ٹی 20 ورلڈ کپ کے لیے سری لنکن ٹیم کا اعلان

ٹی 20 ورلڈ کپ کے لیے سری لنکن ٹیم کا اعلان

ٹی 20 ورلڈ کپ کے لیے سری لنکن ٹیم کا اعلان

نئی دہلی ،12 ستمبر ۔ سری لنکا کرکٹ بورڈ نے آئندہ آئی سی سی مینز ٹی 20 ورلڈ کپ 2021 کے لیے اپنے 15 رکنی ٹیم کا اعلان کر دیا ہے ۔ ٹیم کی قیادت داسون شناکا کریں گے ، جنہوں نے بھارت کے خلاف ہوم سیریز کے بعد سے ٹیم کی کپتانی کی ذمہ داری دی گئی ہے۔ سری لنکا 18 اکتوبر کو ابوظہبی میں گروپ اے کے اپنے پہلے راؤنڈ میں نامیبیا کے خلاف اپنی مہم کا آغاز کرے گا۔ سری لنکا کو آئرلینڈ اور ہالینڈ کے خلاف بھی کھیلنا ہے۔ اس ٹیم میں نروشن ڈکویلا ، کوسل مینڈس اور دانوشکا گوناتھیلاکا کا نام نہیں ہے کیونکہ ان پر جولائی میں دورہ انگلینڈ کے دوران کووڈ 19 پروٹوکول کی خلاف ورزی پر سری لنکا کرکٹ بورڈ نے ایک ایک سال کی پابندی عائد کی تھی۔ اس کے ساتھ ہی سابق کپتان کوسل پریرا انجری کے بعد واپس آئے ہیں۔ ایسی صورت حال میں ، پریرا کی غیر موجودگی میں وکٹ کیپنگ کرنے والے منود بھانوکا بھی اس ٹیم کا حصہ نہیں ہیں ، جو ٹی 20 ورلڈ کپ کے لیے منتخب کی گئی ہے ۔ جنوبی افریقہ کے خلاف پہلے میچ میں ٹی20بین الاقوامی کرکٹ میں ڈیبیو کرنے والے اورہینرک کلاسین کو آؤٹ کرنے ولاے 21 سالہ آف اسپنر مہیش تھیکشانا کو ٹیم میں شامل کیا گیا ہے۔ اس نوجوان نے اس ہفتے کے شروع میں اپنے ون ڈے ڈیبیو میں چار وکٹیں حاصل کیں۔ ٹیم میں دیگر اسپنرز بائیں بازو کے پروین جے ویکرما ہیں ، جنہوں نے اس سال کے شروع میں بین الاقوامی سطح پر قدم رکھا تھا۔ وانندو ہسرنگا بھی ٹیم کا حصہ ہیں۔ جے ویکر ما اسکواڈ میں واحد انکیپڈ ممبر ہیں لیکن ا نہیں دیگر فارمٹ میں ان کے شاندار مظاہرہ کی بنیاد پر ٹی 20 ورلڈ کپ کے لیے اسکواڈ میں شامل کیا گیا ہے ۔ انہوں نے اپریل میں بنگلہ دیش کے خلاف ایک شاندار ٹیسٹ ڈیبیو کیا ، ایک میچ میں 11 وکٹیں حاصل کیں۔ وہ اب تک پانچ ون ڈے کھیل چکے ہیں اور پانچ وکٹیں لے چکے ہیں۔ انہوں نے ابھی تک ٹی 20 انٹرنیشنل کرکٹ میں ڈیبیو نہیں کیا ہے۔ ٹی 20 ورلڈ کپ کے لیے سری لنکا کی ٹیم اس طرح ہے اسون شناکا (کپتان) ، دھننجے ڈی سلوا ، کسل پریرا ، دنیش چاندیمل ، اویشکا فرنانڈو ، بھانوکا راجا پکسا ، چریت اسلنکا ، وانندو ہسرنگا ، کامندو مینڈیس ، چمیکا کرونارتنے ، نووان پردیپ ، دشمانتا چمیرا ، پروین جے ویکرما ، لہرو ماددو شنکا اور مہیش تھکشانا ریزرو کھلاڑی: لاہیرو کمارا ، بنورا فرنانڈو ، اکیلا دھننجیا اور پولینا تھرنگا۔