کورونا کے خلاف 100 دنوں تک جاری رہی جنگ، آخر کار اشون کی ہی ہوئی فتح

 اگست 6, 2021

• 

  
  
  
  

موتیہاری، 5 اگست(اردو اخبار دنیا) پتہ نہیں غلطی کہاں ہوئی لیکن میری رپورٹ کووڈ پازیٹیو آئی پہلے تو علامتیں سادہ تھیں لیکن جب مجھے سانس لینے میں دشواری ہوئی تو مجھے ایمس میں داخل کرایا گیا۔ وہاں کا ایک ایک لمحہ ایسا گزرتا تھا جیسے موت مجھے اپنی آغوش میں لینے کے لئے بے قرار ہو۔ مگر میں نے اپنے حوصلے کو کمزور نہیں پڑنے دیا۔ ہمیشہ بہتر زندگی گزارنے کے خواب دیکھاکرتا اور ہر ممکن مثبت سوچ کے سمندر میں غوطہ لگایا کرتا۔ نتیجہ تاخیر سے ہی سہی لیکن خوشگوار آیا۔ اب میں مکمل طور پر کورونا کے انفیکشن سے پاک ہوں۔ یہ باتیں رام گڑھوا بلاک کے بھالووہیہ گاؤں کے رہائشی اور رکسول کستوربا پلس ٹو اسکول کے انچارج ڈاکٹر اشون کمار اوجھا نے بتائی۔ وہ سو ویں دن صحت یاب ہونے کے بعد 30 جولائی کو ایمس سے واپس آئے ہیں۔

 

مسٹر اشون نے بتایا کہ گھر میں اس سے پہلے اس کے دونوں چھوٹے بھائیوں کو کورونا انفیکشن ہوا تھا۔ دونوں گھر میں الگ تھلگ تھے۔ اس دوران میں نے کچھ غلطی کی، جس کی وجہ سے میں نے 100 دن ہسپتال میں گزارے۔ اپنے تجربے کی بنیاد پر، میں لوگوں کو بتانا چاہتا ہوں کہ گھر میں ہوں یا باہر ہر جگہ یکساں کووڈ قوانین پر عمل کریں۔ انفیکشن کے بعد لوگ اپنے گھروں میں علاحدگی اختیار تو کرتے ہیں، لیکن ان کے لیے ہر چیز کا انتظام الگ ہونا چاہیے۔ اس کے علاوہ صرف کسی ایک شخص کو ہی ان کو کھانا پہنچانا چاہیے۔ ان کا کام کرنے والے شخص کو بھی ہمیشہ اپنے ہاتھوں کو صاف کرتے رہنا چاہیے۔ سینیٹائزر کا استعمال بحالت مجبوری ٹھیک ہے مگر صابن سے ہاتھ دھونے کو بنیادی طورپر اہمیت دی جانی چاہیے۔

 

مسٹر اشون نے بتایا کہ وہ یقینی طور پر کووڈ 19 کی ویکسین لیں گے۔ کووڈ 19 ویکسین مکمل طور پر محفوظ اور موثر ہے۔ فی الحال یہ کووڈ انفیکشن کو روکنے کا سب سے موثر طریقہ بھی ہے۔ انہوں نے کہا کہ لوگوں میں یہ غلط فہمی پائی جاتی ہے کہ ایک بار اگر کسی کوکورونا ہو جائے گاتو پھر کووڈ کا کوئی انفیکشن نہیں ہوگا۔ مگر ویکسین لینے سے ایسی خوفناک صورتحال کا باعث نہیں بنے گا۔ کووڈ کی دونوں ویکسین لینے کے بعد بھی کورونا کے پروٹوکول پر عمل کرنا لازمی ہے۔

 

کورونا کے دوران ہمیشہ صاف ستھرے ماسک کا استعمال کریں,بلا ضرورت باہر نہ نکلیں,دو افراد کے درمیان دو گز کا فاصلہ قائم رکھیں, اپنے ہاتھوں کو باقاعدگی سے صابن سے دھوئیں, کورونا کی کوئی بھی علامت دیکھیں تو فوری طور پر قریبی صحت مرکز یا ڈسٹرکٹ کوویڈ کنٹرول روم سے رابطہ کریں

افریقہ: رواں ہفتے کورونا سے اموات ریکارڈ سطح تک پہنچ گئیں، عالمی ادارہ صحت

 اگست 6, 2021

• 

  (اردو اخبار دنیا)
  
  

افریقہ میں کورونا وائرس سے اموات رواں ہفتے ریکارڈ سطح تک پہنچ گئی۔عالمی ادارہ صحت کے مطابق افریقہ میں رواں ہفتے کورونا سے 6 ہزار 400 اموات رپورٹ ہوئیں۔

 

عالمی ادارہ صحت کا کہنا ہے کہ افریقہ میں اموات کی شرح گزشتہ ہفتے سے 2 فیصد زیادہ رہی۔عالمی ادارہ صحت کے مطابق جنوبی افریقہ اور تیونس میں کورونا وائرس سے 55 فیصد اموات ہوئیں۔

تیزپات کے صحت سے متعلق طبی فوائد

 اگست 6, 2021

• 

  (اردو اخبار دنیا)

تیز پات جسے تیز پتہ بھی کہا جاتا ہے، ایشائی ممالک میں عام طور پر کھانوں میں محض خوشبو اور ذائقے کے لیے استعمال کیا جاتا ہے اور زیادہ تر خواتین اس کے دیگر طبی فوائد سے آگاہ ہی نہیں ہیں جبکہ ماہرین کا کہنا ہے کہ تیز پات ذہنی تناؤ کم کرنے سمیت دیگر بیماریوں میں معاون ثابت ہوتا ہے۔

 

غذائی و طبی ماہرین کی جانب سے تیز پات کے بے شمار فوائد گنوائے جاتے ہیں جبکہ ماہرین جڑی بوٹیوں کے مطابق کھانوں میں استعمال کیے جانے والا تیز پات ایک دوا کی طرح صحت پر اثر انداز ہوتا ہے، اس میں کچھ ایسے قدرتی اجزاء پائے جاتے ہیں جو دماغ کو پُرسکون رہنے میں مدد فراہم کرتے ہیں جبکہ تیز پتہ سانس لینے میں دشواری جیسی شکایت بھی دور کرتا ہے۔

 

سونے سے قبل اگر ایک تیز پات کسی برتن میں جلا کر کمرے میں رکھ دیں (کمرے میں دھونی دیں لیں) اور کھڑکیاں، دروازے بند کر دیں تو اس کے نتیجے میں انسان انتہائی پُرسکون نیند سو سکتا ہے کیوں کہ اس سے سانس کی دشواری دُور ہوجاتی ہے اور فضا میں ایک خوشگوار سی خوشبو بھی پھیل جاتی ہے، یہ ٹوٹکا خصوصاً دَمے کے مریضوں کے لیے بے حد مفید ہے۔علاوہ ازیں جس جگہ مچھر بہت زیادہ ہوں اگر وہاں ایک تیز پات جلا دیں تو مچھر بھاگ جاتے ہیں۔

 

تیز پات کے پتے پیٹ سے متعلق شکایتوں کو بھی دور کرتے ہیں، روزانہ اس کا استعمال چائے میں کیا جائے تو قبض، گیس اور دوسری بیماریوں سے محفوظ رہا جا سکتا ہے۔

تیز پات نہ صرف مثانے کے نظام کو بہتر بناتا ہے بلکہ مثانہ اور گردے کی پتھری کا علاج بھی کرتا۔تیز پات کی ایسیڈک خصوصیات سے پتھری ٹوٹ جاتی ہے اور پتھری کو جسم سے قدرتی طور پر نکلنے میں مدد ملتی ہے۔

تیزپات کے استعمال سے جوڑوں کے درد کا علاج:سب سے پہلے 250 ملی گرام زیتون کا تیل اور 30 گرام تیز پتا لے لیں، اب ان پتوں کو ہاتھوں کی مدد سے توڑ کر زیتون کے تیل میں بھگو دیں۔اب تیل کو ایک شیشے کی بوتل میں ڈال کر دو ہفتوں کے لیے اندھیرے میں رکھ دیں، اس بوتل کو 2 ہفتوں سے قبل نہ اندھیرے سے اٹھائیں ور نہ ہی کھولیں۔

سارہ علی خان نے والدین کی طلاق سے متعلق بڑا انکشاف کردیا

 اگست 6, 2021

• 

  (اردو اخبار دنیا)
  
  

بالی ووڈ کی ابھرتی ہوئی اداکارہ سارہ علی خان نے اپنے والدین سیف علی خان اور امریتا سنگھ کی طلاق کے بارے میں بڑا انکشاف کردیا اور بتایا کہ یہ دونوں ساتھ میں خوش نہیں تھے۔واضح رہے کہ سارہ علی خان اپنے والد سیف علی خان اور والدہ امریتا سنگھ کو یکساں اہمیت دیتی ہیں، جن کی 2004 میں طلاق ہوئی تھی۔

 

والدین کی طلاق کے بعد سارہ علی خان نے اپنی زندگی کا زیادہ تر وقت والدہ امریتا سنگھ کے ساتھ گزارا، یہی وجہ ہے کہ وہ اپنی زندگی کے اہم فیصلوں میں انھیں والد سے پہلے شامل کرتی ہیں۔سارہ کا کہنا تھا کہ میرا نہیں خیال کہ جب دونوں ساتھ میں تھے تو خوش تھے، اسی لیے مجھے لگتا ہے کہ اُس لمحے ان کا علیحدہ ہوجانا ہی بہترین فیصلہ تھا۔

 

انھوں نے والدین کے بارے میں یہ بھی کہا کہ دونوں اپنی اپنی دنیا اور زندگیوں میں خوش ہیں اور اس کی وجہ یہ ہے کہ دونوں کے بچے بھی خوش ہیں۔ان کا یہ بھی کہنا تھا کہ ہم ساتھ رہنے پر جتنا خوش ہوتے، علیحدہ ہونے میں اس سے بھی زیادہ خوش ہیں، لہٰذا جو کچھ بھی ہوتا ہے اس کے پیچھے کوئی نہ کوئی وجہ ہوتی ہے۔

ہنگولی : دن دہاڑے گیس ایجنسی کے مینجر کو بندوق کی دھاک دکھاکر لوٹنے کی واردات

 

• 

  
  
  
  

بسمت:6اگست (اردو اخبار دنیا)ہنگولی ضلع کے بسمت شہر میں آج دن دہاڑے ایک گیس ایجنسی کے مینجرکو دو نامعلوم افراد نے لوٹ لیا۔یہ سارا معاملہ سی سی ٹی وی فوٹیج میں قید ہوگیا ۔

فوٹیج میں صاف دیکھا جاسکتا ہے کہ موٹرسائیکل پرسوار دو افراد جس میںپ یچھے بیٹھے ایک شخص کے ہاتھ میں بندوق ہے جس نے گیس ایجنسی کے مینجر کوبندوق کی دھاکر بتاکر 87ہز ار روپے نقد رقم کابیاگ چھین لیااورفرار ہوگئے۔بتایاجاتا ہے کہ دونوں لٹیرے ناندیڑکی سمت روانہ ہوگئے ۔اس معاملے میں بسمت پولس اسٹیشن میں فریادی کی شکایت پرلٹیروں کے خلاف مقدمہ درج کیاگیاہے۔

چندی گڑھ ، 05 اگست ۔ ہریانہ قانون ساز اسمبلی کا مانسون سیشن 20 اگست سے شروع ہوگا۔ اس سیشن میں کئی اہم موضوعات پر غور کیا جائے گا

چندی گڑھ ، 05 اگست ۔ ہریانہ قانون ساز اسمبلی کا مانسون سیشن 20 اگست سے شروع ہوگا۔ اس سیشن میں کئی اہم موضوعات پر غور کیا جائے گا

(اردو اخبار دنیا)چندی گڑھ ، 05 اگست ۔ ہریانہ قانون ساز اسمبلی کا مانسون سیشن 20 اگست سے شروع ہوگا۔ اس سیشن میں کئی اہم موضوعات پر غور کیا جائے گا۔ یہ فیصلہ جمعرات کو چندی گڑھ میں وزیر اعلیٰ منوہر لال کی صدارت میں کابینہ کی میٹنگ میں لیا گیا۔سیشن کی کارروائی 20 اگست بروز جمعہ دوپہر 2 بجے شروع ہوگی۔ اس کے بعد ہفتہ اور اتوار کو چھٹی ہوگی۔ سیشن کی کارروائی پیر 23 اگست کو دوپہر 2 بجے سے دوبارہ شروع ہوگی۔ سیشن 24 اگست کو صبح 10 بجے شروع ہوگا۔ اس دن اسے غیر معینہ مدت کے لیے ملتوی کیا جا سکتا ہے۔سیشن کی مدت کے بارے میں باضابطہ فیصلہ 20 اگست کو اسپیکر گیان چند گپتا کی صدارت میں ہونے والی ودھان سبھا کی کاروباری مشاورتی کمیٹی کے اجلاس میں لیا جائے گا۔ اس میٹنگ میں سی ایم منوہر لال کھٹر ، ڈپٹی سی ایم دوشینت سنگھ چوٹالہ ، ڈپٹی اسپیکر رنبیر سنگھ گنگوا ، ہوم اینڈ ہیلتھ منسٹر انل وج ، اپوزیشن لیڈر بھوپندر سنگھ ہڈا اور پارلیمانی امور کے وزیر کنور پال گرجر موجود تھے۔ مانسون سیشن کی تیاریاں پہلے ہی ودھان سبھا سیکرٹریٹ نے شروع کر دی ہیں۔دریںاثنا اس میٹنگ میں ٹوکیو اولمپکس میں ہندوستانی ہاکی ٹیم کے جیتنے پرجشن منایاگیا۔ وزیر داخلہ اور وزیر صحت انل وج نے وزیراعلیٰ سمیت تمام وزراء اور عہدیداروں کو مٹھائی کھلاتے ہوئے اس خوشی کا اشتراک کیا۔ کانسی کا تمغہ جیتنے والی ہاکی ٹیم میں ہریانہ کے دو کھلاڑی ہیں۔ ان دونوں کھلاڑیوں کو 2.5 کروڑ روپے کے نقد انعام کا اعلان کرتے ہوئے ، وزیراعلیٰ نے کہاکہ سریندر کمار اور سمت کو براہ راست محکمہ کھیل میں سینئر کوچ کی نوکری دی جائے گی۔ وزیراعلیٰ نے کہا کہ ہریانہ کے ان تمام کھلاڑیوں کے لیے شاندار تقریب منعقد کی جائے گی جنہوں نے اولمپک کھیلوں میں تمغے جیتے ہیں۔

محمد عظیم الدین انصاری کو ضلع اردو ایکشن کمیٹی ویشالی کا کنوینر مقرر

محمد عظیم الدین انصاری کو ضلع اردو ایکشن کمیٹی ویشالی کا کنوینر مقرر

حاجی پور/ قمر اعظم صدیقی) اردو ایکشن کمیٹی بہار نے اردو کے فروغ اور اس کے حقوق کی بازیابی کے لیے بہار کے تمام اضلاع میں اردو ایکشن کمیٹی کی شاخیں قائم کیے جانے کا اعلان کیا ہے- ایکشن کمیٹی کے صدر جناب ایس - ایم - اشرف فرید اور جنرل سیکریٹری جناب فخر الدین عارفی نے ویشالی ضلع کی کمیٹی کی تشکیل کے لئے اردو ایکشن کمیٹی کے رکن مجلس عاملہ انوار الحسن وسطوی کو ذمہ داری سونپی ہے - چنانچہ انوار الحسن وسطوی نے ضلع اردو ٹیچرس ایسوسی ایشن ویشالی کے صدر اور اردو کے مخلص خدمتگار محمد عظیم الدین انصاری کو ضلع اردو ایکشن کمیٹی ویشالی کا کنوینر مقرر کرتے ہوئے انہیں 15 رکنی کمیٹی تشکیل دے کر اس کی فہرست ریاستی کمیٹی کو ارسال کرنے کی گزارش کی ہے - جناب عظیم الدین انصاری نے کمیٹی تشکیل دینے کی یقین دہانی کراتے ہوئے کہا ہے کہ اردو کے فروغ اور اس کے حقوق کی بازیابی کے لیے سرگرم اور فعال اشخاص پر مشتمل کمیٹی جلد ہی تشکیل دی جائے گی-