ملحقہ مدارس میں نئی مجلس منتظمہ کے ضابطے مفتی محمد ثناء الہدیٰ قاسمی نائب ناظم امارت شرعیہ

ملحقہ مدارس میں نئی مجلس منتظمہ کے ضابطے 

اردودنیانیوز۷۲ 

مفتی محمد ثناء الہدیٰ قاسمی نائب ناظم امارت شرعیہ 

—------------------------------------------------ 

مدارس ملحقہ میں نئی مجلس منتظمہ کی تشکیل کے قواعد و ضوابط کو عام کیا گیاہے، اسی کے مطابق نئی مجلس منتظمہ تشکیل دی جائے گی، اس ضابطہ میں بہت ساری خامیاں ہیں، جسکی طرف سرکار کی توجہ امارت شرعیہ نے مبذول کراءی تھی، اس ضابطہ کے اعتبار سے مجلس منتظمہ کاصدر، سکریٹری ڈونر عطیہ دہندگان میں سے ہی کوءی ہو سکتا ہے، اور عطیہ دس ہزار روپے کافی ہے، ان دنوں دس ہزار روپے کی جو اہمیت ہے ، اس سے دنیا واقف ہے، اس رقم کو لا کھ سے اوپر ہی ہونا چاہیے ، پھر ڈونر میں زمین ، جس نے دیا ہے اس کے بارے میں ضابطہ بالکلیہ خاموش ہے کہ ڈونرجس نے زمین دیا وہی سمجھا جائے گا یا یہ صفت ان کے وار ثوں تک بھی متعدی ہوگی اور بیٹا پوتا پر پوتا ناتی پر ناتی و غیرہ بھی ڈونر کی موت کے بعد صدر اور سکریٹری بننے کے مجاز ہوں گے ، یا زمین دہندگان کی موت کے بعد یہ سلسلہ ختم ہو جائے گا، اگر پوتا، پر پوتا و غیرہ بھی اس زمرے میں آئے گا تو مدارس کی حالت دگرگوں اور مزید خستہ ہو جائے گی۔

ضابطہ میں تعلیم سے" دلچپسی" رکھنے والے کو ممبر چننے کی بات بھی کہی گئی ہے ، "دلچسپی" کا پیٹ اتنا بڑا ہے کہ اس میں کوئی بھی سما سکتا ہے، رہ گیی فو قانیہ کی سند اس کا وقار، اعتبار اور اس کے حاملین کی صلاحیت آج کے دور میں اظہر من الشمش ہے۔ ایسے لوگ علمی اور تعلیمی رہ نمائی کس طرح کر سکیں گے، مدرسہ بورڈ ایکٹ میں بھی چیر مین بننے کے لیے مطلوبہ اوصاف کے ساتھ" دلچسی" کالفظ موجود ہے، اس دلچپسی کے پیٹ سے کیسے کیسے چیر میں نے اس عہدہ کو عزت بخشی اور مدارس ملحقہ کا جو حشر ہوا، اس کے بارے میں کچھ کہنے کی ضرورت باقی نہیں ہے۔

کمیٹی میں بورڈ نمائندہ کی حیثیت سے ضلع ایجو کیشن افسر کی نامزدگی پر بھی پہلے اعتراض درج کرایا گیا تھا ضلع ایجو کیشن افسر کے بورڈ نما ئند ہ ہونے کی وجہ سے مدارس ملحقہ کی منتظمہ بالکل بے اثر ہو کر رہ جائے گی اور اس کا اقلیتی کردار بھی مجروح ہوگا، تنخواہ کی ادائیگی پہلے سے اس کے ہاتھ میں ہے، مدارس کی جانچ اور معائنہ کا حق محکمہ تعلیم نے اسے پہلے ہی دے رکھا ہے، بلکہ اب تو اپرسچیو کے کے پاٹھک خود بھی مدارس کا معائنہ کر رہے ہیں، ایسے میں ڈی ای او کام جلس منتظمہ کار کن ہو نا بڑے مسائل پیدا کرے گا، سرکار کو ان امور پر از سر نو غور کر کے اسے قابل عمل بناناچاہیے۔