ناندیڑ:5اگست (اردو اخبار دنیا)ناندیڑشہر کے اہم تجارتی علاقہ وزیر آبادکانام ایک صوفی کے نام پر ہے اسلئے فرقہ پرست تنظیمیں ہمیشہ سے اس علاقہ کانام تبدیل کرنے کامطالبہ کرتے آرہے ہیں۔
جبکہ کچھ نے وزیرآبادچوراہے پر ہنومان پیٹھ کا بورڈ بھی نصب کردیاتھااور کچھ دوکانداروں نے اپنے سائن بورڈ پر ہنومان پیٹھ نام بھی رکھ دیا ہے۔مگرابھی تک میونسپل کارپوریشن نے وزیر آباد کے نام کے تبدیلی کافیصلہ نہیں کیا ہے۔
گزشتہ روز بی جے پی اوردیگرتنظیموں کے ذمہ داران نے میونسپل کمشنر ناندیڑ کے نام ایک میمورنڈم دیا ہے جس میں مطالبہ کیاہے کہ وزیر آباد کا نام ہنومان پیٹھ رکھاجائے ۔اس میمورنڈم پر دلیپ سنگھ سوڈھی‘ سندیپ چھاپروال‘امباداس جوشی‘آدیتیہ جوشی ‘ روی سنگھ خالصہ ‘رنکوسنگھ ڈھلو‘سمیتا متھا ‘ امیت مودی کے دستخط ہے۔
کوئی تبصرے نہیں:
ایک تبصرہ شائع کریں