پڑوسی لڑکے کو راکھی باندھ کر بھائی بنایا، اس نے اغوا کرکے نکاح کرلیا ‘ جولائی 27, 2021 405 Shares پاکستان کے صوبہ سندھ کے ضلع بدین کی تحصیل فاضل راہو کے شہر کڑیو گھنور میں چند ماہ قبل پڑوسی مسلمان لڑکے کی جانب سے مبینہ طور پر اغوا اور جبری تبدیلی مذہب کے بعد شادی پر مجبور کی گئی ہندو لڑکی رینا کماری میگھواڑ گذشتہ روز واپس آگئی ہیں۔رینا کماری کو بدین پولیس نے مقامی عدالت میں پیش کیا جہاں انہوں نے بیان دیا کہ انہیں اغوا کرکے زبردستی شادی کی گئی تھی اور وہ اب اپنے والدین کے ساتھ جانا چاہتی ہیں، جس پر عدالت کے حکم پر انہیں والدین کی تحویل میں دے دیا گیا۔ دوسری جانب کڑیو گھنور پولیس نے ملزمان قاسم خاصخیلی، عظیم، رفیق اور جمن کو گرفتار کرلیا ہے۔ واضح رہے کہ کچھ عرصہ قبل سوشل میڈیا پر رینا کماری کی ایک ویڈیو وائرل ہوئی تھی، جس میں انہیں کسی کمرے کی چھت پر کھڑے ہوکر چیختے ہوئے یہ کہتے سنا جاسکتا تھا کہ انہیں زبردستی اغوا کیا گیا ہے اور دھمکایا جا رہا ہے، کوئی ان کی مدد کرے اور انہیں ان کے والدین تک پہنچائے، مگر ویڈیو وائرل ہونے کے بعد بھی مقامی پولیس نے کوئی کارروائی نہیں کی۔ گذشتہ روز متعلقہ تھانے کے عملے کی جانب سے رینا کی مدد نہ کرنے پر ایس ایس پی بدین شبیر سیٹھار نے ایس ایچ او اور ہیڈ محرر تھانہ کڑیو گھنور کو معطل کردیا۔علاوہ ازیں ایس ایس پی بدین کی ہدایت پر پولیس نے رینا کماری کو ایک موبائل فون بھی فراہم کیا ہے تاکہ وہ کسی ایمرجنسی کی صورت میں پولیس کو مدد کے لیے فون کرسکیں۔انڈپینڈنٹ اردو سے بذریعہ فون گفتگو میں رینا کماری میگھواڑ نے بتایا: ’چھ ماہ قبل جب میری شادی ہو رہی تھی اور میں مایوں میں بیٹھی ہوئی تھی تو ہمارے پڑوسی قاسم خاصخیلی نے مجھے زبردستی اغوا کرکے اسلام قبول کروا کے نکاح کرلیا۔ بعد میں وہ دھمکیاں دیتا تھا کہ نہ صرف مجھے سکھر جیل بھجوا دے گا، بلکہ میرے گھروالوں کو بھی مار ڈالے گا۔ ‘ رینا کماری کے مطابق قاسم خاصخیلی کا گھر ان کے گھر کے برابر میں ہے اور انہیں اغوا کرنے بعد برابر والے گھر میں ہی رکھا گیا تھا۔ رینا کماری کے دادا ہمیرو مل میگھواڑ نے انڈپینڈنٹ اردو کو بتایا: ’ہمیں معلوم تھا کہ میری پوتی کو اغوا کرکے برابر کے گھر میں ہی رکھا ہوا تھا، ہم نے پولیس کو اطلاع بھی دی، مگر ایس ایچ او اور دیگر افسران نے قاسم خاصخیلی والوں سے پیسے لے کر کوئی کارروائی نہیں کی۔ ‘ ہمیرو مل کے مطابق ان کے خاندان کے قاسم خاصخیلی کے خاندان سے اچھے تعلقات تھے، ایک دوسرے کے گھر آنا جانا بھی تھا اور تہوار ساتھ مناتے تھے۔رینا کماری کے مطابق: ’میں نے بچپن سے انہیں راکھی باندھ کر بھائی بنایا تھا، مجھے کیا پتہ وہ مجھے اغوا کرکے زبردستی نکاح کرلے گا۔ اب میں واپس آگئی ہوں اور خوش ہوں۔ ‘

 

پڑوسی لڑکے کو راکھی باندھ کر بھائی بنایا، اس نے اغوا کرکے نکاح کرلیا ‘

 جولائی 27, 2021

• 405
  Shares

پاکستان کے صوبہ سندھ کے ضلع بدین کی تحصیل فاضل راہو کے شہر 

کڑیو گھنور میں چند ماہ قبل پڑوسی مسلمان لڑکے کی جانب سے مبینہ طور پر اغوا اور جبری تبدیلی مذہب کے بعد شادی پر مجبور کی گئی ہندو لڑکی رینا کماری میگھواڑ گذشتہ روز واپس آگئی ہیں۔رینا کماری کو بدین پولیس نے مقامی عدالت میں پیش کیا جہاں انہوں نے بیان دیا کہ انہیں اغوا کرکے زبردستی شادی کی گئی تھی اور وہ اب اپنے والدین کے ساتھ جانا چاہتی ہیں، جس پر عدالت کے حکم پر انہیں والدین کی تحویل میں دے دیا گیا۔

دوسری جانب کڑیو گھنور پولیس نے ملزمان قاسم خاصخیلی، عظیم، رفیق اور جمن کو گرفتار کرلیا ہے۔
واضح رہے کہ کچھ عرصہ قبل سوشل میڈیا پر رینا کماری کی ایک ویڈیو وائرل ہوئی تھی، جس میں انہیں کسی کمرے کی چھت پر کھڑے ہوکر چیختے ہوئے یہ کہتے سنا جاسکتا تھا کہ انہیں زبردستی اغوا کیا گیا ہے اور دھمکایا جا رہا ہے، کوئی ان کی مدد کرے اور انہیں ان کے والدین تک پہنچائے، مگر ویڈیو وائرل ہونے کے بعد بھی مقامی پولیس نے کوئی کارروائی نہیں کی۔

گذشتہ روز متعلقہ تھانے کے عملے کی جانب سے رینا کی مدد نہ کرنے پر ایس ایس پی بدین شبیر سیٹھار نے ایس ایچ او اور ہیڈ محرر تھانہ کڑیو گھنور کو معطل کردیا۔علاوہ ازیں ایس ایس پی بدین کی ہدایت پر پولیس نے رینا کماری کو ایک موبائل فون بھی فراہم کیا ہے تاکہ وہ کسی ایمرجنسی کی صورت میں پولیس کو مدد کے لیے فون کرسکیں۔انڈپینڈنٹ اردو سے بذریعہ فون گفتگو میں رینا کماری میگھواڑ نے بتایا: ’چھ ماہ قبل جب میری شادی ہو رہی تھی اور میں مایوں میں بیٹھی ہوئی تھی تو ہمارے پڑوسی قاسم خاصخیلی نے مجھے زبردستی اغوا کرکے اسلام قبول کروا کے نکاح کرلیا۔ بعد میں وہ دھمکیاں دیتا تھا کہ نہ صرف مجھے سکھر جیل بھجوا دے گا، بلکہ میرے گھروالوں کو بھی مار ڈالے گا۔ ‘

رینا کماری کے مطابق قاسم خاصخیلی کا گھر ان کے گھر کے برابر میں ہے اور انہیں اغوا کرنے بعد برابر والے گھر میں ہی رکھا گیا تھا۔ رینا کماری کے دادا ہمیرو مل میگھواڑ نے انڈپینڈنٹ اردو کو بتایا: ’ہمیں معلوم تھا کہ میری پوتی کو اغوا کرکے برابر کے گھر میں ہی رکھا ہوا تھا، ہم نے پولیس کو اطلاع بھی دی، مگر ایس ایچ او اور دیگر افسران نے قاسم خاصخیلی والوں سے پیسے لے کر کوئی کارروائی نہیں کی۔ ‘
ہمیرو مل کے مطابق ان کے خاندان کے قاسم خاصخیلی کے خاندان سے اچھے تعلقات تھے، ایک دوسرے کے گھر آنا جانا بھی تھا اور تہوار ساتھ مناتے تھے۔رینا کماری کے مطابق: ’میں نے بچپن سے انہیں راکھی باندھ کر بھائی بنایا تھا، مجھے کیا پتہ وہ مجھے اغوا کرکے زبردستی نکاح کرلے گا۔ اب میں واپس آگئی ہوں اور خوش ہوں۔ ‘

 

Home  Uncategorized

• Uncategorized

داعش، عراق اور شام میں اب بھی موجود ہے: انٹیلی جنس رپورٹ

27/07/2021

بغداد،27جولائی:(اردودنیا.اِن/ایجنسیاں)عراق میں شدت پسند تنظیم دولتِ اسلامیہ (داعش) کی سرگرمیوں پر نظر رکھنے والی #خفیہ اداروں کی رپورٹس کے مطابق #عراق سے #امریکہ کے لڑاکا #فوجی مشن ختم کرنے کے اعلان کے باوجود #داعش اب بھی عراق میں فعال ہے۔یہ انٹیلی جنس رپورٹس ایسے وقت میں سامنے آئی ہیں جب امریکہ نے رواں برس دسمبر تک عراق میں امریکہ کا فوجی مشن ختم کرنے کا اعلان کرتے ہوئے سیکیورٹی کی ذمہ داریاں عراق کی فورسز کے سپرد کرنے کا عمل شروع کر دیا ہے۔

رپورٹ کے مطابق خفیہ اداروں کی یہ تجزیاتی رپورٹ اقوامِ متحدہ کی سینکشن مانیٹرنگ ٹیم نے جمعے کو جاری کی ہے جسے رُکن ممالک کی انٹیلی جنس ایجنسیز نے مرتب کیا ہے۔اس رپورٹ میں خبردار کیا گیا ہے کہ کئی دھچکوں کے باوجود داعش جس کو ‘آئی ایس آئی ایس’ یا ‘آئی ایس آئی ایل’ کے نام سے بھی جانا جاتا ہے ایک ایسا مسئلہ بننے کو تیار ہے جو #عراق اور پڑوسی ملک شام کو درپیش ہو سکتا ہے۔

رپورٹ کے مطابق یہ گروپ ایک مضبوط #عسکری قوت میں ڈھل چکا ہے اور مقامی سیکیورٹی کی خامیوں سے فائدہ اٹھا رہا ہے تاکہ محفوظ ٹھکانے بنا سکے اور آئی ایس آئی ایل کے خلاف لڑنے والی قوتوں کو ہدف بنا سکے۔رپورٹ میں کہا گیا ہے کہ بغداد میں جنوری اور اپریل میں ہونے والے حملے اس بات کو اجاگر کرتے ہیں کہ گروپ میں مزاحمت کی صلاحیت ہے۔

باوجود اس کے کہ عراقی حکام کی جانب سے انسدادِ دہشت گردی کے لیے سخت دباؤ ہے۔رپورٹ میں مزید کہا گیا ہے کہ داعش کے لیے جب بھی ممکن ہوا تو یہ ذرائع ابلاغ کی توجہ حاصل کرنے اور عراقی حکومت کو نیچا دکھانے کے لیے دارالحکومت بغداد میں ممکنہ طور پر عام شہریوں اور دیگر آسان اہداف کو نشانہ بناتی رہے گی۔

آسام، میزورم جھڑپ: انڈیا کی دو ریاستوں کے درمیان سرحدی جھڑپ کی وجہ کیا ہے؟ جولائی 27, 2021 405 Shares ملکوں کے درمیان سرحدی جھڑپیں ہونے کی خبریں تو آتی رہتی ہیں لیکن کسی ملک کے اپنے صوبوں کے درمیان خونریز سرحدی جھڑپ ہوایسی خبر بہت کم آتی ہے۔ انڈیا کی دو شمال مشرقی ریاستوں آسام اور میزورم کے درمیان پیر کو ایک سرحدی جھڑپ میں آسام کے کم ازکم چھ پولیس اہلکار ہلاک اور پچاس سے زیادہ افراد زخمی ہوئے ہیں۔ اس وقت دونوں ریاستوں کی سرحد پر زبردست کشیدگی ہے۔ مرکزی وزیر داخلہ امت شاہ صورتحال کو قابو میں لانے کے لیے دونوں ریاستوں کے وزرائے اعلیٰ سے بات چیت کر رہے ہیں۔ میزورم کے وزیر اعلیٰ زورم تھانگا کا کہنا کہ یہ ٹکراؤ اس وقت شروع ہوا جب کچھار ضلع کے ویرنگتے آٹو رکشا سٹینڈ کے نزدیک واقع سی آر پی ایف پوسٹ میں آسام کے دو سو سے زیادہ پولیس اہلکار پہنچے اور انھوں نے میزورم پولیس اور مقامی لوگوں کو تشدد کا نشانہ بنایا۔ جب مقامی لوگ جمع ہونے لگے تو ان پر لاٹھی چارج کیا گیا اور آنسو گیس کے گولے داغے گئے۔ اس میں متعدد افراد زخمی ہوئے۔ اعلیٰ پولیس اہلکاروں نے آسام پولیس کو سمجھانے کی کوشش کی۔ وزیر اعلیٰ کے مطابق کشیدگی کے درمیان آسام پولیس نے دستی بم پھینکے اور فائرنگ کی جس کے جواب میں میزورم پولیس نے بھی فائرنگ کی۔ ،تصویر کا ذریعہGETTY IMAGES دوسری جانب آسام کے وزیر اعلیٰ ہیمنت بشو شرما نے کہا کہ یہ تنازعہ اس وقت شروع ہوا جب میزورم حکومت نے آسام کے علاقے لیلیٰ پور میں سڑک تعمیر کرنی شروع کی۔ اسی سلسلے میں آسام پولیس کے انسپکٹر جنرل، ڈی آئی جی اور ایس پی جیسے اعلیٰ اہلکار وہاں گئے تاکہ انھیں حالات جوں کے توں قائم رکھنے کے لیے سمجھایا جا سکے۔ وزیر اعلیٰ ہیمنت شرما کے مطابق مقامی لوگوں نے آسام پولیس پر پتھراؤ شروع کر دیا۔ بات چیت کے دوران کشیدگی بڑھتی گئی اور میزورم پولیس نے گولی چلا دی جس میں آسام پولیس کے کم از کم چھ اہلکار مارے گئے اور کچھار ضلع کے ڈی ایس پی سمیت پچاس سے زیاد افراد زخمی ہوئے۔ یہ بھی پڑھیے آسام کے وزیراعلیٰ کی مسلمانوں میں زیادہ بچوں کی پیدائش سے متعلق دعووں کی حقیقت انڈیا فرار ہونے والے پولیس اہلکاروں کو ’فوج نے مظاہرین پر گولیاں چلانے کا حکم دیا‘ 85 سالہ بوڑھی ماں جنھوں نے جیل میں قید بیٹے کو ’مودی کے خلاف‘ الیکشن جتوایا ‘کیا انڈیا چین کے جال میں پھنس چکا ہے؟’ ان بیانات سے یہ واضح کہ فائرنگ دونوں جانب سے ہوئی ہے۔ آسام کے وزیر اعلی ہیمنت شرما نے ایک ٹویٹ میں کہا ہے کہ ’مجھے یہ بتاتے ہوئے بہت تکلیف ہو رہی ہے کہ آسام پولیس کے چھ جوانوں نے ریاست کی آئینی سرحد کا دفاع کرتے ہوئے اپنی جان قربان کر دی۔‘ انھوں نے مزید کہا ’جو ثبوت سامنے آئے ہیں ان سے یہ واضح طور پر پتہ چلتا ہے کہ میزورم پولیس نے آسام پولیس کے خلاف لائٹ مشین گن کا استعمال کیا جو بہت افسوسناک ہے۔‘ ،تصویر کا ذریعہGETTY IMAGES دونوں ریاستوں کی سرحد پر صورتحال انتہائی کشیدہ ہے۔ دونوں جانب مسلح پولیس سرحدی علاقوں کی نگرانی کر رہی ہے۔ آسام کے ساتھ میزورم کی تقریباً 165 کلو میٹر لمبی مشترکہ سرحد ہے جس میں میزورم کے تین اضلاع آئزول، کولا سیب اور ممیت آتے ہیں۔ جبکہ آسام کے کچھار، کریم گنج اور ہیلا کاندی اضلاع اس سے متصل ہیں۔ گذشتہ برس کچھار ضلع کے لیلیٰ پور گاؤں کے باشندوں اور میزورم کے کولاسیب ضلع کے ویرنگتے علاقے کے پاس مقامی لوگوں میں سرحدی تنازعے کے باعث پر تشدد ٹکراؤ ہوا تھا جس میں آٹھ افراد زخمی ہوئے تھے۔ مقامی صحافی ایڈم ہیلی ڈے نے بی بی سی کو بتایا ’دونوں ریاستوں کے درمیان سرحدی تنازعہ تو پرانا ہے لیکن دونوں ریاستوں کی پولیس ایک دوسرے کے سامنے کھڑے ہو کر گولیاں چلانا شروع کر دے، یہ تو پہلے کبھی نہیں ہوا۔ ’سوال یہ ہے کہ پولیس کو گولی کیوں چلانی پڑیں۔ یہ پولیس افسروں کے طریقہ کار پر بھی سوال کھڑا کرتا ہے۔‘ خبر رساں ایجنسی پی ٹی آئی کی آسام بیورو کی سربراہ دوروا گھوش کہتی ہیں ’دونوں ریاستوں کے درمیان سرحدی تنازعہ کافی پرانا ہے۔ مختلف سرحدی علاقوں سے جھرپ کی خبریں آتی رہتی ہیں۔‘ لیکن یہ اتنا بڑا تنازعہ بن جائے گا کہ اس میں گولیاں چلنے لگیں اور پولیس اہلکاروں کی موت ہو جائے، اس کا اندازہ کسی کو نہیں تھا۔ ’فی الحال اس خطے میں زبردست کشیدگی ہے۔ اطلاعات ہیں کہ اب آسام اور میگھالیہ کی سرحد پر بھی کشیدگی پیدا ہو رہی ہے۔‘ شکیل اختربی بی سی اردو ڈاٹ کام، نئی دہلی

 

آسام، میزورم جھڑپ: انڈیا کی دو ریاستوں کے درمیان سرحدی جھڑپ کی وجہ کیا ہے؟

 جولائی 27, 2021

• 405
  Shares

ملکوں کے درمیان سرحدی جھڑپیں ہونے کی خبریں تو آتی رہتی ہیں لیکن کسی ملک کے اپنے صوبوں کے درمیان خونریز سرحدی جھڑپ ہوایسی خبر بہت کم آتی ہے۔

انڈیا کی دو شمال مشرقی ریاستوں آسام اور میزورم کے درمیان پیر کو ایک سرحدی جھڑپ میں آسام کے کم ازکم چھ پولیس اہلکار ہلاک اور پچاس سے زیادہ افراد زخمی ہوئے ہیں۔

اس وقت دونوں ریاستوں کی سرحد پر زبردست کشیدگی ہے۔

مرکزی وزیر داخلہ امت شاہ صورتحال کو قابو میں لانے کے لیے دونوں ریاستوں کے وزرائے اعلیٰ سے بات چیت کر رہے ہیں۔

میزورم کے وزیر اعلیٰ زورم تھانگا کا کہنا کہ یہ ٹکراؤ اس وقت شروع ہوا جب کچھار ضلع کے ویرنگتے آٹو رکشا سٹینڈ کے نزدیک واقع سی آر پی ایف پوسٹ میں آسام کے دو سو سے زیادہ پولیس اہلکار پہنچے اور انھوں نے میزورم پولیس اور مقامی لوگوں کو تشدد کا نشانہ بنایا۔

جب مقامی لوگ جمع ہونے لگے تو ان پر لاٹھی چارج کیا گیا اور آنسو گیس کے گولے داغے گئے۔ اس میں متعدد افراد زخمی ہوئے۔

اعلیٰ پولیس اہلکاروں نے آسام پولیس کو سمجھانے کی کوشش کی۔ وزیر اعلیٰ کے مطابق کشیدگی کے درمیان آسام پولیس نے دستی بم پھینکے اور فائرنگ کی جس کے جواب میں میزورم پولیس نے بھی فائرنگ کی۔

،تصویر کا ذریعہGETTY IMAGES

دوسری جانب آسام کے وزیر اعلیٰ ہیمنت بشو شرما نے کہا کہ یہ تنازعہ اس وقت شروع ہوا جب میزورم حکومت نے آسام کے علاقے لیلیٰ پور میں سڑک تعمیر کرنی شروع کی۔

اسی سلسلے میں آسام پولیس کے انسپکٹر جنرل، ڈی آئی جی اور ایس پی جیسے اعلیٰ اہلکار وہاں گئے تاکہ انھیں حالات جوں کے توں قائم رکھنے کے لیے سمجھایا جا سکے۔

وزیر اعلیٰ ہیمنت شرما کے مطابق مقامی لوگوں نے آسام پولیس پر پتھراؤ شروع کر دیا۔

بات چیت کے دوران کشیدگی بڑھتی گئی اور میزورم پولیس نے گولی چلا دی جس میں آسام پولیس کے کم از کم چھ اہلکار مارے گئے اور کچھار ضلع کے ڈی ایس پی سمیت پچاس سے زیاد افراد زخمی ہوئے۔

یہ بھی پڑھیے

آسام کے وزیراعلیٰ کی مسلمانوں میں زیادہ بچوں کی پیدائش سے متعلق دعووں کی حقیقت

انڈیا فرار ہونے والے پولیس اہلکاروں کو ’فوج نے مظاہرین پر گولیاں چلانے کا حکم دیا‘

85 سالہ بوڑھی ماں جنھوں نے جیل میں قید بیٹے کو ’مودی کے خلاف‘ الیکشن جتوایا

‘کیا انڈیا چین کے جال میں پھنس چکا ہے؟’

ان بیانات سے یہ واضح کہ فائرنگ دونوں جانب سے ہوئی ہے۔ آسام کے وزیر اعلی ہیمنت شرما نے ایک ٹویٹ میں کہا ہے کہ ’مجھے یہ بتاتے ہوئے بہت تکلیف ہو رہی ہے کہ آسام پولیس کے چھ جوانوں نے ریاست کی آئینی سرحد کا دفاع کرتے ہوئے اپنی جان قربان کر دی۔‘

انھوں نے مزید کہا ’جو ثبوت سامنے آئے ہیں ان سے یہ واضح طور پر پتہ چلتا ہے کہ میزورم پولیس نے آسام پولیس کے خلاف لائٹ مشین گن کا استعمال کیا جو بہت افسوسناک ہے۔‘

،تصویر کا ذریعہGETTY IMAGES

دونوں ریاستوں کی سرحد پر صورتحال انتہائی کشیدہ ہے۔ دونوں جانب مسلح پولیس سرحدی علاقوں کی نگرانی کر رہی ہے۔ آسام کے ساتھ میزورم کی تقریباً 165 کلو میٹر لمبی مشترکہ سرحد ہے جس میں میزورم کے تین اضلاع آئزول، کولا سیب اور ممیت آتے ہیں۔ جبکہ آسام کے کچھار، کریم گنج اور ہیلا کاندی اضلاع اس سے متصل ہیں۔

گذشتہ برس کچھار ضلع کے لیلیٰ پور گاؤں کے باشندوں اور میزورم کے کولاسیب ضلع کے ویرنگتے علاقے کے پاس مقامی لوگوں میں سرحدی تنازعے کے باعث پر تشدد ٹکراؤ ہوا تھا جس میں آٹھ افراد زخمی ہوئے تھے۔

مقامی صحافی ایڈم ہیلی ڈے نے بی بی سی کو بتایا ’دونوں ریاستوں کے درمیان سرحدی تنازعہ تو پرانا ہے لیکن دونوں ریاستوں کی پولیس ایک دوسرے کے سامنے کھڑے ہو کر گولیاں چلانا شروع کر دے، یہ تو پہلے کبھی نہیں ہوا۔

’سوال یہ ہے کہ پولیس کو گولی کیوں چلانی پڑیں۔ یہ پولیس افسروں کے طریقہ کار پر بھی سوال کھڑا کرتا ہے۔‘

خبر رساں ایجنسی پی ٹی آئی کی آسام بیورو کی سربراہ دوروا گھوش کہتی ہیں ’دونوں ریاستوں کے درمیان سرحدی تنازعہ کافی پرانا ہے۔ مختلف سرحدی علاقوں سے جھرپ کی خبریں آتی رہتی ہیں۔‘

لیکن یہ اتنا بڑا تنازعہ بن جائے گا کہ اس میں گولیاں چلنے لگیں اور پولیس اہلکاروں کی موت ہو جائے، اس کا اندازہ کسی کو نہیں تھا۔ ’فی الحال اس خطے میں زبردست کشیدگی ہے۔ اطلاعات ہیں کہ اب آسام اور میگھالیہ کی سرحد پر بھی کشیدگی پیدا ہو رہی ہے۔‘

شکیل اختربی بی سی اردو ڈاٹ کام، نئی دہلی