پاکستان میں سیلاب متاثرین سے بھری کشتی سندھ ندی میں پلٹی، 13 کی موت
کراچی، 30 اگست (اردو دنیا نیوز ٧٢) پاکستان میں دریائے سندھ میں سیلاب کے باعث ایک کشتی پلٹنے سے کم از کم 13 افراد جان کی بازی ہار گئے۔ اس حادثے میں کئی لوگ لاپتہ ہو گئے۔ دریائے سندھ اس وقت پوری طرح طغیانی پر ہے۔ پاکستان میں سیلاب سے اب تک ڈیڑھ ہزار افراد جان کی بازی ہار چکے ہیں۔ طوفانی بارشوں کے بعد بگڑتے حالات کے باعث لاکھوں افراد بے گھر ہو چکے ہیں۔ سڑکیں اور پل تباہ ہو چکے ہیں۔
مقامی میڈیا کے مطابق، پیر کو پاکستان کے صوبہ سندھ میں دریائے سندھ میں سیلاب سے متاثرہ تقریباً 25 افراد کو لیکر جارہی ایک کشتی پلٹ گئی۔ یہ حادثہ سندھ کے شہر سہوان کے گاؤں بلاول پور میں پیش آیا۔ ان سیلاب زدگان کو کشتیوں کے ذریعے ریلیف کیمپوں میں لے جایا جا رہا تھا۔ حکومت پاکستان نے سیلاب کے بعد کی صورتحال کو 'قومی ایمرجنسی قرار دیا ہے۔ ملک کے تقریباً 110 اضلاع سیلاب سے متاثر ہیں۔ 66 اضلاع کو سرکاری طور پر 'آفت سے متاثرہ قرار دیا گیا ہے۔
کوئی تبصرے نہیں:
ایک تبصرہ شائع کریں