بہار کے دو اضلاع کے سرکاری اسکولوں میں جمعہ کے روز چھٹی پر حکومت حرکت میں، جانچ کا حکم
پٹنہ، 27 جولائی (اردو دنیا نیوز ۷۲)۔ بہار کے مسلم اکثریتی اضلاع کشن گنج اور کٹیہار کے کچھ سرکاری اسکولوں میں اتوارکے بجائے جمعہ کے روزہفتہ وار تعطیل ہونے کا انکشاف ہونے کے بعد ریاستی حکومت حرکت میں آگئی ہے۔ وزیر تعلیم وجے کمار چودھری نے تحقیقات کا حکم دیا ہے۔ قابل ذکر ہے کہ کشن گنج میں 37 اور کٹیہار ضلع کے 21 سرکاری اسکول اتوار کے بجائے جمعہ کو بند رہتے ہیں۔
حکومت نے بغیر کسی سرکاری اجازت کے ایسا کرنے کی تحقیقات کا حکم دیا ہے۔ کشن گنج-کٹیہار کے ضلع ایجوکیشن افسر (ڈی ای او) سے رپورٹ طلب کی گئی ہے۔ وزیر تعلیم چو دھری کا کہنا ہے کہ رپورٹ آنے کے بعد مناسب کارروائی کی جائے گی۔ اسکول حکومت کے قوانین پر عمل کرنے کے پابند ہیں۔
کوئی تبصرے نہیں:
ایک تبصرہ شائع کریں