مچھلی پٹی میں جلسہ سیرت النبی ہمایوں اقبال ندوی، ارریہ ۱۴ربیع الاول ۱۴۴۴ھ

مچھلی پٹی میں جلسہ سیرت النبی

 ہمایوں اقبال ندوی، ارریہ 

۱۴ربیع الاول ۱۴۴۴ھ

اردو دنیا نیوز ٧٢

 ارریہ بازار میں  مچھلی پٹی مشہور ومعروف جگہ کا نام ہے، آس پاس کی آبادی غیر مسلموں کی ہے،انمیں اکثریت بنگالی ہندؤں کی ہے، آٹے میں نمک کے برابر مسلمان وہاں سکونت پذیر ہیں، بقیہ ارریہ نگر پریشد میں بسنے والے مسلمانوں کی تعداد چالیس فیصد سے زیادہ ہی ہے،بعض بعض حصوں کی مکمل آبادی خالص مسلمانوں کی ہی ہے،مگرمچھلی پٹی میں مسلم آبادی برائے نام ہے جنہیں بآسانی انگلیوں پر گنا جاسکتا ہے،ایک نوجوان محمد سالک عرف مٹھو ہیں، ان کی تحریک سے ابھی دودن قبل ۱۲ ربیع الاول ۱۴۴۴ھ وہاں سیرت النبی کا ایک جلسہ منعقد کیا گیاجو کافی کامیاب رہا ہے،

ڈیڑھ دو گھنٹے کے اس پروگرام میں نبی کریم صلی اللہ علیہ وسلم کی زندگی پر روشنی ڈالی گئی ہے، آنحضور کے اخلاق کریمانہ اور عدل و انصاف پر مفصل گفتگو ہوئی ،

 آپ صلی اللہ علیہ وسلم کی مہمان نوازی کا معروف واقعہ پیش کیا گیا کہ، ایک غیر مسلم نبی صلی اللہ علیہ وسلم کا مہمان ہوا اور سات بکریوں کا دودھ پی گیا، رات بھر تمام اہل بیت بھوکا رہا، مگرکسی نے اف تک نہ کیا،آپ صلی اللہ علیہ وسلم اپنا کام اپنے ہاتھ سے کرتے،گھر میں جھاڑو دیتے، بازار سے سوداخرید لاتے،جوتی پھٹ جاتی تو خود گانٹھ لیتے اور اپنے ہاتھ سے آٹا تک گوندھ لیتے، یہی  نہیں بلکہ دوسروں کے کام بھی کردیا کرتے،دشمنوں کے ساتھ بھی آپ نے دوستوں جیسا سلوک کرنے کا حکم فرمایا اور کرکے بھی دکھایا،جنہوں نےآپ صلی اللہ علیہ وسلم کو گالیاں دیں،راہوں میں کانٹے ڈالے،پاگل کہا، شاعر کہا،جادو گرکہا  آپ نے کسی سے بدلہ نہیں لیا، فتح مکہ کے موقع پر سب کو یہ کہ کر معاف کردیا،

 جاؤ تم سب کو میں نے معاف کردیاہے، تم سبھی آزاد ہو،آج تم پر کوئی ملامت نہیں ہے، 

آپ کےپیارےچچا حضرت حمزہ رضی اللہ عنہ کا قاتل وحشی  کو بھی معافی ملی ،اور جس نے آپ کے شہید چچا کے کلیجہ چبا لیاتھا، اسے بھی آپ صلی علیہ وسلم وسلم نے معاف فرمادیاہے، 

 جانوروں پر بھی آپ صلی اللہ علیہ وسلم نے رحم کی تعلیم فرمائی ہے،قرآن میں یہ لکھا ہوا ہے کہ آپ کو سب کے لیے رحمت بناکر بھیجا گیا ہے، آپ نے یہ پیغام تمام انسانوں کو دیا ہے کہ تم انسان ہو، ایک دوسرے سے حسد نہ کرو،ایک دوسرے سے منھ نہ پھیرو،خدا کے بندو!آپس میں بھائی بھائی بن جاؤ، 

آپ صلی اللہ علیہ وسلم نے یہ اعلان فرمایاہےکہ؛تم میں سے کوئی شخص اس وقت تک مکمل مسلمان نہیں ہوسکتا جب تک کہ وہ لوگوں کے لیے وہی پسند کرے جو اپنے لیے پسند کرتا ہے،

ایک شخص نے مدینہ کی مسجد میں آکر یہ دعا کی کہ خدایا! مجھ کو اور محمد کو مغفرت عطا فرما، آپ صلی اللہ علیہ وسلم نے کہا کہ، خدا کی رحمت کو تم نے تنگ کردیا،( بخاری )

مذکورہ بالا عناوین پر اس جلسہ سیرت النبی میں سیر حاصل گفتگو کی گئی، جسے سامعین نے بہت ہی اہم اور ضروری قرار دیا ہے۔

قاضی شہر جناب عتیق اللہ صاحب رحمانی نے عورتوں کے حقوق سیرت النبی کی روشنی میں، اس عنوان پر جامع گفتگو کی، اپنی ساس کو بھی ماں کے جیسے عزت دینی چاہیے،اپنی بہو کو بیٹی کے مقام پر دیکھنا چاہئے،آج نشہ میں ہمارا جوان لت پت ہے،اس سے انہیں باہر نکالنے کی فکر کیجئے ،اور نبی کریم کی سیرت کو زندگی میں داخل کیجئے،یہ وقت کا شدید تقاضہ ہے اور اس جلسہ کے انعقاد کے ذریعہ یہی پیغام دینا مقصود ہے۔

جناب الحاج قاری نیاز صاحب قاسمی نے بڑی خوبصورت نظامت فرمائی، اپنی تمہیدی گفتگو میں جوانوں کا اس پروگرام کےانعقاد پر شکریہ ادا کیا، میاں معراج اور سونو بابو کو دعائیں دیں، 

نعت نبی اور اصلاحی نظموں سے جناب عبدالباری زخمی نے جلسہ کو زعفران زار بنادیا۔

شہر کے معروف ومشہور ڈاکٹر جناب آصف رشید صاحب مچھلی پٹی کے ہی رہنے والے ہیں، انہوں نے قاضی صاحب سے مخاطب ہوتے ہوئےیہ کہا ہےکہ، آپ کو یہ پتہ نہیں ہے کہ آپ لوگوں کی تقریر سے زیادہ کس نے فائدہ لیا ہے،سامنے موجود مردوں سے زیادہ خواتین نے اس جلسہ سے کام کی باتیں اخذ کی ہیں ، دیوار سے لگ لگ کر،اپنی چھتوں پر جاکر، گلیوں سے کان لگاکر پورے پروگرام کو وہ سب سن رہی تھیں، اور محظوظ ہورہی تھیں، آپ لوگوں نے وہاں سے صفائی شروع کی ہے جہاں گندگی بہت زیادہ ہے،صفائی کا صحیح طریقہ بھی یہی ہے، ہم نے آج تک یہاں کوئی اس نوعیت کا مفید پروگرام نہیں دیکھا ہے، 

نشہ اور کوریکس پر ہم سب انتظامیہ سے شکایت کرتے رہے،پولس آتی رہی مگر فائدہ کچھ بھی نہیں ہوا ہے بلکہ مرض بڑھتا گیا جوں جوں  دوا کی ہے،اس طرح کی چھوٹی چھوٹی نشستوں کی یہاں شدید ضرورت ہے۔

جلسہ کی کامیابی کی جہاں اپنوں نے شہادت دی ہے وہیں غیروں نے بھی اسے کافی مفید پروگرام  بتلایا ہے،مچلی پٹی  وارڈ نمبر ۲۳کے وارڈ کمشنرجناب منٹو جی جوایک غیر مسلم ہیں، انہوں فون کرکے علماء کرام کا شکریہ ادا کیا ہے، اور اپنی معلومات کے مطابق اسے یہاں کا پہلا پروگرام بتلایا ہے، جسمیں بڑی کام کی باتیں انہیں سمجھ میں آئی ہیں، 

امتیاز صاحب چیرمین، ضلع ارریہ کے سینئر ایڈووکیٹ پدم شری طہ خاموش صاحب شروع سے اخیر تک جلسہ سیرت النبی میں موجود رہے، 

ہم اخیر میں مچھلی پٹی کے ان نوجوانوں کا شکریہ ادا کرتے ہیں جنہوں نے مچھلی پٹی ہی نہیں بلکہ ضلع ارریہ سے ایک بڑا پیغام دیا ہے، 

جہاں اس وقت خود غرضی اور مفاد ومادہ پرستی کا دور ہے،مسلم نوجوان شہرت کے پیچھے ارریہ سے اتر پردیش چلا جاتا ہے، اور مشہور ہونے کے لیے دین وایمان کا سودا کرلیتا ہے،مگراپنی گلی کی فکر نہیں کرتا ہے، جس چیز میں دنیا وآخرت کی کامیابی کی ضمانت دی گئی ہے،اسے بالائے طاق رکھ دیتا ہے اور بالآخر خود بھی ذلیل ہوتا ہے اور اپنی نسلوں کی ذلت کا سامان بن جاتاہے، 

        اپنی گلی سے یار کا گھر دو قدم پہ تھا 

       دس میل ہم نکل گئے جوش شباب میں 

ہمایوں اقبال ندوی، ارریہ 

۱۴ربیع الاول ۱۴۴۴ھ

کوہ ِ نور ___مفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ

کوہ ِ نور ___

مفتی محمد ثناء الہدیٰ قاسمی  

نائب ناظم امارت شرعیہ پھلواری شریف پٹنہ

اردو دنیا نیوز ٧٢

ملکہ الزبتھ دوم کے انتقال کے بعد سے کوہ نور ایک بار پھر سر خیوں میں ہے، ۱۲-۲۱؍ گرام وزن ، ۶-۳؍ سینٹی میٹر لمبے ۲-۳؍سنٹی میٹر چوڑے اور ۳-۱ ؍ سینٹی میٹر موٹے اس کوہِ نور کی مالیت اس وقت ۴۷۸۰ ؍ کروڑ روپے ہے، بیضوی ہیئت کے اس ہیرے کا وزن کبھی ۲× ۳۶ ؍ گرام تھا، لیکن اب اس کے وزن میں کمی آئی ہے۔

 کہا جاتا ہے کہ سینکڑوں سال پہلے آندھرا پردیش میں کھدائی کے دوران یہ ہیرا نکلا تھا، شاہ جہاں تک کئی واسطوں سے یہ پہونچا اور اس نے تخت طاؤس کے اوپری حصے میں اسے جڑوادیا، نادر شاہ نے جب دہلی کو تخت وتاراج کیا تو اسے تخت طاؤس سے نکال کر اپنے بازو پر باندھنے لگا اور ایران لے گیا، ۱۷۴۷ء میں یہ افغانستان کے احمد شاہ ابدالی کے پاس پہونچا ، شاہ شجاع کے واسطے سے یہ رنجیت سنگھ تک پہونچا، رنجیت سنگھ ہمیشہ تو نہیں لیکن بڑی تقریبات کے موقع سے اسے بازو پر باندھا کرتا تھا۔ ۱۸۳۹ء میں رنجیت سنگھ کے وفات پانے کے چار سال بعد ۱۸۴۳ء میں دلیپ سنگھ کو پنجاب کا راجہ بنایا گیا، اس وقت اس کی عمر صرف دس سال تھی ، ۲۹؍ مارچ ۱۸۴۹ء کو دلیپ سنگھ نے انگریزوں سے ڈر کر سمجھوتہ کر لیا جس کے نتیجے میں لاہور کا قلعہ اور کوہِ نور ہیرا انگریزوں کے قبضے میں چلا گیا۔ لارڈ لہوزی اسے لینے خود لاہور آیا تھا، اس نے اسے وکٹوریہ کو بھیجوا دیا بعد میں اسے تراش خراش کر وکٹوریہ کے تاج میں لگایا گیا، وکٹوریہ کے بعد ایورڈ ہفتم نے اسے تاج میں جگہ نہیں دی، آخری بار یہ تاج میں جڑا ہوا رانی الزبتھ کے تابوت پر ۲۰۰۲ء میں نظر آیا تھا، ملکہ الزبتھ دوم کے دور میں یہ ہیرا ٹاور آف لندن کے جویلر ہاؤس میں رکھ دیا گیا اور یہ اب تک وہیں موجود ہے، اس طرح کوہ ِ نور ہیرا کو برطانیہ کے قبضہ میں ایک سو تہتر (۱۷۳) سال پورے ہو گیے ہیں۔ 

 ہندوستان اس ہیرے پراپنا حق جتاتا رہا ہے، ۱۹۴۷، ۱۹۵۳، ۲۰۰۰، ۲۰۰۸، اور ۲۰۱۰ء میں اس کی واپسی کے لیے ہندوستان نے کوشش کی، ۲۰۱۶ء میں سپریم کورٹ میں ایک عرضی داخل کی گئی تھی، جس میں کہا گیا تھا کہ یہ بھارت کی چیز ہے اسے ہندوستان واپس لانا چاہیے، سوشل میڈیا پر وینکٹیشور شکلا نے ایک بار پھر اسے ہندوستان لانے کی مہم چھیڑی ہے، لیکن یہ کام بہت آسان نہیں ہے، قانونی طور پر ایسا ممکن نہیں ہے، البتہ آپسی سمجھوتے کے نتیجہ میں ایسا ہو سکتا ہے، لیکن جب برطانیہ اس کی موجودگی کو باعث فخر سمجھتا ہے تو یہ سمجھوتہ کس طرح ممکن ہو سکے گا۔

 البتہ اگر یہ مہم کامیاب ہو گئی تو آرلاؤ، ری جنٹ، دی بلو ہوپ کی علی الترتیب روس، فرانس اور امریکہ سے واپسی کی مانگ بھی زور پکڑے گی، گریٹ مغل ڈائمنڈ کے نام سے مشہور آر لاؤ ہندوستان سے بر آمد ہیروں میں سب سے بڑا ہے، اس کا وزن ۶۲-۱۸۹؍ کریٹ ہے، یہ گول کنڈا ، آندھرا پردیش کی کھدائی سے سترہویں صدی میں نکلا تھا، مختلف تاجروں کے دست بدست یہ روس پہونچا اور ان دنوں یہ ماسکو میں واقع ڈائمنڈ فنڈ میوزیم میں رکھا ہوا ہے۔

 ری جنٹ ۶۴-۱۴۰؍ کریٹ کا ہیرا ہے یہ بھی گول کنڈہ میں کھدائی کے دوران ۱۶۹۸ء میں بر آمد ہوا تھا، یہ مختلف ہاتھوں سے گذر کر فرانس کے راجہ لوئیس ۱۵، تک پہونچا ، ۱۸۰۱ء میں اسے نپولین نے قبضہ کرکے اپنے تلوار میں لگایا، ان دنوںیہ فرانس کے لاؤرے میوزیم کی زینت ہے۔

۵۲-۴۵؍ کریٹ کا دی بلو ہوپ نیلے رنگ کا بہت چمکدار ہیرا ہے، یہ سترہویں صدی میں کولو کھان سے نکلا تھا، یہ ہندوستان ، فرانس، برطانیہ ہوتا ہوا، اب امریکہ کے نیشنل میوزیم آف نیچرل ہسٹری میں رکھا ہوا ہے۔ ظاہر ہے ان ہیروں کی واپسی کے مطالبہ کا کوئی قانونی جواز نہیں ہے، اب یہ جہاں ہیں، جن کے قبضہ میں ہیں، ان کی ملکیت ہیں، آخر میں جن تین ہیروں کا ذکر کیا گیا ہے، وہ ہندوستان سے لُوٹ کے ذریعہ نہیں گیے ہیں، اس لیے اس پر دعویٰ کی بنیاد ہی نہیں بنتی ہے، لیکن سوشل میڈیا اور ہیش ٹیگ پر مہم چلانے کے لیے کوئی منطقی بنیاد ضروری تو نہیں ہے۔

ڈاکٹر علامہ یوسف عبد اللہ قرضاوی- تیری جدائی سے ہے عالم سوگوار

ڈاکٹر علامہ یوسف عبد اللہ قرضاوی- تیری جدائی سے ہے عالم سوگوار

اردو دنیا نیوز ٧٢

مفتی محمد ثناء الہدیٰ قاسمی

 نائب ناظم امارت شرعیہ پھلواری شریف پٹنہ

 عالم اسلام کی ممتاز اور با اثر شخصیت ، یوروپین کونسل اینڈ ریسرچ کے سر براہ، الاتحاد العالمی لعلماء المسلمین کے سابق صدر، اخوان المسلمین کے سر گرم رکن وقائد، رابطہ عالم اسلامی کے سابق رکن ، مجمع البحوث الاسلامیہ مصر، مجلس الامناء لمنظمۃ الدعوۃ الاسلامیہ افریقہ، مجلس الامناء لمرکز الدراسات الاسلامیہ آکسفورڈ کے رکن، الرقابۃ الشرعیۃ لمصرف قطر کے صدر، ھیئۃ الشرعیہ العالمیۃ للزکوٰۃ کویت کے نائب صدر، نامور مفسر، عظیم محدث مشہور فقیہ؛ بلکہ عصر حاضر کے مجتہد ، داعیٔ اسلام، استاذ الاساتذہ،مفکر اسلام عربی کے بڑے شاعرعلامہ یوسف عبد اللہ قرضاوی کا عیسوی سال کے اعتبار سے ۹۶ اور ہجری سال کے اعتبار سے سو سال کی عمر میں ۲۶؍ ستمبر ۲۰۲۲ء کو دوحہ قطر میں انتقال ہو گیا، پس ماندگان میں چار بیٹیاں الہام، سہام، علا ، اسماء اور تین بیٹے محمد، عبد الرحمن اور اسامہ پہلی بیوی اسعاد عبد الجواد ام محمد اور ایک لڑکا دوسری بیوی عائشہ اسماء جزائری سے ہے، جنازہ کی نماز دوسرے دن بعد نماز عصر دوحہ کی جامع الامام محمد بن عبد الوہاب المعروف جامع الدولۃ میں ہوئی، نماز جنازہ کی امامت شیخ محمد حسن ولد الدود شفقیطی نے کی، پچاس ہزار سے زائد لوگوں کی موجودگی میں پورے سرکاری اعزاز کے ساتھ تدفین ابوہامور  قبرستان میں ہوئی، نماز جنازہ میں قطر کے حکمراں، ولی عہد، وزراء کے علاوہ شیخ محی الدین علی القراداغی ، حماس کے مرکزی قائد اسماعیل ہنیہ، خالد مشعل، آبا صوفیا ترکی کے خطیب علی الارباس، وزیر اوقاف ترکی اور اخوانی قائدین نے شرکت کی، جنازہ کی نماز دوبار ان کی قبر پربھی ادا کی گئی، دنیا کے مختلف ممالک میں غائبانہ نماز جنازہ کا بھی اہتمام کیا گیا، علامہ کی موت سے موت العالِم موت العالَم کا منظر سامنے آگیا۔

 علامہ یوسف القرضاوی کی ولادت مصر کے محافظۃ الغربیۃ کے ایک گاؤں صفط تراب مرکز کے المحلۃ الکبری میں ۹؍ ستمبر ۱۹۲۶ء کو ہوئی، دو سال کی عمر میں ہی والد کا سایہ سر سے اٹھ گیا، پرورش وپرداخت چچا کے زیر سایہ وسر پرستی ہوئی، نو (۹) بر س کی عمر میں آپ نے حفظ قرآن کی تکمیل کی،  جامعۃ الازہر یونیورسٹی کے کلیۃ الاصول سے ۱۹۵۳ء میں اصول دین میں گریجویشن اور ۱۹۵۴ء میں کلیۃ اللغۃ العربیۃ سے امتیازی نمبرات سے بی ایڈ اور ۱۹۵۸ء میں عرب انسٹی ٹیوٹ آف ہایر عرب اسٹڈیز سے زبان وادب میں ڈپلومہ کی سند پائی، علوم القرآن پر ماجسٹریٹ اور فقہ الزکوٰۃ پر زبردست مقالہ لکھ کر پی ایچ ڈی کی ڈگری حاصل کی،جس کا عنوان تھا، ’’دور الزکوٰۃ فی علاج المشکلات الاقتصادیۃ وشروط نجاحھا‘‘ وہ امام ابن تیمیہ ، حسن البنا شہید، محمد غزالی اور مفکر اسلام حضرت مولانا سید ابو الحسن علی ندوی کے افکار واقدار اور دعوت وتبلیغ کے منہج اور طریقہ کار سے متاثر رہے اور پوری زندگی اسی نہج پر کام کرنے میں صرف کر دیا، وہ مشہور اخوانی رہنما تھے اس لیے انہیں پہلی بار ۱۹۴۹ء میں جیل کی صعوبتیں بھی بر داشت کرنی پڑیں، اس کے بعد یہ سلسلہ دراز ہونے لگا، صرف جمال عبد الناصر کے دور حکومت میں انہیں تین بار قید کیا گیا، رہائی کے بعد ۱۹۶۱ء میں قطر تشریف لائے یہاں کی حکومت نے نہ صرف آپ کا استقبال کیابلکہ قطر کی شہریت بھی تفویض کر دی، چنانچہ کم وبیش زندگی کے باسٹھ(۶۲) سال آپ نے یہاں گذارے، اس دور میں برطانیہ، اسرائیل اور فرانس میں آپ کی آمد ورفت پر پابندی رہی۔ انہوں نے مصری وزارت کے مذہبی اموردعوۃ والارشاد اور محکمۂ اوقاف میں خدمات انجام دیں، قطر اور جزائر کی یونیورسیٹوں میں بھی تدریس اور محاضرات کے فرائض انجام دیے، ۱۹۷۷ء میں آپ نے قطر یونیورسیٹی میں کالج آف شرعیۃ اینڈ اسلامک اسٹڈیز قائم کیا، مرکز سیرت نبوی کو وجود بخشا ، وہ اس کالج کے ڈین بھی رہے، ۱۹۹۰ء اور ۱۹۹۱ء میں اسلامک یونیورسٹی اور اکیڈمک کونسل الجزائر کے صدر کی حیثیت سے کام کیا۔

 آپ دعوت وتذکیر کے ساتھ تحقیق وتصنیف کے بھی مرد میداں تھے، اسلامی قانون اور فقہ ان کا خاص موضوع تھا، انہوں نے ایک سوستر سے زائد کتابیں تصنیف کیں ان میں فقہ الزکوٰۃ ، الحلال والحرام فی الاسلام، فقہ الجہاد، فتاویٰ معاصرۃ، فقہ الطھارۃ، فقہ الصیام، فقہ الغناء والموسیقی، فقہ اللہو والترویح ، الاجتہاد فی الشریعۃ الاسلامیۃ ، کیف نتعامل مع القرآن العظیم، کیف نتعامل مع السنۃ النبویۃ بین الجحود والتطرف، ترشید الصحوۃ الإسلامیۃ ابن الخلل  ان کی آپ بیتی ابن القریۃ والکتاب وغیرہ مشہور ومعروف ہیں۔

فنی اور موضوعاتی اعتبار سے ان کی کتابوں کا جائزہ لیا جائے تو معلوم ہوگا کہ انہوں نے عقیدۃ الملل والنحل پر ۱۵،  فقہ العبادات پر ۱۰، فقہ الاسرۃ والمجتمعات پر ۵، فقہ المعاملات المالیۃ والاقتصاد الإسلامی پر ۸، فقہ الجنائی پر ۳، السیاسۃ الشرعیہ پر ۱۶، الفقہ العالم۵، اصول فقہ پر ۸، فتاویٰ پر ۶، فقہ الاخلاق پر ۹، علوم قرآنی اور تفسیر پر ۹، سنۃ نبویہ اور متعلقات پر ۸، فقہ الامۃ والدعوۃ پر ۲۶، عاملین اسلام پر ۱۰، ھموۃ الاسلامیہ پر ۱۲، تاریخ پر ۱۱، شعر وادب اور متعلقات پر ۱۵، خطبہ جمعہ (۱۰؍ اجزائ) مجموعۂ محاضرات پر ۳۳، کتابیں تصنیف کیں۔    

مولانا بدر الحسن قاسمی مقیم کویت نے لکھا ہے ’’عصر حاضر کے اسلوب میں ان کی تصنیف وتالیف کا اللہ تعالیٰ نے خاص سلیقہ عطا فرمایا تھا، چنانچہ ان کی تصنیفات میں فکر کی بالیدگی، استدلال کی قوت، تعبیر کی عمدگی، زبان کا زور اور اسلوب نگارش کی سحر آفرینی ساری خصوصیتیں ایسی ہیں، جو پڑھنے والے کو اپنا اسیر بنا لیتی ہیں اور لوگ ان کے گرویدہ اور عقیدت کیش ہوجاتے ہیں۔۔۔۔ ان میں علمی مواد کے ساتھ فکری انحراف کا علاج بھی ہے اور خود اسلام پسند حلقوں میں جو فکری بے اعتدالی اور انتہا پسندی محسوس ہوتی ہے، اس کا بھر پور تدارک بھی ہے۔‘‘

 آپ عربی زبان وادب کے نامور ادیب اور بہترین شاعر تھے،ا نہوں نے قید وبند کے زمانہ میں شاعری کی، ان کی شاعری کا مجموعۃ ملحمۃ الابتلاء کے نام سے منظر عام پر آچکا ہے۔

 علامہ یوسف قرضاوی کی جرأت وبے باکی ضرب المثل تھی، وہ اقبال کے ’’نگاہ مرد مؤمن سے بدل جاتی ہیں تقدیریں‘‘ کے سچے مصداق تھے، ان کو دیکھ کر ایمان میں تازگی، قلب میں فرحت وسرور کی کیفیت پیدا ہوتی تھی، بلکہ کہنا چاہیے کہ اللہ یاد آجاتا تھا، ان کی تقریروں کو سن کر غیرت ایمانی شعلہ فروزاں ہوجاتی تھی، وہ عابد شب بیدار اور دین کے مجاہد تھے، انہیں امت کی فکر دامن گیر تھی، انہیں امت مسلمہ سے یہ شکوہ تھا کہ وہ کام نہیں کرتے، وہ ٹرینیں اور ہوائی جہاز استعمال کرتے ہیں، لیکن ان کو اپنے یہاں بنانے کی فنی اور پیشہ وارانہ مہارت نہیں پیدا کرتے، ہم پیشہ وارانہ مہارت میں پیچھے ہیں، حالاں کہ پیشہ وارانہ مہارت بھی ہمارے فرائض میں سے ایک فرض ہے، وہ کہا کرتے تھے کہ ہمارا اسلام عقیدہ میں جبر ، عبادت میں شکلیت، سلوک میں سلبیت ، فکر میں سطحیت ، فقہ میں ظاہریت اور زندگی میں مظہریت سے بچاتا ہے، جب کہ ہمارا اسلام عقیدہ میں توحید، عبادت میں اخلاص، اخلاق میں خیر، شریعت میں عدل اور روابط میں اخوت کو ایمانی واسلامی روح قرار دیتا ہے، وہ دین، فکر اورسیاسی مخالفین سے مکالمات پر زور دیتے تھے۔اور فلسطین کے تناظر میں خود کش حملوں کو جائز ٹھہراتے تھے۔ وہ عرب کے دیگر علماء کی طرح تصویر کشی کو جائز سمجھتے تھے، ان کے نزدیک اسلام قبول کرنے والی عورت کو حالات کے نارمل ہونے تک غیر مسلم شوہر سے میاں ، بیوی کا رشتہ بحال رکھنے کی اجازت تھی، چاہے اس میں دسیوں سال لگ جائیں، وہ یورپ میں سودی قرض کے جواز کے قائل تھے، وہ عورتوں کے دودھ بینک سے بچوں کو دودھ پلانے کی اجازت دیتے تھے، اہل علم ومفتیان کرام کو ان کے اس قسم کے فتووں سے اتفاق نہیں تھا، وہ اسے ان کے تفردات پر محمول کرتے تھے، ان کی مشہور کتاب الحلال والحرام میں بھی اس قسم کی باتیں کثرت سے ہیں، جن کے جواب میں اہل علم نے الگ الگ کتابیں تصنیف کی ہیں۔

 ان کی علمی وعملی خدمات کے اہل علم قائل تھے، ان کے استاذ محمد غزالی انہیں امام العصر کہتے تھے، اور فرماتے کہ وہ مجھ سے بہت آگے نکل گیے ، وہ میرے شاگرد تھے، لیکن اب میں ان کا شاگرد ہوں، مولانا ابو الحسن علی ندوی کی رائے تھی کہ وہ بڑے عالم محقق اور بڑے مربی ہیں، شیخ الحسن الددوکی رائے تھی کہ وہ ہمارے زمانہ میں علم کے اعتبار سے رسول اللہ صلی اللہ علیہ وسلم  کے اول وارث ہیں، مصطفیٰ زرقاء انہیں حجۃ العصر اور مسلمانوں پر اللہ کی نعمت قرار دیتے تھے، محمد عمارۃ، قرضاوی کو مستقل فکری دبستان، فکری منصوبہ ساز اور فقیہ الامۃ قرار دیتے  ہیں، شیخ عبد الفتاح ابو غدہ کی نظر میں وہ علامہ ، مرشد اور بڑے فقیہہ تھے، وقت کے ان جلیل القدر علماء ومشائخ کی آراء سے پتہ چلتا ہے کہ ان کی علمی ، فکری، عملی عبقریت وعظمت ان حضرات کی نگاہ میں کس قدر تھی۔

انہیں ان کی علمی اور اسلامی خدمات پر ایک درجن سے زائد ایوارڈ ملے، جن میں جائزۃ البنک الاسلامی لعام ۱۹۹۰ء ، جائزۃ الملک فیصل العالمیۃ فی الدراسات الإسلامیۃ ۱۹۹۴، جائزۃ العطاء التعلیمی التمیز من رئیس الجامعۃ الإسلامیۃ ملیشیا ۱۹۹۶، جائزۃ السلطان حسن ابلقیۃ سلطان برونائی فی الفقۃ الإسلامی  ۱۹۹۷، جائزۃ سلطان العویس فی الإنجاز الثقافی والعلمی ۱۹۹۹ خاص طور پر قابل ذکر ہیں۔

 علامہ سے میری ایک دید وشنید تھی اور دوسری باضابطہ ملاقات، دید وشنید، دار العلوم دیو بند کے صد سالہ اجلاس میں ہوئی تھی، میں ان دنوں عربی ششم کا طالب علم تھا اور طالب علموں کے مقدر میں صد سالہ اجلاس میں دور کا جلوہ ہی آیا تھا، اور ان کی گفتگو سننے کا موقع، اس طرح علامہ قرضاوی کو پہلی بار میں نے دیکھا اور ان کی گفتگو سننے کی سعادت نصیب ہوئی تھی۔

 دوسری بار قطر میں باضابطہ ملاقات کی سعادت نصیب ہوئی، موقع تھا۲۱؍ تا ۲۳ ؍ جون ۲۰۰۸ء میں الاتحاد العالمی لعلماء المسلمین کے اجلاس عام کا ، یہ تین روزہ پروگرام تھا، جو قطر کی راجدھانی دوحہ میں خصوصیت کے ساتھ ہندوستانی علماء کے لیے منعقد ہوا تھا، ہندوستان سے اس پروگرام میں مولانا سید ارشد مدنی، قاری محمد عثمان ،مولانا سید سلمان حسینی ندوی، مولانا بدر الحسن قاسمی، مولانا نور عالم خلیل امینی اور جماعت اسلامی کے مولانا جلال الدین انصر عمری موجود تھے، ان اکابر کے قافلہ میں گرد راہ کے طور پر یہ حقیر بھی مدعو تھا، اس موقع سے علامہ یوسف قرضاوی نے حسب توقع مجمع کے سامنے اپنا دل نکال کر رکھ دیاتھا، ان کی مرصع تقریر ان کے قلب نہاں کی آواز اور ملت کے لیے بے چین روح کی پکار تھی، انہوں نے علماء کے اتحاد فکر وعمل پر زور دیا تھا، اس موقع سے ڈاکٹر محی الدین قرۃ داعی نے بھی خطاب کیا تھا،بلکہ پروگرام کے ناظم بھی وہی تھے، میں دوسرے دن کے پروگرام میں شریک ہو کر واپس آگیاکیوں کہ اسی دن میری والدہ کا ۲۲؍جون کی رات ڈیڑھ بجے انتقال ہو گیا تھا۔

ہندو پاک کے علماء سے انہیں کافی انسیت تھی، وہ حضرت مولانا ابو الحسن علی ندوی ؒ کی دعوت پر توسیعی خطبہ کے لیے ۱۹۹۷ء میں ہندوستان آئے تھے، انہوں نے مولانا ابو الاعلیٰ مودودی ؒ کے جنازہ میں شرکت کے لیے پاکستان کا سفر کیا اور ان کی نماز جنازہ انہوں نے ہی پڑھائی، علامہ قرضاوی نے مفتی محمد تقی عثمانی مدظلہ کی تکملۃ فتح الملہم پر وقیع پیش لفظ لکھا، مولانا سید سلمان الحسینی ندوی کی شرح مشکوٰۃ پر اتنا طویل مقدمہ لکھا اور وہ بھی علالت کے زمانہ میں کہ وہ ایک مستقل کتاب بن گئی، دار المصنفین اعظم گڈھ میں اسلام اور مستشرقین کے سمینار میں بھی آپ کی تشریف آوری ہوئی تھی اور پر مغز مقالہ پیش فرمایا تھا۔ 

 شیخ یوسف قرضاوی کی یہ داستان مکمل نہیں ہے، اس کا مجھے احساس ہے، لیکن میں کیا کروں، پہلی بار مجھے شیخ پر لکھتے ہوئے الفاظ کی تنگ دامانی کا شکوہ ہو رہا ہے، الفاظ تنگ پڑ گیے ہیں، خیالات پر غم کی چادر پھیل گئی ہے اور دماغ میں برف کی موٹی تہہ نے جگہ بنالیا ہے، اور جب دل ودماغ، احساس وخیالات ہی ساتھ چھوڑ دیں تو داستان تمام نہیں ہوتی، نا تمام ہی رہ جاتی ہے، اللہ ان کی مغفرت فرمائے اور امت کو ان کا نعم البدل عطا فرمائے۔ آمین۔

بہار میں صنفی عدم توازن ___

بہار میں صنفی عدم توازن ___

اردو دنیا نیوز ٧٢

مفتی محمد ثناء الہدیٰ قاسمی

 نائب ناظم امارت شرعیہ پھلواری شریف پٹنہ

اللہ رب العزت نے بچے بچیوں کی شرح ولادت میں ایک خاص توازن رکھا تھا، ایسا توازن جس کی وجہ سے لڑکے لڑکی کے رشتۂ ازدواج کے لیے صنف مخالف دستیاب تھا، لیکن سائنس نے ترقی کی، الٹراساؤنڈ نے بتانا شروع کیا کہ حمل میں لڑکا ہے یا لڑکی، لڑکیوں کی شادیاں دشوار ہوئیں، لڑکوں کی طلب بڑھی اور لڑکیوں کا حمل کی حالت میں ہی قتل شروع ہو گیا، اسقاط حمل کے بڑھتے واقعات کی وجہ سے حکومت نے حمل کی حالت میں صنفی اور جنسی جانچ پر پابندی لگائی اور اسے قابل سزا جرم قرار دیا، لیکن لوگ کہاں مانتے ہیں، آج بھی چند سو روپے دے کر یہ کام دھڑلے سے ہو رہا ہے، اور ماں کے پیٹ کو ہی لڑکی کی قبر بنا دی جاتی ہے۔

 اس صورت حال نے لڑکے لڑکیوں کے اعداد وشمار میں تشویشناک حد تک فرق پیدا کر دیا ہے، صفر سے پانچ سال تک کے بچے بچیوں کے جو اعداد وشمار قومی خاندانی صحت سروے -۵ (نیشنل فیملی ہیلتھ سروے -۵) نے جاری کیا ہے اس کے مطابق ریاست میں ہر ایک ہزار لڑکے پرلڑکیوں کا تناسب چھبیس (۲۶) عدد نیچے چلا گیا ہے، پانچ سال پہلے یہ نو سو چونتیس (۹۳۴) تھاجو اب نو سو آٹھ (۹۰۸) پر آگیا ہے، رپورٹ کے مطابق سولہ (۱۶) اضلاع میں کچھ سدھار ہوا ہے، لیکن بائیس (۲۲) اضلاع میں گراوٹ درج کی گئی ہے، سب سے بُرا حال مظفر پور ضلع کا ہے، جہاں ایک ہزار بچوں پر صرف چھ سو پچاسی (۶۸۵) بچیاں ہیں، اور یہ اس حال میں ہے جب بہار سرکار لڑکیوں کی تعلیم اور شادی بیاہ تک میں رقم کی فراہمی کی مختلف اسکیمیں چلا رہی ہے، جو حکومت کے مختلف محکموں کی منصوبہ بندی کا حصہ ہیں، حکومت بہار کو بھی اس گرتے ہوئے گراف پر تشویش ہے، چنانچہ اس نے صورت حال کے جائزہ کے لیے اعلیٰ سطحی میٹنگ بلائی اور اس کے اسباب پر غور کرکے سرکار ی تدارک کے بارے میں سوچ رہی ہے۔

 تدارک صرف ایک ہے، وہ یہ کہ لڑکا لڑکی میں سے کسی کو کمتر نہ سمجھا جائے، شادی کو سادی( بلا نقطہ) بنایا جائے، تلک جہیز کی لعنت سے سماج کو پاک کیا جائے، اور یہ خیال رکھا جائے کہ یہ عمل کوئی دیکھے یا نہ دیکھے، سرکارد داروگیر کرے یا نہ کرے، لیکن ہمارا اللہ دیکھ رہا ہے ، کراما کاتبین نامۂ اعمال میں اسقاط حمل کے واقعات کو درج کر رہے ہیں اور قیامت میں سوال کیا جائے گا کہ کس جرم کی پاداش میں انہیں قتل کیا گیا ، اس وقت ہمارے پاس کوئی جواب نہیں ہوگا، اور ہم اوندھے منہ جہنم میں ڈال دیے جائیں گے، اللہ ہم سب کی سوچ کو بدل دے؛ تاکہ اس کام کی طرف ذہن ودماغ مائل ہی نہ ہو۔

موہن بھاگوت اور الیاسی ملاقات __مفتی محمد ثناء الہدیٰ قاسمی نائب ناظم امارت شرعیہ پھلواری شریف پٹنہ

موہن بھاگوت اور الیاسی ملاقات __

مفتی محمد ثناء الہدیٰ قاسمی

 نائب ناظم امارت شرعیہ پھلواری شریف پٹنہ

اردو دنیا نیوز ٧٢

موہن بھاگوت اور عمیر الیاسی کی ملاقات ان دنوں سر خیوں میں ہے ، چند روز قبل ۲۲؍ اگست کو پانچ مسلمانوں نے جن میں سابق ایم پی شاہد صدیقی، سابق چیف الیکشن کمشنر ایس وائی قریشی، سابق لفٹنٹ گونر دہلی نجیب جنگ، علی گڈھ مسلم یونیورسیٹی کے سابق وائس چانسلر ضمیر الدین شاہ اور تاجر سعید شروانی شامل تھے،آر ایس ایس چیف موہن بھاگوت سے ملاقات کی تھی، اس ملاقات کے بعد آر ایس ایس سر براہ موہن بھاگوت نے ان لوگوں سے ملنے کا منصوبہ بنایا جو نام کے اعتبار سے تو مسلمان ہیں، لیکن ان کی فکر اور ان کے تعلقات آر اس اس اور اس کی ذیلی تنظیموں سے مضبوط رہے ہیں، ان میں ایک نام آل انڈیا مسلم امام آرگنائزیشن کے سر براہ عمیر الیاسی کا ہے، عمیر الیاسی کستوربا گاندھی مارگ پر واقع ایک مسجد کے امام ہیں ان کی رہائش مسجد کے احاطہ ہی میں ہے، وہ اپنی غیر مسلم بیوی کے قتل میں عدالت سے سزا یافتہ بھی ہیں، انہیں یہ خوف ہے کہ عدالت میں زیر التوا فائل کبھی بھی کھل سکتی ہے، اس لیے انہوں نے آر ایس ایس سر براہ موہن بھاگوت کے وفد کا خیر مقدم کیا، اس وفد میں اندریش کمار ، رام لال اور کرشن گوپال بھی شامل تھے، عمیر الیاسی ان کی آمد سے اس قدر خوش ہوئے کہ انہیں ’’راشٹر پتا‘‘ تک کہہ ڈالا ، راشٹر پتا صرف ہندوستان میں گاندھی جی کے لیے استعمال ہوتا ہے، موہن بھاگوت نے ان کی خوشامد کو سمجھ لیا اور انہوں نے ان کی اصلاح کرتے ہوئے کہا کہ میں’’ راشٹر پتا‘‘ نہیں، ’’راشٹر کی سنتان‘‘ ہوں، بھاگوت اس کے بعد آزاد پور رواقع ایک مدرسہ بھی گیے، ٹی وی پر ان کے اس اقدام کو بڑھا چڑھا کر پیش کیا گیا اور باور کرایا گیا کہ آر اس اس کے نظریہ میں تبدیلی آئی ہے اور وہ مسلمانوں کو ساتھ لے کر چلنا چاہتی ہے، حالاں کہ اس کی حیثیت ’’ایں خیال است، ومحال است وجنون‘‘ سے زائد کچھ نہیں ، جب جمعیت علماء ہند کے قائد کی ملاقات کا کوئی اثر نہ آر اس اس پر پڑا اور نہ ہی ملک میں جاری نفرت کی سیاست پر تو یہ چند بیورو کریٹ اور عمیر الیاسی جیسے لوگ جن کی مسلم سماج میں کوئی پکڑ نہیں، کیا کر سکیں گے، اس کا مطلب یہ نہیں ہے کہ مکالمے جاری نہیں رہنے چاہیے، ضرور رہنے چاہیے، لیکن حقیقی مسلم قائدین کے ساتھ، تبھی کو ئی نتیجہ نکل سکے گا۔

الحمدللہ احادیث شریفہ کی مشہور ومعروف صحاح ستہ بزبان اردو ایک مجموعہ میں ہیں ماشاءاللہ بہت عمدہ کاوش و کوشش ہے جس کتاب کو کھولنا ہو اسی پر کلک کریں

الحمدللہ احادیث شریفہ کی مشہور ومعروف صحاح ستہ بزبان اردو ایک مجموعہ میں ہیں ماشاءاللہ بہت عمدہ کاوش و کوشش ہے جس کتاب کو کھولنا ہو اسی پر کلک کریں

https://maktabahmorba.com/HadithBooks/Sahih-Bukhari/index

तस्मिया जूनियर हाई स्कूल में आयोजित सीरत-उल-नबी

तस्मिया जूनियर हाई स्कूल में आयोजित सीरत-उल-नबी

Urduduniyanews72

 की बैठक रबी-उल-अव्वल की 10 तारीख के अवसर पर 7 अक्टूबर 2012, शुक्रवार, 7 अक्टूबर 2012 को सिरत-उल-नबी की एक बैठक आयोजित की गई थी।  इस मौके पर स्कूल प्रबंधक एजाज अहमद मुख्य अतिथि हैं और स्कूल के पर्पल जावेद मजहर मौजूद हैं.  जलसा सिरत-उल-नबी के अवसर पर विद्यालय में पाठ व भाषण प्रतियोगिता का आयोजन किया गया।  प्रतियोगिता में स्कूल के विद्यार्थियों ने बड़े उत्साह के साथ भाग लिया।  प्रतियोगिता में विद्यार्थियों ने भाग लिया।  जिसमें 49 बच्चों ने नाटिया प्रतियोगिता में और 25 बच्चों ने भाषण प्रतियोगिता में भाग लिया।  नाटिया मुक़बला में सभी बच्चों ने नात नबवी को बहुत ही सुन्दर और आकर्षक स्वर में प्रस्तुत किया और भाषण प्रतियोगिता में भाग लेने वाले बच्चों ने भी अपनी मेहनत का प्रदर्शन करते हुए बहुत ही सुंदर और उत्साही तरीके से भाषण दिया.  जिसमें बैठक में मौजूद सभी शिक्षक और बच्चे पैगंबर के जीवन से जुड़ी घटनाओं को सुनाकर भावुक हो गए.  पैगंबर की पवित्र जीवनी को भी एक अलग तरीके से प्रस्तुत किया, जिसमें पैगंबर की सुन्नतों को अच्छी नैतिकता और पैगंबर ﷺ के पवित्र जीवन से संबंधित घटनाओं के साथ वर्णित किया गया था।  प्रतियोगिता के विजेताओं को मुख्य अतिथि सैयद एजाज अहमद द्वारा सम्मानित किया गया, जिसमें नाट और भाषण प्रतियोगिता के जूनियर और प्राथमिक वर्गों के विजेताओं की घोषणा की गई और कुछ बच्चों को प्रोत्साहित करने के लिए सांत्वना पुरस्कार भी दिए गए।  जिसमें जूनियर से नाटिया प्रतियोगिता में ग्रेड 8बी के अदनान ने पहला, ग्रेड 8बी के कलीम ने दूसरा और ग्रेड बी के शहीद ने तीसरा स्थान हासिल किया।  इसी तरह प्राइमरी से नटिया प्रतियोगिता में कक्षा 5बी की आफिया ने प्रथम, कक्षा 2 से अजीम और कक्षा 3 की निमरा ने तृतीय स्थान प्राप्त किया।  भाषण प्रतियोगिता में नायर के ग्रेड 6बी के उजैर ने प्रथम, ग्रेड 8बी की अंजला ने द्वितीय, ग्रेड 6जी की जुनीरा ने तृतीय स्थान प्राप्त किया।तालबिया को ग्रेड केजी से ग्रेड 2बी तक के प्रोत्साहन के लिए सांत्वना पुरस्कार से सम्मानित किया गया। अम्मार अली को ग्रेड 8बी से अब्दुल इस्बहान और ग्रेड से केबी तक।  पुरस्कार वितरण के बाद विद्यालय के प्राचार्य जावेद मजहर ने अपने भाषण में विद्यालय के सभी शिक्षकों की कड़ी मेहनत और सभी छात्रों की सुंदर प्रस्तुति पर प्रसन्नता व्यक्त की और उन्हें बधाई दी.  साथ ही उन्होंने अपने भाषण में कहा कि हमें अपने जीवन में पैगंबर की सुन्नत को शामिल करके जीना चाहिए, जो जीने का सबसे अच्छा तरीका है, जो हमारे धर्म और दुनिया दोनों को सुंदर बनाता है।उन्होंने सफल लोगों से भी कहा कि अपना काम पूरी मेहनत और लगन से करते हैं।  क्योंकि इस्लाम में शिक्षा का महत्वपूर्ण स्थान है, इसलिए हमें अपनी शिक्षा पर भी विशेष ध्यान देना चाहिए, इस प्रकार बैठक का आयोजन किया गया।  स्कूल के कार्यक्रम को सफल बनाने में जुबैर अहमद, मौलाना शौकत अहमद परवेज अहमद मुर्सलीन मुहम्मद शाह अरुख, लैता मस्तानी रेशम काश बासमत आरा, खुशनासिब, दरखशां डार किया बानो अज पीरशान, अमरीन सानिया अब्बास सईदाह उम्म फातिमा और शैला का सहयोग था।