ترکی 2023 سے گیس کی پیداوارشروع کرسکتا ہے :اردغان

 جولائی 30, 2021

• 0
  Shares

انقرہ : ترکی کے صدر رجب طیب اردغان نے کہا ہے کہ ترکی کو 2023 سے بحیرہ اسود کے علاقوں سے قدرتی گیس کی پیداوارشروع کرنے کی توقع ہے ۔اردغان نے کہاکہ2023 سے بحیرہ اسود میں گیس کی پیداوار کا پہلامرحلہ شروع کرنے کے لئے وسیع پیمانے پر کوشش کی جارہی ہے ۔

سیاست اور معیشت کے لحاظ سے خطے کے سب سے طاقتور ملک ترکی سے جولوگ دوستی کریں گے ، وہ ہمیشہ منافع کمائیں گے ۔انہوں نے کہا کہ بحیرہ اسود میں گیس کی پیداوار شروع ہونے سے ترکی کی اپنی بیرونی فراہمی پر انحصاریت کم ہوجائے گی۔ انہوں نے کہا، ‘‘انہوں نے پابندیوں، دھمکیوں، بلیک میل کے ذریعہ سے ہمیں روکنے کی کوشش کی، لیکن وہ کچھ بھی حاصل کرنے میں ناکام رہے ۔

اردوغان نے جون کے آغاز میں کہا تھا کہ ترکی نے بحیرہ اسود میں 135 ارب کیوبک میٹرسے زیادہ گیس کے ذخیرہ کے ساتھ ایک نیا گیس کاعلاقہ تلاش کیا ہے ۔ ان کے مطابق بحیرہ اسود پٹی پر کل گیس کاذخیرہ تقریباً 500 ارب کیوبک میٹر ہے ۔