ٹوکیو ، یکم اگست ۔ ہندوستانی مکے باز ستیش کمار مردوں کے سپر ہیوی ویٹ (91 کلوگرام) زمرے

(اردو اخبار دنیا

)ٹوکیو ، یکم اگست ۔ ہندوستانی مکے باز ستیش کمار مردوں کے سپر ہیوی ویٹ (91 کلوگرام) زمرے کے کوارٹر فائنل میں ازبکستان کے بخودیر جلولوف سے ہارنے کے بعد ٹوکیو اولمپکس سے باہر ہو گئے۔ٹاپ سیڈ بخودیر جلولوف نے تینوں راؤنڈ پراپنا غلبہ بنائے رکھا اور 5-0 سے کامیابی حاصل کی۔جلولوف نے پہلے راؤنڈ میں ستیش کو اپنے تیز پیروں اور جیب سے ہی ٹیگ کرنا جاری رکھا جبکہ بھارتی باکسر نے فرنٹ فٹ تک پہنچنے کی کوشش کی لیکن ناکام رہے۔ جلولوف نے دوسرے دور میں دوبارہ اپنی کلاس دکھائی اور ستیش کو دور رکھا۔ تیسرے راؤنڈ میں بھی ، جلولوف ستیش پر بھاری پڑے اور جیت درج کرکے ستیش کو اولمپکس سے باہر کرنے میں کامیابی حاصل کی۔واضح ہو کہ ستیش اس میچ سے پہلے زخمی ہوگئے تھے۔ ان کے کوارٹر فائنل میچ میں کھیلنے کے بارے میں بھی پس وپیش تھا۔ جمیکا کے ریکارڈو براؤن کے خلاف میچ میں ستیش کو ٹھوڑی اور دائیں آنکھ پر چوٹیں آئی تھیں جس کے بعد انہیں7 ٹانکے لگانے پڑے ہیں۔ ستیش نے اس مقابلے میں 4-1 سے جیت درج کی تھی۔ 7 ٹانکے لگنے کے بعد بھی وہ میدان میں اترے۔

ممبئی، ،۱؍اگست- بھارتی گلوکار، میوزک ڈائریکٹر اور اداکار سونو نگم جو کہ 'انڈین

(اردو اخبار دنیا)

ممبئی، ،۱؍اگست- بھارتی گلوکار، میوزک ڈائریکٹر اور اداکار سونو نگم جو کہ 'انڈین آئیڈل' اور 'سارے گا ما پا' میں بطور جج فرائض انجام دیتے رہے ہیں۔انھوں نے میوزک رئیلٹی شوز میں اپنی عدم شرکت کے حوالے سے گفتگو کرتے ہوئے کہا کہ کوئی بھی مجھے میرے رویے اور برتاؤ کے بارے میں بتا نہیں سکتا کہ مجھے کیا کرنا چاہئے۔انھوں نے کہا کہ اگر ان سے کسی بھی شو میں بطور جج کام کرنے کو کہا جائے گا تو وہ کام کریں گے۔ تاہم انھوں نے مزید کہا کہ اگر وہ کوئی کام نہ کرنا چاہیں تو وہ اس سے لطف اندوز کیسے ہوسکتے ہیں؟ یاد رہے کچھ عرصے قبل انڈین آئیڈل اس وقت ایک تنازع کا شکار ہوگیا تھا جب گلوکار امیت کمار نے دعویٰ کیا تھا کہ ایک شو کے دوران جب وہ بطور خصوصی جج شریک ہوئے تو ان سے کہا گیا کہ وہ انڈین آئیڈل 12 کے مقابلے میں شریک افراد کی تعریف کریں۔ سونو نگم نے اس پر اپنے ردعمل کا اظہار کرتے ہوئے کہا تھا کہ اگر رئیلٹی شوز کے مقابلہ کے شرکا کی ہمیشہ تعریف کی جائے تو پھر یہ نقصان دہ ہوتا ہے۔ ایک میڈیا ادارے کے ساتھ انٹرویو میں معروف گلوکار کا کہنا تھا کہ اب وہ سمجھتے ہیں کہ ان کی جبلت ہی انھیں ایسے شوز میں شرکت کی اجازت نہیں دیتی۔انکا کہنا تھا کہ وہ اس حوالے سے بڑے واضح انسان ہیں، کوئی بھی مجھے یہ نہیں کہہ سکتا کہ میں کیسا رویہ اپناؤں۔اس کی وجہ یہ ہے کہ ہم موسیقی اور زندگی کے بالکل خالص اسکول سے تعلق رکھتے ہیں، جب میں کسی کام کے کرنے سے لطف اندوز ہی نہیں ہورہا تو پھر میں وہ کیسے کرسکتا ہوں؟ دریںاثنا بندروں کی شرارتوں اور چالاکیوں سے بے شک ہر شخص واقف ہے اور یہ انسانوں کی توجہ سمیٹنے میں ذرا لگاتے۔مدھیا پردیش سے نٹ کھٹ بندر کی ایک ویڈیو وائرل ہورہی ہے جس نے دیکھنے والوں کے چہروں پر خوب مسکراہٹ بکھیری۔ ویڈیو میں دیکھا جاسکتا ہے کہ بندر ایک اسکول میں داخل ہوکر پرنسپل کے کمرے تک رسائی حاصل کرلیتا ہے جس کے بعد پرنسپل کی کرسی پر براجمان ہوکر کبھی کرسی کے پلاسٹک سے چھیڑ خانی کرتا ہے تو کبھی اس کے اندر چھپنے کی کوشش کررہا ہے۔دوسری جانب اساتذہ مسلسل اسے وہاں سے ہٹانے کی کوششوں میں مصروف ہیں جس کے بعد ایک خاتون ٹیچر اسے کمرے سے بھگانے میں کامیاب ہوئیں۔سوشل میڈیا صارفین کی جانب سے مذکورہ ویڈیو پر پسندیدگی کا اظہار کیا جارہا ہے۔

میری بہنوں آپ اس سازش کو کیوں نہیں سمجھ رہی ہیں، یہ مسلم لڑکیوں کی زندگی برباد کرنے کی منصوبہ بند سازش ہے

. (اردو اخبار دنیا)

میری بہنوں آپ اس سازش کو کیوں نہیں سمجھ رہی ہیں، یہ مسلم لڑکیوں کی زندگی برباد کرنے کی منصوبہ بند سازش ہے

شادی سے پہلے تو وہ خود مسلمان ہونے کی بات کرتے ہیں قسمیں کھاتے ہیں یا مسلمانوں کے ہی بھیس میں آتے ہیں لیکن جب شادی ہوجاتی ہے اور وہ آپ کی عزتوں سے کھلواڑ کرچکے ہوتے ہیں تب آپ کو مجبور کرتے ہیں کہ آپ اپنا مذہب تبدیل کرلیں اور نہ کرنے پر موت کی گھاٹ اتار دیتے ہیں یا زندہ لاش بنادیتے ہیں، ہر دن ایسے ہزاروں واقعات پیش آتے ہیں

میری بہنوں آپ بہت قیمتی ہو، آپ ہماری عزت اور اسلام کی شہزادی ہو اور ایک شہزادی کو یہ زیب نہیں دیتا کہ وہ ایک نجس کافر کے لیے اپنی زندگی کو برباد کرے، 

یاد رکھو!!! ماں باپ سے زیادہ دینا میں کوئی محبت نہیں کرسکتاہے جس ماں نے آپ نو ماہ پیٹ میں رکھا اور ڈھائی سال اپنے خون کا دودھ پلایا جس نے کھانا آپ کی مرضی کے مطابق کھایا، سخت سردی میں آپ کو سوکھے بستر پر سلایا اور خود گیلے بستر پر سوئی، جوب باپ نے اپنی جوانی آپ کی خوشی کے لئے تج دیتا ہے، آپ کو خوش دیکھنے کے لئے در در کی ٹھوکریں کھاتا ہے، عید پر آپ کے کپڑے بناتاہے اور خود پرانے کپڑوں میں عید کرتا ہے، ایک بھائی جس کی آپ غیرت ہو وہ آپ کے لئے بچپن سے پریشان رہتا ہے۔۔۔ ان سب کی بے لوث محبت کو آپ ایک اجنبی شخص کے لیے کیسے بھلا سکتی ہو،

میری بہنو!!!! اپنی فکر کرو، اپنے والدین کی عزت کی فکر کرو، مجھے اغیار سے نہیں آپ سے شکایت ہے کیونکہ آپ میری عزت ہو، وہ ہر طرح سے آپ کو ورغلانے کی کوشش کریں گے، ستارے توڑ لانے کی باتیں کریں گے، قتل کی دھمکیاں دیں گے،لیکن انجام یہی ہوگا جو اس بہن کا ہوا ہے، آپ کو اندازہ نہیں ہے کہ یہ سب دیکھ کر کتنی تکلیف ہوتی،

خدا ہماری بہنوں کی عفت و عصمت کی حفاظت فرمائے،

🖋️ م۔ج۔ن

https://www.facebook.com/mjavedhh

The future of Durjauliya. 

ارتداد کے بعد گھر واپسی پر میرے پاس ہزاروں واقعات ہیں جن میں ایک واقعہ آپ کے سامنے رکھ رہا ہوں مجھے امید ہے اس میدان میں کام کرنے والوں کو اس واقعے سے مرتد ہوئی لڑکیوں کی گھر واپسی کے تعلق سے تھوڑی سی رہنمائی ملے گی

ایک مسلم لڑکی ایک غیر مسلم کے پیار میں پڑتی ہے اور گھر چھوڑ کر اس کے ساتھ بھاگ جاتی ہے والدین اس لڑکی سے تمام رشتے ناطے ختم کر لیتے ہیں تقریباً دو سال کا عرصہ گزر جاتا ہے اس عرصے میں لڑکی تمام ہندوانہ پوجا پاٹ کرتی ہے لیکن والدین سے ملنے کے لیے بے چین رہتی ہے تاہم والدین اس سے کوئی رابطہ نہیں رکھتے

یہ سارا معاملہ قریب کے ہی ایک مسلم لڑکے کو معلوم ہوتا ہے وہ فوراً مرتدہ لڑکی کے بھائی سے جاکر ملتا ہے اور ہاتھ جوڑ کر اس سے درخواست کرتا ہے کہ وہ کیسے نا کیسے کرکے اپنی بہن سے جا کر ملے، بھائی پہلے تو بہن سے ملاقات پر راضی نہیں ہوتا لیکن جب وہ لڑکا اسے امید دلاتا ہے اور کہتا ہے کہ بہن کے گھر مجھے بھی ساتھ لے کر چلیں تو بھائی راضی ہو جاتا ہے لڑکا بھائی سے کہتا ہے کہ وہاں جاکر غصے کا اظہار مت کرنا بلکہ اپنی بہن سمجھ کر ہی اس سے ملنا 

قصہ مختصر یہ دونوں اس لڑکی کے گھر جاتے ہیں وہ لڑکی جیسے ہی اپنے بھائی کو دیکھتی ہے اس کی خوشی کا کوئی ٹھکانہ نہیں رہتا دونوں ہی میاں بیوی خاطر تواضع کرتے ہیں لڑکی کو معلوم ہوتا ہے کہ میرا بھائی خود نہیں آیا ہے بلکہ لایا گیا ہے اور لانے والا یہی لڑکا ہے جو ساتھ آیا ہے وہ لڑکی اس لڑکے کا شکریہ ادا کرنا چاہتی ہے لیکن سب کے سامنے نہیں کر سکتی تھی اسی لیے اس لڑکے کا نمبر لے لیتی ہے

بھائی اور اس کے ساتھ کا لڑکا گھر واپس آجاتے ہیں کچھ دنوں بعد اس مسلم لڑکے کے پاس اس لڑکی کا فون آتا ہے لڑکی کہتی ہے کہ آج سے میں نے آپ کو بھی بھائی مان لیا ہے پچھلے دو سالوں سے والدین اور بھائی سے دوری کی بنا پر تڑپ رہی ہوں ان سے ملنا چاہتی تھی لیکن وہ نہیں ملتے تھے آج مجھے اپنے بھائی سے ملنے کی خوشی آپ کی وجہ سے حاصل ہوئی ہے

لڑکا کہتا ہے کہ اگر واقعی آپ نے مجھے اپنا بھائی مان لیا ہے تو میں بحیثیت بھائی یہ پوچھ سکتا ہوں کہ آپ نے ایک غیر مسلم کے ساتھ پوری لائف بتانے جیسا قدم کیوں اٹھایا

لڑکی کہتی ہے کہ میں اس لڑکے سے محبت کرتی ہوں

وہ مسلم لڑکا کہتا ہے کہ اللہ بھی تو آپ سے محبت کرتا ہے پھر آپ نے اپنی محبت کے لیے اللہ کی محبت کی بَلی کیوں چڑھائی

لڑکی کو بات سمجھ میں آتی ہے وہ لڑکے سے کہتی ہے کہ میں نے غلطی کی ہے اب بتاییے کہ اس غلطی کا تدارک کیسے ممکن ہو

لڑکا اس سے جو کہتا ہے وہ پورے واقعے کا نچوڑ ہے کہ آپ پھر سے گھر واپس آجائیں

لڑکی کہتی ہے کہ میں اپنے غیر مسلم شوہر کو بھی نہیں چھوڑ سکتی کیونکہ میں اس سے محبت کرتی ہوں

لڑکا کہتا ہے کہ آپ سے یہ کس نے کہا کہ آپ شوہر کو چھوڑ دیں لیکن اگر آپ نے محبت کی ہے تو بتائیے کہ کیا محبت کا تقاضا یہ ہے کہ آپ جہنم میں جانے والے راستے پر اپنی محبت کو لے کر چلیں یا محبت یہ ہے کہ آپ خود بھی جنت جانے والے راستے پر چلیں اور اپنے محبوب کو بھی کیسے نہ کیسے کرکے اسی راستے پر لے کر آئیں....

لڑکی کے بات سمجھ میں آ جاتی ہے اور اب الحمد للہ دونوں ہی مسلمان ہیں

اسی لیے ارتداد کے کسی بھی کیس کو نہایت سمجھداری اور پیار و محبت سے ہینڈل کرنے کی کوشش کریں تاکہ مسلم لڑکیوں کے ایمان کو بچایا جا سکے

Abdul ahad shamsi

لکھنؤ:مرکزی وزیر داخلہ امت شاہ نے اترپردیش میں آئندہ اسمبلی انتخابات میں بی جے پی کے سادہ اکثریت کے ساتھ دوبارہ اقتدار حاصل کرنے کا دعویٰ کرتے ہوئے کہا کہ مرکز کی اسکیمات کے نفاذ میں

(اردو اخبار دنیا)

لکھنؤ:مرکزی وزیر داخلہ امت شاہ نے اترپردیش میں آئندہ اسمبلی انتخابات میں بی جے پی کے سادہ اکثریت کے ساتھ دوبارہ اقتدار حاصل کرنے کا دعویٰ کرتے ہوئے کہا کہ مرکز کی اسکیمات کے نفاذ میں یوپی سرفہرست ہے اور اسی وجہ سے اپوزیشن خائف ہے لہذا اپوزیشن کو آئندہ اسمبلی انتخابات میں شکست فاش کا سامنا کرنے کی تیاریاں شروع کردینی چاہئے۔امت شاہ آج ریاستی راجدھانی لکھنؤکے سروجنی نگر علاقے میں یوپی اسٹیٹ انسٹی ٹیوٹ آف فورنسک سائنس(یوپی ایس آئی ایف ایس) کی تعمیر کا سنگ بنیاد رکھنے کے بعد منعقد تقریب سے خطاب کررہے تھے۔اس موقع پر انہوں نے ریاست کے وزیر اعلیٰ یوگی آدتیہ ناتھ کی تعریف کرتے ہوئے کہا کہ ریاستوں کے لئے مرکز کی سبھی 44بڑی اسکیمات کے نفاذ میں اترپردیش اول مقام پر ہے۔
انہوں نے اپنے حریفوں کو ہدف تنقید بناتے ہوئے کہا کہ اترپردیش میں جن لوگوں کو حکومت بنانے کے سپنے آرہے ہیں انہیں معلوم ہونا چاہئے کہ بی جے پی کسی ایک خاص ذات، خاندان،برادری کے لئے کام نہیں کرتی ہے بلکہ آخری پائیدان پر کھڑے غریب سے غریب تر آدمی کے لئے کام کرتی ہے۔انسٹی ٹیوٹ کے بارے میں بات کرتیہوئے وزیر داخلہ نے کہا کہ یہ انسٹی ٹیوٹ گجرات کے گاندھی نگر میں واقع فورنسک انسٹی ٹیوٹ سے ملحق ہوگا۔
مسٹر شاہ نے کہا کہ ریاستی راجدھانی میں بننے والے اس فورنسک انسٹی ٹیوٹ سے نہ صرف نوجوانوں کے لئے روزگار کے مواقع پید ا ہونگے بلکہ اس سے بہتر نظم ونسق کے قیام میں مکمل تعاون ملے گا۔یوپی اسٹیٹ فارنسک سائنس انسٹی ٹیوٹ جدید سہولیات اور ٹیکنالوجی کے ساتھ کرائم انوسٹی گیشن کا سائنٹفک سنٹر ہوگا۔یہ انسٹی ٹیوٹ فورنسک سائنس،سول اور کرائم لا کے شعبے میں ریسورس سنٹر کی طرح کام کرے گا۔
اس انسٹی ٹیوٹ کے قیام سے مجرمانہ معاملات میں سزا کی شرح میں اضافہ ہوگا کیونکہ اس ضمن میں انوسٹی گیشن مزید پروفیشنل اور سائنٹفک ہوگا جس سے کرائم ریٹ میں خود بخود گراوٹ آئے گی۔انہوں نے کہا کہ گزرتے دنوں میں پولیسنگ میں کافی تبدیلی آئی ہے۔پولیس ٹیم کو بہتر ٹریننگ اور ہمیں شفاف انوسٹی گیشن کے لئے اسپیشل افرادی قوت کی ضرورت ہے۔قابل ذکر ہے کہ راجدھانی کی سروجنی نگر علاقے میں 50ایکڑ زمین پر بننے والے یوپی اسٹیٹ فارنسک سائنس انسٹی ٹیوٹ جدید سہولیات اور ٹیکنالوجی کے ساتھ کرائم انوسٹی گیشن کا سائنٹفک سنٹر ہوگا۔یہ انسٹی ٹیوٹ فورنسک سائنس،سول اور کرائم لا کے شعبے میں ریسورس سنٹر کی طرح کام کرے گا۔
انسٹی ٹیوٹ نہ صرف یہ کہ کرائم میں تفتیش میں معاونت فراہم کرے گا بلکہ تعلیم اور روزگار کے لئے ریاست کے نوجوانوں کو بہتر مواقع فراہم کرے گا۔سینئر پولیس افسر کی قیادت میں چلنے والے اس انسٹی ٹیوٹ میں سائنس اور آئی ٹی کے طلبہ مختلف قسم کے کورس کرسکیں گے۔انسٹی ٹیوٹ میں فورنسک لیب میں کام کرنے والے فورنسک سائنسدانوں اور پولیس کی ٹریننگ بھی دی جائے گی۔اور ایسے پروفیشنل کو تیار کیا جائے گا جو کرائم کی گتھی کو جلد از جلد سلجھا سکیں ۔

آج یعنی1/اگست 2021 سے بینک صارفین کو اپنی تنخواہ یا پنشن کے کریڈٹ ہونے یا ‏EMI ‎ادائیگی

آج یعنی1/اگست 2021 سے بینک صارفین کو اپنی تنخواہ یا پنشن کے کریڈٹ ہونے یا EMI ادائیگی جیسے اہم لین دین کے لیے کام کے دن کا انتظار نہیں کرنا پڑے گا۔ اس کی وجہ یہ ہے کہ ریزرو بینک آف انڈیا (RBI) نے نیشنل آٹومیٹڈ کلیئرنگ ہاؤس (NACH) کے قوانین میں تبدیلی کی ہے۔
صارفین آج سے ہی ہفتے کے ساتوں دن نیشنل آٹومیٹڈ کلیئرنگ ہاؤس (NACH) خدمات حاصل کر سکیں گے۔ اس سے قبل نیشنل آٹومیٹڈ کلیئرنگ ہاؤس کی سہولیات صرف ہفتے کے دن یعنی پیر سے جمعہ تک صارفین کے لیے دستیاب تھی۔
آر بی آئی کے گورنر شکتی کانت داس نے جون میں کریڈٹ پالیسی کے جائزے کے دوران اعلان کیا کہ "صارفین یکم اگست 2021 سے ہفتے کے تمام دنوں میں اور چوبیس گھنٹے NACH کے فوائد حاصل کر سکیں گے۔ ملک میں بینک صارفین کی سہولت کے لیے یہ اقدام کیا گیا ہے''۔
''صارفین کی سہولت کو مزید بڑھانے کے لیے اور ریئل ٹائم گراس سیٹلمنٹ (RTGS) کی 24×7 دستیابی کا فائدہ اٹھانے کے لیے NACH کو اگست سے ہفتے کے تمام دنوں میں دستیاب کرنے کی تجویز پیش کی گئی ہے''۔
آر بی آئی کے گورنر شکتی کانت داس نے دو ماہانہ مانیٹری پالیسی کے جائزے کا اعلان کرتے ہوئے کہا کہ یہ عمل بنک صارفین کے لیے فائدہ مند ہوگا۔

کشمیر ،ہماچل ،ایم پی اورراجستھان کے ساتھ دہلی میں بارش ہی بارش

یہ دہلی کا شالیمار گارڈن کا علاقہ ہے

• 
  

 

(اردو اخبار دنیا)

مانسون کی آمد کے ساتھ اب بارش کے سلسلے نے کشمیر سے شمالی ہند تک عام زندگی درہم برہم کردی ہے۔ مختلف ریاستوں سے مسلسل بارش نے تباہی مچا دی ہے۔ کشمیر سے دہلی ، ہماچل پردیش اور پنجاب سمیت کئی ریاستوں میں پانی پانی ہے۔ ملک کے دفتر موسمیات نے راجستھان اور مدھیہ پردیش میں بارش کا ریڈ الرٹ جاری کیا ہے۔ بارشوں کی وجہ سے پہاڑی ریاستوں میں صورتحال بدتر ہے۔ٹریفک متاثر ہے۔دہلی کے مختلف علاقوں میں بارش کا اثر ہے،،سڑکوں کے گڈھے اور کیچڑ کا عذاب ہے۔ 

 ہماچل میں ہاہا کار

 بارش اور زمین کھسکنے کے واقعات کے سبب ہماچل میں زبردست تباہی آئی ہے۔ اب تک 326 افراد کو بچایا جا چکا ہے۔ اب تک ریاست میں بارشوں کی وجہ سے 632 کروڑ کا نقصان ہوا ہے۔

اس کے ساتھ ہی یوپی کے 26 اضلاع میں موسلا دھار بارش کا امکان ہے۔ ہماچل پردیش میں بارش اور لینڈ سلائیڈ کے بعد پھنسے 326 سیاحوں کو بچا لیا گیا۔ ان میں سے 66 افراد لاہول سپتی میں پھنسے ہوئے تھے جنہیں ہیلی کاپٹر کے ذریعے بچایا گیا۔

یہ لوگ گزشتہ 6 دنوں سے یہاں پھنسے ہوئے تھے۔ ریاستی ڈیزاسٹر مینجمنٹ کے ڈائریکٹر سدیش کمار نے بتایا کہ 7 لوگ ابھی تک پھنسے ہوئے ہیں ، 15 شانشا اور 14 لوگ ابھی تک فوڈا میں پھنسے ہوئے ہیں۔ خراب موسم کی وجہ سے اس کا بچاؤ ممکن نہیں ہو سکا۔ اب تک 178 افراد کو بچایا جا چکا ہے ۔

ملک کی راجدھانی دہلی میں گزشتہ 24 گھنٹوں میں 28 ملی میٹر بارش ہوئی ہے۔ یہاں جمنا ندی کی پانی کی سطح 205.33 میٹر کے خطرے کے نشان کے بہت قریب پہنچ گئی ہے۔مسلسل بارش کے سبب سڑکوں کا حال برا ہے ،کئی علاقوں میں پانی بھرا ہوا ہے جس سے ٹریفک متاثر ہورہا ہے۔

 محکمہ موسمیات نے اتوار کو بھی یہاں شدید بارش کی پیش گوئی کی ہے۔ دہلی انتظامیہ نے دریا کے قریب رہنے والے لوگوں کو الرٹ جاری کیا ہے۔ 100 سے زائد خاندانوں کو یہاں سے دوسری جگہوں پر منتقل کیا گیا ہے۔

 راجستھان: 5 ڈویژنوں اور 21 اضلاع میں موسلا دھار بارش۔ ریاست میں ہفتہ کو 21.6 ملی میٹر کی اوسط بارش ہوئی اور ایک ہی دن میں بارش کا اعداد و شمار 195.59 سے بڑھ کر 217.46 ملی میٹر ہو گیا جو کہ اوسط سے صرف 12.8 فیصد کم ہے۔ جودھپور اور اودے پور ڈویژنوں کو چھوڑ کر باقی 5 ڈویژنوں میں موسلادھار بارش جاری ہے۔

 ضلع باران کے شاہ آباد میں ہفتہ کو 11.9 انچ اور جے پور میں 5.1 انچ بارش ہوئی۔ جے پور میں تقریبا 16 16 گھنٹے تک بارش ہوئی۔ ناگور ضلع میں 30 سال کی مسلسل بارش کے بعد جوجری ندی میں بہاؤ بہت تیز ہو گیا ہے۔ ضلع بھر کے تالاب پانی میں ڈوب گئے ہیں۔ ریاست کے 21 سے زائد اضلاع میں شدید بارش ہوئی ہے۔ جے پور میں بارش نے جولائی کا ریکارڈ توڑ دیا ہے۔

 مدھیہ پردیش: بھوپال اور اندور میں پانی پانی

 مدھیہ پردیش کے کچھ اضلاع میں وقفے وقفے سے بارش جاری ہے جبکہ کچھ اضلاع میں کم بارش ہوئی ہے۔ جولائی کے مہینے میں بھوپال میں معمول سے 2 انچ زیادہ بارش ہوئی ہے۔ اس مہینے میں تقریبا 10 10 دن پانی گر چکا ہے جبکہ اوسطا 12 12 سے 13 دن تک بارش ہوتی ہے۔ جولائی تک عام بارش 18 انچ ہے ، جبکہ اب تک 20 انچ ہوچکی ہے۔

 ساتھ ہی اندور کی حالت خراب ہے۔ جون میں ، پانی اوسط 6 دنوں سے 15 دن زیادہ گرتا تھا ، لیکن کوٹے سے ایک انچ کم بارش ہوتی تھی۔ اس کی بنیادی وجہ تیز بارش نہیں تھی۔ جولائی میں یہی صورتحال تھی۔ عام طور پر 12 دن کی بجائے 20 دن بارش ہوتی رہی ، لیکن یہاں لوگوں کو راحت نہیں مل سکی۔ ابھی تک تقریبا an ایک انچ بارش کوٹہ سے کم ہے۔ عام طور پر 10.5 انچ بارش ہونی چاہیے ، لیکن صرف 9.5 انچ پانی گرا۔

اتر پردیش: لکھنو سے کانپور تک بارش

 اتوار کو اترپردیش کے 26 اضلاع میں موسلادھار بارش متوقع ہے۔ یہاں ریڈ الرٹ جاری کیا گیا ہے۔ زیادہ سے زیادہ بارش پوروانچل اور مغربی یوپی کے اضلاع میں ہوگی۔ یہاں گرج چمک اور گرج چمک کے ساتھ بارش ہوگی۔ 80 کلومیٹر فی گھنٹہ کی رفتار سے ہوائیں بھی چلیں گی۔

محکمہ موسمیات کے مطابق آئندہ چار روز تک ایسا ہی موسم رہے گا۔ ریاست میں 4 گھنٹوں کے دوران دارالحکومت لکھنؤ میں سب سے زیادہ 30.2 ملی میٹر (ملی میٹر) بارش ریکارڈ کی گئی۔ کانپور کی حالت مسلسل بگڑ رہی ہے۔ گنگا اور پانڈو ندیوں کے پانی کی سطح میں اضافے نے شہری علاقوں میں پانی بھر دیا ہے۔ لوگوں کے گھر بھی پانی میں ڈوب گئے ہیں۔ لوگ گھروں سے نکلنے پر مجبور ہو گئے ہیں۔

 بندہ ، چترکوٹ ، پریاگراج ، کوشامبی ، چندولی ، مہوبا ، حمیر پور ، جھانسی ، للت پور ، کانپور نگر ، کانپور دیہات ، جلون ، آگرہ ، اوریا ، لکھنؤ ، بارابنکی ، لکھیم پور کھیری ، بہرائچ ، گورکھپور ، مہاراج گنج ، پریاگراج ، فتح پور ، امیٹھی ہے۔ رائے بریلی ، سیتا پور اور سون بھدرہ اضلاع میں بارش کا امکان۔

 جھارکھنڈ: 15 اضلاع میں 3 دن تک موسلادھار بارش۔ ریاست میں گزشتہ 3 دنوں سے موسلادھار بارش جاری ہے۔ شہر سے گاؤں تک پانی ہی پانی ہے۔ دھن آباد سمیت 15 اضلاع میں اوسط سے زیادہ بارش ہوئی ہے۔ دھن آباد میں گزشتہ 24 گھنٹوں میں 183 ملی میٹر بارش ہوئی۔ اچھ گڑھ کے 41 دیہات سیلاب میں ڈوب گئے ہیں۔ پنچیٹ اور میتھن ڈیم اور دامودر ندی اور باراکر ندی خطرے کے نشان کے آس پاس ہیں۔ پنچیٹ ڈیم کے آٹھ دروازے کھول دیے گئے ہیں۔ جھاریا اور ملحقہ علاقوں میں لینڈ سلائیڈنگ کے واقعات ہوئے ہیں

آل انڈیا مسلم پرسنل لاء بورڈ کے صدر مولانا سید محمد رابع حسنی ندوی کا کہنا ہے ‏

(اردو اخبار دنیا)پور: آل انڈیا مسلم پرسنل لاء بورڈ کے صدر مولانا سید محمد رابع حسنی ندوی کا کہنا ہے کہ ہمیں ایسے علماء کی سخت ضرورت ہے جو نہ صرف دین کی روح کو سمجھتے ہوں بلکہ اسلام کی صحیح ترجمانی بھی کرسکیں۔ مولانا رابع حسنی جامعہ ہدایہ جے پور میں آن لائن ایک سالہ افتا کورس کے افتتاح کی آن لائن تقریب کی صدارت کر رہے تھے۔ اس موقع پر جامعہ ہدایہ جے پور کے سربراہ مولانا فضل ا لرحیم مجددی نے کہا کہ مدارس کے طلبہ کی عصری ہم آہنگی کے لئے جامعہ ہدایہ میں نئے نئے کورسز شروع کئے جائیں گے۔

مولانا رابع حسنی ندوی نے جامعہ ہدایہ کے تعلیمی نظام کو سراہتے ہوئے کہا کہ جامعہ نے ابتداء سے ہی عصری اور دینی تعلیم سے آہنگ نصاب تعلیم کے ساتھ قدم بڑھایا ہے۔ انہوں نے کہا کہ جامعہ کے بانی مولانا عبدالرحیم مجددی ایسی شخصیتوں میں سے تھے جنہوں نے خطرات کو محسوس کرتے ہوئے اس سمت قدم اٹھایا تھا۔ مولانا رابع نے کہا کہ افتا سے مسلم دنیا کی ترجمانی ہوتی ہے اور شعبہ افتا سے ایسے مفتیان کرام پیدا کئے جائیں جو نہ صرف دینی شعور اور دین کی روح کو سمجھتے ہوں بلکہ دین سے کٹی ہوئی امت کو جوڑ سکیں اور امت کی صحیح رہنمائی کرسکیں۔

جامعہ ہدایہ جے پور کے سربراہ، عبدالرحیم ایجوکیشنل ٹرسٹ کے چیرمین اور مشہور عالم دین مولانا فضل الرحیم مجدددی نے آن لائن افتا کورس کی تقریب میں کلیدی خطبہ پیش کرتے ہوئے کہا کہ جامعہ ہدایہ کی تاریخ میں انمول اور یادگار دن ہے کہ آج تخصص فی الفقہ والافتاء کا آغاز ہورہا ہے۔انہوں نے افتا کی اہمیت پر روشنی ڈالتے ہوئے کہا کہ فتوی اور قضا میں بنیادی فرق یہی ہے کہ مفتی کسی مسئلہ سے متعلق شرعی حکم بتلاتاہے جب کہ قاضی واقعہ کی تحقیق کرکے اس پر حکم شرعی منطبق کرتا ہے۔ انہوں نے کہاکہ فتوی 'اخبار'ہے اور قضا 'الزام' ہے۔

انہوں نے کہا کہ مدارس کے طلبہ کو عصری ہم آہنگی کے لئے جامعہ ہدایہ میں نئے نئے کورسز شروع کئے جائیں گے۔ ان میں جلد ہی شروع کیا جانے والا کاؤنٹ اینڈ منیجمنٹ کا کورس شامل ہے۔اس سے طلبہ نہ صرف دین سے جڑے رہیں گے بلکہ روزگار بھی حاصل کرسکیں گے۔ انہوں نے کہاکہ عام طور پر اس تعلیم سے رشتہ ختم ہوجاتا ہے جس میں روزگار نہ ہوں اور اس کارشتہ اقتصادیات سے نہ ہو اور ہم اس سلسلے کئی سطح پر کام کررہے ہیں اورایک طرف جہاں متعدد اسکول کھولے ہیں وہیں سول سروس کی تیاری کے لئے کریسنٹ آئی اے ایس اکیڈمی 2002سے کام کر رہی ہے جس سے اب تک 170 سول سروس کے افسران تیار ہوچکے ہیں۔

انہوں نے کہاکہ مولانا شاہ ہدایت نے یہ محسوس کرلیا تھا کہ برطانوی حکومت کی پالیسی کے منفی اثرات مسلمانوں پر مرتب ہوں گے اور انگریزی زبان اپنائے جانے کی وجہ سے ہزاروں اردو داں حضرات کے لئے روزگار کے دروازے بند کردئے گئے تھے۔ اس لئے انہوں نے خطرات کو محسوس کرتے ہوئے مسلمانوں کی ہمہ جہت ترقی کے لئے فکر مند رہتے تھے۔انہوں نے کہاکہ اسی سمت میں قدم اٹھاتے ہوئے مولانا عبدالرحیم مجددی نے جامعہ ہدایہ قائم کیا تھا اور دو حصوں میں بٹ چکی تعلیم کو دینی اور دنیاوی سے ہم آہنگ کرکے نصاب تعلیم تیار کیا۔

مولانا فضل الرحیم مجددی نے کہا کہ ہمارا منصوبہ ہے کہ ہندوستان کے ہرضلع میں اسکول قائم کیا جائے اور خاص طور پر جے پور میں ہر جگہ اسکول کا قیام عمل میں لایا جائے تاکہ کوئی مسلم بچہ تعلیم سے محروم نہ رہے۔ انہو ں نے کہاکہ عبدالرحیم ایجوکیشنل ٹرسٹ کے ذریعہ کریسنٹ آئی اے ایس اکیڈمی کے علاوہ پانچ اسکول، مسلمانوں کو فلاحی اسکیموں کا فائدہ پہنچانے کے لئے ویلفیئر اسکیم، ایف ایف سی ایل وغیرہ کے توسط سے قوم کی خدمت کی جارہی ہے۔

آل انڈیا مسلم پرسنل لاء بورڈ کے کارگزار جنرل سکریٹری مولانا خالد سیف اللہ رحمانی نے اس موقع پر مہمان خصوصی کی حیثیت سے شرکت کرتے ہوئے کہا کہ تین اہم شعبے افتا، قضا اور احتساب اہم ہیں اور مسلم ملکوں میں مفتی سرکاری عہدہ تھا اور مسلمانوں کے لئے یہ شعبہ بہت اہم ہے کیوں کہ اس سے دین و دنیا کی رہنمائی حاصل ہوتی ہے۔انہوں نے کہاکہ پہلے باضابطہ افتا کا شعبہ نہیں تھا کیوں کہ اس وقت علماء میں دین کی سمجھ اور علمی گہرائی تھی لیکن یہ علمی انحطاط کا دورہے جس کی وجہ سے شعبہ افتا اور فتاوی کے لئے تربیت کی ضرورت پڑی۔

ندوۃالعلماء لکھنوکے استاذ حدیث و فقہ مولانا عتیق بستوی نے کہاکہ شعبہ افتا کے طلبہ کے لئے ضروری ہے کہ وہ صرف مفتی کے لقب کے لئے افتا کے کورس میں شامل نہ ہوں بلکہ خلوص اور دینی رہنمائی کے لئے کورس کریں۔

جامعہ ہدایہ کے استاذ مفتی شہر مولانا ذاکر نعمانی کاشفی نے افتا کے طلبہ کو سبق پڑھاکرآن لائن افتا کورس کا افتتاح کیا۔واضح رہے کہ کورونا کے حالات صحیح ہونے پر اس کورس کو آف لائن بھی کردیا جائے گا۔

اس پروگرام سے خلیجی ممالک میں سعودی عرب، متحدہ عرب امارات، بحرین، قطر اور عمان اور مغربی ممالک میں امریکہ، برطانیہ، پرتگال، کینیڈا ودیگر کے علاوہ ہندوستان کے مختلف حصوں سے شامل ہوئے۔