مسلمانوں کی سونے کی دکانوں سے زیورات نہ خریدیں : سری رام سینی کے چیف پرمود متهالک
نئی دہلی _ 26 اپریل ( اردو دنیا نیوز۷۲) ملک میں مسلمانوں کو الگ تھلگ کرنے کی ایک اور کوشش کے طور پر سری رام سینی کے چیف پرمود متھالک نے مسلمانوں کی سونے کی دکانوں کے بائیکاٹ کا اعلان کیا ہے سری رام سینا کے سربراہ نے ہندوؤں پر زور دیا کہ وہ کیرالا میں اکشے ترتیا تہوار کے پیش نظر مسلمانوں کی سونے کی دکانوں سے سونے کے زیورات نہ خریدیں۔متھالک نے کہا کہ مسلمان جوہریوں سے سونا خرید کر، لوگ نادانستہ طور پر کیرالا میں ہندوؤں کے خلاف مبینہ جرائم کی مالی معاونت کر رہے ہیں۔
متھالک نے کہا کہ کیرالا ایک ایسی ریاست ہے جہاں بہت سارے مسلم سونے کے جوہری ہیں۔ جبکہ اس ریاست میں ہندوؤں پر سب سے زیادہ حملے بھی ہوتے ہیں۔ اگر آپ اکشے ترتیا کے موقع پر ان سے سونا خریدتے ہیں، تو آپ ہندوؤں کے قتل کے لیے فنڈ فراہم کر رہے ہیں،متھالک نے زور دے کر کہا کہ اکشے ترتیا ایک ہندو تہوار ہے، اس لیے سونا صرف ہندو دکاندار سے خریدا جانا چاہیے
کوئی تبصرے نہیں:
ایک تبصرہ شائع کریں