تیر کر مکہ جانے کی کوشش کرنے والا ملائیشین نوجوان زیر حراست

05/08/2021

ریاض ،5؍اگست:(اردواخباردنیا)ایجنسیاں)جہازوں اور کشتیوں میں سفر کے زمانے سے قبل تو سنا تھا کہ لوگ پیدل #حج و #عمرہ کرنے جاتے ہیں لیکن ملائیشین حکام نے ایک ایسے نوجوان کو حراست میں لیا ہے جو کہ بذات خود تیر کر مکہ جانے کی کوشش کر رہا تھا۔ملائیشیا کے مختلف ابلاغی ذرائع کے مطابق 28 سالہ نوجوان نے تانجونگ شہر کے ساحل سے #سمندر میں چھلانگ لگا دی تھی اوراسے کچھ دیر بعد #پولیس نے سمندر میں تیرنے کے دوران حراست میں لے لیا تھا۔

ملائیشین #اخبار ‘نیو سٹریٹس ٹائمز’ کے مطابق اس سے قبل بھی اس شخص نے لاک ڈائون کے دوران سمندر کو پار کر کے دوسرے جزیرے پر رہنے والے اپنے دوست کو ملنے کی کوشش کی تھی۔مقامی پولیس کے سربراہ کے مطابق ابتدائی معلومات کے مطابق ملزم دونوں واقعات میں ملوث ہے۔ اس بار ملزم کا کہنا ہے کہ وہ مکہ جانے کی کوشش کر رہا تھا۔حکام کے مطابق متاثرہ شخص کو پنانگ ہسپتال منتقل کر دیا گیا ہیاور اس کا ذہنی توازن چیک کیا جارہا ہے۔

تحقیقات کے مطابق #تیراکی کے دوران اس شخص کے جسم سے #منشیات کا سراغ نہیں ملا اور پولیس یہ معلوم کرنے کی کوشش کر رہی ہے کہ آخر اس شخص نے تیر کر مکہ جانے کا فیصلہ کیوں کیا۔ملائیشیا اور #سعودی عرب کے ساحلوں کے درمیان فاصلہ 4455 ناٹیکل میل 8250 کلومیٹر کی دوری پر واقع ہے۔

واٹس ایپ نے ایک اور زبردست فیچر متعارف کرایا

05/08/2021

واشنگٹن ،5؍اگست:(اردوداخبارنیا)ایجنسیاں)پیغام رسانی کے لیے استعمال ہونے والی موبائل ایپلی کیشن واٹس ایپ نے صارفین کے لیے ایک اور زبردست فیچر متعارف کرادیا۔واٹس ایپ کی جانب سے دنیا بھر کے دو ارب سے زائد صارفین کے لیے آئے روز نت نئے اور دلچسپ #فیچرز متعارف کرائے جاتے ہیں، جس کا مقصد #صارفین کو بہتر اور اچھی سہولت فراہم کرنا ہے۔

#واٹس ایپ نے رواں سال کے تیسرے ماہ میں پیغامات از خود غائب ہونے کی سہولت فراہم کرنے کا اعلان کیا تھا، جس کے تحت کوئی بھی پیغام صارف کے پاس 7 روز بعد از خود غائب ہوجائے گا۔اب واٹس #ایپ نے اپنے بلاگ میں اسی سے متعلق ایک نئے فیچر کے متعارف کرانے کا اعلان کیا، جو اسنیپ چیٹ کی طرز پر بنایا گیا ہے۔اس فیچر کے بعد واٹس ایپ کے صارف کی جانب سے دوست کو بھیجی جانے والی #ویڈیو یا تصویر ایک بار دیکھنے کے بعد خود بہ خود غائب ہوجائے گی اور یہ ماضی کی طرح گیلری میں محفوظ نہیں ہوگی۔

#فیس بک کی زیرملکیت کمپنی واٹس ایپ نے بتایا کہ اس فیچر کا مقصد #صارفین کی جانب سے بھیجی جانے والی حساس معلومات کو تحفظ فراہم کرنا ہے۔واٹس ایپ کے مطابق یہ فیچر رواں ہفتے کے اختتام تک دنیا بھر کے تمام صارفین کے لیے دستیاب ہوگا۔

یہ خاتون کورونا لاک ڈاؤن کی پابندیوں کے درمیان دو بار حاملہ ہوئی اور ایک سال کے اندر چار بچوں کو جنم دیا۔

(اردو اخبار دنیا)

یہ خاتون کورونا لاک ڈاؤن کی پابندیوں کے درمیان دو بار حاملہ ہوئی اور ایک سال کے اندر چار بچوں کو جنم دیا۔

پرائمری اسکول ٹیچر جیسیکا پرچرڈ Jessica Pritchard نے مئی 2020 میں اپنی بیٹی میا کو جنم دیا اور 11 ماہ بعد انہوں نے مزید 3 بچوں کو ایک ساتھ جنم دیا۔

ان کے چاروں بچے صحت مند ہیں۔ اب ان کی فیملی میں کل 5 بچے ہیں ،جس کی وجہ سے جیسکا خود اور ان کے پارٹنر ہیری ولیمز (Harry Williams) بھی بہت خوش ہیں۔

خود کو خوش قسمت مانتی ہیں جیسیکا اور 34 سالہ ان کے پارٹنر ہیری ولیمز (Harry Williams) اس بات کو لیکر بہت خوش ہیں کہ ان کا کنبہ پانچ بچوں کا بھرا پورا کنبہ ہے۔

جیسیکا بتاتی ہیں کہ ان کی سب سے بڑی مولی 8 سال کی ہے اور جب انہیں معلوم چلا کہ جیسیکا ایک ساتھ تین بچوں کو جنم دینے جا رہی ہیں تو سب کافی خوش تھے۔ وہ خود کو خوش قسمت مانتی ہیں کہ آٹھ سال کے اندر ان کے پانچ بچے ہیں۔

جسییکا کہتی ہیں کہ بارہ ماہ کے اندر چار بچے ہونا بالکل آسان ہیں تھا لیکن سب سے دلچسپ بات یہ ہے کہ بچوں کو ایک ساتھ بھوک لگتی ہے اور انہیں ایک ساتھ فیڈ کرانا بیحد مزیدار ہوتا ہے۔

کثیرقومی بحری فوجی مشق میں ہندوستان کے جنگی جہازہونگے شامل

کثیرقومی بحری فوجی مشق میں ہندوستان کے جنگی جہازہونگے شامل

 (اردو اخبار دنیا)

نئی دہلی

وزارت دفاع نے بحیرۂ جنوبی چین میں 4جنگی جہاز بھیجنے کا اعلان کیا ہے، جو 2 ماہ تک وہاں موجود رہیں گے۔

یہ جہاز ان فوجی مشقوں میں حصہ لیں گے جو 5 ممالک کا اتحاد اس بحری علاقے میں منعقد کر رہا ہے۔

ہندوستانی وزارت دفاع نے اپنے بیان میں کہا ہے کہ اس کے جہاز اس ماہ کے اوائل میں روانہ ہو رہے ہیں۔ 4 جہازوں پر مشتمل ب ٹاسک فورس 2 ماہ کے دوران مختلف بحری مشقوں میں حصہ لے گی۔

ان مشقوں میں امریکا، جاپان اور آسڑیلوی افواج کے ساتھ مالا بار بحری مشق 2021ء اور بحیرۂ جنوبی چین میں کثیر فریقی مشقیں شامل ہیں۔

حالیہ ہفتوں میں جنوبی بحیرہ چین میں بحری سرگرمیاں تیز ہوئی ہیں۔ واضح رہے کہ چین جنوبی بحیرہ چین کے تقریباً بیشتر سمندری علاقے پر اپنی ملکیت کا دعویٰ کرتا آیا ہے اور اس نے کئی علاقوں میں مصنوعی جزیرے بھی تعمیر کر رکھے ہیں۔

آبزور ریسرچ فاؤنڈیشن کے مطابق جنوبی چین کے سمندری پانیوں میں بھارت کی دلچسپی کی وجہ یہ ہے کہ ایشیا بحرالکاہل خطے کے ممالک کے ساتھ بھارت کی 55 فیصد تجارت جنوبی چین کے سمندری راستے سے ہوتی ہے جس کی مالیت تقریباً 200 ارب ڈالر سالانہ ہے۔

بھارت اس سمندری راستے سے آزاد تجارت کو بلا روک ٹوک جاری 

اولمپکس میڈ ل: ہاکی کپتان منپریت سے مودی نے کی بات

پی ایم کی کال

• 
  
 
•    
•   

 

(اردو اخبار دنیا)

وزیر اعظم نریندر مودی نے آک ٹوکیو اولمپکس میں برونز میڈل جیتنے پر ہندوستانی مردوں کی ہاکی ٹیم سے ٹیلی فون پر بات کی۔ 41 سال کے بعد تمغے کی قحط کو ختم کرتے ہوئے کپتان منپریت کی ٹیم نے بیلجیم کو 5-4 سے شکست دے کر برونز پر قبضہ کیا۔ اس کے بعد ملک بھر میں تقریبات اور مبارکبادوں کا دور شروع ہوا۔ وزیر اعظم نریندر مودی نے جیت کے فورا بعد ٹوکیو میں موجود ٹیم سے موبائل پر بات کی۔ اب جانئے کیا ہوئی بات چیت ۔ من پریت: آپ کی حوصلہ افزائی نے ہماری ٹیم کے لیے بہت کچھ کیا ہے۔

 پی ایم مودی: آپ کی محنت کام کر رہی ہے۔ آپ کے کوچ نے بھی آپ کے ساتھ بہت محنت کی ہے۔ آپ کی محنت کام کر رہی ہے۔ میری طرف سے تمام کھلاڑیوں کو مبارک ہو ، بھائی۔ آپ سب 15 اگست کو مل رہے ہیں ، میں نے سب کو بلایا ہے۔ آپ کا کوچ کس کے ساتھ ہے؟

 من پریت: جی ہاں۔

 کوچ گراہم ریڈ: امید ہے کہ ہم نے آپ پر فخر کیا ہے۔ سیمی فائنل کے بعد آپ کے ساتھ آپ کی گفتگو اور آپ کے الفاظ ہمارے لیے بہت متاثر کن تھے۔

پی ایم مودی: مبارک ہو۔ آپ نے تاریخ بنائی ہے۔ میرے الفاظ نہیں ، یہ آپ کی محنت کا نتیجہ ہے۔

 من پریت نے کہا - دباؤ سے لطف اندوز ہوا اور قدرتی کھیل کھیلا۔

نئی دہلی،کانگریس کے سابق صدر راہل گاندھی، سابق وزیراعظم منموہن سنگھ اور کانگریس کی جنرل سکریٹری پرینکا گاندھی واڈرا نے ہاکی ٹیم کو اولمپک کھیلوں میں جیت حاصل کرنے پر مبارکباد دی ہے۔

نئی دہلی،کانگریس کے سابق صدر راہل گاندھی، سابق وزیراعظم منموہن سنگھ اور کانگریس کی جنرل سکریٹری پرینکا گاندھی واڈرا نے ہاکی ٹیم کو اولمپک کھیلوں میں جیت حاصل کرنے پر مبارکباد دی ہے۔

(اردو اخبار دنیا)نئی دہلی،کانگریس کے سابق صدر راہل گاندھی، سابق وزیراعظم منموہن سنگھ اور کانگریس کی جنرل سکریٹری پرینکا گاندھی واڈرا نے ہاکی ٹیم کو اولمپک کھیلوں میں جیت حاصل کرنے پر مبارکباد دی ہے۔

مسٹر گاندھی نے کہا،'ہندوستانی مرد ہاکی ٹیم کو مبارکباد۔ یہ ملک کے لیے بہت بڑی حصولیابی ہے۔ ملک کو آپ کی حصولیابی پر فخر ہے۔ آپ اس جیت کے حقدار تھے'۔

ڈاکٹر سنگھ نے کہا،'ہاکی ٹیم کے کانسے کا میڈل جیتنے کی خوشی ہوئی اور پورے ملک کے ساتھ ہندوستان کی مرد ہاکی ٹیم کو مبارکباد دیتا ہوں۔ اس شاندار مظاہرے نے درحقیقت مجھے 41 سال پہلے ان کی یادوں میں پہنچا دیا ہے جنھوں نے ہم میں بے پناہ جوش اور انرجی بھر دی تھی۔ مجھے یقین ہے کہ یہ جیت کھیل برادری اور ملک کے نوجوانوں کو اپنے اپنے شعبے میں اپنی شناخت بنانے کے لیے تحریک دے گی'۔

محترمہ واڈرا نے کہا،'زبردست کھیل کا مظاہرہ کیا اور ملک کو مزید ایک میڈل دلایا۔ اپنی مرد ہاکی ٹیم کا کھیل دیکھ کر بہت خوشی ہوئی۔ غیرمعمولی مظاہرہ'۔

پاکستان:صوبہ پنجاب میں ایک مندر پر مشتعل افراد کے حملے

 اگست 5, 2021

(اردو اخبار دنیا)

پاکستان میں صوبہ پنجاب کے ضلع رحیم یار خان کے علاقے بھونگ شریف میں ایک مندر پر مشتعل افراد کے حملے اور شدید توڑ پھوڑ کے بعد پیدا ہونے والی صورتحال کو کنٹرول کرنے کے لیے پولیس کے بعد رینجرز کو علاقے میں طلب کر لیا گیا ہے۔

سوشل میڈیا پر سامنے آنے والی ویڈیو میں دیکھا جا سکتا ہے کہ درجنوں افراد ڈنڈوں، پتھروں اور اینٹوں کے ساتھ مندر کی کھڑکیوں، دروازوں اور وہاں موجود مورتیوں کو توڑ رہے تھے۔پولیس نے بی بی سی کو بتایا کہ فوری طور پر کوئی گرفتاری عمل میں نہیں آئی۔

ڈی پی او رحیم یار خان اسد سرفراز نے بی بی سی سے بات کرتے ہوئے کہا کہ اس وقت صادق آباد کے علاقے بھونگ شریف میں پولیس کا آپریشن جاری ہے۔بعد ازاں انھوں نے تفصیلات سے آگاہ کرتے ہوئے بتایا کہ رینجرز اور پولیس اہلکار علاقے میں تعینات کر دیے گئے ہیں، صورتحال کنٹرول میں ہے اور یہاں کے مکینوں کی حفاظت کو یقینی بنایا جائے گا۔ان کا کہنا تھا کہ اس وقت واقعے کے حوالے سے قانونی کارروائی کی جا رہی ہے۔

 

یہ واقعہ جس علاقے میں پیش آیا ہے وہاں ہندو برادری کے 80 مکانات اس مندر کے گرد ہی موجود ہیں۔ علاقے میں اکثریتی آبادی مسلمانوں کی ہے۔تاہم حکام کا کہنا ہے کہ اس قسم کا کوئی واقعہ یہاں اس سے پہلے پیش نہیں آیا۔قومی اسمبلی کے رکن اور ملک میں ہندو کونسل کے سرپرست اعلیٰ ڈاکٹر رمیشں کمار نے بی بی سی کو بتایا ہے کہ آج دن بارہ بجے علاقے میں حالات کی کشیدگی کی ابتدا ہوئی۔بھونگ تھانے کے اے ایس آئی نے بی بی سی کو بتایا کہ علاقے میں موجود ایک جیولر نے فیس بک پر ایک پوسٹ کی جس میں لکھا کہ ’یہاں مسلمان اور ہندو اکٹھے کھاتے ہیں انھیں اس سے روکا جائے۔‘

وہ بتاتے ہیں کہ اس کے بعد وہاں جھگڑا شروع ہو گیا اور یہاں قریب کچے کا علاقہ بھی ہے تو شرپسند عناصر بھی یہاں پہنچ گئے۔پولیس اہلکار کے مطابق مقامی مندر میں مشتعل افراد نے توڑ پھوڑ کی اور پولیس جب موقع پر پہنچی تو اس پر بھی پتھراؤ کیا۔انھوں نے بتایا کہ ابھی واقعے کی ایف آئی آر تو درج نہیں ہوئی اور نہ ہی کوئی گرفتاری ہوئی ہے تاہم ابھی حالات کنٹرول میں ہے اور رینجرز بھی یہاں موجود ہے۔پاکستان ہندو کونسل کے سرپرست اعلیٰ ڈاکٹر رمیش نے بی بی سی سے بات کرتے ہوئے اس واقعے کو علاقے میں 23

اگست کو پیش آنے والے ایک واقعے سے جوڑا جس میں ایک آٹھ سالہ بچے پر توہین مذہب کا الزام لگا تھا۔ولیس کا کہنا ہے کہ 24 تاریخ کو ہم نے ایک آٹھ سال کے بچے کے خلاف 295 اے کے تحت مقدمہ درج کیا۔انھوں نے بتایا کہ مقامی مدرسے کی انتظامیہ نے الزام لگایا تھا کہ لائبریری میں ایک بچے نے آکر پیشاب کیا ہے۔پولیس کی جانب سے واقعے کی ایف آئی آر درج ہوئی اور بچے کو گرفتار کیا گیا۔

 

اے ایس آئی کے مطابق چونکہ بچہ نابالغ تھا اس لیے قانون کے مطابق 295 اے کی سخت سزا اسے دی نہیں جا سکتی تھی۔ مجسٹریٹ صاحب نے ضمانت پر28 تاریخ کو رہا کرنے کا حکم جاری کیا۔ڈاکٹر رمیشں نے بتایا کہ رحیم یار خان کے ڈی پی او نے اس بچے کو اٹھایا اور وہ پوسٹ ڈیلیٹ کروائی اور پھر اسے چھوڑ دیا۔ان کا کہنا ہے کہ لڑکے کو چھوڑنے کے بعد علاقے میں دوبارہ سے ایکٹویٹی شروع ہو گئی۔

’شام کو چار بجے سی پیک کا روڈ 25 کے قریب لوگوں نے بلاک کیا۔ میں نے ایڈیشنل آئی جی کو بتایا۔ ساڑھے چھ بجے انھوں کے مندر پر حملہ کیا تھا۔ گھروں میں جانے کی کوشش کی۔ پھررینجرز کو بلایا گیا۔ اور اب صورتحال کنٹرول میں ہے۔‘

ڈاکٹر رمیش نے چیف جسٹس سے مطالبہ کیا کہ وہ واقعے کا نوٹس لیں۔ انھوں نے واقعے میں ملوث افراد کی فوری گرفتاری کا مطالبہ کیا ہے۔