*آج کی اہم خبریں

*آج کی اہم خبریں* 

 *ABD News* 

 *24 ذی الحجہ 1442

ھ* 

 *04/ 08/ 2021*

*راجیہ سبھا میں دیوالیہ بل پر لگی مہر*

واضح ہوکہ نیوز رپورٹ سے ملی جانکاری کے مطابق راجیہ سبھا میں اپوزیشن کے زبردست ہنگامے کے درمیان کل دیوالیہ اور سالوینسی کوڈ (ترمیمی) بل 2021 کو صںوتی ووٹوں سے منظور کرلیا گیا جس کے بعد ایوان کی کارروائی ملتوی کردی گئی ،نرملا سیتا رمن کے بل پیش کرنے سے قبل کانگریس لیڈر شکتی سنگھ گوہل نے بل کے خلاف ایوان میں اپنی قرارداد پیش کی اس دوران ترنمول کانگریس کے ارکان چاہ ایوان کے قریب آگئے اور ہنگامہ کرنے لگے ،ہنگامے کے درمیان بل پر مختلف بحث ہوئی بعد میں اسے صوتی ووٹوں سے منظور کرلیا گیا.

○○○○○○○○○○○○○○○○○○○○○○○○

*اپوزیشن کی ہنگامہ آرائی کے باعث دونوں ایوانوں کی کارروائی بدھ تک ملتوی ،لوک سبھا میں ضروری دفاعی خدمات بل 2021 منظور*

واضح ہوکہ اپوزیشن ارکان پارلیمنٹ کے ہنگامے کی وجہ سے پارلیمنٹ کا مون سون سیشن بری طرح متاثر ہوا ہے۔  پیگاسس جاسوسی اور زرعی قوانین کے معاملے پر دونوں ایوانوں کی کارروائی مسلسل متاثر ہورہی ہے اور حکومت اور اپوزیشن کے درمیان تعطل حل نہیں ہورہا ہے۔بار بار رکاوٹوں کے درمیان کارروائی کو اگلے دن تک ملتوی کرنا معمول کی بات بن گئی ہے۔منگل کو بھی اپوزیشن کے ہنگامے کی وجہ سے دونوں ایوانوں کی کارروائی بدھ کی صبح تک ملتوی کرنا پڑی۔ ایوان میں اپوزیشن کا ہنگامہ اس وقت ہوا جب دو التواء کے بعد راجیہ سبھا کا اجلاس شروع ہوا۔  ایوان میں نعرے بازی کے درمیان ، وزیر خزانہ نرملا سیتارمن نے دیوالیہ پن اور دیوالیہ پن کوڈ ترمیم 2021 بل بحث کے لیے پیش کیا ، ایوان نے مختصر بحث کے بعد اسے منظور کر لیا ، جبکہ ہنگامہ آرائی کی وجہ سے لوک سبھا کی کارروائی بھی بدھ تک ملتوی کرنی پڑی۔ ضروری دفاعی خدمات بل2021 کو لوک سبھا میں منظور کیا گیا۔

○○○○○○○○○○○○○○○○○○○○○○○○

*اپوزیشن کی’بریک فاسٹ میٹنگ‘ میں 14 جماعتوں کی شرکت، اجلاس کے بعد راہل گاندھی کا سائیکل مارچ*

واضح ہوکہ نیوز رپورٹ سے ملی جانکاری کے مطابق پارلیمنٹ میں حکومت کو پیگاسس معاملہ پر گھیرنے کے لئے راہل گاندھی نے منگل کی صبح حزب اختلاف کے لیڈران کو ناشتہ پر مدعو کیا۔ اس میں 14 جماعتوں کے لیڈران شریک ہوئے جبکہ اجلاس کے بعد راہل گاندھی نے دہلی کی سڑکوں پر سائیکل مارچ نکال کر حکومت کے خلاف صدائے احتجاج بلند کیا۔راہل گاندھی کی طرف سے دہلی کے کانسٹی ٹیوشن کلب میں منعقد کی گئی بریک فاسٹ میٹنگ کے دوران تمام حزب اختلاف کی جماعتوں نے یکجہتی کا اظہار کیا اور کہا کہ یہ لڑائی جمہوریت کی بقا کی ہے اور ہم متحد ہو کر لڑیں گے۔ دریں اثنا، راہل گاندھی نے کہا کہ سبھی کو متحد ہونا ہوگا اور بی جے پی کے خلاف آواز بلند کرنا ہوگی۔راہل گاندھی نے کہا ’’میرے خیال میں سب سے اہم بات یہ ہے کہ ہم تمام قوتوں کو یکجا کریں۔ تمام آوازیں (عوام کی) یکجا رہیں گی تو بی جے پی اور آر ایس ایس کے لئے انہیں دبانا مشکل ہو جائے گا۔‘‘ خیال رہے کہ حزب اختلاف کی تمام جماعتیں پارلیمنٹ  کے مانسون اجلاس میں پیگاسس معاملہ پر بحث کرانا چاہتی ہیں، جبکہ حکومت کا کہنا ہے کہ یہ کوئی ایسا مسئلہ نہیں ہے جس پر بحث کرائی جائے۔بریک فاسٹ میٹنگ کے بعد کانگریس کے رکن پارلیمنٹ راہل گاندھی نے پارلیمنٹ تک سائیکل مارچ نکالا۔

○○○○○○○○○○○○○○○○○○○○○○○○

*ایڈیٹرز گلڈ آف انڈیا بھی پیگاسس معاملے پر پہنچی سپریم کورٹ، ایس آئی ٹی سے کیا تحقیقات کا مطالبہ*

واضح ہوکہ نیوز رپورٹ سے ملی جانکاری کے مطابق پیگاسس  معاملے میں ایک اور درخواست سپریم کورٹ میں دائر کی گئی ہے۔  ایڈیٹرز گلڈ آف انڈیا نے بھی اس معاملے میں ایک عرضی داخل کی ہے اور ایس آئی ٹی سے تحقیقات کا مطالبہ کیا ہے۔  درخواست میں مرکزی حکومت سے کہا گیا ہے کہ وہ نگرانی کے لیے سپائی ویئر تعینات کرنے کے لیے غیر ملکی کمپنیوں کے ساتھ کیے گئے معاہدوں کی تفصیلات دے۔  اس نے ان لوگوں کی تفصیلات بھی طلب کی ہیں جن کے خلاف اس طرح کے سپائی ویئر کا استعمال کیا گیا تھا۔ایڈیٹرز گلڈ آف انڈیا کی درخواست میں موجودہ قانونی نظام کی الیکٹرانک نگرانی ، ہیکنگ اور سپائی ویئر کے استعمال اور نگرانی کے جائز ہونے کو بھی چیلنج کیا گیا ہے۔  اس سے قبل پیگاسس کیس کے حوالے سے سپریم کورٹ میں کئی درخواستیں دائر کی جاچکی ہیں سپریم کورٹ کو ان درخواستوں پر جمعرات کو سماعت کرنی ہے۔

○○○○○○○○○○○○○○○○○○○○○○○○

*مغربی بنگال میں بی جے پی کے دو کارکنوں کی ملی لاش، پارٹی نے ٹی ایم سی پر لگایا الزام*

واضح ہوکہ نیوز رپورٹ سے ملی جانکاری کے مطابق منگل کے روز مغربی بنگال کے مختلف حصوں سے بی جے پی کے دو کارکنوں کی لاشیں ملنے کے بعد  بھگوا پارٹی نے الزام لگایا کہ حکمران ترنمول کانگریس (ٹی ایم سی) کے ذریعے محفوظ مجرموں نے انہیں مار ڈالا۔  تاہم ٹی ایم سی نے اس الزام کی تردید کی ہے۔  پولیس نے بتایا کہ بھارتیہ جنتا پارٹی (بی جے پی) کے کارکن اندرجیت سوتھردھر کی لاش بیربھم ضلع کے کھوئیراسول میں ایک ویران عمارت میں کمرے کی چھت سے لٹکی ہوئی پائی گئی جس کے ہاتھ پیچھے سے بندھے ہوئے تھے۔انہوں نے کہا کہ مقتول کی لاش پوسٹ مارٹم کے لیے بھیج دی گئی ہے۔  ایک پولیس افسر نے بتایا کہ بظاہر یہ قتل کا معاملہ لگتا ہے ، تاہم پوسٹ مارٹم رپورٹ درست وجہ اور حالات کی تصدیق کرے گی۔وہیں ایک اور بھگوا پارٹی کارکن تپن کھٹوا (45) کی لاش کو دن کے اوائل میں مشرقی مدینی پور ضلع کے ایگرہ کے ایک تالاب سے نکالا گیا‫  بی جے پی اور کٹوا کے خاندان نے ان کی موت کے لیے حکمران جماعت کو ذمہ دار ٹھہرایا۔

○○○○○○○○○○○○○○○○○○○○○○○○

*یوگی حکومت کی بڑی کارروائی: مختار انصاری کی بیوی اور سالے کی 1.18 کروڑ مالیت کی جائیداد کرق*

واضح ہوکہ نیوز رپورٹ سے ملی جانکاری کے مطابق اترپردیش کی یوگی حکومت کی کارروائی  مختار انصاری کے خلاف جاری ہے۔ اس تناظر میں ، مختار کی بیوی افشا انصاری کی 1.18 کروڑ مالیت کی جائیداد منگل کو غازی پور میں کرق کی گئی ہے۔ کرق جائیداد میں صدر کوتوالی کے علاقے سید آباد میں واقع ایک رہائشی عمارت شامل ہے۔ پولیس نے یہ کارروائی گینگسٹر ایکٹ 14 (1) کے تحت کی ہے۔ منسلک اثاثوں میں مختار کی بیوی افشا انصاری اور اس کے بہنوئی سرجیل رضا کی جائیداد شامل ہے۔یوگی حکومت کی اینٹی مافیا مہم کے تحت پولیس نے ضلع مجسٹریٹ کی ہدایات پر مختار انصاری کے سالے سرجیل رضا کی جائیداد ضبط کرلی ہے۔

○○○○○○○○○○○○○○○○○○○○○○○○

*راکیش استھانہ کی دہلی پولیس کمشنر کے طور پر تقرری کو سپریم کورٹ میں چیلنج کیا گیا*

واضح ہوکہ نیوز رپورٹ سے ملی جانکاری کے مطابق تنازعات میں الجھے سینئر آئی پی ایس راکیش استھانہ کو دہلی پولیس کمشنر بنانے کے مرکزی حکومت کے فیصلے کو سپریم کورٹ میں چیلنج کیا گیا ہے ، ایڈوکیٹ ایم ایل شرما نے اس سلسلے میں ایک عرضی داخل کی ہے درخواست میں راکیش استھانہ کی تقرری کو منسوخ کرنے کا مطالبہ کیا گیا ہے شرما نے اس معاملے میں پی ایم مودی اور وزیر داخلہ امت شاہ اور وزارت داخلہ کے حکام کے خلاف توہین عدالت کی کارروائی کا مطالبہ کیا ہے اس درخواست میں کہا گیا ہے کہ استھانہ کو ریٹائرمنٹ سے چار دن پہلے دہلی پولیس کمشنر کے طور پر مقرر کرنا سپریم کورٹ کے فیصلے کے خلاف ہے۔

○○○○○○○○○○○○○○○○○○○○○○○○

*پارلیمنٹ کی توہین ہوئی پیپر چھیننے اور پاپڑی چاٹ کے تبصرےکو لیکر بولے پی ایم مودی*

واضح ہوکہ پیگاسس معاملے اور زرعی قوانین کے معاملے کے حوالے سے پارلیمنٹ کے اجلاس کی کارروائی مسلسل ہنگامے کے نذر ہورہی ہے کوششوں کے باوجود حکومت اور اپوزیشن کے درمیان تعطل حل نہیں ہو سکا منگل کو پارلیمانی پارٹی کے اجلاس میں وزیر اعظم نریندر مودی نے اپوزیشن کو شدید نشانہ بنایا انہوں نے کہا کہ اپوزیشن پارلیمنٹ کو کام نہیں کرنے دے رہی ، یہ  آئین جمہوریت اور ملک کے عوام کی توہین ہے پارلیمنٹ کی کارروائی کے دوران کابینہ کے وزیر سے پیپرچھیننے اور پاپڑی چاٹ تبصرہ کا تذکرہ کرتے ہوئے پی ایم نے کہا کہ پارلیمنٹ کی توہین کی گئی ہے اس سے قبل 27 جولائی کو بی جے پی پارلیمانی پارٹی کے اجلاس میں پی ایم مودی نے کانگریس کو سخت نشانہ بنایا تھا اور کہا تھا کہ یہ پارٹی ایوان کو چلنے نہیں دے رہی ہے۔

○○○○○○○○○○○○○○○○○○○○○○○○

*اوم پرکاش راج بھر نے بی جے پی صدر سے ملاقات کی کہا سیاست میں کچھ بھی ممکن ہے*

واضح ہوکہ اوم پرکاش راج بھر نے بی جے پی کے ریاستی صدر سوتنتر دیو سنگھ سے ملنے ان کی رہائش گاہ پر پہنچے بی جے پی لیڈر دیا شنکر سنگھ بھی ان کے ساتھ تھے یہ ملاقات تقریبا1 گھنٹہ جاری رہی میٹنگ کے بعد جب میڈیا نے  ان سے پوچھا کہ بی جے پی کے ریاستی صدر سے ملنے کا کیا مطلب ہونا چاہیے اس پر راج بھر نے زور سے قہقہہ لگایا اور کہا کہ اگرچہ بی جے پی کے ریاستی صدر کے ساتھ ملاقات ایک خوشگوار ملاقات تھی لیکن سیاست میں کون کیا کر رہا ہے اسے وقتا فوقتا مدنظر رکھنا چاہیے انہوں نے کہا کہ دو بڑے رہنما ذاتی ملاقات بھی کر سکتے ہیں جب ممتا بنرجی اور سونیا گاندھی مل سکتے ہیں جب مایاوتی اور اکھلیش مل سکتے ہیں تو سیاست میں کچھ بھی ممکن ہے۔

○○○○○○○○○○○○○○○○○○○○○○○○

*جن کے گھر مسمار کیے گئے، ان کی بحالی کے لیے فوری اقدامات کریں: کھوری گاؤں کے معاملے پر بولا سپریم کورٹ*

واضح ہوکہ نیوز رپورٹ سے ملی جانکاری کے مطابق کھوری گاؤں کیس میں سپریم کورٹ نے منگل کو کہا کہ جن لوگوں کے گھر مسمار کیے گئے ہیں ، ان کی بحالی کے لیے فوری اقدامات کیے جائیں ، متاثرہ لوگوں کی شکایات کو دور کیا جائے۔  نوڈل افسران کو عارضی پناہ گاہوں میں تعینات کرنے کے احکامات دیے ہیں اور فرید آباد کارپوریشن کمشنر سے بحالی سے متعلق سٹیٹس رپورٹ طلب کی ہے۔  اس معاملے پر اگلی سماعت 25 اگست کو ہوگی۔

 جسٹس اے ایم خانولکر کی بنچ نے کہا کہ جن کی بحالی ہونی ہے ، ان لوگوں کو نئی رہائش ملے گی۔  لیکن جو اہل نہیں ہیں ، انہیں بحالی کی سہولیات کیوں ملنی چاہئیں ، کیونکہ وہ زمین پر قبضہ کرنے والے ہیں۔  سب سے پہلے تو یہاں کے لوگوں کو فوری ریلیف دینے کی ضرورت ہے۔  یہ بھی دیکھنا چاہیے کہ کیا یہاں  متاثرہ لوگوں کی شکایات کے لیے کوئی بھی نوڈل افسر تعینات کیا جا سکتے ہیں۔کیونکہ متاثرہ لوگ اس کے لیے فرید آباد نہیں جا سکتے۔

○○○○○○○○○○○○○○○○○○○○○○○○

*کورونا کی دوسری لہر ابھی ختم نہیں ہوئی، حکومت نے کیا خبردار 8 ریاستوں میں 'R' ویلیو اب بھی زیادہ*

واضح ہوکہ نیوز رپورٹ سے ملی جانکاری کے مطابق کورونا وائرس کو لیکر حکومت نے خبردار کیا ہے کہ کوویڈ 19 کی دوسری لہر ابھی ختم نہیں ہوئی ہے۔  حکومت کا کہنا ہے کہ 8 ریاستوں میں 'R' ویلیو اب بھی زیادہ ہے۔  وزارت صحت کے لو اگروال نے منگل کو کہا کہ ملک کے 57 اضلاع میں روزانہ 100 کیسز آرہے ہیں۔  ملک کے 18 اضلاع میں کورونا کیسز زیادہ آرہے ہیں ، ان میں کیرالہ میں 10 ، مہاراشٹر میں 3 ، منی پور میں 2 ، اروناچل ، میگھالیہ اور میزورم کے 1-1 اضلاع شامل ہیں۔

○○○○○○○○○○○○○○○○○○○○○○○○

*اکھلیش یادوو کل 5 اگست کو لکھنؤ میں نکالینگے سائیکل ریلی*

واضح ہوکہ یوپی اسمبلی انتخابات کی تیاریوں میں شامل تمام سیاسی جماعتوں نے اپنی کارروائی تیز کردی ہے۔  اس تسلسل میں سماجوادی پارٹی کے قومی صدر اکھلیش یادو ایک بار پھر سائیکل چلانے جا رہے ہیں۔  اس بار لکھنؤ سے اس کا آغاز ہوگا۔  سماج وادی پارٹی کے قومی صدر اکھلیش یادو 5 اگست کو لکھنؤ میں سائیکل یاترا نکالیں گے۔  وہ 6 بڑے مسائل پر سائیکل چلائے گا۔  ان میں مہنگائی ، کسان ، بے روزگار ، ریزرویشن ، کرپشن اور اعظم خان پر کارروائی اہم مسائل ہوں گے۔

○○○○○○○○○○○○○○○○○○○○○○○○

*بہار:راجدھانی میں سیلاب کا خطرہ بڑھا 4 ندیاں خطرے کے نشان سے اوپر*

واضح ہوکہ نیوز رپورٹ سے ملی جانکاری کے مطابق بہار کے دارالحکومت پٹنہ میں سیلاب کا خطرہ بڑھ رہا ہے۔ اس کے چاروں طرف 5 ندیاں بہتی ہیں۔ ان میں سے چار نے خطرے کے نشان کو پار کرلیاہے۔ گنگا ، پن پن ، دردھا اور کرورائ ندیاں کی آبی سطح پیر کی دیر رات خطرے کے نشان کو پار کر گیا۔سون ندی کے آبی سطح بھی تیزی سے بڑھ رہی ہے۔ حالانکہ اس کے پانی کی سطح خطرے کے نشان سے نیچے ہے۔ ان ندیوں میں پانی کے غیر متوقع اضافے کی وجہ سے پٹنہ کے نشیبی علاقے میں پانی تیزی سے پھیلنے لگا ہے۔ انتظامیہ پشتوں کے اوپر بہہ رہے پانی کو کنٹرول کرنے کے لئے ریت سے بھری بوریاں لگا رہا ہے۔ ندیوں کی آب سطح ایسے ہی بڑھتا رہا تو پٹنہ میں بھی سیلاب کا خطرناک منظر دیکھنے کو مل سکتا ہے۔

○○○○○○○○○○○○○○○○○○○○○○○○

*وزیر اعظم نریندر مودی کلیان انا یوجنا کے مستفضین سے بات چیت کی*

واضح ہوکہ نیوز رپورٹ سے ملی جانکاری کے مطابق وزیر اعظم نریندر مودی  نے منگل کے روز پی ایم غریب کلیان انا یوجنا کے مستفضین سے بات کرتے ہوئے کہا ہے کہ حکومت مسلسل کوشش کر رہی ہے کہ ہر طبقے کے لوگوں تک اس اسکیم کا فائدہ پہنچے۔ اس دوران انہوں نے غریبوں کی مدد کے معاملے میں گزشتہ حکومتوں پر سوال اٹھائے ہیں۔وزیر اعظم مودی نے ایک مستفیض شخص سے بات چیت کے دوران کہا کہ ’حکومت شہریوں کو مدد پہنچانے کی ہرممکن کوشش کر رہی ہے۔ اسکیموں کو مستفضین تک پہنچانا چاہئے۔ میں مطمئن ہوں کہ آپ کی فیملی کی راشن کی پریشانی سلجھ گئی ہے‘۔ انہوں نے کہا کہ آج گجرات کے لاکھوں فیملی کو پی ایم غریب کلیان انا یوجنا کے تحت ایک ساتھ مفت راشت تقسیم کیا جا رہا ہے۔

○○○○○○○○○○○○○○○○○○○○○○○○

*نجیت ساگر باندھ کے پاس ہندوستانی فوج کا ہیلی کاپٹر حادثے کا شکار، دونوں پائلٹ محفوظ*

واضح ہوکہ نیوز رپورٹ سے ملی جانکاری کے مطابق پٹھان کوٹ: پنجاب واقع پٹھان کوٹ میں ہندوستانی فوج  کا ہیلی کاپٹر  حادثے کا شکار ہوگیا ہے۔ بتایا گیا ہے کہ یہ حادثہ رنجیت ساگر ڈیم کے پاس ہوا ہے۔ موقع پر پولیس اور فوج کی ٹیم پہنچ گئی ہے۔ پٹھان کوٹ کے سینئر پولیس سپرنٹنڈنٹ سریندر لانبا نے بتایا کہ رنجیت ساگر باندھ میں فوج کا ایک ہیلی کاپٹر حادثے کا شکار ہوگیا ہے۔نیوز ایجنسی اے این آئی کے مطابق، فوج کے ذرائع نے بتایا کہ رنجیت ساگر باندھ میں حادثے کا شکار ہوئے آرمی ایویئیشن اے ایل ایچ دھرو ہیلی کاپٹر کے دونوں پائلٹ محفوظ ہیں۔ ہیلی کاپٹر نے پٹھان کوٹ سے اڑان بھری تھی اور مستقل اڑان کے دوران حادثے کا شکار ہوا۔

○○○○○○○○○○○○○○○○○○○○○○○○

*ہندوستانی اولمپک کھلاڑیوں کو لال قلعہ پر مدعو کریں گے وزیر اعظم مودی*

واضح ہوکہ نیوز رپورٹ سے ملی جانکاری کے مطابق  وزیر اعظم نریندر مودی  پورے ہندوستانی اولمپک  ٹیم کو مہمان خصوصی کے طور پر لال قلعہ پر مدعو کریں گے۔ ہندوستانی اولمپک ٹیم کو وزیر اعظم نریندر مودی یوم آزادی کے موقع پر مہمان خصوصی کے طور پر مدعو کریں گے۔ وزیر اعظم اس وقت کے آس پاس ان سبھی سے انفرادی طور پر ملیں گے اور بات چیت بھی کریں گے۔

○○○○○○○○○○○○○○○○○○○○○○○○

*کورونا کی ہدایات کے نام پر محرم اور عزاداری کی توہین ناقابلِ برداشت: آل انڈیا شیعہ حسینی کونسل*

واضح ہوکہ نیوز رپورٹ سے ملی جانکاری کے مطابق آل انڈیا شیعہ حسینی کونسل کے صدر معروف دانشور اور عالم دین علی ناصر سعید عبقاتی عرف آغا روحی نے اتر پردیش کے بدلتے منظر نامے کے حوالے سے تشویش کا اظہار کرتے ہوئے واضح کیا ہے کہ اگر عوام کو تحفظ فراہم کرنے اور ریاست میں قیامِ امن کے لیے متعین کئے گئے افسران ہی غیر ذمہ داری کا مظاہرہ کریں گے، تو ملک کے امن پسند اور جمہوریت میں یقین رکھنے والے لوگوں کے کئے مسائل مزید ابتر و پیچیدہ ہوجائیں گے۔روح الملت کے مطابق کورونا کی گائڈ لائن کے نام پر اتر پردیش کے ڈی جی پی کے تحریری بیان اور ہدایت نامے نے صرف اہل تشیع حضرات کے جذبات کو ہی مشتعل و مجروح نہیں کیا ہے بلکہ محرم کی تقدیس اور کربلا کی روح پر بھی ضرب کاری کی ہے۔ ہندوستان کی سب سے بڑی ریاست کے ڈائرکٹر جنرل پولس کی زبان اور طرز تحریر نے ان تمام لوگوں کو مایوس کیا ہے جو ملک اور بالخصوص اتر پردیش میں شیعہ سنی اور ہندو مسلم اتحاد کے حامی ہیں۔ اور اس اتحاد و اتفاق کے لیے اپنے جائز حقوق جذبوں اور خواہشوں کی قربانیاں بھی پیش کرتے رہے ہیں۔

○○○○○○○○○○○○○○○○○○○○○○○○

*ملک میں ایک دن میں 42 ہزار  سے زائد کرونا کے نئے کیسز*

واضح ہوکہ نیوز رپورٹ سے ملی جانکاری کے مطابق ملک میں کرونا وائرس کے نۓ کیسز میں کمی دیکھنے کو مل رہی ہے ، کویڈ ١٩ انڈیا ویب سائٹ کے مطابق 4 اگست  1:27 AM بجے  اپڈٹ  رپورٹ کے مطابق ملک میں ایک دن میں42,510  نۓ کیسز رپورٹ ہوئے ہیں جس کے بعد کرونا متاثرین کی مجموعی تعداد  3,17,67,965 پہونچ گئ ہے جبکہ ایک دن میں 561 لوگوں کی موت کے بعد اموات کی مجموعی تعداد 4,25,789 پہونچ گئ ہے ، اب تک کل 3,09,25,348  افراد شفایاب ہوچکے ہیں اس وقت 4,04,248 ایکٹیو کیسز ہیں۔

○○○○○○○○○○○○○○○○○○○○○○○○

*طالبان کی ہرات اور لشکر گاہ پر قبضے کی کوششیں، افغان فوج کے ساتھ سخت لڑائی جاری*

واضح ہوکہ بی بی سی میں شائع رپورٹ کے مطابق افغانستان کے ایک بڑے شہر لشکرگاہ میں طالبان اور افغان فوج کے مابین شدید لڑائی جاری ہے جس کے بعد ان خدشات کا اظہار کیا جا رہا ہے کہ بین الاقوامی افواج کے انخلا کے بعد شاید یہ شہر طالبان کے قبضے میں آنے والا پہلا صوبائی دارالحکومت ہو سکتا ہے۔جنوبی ہلمند صوبے کے شہر لشکر گاہ میں امریکی اور افغان ایئرفورس کے طالبان کے خلاف لگاتار حملے جاری ہیں۔ مگر اس کے باوجود طالبان  فورسز پر شدید حملے جاری رکھے ہوئے ہیں۔اگر لشکر گاہ افغان حکومت کے ہاتھ سے نکل گیا تو یہ سنہ 2016 کے بعد طالبان کے کنٹرول میں آنے والا پہلا صوبائی دارالخلافہ ہو گا۔افغانستان کے مغربی شہر ہرات اور جنوب میں صوبہ ہلمند کے مرکزی شہر لشکرگاہ میں شدید لڑائی کے بعد طالبان نے دعویٰ کیا ہے کہ وہ ان بڑے شہروں کے مختلف حصوں پر قابض ہو چکے ہیں۔

https://www.facebook.com/ABD-News-207733003414201/

سدا بہار جوان رہنے کیلئے کیسا ناشتہ ضروری؟

 اگست 4, 2021

(اردو اخبار دنیا)صبح کا ناشتہ طبی لحاظ سے خصوصی اہمیت کا حامل ہوتا ہے مگر روز مرہ زندگی کی افراتفری کے دوران اکثر لوگ یا تو ناشتہ نہیں کرتے یا پھر صحت کے لیے مفید ناشتہ کرنے سے قاصر رہتے ہیں۔اکثر افراد صبح کا ناشتہ یا تو گھر سے باہر دفتر میں کرتے ہیں یا گھر میں ہی مضرِ صحت غذاؤں، تیل سے نچڑتے پراٹھے کھانے سے اپنے دن کا آغاز کرتے ہیں، دونوں صورتیں ہی صحت کے لیے بے حد خطرناک ہیں۔

 

طبی ماہرین کی جانب سے تجویز کیا گیا ہے کہ صبح کا ناشتہ کیئے بغیر گھر سے باہر نہیں نکلنا چاہیئے اور اگر گھر میں بنا ہوا عین حفظانِ صحت کے مطابق صحت بخش غذاؤں سے ناشتہ کیا جائے تو یہ دن کی پہلی غذا سارا دن جسم کو توانائی فراہم کرتی ہے، اس کے علاوہ کچھ ایسی غذائیں بھی ہیں جو برسہا برس آپ کو تندرست و جوان رکھنے میں مددگار ثابت ہوتی ہیں۔فٹنس ایکسپرٹس بھی اس بات پر یقین رکھتے ہیں کہ بڑھتی عمر اگرچہ ایک قدرتی عمل ہے مگر اس کا 80 فیصد تعلق آپ کے طرزِ زندگی اور غذا سے ہوتا ہے، انسان میں بڑھتی عمر کے اثرات سب سے پہلے چہرے اور بالوں پر ظاہر ہونا شروع ہوتے ہیں۔

 

مرد اور خواتین ان اثرات کو زائل کرنے کے لیے مختلف جتن کرتے ہیں، ناشتہ چونکہ دن کی اہم ترین غذا ہوتی ہے، لہٰذا اس میں اگر ضروری اور متوازن غذاؤں کا باقاعدگی سے استعمال جاری رکھا جائے تو با آسانی جھریوں اور بوڑھے دکھنے سے بچا جاسکتا ہے۔غذائی و طبی ماہرین کی جانب سے عمر کے اثرات سے بچنے کے لیے تجویز کی گئی غذائیں مندرجہ ذیل ہیں:

تخمِ بالنگا

تخمِ بالنگا کا استعمال عموماً مشروبات میں کیا جاتا ہے لیکن اس کے بیج بڑھتی عمر کے اثرات کم کرنے کا باعث بھی بنتے ہیں، تخمِ بالنگا پروٹین سے بھرپور ہوتا ہے، اس میں پایا جانے والا اومیگا 3 فیٹی ایسڈ انسان میں بڑھتی عمر کے اثرات کم کرنے اور جِلد کو ہائیڈریٹ اور موئسچرائز رکھنے میں مددگار ثابت ہوتا ہے۔تخم بالنگا کے بیج ذائقے دار نہیں ہوتے اسی لیے انہیں صبح ناشتے کے وقت پانی میں یا پڈنگ کے طور پر استعمال کیا جاسکتا ہے، تخم بالنگا کے بیجوں کی پڈنگ بنانے کے لیے بادام، کاجو، بیری اور چیری کا استعمال سود مند ثابت ہوتا ہے۔

 

جَو کا دلیہ:مختلف تحقیق سے یہ ثابت ہوا ہے کہ ناشتے میں جَو کا دلیہ کھانے سے خراب کولیسٹرول میں کمی واقع ہوتی ہے، جَو کے دلیئے میں پلانٹ فائبر (جسم میں جَلد جذب ہو جانے والا)، نائٹروجن کمپاؤنڈز، گوند، چینی اور فیٹس کی معمولی مقدار کے علاوہ نشاستہ بھی پایا جاتا ہے جو کہ انسانی جسم سے خراب کولیسٹرول کی مقدار کم کر کے تندرست بناتا ہے۔جو کا دلیہ موٹاپے کے خلاف مزاحمت کے علاوہ بھرپور اینٹی آکسیڈنٹس کا بھی حامل ہوتا ہے، یہ اینٹی آکسیڈنٹس خلیات کی مرمت کرنے، جِلد کی رونق بڑھانے اور جھریوں کو ختم کرنے کا کام بھی سر انجام دیتے ہیں۔

سبز چائے:مختلف اقسام کی چائے میں بڑھتی عمر کے اثرات زائل کرنے والے اینٹی آکسیڈنٹس پائے جاتے ہیں تاہم دیگر اقسام کی چائے کی نسبت سبز چائے میں اینٹی ایجنگ خصوصیات زیادہ پائی جاتی ہیں۔غذائی ماہرین کے مطابق یہ خصوصیات عمر بڑھنے کے اثرات زائل کرنے میں مدد دیتی ہیں اور جِلد کو جھریوں سے محفوظ رکھتی ہیں۔سبز چائے کا استعمال جِلد کے کینسر سمیت معدے اور آنتوں کے کینسر کے خلاف بھی مزاحمت پیدا کرتا ہے۔جِلد کو جھریوں سے محفوظ رکھنے کے لیے سبز چائے پینے سمیت اس چائے میں ایک ٹشو پیپر ڈبوئیں اور چہرے پر لگائیں۔اسی طرح آنکھوں کے نچلے حصے میں اگر سوجن آجائے تو وہاں بھی سبز چائے کے گیلے ٹی بیگز رکھنا مفید ثابت ہوتا ہے۔

پپیتا:پپیتا مختلف اقسام کی اینٹی آکسیڈنٹس خصوصیات، معدنیات اور حیاتین پر مشتمل ہوتا ہے۔پپیتے میں موجود خصوصی انزائمز (پاپین، بیٹاکیروٹین اور لائیکوپین) کی موجودگی اسے صحت اور جِلد کے لیے متعدد فوائد کا حامل بناتی ہے۔پپیتے کو نہ صرف کھانے سے بہت سے فوائد حاصل کیئے جا سکتے ہیں بلکہ اسے جِلد پر لگا کر بھی اسے نکھار دیا جا سکتا ہے۔لہٰذا دن کا آغاز پپیتے جیسے ذائقے دار پھل سے بھی کیا جا سکتا ہے، یہ پیٹ کی صفائی اور میٹا بالزم کی کارکردگی بہتر بنانے کے لیے نہایت مفید پھل ہے۔پپیتے کو مزید غذائیت بخش بنانے کے لیے لیموں اور چٹکی بھر نمک استعمال کیا جاسکتا ہے۔

بلیو بیریز:اگرچہ بلیو بیریز دکھنے میں چھوٹی ہوتی ہیں لیکن یہ چھوٹا سا پھل انسانی جسم میں جاکر بیش بہا فوائد کا باعث بنتا ہے۔بلیو بیریز اینٹی ایجنگ خصوصیت سیت متعدد بیماریوں کے خلاف مزاحمت کا کام کرتی ہیں، بلو بیریز کے استعمال سے طویل عرصے تک چاق و چوبند اور جوان رہا جا سکتا ہے۔وٹامنز اور فائبر سے بھرپور یہ پھل چہرے کی سرخی بڑھانے اور جِلد کی رنگت سنوارنے کا کام بھی کرتا ہے۔بلیو بیری میں موجود وٹامن سی اور ای کے باعث جِلد کی شادابی اور جگمگاہٹ میں اضافہ ہوتا ہے اور آنکھوں کی خوبصورتی ماند کرنے والے سیاہ حلقوں کا خاتمہ بھی ممکن ہوتا ہے۔

 

ایواکاڈو:ایواکاڈو کو سیلیبرٹی فوڈ کہا جاتا ہے، اس کی وجہ یہ ہے کہ ایواکاڈو ہر سیلیبرٹی کے ڈائٹ پلان میں کسی نہ کسی صورت لازمی طور پر شامل ہوتا ہے۔ناشتے میں ایواکاڈو کا استعمال بڑھتی عمر کے اثرات زائل کرنے میں معاون ہوتا ہے، ایواکاڈو میں وافر مقدار میں وٹامن بی اور ای موجود ہوتا ہے جو اسے اینٹی ایجنگ خصوصیات کا حامل بناتے ہیں۔وٹامن ای مردوں میں عمر بڑھنے کی رفتار کو کم کرتے ہوئے ان کی وجاہت میں اضافہ کرتا ہے۔دوسری جانب ایواکاڈو میں وٹامن ای، پوٹاشیم، لیثیتھن (Lecithin) سمیت دوسرے غذائی اجزاء خواتین کی جِلد کی نشوونما اور اسے موئسچرائز کرنے کا کام بھی سر انجام دیتے ہیں

دنیا کی قیمتی ترین پنکھ والی بطخ!!

 اگست 4, 2021

(اردو اخبار دنیا)ہر سال موسم گرما میں تقریباً چار سو شکاری شمالی یورپی ملک آئس لینڈ کے ایک چھوٹے اور دور دراز جزیرے کا رخ کرتے ہیں جو کہ خلیج بریزفورزو میں واقع ہے۔

یہ شکاری ایک غیر معمولی خزانے کی تلاش میں دنیا کے اس دور دراز اور انتہائی سرد خطے میں آتے ہیں، لیکن سونے یا ہیروں کی کان کی تلاش نہیں کررہے ہوتے ہیں بلکہ یہ ایک انتہائی قیمتی پنکھ یا پروں کی تلاش میں آتے ہیں۔بتایا جاتا ہے کہ لگ بھگ گزشتہ ایک ہزار برس سے یہ سلسلہ جاری ہے، اور یہ لوگ ایڈر ڈاؤن، جو کہ ایک ایڈر پولر بطخ (برفانی سمندری بطخ) کے پر ہوتے ہیں۔ اسے تلاش کرتے ہیں۔

 

یہ پر جو کہ نہایت قیمتی ہوتے ہیں اور ایک طویل عرصے سے انکا شمار کرہ ارض پر موجود گرم ترین قدرتی فائبرز میں ہوتا ہے، اور آج کل ان سے بہترین قسم کی رضائی اور کمبل تیار کیے جاتے ہیں۔ایڈر ڈاؤن پروں کے ایک کلوگرام وزن کی قیمت ہزاروں ڈالرز کے مساوی ہوتی ہے، کیونکہ اس سے لگژری اشیا تیار کی جاتی ہیں۔

یہ قطبی بطخ اپنے ان پروں کو اپنے سینے کے قریب کے حصے سے جھاڑ کر گراتے ہیں اور پھر انھیں اپنی افزائش نسل کے دوران اپنے گھونسلوں کو محفوظ رکھنے کے لیے استعمال کرتے ہیں، اور یہ شکاری انہی گھونسلوں کی تلاش میں یہاں آتے ہیں۔

کھانے بنانے والا روبوٹ تیار

 اگست 4, 2021

(اردو اخبار دنیا)حال ہی میں ماہرین نے ایسا روبوٹ بھی تیار کرلیا جو گھر کا کھانا بنا سکتا ہے۔یہ باقاعدہ ہاتھ اور پاؤں والا روبوٹ نہیں بلکہ ایک اسمارٹ آلہ ہے جو 3 آسان مراحل میں کام کرتا ہے۔اس میں ایک ذہین باورچی چھپا ہے جو مزیدار کھانے، سالن، سوپ، چاول، پاستا، فجیتا اور دیگر بے شمار اقسام کے کھانے تیار کرسکتا ہے۔

 

اس کے اوپر رکھے برتنوں سے وقفے وقفے سے اجزا نکل کر شامل ہوتے رہتے ہیں اور اندر موجود روبوٹک چمچ کھانے کو اپنے انداز سے تیار کرتا رہتا ہے۔کھانا بننے کے بعد اسے کھولنا، بند کرنا اور دھونا بہت آسان ہے کیونکہ اس کے اندر چمچہ اور ہانڈی بھی یہی روبوٹ ہے۔

راج کندرا کی گرفتاری، بیٹے کی پہلی پوسٹ سے والد ہی غائب

 اگست 4, 2021

(اردو اخبار دنیا)نامور کاروباری شخصیت راج کندرا کی فحش فلمیں بنانے کے کیس میں گرفتاری کے بعد ان کے بیٹے ویان کندرا کی پہلی سوشل میڈیا پوسٹ منظر عام پر آگئی۔فوٹوز اینڈ ویڈیوز شیئرنگ ایپ انسٹاگرام پر اسٹار کڈ ویان کندرا نے چند تصویریں پوسٹ کیں۔

 

والدہ کے ساتھ شیئر کی گئی ان تصاویر میں ویان اور شلپا شیٹی انتہائی خوش دکھائی دے رہے ہیں، تاہم انھوں نے ان تصاویر کے ساتھ کوئی عنوان تحریر نہیں کیا۔یہاں دلچسپ بات یہ ہے کہ ویان کندرا کی ان تصاویر میں صرف ماں شلپا اور بیٹا ویان ہی ہے، جبکہ ان میں والد راج کندرا موجود نہیں ہیں۔تصاویر دیکھنے سے یوں محسوس ہوتا ہے کہ جیسے یہ راج کندرا کی گرفتاری سے پہلے لی گئی ہوں۔

 

خیال رہے کہ 20 جولائی کو ممبئی پولیس کی کرائم برانچ نے راج کندرا کو فحش فلمیں بنانے اور انھیں ایپ کے ذریعے ریلیز کرنے کے الزام میں گرفتار کیا تھا۔ پولیس کی جانب سے عدالت میں دعویٰ کیا گیا تھا کہ ان کے پاس راج کندرا سے متعلق واضح ثبوت موجود ہیں۔ دوسری جانب راج کندرا کے خلاف فحش فلموں کی پروڈکشن کا کیس زیرِ سماعت ہے اور وہ اس وقت جوڈیشل ریمانڈ پر جیل میں ہیں۔

یوپی: ’لو جہاد‘ معاملہ میں مغل بادشاہ اکبر اور ان کی بیوی جودھا بائی کی انٹری!

 اگست 4, 2021

(اردو اخبار دنیا)الٰہ آباد:اتر پردیش میں ’لو جہاد‘ کے خلاف قانون بننے کے بعد بھلے ہی بڑی تعداد میں لو جہاد کو لے کر کیسز درج کیے گئے ہوں، لیکن بیشتر معاملے فرضی ہی ثابت ہوئے ہیں اور دو الگ الگ مذاہب سے تعلق رکھنے والے لڑکے اور لڑکیوں نے اپنی مرضی سے شادی کرنے کی بات کہی ہے۔ اس کے باوجود ’لو جہاد‘ کو لے کر ہنگامہ کم ہونے کا نام نہیں لے رہا ہے۔ گزشتہ دنوں ایٹہ کا ایک معاملہ بھی سامنے آیا جس میں شادی کے لیے دھوکے سے مذہب تبدیل کرائے جانے کا الزام لگایا گیا۔ اس تعلق سے الٰہ آباد ہائی کورٹ میں عرضی بھی داخل کی گئی تھی جس پر فیصلہ سناتے ہوئے مغل بادشاہ اکبر اور ان کی بیوی جودھا بائی کی مثال لوگوں کے سامنے رکھی گئی۔

دراصل ایٹہ لو جہاد معاملہ پر الٰہ آباد ہائی کورٹ نے تلخ تبصرہ کرتے ہوئے کہا کہ محض شادی کے لیے ڈر، دھوکہ، لالچ اور دباؤ میں کی گئی مذہب تبدیلی قطعاً درست نہیں۔ ایسے مذہب تبدیلی میں عبادت کا طریقہ تو بدل جاتا ہے، لیکن اس خاص مذہب کے تئیں کوئی عقیدت نہیں ہوتی۔ عدالت نے کہا کہ اس طرح کی مذہب تبدیلی میں متعلقہ افراد کے ساتھ ہی ملک و سماج پر بھی برا اثر پڑتا ہے۔عدالت نے اپنے فیصلے میں واضح لفظوں میں کہا کہ شادی کرنے کے لیے لڑکیوں کا مذہب بدلوانا پوری طرح غلط ہے، کیونکہ مذہب بدلے بغیر بھی شادی کی جا سکتی ہے، رشتے نبھائے جا سکتے ہیں، ایک دوسرے کے مذہب اور اس کے طریقۂ عبادت کی عزت کر رشتوں کو مزید مضبوط کیا جا سکتا ہے۔ الٰہ آباد ہائی کورٹ نے کہا کہ الگ مذاہب کے لوگوں میں شادی اور رشتوں کو بہتر طریقے سے نبھانے میں مغل بادشاہ اکبر اور ان کی ہندو بیوی جودھا بائی کی شادی سے بہتر کوئی دوسری مثال نہیں ہو سکتی ہے۔ جودھا-اکبر کی یہ مثال عدالت نے ایٹہ ضلع کے جاوید عرف جابد انصاری کی ضمانت عرضی پر سنائے گئے فیصلہ میں دیا ہے۔

دراصل جاوید کے خلاف ایٹہ کے جلیسر تھانہ میں ایک ہندو لڑکی کو بہلا پھسلا کر بھگانے اور دھوکے سے مذہب تبدیل کرا کر اس کے ساتھ نکاح کرنے کی ایف آئی آر درج ہوئی تھی۔ متاثرہ لڑکی نے مجسٹریٹ کو دیے گئے بیان میں کہا تھا کہ جاوید نے سادے کاغذات اور اردو میں لکھے گئے دستاویزوں پر دستخط کرا کر دھوکے سے اس کا مذہب تبدیل کرا دیا۔ اس کے بعد پہلے سے شادی شدہ ہونے کی جانکاری چھپا کر دباؤ ڈال رک اس سے نکاح کر لیا۔ وہ جاوید کے ساتھ قطعی نہیں رہنا چاہتی۔ اس معاملے میں جاوید جیل میں ہے اور خود کو جیل سے رہا کیے جانے کے مطالبہ کو لے کر الٰہ آباد ہائی کورٹ میں عرضی داخل کی تھی، جسے آج خارج کر دیا گیا۔الٰہ آباد ہائی کورٹ کے مذکورہ فیصلہ پر ہندی نیوز پورٹل ’اے بی پی لائیو‘ نے ایک تفصیلی رپورٹ شائع کی ہے جس میں لکھا گیا ہے کہ جسٹس شیکھر کمار یادو کی سنگل بنچ نے ملزم جاوید کی ضمانت عرضی خارج کر دی ہے اور اسے جیل سے رہا کیے جانے کا حکم دیے جانے سے انکار کر دیا ہے۔

ہائی کورٹ نے اپنے فیصلے میں کہا کہ مذہب عقیدت کا موضوع ہوتا ہے، یہ بہتر طرز زندگی کے بارے میں بتاتا ہے۔ ایشور کے تئیں اپنی عقیدت کا اظہار کسی بھی طریقہ عبادت کے ذریعہ کیا جا سکتا ہے۔ عقیدت کے لیے کسی خاص مذہب کی عبادت کا ہونا قطعی ضروری نہیں ہوتا۔ کسی بھی شخص کو اپنی پسند کے مذہب کو اختیار کر کے اس کا طریقۂ عبادت اپنانے کا پورا حق ہوتا ہے۔ جہاں مذہب کے تئیں اعتماد اور خودسپردگی نہیں ہوتی، وہاں تبدیلیٔ مذہب کسی لالچ، ڈر، دباؤ اور دھوکے کے ذریعہ ہوتی ہے۔ ایسی مذہب تبدیلی صفر ہے، اور اس کی کوئی آئینی یا قانونی حیثیت نہیں۔

ناندیڑ:گواوری ندی میں ڈوبنے سے نوجوان محمد یونس کا انتقال

ناندیڑ:گواوری ندی میں ڈوبنے سے نوجوان محمد یونس کا انتقال

 اگست 3, 2021

ناندیڑ:3اگست(اردو اخبار دنیا)ناندیڑ شہر کے گاڑی پورہ کے ساکن عبدالغنی شطاری القادری کے سب سے چھوٹے بھائی عبدالمبین کے بڑے فرزند نوجوان محمدیونس عمر 19 سال کی آج 3 اگست کو سہ پہرتین بجے گوداوری ندی میں تیراکی کے دوران ڈوب کر دردناک موت ہوگئی ۔

 

بتایاجا تا ہے کہ یونس آج سہ پہر عیدگاہ علاقہ میں اپنے نانی کے گھر گیاتھا۔اس وقت اسکے کچھ دوست اسی علاقہ میں گوداوری ندی میں تیراکی کررہے تھے انھوں نے یونس کوموبائل کرکے تیراکی کیلئے بلایا ا سلئے وہ بھی ندی پر پہنچ گیا ۔تیراکی کیلئے جیسے ہی ندی میںچھلانگ لگائی وہ ریت کیلئے کھودے گئے گہرے گڑھے میں چلاگیااور واپس اوپر نہیں آیا ۔

دوست کو ڈوبتا دیکھ کر دوسرے دوستوں نے اسے بچانے کی کافی کوشش کی لیکن ریت کی غیرقانونی نکاسی کیلئے کئے گئے گہرے گڑھے کی وجہہ سے وہ ڈوب گیا۔اسکی تلاش کیلئے فی الفور دیگر ماہرتیراک بھی گوداوری ندی کود پڑے اور یونس کی تلاش شروع کردی ۔تقریبا نصف گھنٹہ بعد اسکی نعش ہی انکے ہاتھ لگی ۔جیسے ہی گھر والوں کو یہ المناک خبر ملی اُن پر جیسے غم کاپہاڑٹوٹ پڑا ۔

 

یونس گھر کا بڑا لڑکاتھااور کچھ سالوںسے ائیرکنڈیشن کا کام کررہاتھااور ہرکوئی اسکے کام اور ایمانداری کی تعریف کرتاتھا ۔جب بھی کسی سے ملتا بہت خلوص و اخلاق سے ملتا۔یونس کے والدا ور والدہ کے علاوہ تمام افراد خاندان شدید صدمے میں ہے ۔آج شب تقریبا نو بجے یونس کی نماز جنازہ عیدگاہ علاقہ میں ادا کی گئی اور تدفین شب دس بجے مکہ مسجد چوک بازار سے متصل قبرستان میں عمل میں آئی۔اللہ تعالی سے دعا ہے کہ وہ یونس کے گناہوں کامعاف فرمائے ‘لواحقین کوصبرجمیل دے اور جنت الفردوس میں اعلیٰ مقام عطاءکرے آمین