ناندیڑ:18اگست (اردو اخبار دنیا)پاکستان کے شہر لاہور میں گزشتہ دنوں مہاراجہ رنجیت سنگھ کے مجسمہ کو نقصان پہنچانے پرسکھ سماج میںشدید ناراضگی پائی جاتی ہے ۔ اسی لئے آج ناندیڑمیں پاکستان کے وزیراعظم عمران خان کے خلاف ضلع کلکٹرآفس کے روبرو احتجاج کیاگیا۔
سکھ سماج سیل راشٹروادی کانگریس پارٹی مہاراشٹر کے چیف سردارجنریل سنگھ بھوجنگ سنگھ گاڑی والے کی قیادت میں آج ناندیڑ میںضلع کلکٹرآفس کے روبرو پاکستان کے وزیراعظم عمران کی تصویر کے ساتھ احتجاجی مظاہرہ کیاگیا اور لاہور میں مہاراجہ رنجیت سنگھ کے مجسمہ کی توڑ پھوڑ کرنے والوں کے خلاف سخت کاروائی کامطالبہ کیاگیا۔ اس موقع پرپریم جیت سنگھ کور کولہاپورے ‘ ترویندرسنگھ ‘ نیلم کور‘اتم کور کے علاوہ دیگر کارکنان موجود تھے۔اس کے بعدوفد نے وزیراعظم نریندر مودی کے نام تحریرمیمورنڈم کی کاپی ضلع دفتر میں دی۔
کوئی تبصرے نہیں:
ایک تبصرہ شائع کریں