آ ج ناندیڑ شہر کے نشیبی علاقوں سے سیلاب کا پانی اترنا شروع ہوگیاہے۔جن علاقوں میں پانی دس تا بارہ فٹ تک اوپر آگیا تھا اب وہاں پر یہ پانی کافی نیچے اترگیا ہے ۔ اورراستے بھی آمد ورفت کیلئے کھل گئے ہیں ۔ قدیم شہر کے گاڑی پورہ کالا پُل کا راستہ اب آمدورفت کیلئے کھل گیا ہے جبکہ یہاں کی بستیوں میںابھی تک پانی موجودہے۔اسی طرح قدیم شہر کے دیگر علاقوں او ر کھڑکپورہ ‘سیلاب نگر میںبھی حالات میں بہتری آئی ہے ۔
ناندیڑکیلئے ایک اچھی بات یہ رہی کہ صرف ایک دن ہی موسلادھاربارش ہوئی اسکے بعد بارش کاسلسلہ تھم گیاتھا ۔ اسلئے ناندیڑمیں سیلاب کا خطرہ ٹل گیا ۔صرف بالائی حصوں سے ہی ناندیڑمیں بڑی مقدارمیں پانی پہنچا ہے جس کی وجہہ سے گوداوری ندی کی سطح آب خطرے کے نشان تک پہنچ گئی تھی۔ یادرہے کہ ناندیڑ شہر میں2005ءمیںبھیانک سیلاب آیاتھا ۔اسوقت ضلع و شہر میں کئی دنوں تک مسلسل بارش کاسلسلہ جار ی تھا
