سوز پڑھتے ہوئےعزادار
بہار کے پٹنہ ، آرہ ، مظفر پور ، چھپرا ، شیخ پورہ ، سیوان اور گوپال گنج میں بھی مسلمانوں نے اپنے گھروں میں امام حسین علیہ السلام کی یاد میں ماتم اور مجلسیں کیں۔ دوسری طرف جھارکھنڈ کے جمشید پور ، رانچی ، جپلا حسین آباد اور حیدر نگر میں کورونا ہدایات پر عمل کرتے ہوئے گھروں میں امام حسین کی یاد میں ماتم اور نوحہ خوانی کی گئی ۔ تاہم ، کورونا کی وبا کے پیش نظر اس سال بھی تعزیہ کا جلوس نہیں نکالا گیا اورکئی جگہوں پر تعزیہ پہلام نہیں ہو سکا ۔ جس کی وجہ سے مسلم طبقوں میں مایوسی تھی۔
امام باڑے میں ذکرِ حسین کرتا ننھا عزاداردہلی سے آرہ میں محرم منانے آئے جے این یو کے ریسرچ اسکالر سید سعدین رضا نے لگاتار نیوز سے بات کرتے ہوئے کہا کہ امام حسین نے انسانیت ، حقوق اور دین کو بچانے کے لیے اپنی شہادت دی۔ کربلا کی جنگ اس لیے ہوئی تاکہ دنیا میں امن و سکون قائم ہو۔
لہٰذا ، انسانیت کا خیال رکھتے ہوئے اور کورونا ہدایات پر عمل کرتے ہوئے ، تعزیہ کا جلوس اور پہلام کا اہتمام پچھلے دو سالوں سے نہیں کیا جا رہا ہے۔ کیونکہ کورونا وبا پوری دنیا کے لیے ایک خطرہ بنی ہوئی ہے اور ہم سبھی مل کر اس وباءکو کورونا گائڈلائن پر عمل کرتے ہوئے سمجھداری کے ساتھ شکست دے سکتے ہیں اور اسے دنیا سے ختم کر سکتے ہیں۔
سوز پڑھتے ہوئےعزاداراس موقع پر وشوا بھارتی یونیورسٹی ، کولکاتا کے شعبہ تاریخ کے صدر شعبہ ڈاکٹر اعزاز حسین نے بتایا کہ امام حسین (ع) نے 680 عیسوی میں بنی امیہ کے خلیفہ یزید کی ناانصافی اور دین اسلام کے خاتمے کی سازش کے خلاف تحریک چلائی۔ امام حسین (ع) اپنے 72 ساتھیوں کے سات یزید کی ایک بڑی فوج سے ٹکرا گئے ۔ 10 محرم کو عراق کے کربلا میں یزیدی فوج نے امام حسین (ع) اور ان کے ساتھیوں کو تین دن تک بھوکا اور پیاسہ رکھنے کے بعد قتل کردیا۔ اپنی اور اپنے ساتھیوں کی جانیں قربان کر کے امام حسین نے دنیا کو پیغام دیا کہ عزت کی موت ذلت کی زندگی سے بہتر ہے۔ امام حسین کی شہادت کو یاد کرتے ہوئے مسلمان ہر سال محرم مناتے ہیں ،
MOULANA NASEEM ABBASاس کے ساتھ ہی کانپور سے آئے ہوئے مولانا نسیم عباس نے کہا کہ جھوٹ اور ظلم کے مقابلہ میں امام حسین (ع) کی تحریک سے ہمیں یہ سبق ملتا ہے کہ ظالم کتنا ہی طاقتور کیوں نہ ہو ، اسکے سامنے ڈٹ کر کھڑا ہو جائے۔، بالآخر فتح حق کی ہی ہوتی ہے۔ اسی طرح تحریک کربلا سے ہم ہمت ، صبر ، عزم ، وفاداری ، مساوات ، قربانی اور دشمنوں کی معافی کا سبق سیکھتے ہیں اور اسے اپنی زندگی میں اسے عملی بنانے کی کوشش کرتے ہیں۔
کوئی تبصرے نہیں:
ایک تبصرہ شائع کریں