سپریم کورٹ نے شوہر کوکیا خبردار ،کہا اگر حلف نامہ ضمانت کیلئے ڈرامہ ہے تو ہم چھوڑیں گے نہیں
شوہر اور بیوی کے درمیان #ازدواجی تنازعہ کے ایک معاملے میں سپریم کورٹ نے شوہر کو خبردار کیا کہ وہ اپنی بیوی کے ساتھ احترام کے ساتھ اپنے وعدے سے پیچھے نہ ہٹے۔ اگر ضمانت کے لیے یہ سب ڈرامہ ہے تو ہم آپ کو جیل بھیجے بغیرنہیں چھوڑیں گے۔ازدواجی تنازعہ کیس بدھ کو سپریم کورٹ کے چیف جسٹس این وی رمن کی سربراہی میں بنچ کے سامنے آیا۔ سپریم کورٹ نے پارٹی شوہر سے کہا ہے کہ وہ اس معاملے میں حلف نامہ داخل کرے اور بتائے کہ وہ تمام مقدمات واپس لینے کیلئے تیار ہے۔ شوہر نے بیوی کے خلاف کئی مقدمات درج کرائے ہیں۔
معاملہ زیر التوا رکھتے ہوئے سپریم کورٹ نے شوہر کو حلف نامہ داخل کرنے کی ہدایت دی۔ سپریم کورٹ نے عدالت میں شوہر کی جانب سے پیش ہونے والی سینئر ایڈوکیٹ انجنا پرکاش سے کہا کہ وہ حلف نامہ داخل کر کے دکھائے کہ تمام مقدمات واپس لینے کے لیے تیار ہیں لیکن ساتھ ہی یہ بھی کہا کہ اگر شوہر غلط سلوک کرے گا تو ہم اسے جیل بھیج دیں گے، ہم کیس کو زیر التوا رکھتے ہیں۔
سپریم کورٹ نے یہ حکم اس خاتون کے کہنے کے بعد دیا کہ وہ شوہر کے ساتھ تنازعہ حل کرنے کے لیے تیار ہے لیکن شوہر اسے ہراساں نہ کرے۔
کوئی تبصرے نہیں:
ایک تبصرہ شائع کریں