لکھیم پور واقعہ: ملزم آشیش مشرا کو پولیس کا دوسرا سمن،کل حاضر ہونے کا موقع

 اکتوبر 8, 2021

• 

  
  

لکھیم پور کھیری:08اکتوبر(یواین آئی) لکھیم پور واقعہ کے نامزد ملزم مملکتی وزیر کے بیٹے آشیش مشر ا کے کرائم برانچ آفس جمعہ کی صبح 10بجے نہ پہنچنے کے بعد لکھیم پور کھیری پولیس نے آشیش کو دوسرا موقع دیا ہے کہ وہ سنیچر کو پولیس کے سامنے حاضر ہوں۔

پولیس نے جمعہ کو ان کی رہائش گاہ پر دوسرا سمن چسپاں کرتے ہوئے سنیچر کو 11بجے کرائم برانچ کی دفتر پہنچنے کا وقت دیا ہے۔مشرا آج کرائم برانچ آفس نہیں پہنچے جس کے بعد پولیس کو دوسری نوٹس جاری کرنی پڑی ہے۔ اس سے قبل جمعہ کو پولیس کرائم برانچ آفس پر 12بجے تک رہی لیکن آشیش نہیں پہنچے جس کے بعد دوسری نوٹس جاری کی گئی ہے۔

وہیں دوسری جانب ایسی بھی خبریں موصول ہوئی ہیں کہ وہ اتراکھنڈ کے راستے نیپال فرار ہوگیا ہے۔ذرائع نے بتایا کہ گذشتہ رات آشیش کا آخری موبائل لوکیشن اتراکھنڈ کے گوری فانٹا کا ہے۔ جو کہ نیپال سرحد سے کافی قریب ہے۔پولیس سنیچر تک آشیش کے حاضری کا انتظار کرے گی اس کے بعد ان کی طرف سے کوئی جواب نہ ملنے پر انہیں بھگوڑا قرار دے گی۔گذشتہ کل آشیش کے نام سمن جاری کر کے انہیں جمعہ کو صبح دس بجے کرائم برانچ کی آفس پر حاضر ہونے کو کہا گیا تھا۔سمن کو ان کی رہائش گاہ پر بھی چسپاں کیا گیا تھا۔سمن سی آر پی سی کی سیکشن 160 کے تحت جاری کیا گیا تھا۔ایسا گمان تھا کہ آج پوچھ گچھ کے بعد آشیش کو گرفتار کرلیا جائے گا۔

ایک سینئر پولیس افسر کے مطابق پولیس نے اس معاملے میں ابھی تک دو ملزمین لوکش رانا اور آشیش پانڈے کو گرفتار کیا ہے۔ پولیس کے مطابق گرفتار ملزمین آشیش کے قریبی ہیں اور کلیدی ملزم کی گرفتاری کے لئے مزید دبش دی جارہی ہے۔نصف درجن مشتبہ افراد کو حراست میں لیا گیا ہے جن سے پوچھ گچھ کی جارہی ہے۔مملکتی وزیرکے بیٹے آشیش مشرا کے علاوہ دیگر ایک رسوخ والا ملزم انکت داس بھی ہے۔ جس کی فوٹو ایک ویڈیو میں ہے اور جو مبینہ طور سے اس ایس یو وی میں موجود تھا جو تھار جیپ کے پیچھے چل رہی تھی۔انکت سابق بی ایس پی ایم ایل اے اکھیش داس کا بھتیجا ہے ۔

ذرائع کے مطابق انکت مملکتی وزیر اجے مشرا کا کافی قریبی ہے اور اکثر ان کے بیٹے آشیش مشرا کے ساتھ نظر آتا ہے۔سب سے اہم بات یہ ہے کہ لکھیم پور تشدد کے بعد اترپردیش کا سیاسی پارہ کافی گرم ہوگیا ہے۔کلیدی ملزم جس کا نام ایف آئی آر میں بھی ہے، آشیش مشرا مملکتی وزیراجے مشر ٹینی کا بیٹا ہے۔پولیس نے آشیش مشرا کے خلاف کئی دفعات میں بشمول قتل،مجرمانہ سازش کے مقدمہ درج کیا ہے۔تاہم وہ ابھی تک گرفتار نہیں کیا گیا ہے۔یوپی میں اپوزیشن مملکتی وزیر اجئے مشرا کی برخواستگی کا مطالبہ کررہا ہے۔وہیں مملکتی وزیر نے بدھ کو وزیر داخلہ امت شاہ سے دہلی میں ملاقات کی۔اجئے مشرا اول دن سے ہی دعوی کررہے ہیں کہ جس کار نے کسانوں کو کچلا ہے اس میں ان کا بیٹا موجود نہیں تھا ہاں وہ اس بات کو قبل کررہے ہیں کہ کار ان کی ہے۔ان کا مزید دعوی ہے کہ پتھرسے حملے کی وجہ سے ڈرائیور نے اپنا کنٹرول کھو دیا جس کے بعد کچھ مظاہرین کار کے نیچے آگئے۔ اس کے بعد ان کے ڈرائیور کا پیٹ پیٹ کر قتل کردیا گیا اور کار میں آگ لگا دی گئی۔

بریکنگ نیوزبارش تھمنے کے بعد درجہ حرارتمیں اضافہ جاری

بریکنگ نیوزبارش تھمنے کے بعد درجہ حرارتمیں اضافہ جاری

کولکاتا ، 08 اکتوبر۔ مغربی بنگال کے دارالحکومت کولکاتا سمیت آس پاس کے علاقوں میں بارش تھم گئی ہے ، اس لیے درجہ حرارتمیں اضافہ جاری ہے۔ اس بارے میں معلومات جمعہ کو علی پور میں واقع محکمہ موسمیات کے علاقائی ہیڈ کوارٹر نے دی ہے۔
بتایا گیا ہے کہ دارالحکومت کولکاتا میں کم سے کم درجہ حرارت 27 ڈگری سیلسیسہے جو کہ معمول سے دو ڈگری زیادہ ہے۔ زیادہ سے زیادہ درجہ حرارت 34.1 ڈگری سیلسیس ہے اور یہ بھی معمول سے دو ڈگری زیادہ ہے۔ خاص بات یہ ہے کہ گزشتہ 24 گھنٹوں کے دوران دارالحکومت کولکاتا میں بارش نہیں ہوئی۔ اس کی وجہ سے ، ماحول میں نمی 97 فیصد تک پہنچ گئی ہے۔ جس کی وجہ سے لوگ شدید گرمی محسوس کر رہے ہیں۔
محکمہ موسمیات نے کہا کہ جمعہ کو بھی کولکاتا سمیت جنوبی بنگال کے وسیع علاقے میں آسمان ابر آلود ہے اور وقفے وقفے سے بارش ہو سکتی ہے۔

بریکنگ نیوزدہلی کے وزیر اعلی نے شہید راجیش کے خاندان کو ایک کروڑ روپے کا چیک دیا

بریکنگ نیوزدہلی کے وزیر اعلی نے شہید راجیش کے خاندان کو ایک کروڑ روپے کا چیک دیا

نئی دہلی ، دہلی کے وزیر اعلی اروند کیجریوال نے جمعہ کو یہاں ریس کورس کلب میں رہ رہے شہید راجیش کمار کے اہل خانہ سے ملاقات کرتے ہوئے ایک کروڑ روپے کی اعزازی رقم کا چیک دیا۔
مسٹر کیجریوال نے بتایاکہ "مرحوم راجیش کمار ہندوستانی فضائیہ میں خدمات انجام دے رہے تھے اور قوم کی خدمت کرتے ہوئے ایک طیارہ حادثے میں شہید ہوئے تھے۔ آج ان کے اہل خانہ سے ملاقات کی اور ایک کروڑ روپے کا اعزازی چیک دیا۔ ہم راجیش کمار کی زندگی کی قیمت نہیں ادا کرسکتے لیکن مجھے امید ہے کہ اس سے ان کے خاندان کو تھوڑی مدد ملے گی۔ ہم نے پہلے ہی آنجہانی راجیش کمار کی ایک بہن کو سول ڈیفنس میں شامل کیا ہے ، دوسری بہن کو نوکری دیں گے اور مستقبل میں بھی اس کے خاندان کا خیال رکھیں گے۔
انہوں نے بتایا کہ آنجہانی راجیش کمار 3 جون 2019 کو اروناچل پردیش میں آپریشنل ٹریننگ سارٹی (ائر مینٹیننس) کے دوران ہوائی جہاز کے حادثے میں شہید ہو گئے تھے۔ دہلی حکومت دہلی کے ان لوگوں کو ایک کروڑ روپے کا اعزازیہ دیتی ہے جو فوج میں شہید ہوتے ہیں۔ اس کے تحت مسٹر راجیش کمار کے خاندان کو بھی مدد دی گئی ہے۔
آنجہانی راجیش کمار کو 5 فروری 2015 کو ہندوستانی فضائیہ میں نان کامبیٹنٹ (اسٹاف) 'کک' کے طور پر کمیشن دیا گیا۔ ان کی پہلی پوسٹنگ اترالی ، راجستھان میں ہوئی۔ وہ 29 سال کی عمر میں شہید ہوئے۔ اس وقت وہ آسام کے جورہاٹ میں تعینات تھے اور اروناچل
پردیش میں ایل جی-40 مینچوکا کے لیے آپریشنل ٹریننگ سارٹی (ائر مینٹیننس) پر تھا۔ وہ طیارہ جس میں تھے وہ وادی اروناچل پردیش میں اونچائی والے علاقے میں گر کر تباہ ہوگیا تھا۔

بریکنگ نیوزایئر ٹیل کا اسمارٹ فون کی خریداری پر 6000 روپے کیش بیک کا اعلان

بریکنگ نیوزایئر ٹیل کا اسمارٹ فون کی خریداری پر 6000 روپے کیش بیک کا اعلان

نئی دہلی، میراپہلا اسمارٹ فون پروگرام حصہ کے طورپر بھارتی ایئرٹیل نے آج صارفین کو بہترین اسمارٹ فون میں اپ گریڈ کرنے اور اپنے ہائی اسپیڈ نیٹورک پر عالمی سطحی ڈیجیٹل تجربہ کا لطف لینے کا اہل بنانے کے لئے ایک اور انوکھی پہل کی ہے۔
ایئرٹیل ان صارفین کو 6000روپے کا کیش بیک دیگا جو اہم برانڈوں میں تقریباً 12000تک کی قیمت والا نیا اسمارٹ فون خریدیں گے۔ 150سے زیادہ اسمارٹ فون اس پہل کا حصہ ہیں۔ 6000روپے کے کیش بیک کا فائدہ اٹھانے کے لئے صارفین کو 36مہینوں کے لئے مسلسل (پیک ویلڈٹی کے مطابق)249روپے یا اس سے زیادہ کے ایئرٹیل پری پیڈ کے ساتھ ریچار ج کرنا ہوگا۔ صارفین کو کیش بیک دو حصوں میں ملے گا۔ پہلی قسط2000روپے 18مہینے بعد اور باقی رقم 4000روپے 36مہینے کے بعد ملے گی۔
مثال کے طورپر اگر کوئی گاہک 6000رویپ کی قیمت والے اسمارٹ فون متبادل منتخب کرتا ہے تو وہ ایک بہتر اسمارٹ فون کا تجربہ کرنے کے لے ایئرٹیل کے پری پیڈ ریچارج کے ساتھ زیادہ ڈیٹا اور کبھی ختم نہ ہونے والی کالنگ کے فوائد بھی لے سکے گا۔ 36مہینوں کے آخر میں گاہک مکمل طورپر ڈیجیٹلی کنیکٹیڈ بھی رہے گا اور اسے اپنے پورے 6000روپے بھی واپس مل جائیں گے۔
اس پروگرام کا حصہ بننے والے گاہک کے اسمارٹ فون کی ایک بار اسکرین ٹوٹ جانے پر 'سروی فائی' کی طرف سے اس مفت اسکرین ریپلیسمنٹ کی سہولت بھی ملے گی۔یہ آفر گاہک کو 4800روپے کا ایک اضافی فائدہ بھی دے گا۔ (12ہزار روپے کے اسمارٹ فون کی اسکرین بدلنے کی اندازہ لاگت)۔ ریچارچ کے 90دن کی مدت کے اندر ایئر ٹیل تھینکس ایپ کے ذریعہ گاہک مفت اسکرین ری پلیسمنٹ کا مستحق ہوگا۔

بریکنگ نیوزپٹنہ بم دھماکہ معاملہ _ فریقین کی بحث مکمل ، عدالت نے فیصلہ محفوظ کرلیا ، 27 اکتوبر کو فیصلہ متوقع

بریکنگ نیوزپٹنہ بم دھماکہ معاملہ _ فریقین کی بحث مکمل ، عدالت نے فیصلہ محفوظ کرلیا ، 27 اکتوبر کو فیصلہ متوقع

ممبئی _ بہارکی راجدھانی پٹنہ میں رونما ہونے والے بم دھماکہ معاملے میں آج فریقین کی بقیہ بحث بھی مکمل ہوگئی جس کے بعد عدالت نے فیصلہ محفوظ کرتے ہوئے 27/ اکتوبر فیصلہ سنانے کی تاریخ مقرر کی ہے، آج عدالت میں دفاعی وکلاء اور استغاثہ نے زبانی بحث کے ساتھ ساتھ عدالت میں تحریری بحث بھی داخل کی ہے جو سیکڑوں صفحات پر مشتمل ہے۔کرونا لاک ڈاؤن کی وجہ سے حتمی بحث بذریعہ ویڈیو کانفرنسنگ ہوئی، ملزمین کو بھی جیل سے بذریعہ ویڈیو کانفرنسنگ دوران بحث عدالت میں پیش کیا گیا جنہوں نے بحث کی سماعت کی۔ اس معاملے کا سامنا کررہے ملزمین کو جمعیۃ علماء مہاراشٹر (ارشدمد نی) قانونی امداد کمیٹی قانون امداد فراہم کررہی ہے۔ خیال رہے کہ 23/ اکتوبر2013ء کو پٹنہ کے مشہور تاریخی گاندھی میدان میں بم دھماکہ ہوا تھا جب وزیر اعظم نریندر مودی ایک عوامی ریلی سے خطاب کرنے والے تھے،اس بم دھماکہ میں 6/لوگ ہلاک اور 90/ افراد زخمی ہوئے تھے۔ بم دھماکوں کی تفتیش قومی تفتیشی ایجنسی NIA کے سپرد کی گئی جس نے بہار، جھاکھنڈ اور آس پاس کی دیگر ریاستوں سے10/ اعلی تعلیم یافتہ مسلم نوجوانوں کو گرفتار کیا تھا اور ان کے خلاف تعزیرات ہند کی دفعات 307,326,212,121(A), 120(B), 34، دھماکہ خیز مادہ کے قانون کی دفعات 3, 5 اور غیر قانونی سرگرمیوں کی روک تھام والے قانون کی دفعات 16,18,20 کے تحت مقدمہ قائم کیا تھا جس کے بعد ملزمین کی پیروی کے لئے جمعیۃ علماء کی جانب سے، ایڈوکیٹ سید عمران غنی،ایڈوکیٹ واصف الرحمن خان ودیگر کو مقرر کیا گیا جنہوں نے ملزمین کا دفاع کیا۔ لاک ڈاؤن سے قبل اس مقدمہ میں فریقین کی بحث شروع ہوچکی تھی لیکن اسی درمیان خصوصی جج کا تبادلہ بھی ہوگیا اور کرونا وبا ء کی وجہ سے لاک ڈاؤن کا نفاذ ہوا جس کے بعد خصوصی عدالت میں اس مقدمہ کی سماعت نہیں ہوسکی لیکن نئے جج گرویندر سنگھ ملہوتراکی تقرری ہونے کے بعد فریقین نے بحث مکمل کرلی جس کے بعد آج عدالت نے فیصلہ محفوظ کرلیا۔ اس معاملے میں ملزمین امتیاز انصاری کمال الدین، حیدر علی عالم انصاری،نعمان سلطان انصاری،مجیب اللہ جابر انصاری،عمیر شفیع صدیقی، اظہر الدین شکیل الدین قریشی، احمد حسین سید قریشی، فخرالدین غلام مرتضی، محمد فیروز اسلم اور محمد افتخار محمد مصطفی کو اس معاملے میں ملزم بنایا گیاہے۔ دوران بحث دفاعی وکلاء نے عدالت میں تفتیشی ایجنسی کی جانب سے تفتیش میں کی جانے والی غیر قانونی تفتیش پر تفصیل سے روشنی ڈالی ہے جس میں ملزمین سے جبراً لیا گیا اقبالیہ بیان، گواہوں کو دھمکا کر ان سے ملزمین کے خلاف بیان لینا، فارینسک سائنس رپورٹ میں موجود خامیاں، گواہوں کے بیانات میں تضاد، پولس افسران کے بیانات میں تضاد، غیر قانونی طریقے سے ملزمین کے قبضوں سے ضبط کی گئی اشیاء،شناختی پریڈ کا نہ ہونا وغیرہ شامل ہے۔

بریکنگ نیوز بہار پنچایت انتخابات کے دوران پولیس قافلے پر پتھراؤ : ‏Stone pelting on police

بہار پنچایت انتخابات کے دوران پولیس قافلے پر پتھراؤ : Stone pelting on police

بہار پولیس نے جمعہ کی سہ پہر بہار کے ضلع دربھنگہ میں سینئر سپرنٹنڈنٹ آف پولیس (ایس ایس پی) کے قافلے پر پتھراؤ کرنے کے الزام میں چھ افراد کو گرفتار کیا ہے۔
دربھنگہ ایس ایس پی بابو رام دیگر پولیس افسران کے ساتھ پنچایت انتخابات پرامن طریقے سے کرانے کے لیے ضلع میں گشت کر رہے تھے۔

جب بابو رام کی ٹیم ضلع کے صدر علاقے میں پہنچی تو کچھ شرپسندوں نے ، جو کہ چیف امیدوار کے حامی بتائے جاتے تھے ، پولیس قافلے پر پتھراؤ کیا۔

ایس ایس پی نے بتایا کہ اچانک پتھراؤ کی وجہ سے ایک گاڑی کی کھڑکی کے شیشے ٹوٹ گئے۔ پولیس اہلکاروں نے فوری جوابی کارروائی کی اور چھ افراد کو گرفتار کرنے میں کامیاب ہوگئے۔

ایک اور واقعہ میں ، بھور تھانے کے تحت واقع حسین پور پنچایت کے دیہاتیوں نے بلاک ڈیولپمنٹ آفیسر (بی ڈی او) پولیس افسران کو پولنگ سٹیشن پر ووٹرز کے خلاف مبینہ طور پر بدسلوکی استعمال کرنے پر پولنگ بوتھ چھوڑنے پر مجبور کیا۔

یہ واقعہ پولنگ سٹیشن نمبر 111 112 پر پیش آیا۔ دیہاتیوں نے دعویٰ کیا کہ پولنگ بوتھ پر پولنگ پرامن طریقے سے جاری تھی جب بیکنٹھ پور کے بی ڈی او پولیس افسران بوتھ پر پہنچے۔ اس نے قطار میں کھڑے ووٹروں کو گالیاں دیں۔ کئی خواتین ووٹرز بھی وہاں موجود تھیں۔

ایک دیہاتی رامیشور جھا نے میڈیا کو بتایا ، ووٹر پولیس افسران کے رویے سے ناراض تھے۔ ہم نے ان سے احتجاج کیا اور ان سے کہا کہ وہ تضحیک آمیز الفاظ استعمال نہ کریں۔ جب وہ نہیں رکے تو دیہاتیوں نے پولنگ بوتھ پر ووٹ ڈالنے کے لیے جمع کیا اور انہیں مجبور کیا کہ وہ احاطے سے باہر جائیں۔ ناراض گاؤں والوں نے لاٹھیوں سے ان کا پیچھا کیا

عنقریب بغیر انٹرنیٹ بھی ڈیجیٹل پیمنٹ ممکن ہوگا! ’فوری ٹرانسفر‘ کی حد بھی 5 لاکھ تک بڑھائی گئی

 اکتوبر 8, 2021

• 

  
  

نئی دہلی: ریزرو بینک آف انڈیا (آر بی آئی) نے جمعہ کے روز اپنی دو ماہانہ مالیاتی پالیسی کی جائزہ رپورٹ پیش کر دی۔ مرکزی بینک نے ریپور ریٹ اور ریورس ریپو ریٹ میں کوئی تبدیلی نہیں کی ہے، تاہم دیجیٹل پیمنٹ کی دنیا میں انقلاب لانے والا ایک اہم اعلان کر دیا ہے۔

ریزرو بینک کے گورنر شکتی کانت داس نے مانیٹری پالیسی کا اعلان کرتے ہوئے کہا کہ ملک میں اب بہت جلد بغیر انٹرنیٹ کے بھی ڈیجیٹل پیمنٹ ممکن ہو سکے گا۔ اس کا مقصد دور دراز یا انٹرنیٹ کے نیٹورک کی رسائی سے دور علاقوں میں لوگوں کو ڈیجیٹل پیمنٹ کرنے کی سہولت فراہم کرنا ہے۔ نیز اس سے معیشت کو نقدی سے پاک بنانے میں بھی مدد حاصل ہوگی۔

شکتی کانت داس نے کہا کہ اس کے لئے ایک پائلٹ پروجیکٹ چلایا گیا تھا۔ اب ریزرو بینک کا منصوبہ آف لائن موڈ میں ریٹیل ڈیجیٹل پیمنٹ کے لئے فریم ورک تیار کرنے کا ہے۔

اس کے علاوہ ریزرو بینک نے آئی ایم پی ایس سے ہونے والے آن لائن پیمنٹ کی لمٹ کو بھی بڑھا دیا ہے۔ پہلے آئی ایم پی ایس سے 2 لاکھ روپے تک کا ہی پیمنٹ کیا جا سکتا تھا لیکن اب اس سے 5 لاکھ روپے تک کا پیمنٹ کیا جا سکے گا۔ اس سے سب سے زیادہ فائدہ بینک سے ریٹیل پیمنٹ کیا جا سکے گا۔ اس سے سب سے زیادہ فائدہ بینک سے ریٹیل پیمنٹ کرنے والے گاہکوں کو ہوگا۔

آر بی آئی کے گورنر شکتی کانت داس نے مانیٹری جائزہ کمیٹی کے اجلاس کے ختم ہونے کے بعد جمعہ کے روز ریپور ریٹ میں کوئی تبدیلی نہیں کئے جانے کا اعلان کیا۔ انہوں نے کہا کہ ریزر بینک نے ریپو ریٹ کو 4 فیصد اور ریورس ریپو ریٹ کو 3.5 فیصد پر برقرار رکھا گیا ہے۔

یہ لگاتار 8ویں بار ہے جب ریزرو بین نے اپنی ان پالیسی ساز شرحوں میں تبدیلی نہیں کی ہے۔ اسی کے ساتھ ریزرو بینک کا کہنا ہے کہ وہ مانیٹری پالیسی کے حوالہ سے اپنا لچکدار رخ برقرار رکھے گا۔