ناندیڑ:7اگست (اردو اخبار دنیا)ضلع کے کنوٹ تعلقہ کے مانڈوی دیہات میں کل رات چور ناندیڑضلع سنٹرل کوآپریٹیو بینک کاشٹرتوڑ کراندرداخل ہوئے لیکن چوری کرنے میں ناکام رہے ۔مانڈوی پولس اسٹیشن سے کچھ دوری کے فاصلے پرواقع ناندیڑضلع سنٹرل کوآپریٹیوبینک کاشٹروزن دار شئے سے توڑ کر چوراندر داخل ہوئے اور کرسیوں کی توڑ پھوڑ کی ۔
جب وہ تجوری کوتوڑنے کی کوشش کررہے تھے اس وقت پولس گشت پرتھی جس کی گاڑی کاآواز سن کر چورگھبراگئے اور تجوری چھوڑ کر فرار ہوگئے ۔آج صبح جب بینک کاشٹر کھلانظر آیاتو اسکی اطلاع مانڈوی پولس کو دی گئی ۔اس بینک میں سی سی ٹی وی نہیںہے جوتعجب کی بات ہے ۔
پولس نے جائے و اردات پہنچ کر بینک میںداخل ہوکرپنچنامہ کیااورنامعلوم لٹیروں کے خلاف دفعات380‘ 511 کے تحت جرم درج کردیا ہے ۔ اے پی آئی ملہارشیورکر کی رہنمائی میں پی ایس آیی شیوپرساد کراڑے تفتیش کررہے ہیں۔
کوئی تبصرے نہیں:
ایک تبصرہ شائع کریں