Powered By Blogger

جمعرات, ستمبر 23, 2021

واٹس ایپ گروپ میں فرقہ وارانہ پوسٹ پر ایڈمن گرفتار

واٹس ایپ گروپ میں فرقہ وارانہ پوسٹ پر ایڈمن گرفتار

کولکاتا ، 23 ستمبر کولکاتا پولیس کی ٹیم نے میٹروپولیٹن کولکاتا کی بھوانی پور سیٹ پر ضمنی الیکشن سے قبل واٹس ایپ گروپ بنانے ، انتخابات سے متعلق فرقہ وارانہ پوسٹس کرنے اور اس میں فحش تبصرے کرنے پر ایک واٹس ایپ گروپ کے ایڈمنسٹریٹر کو گرفتار کیا ہے۔ اس کا نام پرم رائے چودھری ہے۔ وہ بنیادی طور پر بیربھوم ضلع کے نانور تھانے کے تحت گھرکل گاؤں کا رہائشی ہے۔ کولکاتا پولیس کے جوائنٹ کمشنر (کرائم) مرلیدھر شرما نے جمعرات کی صبح اس بارے میں معلومات دی۔ انہوں نے بتایا کہ بدھ کی رات دیر گئے ملزم کو گرفتار کیا گیا۔ اس کے خلاف شکایت درج کرائی گئی کہ وہ اور اس کے ساتھی واٹس ایپ گروپ میں فرقہ وارانہ پوسٹیں کر رہے ہیں۔ کولکاتا پولیس کے سائبر سیل سے شکایت موصول ہونے کے بعد ، پولیس تفتیش میں مصروف تھی اور اب اسے پکڑ لیا ہے۔ گروپ میں پوسٹ کرنے والے دیگر ارکان کو بھی گرفتار کرنے کی کوشش کی جا رہی ہے۔


بہار پولیس کی تاریخ میں پہلی بار خواجہ سرا ( ترانس جینڈر ) کانسٹیبل کی بحالی

بہار پولیس کی تاریخ میں پہلی بار خواجہ سرا ( ترانس جینڈر ) کانسٹیبل کی بحالی

بہار پولیس نے پہلی بار ایک خواجہ سرا شخص کو کانسٹیبل کے طور پر بحال کیا ہے۔خبر کے مطابق ، رچیت راج کامور ضلع میں ایس پی آفس کی خفیہ شاخ میں تعینات ہونے والے پہلے ٹرانس جینڈر کانسٹیبل بن گئے ہیں۔

رچیت راج (23) ، جو پہلے رچنا کے نام سے جانا جاتا تھا ، نے کہا کہ لڑکی کے طور پر پیدا ہونے کے باوجود اسے کبھی بھی عورتوں کے کپڑے پہننے کا احساس نہیں ہوا۔

راج نے کہا کہ''جب میں 17 سال کا تھا ، میں لڑکوں کی بجائے لڑکیوں کی طرف راغب ہوا۔ ایک ٹرانس جینڈر کی شناخت قائم کرنا انتہائی مشکل ہے۔ جب میں بازار گیا تو لوگوں نے تبصرے کیے۔ بہت سے لوگوں نے کہا کہ ایک لڑکی لڑکے کی طرح چل رہی ہے''۔

راج نے مزید کہا کہ''تمام سماجی رکاوٹوں کے باوجود ، میں نے عدالت میں ایک حلف نامہ پیش کیا تھا تاکہ ایک ٹرانس جینڈر کے طور پر پہچانا جائے۔ اپنی جسمانی شناخت کو عورت سے مرد میں تبدیل کرنا انتہائی مشکل تھا۔ میں نے بطور مرد کانسٹیبل کے عہدے کے لیے درخواست دی تھی اور میں اس سال منتخب کیا گیا ہے۔

مزید کہا کہ ''ٹرانس جینڈر پروٹیکشن ایکٹ ، 2019 کے مطابق ، کوئی بھی ٹرانس جینڈر اپنی شناخت ظاہر کر سکتا ہے۔ بہار میں ، ٹرانس جینڈر سرٹیفکیٹ لینے کی کوئی جگہ نہیں ہے۔ اس کے علاوہ ، میں اپنے تعلیمی سرٹیفکیٹ میں اپنی جسمانی شناخت تبدیل کرنے سے قاصر ہوں۔ صنفی کالم میں ، میری جنس کو سرٹیفکیٹ میں خاتون کے طور پر رکھا گیا ہے۔''

وزیر اعظم مودی کے استقبال میں کس طرح دیکھے ہندوستانی ؟ کچھ ایسا ہوا واشنگٹن پہنچنے پر والہانہ استقبال

وزیر اعظم مودی کے استقبال میں کس طرح دیکھے ہندوستانی ؟ کچھ ایسا ہوا واشنگٹن پہنچنے پر والہانہ استقبال

نئی دہلی، 23 ستمبر (انڈیا نیرٹیو)

امریکہ کے تین روزہ دورے پر روانہ ہونے والے وزیر اعظم نریندر مودی واشنگٹن پہنچ گئے ہیں۔وہاں پہنچنے کے بعد انہوں نے ٹویٹ کیا اور اپنے پرتپاک استقبال پر سب کا شکریہ ادا کیا۔ وزیر اعظم نریندر مودی کی واشنگٹن آمد پر وہاں موجودہندوستانی کمیونٹی کے لوگوں کی بڑی تعداد نے پرتپاک استقبال کیا۔

ہوائی اڈے پر وزیر اعظم نریندر مودی کے استقبال کے لیے امریکی سفیر ترنجیت سنگھ سندھو امریکی محکمہ خارجہ کے حکام کے ساتھ موجود تھے۔ اس کے ساتھ ہی ہندوستانی کمیونٹی کے لوگوں کی بڑی تعداد بھی پی ایم نریندر مودی کے دورہ امریکہ پر خوشی کا اظہار کرنے کے لیے ائیرپورٹ پر موجود تھی۔

اپنے دورے کے دوران وزیر اعظم نریندر مودی نیویارک میں اقوام متحدہ کی جنرل اسمبلی کے 76 ویں اجلاس سے خطاب کریں گے۔ اس کے ساتھ، وہ کواڈ ممالک کے رہنماؤں کے ساتھ ایک میٹنگ میں شرکت کریں گے۔ ان کے دورے میں 24 ستمبر کو وائٹ ہاؤس میں امریکی صدر جو بائیڈن کے ساتھ ان کے دوطرفہ مذاکرات شامل ہوں گے۔ وہ امریکی نائب صدر کملا ہیرس سے بھی ملاقات کریں گے۔ افغانستان کی تازہ ترین صورتحال کے بعد وزیر اعظم نریندر مودی کا دورہ امریکہ اور امریکی صدر جو بائیڈن کے ساتھ دوطرفہ مذاکرات کو بہت اہم سمجھا جاتا ہے

داعی اسلام مولانا کلیم صدیقی کا مقدمہ جمعیت علماء ہند لڑے گی : مولانا محمود مدنی

داعی اسلام مولانا کلیم صدیقی کا مقدمہ جمعیت علماء ہند لڑے گی : مولانا محمود مدنیملک کے معروف و مشہور عالم دین مولانا کلیم صدیقی جنہیں منگل کی رات پروگرام میں شرکت کے بعد واپسی پر میرٹھ سے اتر پردیش اے ٹی ایس کے خصوصی دستے نے گرفتار کر لیا تھا اور ان پر تبدیلی مذہب کرانے، دیگر ممالک سے غیر قانونی فنڈنگ، ملک گیر سطح پر مذہب اسلام کو فروغ دینے کی کوشش جیسے الزامات کے تحت معاملہ درج کرایا گیا ہے۔جمعیۃ علماء مہاراشٹر کے وکلاء لکھنؤ کی خصوصی عدالت میں حاضر ہوئے، جہاں کل مولانا کلیم صدیقی کو پیش کیا گیا، جمعیۃ کے وکلاء نے بحث کی جس کے نتیجہ میں لکھنؤ کی خصوصی عدالت نے یوپی اے ٹی ایس کو پھٹکار لگائی اور مولانا کلیم صدیقی کو 14 دن کی عدالتی تحویل میں بھیجنے کا حکم جاری کیا۔اس بات کی اطلاع کل یہاں اس مقدمہ کو قانونی امداد فراہم کرنے والی تنظیم جمعیۃ علماء مہاراشٹر کے صدر مولانا حافظ محمد ندیم صدیقی نے دی ہے ۔انہوں نے مزید بتایا کہ ملک کے معروف و مشہور عالم دین معتبر شخصیت داعی اسلام مولانا کلیم صدیقی کو ‘یوپی اے ٹی ایس’ کے ذریعہ حراست میں لیے جانے کے بعد جمعیۃ علماء مہاراشٹر نے فوری طور پر جمعیۃ علماء ہند کے صدر مولانا سید محمود اسعد مدنی سے رابطہ کرکے مولانا کلیم صدیقی کی بےجا گرفتاری اور اس سے پیدا شدہ صورت حال پر تبادلہ خیال کیا اور ان کی ہدایت کے مطابق جمعیۃ لیگل سیل کے سکریٹری سینیئر کرمنل لائر ایڈوکیٹ تہور خان پٹھان سمیت لیگل شعبہ سے تعلق رکھنے والے ملک کے مشہور ماہر قانون داں کی آن لائن میٹنگ طلب کی۔ جس میں فوری طور پر یہ فیصلہ لیا گیا کہ مولانا کلیم صدیقی کو قانونی امداد فراہم کی جائے گی، مولانا کی گرفتاری نہ صرف غیر قانونی ہے بلکہ غیر آئینی بھی ہے اور مولانا پر لگائے گئے الزامات بے بنیاد ہیں سیاسی مفادات کے حصول کے لئے انہیں سازش کے تحت پھنسانے کی کوشش کی گئی ہے اس کے خلاف بھی آواز بلند کی جائے گی

جامعہ: پروفیسر نجمہ اختر نیشنل اسٹیرنگ کمیٹی کی رکن مقرر

جامعہ: پروفیسر نجمہ اختر نیشنل اسٹیرنگ کمیٹی کی رکن مقرر

 جامعہ: پروفیسر نجمہ اختر نیشنل اسٹیرنگ کمیٹی کی رکن مقرر
جامعہ: پروفیسر نجمہ اختر نیشنل اسٹیرنگ کمیٹی کی رکن مقرر

  •  
  •   
  •  
  •   

 

اردو دنیا نیوز۷۲، نئی دہلی

وزارت تعلیم،حکومت ہند نے جامعہ ملیہ اسلامیہ کی وائس چانسلر پروفیسر نجمہ اختر کو قومی نصابی خاکہ تیار کرنے سے متعلق نیشنل اسٹیرنگ کمیٹی کا رکن مقرر کیا ہے۔

کے۔ کستوری رنگن سابق سربراہ اسرو اور خلائی سائنس داں کی صدارت میں بارہ رکنی کمیٹی چار قومی نصابی خاکہ تیار کرے گی یعنی اسکولی نظامِ تعلیم کے لیے قومی نصابی خاکہ، قومی خاکہ برائے اطفال نگہداشت و تعلیم،اساتذہ کی تعلیم و تربیت سے متعلق قومی نصاب کا خاکہ اور تعلیم بالغاں کے لیے قومی نصاب کا خاکہ۔

یہ کمیٹی نصابی اصلاحات کے متعلق قومی نصاب تعلیم 2020 کی سفارشات کو ذہن نشیں رکھتے ہوئے اسکولی نظام تعلیم، تعلیم برائے اطفال نگہداشت و تعلیم (ای سی سی ای) تربیت اساتذہ اور تعلیم بالغاں کے مختلف و متنوع پہلوؤں پر تبادلہ ئ خیالات کرے گی۔

مذکورہ چاروں شعبوں کے مختلف پہلوؤں پر قومی فوکس گروپ کی حتمی آرا پر بھی یہ کمیٹی تبادلہئ خیال کرے گی۔

مذکورہ کمیٹی قومی نصابی خاکہ کے لیے ریاستوں کی جانب سے ٹکنالوجی پلیٹ فارم پر موصول نصابی خاکوں کی اطلاعات اور معلومات کو بھی نگاہ میں رکھے گی۔ مستقبل کے لیے جملہ قومی نصابی خاکوں میں کوڈ۔19 جیسے وبائی بحران کے حالات بھی زیر بحث ہوں گے۔

جملہ شراکت داروں یعنی ریاستوں/مرکز کے زیر انتظام علاقوں نیز مجلس منتظمہ (ای سی) اور جنرل باڈی میٹنگ این سی ای آر ٹی اور مرکزی مشاورتی بورڈ برائے تعلیم(سی اے بی ای) سے موصول مشوروں کو بھی کمیٹی دھیان میں رکھ کر قومی نصابی خاکہ تیارکرے گی۔

(پریس ریلیز جامعہ)

مانو:کورسز میں آن لائن داخلوں کی 30 ستمبرآخری تاریخ

مانو:کورسز میں آن لائن داخلوں کی 30 ستمبرآخری تاریخ

مانو میں ایڈمیشن
مانو میں ایڈمیشن

  •  
  •   
  •  
  •   

 

 حیدرآباد: مولانا آزاد نیشنل اُردو یونیورسٹی میں تعلیمی سال 2021-22 میں میرٹ کی اساس پر ایم اے ، بی اے اور پیرا میڈیکل کورسز میں داخلوں کی توسیع شدہ آخری تاریخ 30 ستمبر ہے۔ لسانیات کے مختلف شعبوں، سماجی علوم، سائنسس اور کامرس میں پوسٹ گریجویشن اور انڈرگریجویشن سطح پر اردو میڈیم سے داخلے دیئے جارہے ہیں۔

پیشہ ورانہ پروگرامس میں جرنلزم، پیرامیڈیکل کورسز میڈیکل امیجنگ ٹکنالوجی اور میڈیکل لیباریٹری ٹکنالوجی کے علاوہ سوشل ورک پروگرام دستیاب ہیں۔ داخلے اور ای پراسپکٹس کے لیے یونیورسٹی ویب سائٹ http://manuu.edu.in پر لاگ ان کریں۔

پروفیسر ایم ونجا ، ڈائرکٹر نظامت داخلہ کے بموجب پوسٹ گریجویٹ پروگرامس میں اُردو، انگریزی، ہندی، عربی،مطالعات ترجمہ ،فارسی ؛ مطالعات نسواں، نظم و نسق عامہ، سیاسیات،سوشل ورک، اسلامک اسٹڈیز، تاریخ، معاشیات، سماجیات؛ صحافت و ترسیل عامہ؛ ایم کام اور ایم ایس سی (ریاضی) شامل ہیں۔

انڈر گریجویٹ بی اے، بی اے(آنرس) جے ایم سی، بی کام، بی ایس سی ؛ بیچلر آف ووکیشنل کورسس کے تحت میڈیکل امیجنگ ٹکنالوجی (ایم آئی ٹی) اور میڈیکل لیبارٹری ٹکنالوجی (ایم ایل ٹی)؛ برج (رابطہ) کورسز، لیٹرل انٹری کے تحت بی ٹیک اور پالی ٹیکنیک کورسز دستیاب ہیں۔لکھنو کیمپس میں اردو، فارسی، انگریزی اور عربی میں بی اے،ایم اے اور سری نگر کیمپس میں معاشیات، اسلامک اسٹڈیز، اردو اور انگریزی میں ایم اے کورسز دستیاب ہیں۔

جز وقتی ڈپلوما اور سرٹیفکیٹ کورسز کی توسیع شدہ آخری تاریخ 10 نومبر ہے۔ تفصیلات یا کسی وضاحت کے لیے نظامت داخلہ کو

admissionsregular@manuu.edu.in

پر ای میل کریں۔ موبائل نمبرات

9523558551, 9866802414, 6302738370, اور 9849847434

سے بھی رہنمائی حاصل کی جاسکتی ہے۔


انسان کوشش اور محنت سے اپنی تقدیر بدل سکتا ہے’عمران خان سے پاکستانی کرکٹ ٹیم کی ملاقات

پاکستان کے  وزیرِ اعظم عمران خان سے قومی کرکٹ ٹیم کی وزیر اعظم ہاؤس میں ملاقات ہوئی، ملاقات میں ڈاکٹر شہباز گل، فیصلجاوید اور چیئرمین پاکستان کرکٹ بورڈ رمیز راجا بھی شریک تھے۔وزیر اعظم نے کھلاڑیوں سے گفتگو کرتے ہوئے کہا کہ کامیابی کا راستہ سچائی اور ایمانداری کا راستہ ہے، انسان کوشش اور محنت سے اپنی تقدیر بدل سکتا ہے۔

عمران خان نے کہا کہ ایک راستہ عزت کا ہے اور دوسرا پیسے کا، آپ کو پیسے کے بت کو توڑنا ہے، ٹیم اور قوم کیلئے کھیلنا ہے، پوری قوم کی نظریں آپ پر ہیں۔وزیراعظم نے کہا کہ آپ دنیا میں پاکستان کے نمائندے و سفیر ہیں، ہمارے پاس ٹیلنٹ کی کمی نہیں، پوری دنیا پاکستانیوں کے ٹیلنٹ کو تسلیم کرتی ہے، میدان میں اتریں تو خود اعتمادی اور جیتنے کے جذبے سے اتریں۔

 

عمران خان نے کہا کہ وہ ٹیم کبھی نہیں جیتتی جو ہار سے بچنے کیلئے کھیلے، میں جب کھیلتا تھا تو ہم نے کرکٹ کو برے حالات سے نکال کر ورلڈ کپ جیتا، آپ کو جارحانہ انداز میں کھیلنا ہے، دفاعی نقطہ نظر سے کھیلنے والی ٹیم کبھی نہیں جیتتی، ہم نے ہی کرکٹ میں اٹیکنگ تیکنیک کو متعارف کروایا۔

وزیرِ اعظم نے کہا کہ ٹیم کو اعصابی طور پر مضبوط کریں، پریشر میں پریشان ہونےکی بجائے لطف اندوز ہونا سیکھیں، وکٹ لینے پر کام کریں، رن روکنا اور وکٹ لینا دو علیحدہ تکنیک ہیں۔عمران خان نے کہا کہ محنت سے ایک مضبوط ٹیم بنیں، پوری قوم کی آپ سے امیدیں وابستہ ہیں۔

اردودنیانیوز۷۲

مظفر نگر: آج تسمیہ جونیئر ہائی اسکول میں آگ سے تحفظ اور بیداری پروگرام کا انعقاد کیا گیا

مظفر نگر: آج تسمیہ جونیئر ہائی اسکول میں آگ سے تحفظ اور بیداری پروگرام کا انعقاد کیا گیا ...