گروگرام میں نماز پر منوہر لال کھٹر کا رخ سخت ، کہا ۔ کھلے میں نماز پڑھنا برداشت نہیں

گروگرام میں نماز پر منوہر لال کھٹر کا رخ سخت ، کہا ۔ کھلے میں نماز پڑھنا برداشت نہیں

گروگرام: گروگرام (Gurugram) میں اب عوامی مقامات پر نماز (Namaz in open Place) نہیں ہوگی۔ اس کے لئے احکامات پہلے ہی آچکے ہیں۔ جمعہ کے روز جمعہ کی نماز ادا کی جاتی ہے۔ اسے لے کر تین ماہ سے دونوں فریق میں تنازعہ چل رہا تھا۔ اب اسے لے کر وزیر اعلیٰ منوہر لال کھٹر (Manohar Lal Khattar) نے سخت رویہ اپنایا ہے۔ وزیر اعلیٰ منوہر لال کھٹر نے واضح الفاظ میں کہا ہے کہ 'کھلے میں نماز نہیں ہونی چاہئے۔ کوئی اگر اپنی جگہ پر نماز پڑھتا ہے، پاٹھ پڑھتا ہے، تو اس میں ہمیں کوئی پریشانی نہیں ہے۔ کھلے میں ایسے پروگرام نہیں ہونے چاہئے۔ نماز پڑھنے کی یہ روایت جو کھلے میں شروع ہوئی ہے، یہ بالکل بھی برداشت نہیں کیا جائے گا'۔ وزیر اعلیٰ منوہر لال کھٹر نے کہا کہ ہم نے جن 37 مقامات کو کھلے میں نماز کے لئے نامزد کیا تھا ان تمام مقامات کی اجازت کو منسوخ کردیا جائے گا۔ نماز کو لے کر کشیدگی نہیں ہونے دی جائے گی۔ نماز کی مخالفت نہیں کرنے پر اتفاق اس سے قبل گروگرام پولیس ڈپٹی کمشنر نے گزشتہ پیر کو کہا تھا کہ مسلم اور ہندو معاشرے کے لوگوں کی میٹنگ بلائی گئی، جس میں کئی فیصلے لئے گئے۔ اب نماز کی مخالفت نہیں ہوگی۔ اس میں طے ہوا کہ اب عوامی مقامات پر نماز نہیں ہوگی۔ جمعہ کی نماز 12 مساجد میں ہوگی۔ 6 عوامی مقامات پر نماز پڑھنے کے لئے کرایہ دینا ہوگا۔ وقف بورڈ کی زمین دستیاب ہوتے ہی 6 مقامات پر نماز بند کردی جائے گی۔ تنازعہ ہوگا ختم، فریقین میں اتفاق رائے گروگرام میں گزشتہ تین ماہ سے کھلے میں نماز پڑھنے کا معاملہ تھمتا ہوا نظر آرہا ہے۔ اب فریقین نےگروگرام کے ضلع ڈپٹی کمشنر اور پولیس افسران کے ساتھ میٹںگ کرکے آپسی رضامندی بنی ہے۔ تنازعہ والے مقام جیسے کہ سیکٹر-37، سیکٹر-47 اور سرہول گاوں میں نماز ادا کی جائے گی۔ گزشتہ پیر کو لئے گئے اس فیصلے کا مسلم برادری نے بھی استقبال کیا تھا۔ ضلع انتظامیہ اور اور جوائنٹ ہندو سنگھرش سمیتی کے اراکین کے ساتھ بنی اس رضامندی پر مسلم برادری نے ناراضگی ظاہر کی تھی۔ ساتھ ہی یہ بھی کہا تھا کہ کچھ لوگ اس طرح کی افواہیں پھیلا رہے تھے کہ گروگرام میں نماز کی مخالفت ہوتی ہے، وہ بالکل غلط ہے۔ مسلم برادری کو کبھی بھی نماز ادا کرنے کے لئے نہیں روکا گیا۔

2018 میں شروع ہوئی تھی نماز کی مخالفت

گروگرام میں سب سے پہلے کھلے میں نماز کی مخالفت سال 2018 میں شروع ہوئی تھی، لیکن اب پھر سے کھلے میں نماز کی مخالفت شروع ہوگئی ہے۔ وزیر اعلیٰ منوہر لال کھٹر کی مانیں تو کھلے میں نماز کو لے کر کہا کہ نماز یا کوئی بھی عبادت یا پوجا مذہبی مقامات پر ہی ہونی چاہئے۔ منوہر لال کھٹر نے ضلع انتظامیہ کو حکم دیئے کہ مسلم کاونسل کے ساتھ بیٹھ کر وقف بورڈ کی زمینوں پر نماز پڑھی جائے، ایسا انتظام کرنے کی کوشش کریں۔ واضح رہے کہ سال 2018 میں کھلے میں نماز کی مخالفت کے بعد ضلع انتطامیہ نے فریقین کو رضامندی کے بعد 37 مقامات پر کھلے میں نماز کی رضامندی تھی، جنہیں اب وزیر اعلیٰ کے احکامات کے بعد واپس لے لیا گیا ہے۔ کانگریس نے کہا- کھٹر حکومت مساجد کی توسیع کرنے میں مدد کرے دوسری جانب، منوہر لال کھٹر کے بیان پر کانگریس لیڈر اور مہاراشٹر سے رکن پارلیمنٹ مجید میمن نے کہا کہ وزیر اعلیٰ کھٹر کو معلوم ہونا چاہئے کہ مساجد کی تعداد بہت کم ہے اور مسلمانوں کو ایڈجسٹ کرنے کے لئے مساجد کی توسیع کی اجازت نہیں ہے۔ کھٹر حکومت کی ذمہ داری ہے کہ وہ مسلمانوں کے لئے مساجد کی توسیع کرنے میں مدد کرے۔ قومی، بین الااقوامی، جموں و کشمیر کی تازہ ترین خبروں کے علاوہ تعلیم و روزگار اور بزنس کی خبروں کے لیے نیوز18 اردو کو ٹویٹر اور فیس بک پر فالو کریں

کانپور : گود میں بچے کو لئے والد پر لاٹھی چارج ، تھانہ انچارج معطل ، ورون گاندھی برہم

کانپور : گود میں بچے کو لئے والد پر لاٹھی چارج ، تھانہ انچارج معطل ، ورون گاندھی برہم

کانپور: اتر پردیش کے کانپور دیہات سے پولیس کی بربریت کی ویڈیو منظر عام پر آئی ہے۔ اس ویڈیو میں ایک پولیس اہلکار ایک شخص پر لاٹھیاں برسا رہا ہے اور جس شخص کے ساتھ یہ شرم ناک حرکت ہوئی، اس کی گود میں بچہ رو رہا ہے۔

ایک منٹ سے بھی کم وقت کی اس ویڈیو میں دیکھا جا سکتا ہے کہ جس شخص کو مارا جا رہا تھا ہو پولیس سے بار بار اپیل کر رہا تھا کہ بچہ کے لگ جائے گی، مت مارو لیکن پولیس والا ماننے کو تیار نہیں تھا۔ سوشل میڈیا پر اس ویڈیو کے حوالہ سے یوپی پولیس پر سخت تنقید کی جا رہی ہے۔

میڈیا رپورٹ کے مطابق لاٹھی برسانے والے ایس ایچ او کو معطل کر دیا گیا ہے، تاہم پولیس تاہم پولیس نے اپنی صفائی میں کہا کہ جس شخص کو پیٹا جا رہا تھا وہ اور اس کا بھائی اسپتال میں ہنگامہ کر رہا تھا۔

بی جے پی کے رکن پارلیمنٹ ورون گاندھی نے بھی اس معاملہ میں آواز اٹھائی ہے۔ انہوں نے ٹوئٹ کر کے کہا کہ طاقتور نظام وہ ہے جہاں کمزور سے کمزور شخص کو بھی انصاف حاصل ہو سکے۔ یہ نہیں کہ انصاف مانگنے والوں کو انصاف کے بجائے اس بربریت کا سامنا کرنا پڑے، یہ کافی تکلیفدہ ہے۔ خوفزدہ سماج قانون کے راج کی مثال نہیں ہے۔ طاقتور نظام وہ ہے جہاں قانون کا خوف ہو، پولیس کا نہیں۔

پولیس نے یہ لاٹھی چارج ضلع اسپتال کے ملازمین کے احتجاجی مظاہر کے حوالہ سے کیا تھا۔ ملازمین بغل میں چل رہی کھدائی کی مخالفت کر رہے تھے کیونکہ اس کی مٹی اڑ کر پورے اسپتال میں بھر رہی تھی لیکن اس دوران بچہ لئے ہوئے والد پر پولیس نے جو کارروائی کی ہے اس پر سنگین سوال کھڑے ہو گئے ہیں۔

انتظامیہ کا الزام ہے کہ اسپتال کے ملازمین سے مریضوں کو پریشانی تھی۔ ایسے میں ان کو ہٹانا انتظامیہ اور پولیس کی ذمہ داری تھی۔ پولیس کے مطابق پہلے بات چیت کے ذریعے مظاہرین کو ہٹنے کے لئے کہا گیا تھا لیکن جب بات نہیں بنی تو لاٹھی چارج کر دیا گیا۔ اس دوران پولیس نے ضلع اسپتال ملازمین کے لیڈر رجنیش شکلا کو دوڑا دوڑا کر پیٹا اور اسے پولیس کی گاڑی میں لے گئے۔

بہار- غربت میں سب سے آگےمفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہنیتی آیوگ نے ہندوستان میں غربت کے اعداد وشمار (ایم پی آئی) جاری کیے ہیں، جانیں

بہار- غربت میں سب سے آگے

مفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ

نیتی آیوگ نے ہندوستان میں غربت کے اعداد وشمار (ایم پی آئی) جاری کیے ہیں، جس کے مطابق غربت کا تناسب بہار میں ۹۱ء ۵۱، جھارکھنڈ میں ۱۶ ئ۴۲، اتر پردیش میں ۸۹ء ۳۷، مدھیہ پردیش میں ۶۵ء ۳۶اور میگھالیہ ۶۷ء ۳۲ فی صد ہے یعنی بہار غربت میں اول نمبر پر ہے اس کے بعد چار ریاستیں سب سے زیادہ غریب ہیں، جب کہ کیرل ۷۱ئ۰ ، گوا ۷۶ئ۳، سکم ۸۲ئ۳، تامل ناڈو ۸۹ئ۴، پنجاب ۸۹ئ۵، فی صد کے ساتھ ہندوستان کے مالدار ترین ریاستوں میں شامل ہے، یعنی یہ سب سے کم غریب ریاستیں ہیں، اسکولی تعلیم ، کھانا پکانے کا ایندھن اور بجلی سے محروم آبادی کے اعتبار سے بھی بہار کی حالت سب سے خراب ہے ، حالاں کہ دعویٰ حکومتی سطح پر ہر گھر بجلی پہونچادینے کا برسوں سے کیا جا رہاہے ، سارے اضلاع کی حالت یکساں نہیں ہے ، پٹنہ، مظفر پور، گیا اور بھاگلپور نسبتاًمالدار اور امیر اضلاع کی فہرست میںہیں، جب کہ کشن گنج ، ارریہ، مدھے پورا، مشرقی چمپارن ، سوپول، جموئی، سیتامڑھی، پورنیہ ، کٹیہار اور شیوہر میں ساٹھ فی صد سے زیادہ غربت کی زندگی جی رہے ہیں، نیتی آیوگ کے نائب صدر راجیو کمار نے اس رپورٹ کے بارے میں بتایا کہ ہندوستان میں ایم پی آئی مختلف قسم کی غربت کا اندازہ لگاتا ہے، اور اس کے اسباب وعوامل سے لوگوں کو آگاہ کرتا ہے ۔ اس اعداد وشمار کی تیاری میں بارہ قسم کے احوال ومعاملات کے اعداد وشمار جمع کیے جاتے ہیں،جن میں صحت ، تعلیم معیار زندگی، پر خصوصی توجہ مرکوز رکھی جاتی ہے ، بہار کے وزیر تعلیم وجے کمار چودھری نے اس رپورٹ پر تبصرہ کرتے ہوئے کہا کہ یہ ایک غیر عملی تجزیہ ہے اور نیتی آیوگ کے ترقیات کے ناپنے کا پیمانہ ہی درست نہیں ہے ، وہ ترقی پذیر اور ترقی یافتہ ریاستوں کو ایک ہی نظر سے دیکھتا ہے، حالاں کہ جو ریاست اپنے وسائل سے ترقی کے منازل طے کر رہی ہے ، اس کو الگ خانہ میں رکھنا چاہیے، اس رپورٹ سے ایسی ریاستوں کی حوصلہ شکنی ہوتی ہے جو اپنے ہی وسائل پر ترقی کے لیے انحصار کر رہی ہیں۔

 صورت حال جو بھی ہو، حکمراں طبقہ جو کچھ ہمیں بتاتا رہا ہے اور ریاست میں ترقی کی جس تیز ہوا کا تذکرہ ہمارے سیاست داں کرتے نہیں تھکتے اس میں صداقت نہیں ہے ، نیتی آیوگ کی یہ رپورٹ تو یہی کہہ رہی ہے ۔

جمعیۃ علماء نندی پیٹ کے زیر اہتمام مسلم منڈل کمیونٹی کا قیام

جمعیۃ علماء نندی پیٹ کے زیر اہتمام مسلم منڈل کمیونٹی کا قیام

ملک کے بدلتے حالات دن بہ دن مسلمان لڑکیوں کے ارتداد اور غیرمسلموں سے عشق ومعاشقہ کے واقعات کے پیش نظر جمعیۃ علماء منڈل نندی پیٹ کے صدرحافظ عبدالرشید صاحب ودیگر ذمہ داران مفتی فیاض مولانافیروز حافظ مبین اور حافظ عمران نے سرجوڑ کر ان حالات پر اپنی گہری تشویش کا اظہارکیا اور عملی طورپر اس حوالہ سے کام کا آغاز کرتے ہوے اپنے منڈل اور اس کے تحت آنے والے تمام ہی قریہ جات ودیہاتوں کے دینی مذہبی فلاحی ورفاہی کاموں نیز اصلاح معاشرہ کے حوالہ سے فکر کرتے ہوے مسلم منڈل کمیٹی کی بنیاد ڈالی جس کے تحت ان شاء اللہ مساجد میں طلباء وطالبات کے لےء صباحی مسای مکاتب کاکام کیا جاے گا اسی طرح ہر پندری دن میں خواتین کا اجتماع منعقد کرکے دین اسلام اور اس کے احکامات سے واقف کرایا جاے گا نیز اسی کمیونٹی کے جملہ 11افراد مل کر مسلمان لڑکیوں کی بے راہ روی کو روکنے اور تعلیم نسواں سنٹرس قائم کرنے کا عزم کیا ہے

مزید مسلمان لڑکیوں کو ہنر مند بنانے کےلےء کارچوب مہندی ڈیزائن اور سلای سنٹرس کا قیام بھی عمل میں لایا جاے
آج یہاں جمع ہوے منڈل کے سماجی کارکنان مختلف تنظیموں سے تعلق رکھنے والے نوجوان اور بیس دیہاتوں کے ائمہ کرام ومساجد کے صدور نے جمع ہوکر ا س بات کا اعلان کیا کہ جو بھی ہماری قوم کا مسئلہ ہوگا اس کو پولیس اسٹیشن یا کورٹ اور عدالتوں کے بجاے اس کمیٹی کے سامنےپیش کریں ان شاء ہر ممکنہ حد تک جلد سے جلد اس کا حل نکالاجاے گا

الحمد للہ اس مشاورتی اجلاس کی صدارت مولاناسید سمیع اللہ صاحب صدرجمعیۃ علماء نے فرمای مولانااسماعیل عارفی نے اپنے خیالات کا اظہار کرتے ہوءے کہا کہ باہمی مشاورت سے ہی ہمارے مسائل حل ہوسکتے ہیں اس لےء اس کمیٹی کا تعاون کریں جناب محمد افضل الدین آرگنائزر سکریٹری نے کہا کہ موجودہ حالات کو دیکھ کر ہمیں مستقبل میں دشمنان اسلام کی جانب سے ہونے والے حالات کا اندازہ کرکے ابھی سے سد باب کرنا بہت ضروری ہے سید محمد زکریا صاحب نے کہا کہ صرف نندی پیٹ ہی نہیں ضلع نظام آباد کے کئ مواضعات میں اس طرح مسلمان بچیوں کی بے راہ روی کے واقعات رونما ہوچکے ہیں ہم اس سلسلہ میں مستقل علماء کرام کی نگرانی میں کام کررہےہیں ان حالات میں ضروری ہیکہ پورے اتحاد واتفاق اور باہمی تعاون کے ذریعہ اس ارتدادی فتنہ کی سرکوبی کی جاے مولانا عبدالقیوم شاکر القاسمی نےکہا کہ اسلام ایک بہترین مذہب ہے اس کی تعلیمات باالکل صاف ستھری ہیں ہماری ذمہ داری ہیکہ ہم اپنوں اور برادران وطن تک اس کی تعلیمات کو عام کریں دین کے ابتدای بنیادی باتوں سے ہر مسلمان بچہ اور بچی کو واقف کرانا بیت ضروری ہے اس سوسائٹی کے قیام سے ان شاء اللہ بہت کام ہوگا

جناب نصیرالدین صاحب موظف لکچرارنے مخاطب کرتے ہوے کہا کہ کوی تحریک اور تنظیم جب تک علماء کرام سے مربوط ہوکر کام نہیں کرے گی وہ۔کامیاب نہیں ہوسکتی اس لےء کہ ماضی کی تاریخ کو اٹھاکر دیکھنے سے معلوم ہوتا ہیکہ جنگ آزادی ہوں یا تحریک ریشمی رومال یا مدارس کے جال بچھانے کی تحریک اور ترک موالات ودیگر تحریکات ان سب کی کامیابی کے پیچھے علماءکرام کی قربانیاں ان کی دعائیں اور محنتیں ہیں ان شاء اللہ اس مسلم منڈل کمیٹی کے قیام سے بڑا نفع ہوگا اور علماء کرام کی قیادت سے ہم سب کو فائدہ اٹھانا چاہیے

اخیر میں صدراجلاس مولانا سید سمیع اللہ صاحب نے خطاب کرتے ہوے کہا کہ ان حالات سے ہمیں گھبرانے کی ضرورت نہیں ہے بلکہ اللہ سے اپنا تعلق مضبوط کرکے عملی اعتبارسے بیداری کا ثبوت دینا چاہیے مقامی عوام وخواص نے اپنے منڈل کی سیاسی سماجی دینی تعلیمی کیفیات کو بیان کرتے ہوےکہاکہ آپ لوگوں کی سرپرستی میں ہم ان شاء اللہ منڈل نندی پیٹ میں دینی ملی کاموں کا آغاز کرتے ہوے علاقہ کی ترقی کے لےء ہر ممکن کوشش کریں گے

عبادت گاہوں کے تحفظ سے متعلق قانون منسوخ کیا جائے ، بی جے پی رکن پارلیمنٹ کا مطالبہ

عبادت گاہوں کے تحفظ سے متعلق قانون منسوخ کیا جائے ، بی جے پی رکن پارلیمنٹ کا مطالبہ

نئی دہلی: اتر پردیش سے بی جے پی کے رکن پارلیمنٹ ہرناتھ سنگھ یادو نے جمعرات کے روز راجیہ سبھا میں اس قانون کو منسوخ کرنے کا مطالبہ کیا، جسے 1991 میں 15 اگست 1947 سے پہلے موجود تمام عبادت گاہوں کی حفاظت کے لئے منظور کیا گیا تھا۔ ہرناتھ سنگھ یادو نے کہا کہ یہ قانون ملک کے باشندگان کے ساتھ امتیازی سلوک کرتا ہے اور انہیں متنازعہ عبادت گاہوں سے متعلق معاملوں میں عدالتی کارروائی کرنے پر روک لگاتا ہے۔ انہوں نے کہا کہ ''چونکہ بیرونی حملہ آوروں نے مندروں کی نوعیت کو تبدیل کر دیا تھا۔ متھرا میں کرشن جنم بھومی اس کی مثال ہے۔''

خیال رہے کہ قانون کی دفعہ 4 عبادت کے مقامات کے معاملوں میں عدالت کے دائرہ اختیار پر روک لگاتی ہے۔ حزب اختلاف نے اس پر احجاج ظاہر کیا، لیکن نائب چیئرمین نے کہا کہ ایوان کے چیئرمین نے معاملہ کی پہلے ہی اجازت دے دی ہے۔

آر جے ڈی کے رکن پارلیمنٹ منوج کمار جھا نے نظام کا مسئلہ اٹھایا اور کہا کہ ارکان 'پنڈورا باکس' کھولنے کی کوشش کر رہے ہیں۔ تاہم چیئرمین نے انکار کر دیا۔ اس کا جواب دیتے ہوئے وزیر ماحولیات بھوپیندر یادو نے کہا کہ رکن کو قواعد پر عمل کرنا چاہیے۔

ہرناتھ سنگھ یادو نے حال ہی میں ایوان کے باہر بھی یہ مسئلہ اٹھایا تھا اور سماج وادی پارٹی کے سربراہ اکھلیش یادو کو چیلنج کیا تھا کہ وہ اسٹیج سے عوامی طور پر یہ کہیں کہ متھرا بھگوان کرشن کی جائے پیدائش ہے اور مسجد غیر قانونی طور پر بنائی گئی تھی!متھرا میں شری کرشن کی جائے پیدائش مسجد سے مکمل طور پر آزاد ہونی چاہیے۔

عبادت گاہ (خصوصی انتظامات) قانون، 1991 کسی بھی عبادت گاہ میں تبدیلی سے منع کرتا ہے اور کسی بھی عبادت گاہ کے مذہبی کردار کو برقرار رکھنے کا انتظام کرتا ہے، جس حالت میں ہو 15 اگست 1947 کو موجود تھا۔ قانون کی دفعہ 5 ایودھیا کے بابری مسجد معاملہ پر قانونی چارہ جوئی کی چھوٹ دیتا ہے۔ اپوزیشن ارکان نے کہا کہ بی جے پی اتر پردیش کے انتخابات سے پہلے یہ مسئلہ اٹھا رہی ہے۔

آپ کا سم کارڈ ہوسکتا ہے بند ، حکومت نے طئے کی حد ، بدل گیا ہے موبائل میں سم رکھنے کا رول

آپ کا سم کارڈ ہوسکتا ہے بند ، حکومت نے طئے کی حد ، بدل گیا ہے موبائل میں سم رکھنے کا رول

نئی دہلی: ڈپارٹمنٹ آف ٹیلی کمیونی کیشن (DoT)کی جانب سے بدھ کو ایک نیا رول جاری کیا گیا ہے، جس میں زیادہ سم رکھنے کی چھوٹ کو ختم کردیا گیا ہے۔ ٹیلی کام ڈپارٹمنٹ کے نئے رولس کے مطابق، اب 9 سے زیادہ سم رکھنے والے یوزر کو سم کارڈ کا ویری فیکیشن کرنا لازمی ہوگیا ہے۔

اگر یہ سم کارڈ ویری فائی نہیں ہوتے ہیں تو اُنہیں بند کردیا جائے گا۔ بتادیں کہ جموں کشمیر (J&K) اور نارتھ ایسٹ (North East) کی ریاستوں کے لئے یہ تعداد صرف 6 ہی ہے۔ ٹیلی کام ڈپارٹمنٹ نے ٹیلی کام کمپنیوں کو اُن سبھی موبائل نمبر کو ڈیٹا بیس سے ہٹانے کے لئے کہا ہے جو رولس کے مطابق استعمال میں نہیں ہیں۔

جانیں کیا ہے DoTکا حکم؟
ٹیلی کام ڈپارٹمنٹ کی جانب سے جاری حکم میں کہا گیا ہے کہ کسٹمرس کے پاس اجازت سے زیادہ سم کارڈ پائے جانے کی صورت میں انہیں اپنی مرضی کا سم جاری رکھنے اور باقی تمام کو بند کرنے کا آپشن دیا جائے گا لیکن اس کی لمٹ 9 سے زیادہ نہیں ہوگی۔
ٹیلی کام ڈپارٹمنٹ نے کہا ہے کہ ڈپارٹمنٹ کی جانب سے کیے گئے سروے کے دوران اگر کسی گاہک کے پاس سبھی ٹیلی کام کمپنیوں کے سم کارڈ طئے کی گئی لمٹ سے زیادہ پائے جاتے ہیں تو سبھی سم کو پھر سے ویری فائی کیا جائے گا۔ ٹیلی کام ڈپارٹمنٹ نے یہ قدم فائنانشیل کرائم، متنازع کالس، آٹو میٹک کالس اور فراڈ کے واقعات کی جانچ کرنے کی مقصد سے کیا ہے۔

30 دنوں میں سم بند کرنے کا حکم
DoT نے سبھی ٹیلی کام آپریٹرس کو حکم دیا ہے کہ جن یوزرس کے پاس 9 سے زیادہ سم کارڈ ہیں، اُنہیں نوٹیفکیشن ب ھیجا جائے۔ ایسے سبھی سم کارڈ کی آوٹ گوئنگ کالس کو 30 دنوں کے اندر بند کردیا جائے۔ جب کہ ان کمنگ کال کو 45 دنوں کے اندر بند کرنے کا حکم دیا گیا ہے۔ حالانکہ موبائل سم یوزرس کے پاس ایکسٹرا سم کو سرینڈر کرنے کا بھی آپشن ہوگا۔

قومی، بین الاقوامی اور جموں وکشمیر کی تازہ ترین خبروں کےعلاوہ تعلیم و روزگار اور بزنس کی خبروں کے لیے نیوز18 اردو کو ٹویٹر اور فیس بک پر فالو کریں ۔

اجتماعی زندگی کے تقاضے ______مفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ

اجتماعی زندگی کے تقاضے ______

مفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ(9431003131)

انفرادی اور اجتماعی زندگی میں بنیادی فرق یہ ہے کہ فرد کی سوچ اپنے خاندان سے آگے نہیں بڑھ پاتی وہ اپنی ذات میں جیتا ہے، اپنے بال بچوں کے بارے میں سوچتا ہے، اس کے غور وفکر کا دائرہ انتہائی محدود ہوتا ہے، وہ سمجھتا ہے کہ میں اچھا تو سب اچھا، اس کی منصوبہ بندی اور ترقیاتی کام بھی اسی دائرہ میں محدود ہوتا ہے، سماج میں اس قسم کے افراد کثرت سے پائے جاتے ہیں، جس کی وجہ سے خود غرضی عام ہو رہی ہے اور اپنا مفاد، اپنا بھلا سے بات آگے نہیں جاتی ۔

 اجتماعی زندگی میں انسان کی سوچ اپنی ذات خاندان؛ بلکہ رشتہ داری سے آگے بڑھ کر ملی ، سماجی اور معاشرتی دائرے میں آگے بڑھتی ہے، اس کے غور وفکر کا دائرہ وسیع ہوتا ہے، اور وہ اپنا نقصان کرکے بھی ملک وملت کے مفاد کو آگے بڑھتا دیکھنا چاہتا ہے اور اس کی عملی حصہ داری اس میں ہوتی ہے ، ایسے لوگ اس بات پر قادر ہوتے ہیں کہ مختلف طبقات کو جوڑ کر ایک ایسا اجتماعی نظام وجود میں لائیں، جس میں تشاور، توافق اور تعاون کا جذبہ پایا جاتا ہو، ایسے لوگ ملک وملت کے لیے انتہائی نفع بخش ہوتے ہیں، وہ بیج کی طرح کھیت میں دفن ہو کر سر سبز وشاداب فصلوں کے لہلہانے کا ذریعہ بنتے ہیں۔

 انفرادی سوچ کو اجتماعی رخ دینے اور مختلف طبقات کو جوڑنے میں بڑی اہم چیز آپس کا مشورہ ہے ، یہ مشورہ عمومی ہونا چاہیے اور جن لوگوں کی اس ہدف تک پہونچانے میں ضرورت ہے سب کو جوڑ لینا چاہیے، اس سے ایک دوسرے کا حوصلہ بڑھتا ہے اور کام کو عملی طور پر زمین میں اتارنے میں مدد ملتی ہے ، کاموں اور تنظیمی ڈھانچوں کے اعتبار سے کسی کا بڑا چھوٹا ہونا انتظامی ضرورت ہے، لیکن اجتماعی کاموں کو آگے بڑھانے کے لیے ضروری ہے کہ مشوروں میں لوگوں کو شریک کیا جائے، پھر یہ مشورے بند کمروں میں سازشوں کی طرح نہ کیے جائیں، ان میں کُھلا پن لایا جائے، سب کی سنی جائے اور فیصلہ اکثریت پر نہیں قوت دلیل کی بنیاد پر کیا جائے، مشورے کے اس عمل سے مزاجی ہم آہنگی کے ساتھ کام کرنے کے جذبے کو فروغ ملے گا، اسی کو اصطلاح میں توافق کہتے ہیں۔

مشورے اور موافقت کے بعد ضروری ہے کہ ایک مہم اور ٹیم کے طور پر کام کو آگے بڑھانے میں لگ جایا جائے، اورمربوط انداز میں کام کیا جائے، کام جس قدر آگے بڑھے اس کی اطلاع بھی ٹیم کے افراد کو رہے، تاکہ کام کے آگے بڑحنے پر حوصلہ افزائی کی جائے اور اگر کہیں کوئی رکاوٹ آ رہی ہے تواس کو دور کرنے کے لیے سب مل کر کوشش کریں۔

اسلام اجتماعی زندگی کا سب سے بڑا داعی ہے، اس کی عبادتیں اجتماعی زندگی گذارنے کا مظہر اتم ہیں، نماز با جماعت پڑھی جائے، مہینہ بھر کا روزہ ایک ساتھ رکھا جائے، کعبہ، منیٰ، عرفہ، مزدلفہ ہر دن اپنی جگہ پر موجود ہونے کے باوجود حج کے لیے پانچ دن کی تخصیص کا مفہوم بھی یہی ہے کہ اجتماعی طور پر اس عبادت کو انجام دیا جائے۔

 اجتماعی زندگی کو برپا کر نے کے لیے حضور اکرم صلی اللہ علیہ وسلم کی حیات مبارکہ زندگی کے دوسرے کاموں کی طرح ہمارے لیے نمونہ عمل ہے، مومنین کے لیے انتہائی شفیق ، رحم دل بلکہ رحمۃ للعالمین نرم دل بنایا گیا تاکہ لوگ ان کے گرد جمع ہوجائیں ، لوگوں کو معاف کرنے اوران کے لیے مغفرت کی دعا کرنے کی ہدایت دی گئی ، مشورہ کرنے پر زور دیا گیا، اور پھر جب فیصلہ ہوجائے تو اسے اللہ پر بھروسہ کرکے کر گزرنے کی بات کہی گئی ۔

واقعہ یہی ہے کہ قائدین کا نرم دل ہونا ضروری ہے ، اللہ رب العزت نے اپنے محبوب کی یہ صفت خاص بیان کی کہ اللہ رب العزت نے اپنی رحمت سے آپ کو نرم دل بنایا، اگر آپ سخت دل ہوتے تو لوگ آپ کے پاس سے چَھٹ جاتے۔

 غلطیاں کام کرنے والے سے ہی ہوتی ہیں، شیخ سعدی نے لکھا ہے کہ ’’نہ کردن یک عیب وکردن صد عیب است‘‘یعنی اگر آپ کام نہیں کرتے تو یہ ایک عیب ہے کہ لوگ آپ کو ناکارہ کہہ کر گذر جائیں گے، لیکن اگر آپ تعمیری کاموں میں لگے ہوئے ہیں تو لوگ دس عیب نکالیں گے ، تنقیدیں کریں گے ، برا بھلا کہیں گے ، ظاہر ہے آپ اور ہم سب انسان ہیں، اس کے اثرات دل ووماغ پر پڑنا فطری ہے، اس سے حوصلے ٹوٹتے ہیں، کام کا جذبہ سرد پڑتا ہے، یہ اثرات دل ودماغ پر کم پڑیں یا نہ پڑیں، اس کے لیے ضروری ہے کہ اپنے ساتھیوں کو معاف کر نے کا مزاج بنایا جائے، پھر چوں کہ ان کے طرز عمل سے اجتماعی کاموں میں رخنہ پیدا ہو گیا ہے ، اس لیے صرف دل سے معاف کر نا کافی نہیں ہے ، ان کے لیے مغفرت کی دعا بھی کرنی چاہیے، آپ کے معاف کرنے سے دنیاوی طور پر کام میں خلل نہیں واقع ہوگا اور آپ کی دعاء مغفرت اسے آخرت کے باز پرس سے بچانے کا سبب بنے گا۔

 معاف کرنے اور مغفرت کی دعا کرنے کے بعد بھی اجتماعی نظام کی بقا کے لیے ضروری ہے کہ ان کو مشورے میں شریک کیا جائے، تاکہ وہ یہ نہ محسوس کریں کہ مجھے چھانٹ دیا گیا ہے ، چھانٹنے کے عمل سے بھی آدمی ٹوٹ کرانفرادی زندگی کی راہ پر چل پڑتا ہے، جو اجتماعی زندگی کو سبوتاژ کرنے کا عمل ہے ۔

 اتنے مراحل کے بعد جب مشورہ سے کوئی بات طے ہوجائے تو اللہ پر بھروسہ کرکے کام کا آغاز کردیا جائے اور اب لیت ولعل کا سہارا نہ لیا جائے، اللہ پر بھروسہ ہمارے کام کی اساس ہے، اخلاص کے ساتھ اس راہ پر آگے بڑھتے رہنا چاہیے۔بہت سارے لوگ اس کے بعد بھی کوشاں ہوتے ہیں کہ جو دن مقرر کیا گیا ہے اس تک پہونچنے میں رکاوٹیں کھڑی کریں اور ان کا طریقہ کار یہ ہوتا ہے کہ غیر ضروری مشورے دے کر کامیابی کے یقین کو تذبذب میں ڈالنے اور شکوک وشبہات پیدا کرنے میں اپنے تئیں ان کی پوری کوشش یہ ہوتی ہے کہ اپنے مفاد کے لیے اجتماعی منصوبوں کو انفرادیت کی طرف لے جائیں تاکہ ان کی اہمیت برقرار رہے۔ایسے لوگ اجتماعی زندگی کے تقاضوں کو نہیں سمجھتے ، وہ اپنے خول سے باہر نہیں نکل پاتے، بظاہر وہ اجتماعی زندگی سے جُڑے ہوتے ہیں، لیکن وہ اندرہی اندر اجتماعیت کو فنا کے گھاٹ اتارنے کے لیے کام کرتے ہیں، ایسے لوگوں سے ہمہ وقت ہوشیار رہنے کی ضرورت ہے ۔

اجتماعی زندگی کی سب سے چھوٹی اکائی خاندان ہوتا ہے اور سب سے زیادہ جھگڑے اجتماعی زندگی کے تقاضوں کی ان دیکھی کی وجہ سے ہی پیدا ہوتے ہیں، خاندان کا سربراہ اگر ان امور کی رعایت کرے، ہرکام میں گھر کے لوگوں سے مشورہ لینے کے ساتھ ان کی بھول چوک کو نظر انداز کرنے کا مزاج  بنالے تو یہ جھگڑے ختم ہوجائیں گے ، لیکن وہاں بھی اپنی سرخروئی اور گارجین سے قریب ہونے کی خواہش کی وجہ سے افراد ایک دوسرے سے دور ہوتے چلے جاتے ہیں اور خاندان ٹوٹ کر رہ جاتا ہے ، آج خاندانی انتشار اور بکھراؤ کی بنیادی وجہ یہی ہے کہ وہاں بھی اجتماعی زندگی کے تقاضوں کو ملحوظ نہیں رکھا جارہا ہے۔

 اجتماعی زندگی کو مضبوط ، مربوط اور مستحکم کرنے کے لیے انابت الی اللہ بھی انتہائی ضروری ہے، کیوں کہ لوگوں کے قلوب تو اللہ رب العزت کے ہاتھ میں ہیں، سارے کام اسی کی مرضی اور مشیت سے ہوتے ہیں، ہمیں چوں کہ اللہ کی مرضی کا پتہ نہیں اس لیے اسباب کے اختیار کرنے کا حکم دیا گیا ہے ، نتیجہ وہی آنا ہے جو مرضی مولیٰ ہے۔

 اجتماعی کاموں کو آگے بڑھانے کے لیے یہ بھی ضروری ہے کہ ملکی قوانین کے تقاضوں کو ملحوظ رکھا جائے، اور منصوبہ بندی کرتے وقت مضبوطی سے قوانین کی پاسداری کی جائے، یقینا بہت سارے لوگ قانون کو اپنے ہاتھوں میں لینے پر یقین رکھتے ہیں اور اس کی وجہ سے ہمیں پریشانیوں کا سامنا ہے، بلکہ رکاوٹیں اجتماعی کاموں پر کھڑی کی جا رہی ہیں، لیکن ہمارا عمل ملکی قوانین کے دائرے میں ہونا چاہیے، ہمارے بڑوں نے یہی سکھایا ہے اور یہی وقت کا تقاضہ بھی ہے۔