یوپی کے مدارس میں منایا گیایوگا ، طلباء اور اساتذہ نے حصہ لیا

یوپی کے مدارس میں منایا گیایوگا ، طلباء اور اساتذہ نے حصہ لیا

لکھنو کے مدارس میں پڑھنے والے طلباءنے بھی یوگا کیا۔ عالمی یوم یوگا کے موقع پر مدرسہ کے طلبہ کو یوگا کرانے والے اساتذہ نے جوش و خروش سے حصہ لیا اور طلبہ کو یوگا کرنے کی ترغیب دی۔لکھنوکے دارالعلوم مدرسہ میں طلباءنے اجتماعی طور پر یوگا کیا۔ طلباءکو یوگا کے بارے میں بتایا گیا جو صحت کےلئے مفید ہے۔ یوگا کرنا اور کرانا دونوں کو زندگی بچانے والا بتاتے ہوئے استاد نے کہا کہ زندگی میں یوگا کو اپنانا ضروری ہے۔شہر کے دیگر مدارس میں بھی طلباءنے یوگا کیا۔ جسم کو تندرست رکھنا ضروری ہے۔ مدرسہ کے استاد فیضی نے کہا کہ ملک اور ریاست میں یوگا ڈے منانے کےلئے سبھی آگے آئے ہیں تو پیچھے کیسے رہیں۔ یوگا ڈے پر طلباءکے ساتھ انہوں نے بھی یوگا کیا۔انہوں نے کہا کہ لکھنو کے علاوہ ریاست کے دیگر اضلاع میں مدارس کے اساتذہ نے بھی اپنا فرض ادا کیا اور بین الاقوامی یوگا ڈے میں حصہ لیا۔ یوگا ڈے کے موقع پر طلبہ کو یوگا کی مشق کرانے کے بعد بعض مقامات پر مٹھائیاں بھی تقسیم کی گئیں۔