معاملہ کر دیں ، اللہ کے نزدیک تو بخشش کے لیے یہ بھی کافی ہوگا کہ اس نے صرف اللہ کی رضا کے لیے ان منکرات کو چھوڑ دیا ،جس کی وجہ سے شب قدر میں بھی اس پر مغفرت کے دروازے بند ہو نے والے تھے۔

رمضان کے مہینے مکمل ہو گئے ، عید کا چاند نکل آیا ، تراویح کا سلسلہ بند ہوا، فرض روزے کے ایام بھی جاتے رہے ، معتکفین کے اعتکاف بھی مکمل ہو گئے ، لیکن اب بھی بہت کچھ باقی ہے ، عید کی چاند رات ہمارے یہاں لہو ولعب کے لیے مشہور ہے، شیطان آزاد ہوتے ہی پوری جلوہ سامانی کے ساتھ بندوں پر ٹوٹ پڑتا ہے، نمازی مسجد سے غائب ہونے لگتے ہیں، ہمہ شما کا کیا ذکر ، اچھے خاصے دیندار اور خواص کو بھی عموما اس رات بڑی میٹھی نیند آتی ہے اور رمضان بھر کی ریاضت کے بعد وہ اپنے کو ہلکا پھلکا محسوس کرتے ہیں ، حالاں کہ یہ رات تو اصل انعام کی رات ہے ، فرشتے اس رات کو لیلة الجائزہ کہتے ہیں، اس لیے خصوصیت سے اس رات میں عبادت کا اہتمام کرنا چاہیے ، میں نے اپنے بڑے بھائی محمد ضیاءالہدیٰ رحمانی کو دیکھا کہ وہ چاند کے اعلان کے بعد اعتکاف ختم کرتے ، بہت کم وقت کے لیے گھر آتے اور عشاءکی نماز کے بعد سے صبح تک مسجد میں الحاح وزاری ، گریہ وبکا اور دعاءمغفرت میں مشغول رہتے ، میں نے اس رات کی جیسی قدر کرتے ان کو دیکھا ویسا کوئی دوسرا شخص میری نظر سے نہیں گذرا، انہیں حضور صلی اللہ علیہ وسلم کے اس ارشاد پاک کی خبر تھی کہ جو شخص ثواب کی نیت کرکے دونوں عید کی رات جاگے اور عبادت میں مشغول رہے گا اس دن اس کا دل نہیں مرے گا، جس دن سب کے دل مرجائیں گے ، حضرت شیخ الحدیث مولانا محمد زکریا ؒ نے لکھا ہے کہ اس سے مراد فتنہ وفساد کا وقت ہے، جب لوگوں کے دلوں پر مردنی چھا جاتی ہے ، اس وقت اس کا دل زندہ رہے گا، ایک دوسرا قول یہ بھی لکھا ہے کہ ممکن ہو صور پھونکے جانے کا دن مراد ہو، کہ اس دن اس کی روح بیہوش نہ ہوگی ، ایک دوسری روایت میں ہے کہ جو شخص پانچ راتوں میں عبادت کے لیے جاگے، اس کے واسطے جنت واجب ہوجائے گی ، ان پانچ راتوں میں ایک رات عید الفطر کی ہے، حضرت امام شافعی ؒ نے ما ثبت بالسنة میں عید الفطر کی رات کو دعا کی قبولیت کی پانچ راتوں میں شمار کیا ہے ۔

 اس لیے اس رات میں دعا کا خاص اہتمام کرنا چاہئے اور اسے سو کر گذارنا نہیں چاہئے ، یہ عجیب بات ہوگی کہ اللہ اس رات کو انعام تقسیم کررہے ہوں اور بندہ بے خبری کی نیند سورہا ہو ، شکر گذاری کے جذبے، دعا کی قبولیت اور دل کے زندہ رکھنے کے لیے ضروری ہے کہ بندہ اس رات میں بھی رمضان المبارک کی رات کی طرح ہی بار گاہ خدا وندی میں اپنی مناجات پیش کرتا رہے۔

 لیلة الجائزہ یعنی انعام کی اس رات کے بعد جو دن آ رہا ہے وہ عید الفطر کا دن ہے ، اس دن اللہ کے فرشتے تمام راستوں پر پھیل جاتے ہیں اور بندوں کو عید گاہ کی طرف چلنے کے لیے آواز لگاتے ہیں، فرماتے ہیں کہ اس رب کریم کی بار گاہ میں چلو جو بہت زیادہ عطا کرنے والا اور قصوروں کو معاف کرنے والا ہے، پھر جب لوگ عیدگاہ اللہ کی کبریائی بیان کرتے ہوئے پہونچتے ہیں، تکبیر تشریق کے کلمات ان کی زبانوں پر ہوتے ہیں، اللہ خوش ہو کر فرشتوں سے پوچھتا ہے کہ ایسے مزدور کو کیا بدلہ دیا جائے جو اپنا کام پورا کرچکا ہو؟فرشتے کہتے ہیں :ان کوپوری مزدوری دے دی جائے، اللہ فرشتوں کو گواہ بنا کر اعلان کر تے ہیں ،کہ ہم نے روزے اور تراویح کے بدلے سب کو اپنی رضا ومغفرت عطا کردی ، اللہ رب العزت اس اجتماع میں ہر مانگنے والے کودیتے ہیں، آخرت کے لیے بندہ جو مانگتا ہے سب مل جاتا ہے ، دنیا کے بارے میں جو مانگتا ہے وہ اسے اپنی مصلحت اور حکمت کے مطابق دیتے ہیں، البتہ اس بات کا برملا اعلان ہوتا ہے کہ میں (اللہ) لغزشوں پر ستّاری کروں گا، اور انہیں مجرموں اور کافروں کے سامنے رسوا نہیں ہونے دوں گا ، عید کی نماز ختم ہوتی ہے، اور بندہ بخشش کا پروانہ لیے گھر لوٹ آتا ہے ، اسے اللہ کی رضا نصیب ہوجاتی ہے ، جو اصل دولت اور ایمان والوں کے لیے سرمایہ حیات ہے۔

 ہمارے بہت سارے مسلمان بھائی اس دن کی اہمیت کو بھی نہیں سمجھتے ،ہماری نئی نسل کو تو اس کا ذرا بھی احساس نہیں ہوتا، پہلے سنیما کے ٹکٹ خریدے جاتے تھے، فلم دیکھی جاتی تھی، اب تو موبائل میں فلم دیکھنے کی ایسی سہولت ہو گئی ہے کہ الامان والحفیظ ، گناہ کہیں جا کر کیا جائے اور جس طرح کیا جائے، گناہ تو گناہ ہی ہے ، اللہ تعالیٰ ہم سب کو محفوظ رکھے اور انعام کے اس رات ودن کی خوب خوب قدر کرنے کی توفیق عطا فرمائے۔